ကလေးတွေရဲ့ အွန်လိုင်းပေါ်ကလုံခြုံစိတ်ချရတဲ့နေရာ

အွန်လိုင်းပေါ်မှာ လူကြီးတွေတောင် လုံခြုံစိတ်ချရမှု ကင်းမဲ့လာတဲ့အဖြစ်အပျက်တွေရှိနေပါတယ်။ ကလေးတွေအတွက် လုံခြုံစိတ်ချရမယ့်နေရာကတော့ ပိုပြီးတော့တောင် ရှာဖွေဖို့ခက်ခဲနေပါလိမ့်မယ်။ လူငယ်တွေအတွက် အွန်လိုင်းမှာ လုံခြုံစိတ်ချရနိုင်ဖို့ဆိုတာ အရေးတကြီးကိစ္စမျိုးပါ။ Facebook လို လူသိများလှတဲ့ လူမှုကွန်ယက်ဆိုက်တွေမှာ အသုံးပြုနေကြသူပေါင်း သန်း၈၀၀ကျော် ရှိနေကြပါတယ်။ အဲဒီထဲမှာ အသက် ၁၃ နှစ်အရွယ်၊ အဲဒီထက်ငယ်ရွယ်တဲ့ကလေးတွေတောင် Facebook ထဲ ခြေလှမ်းလှမ်းနေကြပါပြီ။ Facebook မှာ တင်လိုက်တဲ့ ပိုစ့်တွေကို “like” နေကြတဲ့သူတွေ နေ့တိုင်းအများကြီးပဲ ရှိနေကြတယ်။ သူငယ်ချင်းတွေနဲ့ ကိုယ်ဘာတွေလုပ်နေသလဲဆိုတာတွေကို ဝေမျှကြတယ်။ သူတို့အားလုံး တကယ်ပဲသူငယ်ချင်းတွေလား။ မဖြစ်နိုင်ပါဘူး။ Facebook အကောင့်(account)တွေကို လိမ်ညာပြီး ယူထားကြသူတွေလည်းရှိကြတယ်။ Facebook မှာ ကျင်လည်ဖို့ လုံခြုံစိတ်ချရမယ့်နည်းလမ်းတွေတော့ရှိနေပါတယ်။ အဲဒီနည်းလမ်းတွေအတိုင်းလူကြီးတွေက လိုက်နာနိုင်ကြပါတယ်။ 

ကလေးငယ်တွေအတွက်ကတော့ ကိုယ်တိုင်ထိန်းထိန်းသိမ်းသိမ်းကိုင်တွယ်ဖို့ဆိုတာ ခက်ခဲလွန်းလှပါတယ်။
ဝက်ဘ်ဆိုက်ရဲ့ဘေးမှာဝင်လာတတ်တဲ့ ကြော်ငြာမျိုးစုံ၊ မရိုးနိုင်တဲ့ third party software တွေဟာ ကလေးငယ်တွေကို အခက်တွေ့စေနိုင်ပါတယ်။ အဲဒီအခက်အခဲမျိုးတွေဖြေရှင်းပေးနိုင်မယ့်၊ အွန်လိုင်းပေါ်မှာ လုံခြုံစိတ်ချစေနိုင်မယ့် လူမှုကွန်ယက်တစ်ခုဟာ အခုဆိုရင်သုံးစွဲသူကလေးငယ်တွေအရေအတွက်များလာခဲ့ပါပြီ။ Disney Online Studio က ထုတ်လုပ်ပြီး New Horizon Interactive က ၀က်ဘ်ဆိုက်ရေးသားသူတွေဖန်တီးခဲ့ကြတဲ့ “Club Penguin” ဆိုတဲ့ လူမှုကွန်ယက်ဝက်ဆိုက်လေးပါ။ ၂၀၀၅ ခုနှစ် အောက်တိုဘာ ၂၄ ရက်နေ့မှာ စတင်ခဲ့ပြီး ၂၀၀၇နောက်ပိုင်းမှာ အသုံးပြုသူကလေးငယ်တွေများလာခဲ့ပါပြီ။ အခုဆိုရင် အသုံးပြုသူ ကလေးငယ်ပေါင်း သန်း ၁၅၀ကျော်လာခဲ့ပါပြီ။ Club Penguin မှာ ကလေးငယ်တွေ ဂိမ်းကစားနိုင်မယ်။ အချင်းချင်းအပြန်အလှန်ဆက်သွယ်နိုင်ကြမယ်။ အသုံးပြုမယ့် ကလေးဟာ Penguin ရုပ်ပုံလေးတစ်ကောင်နဲ့ account ယူနိုင်ပါမယ်။ ဂိမ်းတွေကို အသက် ၆ နှစ်ကနေ ၁၄ နှစ်အထိ ကလေးငယ်တွေအတွက် ရည်ရွယ်ဒီဇိုင်းထုတ်ထားတယ်လို့ဆိုပါတယ်။

Club Penguin ဟာ ကလေးငယ်တွေအတွက် လုံခြုံစိတ်ချရဖို့ ရည်ရွယ်ပေမယ့် လူကြီးတွေကိုလည်းတားမြစ်မထားပါဘူး။ ကလေးငယ်တွေကိုမှ မြူဆွယ်ဖျားယောင်းလိုသူတွေလည်း ဆိုက်ထဲကို ၀င်လာနိုင်ပါတယ်။ ဒါပေမယ့် သူတို့ရဲ့ လှုပ်ရှားမှုတွေကို စောင့်ကြည့်နေပြီး ပြောဆိုဆွေးနွေးလာတာတွေကို filter နဲ့ စိစစ်ပြီး ပိတ်ပစ်တာတွေပြုလုပ်ပါတယ်။ ကလေးတွေရဲ့ လိပ်စာ၊ ကျောင်း၊ ဖုန်းနံပါတ်တွေ ဖော်ပြခွင့်မရှိပါဘူး။ အဲဒီနေရာမှာ ရိုးရှိုးရှင်းရှင်းပါပဲ။ ကိုယ်ရေးကိုယ်တာ သတင်းအချက်အလက်တွေဖော်ပြဖို့ အခွင့်အရေးပေးမထားပါဘူး လို့ တွဲဖက်တည်ထောင်သူ လိန်းမာဖီးလ်ဒ်ကပြောပါတယ်။ စောင့်ကြည့်ကြီးကြပ်သူ(moderator) ၂၀၀ကျော်က မသင်္ကာစရာကောင်းတဲ့ ဘာသာစကားမျိုးတွေ တွေ့လာရင်လည်း အဲဒီ ပင်ဂွင်းကို နှောင့်ယှက်သူပင်ဂွင်းအဖြစ်သတ်မှတ်လိုက်ပါလိမ့်မယ်။ ကလေးငယ်တွေ လမ်းမပေါ်မှာ စက်ဘီးစီးနိုင်ဖို့ စတင်သင်ယူကြသလို အင်တာနက်ကို ဘေးကင်းလုံခြုံစွာအသုံးပြုနိုင်ဖို့ Club Penguin ကို အစမ်းလေ့ကျင့်တဲ့နေရာအဖြစ်လည်း ရည်ရွယ်ထားပါတယ်။ “ကလေးတွေ အွန်လိုင်းမှာ ဘယ်လိုလုံခြုံစိတ်ချစေနိုင်မလဲဆိုတာ သင်ကြားပေးနိုင်မယ့်အရာမျိုး ကျွန်တော်တို့ လိုအပ်ပါတယ်” လို့ security softwareတွေနဲ့ hardware ထုတ်လုပ်တဲ့ကုမ္ပဏီ SOPHOS ရဲ့စီနီယာအတိုင်ပင်ခံ ဂရေဟမ်ကာလေးက ပြောပါတယ်။

Club Penguin စတင်တည်ထောင်သူ သုံးဦးထဲက တစ်ဦးဖြစ်တဲ့ လိန်းမာဖီးလ်ဒ်က အင်တာနက်မှာ သူ့ရဲ့ ကလေးငယ်တွေအတွက် လုံခြုံစိတ်ချရမယ့်လူမှုဆက်ဆံရေးရရှိဖို့ အခွင့်အရေးအင်မတန်နည်းပါးလွန်းလှသလို ခံစားမိတာကြောင့် Club Penguin ကိုဖန်တီးဖို့ ကြိုးစားဖြစ်ခဲ့ပါတယ်လို့ ဆိုပါတယ်။ Club Penguin ရဲ့ စောင့်ကြည့်သူတွေထဲမှာ Rsnail, Billybob, Fake Happy77, Gizmo, Screenhog, Silvawolf, dblowe, Nanu, Speedybones, Testdec4 နဲ့ Willredfern တို့ကို Club Penguin အသုံးပြုသူကလေးငယ်တွေ အသိများကြပါတယ်။ Club Penguin ဖန်းတီးရှင်တွေထဲက အသက် ၃၃ နှစ်အရွယ် လန်စ့်ပရိဘ်(Rsnail) ဟာ အလုပ်ရှိရာကို စက်ဘီးတစ်စီးနဲ့ရောက်ရောက်လာတတ်ပါတယ်။ သူက Game နဲ့ Art Director ပါ။ ဒေဗ့်ခရစ်ကို(Gizmo)ကတော့ အသက် ၅၆နှစ်အရွယ်ရှိပြီး တွဲဘက်တည်ထောင်သူပါ။ New Horizon Interactive မှာ Rsnail ရဲ့ အလုပ်ရှင်ဖြစ်ခဲ့ပါတယ်။ အသက် ၂၈နှစ်ပဲရှိသေးတဲ့ Club Penguin ဖန်တီးသူ လိန်းမာဖီးလ်ဒ်(Billybob)ကို Club Penguin မှာ အစိမ်းရောင်အင်္ကျီလေးနဲ့ပင်ဂွင်းအဖြစ်တွေ့နိုင်ပါတယ်။

Club Penguin ရဲ့ အစိမ်းရောင်ပင်ဂွင်း ဘီလီဘောဘ့်ရဲ့ အမေးအဖြေတစ်ချို့ ဖော်ပြပေးလိုက်ပါတယ်။

Club Penguin ကို စတင်တည်ထောင်တော့ ခင်ဗျားစိတ်ထဲမှာ ပစ်မှတ်ထားခဲ့တဲ့ကလေး သတ်သတ်မှတ်မှတ်ရှိခဲ့လား။
ဟုတ်ကဲ့။ ကျွန်တော်ရဲ့ကလေးတွေပေါ့။ လန်စ့်မှာလည်း သက်တူရွယ်တူကလေးတွေရှိတယ်။ ဒေ့ဗ်မှာရောပဲ။ ကျွန်တော်တို့မှာ ကလေးတွေအများကြီးပဲရှိတယ်။ တူမလေးတွေ၊ တူလေးတွေလည်းအများကြီးပဲ။ ကျွန်တော်တို့ လိုချင်တာ သူတို့အတွက် လုံခြုံစိတ်ရတဲ့၊ ကြော်ငြာတွေမပါတဲ့၊ အွန်လိုင်းကစားကွင်းတစ်ခု ဖွင့်ပေးချင်တာပါ။

ဘာကြောင့် ပင်ဂွင်းလေးကို ခင်ဗျားရဲ့ ဇာတ်ကောင်အဖြစ်ရွေးချယ်ခဲ့တာလဲ။
ကျွန်တော်တို့ ပင်ဂွင်းကိုရွေးဖြစ်ခဲ့တာက ပင်ဂွင်းလေးတွေရဲ့အစုလိုက်အဖွဲ့လိုက်နေတတ်တဲ့သဘာဝကို သဘောကျလို့၊ ပြီးတော့ ကိစ္စတွေအောင်မြင်ပြီးမြောက်ဖို့ အတူတူလက်တွဲလုပ်ကိုင်ရတယ်။ အုပ်စုလိုက်နေတော့ လုံခြုံစိတ်ချရတယ်။ အဲဒါတွေကြိုက်လို့ရွေးခဲ့တာပါ။ မူရင်းဒီဇိုင်းရေးဆွဲခဲ့တဲ့သူ ဒေ့ဗ်ကို ခင်ဗျားမေးကြည့်ရင်တော့ ပင်ဂွင်းလေးတွေက animation လုပ်ရတာလွယ်တယ်လို့ပဲ သူက ဖြေလိမ့်မယ်။

Club Penguin မှာ ဘယ်ဂိမ်းက ပေါ်ပြူလာအဖြစ်ဆုံးလဲ။
ယူကေမှာ ဘယ်ဂိမ်းတွေကို အများဆုံးကစားနေကြသလဲ ဆိုတာ ကျွန်တော့်မှာ စာရင်းအချက်အလက်မရှိဘူးဗျ။ တစ်ခုချင်းပြောရမယ်ဆိုရင်တော့ EPF( Elite Penguin Force) အသစ်ပေါ့။ ကျွန်တော်တို့ရဲ့ လှို့ဝှက်သူလှိူအစီအစဉ်ဇာတ်လမ်းမျိုးပါ။ ကစားတဲ့သူတွေကိုလည်း EPF ရဲ့ အဖွဲ့ဝင်အဖြစ်လက်ခံတာကြောင့် Club Penguin အုပ်စု အတွက် လှုပ်ရှားတက်ကြွစေတဲ့အပိုင်းတွေဖြစ်တယ်။ အွန်လိုင်းကမ္ဘာကြီးကို ကာကွယ်မယ့်စစ်ဆင်ရေးတွေဖြည့်ဆည်းနိုင်ကြမယ်။

ကလေးတွေရဲ့မိဘတွေရော ရာခိုင်နှုန်းဘယ်လောက် Club Penguin မှာရှိလဲ။ သူတို့ Club Penguin မှာ ဘာတွေလုပ်နိုင်မလဲ ခင်ဗျားမှာရှိတဲ့ စိတ်ကူးလေးပြောပါဦး။
မိဘတွေစိတ်အေးရမယ့်၊ ကလေးငယ်တွေအတွက် ပျော်ရွှင်စရာကောင်းတဲ့ လုံခြုံစိတ်ချရတဲ့ကမ္ဘာမျိုးကျွန်တော်တို့ အမှန်တကယ် တည်ဆောက်ပေးချင်ပါတယ်။ ကျွန်တော်ပြောနိုင်တာကတော့ ကျွန်တော်တွေ့ခဲ့ဖူးတဲ့ မိဘတစ်ဝက်ကျော်လောက်က Club Penguin မှာ ဘယ်လိုအခြေအနေရှိလဲ ဆိုတာ သေသေချာချာနားလည်ကြပါတယ်။ အဲဒါအထူးသဖြင့်အရေးကြီးပါတယ်။ အဲဒီမိဘတစ်ဝက်ကျော်မှာ ကလေးတစ်ယောက်ထက်ပိုရှိမယ်ဆိုရင် ကြီးတဲ့ကလေးတွေက သူတို့ရဲ့ ညီလေးညီမလေးတွေကို ကူညီပြသပေးလိမ့်မယ်။ Club Penguin အတွက် ပိုပြီးသိချင်တဲ့ မိဘတွေအတွက်လည်း အခန်းကဏ္ဍတွေရှိပါတယ်။ မိဘတွေပဲ သီးသန့်အသုံးပြုနိုင်မယ့်ခလုပ်တွေရှိလိမ့်မယ်။ ကိုယ့်ရဲ့ ကလေးအတွက် Club Penguin မှာ ကစားနိုင်မယ့်အချိန်အတိုင်းအတာကို မိဘက သတ်မှတ်ပေးထားနိုင်တာမျိုးတွေရှိပါတယ်။

Club Penguin မှာကစားနိုင်မယ့် ကလေးငယ်တွေ အမြင့်ဆုံးအသက်ဘယ်လောက်ထိ သတ်မှတ်ထားလဲ။ ကလေးတွေအတွက် ဘယ်ဝက်ဘ်ဆိုက်တွေကိုရော Club Penguin ကနေ ညွှန်းပေးဦးမလဲ။
CP က အသက် ၆နှစ်ကနေ ၁၄ အထိ ကလေးငယ်တွေအတွက် ဒီဇိုင်းရေးဆွဲထားပါတယ်။ တစ်နေရာစီရောက်နေကြတဲ့ အဖိုးအဖွားတွေလည်း ပင်ဂွင်းကမ္ဘာထဲမှာ သူတို့ရဲ့ မြေးလေးတွေကို လာကြည့်ကြတယ်။ သူတို့ရဲ့ အဖိုးအဖွားတွေအတူကစားကြတာလည်းရှိပါတယ်။ ဥပမာဆိုဗျာ ကျွန်တော်ခရီးသွားနေတုန်းက တစ်ခါတစ်ရံ CP မှာ ကျွန်တော့်သားနဲ့ တွေ့တယ်။ သူ့ကို နှင်းဘောလုံးတွေနဲ့ ပစ်ပေါက်လိုက်တယ်။ Club Penguin က အမှန်တကယ်တော့ အဲဒီအရွယ်ကလေးငယ်တွေ ငြိမ်းငြိမ်းချမ်းချမ်းဆော့ကစားနိုင်စေဖို့ ဒီဇိုင်းလုပ်ထားတာပါ။ အဲဒီအရွယ်ကလေးတွေက ကျွန်တော်တို့ လူကြီးတွေလုပ်သလို အဖြစ်အပျက်တွေဆွေးနွေးငြင်းခုံနိုင်တဲ့၊ ဓါတ်ပုံတွေ ဝေမျှနိုင်တဲ့ လူမှုကွန်ယက်ဆိုက်တွေ စိတ်ဝင်တစားသုံးနေကြတာထက်စာရင် သူငယ်ချင်းတွေနဲ့ အတူတူ ဆော့ကစားဖို့ကိုပဲ ပိုအားသန်ကြတယ်။ လူကြီးတွေရဲ့အမူအကျင့်မျိုး နည်းနည်းကြီးလာတဲ့ ဆယ်ကျော်သက်လေးတွေမှာတော့ရောင်ပြန်ဟပ်လာကြတယ်။ ဆယ်ကျော်သက်လေးတွေက သူတို့ဘယ်သူဆိုတာ ပိုပြီးဖော်ပြချင်လာကြတယ်။ ပိုပြီး မျှဝေချင်လာကြတယ်။ အဲဒါကြောင့် Myspace နဲ့ Facebook လို လူမှုကွန်ယက်ဆိုက်တွေ ဆယ်ကျော်သက်လေးကြားမှာ အလွန်အမင်းအောင်မြင်နေကြတယ်။ လွတ်လပ်ခွင့်ဆိုတာ ဆယ်ကျော်သက်လေးတွေအတွက် အရေးကြီးတာမှန်ပေမဲ့၊ သူတို့ လုံခြုံစိတ်ချရစေမယ့် နေရာမျိုး ဖန်တီးချင်တဲ့ ကျွန်တော်တို့ရဲ့စိတ်ကူးတွေကိုတော့ ဘယ်တော့မှ ရပ်ပစ်မှာမဟုတ်ဘူး။

ကလေးတွေရဲ့ မိဘ၊ အဖိုးအဖွားတွေလည်း ပူပန်စရာမလိုတဲ့ ကလေးတွေအတွက် လုံခြုံစိတ်ချရတဲ့ အွန်လိုင်းကမ္ဘာလေးအကြောင်း မျှဝေလိုက်ပါတယ်။
လုံခြုံစိတ်ချရတဲ့ ပင်ဂွင်းကမ္ဘာလေးမှာ ကလေးတွေ ပျော်ရွှင်စွာဆော့ကစားနိုင်ကြပါစေ။             ။

source : Meet Lane Merrifield of Club Penguin form www.ukparentslounge.com

Education Digest (Vol 1. No.11)