Drop Down MenusCSS Drop Down MenuPure CSS Dropdown Menu

Sunday, January 01, 2017

ပါကင်ဆန်ရောဂါဆိုတာ

(၂၀၁၇ ပထမဆုံးနေ့မှာ စာအသစ်တင်ဖြစ်အောင်လို့ပါ။
သူငယ်ချင်းတစ်ယောက် သိချင်တယ်ဆိုလို့ ဖတ်ဖြစ်/ ရေးဖြစ်တာ လောလောဆယ် ပါကင်ဆန်ပဲရှိတယ်။ ဒီစာပဲတင်ထားလိုက်တော့မယ်နော်။
သိချင်တဲ့ရှိရင်လည်းဖတ်ရတာပေါ့။
ဘလောဂ့်မှာ ပုံတွေလည်းတင်မရဘူး။ ဘာတွေဖြစ်နေလည်းမသိ။ နှစ်သစ်မှာချစ်တဲ့သူငယ်ချင်းတွေ၊ မိတ်ဆွေတွေနဲ့ မိသားစုဝင်တွေအားလုံးစိတ်ချမ်းသာ၊ ကိုယ်ကျန်းမာ ရည်မှန်းချက်တွေပြည့်စုံကာ အားလုံးအတွက်ပိုကောင်းတဲ့နှစ်သစ်ဖြစ်ကြပါစေ။)
ပါကင်ဆန်ရောဂါဆိုဘာလဲ။
    ပါကင်ဆန်ရောဂါဟာ အသက်ကြီးတဲ့လူတွေမှာ အဖြစ်များတတ်ပေမဲ့ လူလတ်ပိုင်းတွေမှာလည်းဖြစ်တတ်တယ်။ ရောဂါလက္ခဏာတွေမှာ ကိုယ်ခန္ဓာလှုပ်ရှားမှုကိုထိန်းချုပ်ပေးတဲ့ ဦးနှောက်အလယ် အပိုင်းက အာရုံကြောတွေတဖြည်းဖြည်းဆုတ်ယုတ်ယိုယွင်းလာတဲ့အကျိုးဆက်ပါ။ ပထမဆုံးလက္ခဏာတွေမှာ မသိသာလှဘူး။ အားနည်းတဲ့ခံစားမှု ဒါမှမဟုတ် ခြေထောက်တစ်ဘက်မှာ တောင့်တင်းသလိုဖြစ်တာ၊ ဒါမှမဟုတ် အနားယူနေတဲ့အချိန်မှာ လက်တစ်ဘက်သိသိသာသာလှုပ်ခါနေတာမျိုးတွေပါ။ နောက်ဆုံးမှာ တုန်တုန်ယင်ယင်လှုပ်ခါမှုက ပိုဆိုးလာပြီး ပျံ့နှံ့လာပါတယ်။ ကြွက်သားတွေတောင့်လာပြီး လှုပ်ရှားမှုမှာ နှေးကွေးလာမယ်။ ဟန်ချက်ညီလှုပ်ရှားမှုတွေ ယိုယွင်းလာပါတယ်။ ရောဂါအခြေအနေဆိုးလာတာနဲ့ စိတ်ဓာတ်ကျဆင်းတာ၊ သိမှတ်နိုင်မှုနဲ့ တခြား စိတ်ရောဂါနဲ့ စိတ်ခံစားမှုနဲ့ဆိုင်တဲ့ ပြဿနာတွေက ဖြစ်ရိုးဖြစ်စဉ်လိုပါ။ ပါကင်ဆန်ရောဂါဟာ အသက် ၅၀ နဲ့ ၆၅ အတွင်းစတင်ဖြစ်တတ်ကြပြီး အဲဒီအသက်အရွယ်အုပ်စုတဲ့က ၁ ရာခိုင်နှုန်းခန့်က ရောဂါဖြစ်နိုင်ကြတယ်။ အမျိုးသမီးတွေထက် အမျိုးသားတွေမှာပိုပြီး အဖြစ်များတတ်ကြပါတယ်။ ဆေးဝါးသောက်သုံးပြီး ရောဂါလက္ခဏာတွေကို ကုသနိုင်တယ်။ မသန်မစွမ်းဖြစ်တာကို လျော့နည်းစေပါတယ်။