နှစ်ကုန် အထူးလျှော့ဈေးပွဲတော်တွေမှာ သွက်လက်စွာ

နှစ်တစ်နှစ်ကုန်ဆုံးကာနီးအချိန်ဆိုရင် ဈေးဝယ်ထွက်တာဝါသနာကြီးကြတဲ့ လူကြီးလူငယ်တွေဟာ Black Friday ဆိုတဲ့ လျှော့ဈေးပွဲတော်ချိန်ကို ရင်တဖိုဖိုစောင့်မျှော်တတ်ကြတယ်။ လာမယ့် ၂၀၁၅ Black Friday လျှော့ဈေးပွဲတော်ကတော့ ဘယ်တော့ရောက်မလဲ။ ဒီနှစ်အတွက် ဘယ်ဆိုင်တွေ၊ ဘယ်လိုကုန်ပစ္စည်းတွေ ဒီလျှော့ဈေးပွဲတော်မှာ ပါဝင်လာကြမလဲ ဆိုတာ သိထားချင်ကြမှာပါ။ Black Friday လျှော့ဈေးပွဲတော်ဟာ ယူအက်စ်ကနေစတင်လာတဲ့ ပွဲတော်မျိုးဖြစ်နေပေမယ့် အခုအခါ နိုင်ငံတွေအတော်များများ Black Friday လျှော့ဈေးပွဲတော်ပြုလုပ်လာကြတယ်။ ယူအက်စ်၊ ယူကေ၊ ကနေဒါ၊ မက္ကဆီကို၊ ဘရာဇီး၊ အိန္ဒိယ၊ ပနားမား၊ ကိုစတာရီကာ၊ ရိုမေးနီးယား၊ ဒိန်းမတ်၊ ဆွီဒင်၊ တောင်အာဖရိက၊ ပြင်သစ်၊ နော်ဝေး၊ ဟန်ဂေရီနဲ့ စပိန်နိုင်ငံတွေမှာ အထူးသဖြင့်ပြုလုပ်ကြပါတယ်။ ကမ္ဘာတစ်ဝှမ်းမှာ နှစ်ကုန်လျှော့ဈေးရောင်းချကြတာတွေတော့ အမြဲရှိနေကြပါတယ်။ ပုံမှန်ဈေးလျှော့ရောင်းချတာတွေထက် ဈေးဝယ်ဝါသနာကြီးကြသူတွေကတော့ Black Friday ကို ပိုပြီးစိတ်ဝင်တစားရှိတတ်ကြတယ်။

ခရီးသွားသတင်းများ

နယ်သာလန်က ကမ္ဘာ့ပထမဆုံး သဲနန်းတော်ဟိုတယ်တွေ

ကမ်းခြေတစ်ခုက ဘဝမျိုး နေထိုင်တည်းခိုနိုင်မယ့် စိတ်ကူးပါ။ Netherlands မှာ သဲတွေနဲ့ တည်ဆောက်ထားတဲ့ ဟိုတယ် နှစ်ခုတည်ဆောက်ဖွင့်လှစ်ခဲ့ပါတယ်။ Sneek, Friesland နဲ့ Oss, Brabant မြို့တွေမှာ နှစ်စဉ်ပြုလုပ်လေ့ရှိတဲ့ သဲပန်းပုပွဲတော်တွေရဲ့တစ်စိတ်တစ်ပိုင်းအဖြစ် ပါဝင်တည်ဆောက်ခဲ့တာပါ။ အဗတွင်းဘက်မှာ ပုန်းကွယ်ထုလုပ်ထားတဲ့ ၈မီတာမြင့်မားတဲ့ သဲပန်းပုတွေလည်း ရှိနေကြတယ်။ တစ်ခုက Flintstones ကာတွန်းanimation ရုပ်ရှင်ထဲက ပုံသဏ္ဍန်မျိုးနဲ့ တခြား နဂါးရုပ်တွေ၊ တရုတ်နိုင်ငံက Great Wall နဲ့ Terracotta Army ပုံသဏ္ဍန်တွေ ထုလုပ်ထားတာပါ။ ငယ်ငယ်က ကမ်းခြေတွေမှာ ဆော့ကစားပြီးတည်ဆောက်ခဲ့ဖူးတဲ့ သဲနန်းတော်တွေနဲ့ မတူတာကတော့ နယ်သာလန်က သဲနန်းတော်တွေမှာ အမှန်တကယ် အဝင်အထွက်ပြုလုပ်နိုင်တဲ့ တံခါးပေါက်တွေ၊ လျှစ်စစ်မီး၊ ရေ နဲ့ Wi-Fi အသုံးပြုကြတယ်။

ဂီတသတင်းများ

အဒဲလ်ရဲ့ဆုတွေသိမ်းတဲ့နေရာ ရေချိုးခန်းထဲမှာ

Adele ဟာ သူမ ခက်ခက်ခဲခဲရရှိထားခဲ့တဲ့ဆုတွေကို ရေချိုးခန်းထဲမှာ သိမ်းထားသတဲ့။ ရေချိုးခန်းထဲမှာ အသံလေ့ကျင့်သီဆိုခဲ့ရတဲ့ အဆိုတော်ဝါသနာရှင်မလေးရဲ့ သည်းသည်းထန်ထန်ကြိုးစားအားထုတ်ခဲ့ရပုံကို ပြန်သတိပေးချင်တာကြောင့်လို့ဆိုပါတယ်။ Hello သီချင်းရဲ့ စတား Adele ဟာ ပြီးခဲ့တဲ့နှစ်တွေမှာ ဂီတပရိသတ်တွေရဲ့ ချီးကျူးဂုဏ်ပြုသံတွေ အများကြီးပဲ စုဆောင်းသိမ်းဆည်းနိုင်ခဲ့ပြီးပါပြီ။ ၂၀၀၈ ခုနှစ်က ထွက်ရှိခဲ့တဲ့ အယ်လ်ဘမ် 19 ရဲ့ အောင်မြင်မှုရယ်၊ ၂၀၁၁ က အယ်လ်ဘမ် 21 အပေါ် ဝေဖန်သံညံညံ/ ချီးကျူးသံလှိုင်လှိုင်ရရှိခဲ့တာတေအတွက် ဂီတပရိသတ်ကို အဓိကချီးကျူးစရာပါလို့ Adele ကဆိုတယ်။ Adele စုဆောင်းထားတဲ့ဆုတွေမှာ Grammy Award တွေ၊ Brit Award တွေနဲ့ Ivor Novello gong ဆုတစ်ဆု နဲ့ bond ရုပ်ရှင် Skyfall သီချင်းအတွက် ၂၀၁၃ ခုနှစ်က ရရှိခဲ့တဲ့ Oscar ဆုတွေရယ်ပါဝင်ကြတယ်။