ရိုးရှင်းတဲ့အပြင်အဆင်ထဲက နွေရက်လေးတွေမှာ

အေးမြတဲ့ဆောင်းရက်လေးတွေထဲကနေ အချိန်တရွေ့ရွေ့တိုးလို့ နေ့တွေခရီးရှေ့ဆက်လာလိုက်တာ နေရောင်လင်းလင်း စူးလဲ့တောက်ပတဲ့နွေရက်လေးတွေထဲ တိုးဝင်ဦးတော့မှာပါပဲ။ နွေနေ့ရက်နေလေးတွေဟာ အနားယူအပမ်းဖြေခရီးလေးတွေ သွားသွားလာလာပြုလုပ်နိုင်တဲ့ သွက်လက်တဲ့နေ့လေးတွေ၊ သာယာကြည်နူးစရာနေ့ရက်လေးတွေပါ။ အေးမြတဲ့ရာသီဥတုအိမ်ခန်းအပြင်အဆင် နွေးတဲ့ရောင်စဉ်၊ နွေးတဲ့သိုးမွှေး၊ ထူထူထဲထဲ ချည်သားကောဇောအသုံးအဆောင်လေးတွေကနေ ပေါ့ပေါ့ပါးပါးချည်သား၊ ဖဲသား၊ ပိုးသားစခန်းဆီး၊ ပရိဘောဂအစွပ်လေးတွေ၊ နေရောင်ဝဝစုပ်ယူ ဖူးပွင့်လာတော့မယ့် အလှဆင်ပန်းအိုးလေးတွေအပါအဝင်၊ တခြား ပေါ့ပါးသွက်လက် အိမ်တွင်းအလှဆင်ပစ္စည်းလေးတွေနဲ့ လန်းဆန်းတဲ့အသွေးအရောင်လေးတွေ ပြောင်းလဲခြယ်မှုန်းကြည့်နိုင်ပါတယ်။ မပြောင်းမလဲ မခြယ်မှုန်းပဲ နေရင်ရော၊ မရနိုင်ဘူးလားဆိုရင်တော့။ ရတာပဲပေါ့။ ကိုယ့်ရဲ့အိမ်ခန်းလေးမှာ ရာသီအလိုက်ပြင်ဆင်မနေဘဲ လှုပ်ရှားမှုမရှိတဲ့အဆင်အပြင်မျိုးနဲ့လည်း တသမတ်တည်းသေဝပ်စွာ ရှင်သန်နေထိုင်နိုင်တာပါပဲ။

ဒါပေမဲ့ ပြောင်းလဲဆန်းသစ်မှုမရှိတဲ့နေ့ရက်တွေထဲ ကိုယ်တို့တွေ အဟောင်းအတိုင်းငြိမ်သက်စွာနေထိုင်ရင်း အချိန်တွေကုန်ဆုံးပစ်လိုက်ရမှာတော့ နှမြောစရာပါ။ နေ့စဉ်အလုပ်တာဝန်တွေနဲ့ မအားမလပ်နိုင်အောင်ရှိနေကြတော့ အိမ်ခန်းလေးကို လှည့်မကြည့်နိုင်အောင်ဖြစ်ရတာကလည်း တကယ့်ကိုပဲ၊ အချိန်ပြည့်အလုပ်တွေရှုပ်နေကြတယ်။ အလုပ်တွေလုပ်နေကြရတယ်။ လူတိုင်းလူတိုင်း ဒီလိုပါပဲ။ ဒီလိုနဲ့ပဲ ရနိုင်သမျှအချိန်လေးဆွဲယူသိမ်းထုပ်ထားမယ်ဆိုရင်။ ခက်ခက်ခဲခဲရှာဖွေမှ ရလာနိုင်တဲ့ငွေကြေးကိုလည်း နိုင်းဆချိန်ညှိပြီးတော့ သုံးစွဲမယ်။ ပြီးတော့ အချိန်ရော ငွေကြေးရော ဟန်ချက်ညီညီသုံးစွဲပြီး အိမ်ခန်းလေးကို လှပတင့်တယ်အောင် ပြင်ဆင်မယ်ဆိုရင်တော့ အိမ်လေးထဲမှာ ပျင်းရိငြီးငွေ့စရာဆိုတာ ဘယ်လိုနည်းနဲ့မှ ရှာဖွေတွေ့နိုင်မှာမဟုတ်တော့ဘူး။ ကိုယ့်ရဲ့ အိမ်ခန်းလေးကပဲ ကိုယ့်ကို ဧည့်ခံဖျော်ဖြေနေသလို၊ ကဇာတ်တစ်ပုဒ်ကိုကြည့်နေရသလို ခံစားလာရမှာပါ။ အချိန်တွေကို သိပ်အနားပေးမထားဘဲများများအလုပ်ပေးနိုင်လေလေ တွေးတောငေးမောနေစရာ အချိန်မရှိနိုင်တော့ဘူးပေါ့။ အမြဲလို လန်းဆန်းသွက်လက်နေတော့ ကျန်းမာရေးနဲ့လည်း ညီညွတ်နိုင်ပါသေးတယ်။

နွေရာသီအပမ်းဖြေနားနေနိုင်မယ့် ကမ်းခြေကအိမ်လေးတစ်လုံးရှိနေပါသလား။ ရှိခဲ့မယ်ဆိုရင် ကမ်းခြေဘက်ဆီ မိသားစုနဲ့အတူ အနားယူခရီးထွက်နိုင်ပါတယ်။ မရှိဘူးဆိုရင်လည်း စိတ်ပူစရာတော့မဟုတ်ပါဘူး။ နွေရာသီအိမ်ခန်းအလှပြုပြင်မွမ်းမံဖို့အတွက်က လွယ်ကူပါတယ်တဲ့။ ကိုယ့်ရဲ့တိုက်ခန်း၊ အိမ်ခန်းထဲမှာ လွတ်လပ်ပေါ့ပါးတဲ့ နွေရာသီဒီဇိုင်းအပြင်အဆင်လေးတွေ ခြယ်မှုန်းနိုင်တာပါပဲ။

ပရိဘောဂအတွက်ဆိုရင် - အမှောင်ကဲတဲ့အရောင်တွေ ခပ်မှိန်မှိန်ဖျော့တော့တဲ့အရောင်တွေဟာ ဆောင်းတွင်းကာလတွေအတွက် အပြည့်စုံဆုံးအရောင်အသွေးတွေပါ။ ဒါပေမဲ့ နွေရာသီမှာတော့ အပြင်ဘက်ပူပြင်းနေတဲ့အချိန် အိမ်ခန်းအတွင်းမှာ အရောင်ပြင်းတွေမသုံးသင့်ပါဘူး။ အေးမြလင်းလက်ပြီး ပေါ့ပါးတဲ့အရောင် light and airy color အရောင်လေးတွေရွေးချယ်သုံးကြည့်နိုင်ပါတယ်။ ဆက်တီတွေရဲ့ အစွပ်တွေကို ဖြုတ်နိုင်တပ်နိုင်တဲ့ ပိတ်သားနဲ့အဖုံးလေးတွေသုံးပါ။ အဖြူရောင်နဲ့ အရောင်ဖျော့လေးတွေအသုံးပြုပါ။ အဖြူ၊ ကာကီရောင်ဆက်တီစွပ်လေးတွေဟာ ထူးထူးခြားခြားမဟုတ်လှဘူးလို့ ထင်မြင်နိုင်စရာရှိပါတယ်။ ဒါပေမဲ့ အဲဒီအစွပ်လေးတွေကိုပဲ ရာသီအလိုက် အရောင်လေးတွေရွေးချယ်သုံးမယ်။ လျှော်ဖွပ်သန့်စင်ထားတဲ့အစွပ်လေးတွေလဲလှယ်လိုက်မယ်။ ပြီးတော့ မှီအုံးလေးတွေရဲ့ အစွပ်ကိုလည်း လိုက်ဖက်မယ့် အရောင်အဆင်သွေးလေးတွေ အသုံးပြုလိုက်မယ်ဆိုရင် ဧည့်ခန်းလေးဟာ တခဏလေးအတွင်းရှင်းသန့်သွက်လက်လာမှာပါ။

လိုက်ကာခန်းဆီးတွေကို - နွေညတွေရဲ့ လေညင်းးအေးမြမြအရသာခံစားနိုင်ဖို့အတွက် လေးလံပြီးအရောင်မှိုင်းမှိုင်းလိုက်ကာတွေ ဖြုတ်သိမ်းလိုက်တာ ပိုကောင်းပါတယ်။ အလှဆင်လိုက်ကာအစား ပေါ့ပါးပါးလွှာတဲ့ခန်းဆီးလေးတွေပဲ အသုံးပြုသင့်ပါတယ်။ ခန်းဆီးစလေးတွေက ပြောင်းလွယ်ပြင်လွယ်၊ ဖြုတ်ပြီးလဲလှယ်ရလွယ်ကူနိုင်တာမို့ နွေကာလတွေနဲ့ အသင့်တော်ဆုံးပါပဲ။ အပြင်ဘက်ကိုအတားအဆီးမဲ့မြင်တွေ့ဖို့ ပိုပြီးနှစ်သက်တယ်ဆိုရင်တော့ ပြူတင်းပေါက်တစ်ခုလုံးဖုံးကာမယ့် ခန်းဆီးစမသုံးပဲ နဖူးစည်းခန်းဆီးတိုလေးတွေပဲတပ်နိုင်ပါတယ်။ အဲဒီခန်းဆီစလေးတွေကို နွေရာသီနဲ့ လိုက်ဖက်မယ့် အဆင်အကွက်၊ အရောင် ရွေးချယ်တပ်လိုက်မယ်ဆိုရင် ကိုယ်တို့ပြူတင်းပေါက်လေးတွေအတွက် အလှအပပြည့်စုံသွားပါပြီ။

ဖြိုးဖြိုး
Living Fashion Magazine, March, 2013

အမြဲတမ်းအတွက် အလှပဆုံး “ချစ်မေတ္တာစံအိမ်လေး”

လေညင်းသော့သော့ နော့ကစားတဲ့အခါ ချစ်ခြင်းမေတ္တာဟာ ကိုယ့်ဆီတိုးဝင်လာတာ ခံစားမိပါရဲ့လား။ ကိုယ်က ရယူခံစားတတ်မယ်ဆိုရင်တော့ ချစ်မေတ္တာက လေညင်းလေးမှာ၊ ပန်းလေးတွေဆီမှာ၊ ကျေးငှက်ပျားကောင်လေးတွေဆီမှာ၊ ဒဏ္ဍာရီတွေထဲမှာ၊ ဖုန်းခေါ်သံလေးမှာ၊ အချစ်သီချင်းချိုချိုလေးမှာ၊ ခါးသက်ဆိမ့်မွှေး ကော်ဖီပူပူလေးတစ်ခွက်မှာ၊ လျှာဖျားပေါ်က ချိုမြနုမွ ချောကလက်လေးထဲမှာ၊ ကိုယ့်ရဲ့ အိမ်လေးထဲမှာ ကိုယ့်ရဲ့ ပတ်ဝန်းကျင်မှာ … နေရာတိုင်းမှာ ဖမ်းဆုပ်ရယူနိုင်မှာပါ။ လှုပ်လှုပ်ရှားရှား ဒီဇင်ဘာအားလပ်ရက်လေးတွေ ကုန်ဆုံးသွားပြန်တော့ ချစ်မေတ္တာသင်းပျံ့ထုံမွှန်းတဲ့ St. Valentine’s Day(ချစ်သူများနေ့)ဟာ ဖေဖေါ်ဝါရီ ၁၄ ရက်နေ့မှာ ရောက်လာခဲ့ပြန်ပါပြီ။

ပန်းခြံလေးတစ်ခု ကိုယ်မြင်မိတယ်။

ပန်းဖူးပန်းငုံပန်းတွေစုံလင်ပြည့်သိပ် သစ်ကိုင်းတွေ

မြစ်တစ်စင်း၊ စိမ်းတဲ့မြက်တစ်ခင်း။

အဲဒီမှာ ချိုမြနွေးထွေးမှု အမြဲတမ်းအတွက် လုံလောက်နေတော့တာ၊

ဖြူတဲ့ ပန်း၊ 

ပြာတဲ့ ပန်း၊

ဝါတဲ့ ပန်း ပြီးတော့ နီစွေးတဲ့ ပန်းတွေရှိနေလို့သာ

စမ်းချောင်းလေးတွေ ကောင်းမွန်အေးချမ်းစွာစီးဆင်းနေလိုက်တာများ၊ 

အဲဒီမှာ အသက်မရှိတဲ့အရာ မရှိပါဘူး။

အဲဒီမှာ သေးငယ်ပေါ့ပါးငါးလေးတွေ ကူးခတ်နေလိုက်တာများ၊

သူတို့ရဲ့ အနီသွေးရေယက်လေးတွေ၊ 

ဘော်ငွေရောင်တလက်လက်အကြေးခွံလေးတွေ 

လှပ်ခနဲ လှပ်ခနဲ လှုပ်ကာ ဟကာနဲ့ပေါ့။ ။

တေးသီနေတာ ကိုယ်ကြားမိတယ်။

သစ်တစ်ပင်ရဲ့ အကိုင်းအခက်တိုင်းမှာ ငှက်လေးတွေ ဆော့မြူးပျော်ရွှင်နေကြရှာ၊

စည်းချက်ကျန လှပနေလိုက်တာ၊

နတ်သမီးလေးတွေ သံပြိုင်တေးသီကြွေးနေသလိုပါ။

တချို့က ဝတ်ရည်ဝတ်မှုန်လေးတွေ သယ်ယူရင်း အလောတကြီး အလုပ်ရှုပ်လို့

ယုန်ငယ်လေးတွေမှာ ဒီနေရာကို အပြေးအလွှားရောက်လာ ပြေးကာပုန်းကာ ဆော့ကစားကာ၊

ခပ်ဝေးဝေးအထိ ကိုယ် အကုန်လုံးမြင်နိုင်သားပဲ။

အမြဲပြူးကြောင်စိုးထိတ်ဟန်ပန်မူရာအပြည့်နဲ့ သမင်၊ ဒရယ်၊ ချေငယ်၊ ဆိုင်၊ ဆတ်တွေပါမကျန်

ရှဥ့်ငယ်လေးတွေလိုနုနုရွရွ အကောင်ငယ်လေးတွေရောပဲ 

ခပ်ဝေးဝေးအထိ အကုန်လုံးမြင်နိုင်တာပေါ့။ ။

ကြိုးညီနေတဲ့ တူရိယာတွေဆီက ပွင့်အံထွက်ကျလာတဲ့ ဂီတသံတွေ၊

ကြားရတာ ကိုယ့်မှာ အဆုံးစွန်ချိုမြကြည်နူးလိုက်တာ။

ဒါတွေအားလုံး ဖန်ဆင်းပေးသနားတာ ဘုရားသခင်ပါ။

ကိုယ်မှန်းဆကြည့်ရရင် ဒီဂီတသံတွေလောက်

တခြားတခြားသောအရာတွေ ဘယ်တော့မှပိုကောင်းမှာမဟုတ်ဘူး။

အဲဒီမှာ လေကလေးသွေးတယ်။ 

မဆိုစလောက် သာသာညင်းညင်းရယ်၊

သစ်ရွက်စိမ်းလေးတွေမှာ တိုးဖွညင်သာအသံလေးနဲ့ ရိုက်ခတ်တယ်။

လေထဲမှာ မြောက်တက်လာတဲ့ ကျေးငှက်ငယ်လေးတွေရဲ့ မြည်တွန်သံလေးတွေနဲ့အတူတူ

ညီညွတ်ညံသာရှိနေခဲ့တာပေါ့။ ။

အဲဒီမှာ လေဟာ မျှမျှတတအေးအေးသက်သာ၊

ပူတယ် အေးတယ်ဆိုတာ ဘယ်တုန်းကမှမရှိခဲ့သလို၊

အဲဒီမှာ လေဟာ သင်းပျံ့ကြိုင်လှိုင်စွာ၊ စိမ်းမြမြက်သားပေါများစွာ၊

အဲဒီမှာ ဘယ်သူမှ မဖျားမနာ၊ မအိုပါဘူး။

ပျော်ရွှင်မှုတွေပဲ ပြောပြနိုင်တာထက် ထောင်ပေါင်းများစွာပိုပိုလာတာ၊

ညဆိုတာ မရှိပါ။

လူတိုင်းရဲ့အမြင်အာရုံမှာ အမြဲတမ်းကြည်လင်သာယာ နေ့မဟာပါ။ ။

၁၄ ရာစုက အင်္ဂလိပ်ကဗျာဆရာကြီး ချော့ဆာ(Chaucer) ရေးခဲ့တဲ့ ပထမဆုံး ချစ်သူများနေ့ကဗျာဖြစ်တဲ့ The Parliament of Fowles ကဗျာထဲက စာသားလေးတွေရွတ်ဆိုရင်း အိမ်လေးထဲမှာအတူနေထိုင်ကြတဲ့ ကိုယ်ချစ်ခင်တဲ့မိသားစုလေးကို ဂရုစိုက်ကြောင်းပြသနိုင်ဖို့ စဉ်းစားကြည့်ရအောင်နော်။

ပန်းနုရောင်နဲ့ အနီရဲရဲ အသွေးကျကျအရောင်လေးတွေဟာ ချစ်သူများနေ့နဲ့ သက်ဆိုင်တဲ့အရောင်လေးတွေပါတဲ့။ ချစ်မေတ္တာပြည့်ဝငြိမ်းချမ်းတဲ့အိမ်လေးဖြစ်ဖို့ အလှဆင်မယ်ဆိုရင် တန်ဘိုးကြီးကြီး အိမ်သုံးပရိဘောဂတွေ ဝယ်ယူပြင်ဆင်စရာမလိုပဲနဲ့ ရာသီအလိုက်အလှဆင်သလို လက်ဖြစ်ပစ္စည်းလေးတွေ ဖန်တီးတီထွင်ပြီး အလှဆင်နိုင်ပါတယ်။ ဒီလို ချစ်စရာ ပစ္စည်းလေးတွေပေါ့။

စက္ကူချပ်လှလှလေးတွေနဲ့ အသည်းပုံ၊ ပန်းပွင်ပုံ ငှက်လေးတွေ စသဖြင့် ပုံဖော်ရက်ဖွဲ့နိုင်ကြသေးတယ်။ တစ်နေ့တာပင်ပမ်းလာသမျှ လွင့်စင်ပျောက်ကွယ်သွားအောင် အိပ်စက်အနားယူချစ်စရာ အိပ်ခန်းလေးတွေလည်းရှိဦးမယ်။ 

အိမ်လေးထဲက မိသားစု၊ မိသားစုလေးထဲက မိသားစုဝင်လေးတွေ ချစ်ချစ်ခင်ခင်ရှိကြဖို့ တကယ်တမ်းကြိုးစားကြတဲ့အခါ ကိုယ်တို့ရဲ့အိမ်ခန်းလေးတွေကိုပဲအလှဆင်ခြယ်မှုန်းပြီး ချစ်တဲ့စိတ်ကို ပြသရမှာမဟုတ်ပါဘူး။ ကိုယ်တို့ အားလုံးရဲ့စိတ်ကိုပါ ချစ်တဲ့စိတ်နဲ့ကြည့်မြင်၊ အလှဆုံးခြယ်မှုန်းနိုင်ကြဖို့လိုအပ်သေးတာပါ။

ချစ်သူများနေ့မှာ ပန်းနုရောင်၊ နီစွေးစွေး အခင်းအကျင်းလေးတွေထဲမှာ ဒီစာတမ်းလေးပါ ချိတ်ဆွဲထားလိုက်မယ်ဆိုရင်တော့….

 “ချစ်ခြင်းမေတ္တာဆိုတာ ပြည့်စုံတဲ့သူတစ်ဦးကိုပဲ ရွေးချယ် ချစ်ခင်နှစ်သက်ဖို့ မဟုတ်ပါဘူး။

 မပြည့်စုံတဲ့သူကို ပြည်စုံတဲ့သူတစ်ဦးလို ကြည့်မြင်ပေးနိုင်တာကလည်း ချစ်ခြင်းမေတ္တာပါပဲ” တဲ့။

ဒီလိုဆိုရင် ကိုယ့်တို့ရဲ့ ချစ်မေတ္တာစံအိမ်လေး အမြဲတမ်းအတွက်အလှပဆုံးဖြစ်သွားမှာ သေချာသွားပြီပေါ့။  ။

မဉ္ဇူရီ
Living Fashion Magazine, February, 2013

(ပထမဆုံး ချစ်သူများနေ့ကဗျာဖြစ်တဲ့ The Parliament of Fowles ကို တိုက်ရိုက်မဟုတ်ဘဲ ဆီလျော်အောင်သာ ဘာသာပြန်ဆိုထားတာပါ။ ကျွန်မက ကဗျာမရေးတတ်တဲ့သူမို့ ဖတ်ရအဆင်မပြေဖြစ်ခဲ့ရင် နားလည်ပေးပါ။)

Source : http://www.potw.org/archive/potw313.html

လိုအပ်တဲ့အခါ နွေးထွေး သွက်လက် တောက်ပစွာ

ရာသီဥတုအလွန်အမင်း အေးမြလွန်းလှတဲ့နိုင်ငံတွေမှာဆိုရင်တော့ ဆောင်းရာသီထဲ တည့်တည့်တိုးဝင်မရောက်ရှိသေးခင်မှာပဲ “ဆောင်းရာသီမှာ” ဆိုတဲ့ အတွေးနဲ့ အဆင်ပြေပြေနေထိုင်နိုင်စေဖို့ ပြင်ဆင်ကြရတယ်။ ကိုယ့်ရဲ့ အိမ်ခန်းလေးကို မွမ်းမံပြင်ဆင်တာတွေ၊ အစားအသောက် အသီးအနှံတွေကြိုတင်စုဆောင်းကြတာတွေ မဖြစ်မနေပြုလုပ်ကြရတာပါ။ အပူချိန် သုညဒီဂရီအောက်ရောက်သွားကြတဲ့အချိန်မှာဆိုရင် သစ်သီးဝလံ၊ အသီးအရွက်တွေလည်း မသီးမပွင့် မဝေဆာနိုင်တော့ပါဘူး။ အရိုးပြိုင်းပြိုင်း အရိုင်းဆန်ဆန်အပင်တွေနဲ့ ဟိုး မြေပြင်က မြက်ပင်လေးတွေဟာ နှင်းမှုံတွေရဲ့ အကွယ်အကာကိုယူပြီး ကြမ်းတမ်းတဲ့ရာသီဥတုကို အံတုရတာပါ။ နှင်းစက်မွမွလေးတွေဟာဖြင့် သစ်ပင်လေးတွေကို အဖုံးအကာသဘောမျိုး ကာကွယ်ပေးနိုင်ပါတယ်။ ပိုလို့ အေးလွန်းလာတဲ့အချိန်မှသာ ဖြူဖြူလွလွ ပေါ့ပေါ့ပါးပါးနှင်းမှုံလေးတွေဟာ မာကျောကျစ်ခဲလာပြီး ရေခဲဖြစ်သွားကြတာပေါ့။ ရေခဲအဖြစ်ပြောင်းလဲသွားခဲ့ပြီဆိုရင်တော့ လမ်းသွားလမ်းလာ လူ၊ အိမ်မွေးတိရစ္ဆာန် နဲ့ သစ်ပင်လေးတွေအတွက်ပါမကျန် အန္တရာယ်ပေးကြတော့တာ။ ရေခဲပြင်တွေမှာ ချော်လဲထိခိုက်ဒဏ်ရာရနိုင်တယ်။ တွဲလောင်းကျနေတဲ့ ရေခဲပန်းဆွဲတွေက ကျိုးပဲ့ကျလာခဲ့ရင်လည်း ထိခိုက်နိုင်တာပေါ့။ အဲဒီလို တိုင်းပြည်တွေမှာဆိုရင် ရာသီအလိုက် အိမ်ခန်းပြုပြင်မှုဟာ အိမ်ခန်းလေးတွေအတွင်းမှာပဲ ရောင်စဉ်လှလှပစ္စည်းလေးတွေ နေရာချပေးရုံနဲ့ မလုံလောက်တော့ပါဘူး။ ပြတင်းပေါက်တွေ၊ တံခါးတွေမှာ လေဝင်လေထွက်မရှိအောင်စစ်ရတယ်။ ပြတင်းတံခါးတွေမှာ လေအေးအေးမဝင်နိုင်အောင်ဖော့သားတွေကို အတွင်းအနားသားတွေမှာ လိုအပ်တဲ့အခါ တပ်ရပါတယ်။ ပြတင်တံခါးတွေမှာ မှန်ထူထူ နှစ်ထပ် သုံးထပ်တပ်ကြရတယ်။ ပြတင်းတံခါးပေါက်အနားသားတွေမှာ ရာဘာ၊ ဖော့လို အသားတွေ အပြည့်ကပ်ထားပါမှ ကြမ်းတမ်းတဲ့အအေးဒဏ်ကို ကာကွယ်နိုင်ကြတာပါ။

ဒရက်ကူလာတွေနေတဲ့ အိမ်

အောက်တိုဘာလ ၃၁ ရက်နေ့ကို နီးကပ်လာတာနဲ့ ဟဲလိုးဝင်းနိုက်(Halloween Night) ကို ပျော်ပျော်ရွှင်ရွှင်ဆင်နွှဲချင်တဲ့ လူငယ်လေးတွေရှိကြမှာပါ။  ဟဲလိုးဝင်းနိုက်ပါတီပွဲကျင်းပဖို့ စိတ်ကူးရှိကြမယ့် လူငယ်လေးတွေအတွက် ကိုယ့်ရဲ့အိမ်ကို ဒရက်ကူလာသွေးစုတ်ဖုတ်ကောင်တစ်ကောင်ရဲ့ အိမ်မျိုးပြင်ဆင်ဖန်တီးတဲ့အခါ ဘာတွေလိုအပ်နိုင်မလဲ ကိုယ်ပိုင်စိတ်ကူးအမျိုးမျိုးနဲ့ စိတ်ကြိုက်ဖန်တီးကြည့်နိုင်ပါတယ်။  ဟဲလိုးဝင်းနိုက်အတွက်ဆိုရင် ဖရုံသီးကိုထွင်းထားတဲ့ မီးအိမ်ကိုလည်း ပြင်ဆင်ရဦးမှာပါ။ အရိုးစုပုံစံ၊ လင်းနို့ပုံစံတွေကိုလည်း အခန်းထဲဟိုဟိုဒီဒီ နေရာချပေးရပါလိမ့်ဦးမယ်။ လူကြီးမိဘတွေအတွက် စိတ်အာရုံ ရှုပ်ထွေးညစ်ညူးတာတွေတော့ဖြစ်ကြမှာပါပဲ။ လူငယ်လေးတွေအတွက်ကတော့ ချောက်ချားထိတ်လန့်စရာပျော်ရွှင်မှုကို ဖန်တီးဖို့ စိတ်လှုပ်ရှားနေကြမှာပါ။ နိုင်ငံရပ်ခြားကလူငယ်လေးတွေရော ဟဲလိုးဝင်းနိုက်မှာ ပျော်ရွှင်စွာဆော့ကစားဖို့ ဘယ်လိုပြင်ဆင်ဖန်တီးကြလဲသိရှိနိုင်အောင်  ဟဲလိုးဝင်းနိုက်ထဲက သရဲအိမ်တစ်အိမ်ရဲ့အခင်းအကျင်းကို ဖော်ပြပေးလိုက်ပါတယ်။

ကြောက်လန့်စရာအိမ်တစ်အိမ် ခြယ်မှုန်းဖန်တီးတဲ့အခါ အတွင်းပိုင်းအခင်းအကျင်းကိုသာမကဘဲ အိမ်အပြင်ဘက်ကနေလှမ်းဝင်လာတာနဲ့ ကျောချမ်းစရာကောင်းသွားအောင် အိမ်ရဲ့အပြင်ဘက်ကိုလည်း ပြင်ဆင်သင့်ပါတယ် လို့ ဒီဇိုင်းပညာရှင်တွေကပြောပါတယ်။

အိမ်တံခါးဝင်ပေါက်ရှေ့ကို ခြေစုံရပ်လိုက်တာနဲ့ ပထမဆုံး စတင်ခြောက်လှန့်နိုင်ဖို့ ပင့်ကူအိမ်ဒီဇိုင်းခြေသုတ်ဖုံက အသင့်တော်ဆုံးပါပဲ။

ခြံထဲမှာရှိနေတဲ့ ပန်းအိုးလွတ်တစ်လုံးထဲမှာ ဒီလို စုံးမခြေထောက်ဇောက်ထိုးပုံစံ ထိုးထိုးထောင်ထောင်ပြင်ဆင်ထားလိုက်မယ်ဆိုရင် အနည်းငယ်ထိတ်လန့်မိမှာပါ။

ကတ်ထူးပြားကို ဒီလိုပုံစံမျိုးရအောင်ဖြတ်၊ ညှပ်၊ ကပ်ပြီး ခြံထဲမှာ ထောင်ထားမယ်ဆိုရင်ရော။

အရိုးစုသဏ္ဍာန်ပလာစတာရုပ်တွေ ခပ်များများရဖို့ကတော့ ငွေကုန်ကြေးကျများနိုင်ပါတယ်။ ဒါပေမဲ့ သူတို့တွေက ဟဲလိုးဝင်းပါတီကိုလာတဲ့ဧည့်သည်တွေကို ကြိုဆိုရေးအတွက် သိပ်ကိုအားကိုးရပါလိမ့်မယ်။

ဒီလိုပန်းချီရေးဆွဲခြယ်မှုန်းဖို့အတွက် မခက်ခဲလှသလို၊ ချစ်စရာကောင်းတဲ့ အလိုက်ဖက်ဆုံးဒီဇိုင်းလည်း ဖြစ်သွားနိုင်ပါတယ်။

အိမ်ခန်းအပြင်၊ အတွင်း ဒီလို  မျက်လုံးပြူးကျယ်ကျယ်လေးတွေ အများကြီးပဲ အသုံးပြုနိုင်ပါတယ်။ လွယ်လည်းလွယ်ကူပြီး မျက်လုံးတွေအများကြီးနဲ့ စောင့်ကြည့်နေခံနေရသလိုခံစားချက်မျိုးက အသည်းအေးစရာပါ။

စတစ်ကာလှလှလေးတွေနဲ့ ပြူတင်းပေါက်မှန်တွေမှာကပ်ထားလိုက်မယ်။ ရွှေဝါရောင်မီးအလင်းရောင်မျိုးနဲ့ဆိုရင် ထူးခြားတဲ့သရဲအိမ်လေးပေါ့။

သူတို့က ခြံထဲမှာ ဒီလိုစောင့်နေကြလိမ့်မယ်။

အိမ်ခန်းထဲက ဟယ်လိုဝင်းအသုံးအဆောင်တွေ

အတွင်းခန်းထဲ ထားနိုင်တဲ့ အပြင်အဆင်လေးတွေမှာ ဖရုံသီးမီးအိမ်ထွန်းညှိလို့ရလောက်အောင်အထိ ထွင်းစရာမလိုပဲ ပါးစပ်ပေါက်မှာ အစွယ်ဖွေးဖွေးနဲ့ ဆိုတော့ ထရန်ဆေးလ်ဗေးနီးယားက ဒရက်ကူလာဝိညာဉ်လို အာရုံခံစားမိကြမှာပါ။

ရိုးရှင်းတဲ့ ဒီ အလှဆင်ပစ္စည်းလေးဆိုရင်လည်း ကြည့်ပါ။ လေတင်းတင်းပူဖောင်းတွေမှာ ဆေးအမဲရောင်နဲ့ ခြယ်မှုန်းလိုက်ရုံပါပဲ။

အနက်ရောင်ဆက်တီတွေနဲ့ အ၀ါရောင်အခန်းတစ်ခန်းမှာ အခန်းဆီးတွေဟာ ပိုးမွှားတွေဟိုသည်ကိုက်လို့ ဖွာရရာကျဲနေလိုက်တာများ။ ခါတိုင်းထည့်ထားနေကျ မိသားစုဓာတ်ပုံလေးတွေကို အသာဖြုတ်သိမ်းပြီး မျက်လုံးပုံစံတွေ ဆေးခြယ်ထားလိုက်မယ်။ မှန်ချပ်တွေမှာပါ မျက်လုံးပုံတွေခြယ်မှုန်းထားမယ်ဆိုရင်တော့ မှန်ကြည့်ရမှာ တော်တော်လေး ၀န်လေးစရာဖြစ်နေတော့မှာပဲပေါ့။  

သ်ိပ်ကောင်းတဲ့စိတ်ကူးလေးပါ။ အနက်ရောင်မပါပဲ ပြီးပြည့်စုံစွာမျက်ပဉ္စလက်ဆန်တဲ့အခန်းအပြင်အဆင်ရဖို့ မဖြစ်နိုင်ပါဘူး။ အဲဒါကြောင့်ပဲ စက္ကူအနက်ရောင်နဲ့ အရိပ်မည်းသဏ္ဍန်တစ်ခုပုံဖော်ပြီး လှေကားထစ်တွေမှာ ကပ်ထားလိုက်မယ်။ တစ်ယောက်ယောက်က ချောင်းမြောင်းစောင့်ကြည့်နေသလို၊ ကိုယ့်ကိုလှမ်းပြီးတို့ထိလိုက်တော့မလိုခံစားရမှာ အသေအချာပါ။

Easter egg တော့မဟုတ်ပါဘူး။ Halloween egg ပါတဲ့။

ဒီလိုပြင်ဆင်ထားမယ်ဆိုရင် အဲဒီဝိုင်ခွက်တွေ ဘယ်သူကများ လက်ကမ်းလို့ လှမ်းယူရဲပါ့မလဲ။

ချစ်စရာကောင်းတဲ့ ချိတ်ဆွဲစရာ စာရွက်ခေါက်ဟဲလိုးဝင်းမျက်နှာလေးတွေ။

အလိုက်ဖက်ဆုံးအသွေးအရောင်တွေနဲ့ လှလှပပခင်းကျင်းထားတဲ့ ဟဲလိုးဝင်းစားပွဲဝိုင်း။
 

ပြုလုပ်ရတာ လွယ်ကူတဲ့ အနက်ရောင်စက္ကူအခန်းဆီးနဲ့ အိမ်ခန်းအပြင်အဆင်မှာ .

အနောက်နိုင်ငံတွေမှာ ဟဲလိုးဝင်းနိုက်ပွဲတော်ညအတွက် အိမ်ခန်းပြင်ဆင်ပေးတဲ့ဝန်ဆောင်မှုတွေ ရှိနေကြတယ်။ ဟဲလိုးဝင်းလက်မှုပစ္စည်းတွေ နှစ်စဉ်အောက်တိုဘာလမှာ တွင်တွင်ကျယ်ကျယ်ရောင်းချနေကြပါတယ်။ (မြန်မာနိုင်ငံမှာတော့ အဲဒီအလေ့အထမွေးဖွားရာဒေသ မဟုတ်တဲ့အတွက်  ဟဲလိုးဝင်း အိမ်ခန်းပြင်ဆင်မှုတွေပြုလုပ်လေ့မရှိပါဘူး။) ဒရက်ကူလာတွေ၊ သွေးစုတ်ဖုတ်ကောင်တွေရဲ့ အိမ်နေရာအပြင်အဆင်ကို ဟဲလိုးဝင်းပျော်ပွဲရွှင်ပွဲအခမ်းအနားတွေမှာ ကိုယ့်စိတ်ကူးအတိုင်း ပျော်ရွှင်စရာ၊ ချောက်ချားစရာ၊ ကျောချမ်းစရာကောင်းလောက်အောင် အမျိုးမျိုး ပြုပြင်ဖန်တီးကြပါတယ်။

အားလုံးအတွက် ပျော်ရွှင်ဖွယ်ရာ ဟဲလိုးဝင်းကာလလေးဖြစ်ပါစေ။         ။

Living Fashion Magazine, Octber, 2012

မဉ္ဇူရီ

ကိုယ်လက်ထပ်ခဲ့တဲ့သူ၊ အဲဒီသူဟာ “you” ပေါ့

စိတ်လှုပ်ရှားရင်ခုန်စရာ မင်္ဂလာပွဲဟာ စံပြုလောက်စရာကောင်းလောက်အောင်ပြည့်စုံခဲ့ပါပြီ။ ပျားရည်ဆမ်းခရီးကလည်းပဲ တစိမ့်စိမ့်တွေးရမယ့် ပီတိဖြစ်စရာအချိန်ကာလလေးပါပဲ။ အခု စိတ်လှုပ်ရှားစရာ အစီအစဉ်ကလည်း စောင့်နေခဲ့ပြီ။ အသစ်စက်စက်မင်္ဂလာဇနီးမောင်နှံလေးတွေအတွက် အရေးကြီးတဲ့ နှစ်ယောက်သားအတူတူနေထိုင်သွားကြမယ့် အိမ်လေးကို အလှပဆုံးနဲ့ ကုန်ကျစရိတ်သက်သာအောင်ပြင်ဆင်ကြဖို့ပါ။ မင်္ဂလာဇနီးမောင်နှံလေးတွေအတွက် အိမ်ခန်းအတူတကွအလှဆင်ကြတာဟာ ပေါင်းစပ်ထားတဲ့ထူးထူးခြားခြားစတိုင်လ်လေးတွေရနိုင်တာမို့ စိတ်ဝင်စားဖို့ကောင်းပါတယ်။ “သင့်အမြင်”၊ “ကိုယ့်အမြင်” ပေါင်းစပ်ပြီးတဲ့အခါမှာ “ကိုယ်တို့တွေရဲ့အမြင်”နဲ့ အလှဆင်လိုက်တဲ့ ထူးခြားတဲ့အိမ်ခန်းလေး ဖြစ်လာမှာပါ။ အိမ်ခန်းထဲမှာ  နေရာယူမယ့်ပစ္စည်းလေးတွေဝယ်ယူတဲ့အခါမှာ အသေးအဖွဲလေးတိုင်းမှာ သူ့ကို ဖြစ်ဖြစ်၊ ကိုယ့်ကိုဖြစ်ဖြစ် ဆုံးဖြတ်ခိုင်းနေစရာမလိုပဲ ကိုယ်တိုင်လိုအပ်သလို ၀ယ်ယူပြင်ဆင်ခွင့်လေးလည်းရှိထားသင့်ပါတယ်။ ကြီးကြီးမားမားပစ္စည်းမျိုး ဥပမာ ၁၀နှစ်ကျော်လောက်အသုံးပြုရမယ့် ဆိုဖာဆက်တီမျိုးကိုတော့ အတူတူဆုံးဖြတ်ပြီး ၀ယ်ယူနိုင်ပါတယ်။ အခန်းလေးတွေမှာ ကိုယ့်စိတ်ကြိုက်လေး ခြယ်မှုန်းချင်နေပြီဆိုရင် သူ့ကို စကားအလိမ္မာလေးနဲ့ အရင်ပြောထားလိုက်ပါ။

“ကိုယ် ဒီနေရာလေးမှာ ဒီလိုလေး အလှဆင်ကြည့်ချင်လိုက်တာကွာ၊ ယူ မကြိုက်ဘူးဆိုရင်တော့ ကိုယ်ချက်ချင်း ပြန်ရှင်းပစ်လိုက်ပါ့မယ်”
ဒီလိုစကားလေးခံထားပြီးရင်တော့ ကိုယ်တို့စိတ်ကြိုက်အလှဆင်နိုင်ကြပြီပေါ့။

ဟယ်လို အ၀ါရောင်

နေရောင် အလင်းစွမ်းအားပြည့်ဝနေတဲ့ အိမ်လေး

အ၀ါရောင်ဟာ နွေးနွေးထွေးထွေးရှိတယ်။ နေသာတဲ့နေ့အလင်းရောင်လိုပဲ။ ဖိတ်ခေါ်ဆွဲဆောင်နိုင်စွမ်းရှိတယ်သတဲ့။ ဒါပေမဲ့ အ၀ါရောင်လေးတွေထဲက အရောင်အဆင်းမှာယွင်း ရွေးချယ်မိမယ်ဆိုရင်တော့ ဆွဲဆောင်နိုင်စွမ်းရှိတာတွေလွင့်ပျောက်သွားပြီး စိတ်အနှောင့်အယှက်တောင်ဖြစ်နိုင်ပါတယ်။ အိမ်တွင်း အလှဆင်လိုကြသူတွေဟာ များသောအားဖြင့် လင်းလက်တဲ့တောက်တောက်ပပအရောင်လေးတွေ ရှာဖွေတတ်ကြတယ်။ သူတို့အတွက် အ၀ါရောင်က အခန်းတိုင်းကို ကျယ်ဝန်းတဲ့အရသာပေါင်းစပ်ပေးနိုင်တဲ့ နှစ်သက်ဖွယ်ရာ အရောင်အသွေးလေးပါ။ စိတ်ကြည်နူးနှစ်သက်စရာ ကိုယ့်ရဲ့ပတ်ဝန်းကျင်လေးဖြစ်စေဖို့ကတော့ မှန်ကန်တဲ့အ၀ါရောင် ရောင်စဉ်လေးတွေ ရွေးချယ်ဖို့ အဓိကကျပါတယ်။ အ၀ါရောင်လေးကို ကိုယ့်ရဲ့ အိမ်လေးဆီယူဆောင်လာတာဟာ သဘာဝအလင်းရောင်လေးပေါင်းစပ်ပေးလိုက်သလိုပါပဲ။ နေရဲ့အရောင်အဆင်းလို့ တင်စားကြတဲ့ အ၀ါရောင်ဟာ သဘာဝအလင်းရောင်ကင်းမဲ့မှုကို အစားထိုးလင်းလက်စေတယ်။ ပျင်းရိညစ်ညူးစရာ မှုန်ကုတ်ကုတ်အခန်းလေးတစ်ခန်းအတွက် မရှိမဖြစ်အရောင်အဖြစ်ရပ်တည်နေပါသတဲ့။ အခန်းတစ်ခန်းလုံးရဲ့လေထုထဲကို အလင်းတွေဖြန့်ကျက်လွှမ်းမိုးနိုင်တဲ့ အရောင်လေးပါ။ အသွေးအရောင်အမျိုးမျိုးထဲက ရောင်စဉ်တွေထဲမှာ အ၀ါရောင်ဟာ အဖျော့ဆုံးဖြစ်ပြီး အပေါင်းလက္ခဏာဆန်တဲ့စိတ်ခံစားမှုနဲ့ ဆက်စပ်နေပါတယ်။ ရွှန်းရွှန်းစိုစို အ၀ါရောင်နွေးနွေးဟာ သဘာဝကမ္ဘာမြေကြီးက ဖြာထွက်လာတဲ့အရောင်ပါ။

ရှိခြင်းမရှိခြင်း ဆုံမှတ်ထဲကအိမ်လေး

အနက်ရောင်ဟာ အရောင်တွေအားလုံးကင်းမဲ့မှု၊ အဖြူရောင်က အရောင်တွေအားလုံး တည်ရှိမှု၊ မီးခိုးရောင်ကတော့ ရှိခြင်းမရှိခြင်းတို့ရဲ့ အလယ်က ပြည့်စုံတဲ့ မြေကြီးပဲပေါ့။ အနက်ရောင်ဟာ အမြဲတမ်းမရျှိခြင်းတွေနဲ့ တင်းမာခက်ထန်နေတာတော့လည်း မဟုတ်ပါဘူး။ ရောင်စဉ်တွေလင်းလက်နိုင်တယ်၊ စတိုင်ကျကျ လှပအောင်ဖန်တီးပေးနိုင်တယ်။ အဖြူရောင်ဟာ အမြဲတမ်းသွက်သွက်လက်လက်နဲ့ ရှင်းသန့်မနေနိုင်ပါဘူး။ နောက်ကျိညစ်ထေးသွားနိုင်တယ်။ မီးခိုးရောင်ကရော.. အမြဲထိုင်းမှိုင်းမနေနိုင်ပါဘူး။ ထူးထူးခြားခြား ရွှင်မြူးတဲ့အရောင်လေးဖြစ်နိုင်သေးသတဲ့။ အရောင်တွေနဲ့ ကစားနိုင်စွမ်းတဲ့ဖန်တီးမှုလေးပဲ လိုအပ်တာပါ။ အနက်၊ အဖြူ၊ မီးခိုးရောင်တွေဟာ တစ်ခြားရောင်စဉ်တွေနဲ့ ပေါင်းစပ်ကြည့်ရင် အထူးခြားဆုံးအိမ်ခန်းလေးကိုရနိုင်ပါတယ်။ အနက်ရောင်ဟာ သြဇာညောင်းမှု၊ ယုံကြည်စိတ်ချမှုတွေပြည့်စုံစေတဲ့အရောင်ပါ။ အင်အားပြည့်စေပြီး လွတ်လပ်မှုကိုပြသနိုင်တယ်။ အဖြူရောင်ကို အသုံးပြုတဲ့အခါ စိုးရိမ်ကြောင့်ကျစိတ်တွေ၊ နာကျင်မှုနဲ့ ဆန့်ကျင်ဘက်သဘောထားတွေကို ပြေပျောက်စေသတဲ့။ ဒါပေမယ့် အထီးကျန်မှုကို ပိုပြီးအရှိန်မြင့်စေတယ်။ လှုပ်ရှားသွက်လက်မှုမရှိသလို၊ အင်အားမရှိသလို ခံစားရနိုင်ပါတယ်။

အနီရောင်အိမ်လေးထဲက နေ့သစ်တိုင်းမှာ

ရဲရဲနီ တောက်ပတဲ့အသွေးရှိတဲ့ “အနီ” ဟာ ရောင်စဉ်တွေအားလုံးလိုလိုနဲ့ ရောယှက်အလှဆင်လို့ အဆင်ပြေပါတယ်။ ဒါပေမဲ့ အနီရောင်နဲ့ အလှဆင်တဲ့အခါ လွန်ကဲမသွားစေဖို့ အရေးကြီးပါတယ်တဲ့။ အနီရောင်ဟာ စွဲလမ်းတပ်မက်မှု၊ ပြင်းပြတဲ့ချစ်ခြင်းမေတ္တာကို ဖော်ကျူးတဲ့အရောင်လို့ ဆိုကြတယ်။ တောက်ပပြီး လှပတဲ့ အနီသွေးရဲရဲအရောင်ကို အိမ်ခန်းတစ်ဝိုက် အလှဆင်ရမှာ လူတော်တော်များများကတော့ စိုးရွံ့တတ်ကြပါတယ်။ အနီရောင်လို အသွေးရင့်တဲ့အရောင်မျိုးဟာ နဂိုထဲက အမှောင်ကျနေတတ်တဲ့ အိမ်အတွင်းပိုင်းတွေ နေရာတွေမှာအသုံးပြုမယ်ဆိုရင် နည်းနည်းတော့ ထိတ်လန့်စရာဖြစ်သွားတတ်တယ်။ အနီရောင်ရဲ့ မူလပိုင်ဆိုင်ထားတဲ့ရသပြင်းပြင်းကို ကိုယ့်စိတ်ကြိုက်တွေ့သလို နေရာအနှံ့အပြား ခြယ်မှုန်းလိုက်မယ်ဆိုရင်တော့ ကိုယ့်ရဲ့အိမ်လေးဟာ ငြိမ်းချမ်းမှုနဲ့ ကင်းကွာသလိုဖြစ်သွားနိုင်တာကို သတိပြုရပါမယ်။ “အနီရောင်ဟာ ကြည်နူးရွှင်ပြမှုနဲ့ ပျော်ရွှင်မှုကနေ ဒေါသနဲ့ ရန်လိုမှုတွေဆီ နေရာတိုင်းကို လှည့်လည်သွားလာနိုင်တယ်” လို့ ချီကာဂို Civility Design က ဒီဇိုင်းဆရာ ဒွန်ရာနေးက ပြောပါတယ်။ ဒါကြောင့် အနီရောင်ကို ကိုင်တွယ်တဲ့အခါ ထိန်းထိန်းသိမ်းသိမ်းရှိရပါမယ်တဲ့။

အသွေးရင့်အနီရောင်ကို ထူးခြားတဲ့အဆင်အပြင်ရလာအောင် အလှဆင်အသုံးပြုနိုင်တဲ့ လှို့ဝှက်ချက်တွေရှိနေပါတယ်။

ပထမဆုံးလျှို့ဝှက်ချက်ကတော့ အလွန်အကျွံအသုံးမပြုဖို့ပါပဲ။ အလွန်အကျွံအသုံးပြုလိုက်ရင် မျက်စိစပါးမွှေးစူးစရာဖြစ်သွားနိုင်တယ်။ အနီရဲရဲရဲ့ တောက်ပမှုက တခြားအသွေးအရောင်တွေကို ဖိနှိပ်ပစ်နိုင်ပါတယ်။ လှည့်စားချက်လေးတွေနဲ့ အနီရောင်ကို အသုံးပြုပါတဲ့။

ပန်းသွေးရောင်လှလှ အချစ်အိမ်လေးထဲမှာ

နီပြာပြာခရမ်းရောင်နဲ့ အနီရောင်ကြားကရောင်စဉ်တွေကို ပန်းရောင်လို့ခေါ်လိုက်ကြတယ်။ ပန်းရောင်လေးတွေကိုအသုံးများကြတာက ချစ်သူများနေ့နဲ့ Easter နေ့ တွေမှာပေါ့။ ပန်းရောင်ကို အချစ်ရဲ့ အရောင်လို့တင်စားကြထားကြတယ်လေ။ ဟိုးအရင်ခေတ် ၁၈၆၈ခုနှစ်တွေဆီနောက်ပြန်ဆုတ်ကြည့်ရရင် “Little Women” ၀တ္ထုနဲ့ နာမည်ကျော်ခဲ့တဲ့  အမေရိကန်စာရေးဆရာမ လူဝီဆာမေအားလ်ကော့ထ်(Louisa May Alcott) ဟာ သူ့ရဲ့ဝတ္ထုမှာရေးထားပါတယ်။ ဇာတ်ကောင်ညီအစ်မသုံးဦးရဲ့အိမ်နီးချင်း လော်ရီက ကလေးအမွှာလေးတွေကို မြင်လိုက်တဲ့အခန်းမှာ “ဘယ်သူကဘာလေးလဲကွယ်”လို့ မေးလိုက်ပါတယ်။ အငယ်ဆုံးမလေး အေမီက ပန်းရောင်ဖဲကြိုးလေးကို မိန်ကလေးမှာချည်နှောင်ပေးလိုက်ပြီး၊ ဖဲကြိုးပြာလေးကိုတော့ ယောက်ျားလေးမှာချည်ပြီး လော်ရီရဲ့အမေးကိုဖြေလိုက်ပါတယ်တဲ့။ အဲဒီသတ်မှတ်ချက်လေးက ၁၈ရာစုကစလို့ပြင်သစ်နိုင်ငံမှာ တွင်ကျယ်ခဲ့ကြတယ်။ ပန်းရောင်က နူးညံ့တဲ့မိန်းကလေးတွေကို ကိုယ်စားပြုတဲ့ ချစ်စရာကောင်းတဲ့အရောင်လေးအဖြစ်နဲ့ပေါ့။ ရင်သားကင်ဆာ သတိပေးအပြည်ပြည်ဆိုင်ရာသင်္ကေတတစ်ခုလည်း ဖြစ်နေပါသေးတယ်။

အာဂျင်တီးနားနိုင်ငံရဲ့ အကြီးဆုံးမြို့တော် ဘွီနိုစ်အဲရီးစ်မှာရှိနေတဲ့ The Pink House ဟာ baby pink အရောင်ရှိပြီး သိပ်ကိုလှပါတယ်။ အမျိုးသားသမိုင်းဆိုင်ရာအထိမ်းအမှတ် အဆောက်အဦးအဖြစ်သတ်မှတ်ထားသတဲ့။ ၁၈၈၂ ခုနှစ်ထဲကစတင်ဆောက်လုပ်ခဲ့ပြီး အခုဆို ၁၂၉နှစ်သက်တမ်းရှိတဲ့အဆောက်အဦးကြီးပါ။ ပြတိုက်အဖြစ်လည်း ဖွင့်လှစ်ပြသထားပါတယ်။ လှပနူးညံ့တဲ့ ပန်းရောင်ကို ကလေးငယ်လေးတွေနဲ့ အမျိုးသမီးတွေမှာ မြင်တွေ့နိုင်ရုံသာမကပဲ အဲဒီလို သမိုင်းဝင်အဆောက်အဦးတွေမှာလည်းတွေ့မြင်နိုင်သေးတာပဲနော်။

ကြည်လင်တဲ့ အပြာရောင်အိမ်ခန်းလေး

နွေရာသီရဲ့ နေ့ခင်းလေးတွေမှာ မြင်ရတဲ့ ကောင်းကင်ဟာ ကြည်လဲ့လဲ့ ပြာလွင်နေသလို ညအမှောင်ထုထဲတိုးဝင်သွားတဲ့ ကောင်းကင်ကြီးကတော့ အဆုံးမရှိ အပြာနက်နက်အရောင်တွေကြီးစိုးသွားလိုက်တာ။ ဒီလိုအပြာရောင်ရဲ့ အလှအပအသွေးအရောင်တွေကို လူတိုင်းကြုံတွေ့ဖူးကြမှာပါ။ အပြာရောင်က အလင်းကို စုပ်ယူလိုက်တယ်။ အကွာအဝေးကို ဖန်တီးတယ်။ မြင်ကွင်းကျယ်ကျယ်ရှုမျှော်ခင်းတွေကြည့်လိုက်တဲ့အခါ ခပ်ဝေးဝေးက တောင်တန်းတွေရဲ့အရောင်ဟာ အပြာပဲပေါ့။ ပြီးတော့ ပင်လယ်ကြီးနဲ့ ကောင်းကင်ပြာပြာ .. အဲဒီအပြာကြည်ကြည်လင်လင် အရောင်အသွေးကို အိမ်နံရံတွေပေါ်မှာ ဆေးခြယ်လိုက်တဲ့အခါ အိမ်ခန်းတွေဟာ ပိုပြီး ကျယ်ဝန်းလာသလို ခံစားနိုင်စေပါတယ်တဲ့။

ပင်လယ်ပြာ(Navy Blue)

ပင်လယ်ပြာရောင်ကတော့ ခပ်နက်နက်မှောင်လှနီးပါးအရောင်ပါ။ နေ့ခင်းရဲ့အလင်းရောင်နဲ့ ညရဲ့အမှောင်ကိုခွဲခြားထားပေးတဲ့အရောင်ပေါ့။ ဒီလိုအပြာနက်နက်အရောင်ကိုအားဖြည့်ပေးတဲ့အရောင်တွေက အဖြူနဲ့ လိမ္မော်ဝါရောင် မီးတောက်မီးလျှံအသွေးအရောင်မျိုးတွေဖြစ်ကြတယ်။

တော်ဝင်တဲ့အပြာ (Royal Blue)

ဒဏ္ဍာရီထဲက တော်ဝင်တဲ့ ခရမ်းရောင်

ခရမ်းရောင်ကို အမျိုးမျိုးစာဖွဲ့ကြပါတယ်။ ခရမ်းရောင်ဟာ တော်ဝင်တယ်။ ရှေးခေတ်က ရောမ၊ ဂရိ၊ ပါရှား ဧကရာဇ်မင်းတွေဟာ ခရမ်းရောင်ဝတ်ရုံကြီးတွေ တဖားဖားဝတ်ဆင်ခဲ့ကြတယ်တဲ့။ ဘီစီ ၁၉၀၀ မှာ မြေထဲပင်လယ်ထဲက ခရိဆိုတဲ့ဂရိကျွန်းလေးမှာ နေထိုင်ကြတဲ့မီနိုရမ်လူမျိုးတွေက ခရမ်းရောင်ဆိုးဈေးကို စပြီးသုံးစွဲခဲ့ကြတယ်ဆိုတဲ့ အထောက်အထားတွေတွေ့ခဲ့ကြတယ်လို့ ဆိုကြတယ်။ အဲဒီထက်ရှေးကျတဲ့ ၁၆၀၀ ဘီစီလောက်မှာ မြူးရက်စ်ပင်လယ်ခရုတွေရဲ့ အကျိအချွဲကနေ ထုတ်ယူခဲ့ကြတယ် လို့လည်းဆိုပြန်တယ်။

အိမ်လေးထဲက လိမ္မော်ရောင် အခင်းအကျင်း

၎ ရက်လောက် ဖျားနေလိုက်တာ၊ ညက်လုံးတောင်မဖွင့်နိုင်ဘူးဖြစ်သွားတော့ စာလည်းမရေးနိုင်ပါဘူး။
ဘလောဂ့်ကိုလည်းလှည့်မကြည့်နိုင်ဘူး။
ခုတော့ နေကောင်းပါပြီ။
ဘလောဂ့်အတွက်လည်းစာသပ်သပ်လည်းမရေးနိုင်တာနဲ့ပဲ။
အွန်လိုင်းမတက်နိုင်တဲ့ သုံး လေး  ရက်လောက်လည်း အစ်မနဲ့ အမေ မေးလ်ပို့ပြီး မေးနေကြတာကလွဲလို့ သူငယ်ချင်းတွေက သတိတောင်မထားဖြစ်ကြပါဘူးထင်ပါတယ်။ တစ်ယောက်မှကို မမေးပါဘူး။ အားလုံးလည်း ကိုယ့်အလုပ်နဲ့ကိုယ့်ရှုပ်နေကြတာကိုနော်။ ဘလောဂ့်တွေလည်း မလည်နိုင်လို့ ခု နား နား ပြီး စာ လည် ဖတ်ပါမယ်လို့ ချစ်တဲ့သူငယ်ချင်းတွေကို ပြောချင်လို့ပါ။
အဲဒါကြောင့် အခု နှင်းကို မချစ်တော့ပါဘူး။ ချမ်းတယ်။ ဖျားတယ်။

သမားရိုးကျအရောင်တွေမသုံးပဲ နည်းနည်းထူးခြားတဲ့အိမ်ခန်းလေးဖြစ်သွားအောင် ကိုယ့်အိမ်ခန်းလေးကို လိမ္မော်ရောင်နဲ့အလှဆင်ကြည့်ရအောင်နော်။ လိမ္မော်ရောင်ဟာ အလင်းများတဲ့အိမ်ခန်း အပြင်အဆင်ဖြစ်အောင်ဖန်တီးပေးနိုင်ပါတယ်။ လှုပ်ရှားသွက်လက်တဲ့အရောင်၊ စိတ်ဝင်စားစရာကောင်းတဲ့အရောင်ပါ။ တစ်ခြားအရောင်တွေအများကြီးနဲ့လည်း ယှဉ်တွဲသုံးနိုင်တာမို့ လွတ်လွတ်လပ်လပ်ရွေးချယ်စရာများတဲ့အရောင် ဖြစ်နေပါသေးတယ်။ အနီနဲ့လိမ္မော်ရောင်ကိုတွဲပြီး ပန်းချီကားလေးပါ နံရံမှာရက်ဖွဲ့လိုက်ဦးမယ်ဆိုရင် အလုံးစုံပြည့်စုံတယ်လို့မဆိုနိုင်ရင်တောင် စွဲဆောင်မှုတွေနဲ့ပြည့်စုံနေတဲ့အိမ်ခန်းလေးတစ်ခု ဖြစ်သွားမှာတော့ အသေအချာပါ။ အပြာ၊ ခရမ်း နဲ့ အစိမ်းရောင်တို့လို ကွဲပြားတဲ့အရောင်တွေနဲ့ ပေါင်းစပ်ပြီး ထူးခြားတဲ့အရောင်စပ်ဟပ်မှုအဖြစ် ဖန်တီးကြည့်နိုင်ပါတယ်။

လိမ္မော်ရောင်နဲ့ ကြားရောင်(Neutral color)တွေ ရောယှက်အလှဆင်ကြည့်တဲ့အခါ … 

အစိမ်းရောင် အိမ်လေးထဲမှာ

မိမိကိုယ်ကို သန့်ရှင်းသပ်ရပ်အောင် ပြုပြင်ခြယ်သခြင်းဟာ ကျန်းမာရေးနဲ့ညီညွတ်ပြီး မိတ်ဆွေသူငယ်ချင်းများကြား အပြင်လောကပတ်ဝန်းကျင်ထဲမှာ တင့်တယ်သူတစ်ယောက်ဖြစ်နိုင်ပါတယ်။ အဲဒီလိုပဲ ကိုယ်နေထိုင်တဲ့ ကိုယ့်အိမ်လေးထဲမှာ အလှဆင်ခြင်းကြောင့်လည်း ကိုယ့်ရဲ့မိသားစုလေးရဲ့ ပတ်ဝန်းကျင်လေးထဲမှာ စိတ်ကြည်နူးချမ်းမြေ့စွာနေနိုင်ကြပါတယ်။ ကိုယ့်အိမ်လေးကို အလှဆင်တဲ့အခါမှာတော့ ကိုယ်တတ်နိုင်သလောက်လေးနဲ့ ကိုယ့်အိမ်လေးကို လှလှပပလေးပြင်ဆင်ကြည့်ကြတာပေါ့။ အလှဆင်ကြတဲ့အခါ အရောင်လေးတွေလည်း ကြိုက်နှစ်သက်ရာရွေးနိုင်ကြပါတယ်။ အခု အစိမ်းရောင်နဲ့ အိမ်ခန်းလေးတွေအလှဆင်ကြည့်ရအောင်နော်။

လူကြီးတွေအတွက်ဆိုရင်တော့ အခုလို တည်ငြိမ်တဲ့အစိမ်းရောင်လေးတွေသုံးနိုင်ပါတယ်။

ဒီအရောင်လေးတွေ သုံးပြီး အလှဆင်ကြည့်ကြမယ်။