Drop Down MenusCSS Drop Down MenuPure CSS Dropdown Menu

Tuesday, March 12, 2013

ကမ္ဘောဒီးယားဘုရင့်နိုင်ငံတော်

ဗုဒ္ဓဘာသာထွန်းကားသောနိုင်ငံ

Royal Arms
Flag
တည်နေရာ
အရှေ့တောင်အာရှအင်ဒိုချိုင်းနားကျွန်ဆွယ် တွင်တည်ရှိသည်။မြောက်ဘက်နှင့် အနောက်ဘက်တွင် ထိုင်းနိုင်ငံနှင့် မိုင်၅၀၀နီးပါး၊အရှေ့မြောက်ဘက်တွင် လာအိုနိုင်ငံနှင့်မိုင် ၃၀၀ကျော် အရှေ့နှင့် အရှေ့တောင် ဘက်တွင်  ဗီယက်နမ်နိုင်ငံနှင့် မိုင် ၇၀၀ကျော်နယ်မြေချင်းထိစပ်လျက် ရှိနေပြီး ထိုင်းပင်လယ်ကွေ့တလျှောက် ကမ်းရိုးတန်းချင်းမိုင် ၂၇၀ကျော်ထိစပ်သည်။

မြို့တော် - ဖနွမ်းပင်
(ဖနွမ်းပင်သည်ဘာဆက် ၊ မဲခေါင်နှင့် တုန်လီဆက် မြစ်သုံးစင်း ဆုံရာတွင်  တည်ရှိသည်။ တန်ချိန်၅၀၀၀မှ ၈၀၀၀ရှိ ကုန်သင်္ဘောများ ဆိုက်ကပ်ရပ်နားနိုင်သည့် တခုတည်းသော ဆိပ်ကမ်းဖြစ်သည်။) တုန်လီဆက်ရေအိုင်ကြီးမှ အနယ်အနှစ်ပို့ချမှုဖြင့်တည်ဆောက်ထားသော  လွင်ပြင်ကြီးသည် မိုင်တထောင်ပတ်လည်မှ မိုင်၉၅၀၀ ပတ်လည်ကျယ်ဝန်းသဖြင့် စိုစွတ်သော မိုးဥတုတွင် ဆန်စပါးစိုက်ပျိုးခြင်းဖြင့် နိုင်ငံကို များစွာအကျိုးသက်ရောက်စေသည်။

လူဦးရေ - ၁၄,၉၅၂ .၆၆၅( ၂၀၁၀ ခန့်မှန်း)
သုံးရာစု လေးရာစု နှင့် ငါးရာစုနှစ်များအတွင်းက အိန္ဒိယ အငွေ့အသက်လွှမ်းမိုးသော ဖူနန် နှင့် ချန်လာ နိုင်ငံများသည်ယနေ့တွေ့မြင်နေနိုင်သည့် ကမ္ဘောဒီးယားနှင့် အနောက်တောင်ဗီယက်နမ်တို့အဖြစ် ပေါင်းစည်းခဲ့ခြင်းဖြစ်သည်။၉ရာစု မှ၁၃ရာစုအတွင်း  ယင်းနိုင်ငံများသည် စည်ပင်တိုးတက်ခဲ့ပြီး ခမာနိုင်ငံတော်အဖြစ် ထွန်းတောက်လာသည်။

အန်ကောဝပ်မှာ အိန္ဒိယယဉ်ကျေးမှု မြစ်ဖျားခံရာ အဆောက်အဦအဖြစ် သိသာထင်ရှားပေသည်။အန်ကောဝပ်သည် ထိုင်းတို့၏ လုယက်ဖျက်ဆီးခြင်းကို ခံခဲ့ရပြီး စွန့်ပယ်ခြင်းကို ခံရပြန်သည်။ ထိုင်းနှင့် ဗီယက်နမ်ဘုရင်များ စစ်ပွဲ အတွင်း တလှည့်စီ လက်အောက်ခံ နိုင်ငံ ဖြစ်ခဲ့ရသည်။နောင်တွင်အစာရေစာရှားပါးသော အန်ကောဒေသကို စွန့်ခွာ၍ မြို့တော်လိုဗက်သို့ပြောင်းရွှေ့ခဲ့သည်။

ကမ္ဘောဒီးယားကို ယခင်က (ကမ်ပူးချား) ဟုခေါ်ဝေါ်ခဲ့ပြီး မဲခေါင်မြစ်ဝကျွန်းပေါ်ဒေသတွင်တည်ရှိသော ရှေးဟောင်းခမာနိုင်ငံတော်ကြီး၏အကြွင်းအကျန်နယ်မြေအစိတ်အပိုင်းတခုဖြစ်သည်။ လာအို ဗီယက်နမ်တို့နှင့်အတူရှေးအခေါ်  အင်ဒိုချိုင်နားကျွန်းဆွယ်တွင်တည်ရှိ၍  ၁၈၆၀ခုနှစ်မှ ၁၉၅၃ခုနှစ်အထိပြင်သစ်အစောင့်အရှောက်ခံနိုင်ငံ အဖြစ်တည်ရှိခဲ့သည်။ ဗီယက်နမ်အရေးအခင်းတွင် ဘက်မလိုက် ကြားနေခြင်းဖြင့်  ခပ်ကင်းကင်းနေခဲ့သော်လည်း ၁၉၇၀ခုနှစ်တွင် မိမိကိုယ်တိုင် စစ်ခင်း စစ်တလင်းဖြစ်ခဲ့ရသည်။ အမေရိကန်ထောက်ပံ့သော အစိုးရ ပြုတ်ကျသွားသောအခါ ကွန်မြူနစ် ခမာနီတို့က ၁၉၇၅ခုနှစ်တွင် ဖနွမ်းပင် မြို့တော်နှင့်တကွ တပြည်လုံးကို အကြွင်းမဲ့သိမ်းယူခဲ့ကြသည်။ ကမ္ဘောဒီးယားအကြောင်းပြောလျှင် နိုရိုဒွန်သီဟာနုကို ချန်ထား၍မရပေ။

သီဟာနုကို ၁၉၂၂ခု အောက်တိုဘာ၂၂ရက်တွင် မင်းသား နိုရိုဒွန်ဆူရာမရစ်နှင့် ကမ္ဘောဒီးယားဘုရင် ဆီဆိုဝသ်မိုနိုဗေါင်၏သမီးတော် ဆီဆိုဝသ်ကော့ဆာမက် တို့မှ ဖွားမြင်သည်။ကမ္ဘောဒီးယားသည် ထိုစဉ်က ပြင်သစ်တို့လက်အောက်ရောက်နေသဖြင့် ဘုရင်နတ်ရွာစံချိန်တွင် ပြင်သစ်တို့ကသားတော်များကို ကျော်ကာ  မိမိတို့ အလိုကျ ချယ်လှယ်နိုင်မည့် ၁၈နှစ်သား မြေးတော်သီဟာနုကို ထီးနန်းလွှဲအပ်ခဲ့သည်။သို့သော် ပြင်သစ်တို့ ထင်သလိုမဟုတ်ခဲ့။သီဟာနုသည် ပြင်သစ်တို့ထံမှ လွတ်လပ်ရေးရအောင် နည်းပေါင်းစုံဖြင့် ကြိုးပမ်းခဲ့သည်။၁၉၅၃ခုနှစ်တွင်မှ လုံးဝလွတ်လပ်ရေးရရှိခဲ့သည်။

နိမ့်တုံ မြင့်တုံ ဖြင့် ဘ၀ကို စုန်ချီ ဆန်ချီ ကူးချီ သန်းချီ လူးလွန်ခဲ့ရသူမှာ သီဟာနုဖြစ်သည်။ထီးနန်းနှစ်ကြိမ်စွန့်လွှတ်ခဲ့ရာတွင် တကြိမ်မှာ မိမိဘခင်အတွက် ဖြစ်ပြီး ကျန်အချိန်မှာ မင်းသားကြီး ဘ၀ဖြင့် နိုင်ငံရေးလောကမှာကျင်လည်ခဲ့သည်။  သီဟာနု၏သားတော်ငါးပါး အပါအ၀င်လူနှစ်သန်းကျော်မှာ  ရက်စက်ကြမ်းကြုတ်သော ခမာနီတို့ကြောင့် အသတ်ခံခဲ့ကြရသည်။ သီဟာနုအား တိုင်းပြည်က ရိုသေလေးစား ချစ်မြတ်နိုးကြသလို ပြည်ပနိုင်ငံများကလည်း ချစ်ခင်ကြသည်။

၁၉၇၈ခုတွင် ဗီယက်နမ်က သိမ်းပိုက်ခဲ့သည်။ ၁၉၈၉ခုတွင် ဗီယက်နမ်များတပ်ပြန်လည်ရုတ်သိမ်းခဲ့သည်။ ၁၉၅၃ခုနှစ်တွင် ပြင်သစ်တို့လက်မှ လွတ်မြောက်ခဲ့သည်။ဘုရင်ကို ပြန်လည်နန်းတင်သည်။ ကုလသမဂ္ဂအဖွဲ့ဝင်ဖြစ်လာသည်။ စည်းမျဉ်းခံဘုရင်စံနစ် ကျင့်သုံးခြင်းဖြင့် ပါလီမန်ဒီမိုကရေစ်ီစံနစ် ထူထောင်သည်။ ကုလသမဂ္ဂ လုံခြုံရေး ကောင်စီ သဘောတူညီမှုအရ ငြိမ်းချမ်းရေးတပ် ၁၆၀၀၀ ပေးပို့၍ ရွေးကောက်ပွဲ ပြုလုပ်ခဲ့သည်။ခမာနီတို့က ရွေးကောက်ပွဲကို သပိတ်မှောက်ခဲ့သော်လည်း ၉၀ရာခိုင်နှုံး အောင်မြင်ခဲ့သည်။     ခမာနီခေါင်းဆောင် ပိုလ်ပေါ့ အကျဉ်းထောင်တွင် ကွယ်လွန်ခဲ့ပြီးနောက် ခမာနီတို့ ဇတ်သိမ်းခဲ့သည်။

အစိုးရ အဖွဲ့အစည်း
ဘုရင်အမှူးပြုသော ပါလီမာန်အုပ်ချုပ်ရေးစံနစ်ထားရှိသည်။ အထက်လွှတ်တော် အေက်လွှတ်တော်၂ရပ်ဖြင့်ဖွဲ့စည်းတည်ထောင်ထားသည်။

ဘုရင် - နိုရိုဒွန်သီဟမုနိ
ဝန်ကြီးချုပ် -  ဟွန်ဆန် (အရှေ့တောင်အာရှတွင်၂၅နှစ်ကျော် ရှည်ကြာစွာ ကမ္ဘောဒီးယားနိုင်ငံအား အုပ်ချုပ်လာသူ) 
ရုံးသုံးဘာသာစကား - ခမာ
နယ်မြေအကျယ်အ၀န်း - ၆၉, ၈၉၈စတုရန်းမိုင်

အပူပိုင်းမုတ်သုန်ရာသီဥတုရှိသည်။
တမျိုးသားလုံးထုတ်ကုန်တန်ဘိုး စုစုပေါင်း (GDP)မှာ အမေရိကန်ဒေါ်လာ ၃၆.၀၁၀ဘီလျှံဖြစ်၍ တဦးချင်းဝင်ငွေမှာ အမေရိကန်ဒေါ်လာ၂,၃၆၁  ရှိသည်။ နိုရိုဒွန်သီဟာနုသည် ပြင်သစ်တို့လက်အောက်မှ လွတ်မြောက်ရန်ဦးဆောင်လှုပ်ရှားခဲ့ပြီး ဘခင်အားဦးစားပေးလိုသဖြင့် ဘုရင်အဖြစ်ကိုလည်း စွန့်လွှတ်ခဲ့သူဖြစ်သည်။ ၄င်းကမူ ရွေးကောက်ပွဲခံ ၀န်ကြီးချုပ်ဖြစ်လာသည်။ ၁၉၆၀ ခုနှစ် ဘခင်ကွယ်လွန်သောအခါ မင်းသားကြီးဘွဲ့ခံယူပြီး နိုင်ငံတော်အကြီးအကဲ ဖြစ်လာသည်။ သို့သော် ၄င်းပြည်ပခရီးထွက်နေစဉ် ဗိုလ်ချုပ်ကြီး လုံနိုးလ် နှင့်  ညီအကိုဝမ်းကွဲ တော်စပ်သူ မင်းသား ဆီသိုဝပ်သ် ဆီရစ်မာတက် တို့ ဦးဆောင်သော စစ်အာဏာသိမ်းမှု ဖြစ်ပွားခဲ့သည်။ ပြည်ပမှာပင်(တရုတ်နိုင်ငံ) ခိုလှုံခဲ့ရသည်။ အမေရိကန်ကျောထောက်နောက်ခံဖြငိ့ လုံနိုးလ်အစိုးရက်ု ဖြုတ်ချရန် ကွန်မြူနစ်သူပုန်တို့ထံမှ (ခမာနီ)အကူအညီရယူခဲ့သည်။

ခမာနီများအင်အားကောင်းလာပြီး ၁၉၇၅ခုနှစ်တွင် ပိုလ်ပေါ့အာဏာရလာသည်။ ပိုလ်ပေါ့သည် ရက်စက်ကြမ်းကြုတ်စွာ ဖိနှိပ် အုပ်ချုပ်ခဲ့သဖြင့် အဆိုးဖက်တွင် နာမည်ကျော်သည်။ ထို့နောက် ကုလသမဂ္ဂ လုံခြုံရေး ကောင်စီ သဘောတူညီမှုအရ ငြိမ်းချမ်းရေးတပ် ၁၆၀၀၀ ပေးပို့၍ ရွေးကောက်ပွဲ ပြုလုပ်ခဲ့သည်။ခမာနီတို့က ရွေးကောက်ပွဲကို သပိတ်မှောက်ခဲ့သော်လည်း ၉၀ရာခိုင်နှုံး အောင်မြင်ခဲ့သည်။     ခမာနီခေါင်းဆောင် ပိုလ်ပေါ့ အကျဉ်းထောင်တွင် ကွယ်လွန်ခဲ့ပြီးနောက် ခမာနီတို့ ဇာတ်သိမ်းခဲ့သည်။
လက်ရှိဝန်ကြီးချုပ် ဟွန်ဆန်
ကမ္ဘောဒီးယာတွင် ထေရ၀ါဒ သာသနာ ပြန့်ပွားသည်။ ကွန်မြူနစ် ပိုလ်ပေါ့အုပ်ချုပ်မှုအောက်တွင် ရဟန်းတော်၇၀၀၀၀ လူဝတ်လဲစေခြင်း အချို့ သတ်ဖြတ်ပြစ်ခြင်းကျောင်းကန်  ဘုရားစေတီများ ဖြိုချဖျက်ဆီးခြင်း ရှိခဲ့သည်။ ၁၉၇၉ခုနှစ်နောက်ပိုင်းတွင်မှ လွတ်လပ်စွာ ကိုးကွယ်ခွင့်ရသည်။ ပိုလ်ပေါ့တို့၏ ရက်စက်ကြမ်းကြုပ်ခြင်းကို The Killing Fields ရုပ်ရှင်ကားဖြင့် ဟောလီဝုဒ်က မှတ်တမ်းတင်ခဲ့သည်။ ၁၅၁၁ခုနှစ်တွင် ပေါ်တူ၈ီနှင့် စပိန်ခရီးသွားများ ကမ်ပူချားသို့ စတင်ဝင်ရောက်ခဲ့သည်။ CPPပါတီမှ ဟွန်ဆန်နှင့်မင်းသားနိုရိုဒွန်ရာနာရစ်တို့သည် ကြားဖြတ်အစိုးရ၏  ပူးတွဲ ၀န်ကြီးချုပ်အဖြစ် အာဏာခွဲဝေအုပ်ချုပ်ရာမှ ဟွန်ဆန်နှင့် သူ၏တပ်ဖွဲ့များကအကြမ်းဖက်  အာဏာသိမ်းယူလိုက်သည်။ပြိုင်ဘက်  နိုရိုဒွန်ရာနာရစ်၏ တပ်ဖွဲ့များက ရှုံးနိမ့်ခဲ့ရသည်။မင်းသားရာနာရစ်သည် ပြင်သစ်သို့ ထွက်ပြေးတိမ်းရှောင်ခဲ့ရပြီး အချို့သည် သတ်ဖြတ်ခံကြရသည်.အချို့သည် ညှင်းဆဲ နှိပ်စက်ခံကြရသည်။
အန်ကောဝပ်ကျောင်းတော်နှင့် ထေရ၀ါဒ ရဟန်းတော်များ
နိုင်ငံတော်ဘာသာအဖြစ် ထေရ၀ါဒဗုဒ္ဓဘာသာကို သတ်မှတ်သည်။ တိုင်းပြည်၏ ၉၅ရာခိုင်နှုံးသည်ေုဒ္ဓဘာသာဝင်များဖြစ်သည်။အန်ကောဝပ်ကျောင်းတော်သည်  ဟိန္ဒူဘာသာဝင်တို့၏ အထွတ်အမြတ်ထားရှိရာ ကျောင်းတော်မဟာဖြစ်သည်။ အန်ကောဝပ်ကျောင်းတော်ကို ကြည့်ခြင်းဖြင့် အန်ကောရီးယဲန်ခေတ် ခမာပိသုကာအတတ်ပညာ မည်မျှဖွံ့ဖြိုးတိုးတက်သည်ကိုသိရှိနိုင်သည်။
၁၉ရာစုနှစ် ရေကြောင်းခရီး 
ဘွန်းအွမ်တပ်ခ် ခေါ် ကမ္ဘောဒီးယား လှေပြိုင်ပွဲသည် အထူးနာမည်ကျော်သည်။ရိုးရာပွဲသဘင်လည်းဖြစ်သည်။ မိုးရာသီအကုန် မဲခေါင်မြစ်ရေ အဆုတ် တုန်လီဆတ်ရေအိုင်ပြောင်းပြန်စီးဆင်းစဉ်တွင် လကို ကျေးဇူးစကားဆို ရင်းလကြည့်ရင်း မီးရှူးမီးပန်းလွှတ်တင်ရင်း လှေပွဲသဘင် ဆင်ယင်ကျင်းပကြသည်။


ခမာအစားအစာများ
၁၂ရာစုအလွန်တွင် တိုဒေသသည်ခမာယဉ်ကျေးမှုတခုအဖြစ်ပြောင်းလဲ ဖြစ်တည်ခဲ့သည။် ဧကရာဇ် ဖန်ရှီမန်း နှင့် ဂျာယာဗာမင်မျိုးဆက်က  ခမာအင်ပါယာကို ထူထောင်ခဲ့ပြီး အရှေ့အာရှတွင် အင်အားအကြီးဆုံးနိုင်ငံတော်ကြီးအဖြစ် တည်ရှိခဲ့သည်။(ပထမ ဂျာယာဗာမင်က မိမိကိုယ်ကို မိမိ ဒေ၀ရာဇာဘွဲ့ခံကာခမာ အင်ပါယာကို၁၃ရာစုတွင်  ထူထောင်ခဲ့သည်။)

၁၃ရာစုနှစ်လောက်တွင် သီရိလင်္ကာမှ ထေရ ၀ါဒ ရဟန်းတော်များ အရှေ့တောင်အာရှသို့ ရောက်လာ၍  ဗုဒ္ဓဘာသာကို မျိုးစေ့ချ ပျိုးထောင်ခဲ့သည်။ ဟိန္ဒူအယူဝါဒနှင့် မဟာယနဂိုဏ်းဝင်တို့ရောနှောဆက်စပ်လျက် အန်ကောဝပ် ကျောင်းတော်ကြီးကို တည်ဆောက်ခဲ့ကြသည်ဟု ပညာရှင်တို့က ခံယူထားသည်။၁၅ရာစုနှစ်တွင် အန်ကောဝပ်သည် အယုဒ္ဓယလက်အောက်သို့ ကျရောက်ခဲ့ရသည်။၁၉ရာစု နှစ်လည်အထိ ထိုင်းနှင့် ဗီယက်နမ်တို့အကြား ညှ့ပ်နေခဲ့ရပြီး၁၉၅၃ခုနှစ်မှစ၍ ပြင်သစ်တို့ထံမှ လုံးဝ လွတ်လပ်ခွင့်ရသည်။
အန်ကောဝပ်၏ ထူးခြားသောလက်ရာကိုကြည့်ခြင်းအားဖြင့် ထိုခေတ်ခမာယဉ်ကျေးမှု မည်မျှ ထွန်းကားခဲ့သည်ကို မှန်းဆသိရှိနိုင်သည်။ နောက်ပိုင်း တွင် နဂိုရှိရင်းစွဲ ဟိန္ဒူနှင့် မဟာယနု တို့မှေးမှိန်လာကာ ထေရ၀ါဒဗုဒ္ဓဘာသာက အင်အားကြီးစွာ လွှမ်းမိုးသွားခဲ့သည်။

ကမ္ဘောဒီးယားသည် ၁၉၅၅ခုနှစ်တွင် ကုလသမဂ္ဂအဖွဲ့ဝင်နိုင်ငံဖြစ်ခဲ့ပြီး အရှေ့တောင်အာရှနိုင်ငံများအသင်း (ASEAN)၏ ဒဿမမြောက် အဖွဲ့ဝင်နိုင်ငံဖြစ်သည်။
ကမ္ဘောဒီးယားနိုင်ငံ  ပရာဆတ်ဘေယွန်ရှိ ဗောဓိသတ္တ အ၀လောကီတေသရ ဘုရား မျက်နှာများ
နံပါတ် ၄ အဝေးပြေးလမ်းမကြီး 

ခမာ ကချေသည်လေးများ
ခေတ်ပေါ်ဂီတအဖွဲ့
စဥ့်မြေအိုး
လမ်းပမ်းဆက်သွယ်ရေး လေဆိပ် 
ဆီယင်ရိ(ပ်) နိုင်ငံတကာလေဆိပ်
မြန်မာနိုင်ငံ၊ ထိုင်းနိုင်ငံ၊ ကမ္ဘောဒီးယားနိုင်ငံ တို့တွင် ဗုဒ္ဓသာသနာထွန်းကားလျက်ရှိခဲ့ပြီး အာရှနိုင်ငံ အချို့တို့တွင် မဟာယန ဂိုဏ်ကွဲဝါဒများ လွှမ်းမိုးခြင်း ဟိန္ဒူဘာသာရောနှောပါဝင်လာခြင်းများ နတ်ကိုးကွယ်ခြင်းဓလေ့များ ထွန်းကားလာသည်။ ယခုအခါတွင်ထေရ၀ါဒဗုဒ္ဓဘာသာက လွှမ်းမိုးထားသည်။
ထိုင်းနှင့်ဗီယက်နမ်တို့၏ တလှည့်စီ သိမ်းပိုက်အုပ်ချုပ်မှုကို ခံယူနေရသော ကမ္ဘောဒီးယားသည် ၁၈၄၅ခုနှစ် ထိုင်းဗီယက်နမ်စစ်ပွဲအပြီး ပြင်သစ်တို့နှင် ထိုင်းဘုရင် တို့  စာချုပ်ချုပ်ဆို သဘောတူညီမှု နားလည်မှု ရယူ လက်မှတ်ရေးထိုးအပြီးတွင် အဆုံးသတ်ခဲ့သည်။ သို့သော် ၁၉၅၃ခုနှစ်နိုဝင်ဘာလ ၉ရက်နေ့ရောက်မှသာလျှင်   ပြင်သစ်တို့ထံမှ  လွတ်လပ်ရေးကို အပြီးအပိုင် ရရှိခဲ့သည်။
ရုရှားသမ္မတ ဒီမီထရီ မက် ဗွီဒက်ဗ် နှင့်
(အဝေးကြီးပဲ :D)
ရုရှားသမ္မတ ဒီမီထရီ မက် ဗွီဒက်ဗ် နှင့်
ရုရှား၊ သြစတြေးလျ၊ အမေရိကန်တို့ထံမှ နည်းပညာများရရှိသည်။ အာရှဖွံ့ဖြိုးရေးဘဏ်(ADB)မှ နည်းပညာအထောက်အကူအတွက် ချေးငွေ ဒေါ်လာသန်း၈၅၀ ပေးအပ်ခဲ့သည်။

ကမ္ဘောဒီးယားက ဝက်ဝံလေး နဲ့ ကြိုးကြာငှက်လေး

ကွန်မြူနစ် ခမာနီအလံ 
၁၉၇၀ခုနှစ်
၁၉၇၅ခုနှစ် များနှင့် ၁၉၈၀ခုနှစ်မျးတွင် ရက်စက်ကြမ်းကြုတ်မှုများနှင့် ခေတ်ပျက်ကြုံခဲ့ရသော ကမ္ဘောဒီးယားသည် ယခုအခါ တည်ငြိမ်အေးဆေးနေပြီဖြစ်သည်။
သီဟာနု
ဘုရင် နိုရိုဒွန်သီဟာနု ကွယ်လွန်အနိစ္စရောက်ချိန်တွင် တတိုင်းတပြည်လုံးက ပြည်သူပြည်သားများ ၀မ်းနည်းပူဆွေးကာ ဂါရ၀ပြု ငိုယို ကန်တော့ခဲ့ကြသည်။ 

နောက်ဆုံးသတင်းမှာဆိုရင်တော့
ပြည်ပရောက် ကမ္ဘောဒီးယားအမျိုးသားလွတ်မြောက်ရေးပါတီ ခေါင်းဆောင် Mr Sam Rainsy သည် မတ်လ၉ရက် စနေနေ့က ရန်ကုန်တွင် မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်နှင့် ဒီမိုကရေစီအရေး လာရောက်ဆွေးနွေးသွားသည်။ NLDညီလာခံကိုလည်းတက်ရောက်လေ့လာခဲ့သည်ဟု AFP သတင်းအရ သိရှိရသည်။ Mr Sam Rainsy သည် လက်ရှိဝန်ကြီးချုပ် ဟွန်ဆန်၏ဲ အဓိက ပြိုင်ဘက် အတိုက်အခံ ခေါင်းဆောင်ဖြစ်ပြီး ရာဇ၀တ်ပြစ်မှုဖြင့် စွဲချက်တင်ထားသဖြင့် ပြင်သစ်တွင် တိမ်းရှောင်နေရသည်။ နိုင်ငံရေးလုပ်ကြံမှုသာဖြစ်ကြောင်း လေ့လာဆန်းစစ်သူတို့က ဆိုသည်။ကမ္ဘောဒီးယားသည် တည်ငြိမ်ဟန်ရှိသော်လည်းဒီမိုကရေစီအခွင့်အရေးများပြည်ဝစွာ မရရှိသေးပေ။ဟွန်ဆန်၏ အုပ်ချုပ်မှုအောက်မှ ရုန်းမထွက်နိုင်သေး။

Florist
Ref : Wiki

Saturday, March 09, 2013

ဂျိမ်းစ်ဘွန်းစတိုင်လ် အိမ်ကြီးရယ်၊ ပရီးမီးယားလိဂ်ရယ်

အင်္ဂလိပ်ဘောလုံးစတား ဒေးဗစ်ဘက်ခမ်းဟာ လက်ရှိ ပြင်သစ်နိုင်ငံက UEFA  League 1 ကလပ် ပဲရစ် စိန့်-ဂျာမိန်း(PSG) နည်းပြအဖြစ်တာဝန်ယူဖို့ ပြီးခဲ့တဲ့ ဇန်နဝါရီ ၃၁ ရက်နေ့က ၅လတာ စာချုပ်ချုပ်လိုက်ပါပြီ။ ပြင်သစ်မှာရရှိမယ့်လစာမှန်သမျှကို ဒေသခံကလေးငယ်တွေကို လှူဒါန်းမယ်လို့လည်း ကြေညာခဲ့တယ်။ ပဲရစ်မြို့မှာ ကာလတိုဘောလုံးနည်းပြလုပ်မယ်။ လန်ဒန်မှာပဲ မိသားစု ကလေးတွေအားလုံးအခြေချနေထိုင်မယ်လို့ ဆုံးဖြတ်ကြပါတယ်။ အဲဒီအတွက် ဗစ်တိုးရီးယားဟာ လန်ဒန်အနောက်တောင်ပိုင်းမှာ တစ်လကြာ အိမ် လှည့်လည်ရှာဖွေခဲ့သေးတာပေါ့။ အချိန်များများပေး ရှာဖွေလိုက်တဲ့အခါ ရွေးချယ်စရာအိမ်တစ်အိမ်ကို တွေ့ခဲ့ပါတယ်တဲ့။ နောက်ကျခဲ့တဲ့ နှစ်သစ်ကူးလက်ဆောင်လို့တောင် ပြောနေကြပါတယ်။ ဘက်ခမ်းမိသားစုတွေ့ခဲ့တဲ့ နှစ်သစ်ကူးလက်ဆောင်ဟာ ပေါင် သန်း ၂၀ ကျော် တန်ကြေးရှိပြီး လန်ဒန်နာမည်ကြီး ဖက်ရှင် “Ghost” ရဲ့ သူဌေး ပိုင်ဆိုင်တဲ့အိမ်ပါ။ ကလေးတွေအတွက် ကျောင်းကောင်းကောင်းနဲ့နီးတဲ့နေရာဖြစ်တာကြောင့် အဲဒီလန်ဒန်တောင်ပိုင်း London City က ဖက်ရှင်ကျကျလှပတဲ့အိမ်ကို ရွေးချယ်ခဲ့ကြတယ် တဲ့။ ဘရွတ်ကလင်း ၁၃ နှစ်၊ ရိုမီယို ၁၀ နှစ်နဲ့ ခရုဇ် ၇ နှစ်တို့အားလုံး လန်ဒန်ကကျောင်းမှာ စာရင်းသွင်းပြီးကြပါပြီ။ အငယ်ဆုံးသမီးလေး ဟာပါဆဲဗင်း (၁ နှစ် ခြောက်လ)ကို အမေရိကမှာမွေးခဲ့တော့  ဟာပါအတွက် ယူကေဟာ သူမအတွက် ပထမဆုံးအတွေ့အကြုံဖြစ်နေမှာပါပဲ။ အမှန်တကယ်တော့ ဒေးဗစ်ရော ဗစ်တိုးရီးယားပါ အမေရိကကိုပိုပြီးသဘောကျကြတယ်။ သားတွေကတော့ အင်္ဂလန်ကိုပဲ ပြန်နေကြဖို့ အမြဲဆန္ဒရှိနေကြသတဲ့။ အဲဒီ အိမ်ဟာ အိမ်ခန်းလေးခန်းအနည်းဆုံးပါရှိပြီး ကြီးမားတဲ့ ကားဂိုဒေါင်ပါရှိတယ်။ ဒေးဗစ်ရဲ့ Range Rover ကားအပါအဝင် သူပိုင်ဆိုင်တဲ့ကားတွေ နေရာချသိမ်းဆည်းဖို့ လုံလုံလောက်လောက်ကြီးမားလှပါတယ်။ “ဂျိမ်းစ်ဘွန်းစတိုင်လ်”  အိမ်ဖြစ်ပြီး လုံခြုံရေးအမြင့်ဆုံးအနေအထားရှိတယ်။ နံရံတွေဟာမြင့်မားလှတယ်။ ခဲသားခံထားပြီး ကျည်ဆန်တိုးလို့မပေါက်နိုင်တဲ့ နံရံတွေပါ။ State of the Art လုံခြုံရေးကင်မရာတွေခြံစည်းရိုးတလျှောက် အပြည့် တပ်ဆင်ထားပါတယ်။ 

Tuesday, March 05, 2013

အသစ်သောနှလုံးသားဖြင့်

လီယို နှင့် ပေ့ဂ်ျ(ပက်ဂီ) ရုပ်ရှင်ကြည့်ပြီးပြန်လာကြသည်။ လမ်းမပေါ်ခြေချလိုက်တော့ ဖွေးဖွေးလှုပ်လှုပ် ကျနေတဲ့ နှင်းတွေ အောက်မှာ လမ်း၊ ကား၊ သစ်ပင် အရာအားလုံး ဖွေးဆွတ်နေသည့်မြင်ကွင်းက အေးမြစွာဆီးကြိုသည်။ သိပ်လှတာပဲ ပေ့ဂ်ျ ပြောသည်။ ရုပ်ရှင်က လည်း ကောင်းလှသည်။ လီယို့စိတ်ထဲမလည်း ဒီလိုပဲ၊ ချစ်ရလွန်းသူ ပေ့ဂ်ျ အနားမှာ ရှိနေလို့ထင့်၊ အရာအားလုံး ဆန်းပြားခမ်းနားကာ လှပနေကြသည်။ ပေ့ဂ်ျကားထဲ အမြန်ဝင်ထိုင်ချိန်မှာ လီယိုက ကားရှေ့မှန်မှာ ခဲကပ် နေသည့်နှင်းတွေကို ဖယ်ရှားရှင်းလင်းနေ ရသေး သည်။ အိမ်အပြန်လမ်းမှာ လီယိုက ကားထဲက ကက်ဆက်သံကို အပျော်စိတ်နှင့် အကျယ်ကြီးတင် ဖွင့်လိုက်ကာ လိုက်အော် ဆိုတော့ ပေ့ဂ်ျ ကပါ သံပြိုင်လိုက်ဆိုသည်။

ရိုးရှင်းတဲ့အပြင်အဆင်ထဲက နွေရက်လေးတွေမှာ


အေးမြတဲ့ဆောင်းရက်လေးတွေထဲကနေ အချိန်တရွေ့ရွေ့တိုးလို့ နေ့တွေခရီးရှေ့ဆက်လာလိုက်တာ နေရောင်လင်းလင်း စူးလဲ့တောက်ပတဲ့နွေရက်လေးတွေထဲ တိုးဝင်ဦးတော့မှာပါပဲ။ နွေနေ့ရက်နေလေးတွေဟာ အနားယူအပမ်းဖြေခရီးလေးတွေ သွားသွားလာလာပြုလုပ်နိုင်တဲ့ သွက်လက်တဲ့နေ့လေးတွေ၊ သာယာကြည်နူးစရာနေ့ရက်လေးတွေပါ။ အေးမြတဲ့ရာသီဥတုအိမ်ခန်းအပြင်အဆင် နွေးတဲ့ရောင်စဉ်၊ နွေးတဲ့သိုးမွှေး၊ ထူထူထဲထဲ ချည်သားကောဇောအသုံးအဆောင်လေးတွေကနေ ပေါ့ပေါ့ပါးပါးချည်သား၊ ဖဲသား၊ ပိုးသားစခန်းဆီး၊ ပရိဘောဂအစွပ်လေးတွေ၊ နေရောင်ဝဝစုပ်ယူ ဖူးပွင့်လာတော့မယ့် အလှဆင်ပန်းအိုးလေးတွေအပါအဝင်၊ တခြား ပေါ့ပါးသွက်လက် အိမ်တွင်းအလှဆင်ပစ္စည်းလေးတွေနဲ့ လန်းဆန်းတဲ့အသွေးအရောင်လေးတွေ ပြောင်းလဲခြယ်မှုန်းကြည့်နိုင်ပါတယ်။ မပြောင်းမလဲ မခြယ်မှုန်းပဲ နေရင်ရော၊ မရနိုင်ဘူးလားဆိုရင်တော့။ ရတာပဲပေါ့။ ကိုယ့်ရဲ့အိမ်ခန်းလေးမှာ ရာသီအလိုက်ပြင်ဆင်မနေဘဲ လှုပ်ရှားမှုမရှိတဲ့အဆင်အပြင်မျိုးနဲ့လည်း တသမတ်တည်းသေဝပ်စွာ ရှင်သန်နေထိုင်နိုင်တာပါပဲ။

ဒါပေမဲ့ ပြောင်းလဲဆန်းသစ်မှုမရှိတဲ့နေ့ရက်တွေထဲ ကိုယ်တို့တွေ အဟောင်းအတိုင်းငြိမ်သက်စွာနေထိုင်ရင်း အချိန်တွေကုန်ဆုံးပစ်လိုက်ရမှာတော့ နှမြောစရာပါ။ နေ့စဉ်အလုပ်တာဝန်တွေနဲ့ မအားမလပ်နိုင်အောင်ရှိနေကြတော့ အိမ်ခန်းလေးကို လှည့်မကြည့်နိုင်အောင်ဖြစ်ရတာကလည်း တကယ့်ကိုပဲ၊ အချိန်ပြည့်အလုပ်တွေရှုပ်နေကြတယ်။ အလုပ်တွေလုပ်နေကြရတယ်။ လူတိုင်းလူတိုင်း ဒီလိုပါပဲ။ ဒီလိုနဲ့ပဲ ရနိုင်သမျှအချိန်လေးဆွဲယူသိမ်းထုပ်ထားမယ်ဆိုရင်။ ခက်ခက်ခဲခဲရှာဖွေမှ ရလာနိုင်တဲ့ငွေကြေးကိုလည်း နိုင်းဆချိန်ညှိပြီးတော့ သုံးစွဲမယ်။ ပြီးတော့ အချိန်ရော ငွေကြေးရော ဟန်ချက်ညီညီသုံးစွဲပြီး အိမ်ခန်းလေးကို လှပတင့်တယ်အောင် ပြင်ဆင်မယ်ဆိုရင်တော့ အိမ်လေးထဲမှာ ပျင်းရိငြီးငွေ့စရာဆိုတာ ဘယ်လိုနည်းနဲ့မှ ရှာဖွေတွေ့နိုင်မှာမဟုတ်တော့ဘူး။ ကိုယ့်ရဲ့ အိမ်ခန်းလေးကပဲ ကိုယ့်ကို ဧည့်ခံဖျော်ဖြေနေသလို၊ ကဇာတ်တစ်ပုဒ်ကိုကြည့်နေရသလို ခံစားလာရမှာပါ။ အချိန်တွေကို သိပ်အနားပေးမထားဘဲများများအလုပ်ပေးနိုင်လေလေ တွေးတောငေးမောနေစရာ အချိန်မရှိနိုင်တော့ဘူးပေါ့။ အမြဲလို လန်းဆန်းသွက်လက်နေတော့ ကျန်းမာရေးနဲ့လည်း ညီညွတ်နိုင်ပါသေးတယ်။

နွေရာသီအပမ်းဖြေနားနေနိုင်မယ့် ကမ်းခြေကအိမ်လေးတစ်လုံးရှိနေပါသလား။ ရှိခဲ့မယ်ဆိုရင် ကမ်းခြေဘက်ဆီ မိသားစုနဲ့အတူ အနားယူခရီးထွက်နိုင်ပါတယ်။ မရှိဘူးဆိုရင်လည်း စိတ်ပူစရာတော့မဟုတ်ပါဘူး။ နွေရာသီအိမ်ခန်းအလှပြုပြင်မွမ်းမံဖို့အတွက်က လွယ်ကူပါတယ်တဲ့။ ကိုယ့်ရဲ့တိုက်ခန်း၊ အိမ်ခန်းထဲမှာ လွတ်လပ်ပေါ့ပါးတဲ့ နွေရာသီဒီဇိုင်းအပြင်အဆင်လေးတွေ ခြယ်မှုန်းနိုင်တာပါပဲ။

ပရိဘောဂအတွက်ဆိုရင် - အမှောင်ကဲတဲ့အရောင်တွေ ခပ်မှိန်မှိန်ဖျော့တော့တဲ့အရောင်တွေဟာ ဆောင်းတွင်းကာလတွေအတွက် အပြည့်စုံဆုံးအရောင်အသွေးတွေပါ။ ဒါပေမဲ့ နွေရာသီမှာတော့ အပြင်ဘက်ပူပြင်းနေတဲ့အချိန် အိမ်ခန်းအတွင်းမှာ အရောင်ပြင်းတွေမသုံးသင့်ပါဘူး။ အေးမြလင်းလက်ပြီး ပေါ့ပါးတဲ့အရောင် light and airy color အရောင်လေးတွေရွေးချယ်သုံးကြည့်နိုင်ပါတယ်။ ဆက်တီတွေရဲ့ အစွပ်တွေကို ဖြုတ်နိုင်တပ်နိုင်တဲ့ ပိတ်သားနဲ့အဖုံးလေးတွေသုံးပါ။ အဖြူရောင်နဲ့ အရောင်ဖျော့လေးတွေအသုံးပြုပါ။ အဖြူ၊ ကာကီရောင်ဆက်တီစွပ်လေးတွေဟာ ထူးထူးခြားခြားမဟုတ်လှဘူးလို့ ထင်မြင်နိုင်စရာရှိပါတယ်။ ဒါပေမဲ့ အဲဒီအစွပ်လေးတွေကိုပဲ ရာသီအလိုက် အရောင်လေးတွေရွေးချယ်သုံးမယ်။ လျှော်ဖွပ်သန့်စင်ထားတဲ့အစွပ်လေးတွေလဲလှယ်လိုက်မယ်။ ပြီးတော့ မှီအုံးလေးတွေရဲ့ အစွပ်ကိုလည်း လိုက်ဖက်မယ့် အရောင်အဆင်သွေးလေးတွေ အသုံးပြုလိုက်မယ်ဆိုရင် ဧည့်ခန်းလေးဟာ တခဏလေးအတွင်းရှင်းသန့်သွက်လက်လာမှာပါ။

လိုက်ကာခန်းဆီးတွေကို - နွေညတွေရဲ့ လေညင်းးအေးမြမြအရသာခံစားနိုင်ဖို့အတွက် လေးလံပြီးအရောင်မှိုင်းမှိုင်းလိုက်ကာတွေ ဖြုတ်သိမ်းလိုက်တာ ပိုကောင်းပါတယ်။ အလှဆင်လိုက်ကာအစား ပေါ့ပါးပါးလွှာတဲ့ခန်းဆီးလေးတွေပဲ အသုံးပြုသင့်ပါတယ်။ ခန်းဆီးစလေးတွေက ပြောင်းလွယ်ပြင်လွယ်၊ ဖြုတ်ပြီးလဲလှယ်ရလွယ်ကူနိုင်တာမို့ နွေကာလတွေနဲ့ အသင့်တော်ဆုံးပါပဲ။ အပြင်ဘက်ကိုအတားအဆီးမဲ့မြင်တွေ့ဖို့ ပိုပြီးနှစ်သက်တယ်ဆိုရင်တော့ ပြူတင်းပေါက်တစ်ခုလုံးဖုံးကာမယ့် ခန်းဆီးစမသုံးပဲ နဖူးစည်းခန်းဆီးတိုလေးတွေပဲတပ်နိုင်ပါတယ်။ အဲဒီခန်းဆီစလေးတွေကို နွေရာသီနဲ့ လိုက်ဖက်မယ့် အဆင်အကွက်၊ အရောင် ရွေးချယ်တပ်လိုက်မယ်ဆိုရင် ကိုယ်တို့ပြူတင်းပေါက်လေးတွေအတွက် အလှအပပြည့်စုံသွားပါပြီ။
ဖြိုးဖြိုး
Living Fashion Magazine, March, 2013

Saturday, March 02, 2013

မေမေ့ ရဲ့ လက်ဆောင်

မေမေပို့ပေးတဲ့ စာ နဲ့ ဓာတ်ပုံလေးတွေ

လိပ်ပုမွေးနေ့မှာ မေမေလှူ တဲ့ပန်းလေးတွေ .. နီနီလေးတွေက ခတ္တာ တဲ့။ တခိုင်ထဲမှာ လေးပွင့် ဆိုင်ပွင့်လေ့ရှိလို့ တချို့က လေးကျွန်းစကြာ တဲ့။ ခေါ်ကြတယ်။ လိုရာဆန္ဒပြည့်ပါစေ့်။ ရွှင်လန်းချမ်းမြေံပါစေ။ မေမေ

အရင်နှစ်ကတည်းက ပို့ထားဘူးတယ်။
ဘလောဂ့်မှာမတင်ဖြစ်လိုက်ပါဘူး။ အခုနှစ် မေမေက ထပ်ပို့ပေးတာနဲ့ အန်တီတင့်ကလည်း မေးထားတာနဲ့ ဒီမှာတင်ထားလိုက်ပါတယ်။
မေမေရေးထားတဲ့အတိုင်းပဲ စာလုံးပေါင်းတွေလည်းလိုက်မစစ်တော့ဘူး။ အမှတ်တရပေါ့။

Birthday

၁၉၇၄ခုနှစ် ဖေဖေါ်ဝါရီလ ၂၈ရက် ကြာသပတေးနေ့ (မြန်မာ ၁၃၃၅ခုနှစ် တပေါင်းလဆန်း(၈)ရက်နံနက် ၄နာရီ ၄၀မိနစ်)မှာ မွေးဖွားသန့်စင်ခဲ့တဲ့ ကလေးဟာ ဖြိုးဖြိုးပေါ့။ဘယ်ကလေးနဲ့မှ ယှဉ်လို့မရအောင် အချစ်ပိုခဲ့တဲ့သမီး။အငယ်ဆုံးကလေးဆိုတော့ အသနားကလဲ ပိုခဲ့သေးတာ။
သူ့ ကိုမွေးမဲ့နေ့က လကုန်ရက် ။သူ့အဖေရဲ့ Tour program နှင့် Traveling Allowanceကို ကျွန်မက လစဉ် ကူလုပ်ပေးနေကျဆိုတော့  စာရင်းဇယားတွေကို ညဦးပိုင်းမှာ ကျွန်မလုပ်နေခဲ့တာ။စောစော ကတည်းက အေးအေး အေးအေးနဲ့ဗိုက်နာနေတာသိပေမဲ့ ကျွန်မက ခပ်ပေပေရယ်။ဘာဘဲဖြစ်ဖြစ် သူတကာ လန့်အောင် မလုပ်တတ်ဘူး။ သေချာမှ ကျွန်မက ဖွင့်ပြောလေ့ရှိတယ်။ ဒါပေမဲ့  ကျွန်မ ထိုင်လို့ မရချင်တော့ဘူး။အနေရ အထိုင်ရ တော်တော် ခက်လာတယ်။ကျွန်မ ခဏထပြီး လမ်းထွက်လျှောက်လိုက်တယ်။
ခလေးက ထွက်ချင်နေပြီနဲ့တူပါရဲ့  ကျွန်မအလုပ်ကလဲ မပြီးသေးဘူး။ ကျွန်မ အလုပ်ကို ပြီးအောင်လုပ်လိုက်တယ်။
နည်းနည်းနေသာထိုင်သာ ရှိလာတော့ ကျွန်မ လမ်းထရှောက်တယ်။ခြံထဲမှာဘဲ။ ဇီးပင်တွေရှိတဲ့  တောင်ဘက်အုတ်တံတိုင်းကနေ မြောက်ဘက် ရေတွင်းအထိရှောက်ရင်း ခေါင်းပေါ်မှာ မိုးနေတဲ့ ဇီးကိုင်းတွေလှမ်းဆွဲ ပြီး ဇီးသီးကို အသွားတလုံး အပြန်တလုံး ခူးစားလိုက်သေးတယ်။ကျွန်မက ဘာစားစား မတဲ့တာမရှိဘူး။ကြိုက်ရင် အကုန်စား ဘာမှ မဖြစ်ဘူး။
ညနက်လာတော့ ကျွန်မ မအောင့်နိုင်တော့ဘူး။ သေချာပြီလို့ ကျွန်မ ဆုံးဖြတ်ချက်ချပြီးမှ ခလေးအဖေကိုပြောတာ။ခလေး ၅ယောက်ထက်ကျော်သွားရင် အိမ်မှာ မွေးဖွားခွင်မပေးတော့ဘူးဆိုလို့ ကျွန်မတို့ ဆေးရုံသွားကြတယ်။ သမီးအကြီးမက အရွယ်ရောက်နေပြီဆိုတော့ သူ့ကိုအဖေါ်ခေါ်သွားရတာပေါ့။ချောချောချောမောမောပါဘဲ။ ဒါပေမဲ့ စိတ်ရှည်ရှည်စောင့်ရတယ်။ ဗိုက်နာတာက ပျောက်ပျောက်သွားလို့ပေါ့။ စဉ်တိုက်နာလာမှ ဆရ၀န်မကို သွားခေါ်ရတယ်လေ။ နံနက် ၄နာရီ မိနစ် ၄၀ မှာဘဲ သာမန် မွေးရိုးမွေးစဉ်ဘဲ မိခင်ကိုလည်း ဒုက္ခမပေးဘဲ  အောင်အောင်မြင်မြင် မွေးဖွားခဲ့ပါတယ်။မွေးမွေးချင်း ၀မ်းကကျွတ် ကျွတ်ချင်း အသားကုန်  အော်ငိုတော့တာဘဲလေ။ကျွန်မက ငိုသံနားစွင့်နေတာ။ငိုသံကလေးကြားရမှ စိတ်အေးသွားတာ။သူ့အထက်က ယောင်္ကျားလေး သူရ တုံးက ခြေဖွားဆိုတော့ မငိုနိုင်ရှာဘူး။ တညလုံး စိုးရိမ်စိတ်တွေနဲ့။ဘုရားတခဲ့ရတာလေ။ဒီတော့ ကျွန်မက ငိုသံဘဲ နားထောင်နေတာ။အမလေး ငိုလိုက်သမှ တခန်းလုံး ရှိသမျှလူတွေ နားငြီးအောင်ငိုတယ် ။ ကျွန်မအဖို့ဘယ်နားညီးနိုင်မလဲ။ ဒီအသံလေးကို ခလေးတိုင်းမျှော်နေကျပေါ့။သုတိသြဘာ နဲ့ပြည့်စုံတဲ့ မင်္ဂလာရှိတဲ့အသံကလေးလေ။တော်တော် အာကျယ်တဲ့ခလေး တဲ့။ ကျန်းမာရေးကောင်းလိုက်တာ တဲ့။မိခင်ရော ခလေးပါ ကျန်းမာကြပါသည် တဲ့။အားလုံး complete ဖြစ်ပြီ လို့  ဆရာဝန်မကကြောငြာမှ ကျွန်မလဲ စိတ်အေးတော့တာဘဲ။ အနှီးထုပ်ကလေးနဲ့ ကျွန်မအနားလာသိပ်တော့  dropper ကလေးနဲ့ ရေကျက်အေး တိုက်ပေးလိုက်ပါတယ် အမယ် သူကလေးက တခန်းလုံး ကြားအောင် တပြတ်ပြတ်နဲ့ အရသာခံ စုပ်နေတာများ တာဝတိန်သာကတောင် ကြားးနိုင်လောက်ပါရဲ့။အော် ကိုယ့်ရင်မှာဖြစ်တဲ့ကိုယ့်ရင်သွေးဆိုတော့ရိုးလဲ ရိုးမသွားဘူး။ အမြဲတန်းဆန်းသစ်နေတာပါ။ ကျွန်မအဖို့မေတ္တချစ်ခြင်းမေတ္တာဆိုတာ ဘယ်တော့မှ ကုန်ခန်းသွားမှာ မဟုတ်ပါဘူး။

Florist

ဒီနှစ်မွေးနေ့က ကြာသပတေးနေ့နှင့် တိုက်ဆိုင်လို့ နေ့ထူးနေ့မြတ်ပေါ့ ။မနှစ်က ရေးခဲ့တဲ့ စာလေး ပြန်ဖတ်ရအောင်လို့ ။ မင်္ဂလာနေ့မြတ်မှာ ပျော်ရွှင်ကြပါစေ။
မေမေ


Friday, March 01, 2013

ညွှန်းတဲ့ ရုပ်ရှင်

Jack the Giant Slayer
Adventure / Drama / Fantasy
Warner Bros. Pictures
ဒါရိုက်တာ - Bryan Singer
ထုတ်လုပ်သူ - Neal H. Moritz, David Dobkin, Bryan Singer, Patrick McCormick, Ori Marmur
ဇာတ်ညွှန်း - Darren Lemke, Christopher McQuarrie, Dan Studney
ဝတ္ထု - Darren Lemke, David Dobkin
သရုပ်ဆောင်များ - Nicholas Hoult, Eleanor Tomlinson, Stanley Tucci, Ian McShane, Bill Nighy, Ewan McGregorေ

ခေတ်မီထူးထွေဆန်းပြား မှော်ဝင်နတ်သမီးပုံပြင်ထဲကနေရာတစ်ခုမှာ လူယောက်ျားတွေ နဲ့ လူ့ဘီလူးကြီးတွေဟာ အလွန်နီးကပ်စွာ ကာလရှည်ကြာငြိမ်းငြိမ်းချမ်းချမ်း နေထိုင်ခဲ့ကြတာပါ။ ပိုင်းခြားထားတဲ့အရာတစ်ခုကြားမှာ ငြိမ်းချမ်းစွာ နေနိုင်ခဲ့ကြတယ်။ အခု အဲဒီ ငြိမ်းချမ်းမှုကို ခြိမ်းခြောက်ခံရပြီ။ အမှတ်မထင်ဖြစ်ပျက်သွားခဲ့တာပါ။ ဂျက်ခ်(Nicolas Hoult) ဆိုတဲ့ ယာလုပ်သားလေးဟာ လူ့ဘီလူးကြီးတွေရဲ့ ကမ္ဘာဆီသွားရာလမ်း ဝင်လမ်းတံခါးမကြီးကို မတော်တဆ ဖွင့်မိသွားတာကိုး။ အဲဒီမှာ ဒဏ္ဍာရီထဲက မကျေမချမ်းနိုင် မပြီးမစီးနိုင်တဲ့ စစ်ပွဲတစ်ခုက ပြန်ပြီးစတင်လာတော့တယ်။ လူ့ဘီလူးကြီးတွေက သူတို့ရဲ့ပျောက်ဆုံးနေတဲ့ရာစုနှစ်တွေပြန်ရယူဖို့ ကြိုးစားလာကြပြီ။ ဂျက်ခ်ကလည်း ရှိသမျှအင်အားသုံးလို့ မဆုတ်မဆိုင်း တိုက်ပွဲတစ်ခုဆင်နွှဲတာပေါ့။ ဂျက်ခ်ရဲ့ ကိုယ်ပိုင်ဘဝတစ်ခုအတွက် ကယ်ဆယ်ဖို့ပဲ မဟုတ်ဘူးလေ၊ သူတို့ရဲ့ ဘုရင့်နိုင်ငံတော်တစ်ခုလုံးအတွက် ပြီးတော့ သူအလေးထား လေးစားမြတ်နိုးရတဲ့ မင်းသမီးလေး အစ်ဆဘဲလ်(Eleanor Tomlinson ) အတွက်။ ဂျက်ခ်ဖခင်ရဲ့ ရှေးဟောင်းမှတ်တမ်းစာအုပ်အရ ဂျက်ခ်က နှိမ်နင်းနိုင်မယ့်နည်းကိုသိတယ်လို့ထင်နေတယ်။ မင်းသမီးလေးက ဂျက်ခ် ကို ယုံကြည်ပါတယ်။ ဒါပေမဲ့ “ရှင် ဒီ ဒဏ္ဍာရီကိုသိတယ်လား။ မဟုတ်ဘူး၊ တကယ်တော့ ရှင် မသိသေးပါဘူး” တဲ့ မင်းသမီးလေးက ခိုင်ခိုင်မာမာပဲပြောဖူးတယ်။ လူ့ဘီလူးတွေနဲ့ လူသားတွေရဲ့ကမ္ဘာ ရောထွေးယှက်လိမ်ကုန်တဲ့အချိန်မှာ လက်စားချေဖို့ အချိန်ကောင်းကိုစောင့်နေတဲ့ လိမ်လည်ကောက်ကျစ်တဲ့ လူလိမ်ယောက်ျားဆိုတာလည်းပေါ်ထွက်လာတယ်။ အားကြီးလှတဲ့ လူ့ဘီလူးကြီးတွေ ရီဝေထွေပြားအောင် သူက ဖြားယောင်းဦးဆောင်တယ်။ “မနက်ဖြန် ဒဏ္ဍာရီတစ်ခုကိုအဆုံးသတ်ဖို့ ငါ မင်းတို့ဘုရင်အဖြစ်ရှိနေမယ်” တဲ့။ လူ့ဘီလူးကြီးတွေရဲ့ “ဟေး” ခနဲ ညာသံပေးသံအောက်မှာ လှောင်ချိုင့်ထဲက မင်းသမီးလေးက “လုပ်ကြံဖန်တီးနေတာ” လို့  စိတ်ဆိုးဒေါသထွက်ပြီးအော်ဟစ်လိုက်တာပေါ့။ “မင်းသမီးလေး၊ မင်းကို ငါမပြောရပါလားကွယ်။ ငါ လူ့ဘီလူးကြီးတွေကိုပြောပြနေတာပါ” ရယ်သံစွက်စွက် ခပ်အက်အက်ရယ်သံကြီးနဲ့ အဲဒီလူကတော့ ပျက်စီးမယ့်လမ်းကို ဦးဆောင်နေပြီ။ တစ်ဘက်က လက်ရုံးအားကိုးနဲ့ ဒဏ္ဍာရီကြွေးဆပ်ဖို့ပဲ စိတ်ကူးရှိတဲ့ လူ့ဘီလူးတွေ။ အဲဒီလူလိမ်ယောက်ျားရဲ့ဦးဆောင်မှုနဲ့ပဲ လူသားကမ္ဘာကိုဖိသိပ်ချေမွှဖို့ ဂမူးရှုးထိုးတိုက်ခိုက်ကြတော့တယ်။ ဂျက်ခ်က လူ့ဘီလူးကြီးခြေထောက်အောက်မှာ ပြားကပ်သွားတော့မတတ်ပဲ။ “ကျွန်တော် သေများသေသွားပြီလားပဲ” လို့ပြန်မေးနေရတယ်။ ဖြေသံက “အခုတော့ မဟုတ်သေးဘူးပေါ့” တဲ့။ X-men နဲ့ Superman Returns ရုပ်ရှင်ကားတွေကို ရိုက်ကူးခဲ့တဲ့ အမေရိကန် ဒါရိုက်တာ Bryan Singer ရဲ့ အထူးပြုလုပ်ချက်တွေဖောဖောသီသီ၊ အစကအဆုံးမပျင်းတမ်းကြည့်ရမယ့် ရုပ်ရှင်ပါပဲ။

Dead man down
Action / Crime / Drama
FilmDistrict
ဒါရိုက်တာ - Niels Arden Oplev
ဇာတ်ညွှန်း - J.H. Wyman
သရုပ်ဆောင်များ - Colin Farrell, Noomi Rapace, Dominic Cooper, Terrence Howard, Isabelle Huppert

The Girl with the Dragon Tattoo ရုပ်ရှင်ထဲက ဒါရိုက်တာ Niels Arden Oplev နဲ့ ဆွီဒစ်ရ်ှမင်းသမီးလေး Noomi Rapace ပါဝင်ထားတယ်။ ဘီးထရစ်အဖြစ်နဲ့ပေါ့။ ဘီးထရစ်က  ဗစ်တာ(Colin Farrell) နဲ့ မျက်နှာချင်းဆိုင်တိုက်က။ အိမ်နီးချင်းဆိုတာ ဗစ်တာသိတယ်။ သူ့ရဲ့ခြေလှမ်းတွေကို အဝင်အထွက်လိုက်လို့ကြည့်နေတာ၊ သူအိမ်ပြန်လာရင် ဝရံတာမှာ စောင့်ကြည့်တာ ဒါတွေကို ဗစ်တာသိတယ်။ နောက်တော့ အမျိုးသမီးက သူ့ကို ဖုန်းနဲ့ဆက်သွယ်လာတယ်။ “မင်း ဘာလို့ ငါ့နောက် အရိပ်လိုလိုက်နေတာလဲ”  “ကျွန်မ ရှင့်အကြောင်း ပိုပြီးရှာဖွေချင်လို့ပေါ့။ ရှင့်ကို တစ်နေရာရာ ခေါ်သွားချင်တယ်” တဲ့။ ဗစ်တာ ဘီးထရစ်နဲ့ ကော်ဖီဆိုင်မှာတွေ့ဖြစ်ကြတော့တယ်။ အမျိုးသမီး နာနာကျင်ကျင်မျက်ဝန်းတွေကို သနားသလိုဖြစ်လာမိပေမယ့် အပိုင်တွက်ထားတဲ့ဟန်ပန်ကြီးကို မကြိုက်လှဘူး။ ဘီးထရစ် ဘာလိုချင်တာလဲ။ လိုချင်တာ ချက်ခြင်းပဲပြောပါတယ်။ ဘီးထရစ်က ဗစ်တာ(Colin Farrel) ကို လုပ်ကြံသတ်ဖြတ်မှုတစ်ခုအတွက် သိမ်းသွင်းချင်တာ။ ဘာမှန်းညာမှန်းမသိအရှုပ်အထွေးထဲ ဗစ်တာမဝင်ချင်ပါဘူး။ ဒါပေမဲ့ ဗစ်တာငြင်းလို့တော့ မရနိုင်ဘူး။ ဘီးထရစ်က သူမရဲ့ လက်ကိုင်ဖုန်းထဲကဗီဒီယိုဖိုင်ကို ဖွင့်ပြတယ်။ “ရှင် ဒီလူကို သတ်လိုက်တာ ကျွန်မ မြင်ခဲ့တယ်နော်။ အဲဒီညကလေ .. အစကနေ အဆုံး ကျွန်မ ….”  “မင်း ကွာ ..” ဘီးထရစ်က ဗစ်တာ့ဆီက တုံ့ပြန်စကား စောင့်မနေဘူး။ “ကျွန်မ သတ်စေချင်တဲ့သူက ….” ဆက်တိုက်ပြောသွားတယ်။ ဘီးထရစ်သတ်ခိုင်းတဲ့သူကို ဗစ်တာသိလိုက်ရပြီ။ ဗစ်တာနာကြင်တုန်ခိုက်စွာခံစားရတယ်။ ပြီးတော့ သတ်ဖြတ်ဖို့ လုပ်ငန်းစရတော့တာပဲ။ ဘီးထရစ်သတ်ဖြတ်ခိုင်းတဲ့လူရဲ့ နောက်ကွယ်က အားကြီးမှုတွေကကြောက်ခမန်းလိလိ။ ဗစ်တာ လန့်ထိတ်ဝမ်းနည်းစွာ ဟစ်အော်ရပြီ။ “သူတို့က ငါ့မိသားစုကို သတ်ဖြတ်ခဲ့တာကွ၊ ဒါကြောင့် ငါ …”။ သွေးဟာ သွေးကိုပဲ ဆာလောင်မွတ်သိပ်တာပါ။ လက်စားချေမှုဟာလည်းပဲ ...။

The Incredible Burt Wonderstone
Comedy
New Line Cinema
ဒါရိုက်တာ - Don Scardino
ထုတ်လုပ်သူ - Chris Bender, Steve Carell, Jake Weiner, Tyler Mitchell 
ဇာတ်ညွှန်း - John Francis Daley, Jonathan Goldstein
ဝတ္ထု - Chad Kultgen, Tyler Mitchell, John Francis Daley, Jonathan Goldstein
သရုပ်ဆောင်များ - Steve Carell, Steve Buscemi, Olivia Wilde, Alan Arkin, James Gandolfini, Jim Carrey

လမ်းမပေါ်လှည့်လည်ပြသနေတဲ့ မျက်လှည့်ဆရာ စတိဗ်ဂရေး(Jim Carrey) ဟာ အသည်းတထိတ်ထိတ် တုန်လှုပ်ချောက်ချားစေမယ့် ပြကွက်မျိုးတွေနဲ့ လူတွေကို ဖမ်းစားဖို့ အမြဲကြိုးစားနေတဲ့သူပါ။ လူတွေရဲ့အာရုံသိမ်းကျုံးယူငင်ဖို့ဆိုရင် မီးကျီးခဲတွေပေါ်လှဲအိပ်ပြရဖို့လည်း ဝန်လေးတတ်သူမဟုတ်ဘူး။ ဒါပေမဲ့ သူကိုယ်တိုင် အသည်းတထိတ်ထိတ်ဖြစ်ခဲ့တဲ့ အကြိမ်လည်း နည်းတော့မနည်းခဲ့ပါဘူး။ လာ့စ်ဗေးဂက်စ်မှာ အချိန်အတော်ကြာနာမည်ရနေတဲ့ မျက်လှည့်ဆရာ ဘာ့ထ်ဝန်းဒါးစတုံး(Steve Carell) နဲ့ လက်ထောက် အန်တန်လဗ်ခရက်ဖ်(Steve Buscemi) တို့ရဲ့ မျက်လှည့်ပြကွက်တွေဟာလည်း လူတွေရိုးအီငြီးငွေ့စပြုလာပြီ။ ဖန်တစ်ရာတေနေပြီကိုး။ အဲဒီအချိန် ကျော်ကြားမှုနောက်အမြဲလိုက်ချင်နေတဲ့ စတိဗ်ဂရေးက ဘာ့ထ်ဝန်းဒါးစတုံးတို့ရဲ့ ရေပမ်းစားမှုကို သိမ်းပိုက်ခိုးယူဖို့ အားစိုက်ကြိုးပမ်းတော့တာပေါ့။ စတိဗ်ဂရေးရဲ့ ကြောက်အားလန့်အားပိုစရာပြကွက်တွေနောက် လာ့စ်ဗေးဂက်စ်က လူတွေလိုက်ကုန်ကြပြီ။ ဘာထ့်မှာ နာမည်မရှိတော့၊ ကိုယ်တိုင်အပြစ်မြင်၊ စိတ်ကျနွမ်းနယ်လာပြီ။ ဘာ့ထ် … သူ့ရဲ့ ပကတိအနေအထားကိုမြင်နေပြီ။ အလုပ်မရှိတော့သလို၊ ပိုက်ဆံကလည်းမရှိပါဘူး။ လက်ထောက် အန်တန်ကလည်း အခြေအနေမဟန်တဲ့ ဘာ့ထ်ဆီကနေ စွန့်ခွာတော့မယ်။ ကမ္ဗောဒီယားကိုသွားပြီး မျက်လှည့်ပြသနိုင်မယ့် အကွက်အကွင်းရှာထွက်ဖို့ ဦးတည်နေတယ်။ ဘာ့ထ်ရဲ့ လက်ဦးဆရာ ရန်စ့်ဟန်စန်(Alan Arkin) က မှုန်ကုပ်စိတ်ပျက်နေတဲ့ ဘာ့ထ်ကို မျက်လှည့်ပညာအတွက် အရေးကြီးတဲ့ အာရုံစုစည်းမှုအကြောင်း ပြောပြတယ်။ ဘာ့ထ်ကို မျက်လှည့်လမ်းကြောင်းပေါ်ပြန်ပြီးဆွဲတင်နိုင်ဖို့ သူ့ရဲ့ ချစ်ခင်ကြင်နာတတ်တဲ့ သနားကမားလက်ထောက်မိန်းကလေး ဂျိန်း(Olivia Wilde) နဲ့ ဝိုင်းဝန်းကြိုးပမ်းကြတယ်။ မျက်လှည့်စင်ပေါ်မှာ လူငယ်လေးတစ်ယောက်လို ပြန်ပြီးနုပျိုသွက်လက်လာအောင်ပေါ့။ စတိဗ်ဂရေးဆီက သူ့ရဲ့ တချိန်ကရေပမ်းစားမှုကို ဘာ့ထ် ပြန်ပြီးရယူနိုင်ပါ့မလား။ “အိုး … ဒါ အမြဲတမ်းအတွက် အကောင်းဆုံးလှည့်စားမှုပဲ”  အံ့သြမှင်တက်မှုနဲ့အတူ သူ့ရဲ့ပရိသတ်တွေနှုတ်က အကြိမ်တော်တော်များများ ခုန်ထွက်ကျခဲ့ဖူးတဲ့ ဒီလို စကားလုံးတွေ။ ဘာ့ထ် ပြန်ပြီး ခြွေယူနိုင်ပါဦးမလား။

Upside Down
Drama / Fantasy / Romance
Warner Bros. (France)
Lionsgate (UK)
Millennium Entertainment (US)
ဒါရိုက်တာ - Juan Diego Solanas
ထုတ်လုပ်သူ - Claude Léger, Dimitri Rassam, Aton Soumache, Jonathan Vanger, Alexis Vonarb
ဇာတ်ညွှန်း - Juan Diego Solanas
သရုပ်ဆောင်များ - Jim Sturgess as Adam
Kirsten Dunst as Eden
Timothy Spall as Bob

အဒမ်(Jim Sturgess) နဲ့ အီဒင်(Kirsten Dunst) တို့ဟာ အမွှာကမ္ဘာဂြိုဟ်တစ်ခုစီမှာ နေထိုင်ကြသူလေးတွေ။  ကမ္ဘာတစ်ခုရဲ့ ဆွဲအားက တစ်ခုစီရဲ့ အလယ်ဗဟိုမှာပါပဲ။ ကမ္ဘာနှစ်ခုဟာ သီးခြားစီ အထက်အောက် ရှိနေကြတယ်။ တစ်ခါတစ်ရံ  အထက်ကမ္ဘာကအရာနဲ့ အောက်ကမ္ဘာကအရာ ထိတွေ့မိရင် ပြောင်းပြန်လောင်ကျွမ်းမှုဖြစ်တတ်တာလည်းရှိတယ်။ အထက်ကမ္ဘာဂြိုဟ်က ကြွယ်ဝချမ်းသာပြီး အောင်မြင်ကြီးပွားနေတဲ့အချိန် အောက်ကမ္ဘာဂြိုဟ်ကတော့ ဆင်းရဲပါတယ်။  အဒမ်က မိဘမဲ့ကလေးအဖြစ်ကြီးပြင်းလာခဲ့ပြီး အဒေါ်နဲ့ပဲနေခဲ့ရသူလေး။ ဆယ်ကျော်သက်လူငယ်လေး အဒမ် အထက်ကမ္ဘာက အီဒင်ကို မြင်တွေ့ပြီး ချစ်ခင်မြတ်နိုးသွားတယ်။ စပ်စုတဲ့ အဒမ်ဟာ လှို့ဝှက်တောင်ထွတ်တွေဆီတက်ပြီး အထက်ကမ္ဘာနဲ့ အနီးဆုံးနေရာထိရောက်အောင် တက်ကြည့်ခဲ့တာကိုး။ မြူခိုးမြူငွေ့တွေဝေနေတဲ့ တောင်ကုန်းပေါ်တက်ပြီး အထက်ကမ္ဘာက မျက်နှာချိုချို အီဒင်လေးကို မြင်တွေ့ရဖို့ အချိန်အကြာကြီးကုန်ပါစေ။ ထိုင်စောင့်တယ်။ အီဒင်ကလည်း အဒမ်ရဲ့ ဇွဲကြီးမှုနဲ့ ရိုးသားပြီးချစ်စရာကောင်းတာတွေကြောင့် ချစ်ခင်စုံမက်သွားတာပါပဲ။ တကယ်တော့ ကြွယ်ဝတဲ့အထက်ကမ္ဘာဟာ အောက်ကမ္ဘာက လောင်စာဆီကို ဈေးပေါပေါနဲ့ ဝယ်ယူတယ်။ ပြီးတော့ လျှပ်စစ်ဓာတ်အားကို ဈေးတင်ပြီး အောက်ကမ္ဘာကိုပြန်ရောင်းနေတာပါ။ အထက်ကမ္ဘာကို လာခွင့်ကိုလည်းကန့်သတ်ထားတယ်။ တစ်ခုတည်းသော ဆယ်သွယ်ရေးလမ်းကြောင်းက ထိန်းချုပ်မှုတွေများလှတဲ့ TransWorld ကုမ္ပဏီကနေတဆင့်တဲ့။ အဒမ် နဲ့ အီဒင် ၁ဝနှစ်ကျော်ကြာ ဇွတ်အတင်းသီးခြားစီခွဲနေခဲ့ကြရာက လူငယ်လေး အဒမ် က အီဒင်ဆီရောက်အောင်သွားနိုင်ဖို့ အန္တရာယ်ကြီးတဲ့စူးစမ်းရှာဖွေမှု ပြုလုပ်တော့တယ်။ အဒမ်ကို ကူညီပေးသူတွေရှိတယ်။ လေ့ကျင့်တယ်။ အထက်ကမ္ဘာက အီဒင်ဆီရောက်အောင်သွားတွေ့ခဲ့ပါတယ်။ အီဒင်ပြောတာက “အချစ်က ကမ္ဘာ့ဆွဲအားကို ရိုက်ချိုးဖျက်ဆီးနိုင်တယ်။ ကမ္ဘာမြေထုဆွဲငင်အားထက်ပိုပြီး သန်စွမ်းအားကြီးပါတယ်။ ကမ္ဘာနှစ်ခုပေမဲ့ အနာဂတ်က တစ်ခုတည်းပဲ” တဲ့။ လက်ရှိကမ္ဘာမှာ မဖြစ်နိုင်ဘူးလို့ထင်မြင်လိုက်စရာ သိပ္ပံဆန်းကြယ်ရုပ်ရှင်ကားဖြစ်နေပေမယ့် ဆွဲအားကိုယ်စီရှိနေကြတဲ့အထက် အောက် ကမ္ဘာနှစ်ခုစီအကြောင်း အဒမ်က ပြောပြနေဟန်နဲ့ ရုပ်ရှင်ကို စထားတာ၊ ပြီးတော့ မြင်လိုက်ရတဲ့မြင်ကွင်းတွေဟာ အံ့ဘနန်းစိတ်ဝင်စားစရာပါ။ ကိုယ့်ရဲ့ ဦးခေါင်းအထက်မှာ အဆောက်အဦးတွေ၊ လူတွေ မီးရောင်တလက်လက်၊ လှုပ်လှုပ်ခတ်ခတ်သွားလာလှုပ်ရှားနေတာကို မြင်နေရတဲ့ခံစားချက်မျိုးဟာ မကြုံမဆုံခဲ့ဖူးတဲ့အရသာတစ်မျိုးပါပဲ။ အဲဒီ မကြုံမဆုံဖူးတဲ့အရသာ Upside Down မှာ ရှာတွေ့နိုင်ပါလိမ့်မယ်။

မဉ္ဇူရီ
Living Fashion Magazine, March, 2013