Drop Down MenusCSS Drop Down MenuPure CSS Dropdown Menu

Saturday, July 31, 2010

ကော်ဖီထဲက ကြမ္မာ


မီလန်ကာ ကော်ဖီကို အခုကြိုက်နေသည်။ ငယ်ငယ်တုန်းကတော့မကြိုက်မိခဲ့၊ နွားနို့မှာ ပြောင်းဖူးမှုန့်တွေထည့်ထည့်ပြီး သောက်ခဲ့သည်။  ဟိုး ငယ်ငယ်တုန်းက ... မီလန်ကာ့ အဖွားသောက်တာမြင်ဖူးနေကြ၊ မြည်းနေကြဆိုတော့ အဖွားကိုချစ်တဲ့မီလန်ကာလည်း ပြောင်းဖူးမှုန့်လေးတွေထည့်ထားတဲ့ နွားနို့က အရသာရှိသည်ဟု ငယ်ငယ်က ထင်ခဲ့မိသည်။ အဖွားကတော့ “အစာအိမ်နာအတွက်သောက်တာ အရသာသိပ်မရှိလှပါဘူးကွယ်” လို့ ခဏခဏ ညည်းပြလေ့ရှိသည်၊ အဖွားက ဒီလို ညည်းနေပေမဲ့လည်း ပြောင်းဖူးမှုန့်တွေ ထည့်ထားတဲ့နွားနို့တစ်ခွက်ကိုပဲ မနက်တိုင်း သောက်နေခဲ့ပါသည်။

မီလန်ကာ အရွယ်ရောက်လာတော့ အရသာအမျိုးမျိုးကိုစမ်းကြည့်ခဲ့သည်။ အတွေ့အကြုံအသစ်တွေလည်း စိတ်ဝင်စားခဲ့ပြီ၊ အဖွားရဲ့ပြောင်းဖူးမှုန့်တဖွေးဖွေး နွားနို့တစ်ခွက်ဟာ အရသာမရှိလှဘူးဆိုတာလည်းသိခဲ့ရပြီ။ ကော်ဖီတစ်ခွက်ကို တစ်ကြိုက်စီအရသာခံမြည်းရင်း ကော်ဖီကုန်သွားမဲ့အချိန်ကို နှမြောတတ်ခဲ့ပြီ၊ အရက်ချို အချစ်ခါးလား၊ အချစ်ချို အရက်ခါးလား၊ နှစ်ခုစလုံးမှန်မယ်ထင်တဲ့ ချိုတစ်ခါ ခါးတစ်လှည့်  အချစ်ရဲ့အတွေ့အကြုံတွေလဲ ရခဲ့ပြီ၊  အချစ်ခံခဲ့ရဖူးပြီ၊ ချစ်ခဲ့ဖူးပြီ၊ အသည်းခွဲခဲ့ဖူးပြီ၊ အသည်းကွဲခဲ့ဖူးပြီ၊ ချစ်ခဲ့ဖူးပြီ၊ မုန်းခဲ့ဖူးပြီ၊ အမှတ်တရ လက်ဆောင်နုနုရွရွလေးတွေ (ဥပမာ အသည်းပုံပိစိကွေးလေးတွေနဲ့ ပုံဖော်ထားတဲ့... တကယ်တမ်းအသုံးမ၀င်လှတဲ့ပစ္စည်းလေးတွေ)ကို ရလည်းရခဲ့ဖူးပြီ၊ ပေးလည်း ပေးခဲ့ဖူးပြီ၊ အဲဒီနုနုရွရွ အမှတ်တရပစ္စည်းလေးတွေနဲ့အတူ ထုတ်ပိုးထားတဲ့စက္ကူပါးတစ်စပါမကျန် သိမ်းထားခဲ့ဖူးသလို၊ အနည်းငယ်တန်ဖိုးရှိနေတဲ့ပစ္စည်းတွေပါမကျန် အားလုံးကိုလွှင့်ပစ်ခဲ့ဖူးပြီ၊ အပြုံးချိုချိုတွေကို အူလှိုက်သည်းလှိုက် ပြုံးပြတတ်ခဲ့သလို၊ ခပ်မာမာအမုန်းတစ်ခုကိုလည်း အပြုံးတုနဲ့အတူ မြန်မြန်လေးပဲ ထုတ်သုံးတတ်ခဲ့ပြီ၊ ၀မ်းနည်းခဲ့ဖူးပြီ၊ ပျော်ရွှင်ခဲ့ဖူးပြီ၊ ခံစားချက်တွေ အမယ်စုံ မီလန်ကာ ရခဲ့ဖူးပြီထင်ပါသည်။ မီလန်ကာ ဒါတွေကို မခံစားချင်တော့၊ ငြိမ်ငြိမ်လေးပဲနေချင်တော့သည်။ မီလန်ကာ စာရေးမည်။ စာဖတ်မည်။ ဒီဇိုင်းတွေဆွဲမည်။ ပုံတွေဆွဲမည်။ ကိုယ့်ဘာသာ လှလှပပလေးပြင်မည်။ အ၀တ်အစားလှလှ၊ အလှပြင်ပစ္စည်းလှလှလေးတွေ စိတ်ကူးရတိုင်းဝယ်မည်။ မီလန်ကာ သိပ်ချစ်ရတဲ့အဘွားအတွက် ပိုက်ဆံပေးမည်။ ဒါဆိုရင် မီလန်ကာ့ဘ၀ဟာ ပြည့်စုံနေပြီလို့ ကိုယ့်အယူအဆနဲ့ ယုံကြည်နေခဲ့သည်။ မီလန်ကာရဲ့သူငယ်ချင်းမ ဗဲရာကတော့ မီလန်ကာ့အပြောကို သူ့ရဲ့မျက်လုံးလှလှတွေ ပိတ်သွားတဲ့အထိ သဘောကျစွာရယ်မောခဲ့နေခဲ့ပါသည်။ ဗဲရာကပြောသည် “မီလာ ရယ်၊ ယူက ဒါနဲ့ပဲ ယူ့ဘ၀ကိုပြည့်စုံပြီဆိုပြီး အလုံပိတ်အခန်းလေးထဲ ပိတ်ထားတော့မှာတဲ့လား၊ ဒီလို ခံစားချက်တွေက အမြဲရှင်သန်နေတာနော်၊ အမြဲရှင်သန်နေရမှာပဲပေါ့၊ ချစ်လိုက်၊ မုန်းလိုက်၊ မချစ်ရင်မုန်းလိုက်၊ ရွေးစရာတွေမှ အများကြီးပဲလေ၊ ယောက်ျားတွေက နားဆွဲလှလှတွေလိုပဲ၊ နားဆွဲလေးတွေကို သူ့နေရာနဲ့သူဝတ်ရသလိုပေါ့၊ ညနေခင်းလမ်းလျှောက်ထွက်တဲ့အခါ၊ ညဘက် ကော်ဖီဘားကို သွားတဲ့အခါ ရွေးပြီး လိုက်ဖက်မဲ့နားကပ်မျိုး ၀တ်ပေးရတယ်၊ အလှသုံးနားဆွဲလေးတွေက လူကိုပိုပြီးတက်ကြွစေတယ်။ တို့များမိန်းကလေးတွေရဲ့အလှကို ပိုပြီးလန်းဆန်းစေတယ်။ ဒီလိုပဲ ပုလဲနားကပ်၊ စိန်၊ ပတ္တမြား ဒီလို နားကပ်မျိုးကိုလဲ တစ်သက်တာအတွက်တော့ ပိုင်ဆိုင်ရဖို့ကြိုးပမ်းရဦးမှာပဲ” တဲ့၊ ဗဲရာပြောသမျှစကားတွေအားလုံး မီလန်ကာ နားမလည်ခဲ့၊ ရှုပ်ထွေးလွန်းလှသည်။ တစ်ခါတစ်ခါ ဗဲရာကိုယ်တိုင်လည်း နားလည်ဟန်မတူ၊ သူ့မှာရှိနေတဲ့ များပြားလှတဲ့နားကပ်တွေ မရိုးနိုင်အောင် ၀တ်ဆင်ရင်း၊ တချိန်လုံး သူအလုပ်တွေရှုပ်နေခဲ့သည်။ တကယ်တမ်းတော့ ဗဲရာက ချစ်ဖို့ကောင်းလှသည်။ အသားအရည်ဖြူသည်။ ၀င်းသည်၊ စိတ်ဆိုးလွယ်သူ မဟုတ်သလို၊ စိတ်လည်းရှည်သည်၊ သည်းခံတတ်သည်။ အမြဲပြုံးနေတဲ့ ဗဲရာကိုစတွေ့ခါကာစက အပြုံးလှလှလေးကြောင့် ချစ်ဖို့ကောင်းလှသည်ဟု ထင်ခဲ့မိသလို အလုပ်ခွင်မှာအတူတူ ရင်းနှီးလာတဲ့ အချိန်မှာလည်း အကောက်အကွေ့မရှိတဲ့ သဘောဖြူအူစင်းမိန်းကလေး အမျိုးအစားမှန်း သိလာခဲ့ရသည်။ တစ်ခုပဲ ဗဲရာ့နားမှာ နားကပ်ရောင်စုံလေးတွေများလွန်းလှသည်။ ဗဲရာ့အနားမှာ အရွယ်စုံယောက်ျားလေး မိတ်ဆွေတွေ အမြဲရှိနေတတ်သည်။

ဗဲရာအမေက သစ္စာရှိသော(သစ္စာ)လို့ အဓိပ္ပါယ်ရတဲ့ ဗဲရာဆိုတဲ့ အမည် သမီးလေးကိုပေးခဲ့သည်တဲ့ ဗဲရာပြောခဲ့ဖူးသည်။ ဗဲရာကတော့ သစ္စာဆိုတာ သိပ်စိတ်ဝင်စားပုံမရခဲ့၊ သစ္စာရှိဖို့ဆိုတာ သူ သိပ်အလေးအနက်မရှိလှ၊ ဗဲရာကြောင့် ပုံစံမျိုးစုံနဲ့ စစ်ရှုံးခဲ့ဖူးတဲ့ယောက်ျားလေးတွေ မီလန်ကာတွေ့ခဲ့ရဖူးသည်။ မီလန်ကာ တစ်ခါတော့ပြောဖူးသည်။ ဒီလိုမလုပ်ဖို့၊ ဗဲရာကတော့ ခွက်ထိုးခွက်လန်ကိုရယ်မောနေခဲ့သည်။

ဗဲရာကပြောသည်
“သူတို့က သနားစရာမကောင်းလှပါဘူး၊ သူတို့လိုတာလည်း သစ္စာမဟုတ်ဘူးလေ မီလာရဲ့၊ ဗဲရာ သူတို့ကို ဘာမှမလုပ်ပါဘူး၊ ဗဲရာ့ကိုလည်း သူတို့ဘာမှ လုပ်လို့မရဘူး၊ ဗဲရာ တစ်နေ့အိမ်ထောင်ပြုမှာပါ၊ ဗဲရာကလေးတွေလည်း အများကြီးမွေးဦးမှာပဲ၊ ဗဲရာလက်ထပ်မယ့်သူက စိန်နားကပ်လို ယောက်ျားမျိုးလေ၊ ဗဲရာ ပိုက်ဆံရှာဖို့ မကျွမ်းကျင်ဖူး မီလာရဲ့၊ ပိုက်ဆံပဲသုံးတတ်တာ၊ ဗဲရာ ဘာမှပေါက်ကရမလုပ်ပါဘူး၊ မီလာ မစိုးရိမ်နဲ့ သိလား၊ မီလာကလေ မီလန်ကာဆိုတဲ့နာမည်နဲ့ လိုက်အောင် ချစ်စရာကောင်းတယ်၊ တစ်ခါတစ်ခါ မီလာက အရာအားလုံးသိနေတဲ့ အမေလို၊ အစ်မလို တစ်ခါတစ်လေလည်း ဘာမှနားမလည်တတ်သေးတဲ့ ညီမငယ်လေးလိုပဲ၊ ဒါကြောင့် မီလာ့ကို ဗဲရာ သဘောကျတာ”
တဲ့၊

ဗဲရာ က သူ့အကြောင်းပြောပြရင်း ပြောပြရင်းနဲ့ နောက်ဆုံးတော့ မီလန်ကာကိုပဲ တခုတ်တရချီးမွမ်းတော့သည်။ ဟုတ်တော့လည်းဟုတ်သည်။ ဗဲရာဘေးမှာ ယောင်္ကျားလေးတွေ အများကြီးရှိနေခဲ့ပေမဲ့ ဗဲရာ အလည်မလွန်ခဲ့ပါ၊ ကော်ဖီသောက်မည်။ မုန့်ဆိုင်သွားမည်။ ဒီလောက်ပဲ၊ ရုပ်ရှင်အတူသွားကြည့်ကြတာမျိုးတောင် ဗဲရာ အရှုပ်မခံခဲ့၊ နားကပ်လေးတွေတော့ အများကြီးပဲ ရွေးရွေးပြီးတပ်သည်။ နားကပ်လေးတွေကို အမြဲတမ်းပဲ ရွေးနေခဲ့သည်၊ ဒီလိုဆိုတော့လည်း ဗဲရာကို မီလန်ကာစိတ်ချထားလိုက်သည်။ ဗဲရာက သူ့ဘာသာ ကောင်းကောင်းမွန်မွန်ထိန်းကျောင်းနိုင်သည့် မိန်းကလေးဖြစ်ပါသည်။

ဗဲရာကို မီလန်ကာ စိတ်ချထားပေမဲ့ ဗဲရာကတော့ မီလန်ကာကို တစ်စက်ကလေးမှ စိတ်မချခဲ့၊ သူ့ရဲ့ မအားမလပ်နိုင်တဲ့အချိန်တွေ ကြားထဲက မီလန်ကာအတွက် အချိန်ကို အမြဲဖဲ့ချန်ထားလေ့ရှိသည်။ အလှအပကြိုက်တာချင်းတူသူမို့ ဈေးဝယ်ထွက်ကြမည်ဆို ဗဲရာရဲ့ တခြားအစီအစဉ်တွေ အားလုံးကိုခပ်ဝေးဝေးလွှင့်ပစ်တတ်သည်။ ဗဲရာရေ...လို့ ဆိုတာနဲ့ ဗဲရာ ပိုက်ဆံအိတ်လေး ကောက်ကိုင်ပြီးသား ဂျီအမ်အလစ်မှာ မီလန်ကာတို့ ကုမ္ပဏီအနားးက ရှော့ပင်းစင်တာကို သွားကြဖို့ အသင့်ရှိနေတတ်မြဲ၊ ငြိမ်ငြိမ်ကုတ်ကုတ်နေတတ်လွန်းလို့ မီလန်ကာကို ဗဲရာက စိတ်မချ၊ တစ်သက်လုံး ငြိမ်သက်သွားတော့မှာကို သူအမြဲစိုးရိမ်နေခဲ့သည်။ မီလန်ကာ အလှတွေပြင်ရင် သူကြိုက်သည်၊ ဟိုဟိုဒီဒီ သွားမယ် ခေါ်ရင် သူ လိုက်မည်၊ အမြဲအသင့်ရှိတတ်သည်။

မီလန်ကာနဲ့ ဗဲရာက ကုမ္ပဏီတစ်ခုတည်းမှာ အလုပ်လုပ်ကြပေမဲ့ ဌာနချင်းတော့မတူ၊ ဗဲရာက ဂျီအမ်ရဲ့ အထွေထွေအတွင်းရေးမှူး၊ အက်ဒမင်(admin) ဌာနက၊ မီလန်ကာက web development ဌာနက ဒီဇိုင်နာ၊ မီလန်ကာ က ကွန်ပျူတာရှေ့ မခွာ၊ အလုပ်တွေကလည်း မများတဲ့နေ့ဆိုရင်တောင် အင်တာနက်မှာ မီလန်ကာရေးချင်တဲ့အကြောင်းတွေ လိုက်ဖွ၊ ရှာပြီးဖတ်၊ အလုပ်အတွက် လိုအပ်မယ့် ကျူတိုရီယယ်ဖိုင်တွေ ဟိုဟိုဒီဒီလိုက်ရှာတာနဲ့ပဲ မအားနိုင်ခဲ့၊ ဗဲရာကတော့ မရ၊ အချိန်သိပ်တိကျသည်။ ကော်ဖီသောက်ချိန် ၂နာရီ ခွဲ ၃နာရီလောက်ဆိုရင် သူလှုပ်လှုပ်ရှားရှားဖြစ်လာပြီ၊ တစ်ခါတစ်ရံ ကော်ဖီကို ရုံးမှာပဲ သောက်ကြသည်။ တစ်ခါတစ်ရံတော့လဲ မီလန်ကာတို့ ကုမ္ပဏီအောက်ထပ်က ကော်ဖီဆိုင်လေးမှာ သွားထိုင်ကြသည်။ ကော်ဖီသောက်ရင်း စကားတွေပြောကြသည်။ တခြားသူငယ်ချင်းတွေလဲ ပါတဲ့အခါ ပါသည်။ အားလုံး စကားတွေ ၀ိုင်းဖွဲ့ပြောကြတာ တော်တော်ပျော်ဖို့ကောင်းသည်။ တစ်ခါ နှစ်ခါမဟုတ် ရုံးကခွင့်ပြုတဲ့ ကော်ဖီသောက်ချိန်ထက် ပိုယူကြတဲ့ နေ့တွေ အများကြီးရှိခဲ့သည်။


မီလန်ကာရဲ့အချစ်တွေ... မီလန်ကာ အမည်က ချစ်လှစွာသော ချစ်စရာကောင်းသောလို့ အဓိပ္ပါယ်ရတယ်တဲ့၊ မီလန်ကာ အဖွားကပေးတဲ့နာမည်ပါ၊ ဖေဖေ၊ မေမေရှိစဉ်တုန်းကတည်းက အခုထိ ဗဲရာပါမကျန် မီလာ လို့ပဲ ခေါ်ကြသည်။ လူးဘာ ကတော့ မီ လို့ တစ်လုံးတည်းခေါ်လေ့ရှိခဲ့သည်။ လူးဘာက မီ့ထက် ၄နှစ်လောက်ငယ်သည်။ ငယ်ပေမဲ့ ဆရာလုပ်ချင်သည်။ မီလန်ကာကို လွှမ်းမိုးချင်သည်။ .. ဟိုဟာမစားနဲ့၊ ဒါ စားကြစို့.. လို့ စားသောက်ဆိုင် အတူသွားဖြစ်တိုင်း ဒီလို သူကရွေးချယ်သည်။ ..မီ .. ဒါလေးကလှတယ်။ ဒါကိုပဲယူ.. တဲ့၊ အ၀တ်အစားဝယ်ဖို့ အတူသွားဖြစ်ကြတိုင်း အဲဒီလို လူးဘာက အမိန့်ဆန်ဆန်ပြောသည်။ ဆံပင်တိုတာ လူးဘာ မကြိုက်၊ အရှည်ထားစေချင်သည်။ မီလန်ကာ က အရှည်ထားဖို့စိတ်မ၀င်စား၊ ခဏခဏဆံပင်ညှပ်ချင်သည်။ ဆံပင်ညှပ်တိုင်း လူးဘာစိတ်ဆိုးတော့သည်။ လူးဘာရှေ့ရောက်ရင် မီလန်ကာ ကလေးတစ်ယောက်လိုဖြစ်နေသည်။ မီလန်ကာ.. လူးဘာရှေ့မှာ သေးနုတ်ပျောက်ကွယ်လုမတတ်ဖြစ်နေခဲ့သည်။ ကြာတော့ မီလန်ကာ စိတ်ညစ်လာခဲ့ပြီ၊ ချစ်ရတာ ပျော်စရာလည်း မကောင်းလှ၊ မတွေ့ရရင် လွမ်းလှပေမဲ့ တွေ့ရတဲ့အခါ စိတ်ကျဉ်းကျပ်ရသည်။ လူးဘာရှေ့မှာ တစ်စက်ကလေးမှ ပေါ့ပေါ့ပါးပါးပျော်ပျော်ရွှင်ရွှင်ရှိမနေခဲ့၊ ဒီလိုနဲ့ မီလန်ကာနဲ့ လူးဘာ တဖြည်းဖြည်းဝေးလာခဲ့သည်။ မီလန်ကာ ကလည်း နီးဖို့မကြိုးစား၊ လူးဘာကရော ... သူလည်း ဝေးဖို့မပြင်ဆင်ခဲ့သလို နီးစပ်ဖို့ .. ဒါကိုလည်း မကြိုးစားခဲ့ပါဘူး၊

နောက်တစ်ယောက်ကတော့ မာကို၊ သူ့ကျတော့လည်း တကယ့်ကို တမျိုး၊ မီလန်ကာ့ကို အပျောက်မခံနိုင်အောင် သည်းသည်းလှုပ်တတ်သည်။ မီလန်ကာကို တော်ကြောင်း၊ တတ်ကြောင်း အင်မတန်ချီးမွမ်းခန်းဖွင့်သည်။ ပြီးတော့ အဲဒါတွေကြောင့် အထင်တကြီးချစ်သည်ဆိုတော့ အဲဒါတွေမီလန်ကာမှာမရှိတော့ရင်၊ မီလန်ကာ သာညံ့နေမယ်ဆို .. ဒါလည်း မာကို သိပ်မဟုတ်လှဘူး ဟုတွေးမိခဲ့ပြန်သည်။ တစ်ရက်ကလေးမတွေ့လိုက်ရင် မာကို သေမလောက်လွမ်းပြတတ်သည်။ မီလန်ကာ သိပ်စိတ်ပျက်လှသည်။ တွေ့ပြန်ရင်လည်း မီလန်ကာ နေကောင်းရဲ့လား၊ ဘယ်လိုအခြေအနေရှိနေလည်း စူးစမ်းဖို့ထက်၊ သူ ဖြစ်နေတာတွေ ဆက်တိုက်ပြောပြဖို့ပဲ ကြိုးပမ်းတတ်သည်။ ပြောပြတတ်သည်။

“မနေ့ကဆို မာကို မီလာကိုလွမ်းလွန်းလို့ အိပ်လို့မရဘူး၊ မီလာ ထားသွားမလား တွေးပြီး စိတ်မကောင်းဖြစ်လွန်းလို့ လှေကားထိပ်မှာ ထိုင်ငိုလိုက်သေးတယ်၊ ညစာတောင် စားလို့မ၀င်ခဲ့ဘူး”
တဲ့၊

အဲဒါတွေအစချီပြီး သူ့ရဲ့ တူလေးက ဘယ်လိုကအစ၊ တူမလေးက ဘယ်လို၊ အစ်မကတော့ ဘယ်လိုအဆုံး၊ သူ့အကြောင်းတွေပြောပြပြီး နောက်ဆုံးမှ မီလန်ကာကို စူးစမ်းတတ်သည်။ အော် ခက်ရချည့်၊ မီလန်ကာက မငိုနိုင်ဘူး .. မီလန်ကာမှီတွယ်ရမယ့်ပုခုံးပိုင်ရှင်က ပိုပြီး သည်းသည်းထန်ထန်ငိုကြွေးနေတော့တာကိုး .. ဘာမှမဟုတ်လောက်တဲ့ ကိစ္စသေးသေးတွေကို စာဖွဲ့မဆုံးဖြစ်နေတတ်သည်။ ဒီယောက်ျားလေးကတော့ သူ့အတ္တကို ဖွင့်ထုတ်ကြေညာဖို့ မီလန်ကာ့ကိုရွေးချယ်ထားပုံရသည်။ မီလန်ကာ ဒါကိုမကြိုက်၊ ဒါကိုမှမဟုတ် မကြိုက်တာတွေမှ အများကြီးပဲ၊ နောက်ထပ်တစ်ယောက်၊ သူကတော့ အကြွားသန်ချင်ပုံရသည်။ မီလန်ကာ့ရှေ့မှာ သူ့ရဲ့ ခေတ်ပေါ်လက်နက်ဆန်းတွေ တစ်ခုပြီးတစ်ခုထုတ်သုံးသည်။ အသံစုံထွက်တဲ့ကိရိယာတွေ သူ့မှာ  အများကြီးရှိသည်။ မီလန်ကာနဲ့တွေ့ဖြစ်ကြတဲ့ အချိန်မှာ ဖုံးခဏခဏပြောသည်၊ wifi လက်ပ်တော့ပ်သွားလေရာသယ်သည်။ wifi ရတဲ့ ကော်ဖီဆိုင်ကောင်းကောင်းမှာ ထိုင်လေ့ရှိသည်။ သဘောအင်မတန်ကောင်းသည်။ သူငယ်ချင်းတွေနဲ့ ပျော်ပျော်ပါးပါးသွားလာနေချင်သည်။ ဘီယာကြိုက်သည်။ သူငယ်ချင်းတွေစားချင်ရာ ကျွေးသည်။ သွားချင်တဲ့နေရာလိုက်ပို့သည်။ သူငယ်ချင်းလိုပေါင်းသင်းဆက်ဆံဖို့တော့ အကောင်းဆုံး ယောက်ျားလေးဖြစ်သည်။ ဒီလိုနဲ့ သူငယ်ချင်းအဆင့်မှာသာ ရပ်ထားလိုက်ပြီး မီလန်ကာ အေးအေးပဲနေဖြစ်တော့သည်။

ရုံးပိတ်ရက်တစ်နေ့ မီလန်ကာ အိမ်မှာ အလုပ်တွေရှုပ်နေချိန်ဖြစ်သည်။ စိတ်တွေလည်းရှုပ်ရသည်၊ ဘာကြောင့်လဲဆိုတော့ မီလန်ကာအွန်လိုင်းက adobeTV မှာ flash software lesson ဖိုင်တစ်ဖိုင်ကြည့်နေသည်။ တစ်ဆင့်ပြီးတစ်ဆင့်ကြည့်နေရင်း photoshop မှာ ၀က်ဆိုက်ဘ်တစ်ခုလုံးအတွက်သေချာဆွဲ၊ layer တွေမှာ နာမည်တွေကအစ သူ့ content နဲ့သူပေး၊ flash ကနေ အဲဒီ photoshop ဒီဇိုင်းဖိုင်ကို ဆွဲထည့်(import) လုပ်၊ import လုပ်တဲ့အခါမှာလည်း layer တစ်ခုစီကအစ movie clip တွေပြောင်းချင်သလား၊ ရိုးရိုး bitmap ပုံနဲ့ပဲ သိမ်းမလား၊ photoshop မှာ gradient နဲ့ ဒီဇိုင်းချလာရင် flash ထဲကို သိမ်းတဲ့အခါ မူလဒီဇိုင်းအတိုင်းရချင်ရင် ဘယ်လိုသိမ်းရမယ် တစ်ဆင့်စီရှင်းပြသွားပေးတဲ့ www.lynda.com ရဲ့ ဗီဒီယိုဖိုင်က စိတ်ဝင်စားဖို့ကောင်းလှသည်။ မီလန်ကာ ပို ပိုပြီး စိတ်ဝင်စားလာတဲ့အချိန် နောက်တစ်ဆင့်မှာတော့ ပိုက်ဆံသွင်းမှ ကြည့်လို့ရတော့မည်တဲ့၊ စိတ်ကုန်လိုက်တာကွယ်..  အဲဒီအချိန်လေးမှာပဲ ဗဲရာဖုန်းခေါ်လာခဲ့သည်။ ကော်ဖီဆိုင်သွားကြပါစို့ လို့ ဗဲရာက ခေါ်သည်။ စိတ်ညစ်စိတ်ရှုပ်နေတဲ့ မီလန်ကာလည်း ချက်ချင်းပဲ သဘောတူလိုက်ပါသည်။

ဒီလိုနဲ့ မီလန်ကာနဲ့ ဗဲရာ ကော်ဖီဆိုင်လေးတစ်ဆိုင်ရောက်နေကြပြီ၊ ကော်ဖီဆိုင်လေးနာမည်က “ကံကြမ္မာ”တဲ့၊ အဲဒီကော်ဖီဆိုင်လေးမှာ ကော်ဖီသောက်သူတွေအနာဂါတ်အကြောင်းမေးမြန်းလို့ရသည်။ ကော်ဖီခွက်တွေကိုကြည့်ပြီး .. အတိအကျဆိုရလျှင် ကော်ဖီခွက်မှာ တင်ကျန်နေတဲ့ ပုံသဏ္ဍာန်တွေကို ကြည့်ပြီး ဗေဒင်ဟောပေးသည်လို့ ဗဲရာက သတင်းပေးသည်။ တူရကီကော်ဖီ (Turkish coffee) တစ်မျိုးတည်းသာရပြီး  ကော်ဖီကိုပဲသီးသန့်သောက်ချင်သူတွေ အတွက်လည်း နေရာသပ်သပ်လုပ် ပေးထားသည်။ ဘာမဆို စူးစမ်းချင်တဲ့ ဗဲရာကတော့ ဗေဒင်ဟောပေးမည့်အမျိုးသမီးကြီးကို မေးမြန်းစပ်စုနေနှင့်ပြီ၊ မီလန်ကာ ဗေဒင်ကိုစိတ်မ၀င်စား၊ အယုံအကြည်မရှိလှပါ၊ ဗဲရာနှင့် စကားပြောနေသည့်အမျိုးသမီးကြီးကတော့ စိတ်ဝင်စားဖို့ကောင်းလှသည်။ သလင်းကျောက်သားပုတီးစေ့ကြီးကြီးတွေ အများကြီးပါသည့် ပုတီးကိုလည်မှာဆွဲလို့၊ စီးကွင့်များများမှူန်းခြယ်ထားထားတဲ့ အနီရဲရဲပုဝါစကို ဦးခေါင်းမှာစည်းထားသည်။ နှုတ်ခမ်းနီရဲရဲ စိုလက်လက်နဲ့ လက်သည်းရှည်တွေကလည်း အနီစစ်စစ် အရောင်ကိုပဲ ဆိုးထားပြန်သေးသည်။ လက်နှစ်ဘက်မှာ အဆင်တန်ဆာပုတီးလက်ကောက်တွေအများကြီးပဲ ၀တ်ထားသည်။ နားဆွဲကလည်းကြီးလွန်းသည်။ မျက်စိနောက်အောင်ကို လှုပ်ခါလွန်းလှသည်။ ဂါဝန်ဖါးဖါးကလည်း ဂျစ်ပဆီအမျိုးသမီးတွေရဲ့အဆင်အပြင်ပုံစံမျိုးပါပဲ၊ အဲဒီအမျိုးသမီးကြီးရဲ့ကိုယ်အလေးချိန်ကတော့ ပုတီးစေ့တွေနဲ့ကိုပဲ တော်တော်ကြီးလေးနေလောက်ပြီလို့ မီလန်ကာ ကပ်ကပ်သပ်သပ်တွေးရင်း ပြုံးမိသေးသည်။ တကယ်ပါပဲ အဲဒီအမျိုးသမီးကြီးရဲ့ ခေါင်းအငဲ့၊ လက်အရွှေ့မှာ သလင်းပုတီးစေ့တွေရဲ့ အလင်းတွေကလက်ကနဲ၊ လက်ကနဲ၊ ပြိုးပြိုးပြက်ပြက် ကြည်လို့တော့ ကောင်းလှသည်။ ဗဲရာနှင့်စကားပြောနေရင်းမှာပဲ အဲဒီအမျိုးသမီးကြီးရဲ့ အကြည့်တွေက မီလန်ကာဆီ ခဏခဏ ရောက်လို့လာတော့၊ မီလန်ကာ စိတ်ထဲတွေးနေတာပဲ သိသွားမလား တွေးမိလိုက်သေးသည်။ ကိစ္စတော့မရှိပါ၊ လူတိုင်းက အတွင်းစိတ်မှာယောက်ယက်ခတ်တွေးတောရင်း မသိမသာကဲ့ရဲ့ အတင်းဆိုတတ်ကြတာပဲမဟုတ်လား၊ မီလန်ကာ က ကဲ့ရဲ့အပြစ်ဆိုချင်တာထက် စိတ်ဝင်စားစရာ ကောင်းလွန်းလှတဲ့ အဲဒီအမျိုးသမီးကြီးကို သဘောကျသွားရုံ၊ မှတ်ချက်ပေးမိရုံလေးပါပဲ။

အဲဒီအမျိုးသမီးကြီးက ဗဲရာနှင့်စကားဆိုနေရင်းမှာပဲ မီလန်ကာစားပွဲဆီရွှေ့လာခဲ့သည်။ မီလန်ကာကို ပြုံးမြမြနှုတ်ဆက်တော့မှ အနီးကပ်မြင်ရတဲ့ သူမက ထင်သလောက်အသက်မကြီးသေး၊ မျက်ဝန်းတွေကနုနုညံ့ညံ့၊ လေသံကလဲခပ်ချိုချို
“မိန်းကလေးရေ၊ မင်းရဲ့ကော်ဖီခွက်ကို နောက်နေ့စပ်စုပါရစေကွဲ့”
တဲ့၊ သူမက ဆိုသည်။

မီလန်ကာ စိတ်အိုက်မိသည်၊ သူမကပဲ ထပ်ပြောပြန်သေးသည်။

“ပိုက်ဆံပေးစရာမလိုဘူးကွဲ့၊ အပျင်းပြေစကားပြောရင်း ငါက မင်းရဲ့အကြောင်း ပြောပြချင်လာရင် ပြောပါရစေပေါ့၊ မင်းလည်း လက်ခံမယ်လို့ ငါတော့ မျှော်လင့်မိတာပဲ၊ မိတ်ဖြစ်ဆွေဖြစ်ပေါ့ကွယ်”  
လို့ အဲဒီအမျိုးသမီးက ဆက်တိုက်ပြောလာသည်။
သူမအမည်က ယဲလီနာတဲ့၊ မီလန်ကာ ငြင်းဆန်လိုစိတ်မရှိခဲ့ပါ၊ သူမမှာ မမြင်မသိနိုင်တဲ့ စွမ်းအားတစ်ခုခုတော့ရှိနေသည် ထင်မိသည်။ မီလန်ကာ ပေါ့ပေါ့ပါးပါးပြုံးရင်း

“နောက်တစ်ကြိမ်ဆုံကြသေးတာပေါ့၊ တကြိမ်မကလည်းဆုံနိုင်ကြသေးတာပဲ၊ ကျွန်မက ကော်ဖီဆို သိပ်ကြိုက်တဲ့သူလေ”
လို့ စကားပြန်လိုက်မိသည်။

နောက်တော့ ဆိုင်ခန်းအပြင်အဆင်လှလှ၊ ကော်ဖီကောင်းကောင်း “ကံကြမ္မာ” ကော်ဖီဆိုင်လေးကို ဗဲရာနှင့် ခဏခဏရောက်ဖြစ်ကြသည်။ ရောက်တိုင်းလည်း ကော်ဖီဆိုင်က ယဲလီနာနှင့် စကားလက်ဆုံကျ ပြောကြဆိုကြသည်။ တခြား ကော်ဖီဗေဒင်ဖတ်ပေးနေတဲ့အမျိုးသမီးတွေလည်း လေး၊ ငါးဦးခန့် ရှိနေပေမဲ့ ယဲလီနာနှင့်သာ မီလန်ကာတို့ အဖွဲ့ကျခဲ့ကြသည်။ ကော်ဖီဗေဒင် နိမိတ်ဖတ်ပုံဖတ်နည်းတွေ မီလန်ကာမမေးပါပဲနဲ့ ယဲလီနာက ရှင်းပြလေ့ရှိသည်။ မီလန်ကာ ကော်ဖီကိုမသောက်ခင် ယဲလီနာက အမြဲသတိပေးသည်။

“မီလာရေ၊ (နောက်ပိုင်းတော့ သူမက မီလာလို့ပဲ ဗဲရာခေါ်သလိုလိုက်ခေါ်သည်၊)၊ ကော်ဖီကို တစ်နေရာထဲကပဲသောက်နော်၊ နေရာအမျိုးမျိုးပြောင်းမသောက်နဲ့၊ ပြီးရင် ကော်ဖီအောက်ခံပန်းကန်ပြားနဲ့ဖုံးကွဲ့၊ ပြီးတော့ မီလာလိုချင်တဲ့ ဆုကိုတောင်းရဦးမယ်၊ ဆုတောင်းပြီးရင် ကော်ဖီခွက်ကို ရင်ဘတ်နားမှာ အဖုံးကို အုပ်လျက်သား ကိုင်ထား၊ နာရီလက်တံအတိုင်း ဖြည်းဖြည်းချင်း အကြိမ်နည်းနည်းလှည့်ပေးရမယ်နော်၊ ပြီးရင်တော့ ကော်ဖီခွက်မှောက်လျက်သားအနေအထားမှာ ပြန်ချထားပြီး အေးအောင် ခဏစောင့်ပေး၊ တို့ မီလာ့အနာဂါတ်ကိုဖတ်ချင်တယ်” လို့ ယဲလီနာကဆိုသည်၊

တခါတရံမီလန်ကာ ကော်ဖီခွက်အအေးခံနေတဲ့အချိန် ကော်ဖီခွက်ပေါ်မှာ ပိုက်ဆံအကြွေစေ့တစ်စေ့ကို လာတင်ထားတတ်သည်။ မကောင်းတဲ့နိမိတ်တွေကို အဝေးသို့နှင်ပစ်နိုင်သည်တဲ့၊

“အမှန်က ကော်ဖီခွက်မြန်မြန်အေးအောင်လို့ပါ”
လို့ ယဲလီနာ စိတ်လိုလက်ရရှိသည့်အခါ နောက်တီးနောက်တောက်ပြောတတ်သေးသည်၊

“ကော်ဖီခွက်ကို ကော်ဖီသောက်သူကိုယ်တိုင်မဖွင့်ရဘူး၊ ကော်ဖီခွက်ကို ဖတ်မဲ့သူကသာဖွင့်ရမယ်၊ open the heart လို့ မီလာက ရွတ်ရမယ် ”
လို့ ယဲလီနာက သင်သည်။

မီလန်ကာတော့ မယုံပေမဲ့ အပျင်းပြေလိုက်လုပ်ကြည့်ပါသည်။

ဗဲရာကတော့ အကြိမ်တိုင်းမေးသည်။ တခြားအမျိုးသမီးတွေနှင့် ကြုံသလိုမေးသည်။ သိပ်မှန်တာပဲလို့ ဗဲရာက တပြုံးပြုံးနှင့် ကျေနပ်စွာဖြေသည်။ ဘာတွေမှန်နေလဲတော့ မီလန်ကာ သေသေချာချာ မစပ်စုနိုင်သေးပါ။

ယဲလီနာက မီလန်ကာ ကော်ဖီခွက်အတွင်းက ကော်ဖီအနှစ်တွေကိုကြည့်ကာ “အိုး ခွေးလေးပါလား၊ ဒါ မီလာ့မှာ သိပ်သစ္စာရှိတဲ့ သူငယ်ချင်း၊ ဆွေမျိုးရှိရမယ် လို့ဆိုတာ” တဲ့၊ မီလန်ကာက ဗဲရာကို ညွှန်ပြရင်း “သူပေါ့” လို့ ဆိုတော့ ယဲလီနာ အားပါးတရပြုံးပါသည်။ မီလန်ကာ ကော်ဖီခွက်ကို ယူကြည့်မိတော့ ကော်ဖီအနှစ်တွေ တဖွားဖွားပြန့်ကျဲနေသလိုသာ မြင်သည်။ ဘာခွေးပုံလေးမှမတွေ့၊ ဗဲရာကိုသာ ခွေးလေးဗဲရာလို့ စနောက်မိတော့သည်။ ဗဲရာကလည်း တဟားဟားရယ်မောနေခဲ့သည်။

“ပန်းသီးပုံစံ တွေ့ရရင် ဗဟုသုတကြွယ်ဝတဲ့သဘော၊ အတန်းပညာပြီးဆုံးခြင်း၊ ဒီပလိုမာတစ်ခုခုရခြင်းမျိုးပေါ့၊ ငှက်လေးတွေ ပျံနေတဲ့ပုံမျိုးဆိုရင် သတင်းကောင်းကြားရတော့မယ်ကွဲ့၊ ဖယောင်းတိုင်းလေးမြင်ပြီဆိုရင်တော့ အသိဥာဏ်ပညာ တိုးတက်ဦးမယ်၊ ကြောင်လေးဆိုရင် ကလိန်ဥာဏ်ဆင်မယ့်သူငယ်ချင်း ဆွေမျိုးရှိတတ်လို့ သတိထားရမယ်၊  ယစ်ဘီးနဲ့လွှတ်ရတဲ့ စွန်ပုံတွေ့ရင် မင်းရဲ့ဆန္ဒတွေအမှန်တကယ်ဖြစ်လာတော့မယ်ဆိုတဲ့သဘောပေါ့၊ အိုး ကျီးနက်ကြီးတော့ မတွေ့တာအကောင်းဆုံးပဲ၊ သူက သေဆုံးခြင်းနဲ့ သတင်းဆိုးတွေပဲ ယူလာပေးတတ်တယ်”
လို့ ယဲလီနာက ရှင်းပြခဲ့သည်။

ယဲလီနာပြောပြတဲ့ကော်ဖီနိမိတ်ဖတ်ခြင်းပညာက မီလန်ကာအဖို့တော့ပျော်ရွှင်စရာကောင်းလှသည်ဟု ထင်မိခဲ့ပေမဲ့ တစ်နေ့တော့ ယဲလီနာအလန့်တကြားပြောလာသည်။

“မီလာရယ် သတိတော့ထားကွဲ့ မင်းရဲ့ခွက်ထဲမှာ ကျီးနက်ကြီးတစ်ကောင် တို့တွေ့နေတယ်” တဲ့၊

ပြီးတော့ ထပ်ပြီးရှင်းပြသေးသည်၊ နိမိတ်ဖတ်တဲ့အခါ တ၀က်စီခွဲခြားပြီးဖတ်ရသည်။ အပေါ်တစ်ဝက်က အနာဂါတ်အတွက်ဖြစ်ပြီး အောက်ဖက်တစ်ဝက်မှာထင်ကျန်နေတဲ့ပုံရိပ်တွေက အတိတ်အတွက်ဖြစ်သည် လို့ဆိုသည်။ အဲဒီတ၀က်စီမှာမှ ညာဘက်ခြမ်းအပိုင်းတွေက နမိတ်ကောင်းတွေအဖြစ်ဖတ်ရပြီး၊ ဘယ်ဘက်ခြမ်းမှာက မကောင်းတဲ့ကိစ္စရပ်တွေ၊ ရန်သူတွေ၊ ဖျားနာခြင်းနဲ့ ပြဿနာတွေနဲ့ တခြားဆင်တူအဆိုးတွေအတွက် ဖတ်ရသည်တဲ့၊ ကော်ဖီနိမိတ်ဖတ်တဲ့အခါ တခြားယုံကြည်မှုတစ်ခုက လာမယ့်ရက်ပေါင်း ၄၀ အတွင်းဖြစ်မယ့်ကိစ္စမျိုးသာ ဟောပြောနိုင်သည်။ အဲဒီရက်ကျော်သွားတဲ့အချိန်အတွက် ဖတ်တဲ့အခါ မမှန်နိုင်တော့ဘူးလို့လည်း ဆိုသည်။ ယဲလီနာက ထပ်ပြောသေးသည်။ ခွက်မှာရှိတဲ့ကော်ဖီအနှစ်တွေရော၊ အောက်ခံပြားမှာ ထင်ကျန်နေတဲ့ပုံရိပ်တွေပါ ကြည့်ပြီး အသေးစိတ် ဖတ်ရသေးသည်။ အောက်ခံပြားက ကော်ဖီခွက်ပိုင်ရှင်ရဲ့ အိမ်၊ မိသားစုဘ၀ကို ရည်ညွှန်းသည် လို့ ဆိုသည်။ ဒီတစ်ခါ မီလန်ကာကော်ဖီခွက်ရဲ့ အောက်ခံပြားမှာ ကျီးနက်ကြီးပုံရိပ်တွေ့သည်ဟု ထပ်ပြီးသတိပေးရင်းပြောပြန်သည်။ ယဲလီနာပြောချင်တာက မီလန်ကာရဲ့ မိဘဆွေမျိုးတစ်ဦးဦးဖျားနာသေဆုံးနိုင်တယ် တဲ့၊ ပြီးတော့ ခွက်အတွင်းမှာလည်း ဘယ်ဘက်အပေါ်ခြမ်းမှာ ရှုပ်ရှုပ်ထွေးထွေးပုံရိပ်တွေ တွေ့နေတော့ လာမယ့် ရက် လေးဆယ်အတွင်း သတိထားဖို့ ယဲလီနာ အထပ်ထပ် သတိပေးနေခဲ့သည်။ မီလန်ကာက အစထည်းက အယုံအကြည်ရှိသူမဟုတ်၊ ယဲလီနာကိုတောင် စိတ်မပူဖို့ ပြန်ပြီးဖျောင်းဖြလိုက်ရသေးသည်။

ထူးခြားလွန်းလှတဲ့တိုက်ဆိုင်မှုလေလား... ယဲလီနာကော်ဖီနိမိတ်ဖတ်ပြီး တစ်လခန့်အကြာ မီလန်ကာတောင် အဲဒီနိမိတ်ဆိုးကိုမေ့နေတဲ့အချိန်မှာမှ.. အဲဒီညတစ်ညမှာ ... အဘွားက အစောကြီးပဲအိပ်ရာဝင်ဖို့ပြောလာသည်။ သူ ဒီနေ့ မျက်တောင်တွေစင်းကျလာအောင်ငိုက်မျဉ်းနေသည်တဲ့၊ ကျန်တာတော့ အားလုံးအကောင်းပကတိ၊ တခြားရက်တွေထက် ထူးထူးခြားခြားပိုမိုအိပ်ချင်နေခဲ့တာတစ်ခုပဲ၊ အဘွား အိပ်ရာထဲဝင်သွားပြီးနောက် မီလန်ကာလည်း အိပ်မက်လှလှမက်စေဖို့ နှုတ်ဆက်နေကြအတိုင်း နှုတ်ဆက်လိုက်သေးသည်။ နောက်တစ်နေ့မနက်ခင်းမှာတော့ အဘွားက နိုးထမလာတော့ပါ၊ တကယ့်ကို မနိုးတဲ့အိပ်ခြင်းမျိုးနဲ့ အိပ်စက်နေခဲ့ပြီ၊ “ယဲ...လီနာ ... ” မီလန်ကာ အလန့်တကြားရေရွတ်လိုက်မိသည်။ ပြီးတော့ မီလန်ကာ ၀မ်းနည်းစွာငိုကြွေးမိသည်။

အဘွားကိစ္စတွေအားလုံးပြီးတဲ့တစ်နေ့မှာတော့ ဗဲရာနဲ့ပဲ မီလန်ကာ ကော်ဖီဆိုင်လေးကို သွားခဲ့ပြန်သည်။ မီလန်ကာ .. ယဲလီနာကို သိပ်တွေ့ချင်နေခဲ့သည်။ ယဲလီနာပြောသောစကားတွေ နိမိတ်တွေအကြောင်း ဘာမဆို ပိုပြီးသိချင်လာခဲ့သည်။ ယဲလီနာကို အဘွားအကြောင်းပြောပြတော့ .. မီလန်ကာကို သနားကြင်နာခြင်းကြီးစွာ ပွေ့ဖက်နှစ်သိမ့်လေသည်။ မီလန်ကာကျောကို အသာအယာပွတ်သပ်ရင်း

“ဒီနေ့ ကော်ဖီသောက်ဦးမှာပဲလားကွဲ့”
ဟု မေးသည်။ မီလန်ကာကလည်း

“သေချာတာပေါ့၊ ကော်ဖီလည်း သောက်ဦးမယ်၊ ယဲလီနာကလည်း မီလန်ကာအတွက် နိမိတ်ဖတ်ပေးရဦးမယ်”
လို့ ပြောချလိုက်တော့၊

ယဲလီနာက “နိမိတ်ဆိုးတွေမကြောက်ဖူးလား” တဲ့ မေးလာသည်၊

“နိမိတ်ဆိုးဆိုတာ အမြဲရှိနေနိုင်တာမှမဟုတ်တာ၊ အဆိုးရှိသလို အကောင်းလဲ ရှိနိုင်တာပဲမဟုတ်လား”
လို့ မီလန်ကာ ဆက်ကနဲ ပြန်မေးလိုက်တော့မှ ယဲလီနာ အပြုံးယဲ့ယဲ့ပြုံးပြရင်း၊ “ဟုတ်သားပဲကွယ်” လို့ ခေါင်းငြိမ့်ထောက်ခံလေသည်။

“ကဲ စကြဦးစို့ရဲ့”
ဟု ခါးကိုဆန့်ဆန့်ပြန်မတ်ရင်း ယဲလီနာကဆိုသည်၊

အဲဒီနောက်တော့ ယဲလီနာ အရင်က ပြောနေကြအတိုင်း၊ တစ်နေရာထဲက ကော်ဖီကိုသောက်ရမယ် ဆိုတာနဲ့အတူ ဆောင်ရန်၊ ရှောင်ရန်တွေ ဆက်တိုက်ပြောသည်။ မီလန်ကာလည်း အဆင့်ဆင့် ရင်ဘတ်နားဆီဆွဲယူ နာရီလက်တံအတိုင်း အကြိမ်နည်းနည်းလှည့်ပြီး နောက်တော့ ကော်ဖီခွက်အေးအောင်စောင့်ကြရင်း စကားတွေဆက်ပြောကြပြန်သည်။ ဗဲရာကတော့ သူ့ကော်ဖီခွက်မှာ ပျံသန်းနေတဲ့ငှက်လေးတွေတွေ့ရတယ်ဆိုတဲ့အကြောင်းပြောပြလေသည်။ ဗဲရာက ရက်လေးဆယ် အတွင်း ဘယ်လိုသတင်းကောင်းကြားရလေမလဲ စောင့်ရမည်ဟု စိတ်လှုပ်ရှားစွာပြောသည်။ ကော်ဖီအေးလောက်တဲ့အချိန်ရောက်တော့ open the heart လို့ မီလန်ကာကပြောပြီး၊ ယဲလီနာကော်ဖီခွက်ကိုဆွဲမတဲ့အခါ အောက်ခံပြားလေးနဲ့ကပ်နေကာ လုံးဝခွာမရ၊  “အိုး သိပ်ကောင်းတာပဲ” လို့ ယဲလီနာက လွှတ်ကနဲအော်လိုက်သည်။ ကော်ဖီနိမိတ်ဖတ်သူတို့ ယုံကြည်တာက အောက်ခံပြားနှင့် ခွာမရရင် အဲဒီကော်ဖီခွက်အတွက် မဖတ်သင့်၊ ဖတ်စရာမလိုလောက်အောင် အားလုံးကောင်းနေတယ်လို့ တဲ့။ ယဲလီနာက ပြောပြပြန်သည်။ မီလန်ကာအတွက် နောက်ထပ်စိုးရိမ်ပူပန်စရာကိစ္စတွေ မရှိနိုင်ပါလို့ ယဲလီနာက အခိုင်အမာဆိုသည်။

အဲဒီရက်တွေအတွင်း ဗဲရာသိပ်ပျော်နေသည်ဟုထင်မိသည်။ အမြဲသွက်လက်နေတဲ့ဗဲရာကို ရုံးမှာလည်း  ပိုပြီး ပြုံးချိုပျော်ရွှင်နေသည်ဟု မီလန်ကာ တွေးနေမိသည်။ အဲဒီညနေမှာ ဗဲရာက ပြောစရာရှိသည်ဟုဆိုသည်။ “ကံကြမ္မာ” ကိုပဲ သွားကြရအောင်တဲ့၊ မီလန်ကာတို့ ကော်ဖီဆိုင်လေးဆီ ဦးတည်ခဲ့ကြသည်။ ဗဲရာက ကော်ဖီဆိုင်လေးရောက်တော့ ကော်ဖီမှာရင်း စောင့်နေကြဆဲ သူ ဘ၀လက်တွဲဖော်တွေ့ပြီဟု ဆိုသည်။ စိန်နားကပ်လို ယောက်ျားလေးမျိုး သူတွေ့ထားပြီလို့ ပြောသည်။ ဒီနားကပ်ကိုတော့ သူ အမြဲတပ်တော့မည်လို့ဆိုသည်။ ယဲလီနာလည်း အနားမှာရှိနေခဲ့သည်။

“ကဲ.. ကဲ ဒါဆို မိတ်ဆက်ပေးတော့၊ ဗဲရာရေ ၊ အချိန်မဆွဲနဲ့ တော့” 
လို့ဆိုတော့ ဗဲရာလှလှလေးပြုံးပြသည်၊

“မီလာသိပါတယ်”
တဲ့၊

“မသိလိုက်ပါဘူး၊ ဗဲရာက အမြဲနားကပ်လေးတွေနဲ့အလုပ်ရှုပ်နေတာလေ၊ ဘယ်နားကပ်လေး တကယ်ကြိုက်မှန်းမသိလိုက်ဘူး”
လို့ မီလန်ကာလျှာထုတ်ပြောင်ပြရင်း နောက်လိုက်တော့ ဗဲရာက တခစ်ခစ်ရယ်မောတော့သည်။
ဗဲရာက ဒီ “ကံကြမ္မာ”ကော်ဖီဆိုင်လေးရဲ့ပိုင်ရှင်နဲ့ လက်တွဲတော့မည်ဟု အတိအကျကြေညာလေသည်။ တူရကီ၊ ဘူလ်ဂေးရီးယား ဘက်မှာပါ ကော်ဖီဗေဒင်ဆိုင်ခွဲတွေ ဖွင့်ထားတဲ့ ဗဲရာအဆိုအရ စိန်နားကပ်လို ဒီယောက်ျားလေးက သူမနဲ့အသင့်တော်ဆုံးလို့ ဆိုလေသည်။ ဗဲရာလူကဲခတ်မမှားနိုင်ပါ၊ မီလန်ကာလည်းမြင်ဖူးတွေ့ဖူးနေခဲ့ပါသည်။ အင်မတန်မွန်ရည်ပြီး အေးဆေးတည်ငြိမ်သလောက် အလုပ်မှာစိတ်ဝင်စားတဲ့ စိန်နားကပ်လေးနဲ့ စိတ်ထားဖြူလှသူလေး ဗဲရာ အတွက် မီလန်ကာ ကြည်ကြည်နူးနူး ၀မ်းသာပျော်ရွှင်ရသည်။


နောက်ပိုင်း ဗဲရာနဲ့ ဒီဆိုင်လေးကိုရောက်ချိန်တိုင်း ဗဲရာက စိန်နားကပ်လေးနဲ့ အလုပ်ရှုပ်နေသလို မီလန်ကာနဲ့ ယဲလီနာလည်း စကားတွေတွတ်ထိုးကြသည်။ ယဲလီနာကလည်း မီလန်ကာအတွက် ကော်ဖီနိမိတ်တွေလဲ ဖတ်ပေးနေဆဲ၊ မီလန်ကာ ကော်ဖီခွက်ထဲမှာ ငှက်ကလေးတွေအများကြီးပဲ ပျံနေတာတွေ့တဲ့အခါတွေ့၊ မီးစာတလွင့်လွင့် ဖယောင်းတိုင်လေးတွေ တွေ့ပြန်ပြီဟု ပြောတဲ့အခါပြောလိုက်၊ ယဲလီနာပြောသမျှ မီလန်ကာအတွက် အကောင်းတွေပဲဖြစ်နေတော့သည်။ ယဲလီနာက ခုနောက်ပိုင်း ပိုပိုပြီး စနောက်ရင်း ပြောလာသည်။

“မီလာရဲ့ ဖယောင်းတိုင်းလေးကလင်းလှချည်ရဲ့၊ ငှက်ကလေးတွေများဟာလည်း အများကြီးပဲ ပျံသန်းလို့နော်၊ မီလာ သတင်းကောင်းကြားရတော့မယ်။ တစ်ခုခုကို အသေအချာ ထူးခြားရစေ့မယ်ကွဲ့”
လို့ ခဏခဏပြောတတ်လာသည်။

မီလန်ကာ ကတော့ “ဘာ သတင်းမျိုးပါလိမ့်၊ ဘာတွေထူးခြားရမှာတဲ့လဲ ယဲလီနာ၊ မီလန်ကာ ယောက်ျားယူရတော့မယ်တဲ့လား” လို့ စနောက်ချင်လှစွာ တဲ့တိုး မေးလိုက်တော့သည်။ အဲဒီလိုမေးလိုက်တိုင်း မီလန်ကာ့အနားက ယဲလီနာ လှစ်ကနဲ ပြေးထွက်သွားလေ့ရှိသည်။

ဒီလိုနဲ့ပဲ ယဲလီနာရဲ့ကော်ဖီဗေဒင် မှန်ရဦးမယ့် နေ့တစ်နေ့ရောက်လာခဲ့ပြန်သည်။

“မီလန်ကာ .. ကိုယ် က မီလိုရာဒ့်ပါ၊ မီလာကို သိနေခဲ့တာ ကြာခဲ့ပြီ၊ မီလာ ဒီဆိုင်လေးကို ပထမဆုံး စရောက်လာခဲ့တဲနေ့ကတည်းက ယဲလီနာ့ကို မျက်မှောင်ကျုံ့ရင်း စပ်စုနေတဲ့ မိန်းကလေးကို ကိုယ်အစွဲကြီးစွဲသွားခဲ့တာ၊ ကိုယ့်ဘာသာ ပြန်မေးရင်း၊ မီလာအကြောင်းတွေလဲ စုံစမ်းရင်းနဲ့ပဲ ...... ကိုယ် အချိန်ယူခဲ့ပြီးပါပြီ၊ ဒီနေ့တော့ ကိုယ် .. ပြောပါရစေတော့၊ ကိုယ့်ဘက်က သေချာခဲ့ပြီ၊ မီလာ့ကို လက်ထပ်ပါရစေ”

ဆိုပြီး စကားအစချီပြောလာတဲ့ သူ့ကို ကြည့်မိတော့ ... အရပ်ရှည်ရှည် နူးနူးညံ့ညံ့ မျက်ဝန်း၊ မီလန်ကာထက် အများကြီး အသက်ကြီးပုံရတဲ့ သူ့ကိုကြည့်ရင်း သူ ဆက်ပြောလာတဲ့ သူ့အကြောင်းတွေ နားထဲမကြားတစ်ချက်၊ ကြားတစ်ချက်၊ ကလေးလည်း မဟုတ်ပါပဲနဲ့ မီလန်ကာ ဆက်ကျော်သက်လေးလို ရင်တွေ အဆမတန် ... တဒိတ်ဒိတ်ခုန်လို့ ...

ဗဲရာဆီ လှမ်းကြည့်လိုက်တော့ ဗဲရာက အားလုံးကို သိနေသလို မီလန်ကာ့ကို ပြုံးပြုံးလေးစိုက်ကြည့်နေသည်။ ခေါင်းလေးတစ်ချက် ဆတ်ပြသည်။

ဗဲရာရဲ့ ခေါင်းလေးဆတ်ကနဲ အညိတ်မှာ ဗဲရာ နားက စိန်နားဆွဲ အရောင်လေးက ပြိုးကနဲ ပြက်ပြက် တစ်ချက်ထလက်လေသည်။

တကယ်ပါပဲ ... ကော်ဖီဗေဒင် စိတ်ဝင်စားဖို့ကောင်းလှသည်။
ယဲလီနာရဲ့ ... ကော်ဖီဗေဒင် မှန်ရဦးတော့မည်။         ။
Nweni Magazine, March, 2011
လာလည်တဲ့သူငယ်ချင်းအားလုံး ကျေးဇူးတင်ပါတယ်၊ ပျော်ရွှင်ချမ်းမြေ့ကြပါစေ

တူရကီကော်ဖီ နဲ့ နိမိတ်ပုံများအကြောင်း

Turkish ကော်ဖီကိုကြည့်ပြီး ဗေဒင်ဟောတဲ့အလေ့အထဟာ ဥရောပနိုင်ငံတွေမှာ ထင်ရှားလှတဲ့ရိုးရာဓလေ့ထုံးစံလို ဖြစ်နေပါတယ်၊ Turkish coffee ဆိုတာက ကော်ဖီတစ်မျိုးရဲ့အမည် မဟုတ်ပဲ၊ ကော်ဖီပြုလုပ်ပုံနည်းသာဖြစ်ပါတယ်၊

အော်တမန်အင်ပါယာ(တူရကီအင်ပါယာ)တခေတ်ထူထောင်ခဲ့စဉ် အားအကြီးဆုံးအချိန် ၁၆ရာစု၊ ၁၇ ရာစုနှစ်တွေမှာ တူရကီယဉ်ကျေးမှုဟာ ဥရောပအရှေ့တောင်ပိုင်း၊ အရှေ့အလယ်ပိုင်းဒေသ၊ မြောက်အာဖရိက၊ ကော့ကေးဆပ်ပြည်နယ်၊ ဘော်လ်ကန်ဒေသ(အယ်လ်ဘေးနီးယား၊ ခရိုအေးရှား၊ ဂရိ၊ ကိုဆိုဗို၊ မက်ဆီဒိုနီးယား၊ ဆားဘီးယား၊ ဘူလ်ဂေးရီးယား၊ ခရိုအေးရှား၊ ဆလိုဗေးနီးယား)အပါအ၀င် တခြားဥရောပနိုင်ငံတွေမှာပါ လွှမ်းမိုးခဲ့တယ်၊ ကော်ဖီမှုန့်ကို အ၀ကျဉ်းအိုးလေး ဆဗဲ(cezve)နဲ့နှပ်ပြီး သောက်ရတဲ့ Turkish coffee ယဉ်ကျေးမှုဟာလည်း အဲဒီဒေသတွေမှာ လွှမ်းမိုးခဲ့တယ်၊ ကော်ဖီ အစပြုခဲ့တာက အီသီယိုးပီးယားနဲ့ ရီမင်နိုင်ငံက စတင်ခဲ့တယ်လို့ ဆိုတယ်၊ ၁၅ရာစု၊ ၁၆ရာစုမှာ ကိုင်ရိုနဲ့ မက်ကာကို ပြန့်နှံ့ခဲ့တယ်၊ အော်တမန်သမိုင်းမှတ်တမ်းဆရာ အီဗရာဟင်ပန်ချဲဗီ နှစ် ၉၆၂(၁၅၅၄-၅၅)ခုနှစ် အော်တမန်ဒေသတွေမှာ ကော်ဖီနဲ့ ကော်ဖီဆိုင်ဆိုတာမရှိသေးပါဘူး၊ အဲဒီနှစ်ထဲမှာပဲ ဆီးယီးယားမြောက်ပိုင်း အဲလဲပို က ဟာကမ် ဆိုသူနဲ့ ဆီးယီးယားမြို့တော် ဒမတ်စ်ကပ်စ် က ရှမ်းစ် တို့ မြို့တော်ကို ရောက်လာခဲ့ပြီး ကော်ဖီရောင်းတဲ့ ဆိုင်ကြီးတစ်ဆိုင်ဖွင့်ခဲ့ကြတယ် လို့ မှတ်တမ်းပြုထားခဲ့ ပါတယ်၊ ကော်ဖီဟာ တူရကီယဉ်ကျေးမှုမှာ အင်မတန်လွှမ်းမိုးပါတယ်၊ ကော်ဖီကို တူရကီလို Khave လို့ခေါ်ကြတယ်၊ မနက်စာကိုတောင်မှ khavalti (before coffee) လို့ခေါ်ကြတဲ့အထိပါပဲ၊ အော်တမန်အင်ပါယာရဲ့နယ်နမိတ်ကျယ်ပြန့်သလို တူရကီရဲ့ ကော်ဖီယဉ်ကျေးမှုကလဲ နိုင်ငံအနှံ့အပြား ပြန့်နှံ့ခဲတယ်၊ လက်ရှိ တူရကီနိုင်ငံမှာ Starbucks အမေရိကန်ကော်ဖီဆိုင်တွေ၊ Gloria Jean’s သြစတြေးလျကော်ဖီဆိုင်မျိုးတွေကိုမှ လူငယ်တွေက ထိုင်ဖို့ နှစ်သက်လာကြပေမဲ့ Turkish coffee ကိုပဲ စွဲစွဲမက်မက်သောက်နေကြတဲ့သူတွေ Turkish coffee ဗေဒင်ဆိုင်တွေမှာလဲ လူတွေ အများကြီးရှိနေပါသေးတယ်၊ ဒီမှာလဲ မိတ်ဆွေတွေအိမ်သွားလည်တဲ့အခါ Turkish coffee လား၊ နက်စ်ကော်ဖီလားလို့ ဒီ ၂ မျိုးပဲမေးကြလေ့ရှိတယ်၊ ရိုးရာ Turkish Coffee ကို ဧည့်ခံတဲ့အခါ ရေတစ်ဖန်ခွက်၊ ချောကလက်နဲ့ တွဲပြီး ရိုးရာမပျက်ဧည့်ခံကြလေ့ရှိတယ်၊

Preparation of Turkish coffee

Tuesday, July 27, 2010

ည၏ ခြောက်လှန့်မှုများ

ညနက်သန်းခေါင်  ဟိုတယ် စင်္ကြန်လမ်းတွေပေါ်မှာ  ...
တရွေ့ ရွေ့ သွားလာနေတာ ..ဘယ်သူပါလဲ ။
ဝိညာဉ်လား..တစ္ဆေလား..။
မျက်စိ တပ်အပ် ..သေချာ မြင်ခဲ့တာလို့  ယုံကြည်ရမလား။

တက္ကဆက်ပြည်နယ်  ဆန်အန်တိုနီယို အရပ် က  ခန်းနားသိုက်မြိုက်လှတဲ့  မင်ဂါဟိုတယ် စင်္ကြန်လမ်းတွေမှာ  ညကြီးမင်းကြီး အချိန်မတော်
ကျမ ဟိုတယ် အလုပ်သမလေး  “ ဆယ်လီဝှိုက်”  ကို အငန်းမရ ရှာဖွေနေမိတယ်။
ညညတွေမှာ  ဆယ်လီဝှိုက်ဟာ  ဟိုတယ်သုံး လိုင်နင်စတွေ ၊မျက်နှသုတ်ပုဝါတွေ  တပွေ့ တပိုက် သယ်ဆောင်ရင်း  စင်္ကြန်လမ်းတွေမှာ
ခေက်တုံ့ ခေါက်ပြန် ကွေ့ ပတ်ရှောက်သွားနေတတ်ကြောင်း ကျမ သိထားလို့ ပါ။ မျက်နှာသုတ်ပုဝါတွေ ကျမ မလိုပါဘူး။ ကျမလိုတာက..
ဘာလဲဆိုရင် ...။

စစ်ပွဲတွေကို ရပ်ပြစ်

US မြင်းတပ်ရင်း (၅ )က ပင်လယ်ကွေ့ စစ်ပွဲပြန် ဆာဂျင် စတီဗင်ဗင်းဆင့် ဟာ မြောက်ပိုင်း မက်ဆီဒိုးနီးယားနယ်စပ်ကနေ သံဆူးကြိုးတွေ သဲအိပ်တွေကို ကျော်ပြီး ဆာဘီးယားဘက် မျှော်ကြည့်နေတယ်။ သူ့နေရာကနေ ဆာဘီးယားဟာ ကိုက်(၃၀၀)လောက်ပဲ ဝေးလိမ့်မယ်လို့  သူ ခန့်မှန်းနေတာပါ။ နယ်စပ်တလျှောက် စစ်အင်အား (၄၀၀၀၀)လောက် ဆာဘီးယားတွေဘက်က တပ်ဖြန့်ချထားမယ်ဆိုတာ သူသိတယ်။ ကုလတပ်သား (၁၁၀၀) လဲ အတူရှိနေတာပါ။ နယ်မြေထိမ်းသိမ်းဘို့  သူတို့ ရောက်ရှိနေတာ မှန်ပေမဲ့  ဒါဟာ လှဲ့ စားမှုသက်သက်လား။မရေရာပါဘူး။ အချိန်မရွေး ထပေါက်ကွဲနိုင်တဲ့ မီးတောင်ရှင်တခုလိုပါပဲ ။နောက်ထပ် ဘော်လ်ကန်စစ်ပွဲ ထပ်ဖြစ်လာနိုင်ပါတယ်။

၁၉၉၁ခုနှစ် ယူဂိုဆလားဗီးယား ပြိုကွဲပျက်သုန်း ပြီးနောက် သူ့  တာဝန်အရ ငြိမ်းချမ်းရေးထိန်းသိမ်းဘို ရောက်လာတာပါ။ မက်ဆီဒိုးနီးယားရဲ့  အရွယ်အစားဟာ ဆာဒီးနီးယားအီတာလျှံကျွန်းလိုပါပဲ။ လူဦးရေမှာလဲ နှစ်သန်းလောက်ပဲ ရှိတာပါ။ မြောက်ဘက်မှာ ဆာဘီးယား၊ အနောက်ဘက်မှာ အယ်လ်ဘေးနီးယား၊ အရှေ့  ဘက်မှာ ဘူလ်ဂေးရီးယား။ တောင်ဘက်မှာတော့ ဂရိစ်စသည် ၀န်းရံထားတဲ့ ကုန်းတွင်းပိတ်နိုင်ငံ ငယ်တခုဖြစ်ပါတယ်။ဒါပေမဲ့  ဘော်လ်ကန်ဒေသနဲ့  မြေထဲပင်လယ်ဒေသတို့ အတွက် အသည်းအသန် အရေးပါတဲ့ အချက်အချာ ဒေသဖြစ်တယ်။ ဘောဆနီးယားနဲ့  ခရိုအေးရှား တို့ ထက်လဲ ပိုပြီး မဟာဗျူဟာကျပါတယ်။ ဆလပ်ဗစ် မဟုတ်တဲ့  အယ်လ်ဘေးနီးယန်းတွေက ၄ပုံ တပုံရှိပြီး အားလုံးလိုလို မူဆလင် တွေဖြစ်ပါတယ်။ အော်သိုဒေါက်စ်ခရိယန်က(၇၀)ရာခိုင်နှုံး ရှိပြီး သူတို့ ဟာ မက်ဆီဒိုးနီးယန်းမျာပါ။ ခရိယာန်မက်ဆီဒိုးနီးယန်းတွေနဲ့  အယ်လ်ဘေးနီးယန်းမူဆလင်တို့ အကြား (စုပေါင်းနေထိုင်ကြရာက )အချင်းချင်း သံသယတွေနဲ့  မကြာခဏ ခိုက်ရန်ဖြစ်ပွားမှု တွေ ရှိခဲ့ တယ်။

Tuesday, July 13, 2010

မီးတောင်တွေကို မက်မောကြသူများ


၁၉၉၁ခုနှစ်၊ မေလ၊ ၂၈ရက်နေ့က အန်ဒရေးဒီးမေဆန်ရဲ့ အသံဖမ်းစကားပြောစက်မှာ ထားခဲ့တဲ့ မိတ်ဆွေတွေရဲ့စကားသံတွေကို ဒီးမေဆန်နားထောင်နေခဲ့တယ်။

“ဟေး .. တိုတို ငါပါကွ မောရီးစ်လေ၊ ငါ အခု လေဆိပ်ကဆက်နေတာ၊ ဂျပန်က မီးတောင်ပေါက်ကွဲလုနီးနီး ဖြစ်နေပြီ၊ အဲဒီကို သွားကြမလို့၊ ဒီခရီးအတွက် သိပ်ကို စိတ်လှုပ်ရှားနေကြပြီ” မိတ်ဆွေကြီး မောရီးစ်ရဲ့စကားသံ မြိုင်မြိုင်ဆိုင်ဆိုင် ပေါ်ထွက်လာခဲ့တယ်။
အန်ဒရေးဒီးမေဆန် တစ်ကိုယ်တည်း ခပ်ဖွဖွပြုံးလိုက်မိသေးတယ်၊ သူ သိပြီးသားပါလေ၊
သူ့ရဲ့မိတ်ဆွေ အရင်းအချာတွေဖြစ်တဲ့ မောရီးစ်ခရတ်ဖ်ထ်နဲ့ ကာတီယာတို့က မီးတောင်တွေကို မက်မက်စက်စက် စိတ်ဝင်တစားရှိကြလွန်းသူတွေ၊ သူတို့ စိတ်ဝင်စားကြတယ်ဆိုတာလည်း လွန်တယ်မဆိုနိုင်၊ ဂျပန်နိုင်ငံက အဲဒီအူဇန်မီးတောင်ကြီးဟာ သူ့ရဲ့နှစ်ပေါင်း ၂၀၀သက်တမ်းမှာ အခု ပထမဆုံးအကြိမ် ရှူးရှူးရှဲရှဲ လှုပ်ရှားနေပြီလေ။

“ဒါပေါ့ ဒီလိုပဲ ဖြစ်ရမယ်”

သူ့ရဲ့မိတ်ဆွေကြီးတွေကို ထောက်ခံလိုက်ရင်း ဒီးမေဆန် ခပ်တိုးတိုးရေရွတ်လိုက်တယ်၊
ဒီးမေဆန်တစ်ယောက် မောရီးစ်တို့ဇနီးမောင်နှံကို သိကျွမ်းလာခဲ့တာ ၁၉နှစ်ခန့်ရှိပြီ၊ စတင်သိကျွမ်းခဲ့တာက မြေကမ္ဘာသိပ္ပံပြပွဲတစ်ခုမှာ သူ ဒီဇိုင်နာအဖြစ်ပါဝင်ခဲ့တုန်းက၊ မောရီးစ်နဲ့ ကာတီယာတို့ကို စသိသိချင်း ထူးထူးခြားခြားသတိထားမိခဲ့တာက အိတ်ထဲမှာ နိုင်ငံကူးလက်မှတ်တွေကို သွားလေရာဆောင်ထားကြလို့ပါပဲ။

“တစ်နေရာရာမှာ မီးတောင်ပေါက်ဖို့ အစပျိုးနေပြီ၊ လှုပ်လှုပ်ရှားရှားရှိနေပြီဆိုတဲ့သတင်းရရချင်း အဲဒီနေရာကို မြန်နိုင်သမျှ အမြန်ဆုံးရောက်အောင်သွားနိုင်ဖို့ နိုင်ငံကူးလက်မှတ်ကို ကိုယ်နဲ့မကွာဆောင်ထားရတာဗျ” မောရီးစ်က အဲဒီလို မိတ်ဆက်စကားဆိုရင်းနဲ့ သူ့အကြောင်းအနည်းငယ်ဖွင့်ဟလာတယ်၊ ဒီးမေဆန်ကတော့ သိပ်ထူးဆန်းတဲ့လူတွေပဲလို့ မှတ်ချက်ချရင်း သူတို့နှစ်ဦးကို သဘောအကျကြီးကျသွားတော့တယ်၊ နောက်ပိုင်း ဒီးမေဆန်သိလာခဲ့တာက မောရီးစ်နဲ့
ကာတီယာတို့ဟာ မီးတောင်ဗေဒပညာရှင်အဖွဲ့ကဖြစ်ပြီး သူတို့ရဲ့ဟာ မီးတောင်တွေသုတေသနပြုရင်း၊ အချက်အလက်တွေကို စုစည်းတင်ပြရင်းနဲ့သာ အချိန်တွေကို ကုန်ဆုံးစေကြသူတွေဆိုတာပါပဲ။

“ကျွန်တော်တို့က မီးတောင်တွေကို ၀ါးမျိုစားသောက်ကြသူတွေ” လို့ သူတို့ကိုယ်သူတို့ အမြဲရည်ညွှန်းပြောဆိုလေ့ရှိတယ်၊
သူတို့ဟာ မီးတောင်တွေရဲ့သဘာဝကို လောဘတကြီး လိုက်လံရှာဖွေရင်း ပြုံးပျော်နေပြန်တယ်၊ မောရီးစ်တို့ ရည်မှန်းထားတဲ့ ပစ်မှတ်က မီးတောင်တစ်ခုကိုနီးနိုင်သမျှ အနီးဆုံးနေရာဆီ အရောက်သွား၊ ဓါတ်ပုံရိုက်၊ ဗီဒီယိုမှတ်တမ်း အချက်အလက်တွေ ပြုစုကြဖို့ပဲဖြစ်တယ်၊ ကျွမ်းကျင်သူပညာရှင်အများစုက သူတို့ရဲ့ မှတ်တမ်းမှတ်ရာတွေကို အံ့အားတသင့် ချီးမြှောက်လိုဟန် မပြခဲ့ကြပါဘူး။ ၀ါရှင်တန်သတက္ကသိုလ် ဘူမိဗေဒဌာနက ခရစ်နယူးယောလ် တစ်ယောက်သာ “ဒီဇနီးမောင်နှံရဲ့ ကြီးမြတ်တဲ့လုပ်ဆောင်ချက် တွေဟာ မြေကမ္ဘာက မီးတောင်ရှင်တွေဆီက ဖုံးကွယ်နေတဲ့ ထူးခြားဆန်းပြားတဲ့အခြေအနေတွေကို စုစုစည်းစည်း ဖော်ပြထားနိုင်ဖို့ အကောင်အထည်ဖော်နေကြတာပါ” လို့ ပြောကြားခဲ့ကြတယ်။

ဒီးမေဆန် မသိခဲ့ပါဘူး၊
မေ လ ၂၈ ရက်နေ့က သူ့ရဲ့ စကားပြောစက်မှ အသံသွင်းထားခဲ့တဲ့ မောရီးစ်ရဲ့အသံဟာ နောက်ဆုံးစကားသံတွေဖြစ်နေခဲ့မယ်ဆိုတာ သူ တကယ်ပဲ မသိခဲ့ပါဘူး။

စိန့်ဟယ်လင်မီးတောင်
ဒီးမေဆန်မှတ်မိနေပါတယ်၊ ၁၉၈၀ခုနှစ် ယူနိုက်တက်စတိတ်က စိန့်ဟယ်လင်မီးတောင် ပေါက်ကွဲခဲ့စဉ်အချိန်ကပေါ့။
 ကနဦး မီးတောင်ပေါက်ကွဲပြီးချိန်မှ အော်ရီဂွန်ပြည်နယ်ကို သူတို့ရောက်ရှိခဲ့ပါတယ်၊ သူတို့နောက်ကျသွားခဲ့ပြီလို့ ထင်မှတ်ပြီး ဟိုတယ်အခန်းထဲမှာပဲ နှစ်ယောက်သားငူငူငိုင်ငိုင် ထိုင်နေလိုက်တယ်၊ တီဗီမှာ ထုတ်လွှင့်ပြသနေတဲ့ စိန့်ဟယ်လင်မီးတောင် ပေါက်ကွဲနေပုံကို မအီမအာမျက်နှာထားတွေနဲ့ စွေစောင်းစောင်းကြည့်နေကြတယ်၊ မီးတောင်ဆီက ပေါက်ကွဲထွက်လာတဲ့ ချော်ရည်တွေရဲ့အမြင့်ပေကို ကြည့်လိုက်မိရင်း မောရီးစ်ထခုန်လိုက်တယ်၊ မောရီးစ် နဲ့ ကာတီယာ နှစ်ဦးသား ဟိုတယ်ဆီကအပြေးထွက်ခဲ့ကြပါတယ်၊ လေဆိပ်လေးဆီကို ဦးတည်လို့ပေါ့၊ မီးတောင်ဆီသွားကြဖို့ လေယာဉ်မှူးတစ်ဦး အမြန်ဆုံး သူတို့ လိုအပ်နေကြပြီ၊ လေယာဉ်မှူးချက်စ်နာကို တွေ့ရှိသွားတယ်၊ မောရီးစ်က လေယာဉ်မှူးချက်စ်နာကို တွေ့တွေ့ချင်းပဲ
“လူကြီးမင်းချက်စ်နာခင်ဗျား ... စိန့်ဟယ်လင်မီးတောင်ဆီ အမြန်ဆုံးပို့ပေးဖို့ ခင်ဗျားကလွဲပြီး ဘယ်သူမှကူညီနိုင်မယ် မထင်ဘူး” လို့ ပြောချလိုက်တယ်။

အဲဒီနောက် လေယာဉ်ငယ်တစ်စင်းနဲ့ စိန့်ဟယ်လင်မီးတောင်ဆီ ဖြည်းဖြည်းချင်း ချဉ်းကပ်ခဲ့ကြတယ်၊ ကံမကောင်းလှဘူးလို့ ဆိုရပါမယ်၊ စိန့်ဟယ်လင်မီးတောင်ကြီးဟာ ရှိသမျှဒေါသမီးခဲတွေမျိုချပြီး ဟန်ဆောင်မျက်နှာချိုပြနေလိုက်ပြီ၊ အကဲဖမ်းမရတဲ့ လူညာတစ်ဦးဟန်ပန်အနေအထားမျိုးနဲ့သာ သူ့ကို ရင်ဆိုင်လိုက်ရတယ်၊ အတန်ကြာ မီးတောင်တစ်ဝိုက် လှည့်လည်နေခဲ့ပြီးတဲ့နောက် လက်လျှော့ကာ ဟိုတယ်ခန်းဆီပြန်ကြဖို့ ပြင်ဆင်နေတုန်းမှာပဲ ... မီးတောင်ကြီးက ဟန်မဆောင်နိုင်တော့ပါဘူး၊ သူ့ရဲ့ ဒေါသမီးလျှံ၊ မီးခဲ၊ ချော်ရည်၊ ချော်မြှပ်တွေကို ၁၄မိုင် အမြင့်လောက်ထိ မြောက်တက်သွားအောင် ပွက်ခနဲထွေးထုတ်လိုက်တော့တယ်။

အဲဒီမှာ နှစ်နာရီကျော်ကျော်ကြာတဲ့အချိန်ဟာ ငရဲဆိုးတစ်ခုကို မျက်ဝါးထင်ထင်မြင်တွေ့ခဲ့ရသလိုပဲ၊ ပြာပူ၊ မီးလျှံ၊ မီးခဲ အစအနတွေ ပွက်ပွက်ထလွင့်ပျံမြောက်တက်နေပုံဟာ မိုးကုတ်စက်ဝိုင်းထဲမှာ နေမင်းကြီးက တစ်ဝက်တစ်ပျက်နစ်မြုပ်နေပုံနဲ့ သိပ်တူတယ်လို့ မောရီးစ်က နောက်ပိုင်းမှာ ပြန်လည်ပြောပြခဲ့ပါတယ်၊ ကမ္ဘာမြေကြီးဟာ သူ့ရဲ့ကလီစာမီးလျှံ၊ မီးခဲတွေ အန်ထုတ်ပြလိုက်တာကို အံ့ဘနန်းမှင်တက်မိန်းမောခဲ့ရတယ်လို့ ဆိုတယ်။

ဟာဝိုင်ရီကျွန်း၊ မော်နာလိုအာမီးတောင်
၁၉၈၄၊ မတ်လ၊ ၂၅ရက်နေ့က ဟာဝိုင်ရီကျွန်းမှာရှိတဲ့ ကမ္ဘာ့အကြီးဆုံးမီးတောင်ရှင်ဖြစ်တဲ့ မော်နာလိုအာမီးတောင်ရှင်ဟာ ပေါက်ကွဲလုနီး ရှူးရှူးရှဲရှဲ အသံဗလံတွေထွက်ပေါ်လာပြီး ၁၅မိုင်ရှည်လျားတဲ့ အက်ကွဲကြောင်းကြီး ထွက်ပေါ်လာခဲ့တယ်။
“ကျွန်တော်တို့ဟာ ဒီကမ္ဘာဥခွံကြီးဆီက မီးနှစ်၊ မီးခဲတွေကို သိပ္ပံနည်းကျကျဖော်ပြနိုင်ဖို့၊ ကမ္ဘာမြေကြီးကိုယ်တိုင် ဖန်တီးလိုက်တဲ့အနုပညာတစ်ခုကို မြင်တွေ့သိရှိနိုင်ဖို့ အဲဒီနေရာကို ရောက်နေခဲ့ကြတာပါ” လို့ မောရီးစ်က သူ့ရဲ့ ဂျာနယ်မှာ ရေးသားဖော်ပြခဲ့ပါတယ်၊ “ကမ္ဘာကြီးရဲ့ မူလဇာစ်မြစ်ကို အသိပေးလိုတဲ့ တယောက်သောသူက မျက်လုံးနီရဲရဲကြီးဖွင့်ပြီး ကျွန်တော်တို့ကို စူးစူးစိုက်စိုက်ကြည့်နေတာ သိပ်ထူးခြားတာပဲ” လို့ မောရီးစ်က တင်စားလိုက်တယ်။

အိုက်စ်လန်ကျွန်း၊ ဟေးမေးမီးတောင်
မီးတောင်တွေရဲ့ အငွေ့အသက်ကို အမြဲချောင်းမြောင်း၊ စောင့်ကြည့်နေခဲ့တဲ့ မောရီးစ်နဲ့ ကာတီယာ တို့ဟာ ဟေးမေးမြို့ကို ရောက်ရှိနေခဲ့ပြန်တယ်၊ အဲဒီမီးတောင်ဟာ အနီးအနား ရွာလေးတွေရဲ့ သစ်သီးဝလံ၊ အိမ်ခြံမြေတွေကို ဖျက်ဆီးခဲ့တယ်၊ မောရီးစ်တို့လူစု အဲဒီမြို့လေးကိုရောက်တော့ မြို့လေးဟာ အစာမရှိတဲ့ ဟောင်းလောင်းပေါက်၊ ၀မ်းခေါင်ခေါင် အနေအထားမျိုးဖြစ်နေခဲ့ပြီ။

ဟိုတယ်တစ်ခုရဲ့အရှေ့မှာ ခြေစုံရပ်လိုက်ကြရင်း အခန်းတစ်ခန်းစာအတွက် မေးမြန်းကြည့်ဖို့ ဟိုဟိုဒီဒီစူးစမ်းကြည့်တော့ ပစ္စည်းတွေထုပ်ပိုးသိမ်းဆည်းရင်း မိနစ်မဆိုင်း ဒီနေရာက ထွက်ခွာလိုဟန်နဲ့ ဟိုတယ်ပိုင်ရှင်လို့ထင်ရတဲ့လူတစ်ဦးကို သူတို့ တွေ့လိုက်ကြရတယ်၊ ဟိုတယ်နောက်ဘက်က ပေါ်ထွက်လာတဲ့ ဆူဆူညံညံမြည်ဟည်းနေတဲ့ချော်ရည်ပေါက်ကွဲသံတွေကို ဖုံးလွှမ်းဖို့ ကြိုးစားအော်ဟစ် ပြောဆိုကြရတယ်။ “ဘာတွေပဲဖြစ်လာဖြစ်လာ၊ ခင်ဗျားတို့ဟာ ဒီဟိုတယ်ရဲ့နောက်ဆုံးဧည့်သည်တွေပဲ ဖြစ်လာမှာပါ” တဲ့၊ နောက်တော့ သူတို့ဟိုတယ်က အခန်းတစ်ခန်းကို ခေတ္တယူလိုက်ကြတယ်၊ ဟိုတယ်အခန်းတံခါးဆီက အပြင်ကိုလှမ်းကြည့်လိုက်တဲ့အခါ ပြာမှုန်တွေပြည့်သိပ်နေတဲ့ မိုးရွာချနေပါပြီ၊ ဒီလိုနဲ့ တစ်ညတာ အချိန်ဖြုန်းအိပ်စက်လိုက်ကြတယ်၊ သူတို့ အတော်လေး ပင်ပမ်းနေကြပြီကိုး ... ။

နောက်တစ်နေ့မနက်ရောက်တော့ ဟိုတယ်ကြမ်းပြင်က ပြာမှုန်တွေထဲမှာ နစ်မြုပ်နေပါပြီ၊ ဟိုတယ်အ၀င်တံခါးမကြီးကလည်း ပြာမှုန်တွေနဲ့ ပိတ်နေခဲ့ပြီ၊ သူတို့ အပြင်ထွက်ဖို့ တံခါးတစ်ခုရှာကြတယ်၊ လက်မတင်လေးပါပဲ၊ ဟိုတယ်အပြင်ကိုရောက်တဲ့အခါ မီးတောင်ဆီကမီးလောင်ဗုံးတွေ တစ်လုံးပြီးတစ်လုံးဟိုတယ်လေးဆီ ပြေးဝင်လာတော့တယ်။ “တကယ့်ကိုပဲ၊ ဟိုတယ်ပိုင်ရှင်ပြောသွားခဲ့သလို ကျွန်တော်တို့ သူ့ရဲ့နောက်ဆုံးဧည့်သည်တွေ အသေအချာဖြစ်ခဲ့တာပဲကိုး”
သူတို့ အဲဒီဟိုတယ်လေးနဲ့ ဒေါသခိုးဝေနေတဲ့မီးတောင်ဆီကနေ ခပ်သုတ်သုတ်ထွက်ခွာခဲ့ကြပါတော့တယ်။

ဇိုင်ယာမြို့၊ ရမ်းမလားဂျီးယားမီးတောင်
၁၉၈၁ ခုနှစ်မှာ မောရီးစ်၊ ကာတီယာ နဲ့ မီးတောင်မှတ်တမ်းရုပ်ရှင်ရိုက်ကူးသူ အလိန်းဂျီရန်တီ(အာဖရိကအရှေ့ဘက် ကမ်းရိုးတန်း Reunion Island တက္ကသိုလ်သင်္ချာဌာန)တို့ဟာ ဇိုင်ယာမြို့က ရမ်မလားဂျီးယားမီးတောင်ပေါက်ကွဲစဉ်မှာ အတူတူရှိနေခဲ့ကြတယ်။ အဲဒီနေ့ ခက်ခက်ခဲခဲ ပင်ပမ်းခဲ့ရတဲ့ နေ့ရက်တစ်ရက်ပြီးဆုံးချိန်၊ ညနေခင်းမှာ ရွက်ဖျင်တဲရှေ့အားလုံးစုပေါင်းထိုင်နေကြပြီး ချော်ရည်မီးပွားတွေ တဖွားဖွား အဆုတ်လိုက်ပြုတ်ပြုတ်ကျနေတာကို စောင့်ကြည့်နေခဲ့ကြတယ်၊ ညက အဲဒီညနေခင်းရဲ့လက်ကျန်နေအလင်းရောင်ကို ၀ါးမျိုရှင်းလင်းပစ်လိုက်တယ်၊ မီးတောင်ဆီက မီးလျှံ၊ မီးပွားတွေရဲ့အလင်းရောင်တွေကတော့ ထိန်ထိန်ညီးနေဆဲပါ၊ လှိူ့လှိူ့ဝှက်ဝှက်အမြဲရှိလွန်းတဲ့ ကာတီယာက စကားတွေတတွတ်တွတ်ပြောလာတယ်၊ “ဒီနေ့ကျွန်မရဲ့ငယ်ဘ၀က အိပ်မက်တွေ အမှန်တကယ်ဖြစ်လာခဲ့တဲ့နေ့ပဲ၊ ကျွန်မချစ်သမျှ အရာအားလုံးတို့ဟာ အရိုင်းဆန်ပြီး ကြမ်းတမ်းရက်စက်တဲ့ သဘာဝတရား၊ မီးတောင်နဲ့ ဆက်စပ်၊ ပတ်သက်သမျှရယ်၊ ဆာလနံ့သင်းနေတဲ့ ပြာမှုန်တွေရယ်ချည်းပဲ” လို့ ကာတီယာ ကဆိုတယ်။

ကာတီယာ နဲ့ မောရီးစ်တို့ရဲ့ဘ၀
မောရီးစ် နဲ့ ကာတီယာ တို့ အကြောင်းပြောရရင် နှစ်ဦးလုံးက ပြင်သစ်နိုင်ငံအရှေ့မြောက်ပိုင်း အဲလ်ဆေ့စ်ပြည်နယ်ကပါ၊ သူတို့တွေ့ဆုံဖြစ်ခဲ့တာက စထရက်ဘာ့ဂ်ျတက္ကသိုလ်မှာ၊ ကာတီယာကွန်ရက်ဒ် က ရူပဗေဒ၊ ပထ၀ီဝင်နဲ့ ဓာတုဗေဒကို အဓိကဘာသာတွေယူထားသူ၊ မောရီးစ်ခရတ်ဖ်ထ်က ဘူမိဗေဒဘာသာရပ်ကျောင်းသားတစ်ယောက်၊ ၁၉၆၈ခုနှစ် မောရီးစ်က ၂၂ နှစ်အရွယ်မှာ ကာတီယာဟာ မောရီးစ်ကို သူမရဲ့မီးတောင်လေ့လာရေးခရီးစဉ်မှာလိုက်ပါဖို့ စတင်ကမ်းလှမ်းခဲ့တယ်၊ မောရီးစ်က အစတော့ စိတ်မပါသလိုရှိနေခဲ့ပေမဲ့ နောက်တော့ သူ သဘောတူလိုက်တယ်။ သူ စိတ်လေးနေခဲ့တာက ဒီခရီးမျိုးဟာ မိန်းကလေးတစ်ယောက်အတွက် အင်မတန်အန္တရာယ်များပြားမယ့် အခြေအနေ ဖြစ်တာကြောင့်ပါ၊ ကာတီယာဟာ 16mm ရုပ်ရှင်ကင်မရာတစ်လုံး ပိုင်ဆိုင်ထားတယ်၊ မောရီးစ်က ကာတီယာထက် လုပ်ငန်းကျွမ်းကျင်မှုရှိနေတယ်၊ ဘွဲ့မရသေးတဲ့ ကျောင်းသူ၊ ကျောင်းသားဘ၀မျိုးမှာ ဒီလိုကင်မရာတစ်ခုပိုင်ဆိုင်ဖို့ဆိုတာ မလွယ်ကူလှပါဘူး၊ နောက်ဆုံးမီးတောင်တွေကို ကြည့်ရှုဖို့ ၀ါသနာကြီးလှတဲ့ သူတို့နှစ်ဦးဟာ ပထမဦးဆုံးမီးတောင်ခရီးအတွက် သဘောတူညီမှုတွေ ရသွားခဲ့တယ်၊ ခရီးကပြန်လာတဲ့အခါ နှစ်ဘက်မိဘတွေကို သူတို့နှစ်ဦး စေ့စပ်ကြမယ့်သတင်းကို အတိအလင်း ကြေညာလိုက်ကြတယ်။

“မောရီးစ်ရဲ့မီးတောင်တွေကို စိတ်ဝင်စားတတ်တဲ့စရိုက်ကို သူ့ အသက် ၇ နှစ်အရွယ်က မိသားစုလိုက် အီတလီကို ခရီးထွက်ဖြစ်စဉ်က သိခဲ့ရတယ်” လို့ မောရီးစ်ရဲ့ ဖေဖေ ရေမွန်ခရတ်ဖ်ထ်က ဆိုတယ်။ “မောရီးစ်“ဟာ ကလေးငယ်တစ်ယောက်နဲ့မတူလောက်အောင် အရာရာတိုင်းကို ဂရုတစိုက် စူးစူးစိုက်စိုက်လှည့်ပတ်ကြည့်ရှုနေတာကို တွေ့ခဲ့ရတယ်၊ မီးတောင်ဝကြီးနဲ့ အနီးအနားက မီးသင့်လောင်ကျွမ်းနေတဲ့ မြေဆီလွှာတွေကိုကြည့်ရှုရင်း မောရီးစ်ရဲ့မျက်လုံးတွေ တလက်လက် တောက်ပနေတာ ကျွန်တော် ကောင်းကောင်းသတိပြုမိခဲ့တယ်” လို့ မောရီးစ်ရဲ့ဖေဖေ ရေမွန်က ပြောပြခဲ့တယ်၊ အသက် ၂၀ မှာ မောရီးစ်ဟာ ဘူမိဗေဒကျောင်းတက်ခဲ့တယ်၊ ကာတီယာကလည်း မောရီးစ်လိုပါပဲ၊ သူမ လူလားမြောက်စအရွယ်ကပဲ မီးတောင်ကို စိတ်ဝင်စားတဲ့ပိုးမွှားတစ်မျိုး ဖမ်းဆီးစားသောက်ခြင်းခံခဲရတယ်လို့ ကာတီယာရဲ့မိသားစုကပြောကြတယ်၊ ကာတီယာဟာ ခေါင်းမာသူတစ်ဦးပါလို့ အန်ဒရေးဒီးမေဆန်ကပြောပါတယ်၊ ခေါင်းမာသူနှစ်ဦးရဲ့ဆက်ဆံရေးက အံ့သြဖွယ်ပြိုင်ဘက်တွေလို ရှုပ်ရှုပ်ထွေးထွေး ကိစ္စရပ်တွေရှိတော့ရှိခဲ့တယ်၊ မောရီးစ်မပါဘဲ ကာတီယာ ခရီးသွားဖြစ်တဲ့အချိန်တိုင်း၊ တစ်ရက်လောက် ဖုန်းမခေါ်ဖြစ်ခဲ့တာနဲ့ ကာတီယာရဲ့ကျန်းမာရေး အတွက်အလွန်အမင်း ပူပူပင်ပင်ရှိလှတယ်၊ မောရီးစ် ပဲရစ်ကို ၄ ရက်လောက် ခရီးထွက်ဖြစ်ခဲ့စဉ်တုန်းက ကာတီယာဆီရေးပို့ခဲ့တဲ့စာတွေကို ကာတီယာရဲ့အံဆွဲထဲမှာ တွေ့ခဲ့ဖူးတယ်လို့ ကာတီယာရဲ့မေမေက ပြောခဲ့ဖူးတယ်၊ သူတို့နှစ်ဦး သံယောဇဉ်သိပ်ကြီးကြတယ်လို့ ဒီးမေဆန်ကဆိုပါတယ်၊ မောရီးစ်အမြဲပြောလေ့ရှိတဲ့ စကားတစ်ခွန်းရှိတယ်၊ “ကျွန်တော်တို့နှစ်ဦးရဲ့မီးတောင်တွေကို အာသာငမ်းငမ်း နှစ်သက်ပုံဟာ မီးတောက်တွေကို ၀င်ဝင်တိုးနေတဲ့ ပိုးဖလံတွေ၊ လိပ်ပြာကောင်တွေလိုပါပဲ” တဲ့။

ကီလီမန်ဂျာရိုမီးတောင်
ကီလီမန်ဂျာရိုမီးတောင်ကို တက်ဖြစ်ခဲ့ကြတုန်းက အဖြစ်အပျက်တွေသတိရမိသေးတယ်လို့လည်း ဒီးမေဆန်က ပြောပြခဲ့ပါသေးတယ်။ “အမြင့်ပေ ၁၆၅၀၀ ရှိလာတော့ တိုးတက်မှုနှေးကွေးလာကြပြီ၊ ကာတီယာနဲ့ ကျွန်တော်ကတော့ ဒီလိုဆင်ခြေလျှောကို လျှောက်ရတာခရီးမတွင်ကြဘူး၊ ပြာမှုန်ထဲနစ်ဝင်သွားတဲ့ ခြေလှမ်းတိုင်းကို ဆွဲထုတ်နေရတာလည်း သိပ်မဟန်လှပါဘူး၊ မောရီးစ်ကတော့ရှေ့ဆုံးမှာ အလောတကြီးခရီးဆက်နေတယ်၊ မီးတောင်ဝက ဆာလ်ဖာနံ့တွေက သူ့ကို ဆွဲဆောင်ဖျားယောင်းနေပြီ၊ ကျွန်တော်တို့တောင်ထိပ်မရောက်ခင် နှစ်နာရီလောက်လိုနေသေးတဲ့အချိန်မှာ မောရီးစ်ကတော့ တောင်ထိပ်မှာအခန့်သားရောက်ရှိနေပြီ” လို့ ဒီးမေဆန်ကပြောပါတယ်။

မောရီးစ်အမြဲလုပ်ဖြစ်ချင်နေတဲ့အလုပ်က ချော်ရည်တွေ ၀င်းဝင်းတောက်စီးမျောနေတဲ့မြစ်ထဲ လောင်းလှေနဲ့ လှော်ခတ်သွားလာချင်တာပါပဲ၊ သူ ရွေးချယ်လိုက်တဲ့နေရာက ဟာဝိုင်ရီမှာ၊ မောရီးစ်မှာ ပြင်သစ်နိုင်ငံလုပ် မီးလောင်ဒဏ်ခံနိုင်တဲ့ လောင်းလှေတစ်မျိုးရှိနေပြီ၊ အပူချိန် ၁၂၅ ဒီဂရီဆဲစီးယပ်စ်ကိုတောင် ခံနိုင်ရည်ရှိတဲ့ ပါဝါကိုယ်ထည် ပါရှိတယ်၊ လောင်းလှေကို ရဟတ်ယာဉ်နဲ့အချိန်မရွေးဆွဲယူ၊ မ,တင်နိုင်အောင် ချိတ်ဆက်ထားတယ်၊ ချော်ရည်တွေ ပင်လယ်ထဲစီးဝင်သွားတဲ့အချိန်ရောက်ခဲ့ရင် ဒီလောင်းလှေကို လျှစ်စစ်သံလိုက်နည်းနဲ့ ရဟတ်ယာဉ်ကနေဆွဲယူ၊ မ,တင်စေပါမယ်၊ ကာတီယာက မောရီးစ်ရဲ့စွန့်စားခန်း အတွက် လိုအပ်နေမယ့်အခြေအနေတွေအားလုံးကို စူးစမ်းလေ့လာခဲ့တယ်၊ ကာတီယာ တွေ့ရှိခဲ့တာက မီးတောင်ဒဏ်ခံနိုင်တဲ့ကိုယ်ထည်ဟာ ပူပြင်းနေတဲ့ချော်ရည်ထဲမှာ ၁၀မိနစ်အတွင်း ပျော်ဝင်သွားနိုင်တယ် ဆိုတာပါပဲ၊ မောရီးစ်မေ့လျော့နေခဲ့တာက မီးတောင်က ထွက်ရှိလာခဲ့တဲ့ ဓာတ်တွေနဲ့ အက်ဆစ်တွေ ဓာတ်ပြုခဲ့ရင် ကိုယ်ထည်ဟာအမြန်ဆုံး စားသွားနိုင်တယ်ဆိုတဲ့အခြေအနေကို တွက်ချက်ဖို့ပါပဲ၊ ချော်ရည်ထဲမှာ ဖြစ်ပျက်နိုင်တဲ့ ဓာတ်ပြုမှုတွေကို ကာတီယာက ပြောပြခဲ့ပေမဲ့ မောရီးစ်ကတော့ ကြောက်ရွံ့တုန်လှုပ်ဟန်မပြခဲ့ပါဘူး၊ “ဒီခရီးသွားဖြစ်ဖို့ ပိုပိုပြီး နီးကပ်လာနေပြီ” လို့ပဲ မောရီးစ်က တွင်တွင်ပြောခဲ့တယ်။

အင်ဒိုနီးရှားနိုင်ငံ၊ ကာဝါအိုင်ဂျန်မီးတောင်
အင်ဒိုနီးရှားနိုင်ငံက ကာဝါအိုင်ဂျန်မီးတောင်ပေါက်ကွဲမှုမှာ သူ့ရဲ့လောင်းလှေခရီး စတင်ဖို့ မောရီးစ် ဆုံးဖြတ်လိုက်ပါပြီ၊ အနိမ့်ဈေးနဲ့ရလာခဲ့တဲ့ လောင်းလှေကိုအသုံးပြုပြီး မီးတောင်ဆီက ပြုတ်ထွက်ကျလာတဲ့ ဆာလ်ဖျူရစ်အက်ဆစ်ကန် ချော်ရည်စီးကြောင်းထဲ လှော်ခတ်ဖို့ပြင်ဆင်ပါတော့တယ်၊ မောရီးစ်နဲ့ လက်ထောက်တစ်ဦးဟာ အားအရှိဆုံးလို့ သတ်မှတ်ထားတဲ့ အက်ဆစ်ဓာတ်တွေပျော်ဝင်နေတဲ့နေရာဆီ လောင်းလှေနဲ့ထွက်ခွာခဲ့ကြတယ်၊ အခြေအနေ သိပ်မကောင်းလှတာကြောင့် လောင်းလှေကို ဆွဲတင်လိုက်တဲ့အခါ ငါးမိနစ်မပြည့်ခင် အချိန်လေးမှာပဲ အက်ဆစ်တွေက လောင်းလှေရဲ့ကိုယ်ထည် သတ္တုတွေကို စားပြီးဖြစ်နေတာတွေ့လိုက်တ၊ သူတို့ခန့်မှန်းထားတဲ့ နှစ်နာရီအတွက်လက်လျှော့ လိုက်ရပါတယ်။

ကာတီယာက မိတ်ဆွေ အလိန်းဂျီရန်တီကို အခုလိုပြောပြတယ်။
“ကျွန်မတို့ တစ်နေ့ ဒီမီးတောင်ပေါက်ကွဲမှုတွေဆီက စီးလာတဲ့ ချော်ရည်ပူလက်လက်တွေနဲ့ ဘ၀ဆုံးကြတော့မယ်ဆိုတာ ကျွန်မသိနေတယ်၊ နီရဲတောက်လောင်နေတဲ့ ချော်ရည်ပြာတွေနဲ့ ကျွန်မတို့ရဲ့ တရားသဖြင့်လုပ်ဆောင်မှုတွေဟာ ကျွန်မတို့ရဲ့အသက်ဝိညာဉ်တွေအတွက် အာမခံချက်မရှိပါဘူး၊ ကျွန်မတို့က သေခြင်းတရားကို မျက်ကန်းသဖွယ် ရူးရူးနှမ်းနှမ်းတိုးတိုက် ကစားကြတာမဟုတ်ဘူး၊ မီးတောင်ပေါက်ကွဲမှုတွေကြောင့် လူတွေသေကျေပျက်စီးဆုံးရှုံးရတာတွေ နည်းနိုင်သမျှနည်းပါးစေဖို့ စွန့်စားမှုတွေနဲ့ ပြေးလွှားနေကြတာပါ”

၁၉၉၁ ခုနှစ်၊ ဧပြီ ၂ ရက်၊ မောရီးစ်တို့ မသေဆုံးခင်
၁၉၉၁ ခုနှစ်၊ ဧပြီ ၂ ရက်၊ သူတို့ မသေဆုံးခင်တစ်လလောက်အလို ဖိလစ်ပိုင်က ပီနာတူဘိုမီးတောင် ရုတ်တရက် ပေါက်ကွဲ ခဲ့တဲ့အခါ ဒေသခံအာဏာပိုင်တွေအတွက် ဘယ်နေရာကလူတွေ ဘယ်လောက်အန္တရာယ်ရှိနိုင်မလဲ၊ ဘယ်သူတွေကိုပြောင်းစေဖို့ ကြေညာပေးရမလဲဆိုတာ ဆုံးဖြတ်ချက်ချဖို့လိုလာပါပြီ၊ အဲဒီအတွက် အဖြေကိုတော့ မောရီးစ်တို့ရိုက်ကူးထားတဲ့ မှတ်တမ်းတင် ရုပ်ရှင်တွေဆီက ရရှိခဲ့တယ်။ မှတ်တမ်းရုပ်ရှင်မှာ ၁၉၈၅ ခုနှစ်က ကိုလံဘီယာနိုင်ငံ၊ အာမီရိုမြို့မှာ ပေါက်ကွဲခဲ့တဲ့ မီးတောင်ကြောင့် လူပေါင်း ၂၂၀၀၀ သေဆုံးခဲ့ပုံကို ရိုက်ယူထားပါတယ်၊ ချော်ရည်စီးကြောင်းတွေကို တိတိကျကျရိုက်ကူးထားခဲ့တဲ မှတ်တမ်းရုပ်ရှင်ကိုကြည့်ပြီး ဖီလစ်ပိုင်အာဏာပိုင်တွေဟာ နေရာပြောင်းဖို့ လိုအပ်တဲ့လူတွေကိုတွက်ချက်နိုင်ခဲ့ပြီ၊ လူပေါင်း ၂၀၀၀အတွက် ယာယီစခန်းတွေဆီ နေရာချထားပေးနိုင်ခဲ့တယ်။ “ဒီမှတ်တမ်းရုပ်ရှင်ရဲ့အကူအညီသာ မရယူနိုင်ခဲ့ရင် မီးတောင်အတွေ့အကြုံကို မသိရှိနိုင်ဘဲ လူပေါင်းထောင်ပေါင်းများစွာ သေဆုံးကြမှာ သံသယဖြစ်စရာမရှိဘူး” လို့ ၀ါရှင်တန်တက္ကသိုလ်က ပြောကြားခဲ့တယ်။

၁၉၉၁၊ ဇွန်လ၊ ၃ ရက်နေ့ ဂျပန်နိုင်ငံ၊ အူဇန်မီးတောင်ပေါက်ကွဲမှု
၁၉၉၁ခုနှစ်၊ ဇွန်လ၊ ၃ရက်နေ့၊ ဂျပန်နိုင်ငံ အူဇန်မီးတောင်ပေါက်ကွဲခဲ့တဲ့အခါမှာတော့ သူတို့နှစ်ဦးရဲ့ဘ၀တွေ အဆုံးသတ်ခဲ့ရတယ်၊ မောရီးစ်ခရတ်ဖ်ထ်(အသက် ၄၅နှစ်) နဲ့ ဇနီး ကာတီယာ(၄၉နှစ်) တို့ဟာ အူဇန်မီးတောင်ကြီးဆီက အလွန်အမင်းပူလောင်နေတဲ့ ဓာတ်ငွေ့တိမ်လိပ်ကြီးရဲ့ တွန်းထိုးဝှေ့ယမ်းမှုကြောင့် မီးတောင်ပြာမှုန်တွေနဲ့ ကျောက်တုံး၊ ကျောက်ခဲအပိုင်းအစတွေဟာ သူတို့ဆီ ပြေးဝင်လာခဲ့တယ်၊ အဲဒီအရှိန်နဲ့ပဲ မီးတောင်ဘေးပတ်ဝန်းကျင်က တစ်နာရီ မိုင် ၆၀ နှုန်း စီးဆင်းလာတဲ့ မြစ်ထဲကို ထိုးစိုက်နစ်မြုပ်သွားခဲ့ပါတယ်၊ အဲဒီချော်ရည်မြစ်ကြီးက အမေရိကန်မီးတောင်ဗေဒပညာရှင် ဟယ်ရီဂလစ်ခ်ကန်၊ ဂျပန်သတင်းထောက် ၁၄ဦးနဲ့အတူ သူတို့နှစ်ဦးကို ဆွဲယူနှစ်မြှပ်လိုက်တယ်။

“မောရီးစ်နဲ့ ကာတီယာတို့ဟာ မီးတောင်ဝနဲ့ နီနီး ချဉ်းကပ်သွားနေကြတယ်၊ သူတို့ တော်တော်လေး စိတ်ပျက်အားလျော့နေကြပုံပဲ၊ မိုးကလည်းရွာနေတော့ ဓာတ်ပုံရိုက်ယူရတာ အခက်အခဲတွေ့နေကြတယ်၊ မီးတောင်ကလည်း အဲဒီလို ပြင်းပြင်းထန်ထန်ချော်ရည်တွေ မှုတ်ထုတ်မယ်လို့ မထင်လောက်အောင် နူးညံ့သိမ်မွေ့ပြနေတာကိုး”

အသက်ဘေးကလွတ်မြောက်ခဲ့တဲ့ ကျူးရှူးတက္ကသိုလ်က ဆက်ဆုယနာယာဒါက အဲဒီလိုပြန်ပြောင်းပြောပြခဲ့တယ်၊ မောရီးစ်နဲ့ ကာတီယာတို့ဟာ ကွယ်လွန်ချိန်မှာ ဖြတ်သန်းခဲ့တဲ့ ၂၅ နှစ်သက်တမ်း မီးတောင်စူးစမ်းလေ့လာမှုကာလအတွင်း မီးတောင်လှုပ်ရှားမှု ဓာတ်ပုံပေါင်း ၃ သိန်းနဲ့ နာရီပေါင်း ၃၀၀ စာ ဗီဒီယိုတိတ်ခွေတွေကို ရိုက်ကူးထားနိုင်ခဲ့တယ်၊ ဟောပြောပို့ချချက်များစွာလည်း ဝေမျှခဲ့ပြီး စာအုပ် ၂၀ ရေးသားထုတ်ဝေခဲ့တယ်။

“မောရီးစ်နဲ့ ကာတီယာတို့ချန်ထားရစ်ခဲ့တဲ့ မီးတောင်တွေရဲ့ဗဟုသုတ၊ အသိပညာအားလုံးဟာ ကျွန်တော်တို့အားလုံးအတွက် အင်မတန်အကျိုးကျေးဇူးရရှိစေခဲ့တယ်” လို့ World Organization of Volcanic Observation အဖွဲ့က ဥက္ကဌ ဂျီးန်လူးဝစ်ချီမင်းနီက အမှတ်တရစကားပြောကြားခဲ့ပါတယ်။
“လက်ရှိ မီးတောင်လေ့လာစူးစမ်းမှုတွေအားလုံးဟာ မောရီးစ်နဲ့ ကာတီယာတို့ စနစ်တကျပြုစုထားခဲ့တဲ့ အချက်အလက်တွေကို မှီခိုလုပ်ဆောင်နေရတာပဲ၊ မောရီးစ်နဲ့ ကာတီယာတို့ မီးတောင်တွေကို ချစ်မြတ်နိုးသလို ကျန်ရှိတဲ့ မောရီးစ်တို့ရဲ့မိတ်ဆွေတွေက ဆက်လက်လုပ်ဆောင်သွားပါမယ်” လို့ ဂျာမနီနိုင်ငံ University of Fribaurg-en-Brisgau က ဒေါက်တာဂျော့ခ်ျတဲလားက ၀မ်းနည်းစွာ ကတိစကားဆိုခဲ့တယ်။
၁၉၉၁ ခုနှစ်၊ ဇွန်လ၊ ၃ ရက်နေ့မှာတော့ တောင်ပံတွေ အားကုန် တဖျတ်ဖျတ်ရိုက်ခတ်နေတဲ့ လိပ်ပြာလေးတွေဟာ သီချင်းတွေဆိုညည်းရင်း အလျှံညီးညီးတောက်လောင်နေတဲ့ မီးတောင်တွေဆီ တရွေ့ရွေ့တိုးဝင်ကာ ခရီးဆက်လက်ထွက်ခွာသွားခဲ့ပါပြီ။
Ref : A Passion for Volcanoes by Leopold Sanchez(Reader's Digest)

Sunday, July 11, 2010

ဝါဒဖြန့်ခြင်းလား မျိုးချစ်စိတ်လား၊ အဆုံးသတ်မှာ စစ်ပွဲနဲ့ပဲ တစ်ခန်းရပ်ခဲ့ပြီ

"သူတို့ပြောတာမကြိုက်ဘူး၊ ဒါနဲ့ပဲ သူတို့ကို ခင်ဗျားသတ်တယ်၊ စစ်ပွဲတစ်ပွဲရဲ့ စည်းမျဉ်းတွေကို ခင်ဗျားပြောင်းလဲလိုက်တာပဲ" တဲ့၊ The Independent သတင်းထောက် ရောဘတ်ဖစ်ခ် က ဒေါသတကြီးမှတ်ချက်ချခဲ့တယ်၊ ၁၉၉၉ ခုနှစ် ဧပြီ၂၄ရက်နေ့ညမနက် သတင်းတွေမှာ ဖစ်ခ်ရေးသားခဲ့တယ်၊ ရောဘတ်ဖစ်ခ်ဟာ ကိုဆိုဗိုစစ်ပွဲအတွင်း နေတိုးတပ်ဖွဲ့ဗုံးကြဲတဲ့အချိန် ဘဲလ်ဂရိတ်မှာသတင်းယူနေခဲ့ပါတယ်၊

စစ်ပွဲတစ်ပွဲဟာ အကျိုးအကြောင်းနဲ့ဖြစ်တည်လာခဲ့တယ်ဆိုဆို၊ အကျိုးရလာဒ်အတွက် တိုက်ခဲ့ကြတယ်ပဲ ဆိုဆို၊ အကျိုးမဲ့တဲ့ဖြစ်ရပ်တွေကြားထဲမှာ အသက်စတေးခဲ့ရတဲ့ ဓါးစာခံတွေက တိုင်းသူပြည်သားတွေပါ၊ တစ်ဖက်က မီဒီယာကိုနိုင်ငံရေးဘက်မှာ ၀ါဒဖြန့်ဖို့အတွက် အသုံးချခဲ့သလို၊ နိုင်ငံရေးကြောင့်ပဲ မီဒီယာဟာ အဓိက ပြစ်မှတ်တစ်ခုလို ဖြိုဖျက်တိုက်ခိုက်ခံခဲ့ကြရတယ်၊

Friday, July 09, 2010

အသွင်မတူ အိမ်သူမဖြစ်

ဒီပိုစ့်က မသီတာရေးခိုင်းတဲ့ အသွင်မတူ အိမ်သူမဖြစ် တက်ဂ်ပိုစ့်လေးပါ၊ မသက်ဝေ ပိုစ့်လေးမှာ တစ်ယောက်ချင်းစီ တက်ဂ်ထားတာတွေ့ရတော့ အော် ကိုယ့်ကျတော့ တက်ဂ်မဲ့သူလဲ မရှိ လို့ စိတ်မကောင်းတောင်ဖြစ်သွားတယ်၊ (တကယ်) ဘလောဂ့်တွေဖတ်ရတာ စိတ်ဝင်စားဖို့ကောင်းတယ်၊ တက်ဂ်ပိုစ့်တွေ မရေးတော့ဘူးလို့ ပြောကြတာတွေလဲ တချို့ဘလော့ဂ်တွေမှာဖတ်လိုက်ရတယ်၊ တစ်ခါတစ်ခါ ကိုယ်က အချိန်မရတော့ မြန်မြန်ဖတ်၊ တခြားအိမ် ဆက်လည်နဲ့၊ ကွန်မန့်လဲ ထားတဲ့အခါထား၊ မထားတဲ့အခါ မထားနဲ့၊ ပေါက် ရေးတဲ့ ကိုယ့်အကြိုက်မှာ တက်ဂ်ထားတာကို ရေးကြတာ မြန်မာထဘီလေးတွေအကြောင်း၊ အဲဒါတစ်ယောက်ချင်းစီ လိုက်ဖတ်ပြီး သဘောတွေကျလို့၊ အဲဒီတော့မှ တက်ဂ်ပိုစ့်ဆိုတာကို ဖတ်ဖူးတာပါ၊

ပထမဆုံး တက်ဂ်ပိုစ့်လေး
မြန်မြန်ရေးလိုက်ပါတယ် မသီတာရေ၊ ဒါ ပထမဆုံး၊ ချစ်လို့တက်ဂ်တယ် မှတ်ပါတယ်၊ ဟုတ်ပါတယ်နော်
အသွင်မတူ အိမ်သူမဖြစ်ဆိုတော့ မှန်လဲမှန်တယ်၊ မှန်လဲမမှန်ဘူး
ကျွန်မနဲ့ နဲရှော (နဲရှောလို့ပဲ ရေးလိုက်တော့မယ်နော်၊ မရွှေစင်ဦးလို ချစ်ချစ်ကြီးလို့တော့ ခေါ်ချင်သား၊ copyright ငြိမှာစိုးတော့ မဖြစ်ချေဘူး)

အပြင်ပမ်း အသွင်အပြင်
ကျွန်မ က အရပ် ပုပါတယ်၊ လမ်းမှာတွဲသွားရင် ခေါင်းတစ်လုံးကျော်နိမ့်တယ်၊ ဖိနပ်အမြင့်စီးရင်လဲ နဲရှောက မကြိုက်ဘူး၊ လှတာမလှတာထက်၊ ခြေထောက်နာတာ မနာတာ ပိုအရေးကြီးတယ်ဆိုပဲ၊

ရုပ်၊ မျက်နှာကျ
ကျွန်မနဲ့ နဲရှော ဘယ်လိုမှ မတူဘူးထင်တယ်၊ အာရှရုပ်နဲ့ သူ့ရုပ်နဲ့

အကြိုက်တွေ
ကျွန်မ ကော်ဖီ အရမ်းကြိုက်တယ်၊ နဲရှောက ကော်ဖီ မကြိုက်ဘူး၊

ကျွန်မက သီချင်း ကျယ်ကျယ်အမြဲ ဖွင့်ထားချင်တယ်၊ သူက အဲဒီလို အမြဲ နားမထောင်တတ်၊

အသားကြီးငါးကြီးတွေ နဲရှောလဲ မစား၊ ကျွန်မလဲ မစား၊ (သေးသေးလေးတွေ တုံးပြီးစားပါတယ်၊ ဟီး)
အမဲသား၊ ၀က်သား တို့ ကို ပြောတာပါ၊

ကျွန်မက အစပ်၊ ငရုတ်သီး ကြိုက်တယ်၊ နဲရှောက လုံးဝမစားနိုင်၊

နဲရှောက မြေကြီးကြိုက်တယ်( အပင်စိုက်ရတာကိုပြောတာပါ) အပင်စိုက်ရင် မြေကြီးကိုင်ရတယ်လေ၊ ကျွန်မက မြေကြီးကိုင်ရမှာမကြိုက်ဘူး၊ မြေကြီးထဲက တီကောင်တို့ ခရု တို့ သိပ်ကြောက်တယ်၊ သူက အဲဒီအကောင်တွေ သဘောကျတယ်၊

ကျွန်မက ရီစရာ ခဏခဏပြောတတ်တယ်၊ နဲရှောက မပြောတတ်၊ နောက်ပိုင်းတော့ လိုက်နောက်တတ်လာပါပြီ၊

ကျွန်မက ဘောလုံးပွဲကြိုက်၊ သူက မကြိုက်၊
(ဒါလဲ လိုက်ကြည့်ပေးတတ်လာပြီ)

ဒါတွေက အပေါ်ယံအသွင်အပြင်၊ ကြိုက်တာ မကြိုက်တာတွေပါ၊

အိမ်ထောင်ပြုတယ်ဆိုတာ သူ့ရဲ့ အကောင်းအဆိုး ၊ ကိုယ့်ရဲ့အကောင်းအဆိုးတွေ ဝေမျှကြတာပါပဲ၊ တူတာတွေရော မတူတာတွေရော၊ အကောင်းတွေ အဆိုးတွေ အကုန်လဲလှယ်ယူရတာ၊
နဲရှောနဲ့ ကျွန်မဆိုရင် သည်းခံနိုင်တယ်၊ ဒေါသမကြီးကြဘူး၊ မကြိုက်တာ တစ်ခုခု တွေ့ရင် မင်းကြောင့်ဆိုတဲ့ အပြစ်တင်တာမျိုးမလုပ်တတ်ကြဘူး၊ အဲဒါက တော်တော်ရန်ငြိမ်းပါတယ်၊
အိမ်ထောင်တစ်ခုမှာ အပြစ်တင်တတ်သူ မပါရင် အဲဒီအိမ်ထောင် နားတော်တော်အေးမယ်ထင်ပါတယ်၊
တစ်ခါတစ်လေ ကျွန်မစိတ်ဆိုးရင် "ဘာစိတ်ဆိုးတာလဲ၊ သူ ဘာမှားနေလဲ၊ သူ့ကို သင်ပေးပါ၊ သူ ကြိုးစားပြင်ပါ့မယ်" လို့ အမြဲ စပြောတတ်တယ်၊
တစ်ခါတစ်လေ ကျွန်မ အလွဲအချော်ဖြစ်ခဲ့ရင် ''ဒီကိစ္စလေးက ဘာမှမဟုတ်ပါဘူး" လို့ စပြောတတ်တယ်၊ တစ်ခါ ရေကူးကန်တခုကို ရောက်သွားရင်း အဲဒီမှာ ၀ါတာပိုလို တိုင်းအဆင့်ပြိုင်ပွဲတစ်ခုလုပ်နေတာနဲ့ ၀င်ကြည့်ကြတယ်၊ ကျွန်မကော်ဖီသောက်ချင်တာနဲ့ပူဆာတယ်၊ ရေကူးကန်စားသောက်ဆိုင်ကိုမေးတော့၊ ကော်ဖီဝယ်ပြီး အတွင်းကို ယူသွားလို့ရတယ်တဲ့၊ သူက အစေ့အဆံ snack တွေ ၂ခွက်ကိုင်၊ ကျွန်မက ကော်ဖီခွက်ကိုကိုင်ရင်း ရေကူးကန်ထဲဘေးက ခုံတန်းတွေဆီပြန်လာ၊ လူတွေကလဲ အာရှသားမြင်တာနဲ့ ပြူးကြည့်၊ ကျွန်မက လဲ ခြေလှမ်းတွေမှား ခလုတ်တိုက်တော့ ကော်ဖီတွေမှောက်ကုန်ရော၊ ခုံတန်းမှာ ကော်ဖီတွေဖွားကနဲ၊ ဘေးနားကလူတစ်ယေက် ချထားတဲ့ အကျီတောင် စင်သွားမယ်ထင်တယ်၊ သူ က ချက်ချင်း ကျွန်မကို နေရာမှာ ပေးထိုင်ပြီး၊ ဘေးနားက ပေသွားတဲ့အင်္ကျီပိုင်ရှင်ကို တောင်းပန်တယ်၊ အေးအေးဆေးဆေးပဲ သန့်ရှင်းစရာ တစ်သျှုးစက္ကူသွားယူပါတယ်၊ ခုံတန်းအောက်နားထိုင်ပြီး သေချာသုတ်တယ်၊ ပြီးတော့ ပခုံးတွန့်ပြပြီး သူ့ထုံးစံအတိုင်း "ဒီကိစ္စလေးက ဘာမှမဟုတ်ပါဘူး" တဲ့၊ ခုနက စိတ်အိုက်ပြီး နေရထိုင်ရခက်သွားတဲ့ ကျွန်မလဲ အဲဒီတော့မှ စိတ်ပေါ့သွားတော့တယ်၊
ကျွန်မတို့ကြုံရတဲ့ အခက်အခဲတွေလဲ အများကြီးပဲ၊ ရန်ကုန်ကနေထွက်ခဲ့ကြကတည်းက၊ ရန်ကုန်မှာ သူ့ပြပွဲကိစ္စ၊ လက်ထပ်ဖို့ကိစ္စတွေ၊ ၊ လမ်းခရီးမှာ ဘန်ကောက်ကနေလေယာဉ်တစ်စီးစီ ပြောင်းစီးခဲ့ရတာတွေ၊ ဒီမှာတစ်ခါပြန်လက်ထပ်ဖို့ကိစ္စတွေ အခက်အခဲတွေ တစ်ဆင့်စီကျော်ဖြတ်ပြီးကြတိုင်း Today mission accomplished လို့ ကျွန်မရော နဲရှောပါ ပြောဖြစ်ကြတယ်၊
အခက်အခဲတွေ့တိုင်း ဒါလဲပြီးသွားမှာပါ ဆိုတဲ့ စိတ်မျိုး ၂ ယောက်လုံးမှာရှိကြတယ်၊
ကျွန်မ က အငယ်ပေမဲ့ အနိုင်ယူတာမျိုး သိပ်မလုပ်မိဘူး၊ နဲရှောကလဲ ညှာတတ်တယ်၊
ကျွန်မ တစ်ခုခု မေးရင် စိတ်ရှည်လက်ရှည်ရှင်းပြတတ်တယ်၊ ဘာသာပြန်ရင်း နိုင်ငံရေးအကြောင်းနားမလည်လို့ ကျွန်မက မေးတိုင်း နဲရှောအလုပ်ရှုပ်လဲ ချက်ချင်းရှင်းပြပေးတယ်၊
ကျွန်မ photoshop မှာ tool တစ်ခု မသိလို့ မေးရင် နားလည်အောင်ရှင်းပြပေးတယ်၊ သူမသိရင်လဲ ကျွန်မပြောပြတာ သေချာနားထောင်တယ်၊
အိမ်ထောင်ဖက်အဖြစ်ရွေးတော့မယ်ဆိုကတည်းက field တူတာမျိုးကိုရွေးကြတယ်နဲ့တူတယ်၊ မဟုတ်ရင် သူသိတာ ကိုယ်က လုံးဝမသိ၊ ကိုယ်သိတာကို သူက နားမလည်တတ်၊ အထင်မကြီးတတ် ဖြစ်ကုန်မှာပဲ၊

ဟိုနေ့ကဆို ကျွန်မကခြောက်ပြီးသား ပန်းကန်တွေစီပြီးသိမ်းနေတယ်၊ သူက ကျွန်မကို ဖရဲသီးစိတ် ခွံကျွေးတယ်၊ စိတ်မရှည်လို့လဲ ဖြစ်ချင်ဖြစ်မယ်၊ အစိတ်ကြီးက နဲနဲကြီးနေတော့၊ ကျွန်မက စိတ်ထဲကနေ ဖရဲသီးစိတ်ကလဲ ကြီးလိုက်တာ ၀ါးရတာညောင်းလိုက်တာလို့ တွေးနေတုန်းပဲ ရှိသေးတယ်၊ သူက ကျွန်မကို လှမ်းမေးတယ်၊ "ဖရဲသီးစိတ်က ကြီးနေလား" တဲ့၊

အဲဒီလိုပဲပေါ့
အသွင်တူလို့ အိမ်သူဖြစ်လာကြပြီးတဲ့နောက် အတွေးအမြင်၊ စိတ် တွေပါ တူလာကြဦးမလားပဲ၊
မသီတာရေ စာရေးတာ ခေါင်းစဉ်တစ်ခုအောက်မှာရေးရတာ တကယ်ရေးတော့ ခက်သား၊
ဖတ်တဲ့သူဖတ်ကနေလဲ ကြည့်ရေးရသေးတယ်၊ လေပေါတယ်ထင်မှာစိုးတော့ များများလဲ မရေးရဲ၊
ရေးခိုင်းတာကတခြား ရေးရင်း ဟိုရောက်ဒီရောက်ဖြစ်ကုန်လို့ ပြန်လှည့်၊ ဒါတောင် ဘာတွေရေးမိမှန်းမသိ

မသီတာနဲ့ ကိုဧရာ၊ ရေချမ်း ရေစင် သားလေး နှစ်ယောက်နဲ့ နှစ်၁၀၀တိုင် ပျော်ရွှင်ချမ်းမြေ့ကြပါစေ
ဆုတောင်းရင်း ဟိုရောက်ဒီရောက် တက်ဂ်ပိုစ့်ကို ဒီမှာပဲ ရပ်ပါပြီ၊

Wednesday, July 07, 2010

ရေဘ၀ဲပေါလ်ရဲ့ အဟောမှာ ဂျာမနီမြောလေပြီ

ဒီက ဂျာနယ်၊ သတင်းစာတွေမှာ ရေဘ၀ဲဟောတဲ့ဗေဒင်အကြောင်းရေးလာကြပြီ၊
စပိန်တဲ့၊ သူမှန်လာတာများပြီဆိုပဲ၊ ဂျာမနီကို သဘောကျတော့ ရေဘ၀ဲဟောတဲ့ဗေဒင်က တိုက်ဆိုင်တာပါလို့ နဲရှောနဲ့ ပြောရင်း လောင်းကြတယ်၊ သူက စပိန်တဲ့၊ ဘာကြေးမှတော့ မဟုတ်ပါဘူး၊

အဲဒီပွဲမစခင် သတင်းကြေညာတဲ့သူက ဂျာမနီနည်းပြတွေ အပြာရောင်နဲ့ ကုတ်ကို ပွဲစဉ်တိုင်းဝတ်တာကိုပြောသွားပါတယ်၊ အဲဒီအရောင်က ဂျာမနီအသင်းကိုကံကောင်းစေတယ်လို့ နည်းပြက အယူရှိပြီး ဆက်တိုက်ဝတ်ဖြစ်တယ်လို့ဆိုတယ်၊
ပွဲစတော့ ဂျာမနီအသင်းသားတွေ နိုင်ငံတော်သီချင်း အင်တိုက်အားတိုက်ဆိုကြတယ်၊ စပိန်အသင်း နိုင်ငံတော်သီချင်းသီဆိုတဲ့အခါ စပိန်အသင်းသားတွေနှုတ်ခမ်းတင်းတင်းစေ့လို့ တစ်ယောက်မှ လိုက်မဆိုတော့ အံ့သြသွားမိတယ်၊ စပိန်အသင်းကို အရင်ပွဲတွေ အစကနေ သေချာမကြည့်လိုက်မိတော့ မသိလိုက်ဘူး၊ နောက်တော့ နဲရှောကပြောတယ်၊ 'no official lyrics' တဲ့၊ စာသားမရှိတဲ့ နိုင်ငံတော်သီချင်းတွေအကြောင်း သိမထားဘူး၊ မာချာရဲလ် "The Royal March" စပိန်အမျိုးသားသီချင်းက စာသားမရှိတဲ့ နိုင်ငံတော်သီချင်းအနည်းစုထဲက တစ်ပုဒ်တဲ့၊ ဒါကြောင့် စပိန်အသင်းသားတွေ နှုတ်ခမ်းတင်းတင်းစေ့ပိတ်ထားတာကိုး၊ ဆိုစရာစာလုံးမှမရှိတာ၊ ကျွန်မသာဆို အတီးကိုပဲ ပါးစပ်နဲ့လိုက်ဆိုမိမယ်ထင်တယ်၊ ငယ်ငယ်က မြန်မာနိုင်ငံတော်သီချင်းကို အတီးပိုင်းပါ လိုက်ဆိုခဲ့ကြတာ၊

ဒီလိုနဲ့ ဂျာမနီနဲ့ စပိန် ကန်ကြတယ်၊ ကိုယ်ကပဲ မနက်စောစောထ အလုပ်ရှုပ်နေလို့ အိပ်ငိုက်တာပဲလားမသိ၊ အုပ်စုပွဲတွေကမှ ပိုသွက်သလိုပဲ၊ အိပ်ငိုက်နေလို့ မျက်လုံး မနည်းပြူးကြည့်ရတယ်၊ စကန်ပြီး ၄မိနစ်လောက်မှာ ကွင်းထဲကို ပရိသတ်ထဲက တစ်ယောက်ပြေးဝင်လာလို့ သူ့ကို ခေါ်ထုတ်သွားကြတာတွေ့လိုက်ရသေးတယ်၊ နှစ်ဘက်လုံးက ခံစစ်ကြီးကစားနေကြသလိုပဲ၊ ဂိုးသွင်းနိုင်တဲ့အခွင့်အရေးတွေတောင် နည်းနည်းပဲတွေ့ရတယ်၊ စပိန်က တစ်ချက်တစ်ချက်ပိုပြီးတိုက်စစ်နဲ့ကစားတယ်၊

ဘောလုံးပွဲမစခင် ကော်ဖီသောက်လိုက်တော့ ညစာ ဗိုက်ကမဆာဘူး၊ ပထမပိုင်း ပြီးချိန်လောက်ရောက်တော့ နဲရှောလှုပ်လှုပ်ရှားရှားဖြစ်လာပြီ၊ သူ ဆင်းဒ၀စ်ခ်ျလုပ်ပေးမယ်ဆိုပြီး သွားပြင်တော့တယ်၊ နောက်တော့ ဗန်းကြီးကိုင်လာ ရေကျန်ခဲ့လို့ တစ်ခါသွားခပ်၊ ပျားရည်ကျန်လို့ သွားပြန်ယူနဲ့ သူ့ပဲကြည့်နေရတယ်၊ သူလဲ သုတ်သုတ်သွား သုတ်သုတ်လားနဲ့ ခြေချိတ်ထိုင်နေတဲ့ တာတာ့ခြေထောက်နင်းမိပါလေရော၊ တာတာက ဖြတ်ကနဲ နဲရှောခြေထောက်ကို လက်နဲ့လှမ်းထိန်းပေးတယ်၊ တာတာက သူ့ခြေထောက်ဝင်နင်းမိလို့ စိတ်မတိုတဲ့အပြင် မျက်နှာမှာ နဲရှောလဲမှာစိုးရိမ်တကြီးဖြစ်သွားတဲ့အမူအရာနဲ့၊ မိဘများဘယ်အချိန်မဆို သားသမီးအပေါ်ချစ်ကြတာ တခဏလေးတွေ့လိုက်ရသေးတယ်၊ ကျွန်မက အဝေးမှုန် တီဗီကြည့်ရင်မျက်မှန်တပ်ရတော့ နဲရှောကို ကျွန်မ မျက်မှန်ငှားမယ်လို့ အဲဒီအချိန်ခဏလေးကို လှမ်းနောက်လိုက်သေးတယ်၊ မားမားက ခိခိ နဲ့ ရယ်တယ်၊ နဲရှောကလဲ ကျွန်မမျက်မှန်သာ သူတပ်ထားရင် ဟိုရှေ့က ခုံကြားထဲရောက်နေပြီတဲ့ ချက်ချင်း ဆင်ခြေပြန်တက်တယ်၊ အားလုံး ၀ိုင်းရယ်ကြတယ်၊

ဒါနဲ့ ပထမပိုင်းပြီးရော၊ ဒုတိယပိုင်းကျတော့လဲ အိပ်ငိုက်နေတာပဲ၊ jumper ကလိုဆေးလဲ မခုန်နိုင်ဘူး၊ သူက ဂိုးသွင်းပြီးရင် ကျွမ်းထိုးပြီး ခုန်တတ်တယ်၊ ၇၃ မိနစ်လောက်မှာ စပိန်က ကားလက်စ်ပူယို ထောင့်ကန်ဘောကနေဂိုးရသွားပါတယ်၊ အဲဒီဂိုးနဲ့ပဲ စပိန် ဖိုင်နယ်တက်သွားတော့တယ်။

ကွားတာဖိုင်နယ်ပွဲ အာဂျင်တီးနားနဲ့ဂျာမနီ

အဲဒီပွဲစမယ်ဆိုတော့ သတင်းကြေငြာသူက မက်ဆီက ဖျားနေတယ်ဆိုတယ်၊ ဒါပေမဲ့ သူ ကစားနိုင်ခဲ့တယ်၊
အာဂျင်တီးနားအသင်းမှာ ဆာဂျီရိုရိုမီရို၊ မာတင်ဒန်မီခဲလစ်၊ နီကိုလပ်စ်ဘာဒီးဆို၊ ဂေဘရီရဲလ်ဟိုင်းဇ်၊ နီကိုလပ်စ်အိုတမန်ဒီ၊ အိန်ဂျယ်လ်ဒီမာရီယာ၊ ဟာဗီရာမာ့စ်ကရာနို၊ မက်ဇီရိုဒရီဂက်ဇ်၊ ဂွန်ဇာလိုဟီဂီးဝိန်း၊ လိုင်ယိုနဲမက်ဆီ၊ ကားလို့စ်တဲဗက်ဇ် တို့ကစားကြတယ်။ ဂျာမနီအသင်းမှာတော့ မဲနူရယ်နူရာ၊ အန်းဖရီးဒရစ်ခ်၊ ဖီးလစ်ပ်လန်းမ်၊ ပမဲတဲဆာကာ၊ ဂျရုမ်းဘိုထန်းဂ်၊ ဆမ်မီကာဒီးရာ၊ ရွှိင်းစထိုင်းဂါ၊ မဲဆစ်အိုဇီးလ်၊ လူးကပ်စ်ပိုဒေါ့စကီး၊ မီရိုဆလပ်ဗ်ကလိုဆေး၊
သောမတ်စ်မူလာ တို့ ကစားတယ်။ ဂျာမနီ ၄ ဂိုး အာဂျင်းတီးနား ဂိုးမသွင်းခဲ့ဘူး၊ ဂျာမနီ ဂိုးတစ်ဂိုးသွင်းတိုင်း ဂျာမနီချန်စဲလာ အင်ဂျလာမာကဲလ် က လက်ခုပ်တီးအားပေးရင်း တော်တော်ပျော်နေတာတွေ့လိုက်ရသေးတယ်။

ကွာတားဖိုင်နယ် ပွဲရလာဒ်တွေ
Paraguay 0:1 Spain
Argentina 0:4 Germany
Uruguay 1(4):1(2) Ghana
Netherlands 2:1 Brazil

ဆီမီးဖိုင်နယ်ပွဲ ရလာဒ်တွေ
Germany 0:1 Spain
Uruguay 2:3 Netherlands

(သတင်းစာမှာ ကလိုဆေးကျွမ်းထိုးပုံ အဆင့်ဆင့်တွေ့တာနဲ့ စကန်ဖတ်ပြီး animation လုပ်၊ by နဲရှော)
မီရိုဆလပ်ဗ်ကလိုဆေး၊

Friday, July 02, 2010

ဂါနာတွေ ငိုကုန်ကြပြီ

ကိုအောင်ပြောသလို ဘရာဇီးတော့ မြင်းကောင်းခွာလိပ်လို့ရှုံးသွားခဲ့ပါပြီ၊ သူ တော့ ခုချိန်လောင်းထားတာနိုင်လို့ပျော်နေမလားပဲ၊
အဲဒီအချိန် အွန်လိုင်းကနေ စာသင်ပေးနေလို့ မကြည့်လိုက်ရဘူး၊
(flash/photoshop/dreamweaver နဲ့graphic software တွေသင်ချင်တဲ့သူရှိပြောနော် <--- ads)
ဂါနာနဲ့ ဥရုဂွေးကတော့ ည ၈နာရီခွဲဆိုတော့အေးအေးဆေးဆေးကြည့်လိုက်နိုင်တယ်၊ ဂါနာကိုတော့ တစ်ပွဲကြည့်ဖူးထားတော့ နဲနဲတော့ခြေသိလိုက်တယ်၊ နည်းပြက ဆားရ်ဘီးယန်းတဲ့၊ ဥရုဂွေး မှာ မူဆလဲရာ၊ မာက်ဆီပဲရဲရာ၊ လူဂါနို၊ ဗစ်တိုရီနို၊ ဖူဆဲလ်၊ အဲလ်ဗာရို၊ ဖာနန်ဒက်ဇ်၊ ပဲရက်ဇ်၊ အာရီဗာလို ရီရိုစ့်၊ ကာဗာနီ၊ ဆွာရက်ဇ် နဲ့ ဖော်လန် တို့ပါတယ်၊
ဂါနာ ဘက်ကတော့ ကင်းန်ဆန်၊ ပန်ဆီလ်၊ ဗော်ရှာ၊ ဂျွန်မဲန်ဆာ၊ ဆားပေး၊ အန်နန်၊ အင်ကွန်းန်၊ အဲစာမိုရာ့၊ ကဲဗင်ပရင့်ဘိုထေ့ဂ်၊ မန်ထာရီ၊ ဂန် တို့ ကစားကြတယ်၊
ဒိုင်က ပေါ်တူဂီလူမျိုး အိုလီဂါရီယို ဘန်ကူရန်ကာ ပါ၊
ပထမပိုင်းအစလောက်မှာ ဒီဂိုဖွာလန် အဲ ဒီဂိုဖော်လန် က ကြောက်လန့်စရာ ထောင့်ကန်ဘောရတယ်၊ ဖော်လန် ကွင်းထဲမှာ တလွှားလွှားနဲ့ ဂါနာကလဲ ကောင်းတာပါပဲ၊ တူတူလိုပဲ၊ နဲနဲတော့ အေးနေသလိုပဲ၊ ကိုယ်ကပဲ အိပ်ငိုက်နေလို့လားမသိ၊ ဘယ်သူ့အားပေးရမှန်းမသိတော့ ဒီလိုပဲကြည့်နေလိုက်တာ၊ ပထမပိုင်းပြီးခါနီး အချိန်ပို ၂မိနစ်မှာမှ ဂါနာက မန်ထာရီ တော်တော်ဝေးဝေးကသွင်းလိုက်တာ ဂိုးရသွားတယ်၊ ကန်ချက်ကလဲ တည့်တည့်ပြင်းပြင်းကြီး၊

ဒုတိယပိုင်းမှာလဲ ကန်တော့ကန်ကြတာပဲ ဘယ်သူသာနေလဲတောင် သိပ်သတိမထားမိပါဘူး၊ ဒုတိယပိုင်း ပြီးခါနီးမှာပဲ ဖော်လန်ဖရီးကစ်ကနေဂိုးရသွားတယ်၊ အဲဒီဂိုးလဲ တော်တော်လှတယ်၊ အချိန်ပို ၁၅မိနစ်စီထပ်ကန်ကြတော့ ပထမ၁၅မိနစ်မှာလဲ အဖြေကမထွက်နိုင်၊ ဒုတိယ ၁၅ မိနစ်ပြီးခါနီးမှာ ဂါနာက ဂိုးသွင်း၊ ဥရုဂွေး ဂိုးသမားက ရှေ့ကိုစွာထွက်နေတုန်း၊
ဥရုဂွေးကစားသမား၂ယောက်ဂိုးနဲ့ဘောလုံး လုံးထွေးပြီး တစ်ယောက်ကဒူးနဲ့တိုက်မိ၊ နောက်တစ်ယောက်က ဂိုးဧရိယာထဲမှာ လက်နဲ့ကာလိုက်တယ်ထင်တယ်၊ ဂါနာက ပင်နယ်တီရသွားတယ်၊ ဂါနာအတွက် နောက်ဆုံးပွဲသိမ်းမယ့်အခွင့်အရေးလို့ ထင်လိုက်တာ၊ ဂန် ကန်သွင်းတာ ပင်နယ်တီမ၀င်လိုက်ဘူး၊

အရင်က တူအကြီးလေးပြောတာသတိရမိသေးတယ်၊ ဘားသက်ဇ်ကြီးက ပင်နယ်တီဖမ်းရတော့မယ်ဆို ကန်မယ့်သူကို
သိပ်ခြောက်တာတဲ့၊ ဟိုဘက်ပြေးမလို ဒီဘက်ပြေးမလို ရှုးရှုးရှဲရှဲလုပ်တော့ ပင်နယ်တီသွင်းတဲ့သူ ဘာလုပ်ရမယ်မသိ လွဲကုန်ရောတဲ့၊ တူလေး ၂ယောက်ဘောလုံးကန်လို့ တူအကြီးလေး ဂိုးစောင့်ပြီဆို သူ က ဘားသက်ဇ်လို အမြဲ ခြောက်ပြတယ်၊ ပြီးတော့ တခွီးခွီးရယ်သေးတယ်၊ ဒါနဲ့ပဲ တူအငယ်လေးက ကန်ချင်သလိုကန်ပစ်လိုက်ရော၊ ဥရုဂွေးဂိုးသမားက နဲနဲလှန့်တာတွေ့လိုက်သေးတော့ တူလေးတွေ သတိရမိတယ်၊ နောက်တော့ ပင်နယ်တီ အဆုံးအဖြတ် ပထမငါးလုံးစသွင်းတယ်၊
ဥရုဂွေးက ကစားသမားတွေ သူတို့အယူသည်းမှုလိုပဲ ပင်နယ်တီသွင်းတော့မယ်ဆို တစ်ယောက်နဲ့တစ်ယောက်ကွက်လပ်မရှိတောင်
ပခုံးချင်းဖက်ဖိကပ်ပြီးရပ်နေကြတယ်၊ စိတ်ဝင်စားစရာကြီး၊

ပင်နယ်တီ ၁ -
ဥရုဂွေး - ဖော်လန် ဂိုး သွင်းတယ်၊ ၀င်တယ်၊
ဂါနာ - ပင်နယ်တီ လွဲလိုက်တဲ့ ဂန် ပဲ ပထမဆုံး သွင်းတယ်၊ ၀င်ပါတယ်၊ ဒီ ပင်နယ်တီတော့ တော်တော်ကောင်းပါတယ်၊

ပင်နယ်တီ ၂
ဥရုဂွေး - ဗစ်တိုရီနို သွင်းတယ်၊ ဘယ်ဘက်ကသွင်းပါတယ်၊ ကောင်းတဲ့ ပင်နယ်တီပါပဲ၊
ဂါနာ- စတီဗင်အက်ပီးရား သွင်းပါတယ်၊ ဂိုးသမားက ဖမ်းတာ ဘက်မှန်ပေမဲ့ လက်ထိပ်လေးနဲ့ပဲ ထိပြီး ဂိုးကို
မကာကွယ်နိုင်လိုက်ဘူး၊ ဂိုးတယ်၊ အက်ပီးရားက ကြုံးဝါးပုံကြီးက အဆုံးအဖြတ်ဂိုးကျနေတာပဲ၊ ခုထိ အဖြေမထွက်နိုင်သေးဘူး၊

ပင်နယ်တီ ၃
ဥရုဂွေး - စကော့တီ သွင်းတဲ့ ဂိုးက အဆိုးဆုံး ပင်နယ်တီပဲ၊ အရှိန်ကလဲ နှေးလိုက်တာ၊ အံ့သြဖို့ကောင်းတာက
ဂိုးသမားမဖမ်းနိုင်ပါဘူး၊ ဂိုးပြန်တယ်
ဂါနာ - ဂျွန်မဲန်ဆာ သွင်းယူတဲ့ဂိုး မ၀င်ပါဘူး၊

ပင်နယ်တီ ၄
ဥရုဂွေး - မာက်ဆီပဲရဲရာ ရဲ့ ပင်နယ်တီက ဘားပေါ်ကကျော်ထွက်သွားတယ်၊ ဂါနာမှားရင် ဥရုဂွေးကပါ
လိုက်မှားတော့ အခုထိ အဖြေကတူနေဆဲ၊
ဂါနာ - ဒေါမနစ်အဒီရီးယာ သွင်းယူတဲ့ ဂိုးမှာတော့ ဥရုဂွေးဂိုးသမားက ဗြူးဗြူးဗြဲဗြဲခြောက်တာနဲ့ပဲ ဂိုးသမားတည့်တည့် ကန်မိတယ်၊ ဖာနန်ဒိုမူဆလဲရာ ဂိုးဖမ်းမိပါတယ်၊

ပင်နယ်တီ ၅
ဥရုဂွေး - အက်ဘရူး က ဥရုဂွေးကို ဆီမီးဖိုင်နယ်ဆွဲခေါ်သွားခဲ့တယ်၊

ဆီမီးဖိုင်နယ်မှာ နယ်သာလန်နဲ့ တွေ့ကြမယ်၊

စိတ်မကောင်းစရာက ဒုတိယအချိန်ပို ၁၅မိနစ် မှာသာ ဂန် သွင်းတဲ့ ပင်နယ်တီ ၀င်ခဲ့ရင် ဂါနာ ဆီမီးဖိုင်နယ်တက်ရမှာ၊ ဂန် လဲ အဲဒါကို တော်တော်စိတ်မကောင်းဖြစ်သွားတယ်ထင်တယ်၊ ငိုလိုက်တာ ထကိုမထဘူး၊ သူ့ကို ပြန်ချော့နေရတယ်၊ (အမှန်က ဂါနာပရိတ်သတ်တွေ ၀ိုင်းပြီး အပြစ်တင်ကြမှာ စိုးလို့ အရင်ဦးအောင် ငိုပြနေလားမသိ)၊
ကိုယ့်အမှားကြောင့် ဆိုတဲ့ အဖြစ်အပျက်က ဂန် ကို တော်တော်ထိခိုက်သွားမှာပါ၊ ယောက်ျားရင့်မကြီးတွေ မျက်ရည်လည်ရွှဲ ကျအောင်လုပ်နိုင်တာ ဘောလုံးကစားနည်းပါပဲ။

From: http://www.fifa.com/mm//Photo/Tournament/Competition/01/26/64/35/1266435_FULL-LND.jpg

Ref : http://www.guardian.co.uk/football/2010/jul/02/world-cup-2010-uruguay-ghana-live