ပေါ့ပါးလွတ်လပ်တဲ့ အောင်မြင်မှုကို ပိုင်ဆိုင်ထားတဲ့ The Used

(အင်ပါယာမဂ္ဂဇင်းမှာ Digit အမည်နဲ့ရေးဖြစ်တုန်းက စာမူအဟောင်းပါ၊ The Used ကိုကြိုက်လို့ အမှတ်တရ ပြန်တင်လိုက်ပါတယ်)
Emperor Magazine [March 2007 Vol:3/ No.9]



Screamo (scream-emo) ဂီတအရောင်သမ်းနေတဲ့ ရောခ့်သီချင်းတွေကို တစိုက်မတ်မတ် ဖန်တီးနေကြတဲ့ ဂီတအဖွဲ့ကတော့ အမေရိကန်နိုင်ငံ Utah  ပြည်နယ်၊ Otem မြို့ ဇာတိဖွား လူငယ်လေးတွေနဲ့ ဖွဲ့စည်းထားတဲ့ The Used ပါ။ ဘာအမျိုးအစားပဲဖြစ်ဖြစ် ရောခ့် ဆိုလာခဲ့ ဆိုတဲ့ လူငယ်လေးတွေကတော့ နားစွင့်လိုက်ကြ… နားစိုက်လိုက်ကြ…CD တွေဝယ်ယူစုဆောင်းလိုက်ကြတာပါပဲ။

The Used အဖွဲ့သားတွေရဲ့ သဘောထားက သူတို့ရဲ့ သီချင်းတွေလိုပဲ လူငယ်ဆန်ဆန် ရိုးသားလွန်းပါတယ်။  The Used အဖွဲ့မှာ အရေးပါခဲ့တဲ့ ဒရမ်သမားဟောင်း ဘရန်ဒန်က ''ကျွန်တော်တို့ရဲ့ သီချင်းတွေဟာ တကယ့်လူနေမှုဘ၀ အစစ်အမှန်တွေထဲ အရောက်သွားမယ်။  အဲဒီလို ဘ၀မျိုးတွေ ကျွန်တော်တို့ရဲ့ သီချင်းတွေမှာ မြင်တွေ့ရမယ်။ ဒါတွေကို ကျော်လွှားနိုင်ဖို့ တတ်စွမ်းသလောက် လုပ်ကြည့်ရအောင်၊ ဒါ The Used တွေရဲ့သဘောထားပါ'' လို့ဆိုပါတယ်။ ဟုတ်လောက်ပါတယ်။ ၂၀၀၄ ဒီဇင်ဘာ ဆူနာမီဒုက္ခသည်တွေအတွက် ရံပုံငွေ ဖျော်ဖြေပွဲတစ်ခုမှာ Queen အဖွဲ့ရဲ့ သီချင်း Under Pressure ကို My Chemical Romance အဖွဲ့နဲ့အတူ စိတ်ကြိုက်ပြန်လည်ဖန်တီးပြီး သီဆိုသွားခဲ့ကြတယ်။ ''Pushing Down On Me … Pressing Down On You .. no man ask for ... Under Pressure'' ဆိုတဲ့ စာသားတွေဟာ ပရိသတ်တွေ နှုတ်ဖျားမှာအားပါးတရ ခုန်ပေါက်နေကြတော့တယ်။

မိုက်ကယ်လ်ဂျက်ဆန်ရဲ့လိဒ်ဂစ်တာသမား အော်ရီယန်သီ

this photo from !

 ပေါ့ပ်စတားမိုက်ကယ်လ်ဂျက်ဆင်ရဲ့ "This is It" ဂီတပွဲ ၅၀ ကို လန်ဒန် The O2 arena မှာ ၂၀၀၉ ဇူလိုင်ကနေ ၂၀၁၀ မတ်လအထိ ပြုလုပ်ဖို့ စီစဉ်ထားဆဲ မှာ ပေါ့ပ်စတားက အဲဒီဂီတပွဲတွေ ကို မျက်ကွယ်ပြုလို့ အားလုံးနဲ့ အဝေးဆုံးကိုထွက်ခွာသွားခဲ့ပါပြီ၊ This is It ဂီတပွဲတွေကို  လိဒ်ဂစ်တာ အော်ရီယန်သီ ပါ့နာဂရစ်၊ ကီးဘုတ်ဒ် မိုက်ကယ်လ်ဘာ့ဒန် နဲ့ မောရစ်ပလဲရှာ၊ ရစ်သမ်ဂစ်တာ သောမတ်စ်အော်ဂန်၊ ဘေစ့်ဂစ်တာကိုတော့ အဲလ်ဖရက်ဒန်ဘာ၊ percussion ရော်ဂျာဘာရှီရီဂျွန်ဆန်၊ ဒရမ် ဂျွန်နသန်မောဖက် တို့ တီးခတ်ကြမယ်လို့ဆိုတယ်၊ နောက်ပိုင်းမှာတော့ This is It ဂီတပွဲ မှတ်တမ်းရုပ်ရှင်ကားကို ကမ္ဘာတစ်ဝှမ်းမှာပြသခဲ့တယ်၊ အဲဒီ အဖွဲ့သားတွေထဲက မှ လိဒ်ဂစ်တာသမား မိန်းကလေး အော်ရီယန်သီကို ဂီတပရိတ်သတ်တွေ ပိုပိုပြီးသတိထားမိခဲ့ကြတယ်၊

ရောခ့်ဂစ်တာသမား စတိဗ်ဗိုင်းပရိတ်သတ်တွေကတော့ အော်ရီယန်သီကို သိထားကြပြီးဖြစ်နေမှာပါ၊ အော်ရီယန်သီရဲ့ ပထမဆုံးစင်ပေါ်ကအတွေ့အကြုံကို ၁၅ နှစ်အရွယ်က စတိဗ်ဗိုင်းရဲ့ဂီတပွဲနဲ့စတင်ခဲ့တယ်၊ နောက်တော့ ကာလို့စ်စန်တာနားနဲ့တွဲလို့ ၁၈ နှစ်အရွယ်ကဖျော်ဖြေခဲ့ဘူးတယ်၊ အမေရိကန်ပေါပ့်အဆိုတော် ပရင်စ့်ရဲ့ ဂီတပွဲတွေမှာလဲ တီးခဲ့တယ်၊ ဘလူးစ်ရောခ့်ဂစ်တာသမား အဲရစ်ခ်ကလပ်ပ်တန် စီစဉ်ကျင်းပခဲ့တဲ့ crossroads ဂစ်တာပွဲတော်မှာ တီးခတ်ခဲ့တယ်၊ အဲဒီ ဂစ်တာပွဲတော်မှာ အော်ရီယန်သီရဲ့ ဂစ်တာလက်စွမ်းကို ဂစ်တာဝါသနာအိုးအမျိုးသားတွေ အင်မတန်အားကျ သဘောကျခဲ့ကြတယ်၊ ကျားသစ်ကွက်လက်ပြတ်ပြတ် အင်္ကျီမှာ ဂျင်းဘောင်းဘီပြာပြာ၊ ငွေရောင်နားကွင်းကြီးကြီး အော်ရီယန်သီရဲ့ပုံရိပ်၊ ဂီတလက်သံကို ဂစ်တာသမားတွေအကြိုက်တွေ့ခဲ့ကြတယ်၊ အဲဒီ့နောက် အော်ရီယန်သီကို ထူးခြားလှတဲ့ အမျိုးသမီး အီလက်ထရစ်ဂစ်တာသမား ၁၂ဦးထဲက တစ်ဦးအဖြစ် နယူးယောက်တိုင်းမ် သတင်းစာကရွေးချယ် ဖော်ပြခဲ့ပါတယ်၊ နောက် မိုက်ကယ်လ်ဂျက်ဆင်ရဲ့ လိဒ်ဂစ်တာသမား အဖြစ်ရွေးချယ်ခံရတယ်၊

အော်ရီယန်သီက “မိုက်ကယ်လ်- သူဘာကြောင့်ကျွန်မကို ရွေးချယ်ခဲ့လဲမသိဘူး၊ ဒါပေမဲ့ သူပြောပြတယ်၊ Youtube မှာတင်ထားတဲ့ ကျွန်မရဲ့ ဗီဒီယိုဖိုင်တွေကို သူရှာဖွေပြီးကြည့်တယ်၊ ကျွန်မတီးတာကြိုက်တယ် ဆိုပဲ၊ မိုက်ကယ်က သူ့အတွက် ဂစ်တာသမားတွေကို သူကိုယ်တိုင်ပဲရွေးတယ်၊ Beat It သီချင်း ဆိုလိုကိုကျွန်မ တီးပြလိုက်တယ်၊ ပြီးတော့ သူ ကျွန်မလက်မောင်းကို အားပါးတရ ဆုတ်ကိုင်ပြီး သိပ်ပျော်သွားတဲ့ပုံနဲ့ အဲဒီ စင်ဘေးတစ်လျှောက် ကျွန်မဘေးမှာ လျှောက်လိုက်နေခဲ့တယ်၊ ပြီးတော့ ငါ့အတွက် နောက်တစ်ခေါက်လောက် ထပ်တီးပြနိုင်မလားတဲ့၊ သူ့ ကြောင့် ကျွန်မကိုယ်ကျွန်မ ယုံကြည်မှုတွေ ပိုရှိလာတယ်၊ မိုက်ကယ်လ်နဲ့ အလုပ်လုပ်ဖြစ်တာ ကျွန်မဘ၀အပြောင်းအလဲ၊ အတွေ့အကြုံတစ်ခုပါပဲ”လို့ ဆိုတယ်၊အသက် ၂၄ အရွယ် အော်ရီယန်သီပါ့နာဂရစ် ဟာ သြစတြေးလျတောင်ပိုင်း အဒဲလဲဒ့်ဒဲမြို့တော်မှာ မွေးဖွားခဲ့တယ်၊ ဂရိ-သြစတြေးလျသူလေးပါ၊  အော်ရီယန်သီရဲ့ ပထမဆုံးစင်ဂဲလ် According to You ဟာ သြစတြေးလျမှာ နံပါတ် ၆အဆင့်နဲ့၊ ယူအက်စ်မှာတော့ နံပါတ် ၃၃ ရောက်ခဲ့တယ်၊ Believe အယ်လ်ဘမ် ကတော့ ၂၀၀၉ အောက်တိုဘာက ထွက်ရှိခဲ့တယ်၊ ၂၀၀၉ ဂရမ်မီဆုပေးပွဲမှာ အမေရိကန်ကန်းထရီးအဆိုရှင် ကာရီအန်ဒါဝုဒ်ရဲ့ လိဒ်ဂစ်တာသမားအဖြစ်တီးပေးခဲ့ပါတယ်၊ အော်ရီယန်သီရဲ့ဂစ်တာလက်စွမ်းကို ဘလောဂ့်တွေမှာ၊ သတင်းတွေမှာ ပလူပျံအောင်ချီးကျူးရေးသား ဖော်ပြလာကြတယ်၊ မိုက်ကယ်လ်ဂျက်ဆန်လဲ အဲဒီသတင်းတွေဖတ်ရင်း၊ ဗီဒီယိုဖိုင်တွေကြည့်ရင်း အော်ရီယန်သီလက်စွမ်းကို သဘောကျပြီး ဆက်သွယ်ခဲ့ပါတယ်၊ မိုက်ကယ်လ်ဂျက်ဆန်ရဲ့ အဖွဲ့သားတွေအဖြစ် အက်ဒီဗန်ဟဲလန်၊ စန်တားနား၊ စလဲ့ရှ်၊ စတိဗ်စတီဗင်စ်၊ ဂျနီဖာဘက်တန်း နဲ့ လယ်ရီကာလ်တန်တို့လို ဂစ်တာဂုရုကြီးတွေနဲ့ အတူတီးခတ်ဖို့ မိုက်ကယ်လ်က ဖိတ်ခေါ်ခဲ့တယ်၊ 

အော်ရီယန်သီရဲ့ ဂစ်တာတီးခတ်ဖြစ်ဖို့ စိတ်ဝင်စားခဲ့တာက အသက် ခြောက်နှစ်အရွယ်ကတည်းကပါ၊ သူမဖခင်ရဲ့ အသံသွင်းချိန်တွေမှာ အတူလိုက်သွားရင်း သူမရဲ့ ၀ါသနာစတင်လာခဲ့တယ်၊ အော်ရီယန်သီရဲ့ဖခင်က ဂျီမီဟန်းဒရစ်ဇ်၊ အဲရစ်ခ်ကလပ်ပ်တန်၊ ခရင်းမ်၊ စန်တာနားတို့နဲ့ အတူ တီးခတ်တဲ့ဂစ်တာသမားပါ၊ “သီချင်းတွေလဲ ရေးကြတဲ့ ဂီတသမားအစစ်တွေပေါ့” လို့ အော်ရီယန်သီက သူမရဲ့အဖေအကြောင်း ဂုဏ်ယူဝံ့ကြွားစွာ ပြောပြလေ့ရှိတယ်၊ သူမသိပ်ကြိုက်တဲ့ ဂစ်တာသမားတွေက ၀ှိုက်စနိတ်ခ်၊ ဗန်ဟဲလန်၊ ဒဲဖ့်လဲ့ပ်ပါ့ဒ်တို့ ပါ၊ ဂရိဂီတအဖွဲ့တစ်ခုမှာ အမြဲတီးခတ်နေတဲ့ဖခင်ကြောင့် အိမ်မှာ တူရိယာပစ္စည်းတွေအမျိုးစုံနဲ့ အော်ရီယန်သီက ရင်းနှီးနေခဲ့တယ်၊ ဖခင်ရဲ့ဗီဇ အပြည့်အ၀ပါလာတဲ့ အော်ရီယန်သီဟာဂစ်တာတီးခတ်ဖို့ အချိန်သိပ်မယူလိုက်ရဘူးလို့ဆိုတယ်၊ “ကျွန်မ အသက် ၁၁ နှစ်က အဒဲလဲဒ့်ဒဲမှာ ဖျော်ဖြေသွားခဲ့တဲ့ ကာလိုစ့်စန်တာနား ရဲ့ပွဲက ဂစ်တာကို ထိမ်းမနိုင်သိမ်းမရစွဲလမ်းသွားဖို့ အားပေးလိုက်သလိုပဲ၊ ကျွန်မအဖေကို အီလက်ထရစ်ဂစ်တာဟောင်းတစ်လုံးလောက် ၀ယ်ပေးဖို့ ပူဆာတော့တာပေါ့၊ ကျွန်မလဲ ကားလိုစ့်လိုဖြစ်နိုင်တာပဲ၊ ကျွန်မ ကားလိုစ့်ဗီဒီယိုတွေ အကုန်ဝယ်တော့တယ်၊ ပြီးတော့ ထပ်ခါထပ်ခါ၊ ပြန်ပြန်ပြီးဖွင့်၊ သူရဲ့ ဂစ်တာဆိုလိုတွေကို အထပ်ထပ်လေ့ကျင့်၊ နောက်တော့ ကားလိုစ့်ရဲ့ ဂစ်တာဆိုလိုတိုင်း ကျွန်မအကုန်တီးနိုင်သွားတယ်၊ ကားလိုစ့်လိုပဲပေါ့” လို့ အော်ရီယန်သီက သူမ ဂစ်တာတီးလေ့ကျင့်ပုံကို ပြန်ပြောပြခဲ့တယ်၊

နောက်ထပ် ၇ နှစ် ကြာပြီးတဲ့အခါ ကားလိုစ့်စန်တာနား  အဒဲလဲဒ့်ဒဲကို ထပ်လာရင်း အော်ရီယန်သီဂစ်တာ လက်သံကို အသံစမ်းဖြစ်ခဲ့ကြတယ်၊ နောက်တော့ဂစ်တာဂုရုကြီးက အော်ရီယန်သီကို သူ့ရဲ့ ဂီတပွဲမှာ တီးခတ်စေခဲ့တယ်၊ ဇာတိမြို့လေးက ပရိသတ်ရှေ့မှာ ကားလိုစ့်စန်တာနားနဲ့ အော်ရီယန်သီ ဂစ်တာလက်စွမ်းပြခွင့်ရခဲ့ပါတယ်၊ Gaffen record နဲ့ ၂၀၀၆ ခုနှစ်မှာ စာချုပ်ချုပ်ခဲ့တယ်၊ ၂၀၀၉ American Music Award မှာ တီးခတ်ဖျော်ဖြေခဲ့ပြီး ABC ရုပ်သံက လွှင့်တဲ့ ဒီဇင်ဘာ ၃၁ new year eve တီဗီအစီအစဉ်အတွက် According to You သီချင်းနဲ့ တီးခတ်သီဆိုခဲ့တယ်၊ အော်ရီယန်သီရဲ့ ပရိတ်သတ်တချို့က Suffocated နဲ့ Think Like A Man သီချင်းတွေက  Evanescence, Avril Lavigne, Paramore နဲ့ Taylor Swift တို့ရဲ့ သီချင်းမျိုးတွေကိုသွားသတိရစေတယ်လို့ မှတ်ချက်ပေးကြတယ်၊ တချို့ကလဲ အမေရိကန်ဆယ်ကျော်သက်ရောခ့်အမျိုးသမီးအဖွဲ့ The Runaways ရဲ့ ဂစ်တာသမား အဆိုတော် Joan Jett သီချင်းတွေရဲ့ အရသာမျိုးပဲလို့ ဆိုကြတယ်၊

Entertainment World ရဲ့ အော်ရီယန်သီနဲ့ အမေးအဖြေလေးက အော်ရီယန်သီရဲ့ ဂစ်တာပရိသတ်တွေအတွက်ပါ၊

EW - အော်ရီယန်သီရေ၊ သြစတြေးလျ၊ အဒဲလဲဒ့်ဒဲ မှာ နေခဲ့တဲ့အသက် ၁၁ အရွယ်က ခင်ဗျားရဲ့ ဂစ်တာဝါသနာအစပျိုးပုံကို ပြန်ပြောကြဦးစို့ ၊ ခင်ဗျားရဲ့ဖခင်က ရောခ့်ဂစ်တာဂုရုကြီးတွေဖြစ်တဲ့ ကလပ်တန်၊ ဟန်းဒရစ်ဇ်၊ စန်တာနား တို့လို ဖြစ်ဖို့ တွန်းအားပေးခဲ့တာလား၊ ခင်ဗျား ဘ၀ အပြောင်းအလဲလေး ၊

Orianthi - ၁၁ နှစ်အရွယ်ဆီလား၊ အဲဒီတုန်းက ကလစ်စစ်ဂီတကို လေ့လာနေဆဲပါ၊ အဖေ က ဂီတသမားပဲ ဆိုတော့၊ ကားလိုစ့်စန်တာနာရဲ့ concert က ပိုပြီးတွန်းအားပေးခဲ့တယ်၊ အဲဒီပွဲလဲ ပြီးရော အီလက်ထရစ်ဂစ်တာ ၀ယ်ပေးဖို့ အဖေ့ကို ပူဆာတော့တာပဲ၊ နောက် ကျွန်မ demo စီဒီကို ကားလိုစ့်ကိုနားထောင်ပေးဖို့ တောင်းဆိုခဲ့တယ်၊ နောက် ကားလိုစ့်က နားထောင်ပြီး အသံစမ်း၊ သူ့ concert မှာ တီးဖို့ ခွင့်ပြုလိုက်တာ၊ အဲဒီ ၃၅ မိနစ်စာအချိန်လေးက ကျွန်မ ဘ၀ရဲ့ ပြောင်းလဲမှု အစပဲ၊

EW - မိုက်ကယ်လ်ဂျက်ဆန်နဲ့ရော ဘယ်လို အချိတ်အဆက်မိသွားတာလဲ၊

Orianthi - MYSPACE မှာ၊ မိုက်ကယ်လ်က ကျွန်မ MYSPACE account ကနေ တစ်ဆင့် မေးလ်ပို့တယ်၊ ကျွန်မကိုမေးတယ် အသံစမ်းကြည့်ချင်တယ်၊ ဖြစ်မလားပေါ့၊ Beat It သီချင်းနဲ့ အသံစမ်းကြည့်ဖို့အတွက်၊

EW - မိုက်ကယ်လ်နဲ့ အလုပ်လုပ်နေရင်း သူဘာတွေသင်ပေးခဲ့လဲ၊

Orianthi  - မိုက်ကယ်လ်က ကျွန်မကိုယ့်ကိုယ်ကို ဘယ်လိုတွန်းအားပေးရမလဲဆိုတာ မြင်တတ်အောင်သင်ပေးတယ်၊ သူက Black or White သီချင်းကို ဘယ်လောက်ထိ အမြင့်ဆုံးတီးနိုင်မလဲ စိန်ခေါ်ခဲ့သေးတယ်၊ ကျွန်မကို စိတ်မလှုပ်ရှားဖို့နဲ့ တည်တည်ငြိမ်ငြိမ်တီးခတ်နိုင်ဖို့သင်ပေးတယ်၊ အဖွဲ့သားတွေနဲ့ ဟန်ချက်ညီညီတီးခတ်နိုင်ဖို့လဲ သင်ပေးတယ်၊ မိုက်ကယ်လ်နဲ့ ၃ လလောက် အစမ်းလေ့ကျင့်ခဲ့ရတယ်၊

EW - ဂစ်တာဟီးရိုးဘ၀မှာ ခင်ဗျားဘယ်လိုလဲ

Orianthi - ခပ်ဆိုးဆိုးဂစ်တာဟီးရိုးပါပဲ၊ သိပ်အကောင်းစားကြီးမဟုတ်သေးဘူး၊

EW - အိုကေ၊ ခင်ဗျား ဂီတာနုတ်စ်ဖတ်နိုင်လား၊ နားအကြားနဲ့ပဲ တီးတာလား၊

Orianthi - အခြေခံကစပြီးလေ့ကျင့်ထားပြီးပါပြီ၊ ကျွန်မ ဖတ်နိုင်ပါတယ်၊

EW - ဒီရက်ပိုင်းတွေခင်ဗျားစိတ်လှုပ်ရှားနေမှာပဲ၊ မိုက်ကယ်လ်ဂျက်ဆန်ရဲ့ ရုပ်ရှင်လဲ ပြနေပြီ၊ ခင်ဗျားရဲ့ ပထမဆုံးအယ်လ်ဘမ်းလဲ ဖြန့်နေပြီဆိုတော့၊ ပြီးတော့ စင်ဂဲလ်ခွေကလဲ ရေဒီယိုမှာအချိန်တိုင်းလွှင့်နေ၊ Accourding to You ဗီဒီယိုကလဲ အားလုံးအဆင်သင့်ဖြစ်နေပြီ၊ ဒါနဲ့ Believe က ဘာတွေကိုပေးချင်တာလဲ၊

Orianthi - ယုံကြည်ချက်၊ စွမ်းအားပြန်လည်ဖြည့်တင်းဖို့နဲ့ မျှော်လင့်ချက်တွေ ပေးချင်တာ၊

EW - ကျွန်တော်အကြိုက်ဆုံး သီချင်း ၂ ပုဒ်က ဘဲလေးသီချင်း God only knows နဲ့ Highly Strung သီချင်းတွေပဲ၊ အဲဒီသီချင်းတွေနားထောင်တိုင်း ဂျက်ဖ်ဘက်ခ်၊ အဲရစ်ခ်ကလပ်တန်နဲ့ ဂျင်မ်မီပေခ်ျ့ တို့ ကို သတိရမိလွန်းလို့၊  ခင်ဗျားအကြိုက်ဆုံး သီချင်းတွေကရော၊

Orianthi - Bad News, Highly Strung, Suffocated နဲ့ God only knows လဲ ကြိုက်ပါတယ်၊ God only knows က ကျွန်မကိုယ်ရေးကိုယ်တာနဲ့ ဆိုင်တဲ့သီချင်းပေါ့၊ အရမ်းရင်းနှီးတဲ့ သူငယ်ချင်းနဲ့ မိုက်ကယ်လ်ဂျက်ဆန်ဆုံးရှုံးလိုက်ရတယ်၊ အဲဒီသီချင်းက သူတို့အတွက်ပါ၊

EW - ခင်ဗျား သီချင်းတွေကို တစ်ယောက်ယောက်က remix လုပ်ချင်တယ်ဆိုရင်၊ Akon? Diddy? Timberland? ဘယ်သူနဲ့ဖြစ်မလဲ၊

Orianthi - Timberland ပေါ့၊ ဘာကြောင့်လဲဆိုရင် OneRepublic ရဲ့သီချင်း Apologize မှာ တင်မ်ဘားလန်းဒ် ကိုသိပ်ကြိုက်တယ်၊ ပြီးတော့ ဂျပ်စ်တင်တင်မ်ဘားလိတ်ခ်နဲ့ ဆိုလဲ၊

EW - ခင်ဗျား i-Pod မှာ ထဲမှာ

Orianthi -  မိုက်ကယ်လ်ဂျက်ဆင်ရဲ့ P.Y.T သီချင်း၊ King of Leon အဖွဲ့ သီချင်းတွေ၊ ဘောပ့်မာလေး၊ သီချင်းတွေရှိတယ်၊ Thriving Ivory အဖွဲ့ရဲ့ Runaway သီချင်းက ကျွန်မ ringtone ပဲ၊

EW - ခင်ဗျား ပရိတ်သတ်တွေကို သိစေချင်တာများရှိရင် -

Orianthi - ကျွန်မက တကယ်ပဲ အကောင်ပလောင်လေးတွေကို ချစ်တယ်၊ လောစ့်အင်ဂျယ်လိစ်မှာ ဟိုဟိုဒီဒီလမ်းလျှောက်ရတာလဲ သိပ်ကြိုက်တယ်၊ ကျွန်မအတွက် အဲဒီမြို့က ထူးဆန်းတယ်ရှင့်၊

ကျွန်မရဲ့ သူ၊ သူ့ ရဲ ပိစိကွေးအင်စတော်လေးရှင်းများ

artist တွေဟာ တော်တော်ထူးဆန်းတဲ့လူသားတွေဆိုတာကျွန်မအရင်ကတည်းက သိထားပေမယ့် အခုလို နီးနီးနားနားနေရပြန်တော့ ပိုပိုပြီးထူးဆန်းတာတွေ သိလာရပြန်ရော၊ ဒီနေ့ ညနေစာ စားပြီး ကော်ဖီလေးတစ်ခွက်နဲ့ ဟိုဟိုဒီဒီရှာဖွေ ဂိမ်းဆော့၊ facebook မှာမွေးထားတဲ့ ကြောင်လေးတွေ အစာကျွေး၊ သူတို့ကို လည်ပင်းလေး၊ ကျောလေးတွေပွတ်သပ်ပေး၊ ဒီလိုနဲ့ အမှတ်တွေတိုးလာ၊ သူတို့နဲ့ ကြွက်အရုပ်ပေးဆော့၊ ပြီးတော့ ဟိုး ငယ်ငယ်လေးကတည်းက ဆော့ခဲ့ဖူးတဲ့ battle city တင့်ကားဂိမ်းကို အင်တာနက်မှာရှာပြီးဆော့၊ ဟော ကြယ်ဖြူဖြူလေး ဒါဆို တင့်ကားက ကျည်ဆံ မြန်လာတယ် စားဖို့ အမြန်ပြေးနေတုန်း၊ ဗြုန်းကနဲ အခန်းထဲ သူ ၀င်လာပါရော၊ "ဟန်နီရေ ကြည့်ပါဦး"တဲ့ ဘာမပြောညာမပြော ကြည့်ပါဦးဆိုတော့ ကျွန်မလဲ ကြည့်ပေးရတာပေါ့၊ သူ့လက်ထဲမှာတော့ ထင်းရှုးသားဖြတ်စလေးတစ်ခုထဲ ကြေးနန်းကြိုး သွပ်ကြိုးတွေစိုက်ထည့်ထားတဲ့ ပိစိကွေးအရာတစ်ခု ကိုင်လို့ ဘာမှန်းလဲမသိ၊ ကျွန်မကလဲ ဖြီးတာပေါ့ အင်း ကြေးနန်းကြိုးရောင်၊ သွပ်ရောင်တွေနဲ့ဆိုတော့ သက်တန့် ခုံးခုံးလေးလိုပဲ လို့ ဘာရယ်မဟုတ် သူ့ကိုကျေနပ်အောင် ပြီးပြီးရော ပြောလိုက်တာ၊ ပြောလိုက်ခါမှ သူ့မျက်နှာက ပြုံးဖြီးဖြီးနဲ့ ၀င်းကနဲလက်သွားလိုက်တာများ သကြားလုံးရတဲ့ ကလေးလိုပဲ၊ ဒါ sunset တဲ့ အော် .. နေ၀င်တာပေါ့ ဘာပဲဖြစ်ဖြစ် သူ့ ပိစိကွေးအရာလေးအတွက် မှတ်ချက်တစ်ခုရတော့ သူကျေနပ်သွားတယ်၊ လှစ်ကနဲ ပြန်ထွက်သွားပြန်ရော၊ ကျွန်မလဲ ဂိမ်းဆက်ပြီး ဆော့မယ်လုပ်တော့ ကျွန်မ တင့်ကားလေးကို ရန်သူ တင့်ကားက ၀င်ပစ်သွားပြီ၊ စားစရာကြယ်ကလဲ အချိန်နဲနဲကြာတော့ ပြန်ပျောက်သွားပြီပေါ့၊

ငါ့ရဲ့လမ်း ... အားလုံးရဲ့လမ်း

(ကြာတော့ကြာပါပြီ၊ ရေးထားတာ၊ ၂၀၀၈ ခုနှစ်က အဟောင်းပြန်တင်လိုက်တာပါ)

မန်ချက်စတာယူနိုက်တက်အသင်းရဲ့ ဂုဏ်ပြုပွဲ အခမ်းအနားတစ်ခုမှာ ရော်ဘီဝီလျမ်(စ်)သီဆိုဂုဏ်ပြုထားတဲ့ သီချင်းတစ်ပုဒ်ကိုနားထောင်မိရင်း အဲဒီသီချင်းကို သဘောကျသွားပြန်တယ်။ မန်ချက်စတာပရိသတ်တွေ သံပြိုင်သီဆိုထားတဲ့ အသံတွေနဲ့ အင်အားပြည့်ဝလှတဲ့ သီချင်းတစ်ပုဒ်က `ငါ့ရဲ့လမ်း´  `My Way´ ဆိုတဲ့ သီချင်းဟောင်းတစ်ပုဒ်ပါ။

ဒီ My Way သီချင်းကို သီဆိုဂုဏ်ပြုခဲ့ကြသူတွေ အများကြီးပါပဲ။ ဈာပနအခမ်းအနားတွေမှာ အဓိက သီကျူးလေ့ရှိတယ်လို့ သိရပါတယ်။ ဗြိတိန်ဈာပနအခမ်းအနားတွေမှာ ထိပ်ဆုံးက တောင်းဆိုခြင်းခံရတဲ့သီချင်းဖြစ်တယ်။ My Way ကို မူရင်း သီဆိုခဲ့သူက ဖရန့်ခ်စီနားထရားပါ။

အဲဒီလိုအခမ်းအနားတွေမှာ ပရိသတ်တွေ ဒုတိယ တောင်းဆိုခံရတဲ့သီချင်းက ဘက်တီမစ်ဒ်လားရဲ့ Wind Beneath Will Go On ပါပဲ။ တီနာတားနားရဲ့ Simply the Best သီချင်းကတော့ နံပါတ် ၅ လိုက်တဲ့ သီချင်းတစ်ပုဒ်ပါ။ တခြားနာမည်ကြီး သီချင်းတွေလည်း တော်တော်များများရှိပါသေးတယ်။ သိသလောက် ပြောပြရရင် ဂျိမ်းစ်ဘလန့်ထ်ရဲ့ Goodbye My Lover ၊ ဂျနီဖာဝမ်းန်စ်ရဲ့ I've Had the Time of My Life ၊ ရီကွင်းမ်ရဲ့ Pie Jesus ၊ အယ်လ်တန်ဂျွန်ရဲ့ Candle In the Wind ၊ U2 ရဲ့ With or Without You ၊ အဲရစ်ခ်ကလက်ပ်တန်ရဲ့ Tears in Heaven ၊ Police ရဲ့ Every Breath You Take နဲ့ Righteous Brothers ရဲ့ Unchanged Melody သီချင်းတွေက လူကြိုက်များလှတဲ့ သီချင်းတွေဖြစ်တယ်။ တချို့လူငယ်တွေကတော့ သူတို့ရဲ့ တစ်နေ့ ကြုံဆုံလာမယ့် ဈာပနအခမ်းအနားတွေမှာ Green Day ရဲ့ Time of your life(Good Riddance) သီချင်း၊ Led Zeppelin ရှဲ့ Stairway to Heaven သီချင်းတွေကို သီဆိုစေဖို့ ဆန္ဒ ရှိတယ်လို့ သိရတယ်။

My Way သီချင်းရဲ့ရာဇ၀င်ကို စူးစမ်းကြည့်တဲ့အခါ မူရင်းအဆို ဖရန့်ခ်စီနားထရား ဆိုထားပါတယ်။ ပေါလ်အန်ကာ က ရေးပေးထားပြီး သံစဉ်က ကလော်ဒီဖရန်ကွိုက်စ် နဲ့ ဂျက်ရီဗော့က်ခ်တို့ ရေးထားတဲ့ ပြင်သစ်သီချင်း Comme d'habitude  ရဲ့သံစဉ်ကို ယူထားခဲ့တယ်။ အင်္ဂလိပ်သီချင်းစာသားတွေကတော့ မူလပြင်သစ်သီချင်းနဲ့ ဆက်စပ်မှုမရှိပါဘူး။ My Way သီချင်းစာသားတွေဟာ သေခြင်းတရားနဲ့ လတ်တလောရင်ဆိုင်ကြုံတွေ့နေရတဲ့ လူတစ်ဦးကပြောပြနေဟန် ရေးထားတာပါ။

တေးရေးဆရာ ပေါလ်အန်ကာက My Way သီချင်းရေးဖြစ်ပုံနဲ့ ပတ်သက်ပြီး ခုလိုပြောပြခဲ့ဖူးတယ်။

“၁၉၆၇ ခုနှစ်လောက်က ကျော်ကြားခဲ့တဲ့ပြင်သစ် ပေါ့ပ်သီချင်း တစ်ပုဒ် Comme d'habitude ကို ကျွန်တော် ပါရီကို အလည်အပတ်သွားရင်းနဲ့ နားထောင်ခဲ့ရတယ်။ နားထောင်မိကတည်းက မသိမသာ နားစွဲသလို ဖြစ်ခဲ့တယ်။ နောက် ၂နှစ်လောက်ကြာတဲ့အထိ မေ့ပျောက်မသွားဘဲ မှတ်မှတ်ထင်ထင် နားထဲစွဲနေတာနဲ့ပဲ အဲဒီသီချင်းကို စာသားတွေ ဖန်တီးဖြစ်ခဲ့တာဗျ။ မူရင်းပြင်သစ် သီချင်းမှာ အသံဖမ်းထားပုံက သန့်သန့်ခန့်ခန့် မရှိလှပါဘူး။ ဒါပေမဲ့ အဲဒီသီချင်းထဲမှာ တစ်ခုခုတော့ လှလှပပကလေး ပုန်းအောင်းနေတယ်လို့ ကျွန်တော့်စိတ်ထဲ ခံစားလိုက်ရတယ်။ ကျွန်တော် ဒါကို ဖမ်းဆုပ်ရယူကြည့်ချင်လာတယ်။ ဒါနဲ့ပဲတစ်ရက် မနက်ခင်း တစ်နာရီလောက် အချိန်မှာ ကျွန်တော်လက်နှိပ်စက် အအိုအဟောင်းရှေ့မှာ ထိုင်ရင်း တစ်ယောက်တည်းပဲ အဲဒီပြင်သစ်ပေါ့ပ်သီချင်းကို နားထဲပြန်ကြား ယောင်ခံစားကြည့်လိုက်တယ်။ ခံစားမှုနောက်ကိုလိုက်ပြီး လက်ကလည်း စာလုံးတွေ တတောက်တောက်နဲ့ လိုက် - ရိုက်နေမိတယ်။ စကားလုံးခပ်ဆန်းဆန်းလေးတွေရဖို့ လစဉ်ထုတ်မဂ္ဂဇင်းတွေလည်း ရှာလိုက်၊ ဖတ်ကြည့်လိုက်နဲ့။ အရင်ဆုံး ကျွန်တော့်ရင်ထဲက ထွက်ကျလာတဲ့စာလုံးက “အခုတော့ အဆုံးသတ်ဖို့ နီးလာနေပြီ” ဆိုတဲ့ စာသားတွေပါပဲ။ ပြီးတော့ ကျွန်တော် ဘယ်တော့မှ မသုံးဖူးတဲ့ စာလုံးတွေ... “ငါလေ ၀ါးမျိုစား သုံးလိုက်၊ အခြေအနေမဟန်ရင် ဒါကိုပဲ ပျစ်ခနဲ ထွေးထုတ် လိုက်နဲ့” တဲ့။ ဒီလိုအသုံးအနှုန်းမျိုးကို ဖရန့်ခ်ရဲ့ တွန်းအားကြောင့် ရေးတတ်ခဲ့တယ်လို့ပဲ ပြောရမယ်ဗျ။ အဲဒီမနက် ငါးနာရီလောက်မှာပဲ သီချင်းရဲ့ ending ကို လက်စသတ်နိုင်ခဲ့တယ်။ ပြီးတာနဲ့ နီဗားနားမြို့က Caesar's Palace ဟိုတယ်ကို ရောက်နေတဲ့ ဖရန့်ခ်ကို ဖုန်းခေါ်လိုက်တယ် (နည်းနည်းမှအချိန်မဆိုင်းနိုင်ဘူး)။ ဟော့ဒီလို ပြောချလိုက်တယ်။

ဖရန့်ခ်ရေ... မင်းအတွက် အထူးသီးသီးသန့်သန့် ပေးစရာတစ်ခု ငါ့မှာ ရှိနေပြီဟေ့ ...လို့။

ဒီသီချင်းကို ကျွန်တော့်အသံဖမ်းကုမ္ပဏီက ကျွန်တော့်အတွက်ပဲ ထိန်းသိမ်းထားစေလိုတယ်လို့ ပြောကြတယ်။ သဘောက တခြားသူမပေးလိုက်နဲ့၊ ကျွန်တော်ပဲ ဆိုလိုက်ပေါ့လေ...။ ကျွန်တော်က ဒီသီချင်းကို ရေးနိုင်ခဲ့ပေမဲ့ ကောင်းအောင်ဆိုနိုင်မယ့် လူစားမျိုးတော့မဟုတ်ဘူးလို့

ဝန်ခံပြောပြခဲ့ရပါသေးတယ်"...။

သီချင်းရေးဆရာ ပေါလ်အန်ကာရဲ့ ရိုးသားမှုတွေကို သူ့စကားတွေထဲမှာ အထင်းသားတွေ့မြင်ခဲ့ရတယ်။

သူဟာ ကောင်းအောင် ဆိုနိုင်မယ့်လူမဟုတ်ဘူးဆိုပြီး `ဆိုခွင့်´ကို ပစ်ပစ်ခါခါ ငြင်းဆန် ခဲ့တာပါ။

ဒါနဲ့ပဲ ဖရန့်ခ်စီနားထရားဆိုဖို့ဖြစ်လာခဲ့တယ်။ Mya Way အယ်လ်ဘမ်ဟာ ၁၉၆၉ ခုနှစ်မှာ ထွက်ရှိခဲ့တယ်။

ယူအက်စ်မှာ သိက္ခာရှိရှိကျော်ကြားခဲ့ပြီး ချစ်စရာ၊ လှပဆွေးမြည့်ဖွယ်ရာ ခံစားမှုလေးတွေ လိမ်ယှက်နေတဲ့သီချင်းကောင်းတစ်ပုဒ်ဖြစ်လာခဲ့တယ်။ မူရင်းသီဆိုသူ စီနားထရား သေဆုံးခဲ့တဲ့အခါ ပေါလ်အန်ကာက ကာဗာသီချင်းအဖြစ် ဖန်တီးခဲ့သေးတယ်။ စီနားထရားရဲ့ မူရင်းသီချင်းနဲ့ လုံးဝကွဲပြားတဲ့ ထရက်ခ်(track)ပါ။ အဲလ်ဗစ်စ်ပရက်စလေ ကလည်း ၁၉၇၀ နှစ်လယ်ပိုင်းက ဂီတပွဲတစ်ခုမှာ သီဆိုခဲ့ပြီး Elvis In Concert  စင်ဂဲလ်အယ်လ်ဘမ်ကို CBS-TV အတွက် ရိုက်ကူး ထုတ်လွှင့်ခဲ့တယ်။

Sex Pistols အဖွဲ့ရဲ့ ဘေ့စ်ဂစ်တာသမား ဆစ်ဒ်ဗီးဆီးယပ်စ် က အရင့်အရင်နဲ့ လုံးဝမတူအောင်

Punk -Rock သီချင်းပုံစံပြောင်းလဲ သီဆိုပြန်တော့လည်း အင်မတန် ကျော်ကြားခဲ့ပါသေးတယ်။ စာသားတွေလည်း အများကြီးပြောင်းထားတယ်။ ပြီးတော့ မြန်မြန်ဆန်ဆန် တီးခတ်ထားတာတွေ့ရတယ်။ ပြီးတော့ မိတ်ဆွေကြီးရေ...ဆိုတဲ့ သီချင်းစာသားတွေမှာ ဦးထုပ်တွေ အများကြီးဆောင်းသူ ပရက်ထ် ရေ...လို့ ဆိုထားတာဟာ ဗီးဆီးယပ်စ်က သူ့သူငယ်ချင်း ဂျွန်လိုင်ဒန် ကို တိုက်ရိုက်ရည်ညွှန်း သီဆိုထားတယ်လို့ Sex Pistols အဖွဲ့ကို မွှေနှောက်ကျွမ်းဝင်ထားကြသူတွေက အသေအချာဆိုကြတယ်။ တကယ်လည်း ဂျွန်လိုင်ဒန်က ဘယ်နေရာ ရောက်ရောက် ဦးထုပ် အမျိုးမျိုး ရှာဖွေဝယ်ယူစုဆောင်းတဲ့သူ ဖြစ်နေတော့တာကိုး။

ရက်ပ်ပါဂျေဇီကလည်း ၂၀၀၀ခုနှစ်ကထွက်ရှိခဲ့တဲ့ The Gift & the Curse အယ်လ်ဘမ်မှာ ကာဗာသီချင်းအဖြစ် သီဆိုခဲ့ပါ သေးတယ်။ ရစ်ချီရေးနဲ့ ဘော့ဘီကာ့ဇ်တို့ကလည်း ၁၉၆၉ ခုနှစ်က စပိန်ဘာသာနဲ့ A Mi Manera သီချင်းကို သီဆိုခဲ့ကြတယ်။ ရော်ဘီဝီလျံမ် အသံသရုပ်ဆောင် ပါဝင်ခဲ့တဲ့ Happy Feet ကာတွန်းကားရဲ့ အဓိကဇာတ်ကောင် ပင်ဂွင်းလေး ရာမွန်ဟာ အဲဒီ စပိန်သီချင်း

A Mi Manera ကို ဇာတ်ကားထဲမှာ အကောာင်းဆုံး သီဆိုသရုပ်ဆောင်ခဲ့တယ်။

Pirates of Silicon Valley ရုပ်ရှင်ဇာတ်ကားမှာ ဘီလ်ဂိတ် အဖြစ် သရုပ်ဆောင်ခဲ့တဲ့ အန်ထော်နီမိုက်ကယ်လ်ဟောလ် ကလည်း ဒီ My Way သီချင်းကို သီဆိုခဲ့သေးတယ်။ နောက် စာရေးဆရာမ ဂျေကေရိုးလင်းရဲ့ ဇာတ်ကောင် ပရော်ဖက်ဆာ ဒေါက်တာဒမ်ဘဲလ်ဒေါ ရဲ့ ဈာပနအခမ်းအနားမှာလည်း My Way သီချင်းနဲ့ တခမ်းတနား ခင်းကျင်းခဲ့တယ်။

တခြား သီဆိုခဲ့ကြတဲ့ နာမည်ကြီးအဆိုတော်တွေလည်း အများကြီးရှိနေပါသေးတယ်။

ပေါလ်အန်ကာရဲ့ ငါ့ရဲ့လမ်း သီချင်းစာသားတွေထဲက ပုန်းအောင်းနေတဲ့အရာ တစ်ခုခုကို (သီချင်းရေးသူနဲ့ထပ်တူ) ရှင်းရှင်းလင်းလင်း ခံစားစေလိုတဲ့ရည်ရွယ်ချက်နဲ့ပဲ စကားလုံးတွေ တစ်လုံးပြီးတစ်လုံး ဖလှယ်သွန်ချလိုက်မိတော့တယ်။

 - - - - - - -

ကဲ... အခုတော့ အဆုံးသတ်ဖို့ နီးကပ်လာခဲ့ပြီပေါ့...

အဲဒါကြောင့်ပဲ... နောက်ဆုံးကားလိပ်ကြီးကလည်း ...

ငါ့ရဲ့ဘ၀ကြီးကို အမှောင်ချပိတ်သိမ်းဖို့ ဟန်တပြင်ပြင်လုပ်နေတာ ...

ငါ မြင်တွေ့လိုက်ရတယ်...

မိတ်ဆွေကြီးရေ.... တကယ်ပဲ

သေချာလှတဲ့ ငါ့အဖြစ်၊ ငါ့အခြေအနေတွေကို အခု ရှင်းရှင်းလင်းလင်း ပြောပြလိုက်ပါတော့မယ်။

ငါ ရှင်သန်နေထိုင်ခဲ့ရာ ငါ့ရဲ့ဘ၀ဟာ...

ခရီးတွေ တစ်ခုစီ တစ်ခုစီ သွားလာလှုပ်ရှားမှုတွေနဲ့ ပြည့်နှက်လို့ပေါ့...

ခရီးတိုင်းကလည်း တာဝေး ခရီးတွေချည်းပါပဲလား...

အဲဒီထက် ပိုလာမယ့်အဖြစ်တွေ ရှိလာတဲ့အခါတိုင်း...

ငါ့ရဲ့ နည်းလမ်းအတိုင်း ရှင်းလင်းလုပ်ဆောင်ခဲ့တယ်.....။

နောင်တတွေကတော့... ငါ့မှာ နည်းနည်းပဲရှိခဲ့ပါတယ်၊

သေချာစေ့စေ့ပေါက်ပေါက်စဉ်းစားလေတိုင်းလဲ ချပြစရာ အင်မတန်ကိုနည်းတာပါပဲ၊

ငါက လုပ်ရမယ့်အလုပ်တွေပဲ လုပ်ခဲ့တာကိုး၊

ငါ့ကိုငါလည်း အလွတ်မပေးပဲ အမြဲသတိထားစောင့်ကြည့်ခဲ့သေးတာလေ.....။

လုပ်စရာတွေကို အပိုင်းလိုက် အပိုင်းလိုက် တစ်ခုစီ စီစဉ်ထားခဲ့တယ်၊

ခြေလှမ်းတလှမ်းစီကိုလည်း တလျှောက်လုံးဂရုပြုလှမ်းလျှောက်ခဲ့တယ်၊

အဲဒီထက် ပိုလာမယ့်အဖြစ်တွေ ရှိလာတဲ့အခါတိုင်း...

ငါ့ရဲ့ နည်းလမ်းအတိုင်း ရှင်းလင်းလုပ်ဆောင်ခဲ့တယ်.....။

ဟုတ်တယ်... အဲဒီအချိန်အခါ၊ အဖြစ်အပျက်တွေကို မင်းသိမယ် လို့ ငါ...သေချာပြောရဲပါတယ်၊

ငါလေ... ၀ါးမျိုနိုင်တဲ့အစားအစာတွေထက် ပိုပိုပြီး ကိုက်ဝါးမိခဲ့တဲ့ အခါ...

အဲဒီအရာတွေအားလုံးကို သံသယတွေ ဗရုန်းသုန်းကား ဖြစ်လာတဲ့ အခါ...

ငါကတော့ ၀ါးမျိုစားသုံးလိုက်.. အခြေအနေမဟန်ရင် ပျစ်ခနဲ ထွေးထုတ်လိုက်နဲ့ အဲဒီအရာတွေကိုပေါ့...

ထိပ်တိုက်ဝင်တိုးလိုက်... မတ်မတ်ရပ်ရင်း ကြံ့ကြံ့ခံ ရင်ဆိုင်လိုက်နဲ့...

ငါ့ရဲ့နည်းလမ်းအတိုင်းပဲ ရှင်းလင်းလုပ်ဆောင်ခဲ့တာပါပဲ.....။

ငါလေ...ချစ်ခြင်းမေတ္တာ.. သံယောဇဉ် တစ်ပြုံတစ်မကြီးနဲ့ ပျော်ဝင်နစ်မြုပ်ခဲ့ဖူးတယ်၊

ငါ ရယ်မောခဲ့တယ်...

ပြီးတော့ ငါ ငိုကြွေးခဲ့သေးတယ်...

ငါ့ဘ၀မှာ ခံစားချက်အားလုံး ပြည့်ပြည့်သိပ်သိပ် ခံစားခဲ့တယ်၊

ရှုံးနိမ့်မှုတွေနဲ့ ရင်ဆိုင်ရတဲ့အခါ ခုန်ဆင်းလာတတ်တဲ့ မျက်ရည်တွေကိုလည်း ရယူခံစားခဲ့တယ်၊

ကဲကွယ်... အခုတော့ မျက်ရည်တွေများ...

တလိမ့်ချင်း တလိမ့်ချင်း လျှောကျ ပျောက်ကွယ်သွားပြီးတဲ့အချိန်တိုင်း အချိန်တိုင်း...

ငါ့မှာ ပျော်ရွှင်မြူးထူးစရာလေး တစ်ခုခုတော့ ရှာဖွေတွေ့ရှိခဲ့မိတာချည်းပါပဲ...

အဲဒီအဖြစ်အပျက်တွေကို တွေးတော... စောင်းငဲ့ ကြည့်ကြည့်တဲ့အခါ...

ပြောပါရစေတော့... ငါရှက်ရွံ့သိမ်ငယ်မနေခဲ့ပါဘူးကွဲ့...

မဟုတ်ဘူး... ငါဟာ အဲဒီလို လူစားမျိုး မဟုတ်ခဲ့ဘူး...

ငါ့ရဲ့နည်းလမ်းအတိုင်း လုပ်ဆောင်ခဲ့သူတစ်ဦးပါပဲ.....။

‘သူ’---  ဆိုတာ ဘာလဲ...

‘သူ’ --- ဘာတွေ ရရှိခဲ့လဲ...

‘သူ’ ကိုယ်တိုင်ကလွဲလို့ ကျန်တာ အားလုံး ဗလာနတ္တိ ပဲ...

အစစ်အမှန်ခံစားချက်တွေ ဖွင့်ဟလာတဲ့ အဲဒီ ‘သူ’ ရဲ့ စကားလုံး တွေဟာ...

ဒူးထောက်၊ အရှုံးပေး ကျဆုံးနေတဲ့ လူသားတစ်ယောက်ဆီက တောင်စဉ်ရေမရ လွင့်ထွက်ကျလာတဲ့အရာတွေ မဟုတ်ဘူး ...။

ဘ၀မှတ်တမ်းက ပြသမှာပါ... ထိုးနှက်တိုက်ခိုက်မှုတွေကိုလည်း ရယူခဲ့တာပဲလေ...

ပြီးတော့... ငါ့ရဲ့နည်းလမ်းအတိုင်းပဲ...

ငါ လုပ်ဆောင်သွားခဲ့ပါပြီ...။

မြန်မာစာလုံး အလှဆုံး၊ ကြိုးစားရေးမယ် တစ်ပြုံးပြုံး

"သေချာရေးပါဟာ လက်ရေးကလဲ လှချင်ရက်သားနဲ့ ဘယ်လိုလုပ်ရေးမှန်းမသိဘူး၊ ခဏ ခဏဖတ်ဖူးနေတာတောင် ဘယ်လိုမှစာလုံးဖော်မရဘူး၊ စိတ်ညစ်ပါတယ်" ပြောပြောဆိုဆို အမ က ပွစိပွစိ ဆူပြောပြောရင်း စာရွက်ထပ်ကြီးစားပွဲပေါ်လာချပေးတယ်၊ စာရွက်တွေကို ကြည့်လိုက်တော့ မှင်နီတွေက တော်တော်များများ၊ ဒါကြောင့် စာရိုက်ပြီးပေးပါဆိုတော့လဲ မရိုက်ဘူး၊ တဲ့ ပြောပြန်ပီ၊ နားညီးလိုက်တာ အလွန်ပဲ၊ ကျွန်မကလဲ အမှတ်မရှိပါဘူး၊ သူ ဘယ်လိုပြောပြော ရေးချင်သလိုရေးပီးပေးလိုက်တာပဲ၊ ကျွန်မမှာ တနေကုန် ကွန်ပျူတာကြီး မျက်စိနှစ်လုံး အလယ်စိုက်နေအောင် ကြည့်ရ အိမ်ရောက်တော့လဲ တစ်ခါ ကြည့်ရနဲ့ဆိုတော့ မကြည့်ချင်တော့ဘူး၊ လက်ရေးနဲ့ရေးပြန်တော့လဲ ကျွန်မက စာရေးသိပ်ပျင်းတာ၊ မြန်မြန်ပြီးချင် မြန်မြန်ကြီးရေး၊ ဒီလိုနဲ့ ကျွန်မလက်ရေးတွေက ဖတ်ရ မလွယ်တာ တကယ့်ကိုပဲ၊ ကျွန်မ ဘာသာပြန်စာတွေ ရေးဖြစ်ပါတယ်၊ ဘောလုံးသမားတစ်ယောက်အကြောင်းလစဉ်၊ ဒါကိုတော့ ကြိုက်တယ်၊ ကျွန်မက ဘောလုံးပွဲ ကြည့်ရတာဝါသနာပါတာကိုး၊ ဘာသာပြန်တွေလောက်ပဲ ရေးဖြစ်ပြီး ကိုယ့်ဘာသာ ကိုယ်ပိုင်စာရယ်လို့ မရေးတတ်ဘူး၊ တစ်ခါ ကျွန်မတစ်ယောက်တည်း ရန်ကုန်အိမ်မှာ ၅ ရက်လောက်နေဖြစ်ခဲ့ရတော့မှ ကြောက်ရလန့်ရပုံကို စာရေးချင်စိတ် သူ့ဘာသာပေါ်လာပြီး ရေးဖြစ်တာ အဲဒါပထမ ဆုံးပဲ၊

ဘဲလ်ဂရိတ်မြို့သားတွေနဲ့ ခရမ်းရောင်

ဘဲလ်ဂရိတ်မြို့မှာ ဟိုနားဒီနားသွားရင်း ခဏခဏတွေ့ရတာ ခရမ်းရောင်ပါ၊ ကျွန်မကလဲ ခရမ်းရောင်ကြိုက်တတ်တော့ သတိထားမိနေတယ်၊ လမ်းဘေး ကြော်ငြာဘုတ်တွေကအစ စတိုးဆိုင်၊ ဘဏ် တွေနဲ့ အိမ်ခန်းတွေမှာပါ ခရမ်းရောင်ကိုတော်တော်သုံးကြတယ်၊ မြစ်ကမ်းပါးဘေး သွားလိုက်တော့လဲ အပင်လေးတွေ အသစ်စိုက်ထားတာ အမှတ်အသားလုပ်ထားတာကိုက ခရမ်းရောင်ဖဲကြိုးလေးတွေနဲ့၊ စူပါမားကတ် ဆိုင်ခန်းတွေမှာ အ၀င်ဝနားမှာ ခရမ်းရောင် အ၀တ်အစားတွေကို ပြထားကြတာ တွေ့ တွေ့နေရတော့ ဘဲလ်ဂရိတ်မြို့ ဟိုနားဒီနား ပြန့်ကျဲနေတဲ့ ခရမ်းရောင်တွေ ကို စုစုစည်းစည်းမြင်ချင်လာလို့ ဓါတ်ပုံရိုက်ယူထားလိုက်တယ်၊ ပြီးတော့ ဒီနေရာမှာ ...

အားလုံးပျော်ရွှင်ချမ်းမြေ့ကြပါစေ