သြဂုတ်လကို ရောက်လေတိုင်း

စုမီအောင်
(ရတီ၊ သြဂုတ်-၂၀၁၄)

အပြင်မှာ မိုးက ခပ်ဖြောက်ဖြောက်လေး စွေကာ ရွာနေခဲ့သည်။ တကယ်ဆို ထီးတစ်လက်ကိုဆွဲယူ၊ အခန်းအပြင်ဘက်ထွက်၊ လမ်းမပေါ်ခြေချ၊ ကော်ဖီဆိုင်လေးတစ်ဆိုင်မှာ ကော်ဖီပူပူလေး တစ်ခွက်သောက်ကာ အတွေးတွေ ကမ္ဘာဆန့် ဖြန့်ထွက်လွင့်မျောနေဖို့ အကောင်းဆုံးအချိန်လေးပဲပေါ့။ ဒါပေမဲ့ ထူးထူးဆန်းဆန်း ကိုယ့်ရဲ့အခန်းငယ်လေးထဲမှာ နာရီတိုင်း အားငယ်ထိတ်လန့်စွာ ကိုယ်ပုန်းအောင်းလို့သာ နေချင်ပါတော့သည်။ အခုလို သြဂုတ်လကို ရောက်လေတိုင်း….ပေါ့။

            အခုလို သြဂုတ်လကို ရောက်လေတိုင်း…တစ်စုံတစ်ရာက ကိုယ့်ကို ကိုယ့်ရဲ့အခန်းငယ်လေးထဲမှာ စွဲမြဲပုန်းအောင်းနေဖို့ နူးညံ့ညင်သာစွာ အမိန့်ပေးခဲ့လေပြီ။ ကိုယ့်ကို အမိန့်ပေးခြယ်လှယ်နိုင်စွမ်းသည့် အဲဒီတစ်စုံတစ်ရာကိုသာ ကိုယ်အံ့သြနေရပြီ။ အို..တကယ်ပါပဲ…..သြဂုတ်လက ကိုယ့်စိတ်တွေ ဘယ်မှ မပြေးအောင်၊ ကိုယ့်နာရီလက်တံတွေ ဘယ်မှမရွေ့အောင်၊ ကိုယ့်ခြေလှမ်းတွေ အခန်းအပြင်ဘက် ထွက် မသွားအောင်…ကိုယ့်ကိုမှ ညှို့ညှို့ငင်ငင် နှောင်ပတ်ရစ်ဖွဲ့ထားခဲ့သည်။

            ဒါကြောင့်ပဲ ဒီသြဂုတ်လကို ရောက်လေတိုင်း ကိုယ် ဘယ်ကိုမှထွက်မသွားဘဲ ကိုယ့်ရဲ့အခန်းငယ်လေး ထဲမှာ အားငယ်ထိတ်လန့်စွာပုန်းအောင်းလို့ နေမိတတ်သည်။ တစ်ယောက်တည်းပဲ၊ တစ်ယောက်တည်းပဲ…တစ်ယောက်တည်းပါပဲ။ သြဂုတ်လရဲ့နေ့တွေ မကုန်မချင်း….ဒီလိုလေးပဲ…. ကိုယ်နေချင်ပါသည်။ သြဂုတ်လရောက်လေတိုင်း ကိုယ့်ရဲ့ပြတင်းတံခါး၊ ကိုယ့်ရဲ့အခန်း တံခါး..အရာရာကို ကိုယ် သော့ပိတ်ထားလိုက်ပြီ။ ဒီသြဂုတ်လကို ရောက်သည်နှင့် ကိုယ့်ရဲ့အခန်းငယ်လေးထဲ ဘယ်သူ့ကိုမှ ၀င်ခွင့်မပေးနိုင်တော့ပါ။ သူက လွဲလို့ပေ့ါ… ။ သူကလွဲလို့ ဘယ်သူမှ ကိုယ့်ရဲ့အခန်းငယ်လေးထဲ ၀င်မလာစေရ။

            ဒီသြဂုတ်လကို ရောက်လေတိုင်း သူ့တစ်ယောက်ကလွဲရင် ဘယ်သူ့မှ ကိုယ်မမြင်မိတော့။ ကိုယ့်မျက်လုံးတွေက သူ့တစ်ယောက်ကိုသာ ကြည့်မြင်ခံစားဖို့ အိပ်မွေ့ချခံထားရသလို ကိုယ်မော့ကြည့်လိုက်သည့် ကိုယ့်အခန်း မျက်နှာကြက်မှာ သူရှိသည်။ ဝေရီရီငေးမိလိုက်သည့် ၀ရန်တာထက်မှာ သူရှိသည်။ ကိုယ့်ရဲ့ အ၀တ်ဗီရိုထဲမှာ သူရှိသည်။ ကိုယ့်ရဲ့နံရံတွေမှာ သူရှိသည်။ နေရာတိုင်းပါပဲ။ ဖွင့်မလို့ကိုင်လိုက်သည့် ကိုယ့်ရဲ့ ကွန်ပျူတာစကရင်မှာ သူရှိသည်။ တီးမလို့ထုတ်ယူသည့် ကိုယ့်ရဲ့ဂစ်တာအိတ်ထဲမှာ သူရှိသည်။ အိပ်မလို့လဲုခွေလိုက်သည့် ကိုယ့်ရဲ့အိပ်ရာထက်မှာ သူရှိသည်။ ဖတ်မလို့ဖွင့်လိုက်သည့် သမ္မာကျမ်းစာအုပ်ထဲမှာ သူရှိသည်။  ဒီသြဂုတ်လကိုရောက်လေတိုင်း။ သူ့အသံကလွဲလို့ ဘယ်သူ့အသံမှ မကြားမိသည့်အထိ ကိုယ်ခံစားဖြစ်ပျက်နေရကြောင်း လူသိရှင်ကြား ၀န်ခံပြောပြလိုက်ပါသည်။ 

ငှက်ကလေးများတို့ရေ…ကျေးဇူးပြုပြီး သြဂုတ်နံနက်ခင်းတွေမှာ တေးမဆိုဘဲ တိတ်ဆိတ်နူးညံ့စွာ နိုးထလှုပ်ရှားပေးကြစမ်းပါ။ သူ့အသံသူ့တေးချင်းကလွဲလို့ ဘာအသံ ဘယ်သူ့သီချင်းမှ ကိုယ့်ရဲ့အခန်းငယ်လေးထဲ ၀င်မလာရ။ သူ့သီချင်းသံတွေသာ ကိုယ့်ရဲ့အခန်းငယ်လေးထဲမှာ ပျံ့လွင့်ခြယ်လှယ်နေစေရမည်။ ဒီသြဂုတ်လကို ရောက်လေတိုင်း….။

            သြဂုတ်လမှာ မက်သမျှ ကိုယ့်အိပ်မက်တိုင်းမှာ သူပါသည်။ သြဂုတ်လနံနက်ခင်းကော်ဖီခွက်ထဲမှာ သူရှိသည်။ သြဂုတ်လကိုရောက်သည်နှင့် ကိုယ့်အတွေးတွေကို ချိတ်ပိတ်ကန့်သတ်ထားလိုက်ပြီ။ သူ့အကြောင်းကလွဲလို့ တခြား ဘယ်သူ့အကြောင်းမှ ကိုယ်မတွေးမိတော့..။ နိုင်ငံရေး၊ စီးပွားရေး၊ လူမှုရေး၊ အချစ်ရေး၊ အိမ်ထောင်ရေး၊ ငြိမ်းချမ်းရေး၊၊ တရားမျှတမှုရှိရေး၊ အခြေခံဥပဒေပြင်ဆင်ရေး၊ တရားဥပဒေစိုးမိုးရေး၊ ကိုယ့်လယ်ယာမြေပြန်ရရေး၊ လွတ်လပ်စွာပြောဆို လှုပ်ရှား ရေးသားဖော်ဆောင်ခွင့်ရရေး၊ ပဋိပက္ခဖြစ်စေသည့်အရေးအသားများစောင့်ကြည့်ရေး၊ ဒီမိုကရေစီဖော်ဆောင်ရေး………ဟိုအရေး သည်အရေး…ဘာအရေးမှ ကိုယ့်ဦးနှောက်ထဲ ထည့်တွေးလို့မရ..အရာရာနှင့်အဆက်ပြတ်သွားအောင် ဒီသြဂုတ်လက ကိုယ့်အာရုံကို ဖဲ့ချွေပြုစား သိမ်းပိုက်ထားသည်။

             ဒီသြဂုတ်လထဲမှာသာ ကိုယ့်တစ်ယောက်တည်း ပုန်းခိုအိပ်စက်နေတော့မည်။ ဒီသြဂုတ်လလေးထဲ ပုန်းခိုရင်း တစ်ကိုယ်ရေသာ အိပ်စက်နေပါရစေ။ ကျေးဇူးပြုပြီး သြဂုတ်လကုန်ဆုံးသွားတဲ့အခါ ကိုယ့်ကို နှိုးလိုက်ကြပါလေ။ တကယ်လို့များ နိုးထမလာဘဲ အပြီးတိုင် ခရစ်တော်၌ ထာဝရအိပ်ပျော်ရမည်ဆိုလျှင်လည်း ဒီသြဂုတ် ၁၄မှာ ကိုယ့်ကို အတိအကျ ခေါ်ဆောင်ယူဖို့ ဘုရားသခင်ကို ကိုယ်တောင်းဆိုရပါတော့မည်။

Zigzag
(Yati Magazine, August, 2014)