တကယ်ဆို ကျွန်မ မကောင်းခဲ့ပါဘူး

တချိန်တုန်းက ကြမ်းခဲ့ရမ်းခဲ့ဖူးတဲ့ မုန်တိုင်း“နာဂစ်”

ဘတ်စ်ကားကြီးက ဒေးဒရဲ အသွားလမ်းမပေါ်မှာ အပြေးအလွှားမောင်းနှင်နေပါတယ်။ ကျွန်မတို့ရုံးက သူငယ်ချင်းတွေ ဘတ်စ်ကားနှစ်စီးနဲ့ ခရီးတစ်ခုကို အတူထွက်လာခဲ့ကြပါပြီ၊ အပျော်ခရီးတစ်ခုတော့ မဟုတ်ပါဘူးလေ၊ အားလုံးက အတွေးကိုယ်စီနဲ့ ငြိမ်သက်တိတ်ဆိတ်နေလိုက်ကြတာ၊ အားလုံးက လမ်းတစ်လျှောက်အပြင်ဘက်ကို အလုအယက်ငေးရင်း .. ဓါတ်ပုံရိုက်သူရိုက်၊ မှတ်စုစာအုပ်လေးတွေမှာရေးသူက ရေးလို့ အလုပ်ရှုပ်နေကြတယ်။ သတင်းသမားတွေက သတင်းယူနေကြတယ်။ ကျွန်မကတော့ အပြင်ဘက် လမ်းဘေးဝဲယာ အပျက်အစီး အစုအပုံတွေကို စိတ်မကောင်းခြင်းကြီးစွာ ကြည့်နေမိတယ်။ ဘတ်စ်ကားကြီးက အလှူပစ္စည်းတွေလှူဒါန်းမယ့် ဦးတည်ရာရွာလေးတစ်ရွာဆီအရှေ့ကို အပြေးနှင်နေတဲ့အချိန် ကျွန်မရဲ့အတွေးတွေကတော့ နာဂစ်ဆိုင်ကလုံးမလာခင် ရက်ပိုင်း၊ နာရီပိုင်း အချိန်တွေဆီ အပြေး နောက်ပြန်လှည့်နေမိပါတယ်။

အဖြစ်အပျက်တွေက မယုံနိုင်စရာ .... ကြမ်းတမ်းလွန်းလိုက်တာ။

----------------------------------------

၂၀၀၈ ခုနှစ်

“ပြင်းထန်တဲ့ဆိုင်ကလုံးတစ်ခုမြန်မာနိုင်ငံကိုတိုက်ခိုက်ဖို့လာနေတယ် Severe Cyclonic  storm  Nagis in forecast  to strike Myanmar at about 18;00GMT on May”ဆိုတဲ့ စက်ဝိုင်းပုံလမ်းကြောင်းတွေနဲ့ ဖြူဖြူအ၀ိုင်းကြီးတွေပါတဲ့မြေပုံတွေ အဲဒီရက်ပိုင်းသတင်းတွေမှာ တွေ့နေရပါတယ်။ သတင်းတွေကို စိတ်ဝင်စားတတ်တဲ့ ကျွန်မက အလုပ်လုပ်နေရင်းနဲ့ပဲ အချိန်ရရင်ရသလို ဆိုင်ကလုံးနဲ့ ပတ်သတ်တဲ့ သတင်းတွေလိုက်ရှာဖတ်ပါတော့တယ်။ မုန်တိုင်းကြီးက မြန်မာနိုင်ငံဆီတည့်တည့်ကြီးတဲ့၊ သတင်းတွေမှာ မြန်မာနိုင်ငံကိုတိုက်ခိုက်ဖို့လို့ပဲရေးနေကြတယ်။ မြန်မာနိုင်ငံကိုဆိုတဲ့ စကားလုံးကြီးက ကျွန်မစိတ်ကို ယောက်ယက်ခတ်စေတယ်။ တစ်ခါမှ အဲဒီလို သတင်းမျိုးမတွေ့ဖူးခဲ့တာကိုး၊ ဘာကြောင့်ရယ်မသိ အဲဒီအချိန်ကတည်းက ကျွန်မစိတ်ထဲမှာ ထင့်နေပြီး အလွန်အမင်းစိတ်ပူနေခဲ့ပါတယ်။ ရုံးတွင်း forum မှာလည်း တစ်ယောက်စ နှစ်ယောက်စ သူငယ်ချင်းအချို့က သတင်းတွေ ပုံတွေတင်လာကြပါပြီ။ ဒါပေမဲ့  အများစုကတော့ အေးအေးဆေးဆေးပါပဲ၊ ဆိုင်ကလုံးဆိုတာ ကြုံတွေ့ဖူးကြတာမှ မဟုတ်တာ၊ မုန်တိုင်းမလာခင်သုံးလေးရက်လောက်ကတည်းက တွေ့တဲ့သတင်းမှန်သမျှ စုပြီးအိမ်ကိုယူသွားကာ ကျွန်မက မေမေ့ကို ပြရပါတယ်။ မေမေကလည်း သတင်းဆို အမြဲနားစွင့်နေတတ်တဲ့သူလေ၊ တီဗီသတင်းတွေမှာတော့ အဲဒီရက်တွေက အရိပ်အမြွက်တောင် ပြောကြတာတွေမရှိခဲ့ဘူး၊ ဒီလိုနဲ့ပဲ နာဂစ်ဆိုင်ကလုံးကြီးတိုက်ခတ်မယ့် သောကြာနေ့ မေလ ၂ ရက်နေ့ ကို ရောက်လာပါတော့တယ်၊ ရုံးက ပလာဇာရဲ့အပေါ်ဆုံးထပ်မှာ၊ မနက်ပိုင်းကတည်းက ပလာဇာက ဆိုင်ခန်းတွေမှာတော့ လှုပ်လှုပ်ရှားရှားဖြစ်နေကြပြီ၊ နေ့လည်ပိုင်းမှာ ဆိုင်တွေတော်တော်များများပိတ်သွားကြတယ်။ နေ့လည်၂နာရီကျော်လောက်ကြတော့ ရုံးကပြန်လို့ရပြီလို့ ပြောလာပါတယ်။ ဒါနဲ့ ကျွန်မရဲ့သူငယ်ချင်းချောချောနဲ့ နှစ်ယောက်သား ဘတ်စ်ကားနဲ့ပဲ ပြန်လာကြတယ်။ အလံပြဘုရားလမ်းရုံးရှေ့က ဘတ်စ်ကိုပတ်စီးရတယ်။ အဲဒီဘတ်စ်ကပဲ ဆူးလေရှေ့ကနေပြန်ပြီး ကျွန်မတို့ ကျောက်မြောင်းဘက်ကိုသွားတယ်။ အပြန်လမ်းတလျှောက်လုံး ဆူးလေတစ်ဝိုက်မှာ များပြားလှတဲ့လူတွေ၊ သူတို့ အားလုံးမုန်တိုင်းဆိုတာကို ဂရုမပြုအားကြဘူး၊ ပုံမှန်နေ့တစ်နေ့လိုပဲ အလုအယက်တိုးဝှေ့သွားလာနေကြတာပါပဲ၊ “လူတွေ အားလုံး ပုံမှန်သွားလာနေကြတာပဲနော်၊ သူတို့ မသိကြဘူးလား၊ နက်ဖြန် ဒီလိုအချိန်မှာ ဘာတွေဘယ်လိုများဖြစ်နေမလဲမသိဘူး”  သူငယ်ချင်းချောချောကို ကျွန်မဖြည်းဖြည်းလေးလေးကြီး ပြောမိတယ်။ ကျွန်မက တစ်ခုခုဆို စိတ်ပူခဲပါတယ်။ သိပ် စိတ်မပူတတ်ဘူးထင်တယ်။ အဲ့ဒီနေ့ကတော့ စိတ်ထဲမှာလေးလံပြီး ပူပင်နေလိုက်တာ၊ အဲဒီတုန်းကဖြစ်နေခဲ့တဲ့ စိတ်ပူပန်မှုကို အခုထက်ထိတိုင် မှတ်မိနေသေးရဲ့။
(အိမ်ပြန်ရောက်တော့ မေမေက ၀ရံတာမှာ လည်တဆန့်ဆန့်နဲ့ မျှော်နေရှာတယ်။ ကျွန်မကိုမြင်တော့ စောစောပြန်လာလို့ ပျော်သွားတာပေါ့၊ နောက်ခဏနေတော့ ကျွန်မအစ်မလည်း ရုံးကပြန်လာပြီ၊ ဒီလိုနဲ့ ပဲ ညနေထိ မိုးလေးဖွဲဖွဲလေးရွာတာလောက်ပဲ ညဦးပိုင်းအထိတော့ လေခပ်သောသောလေးတိုက်နေတာလောက်ပဲ၊ ကျန်တာကတော့ ဘာမှမထူးခြားခဲ့ပါဘူး။ )

--------------------------------------------------

ကျွန်မစိတ်မကောင်းပါဘူး၊ ကျွန်မဘယ်လောက်ကြီးပဲ စိတ်ပူပန်ခဲ့တယ်ပဲဆိုဆို.... တကယ်ဆို ကျွန်မက disaster တွေကို သိပ်စိတ်ဝင်စားတတ်တယ်။ ဘယ်နိုင်ငံမှာ ငလျင်၊ မုန်တိုင်း၊ မီးတောင် အဲဒီလို သတင်းတွေ သိချင်တယ်။ အဲဒီသဘာဝဘေးအန္တရာယ်ကြောင့် ဒုက္ခရောက်ကြရတဲ့လူ၊ သတ္တ၀ါ၊ တိုက်တာအဆောက်အဦး သဘာဝပတ်ဝန်းကျင်အားလုံးကို ကျွန်မ စာနာသနားရကောင်းမှန်းသိပေမဲ့ ကျွန်မပြောပြီးပါပကောလား၊ ကျွန်မရဲ့ မကောင်းတဲ့ အကျင့်က အဲဒီသတင်းတွေကို အမြဲသိချင်၊ ကြည့်ချင်နေခဲ့တာပါပဲ၊

အဆန်းတကြယ်သိပ်တွေ့ချင်တယ်။ ပန်းကန်ပြားပျံကောင်းကင်ကပျံလာ၊ ဂြိုဟ်သားတွေက တိုက်ပွဲစတင်ပြီး နွဲကြတာကိုလည်း စိတ်ကူးယဉ်ဖူးတယ်။ ဂြိုဟ်သားတွေရဲ့ တိုက်ပွဲမှာ ကျွန်မသေခဲ့ဦးတော့ မသေခင် အဆန်းတကြယ်ကိစ္စကြီး မြင်တွေ့ခဲ့ရတာ တန်ကြေးကြီးလှပါပြီလို့ အတွေးရောက်မိတာလည်း အကြိမ်ကြိမ်ပါပဲ၊ မြင့်မားလာတဲ့ ရန်ကုန် ကန်ထရိုက်တိုက်ခန်းတွေကြားထဲက ဂေါ်ဇီလာကြီးရဲ့ ဦးခေါင်းကြီးပေါ်လာ ...  “အန်း ဟန် .. ” လို့ အာခေါင်ခြစ်အော်သံကြီး ရုတ်တရက်ကြားလိုက်ရကာ ဂျပန်ဂေါ်ဇီလာရုပ်ရှင်ထဲကလို လူတွေဟိုဒီပြေးလွှားကြတဲ့ အဖြစ်အပျက်မျိုးကိုလည်း ကျွန်မ အသက်ခပ်ငယ်ငယ်က ခဏခဏတွေးကြည့်ဖူးတယ်။ မီးရောင်တလက်လက်ညမှာ တိုက်တွေကြားထဲက ထိုးထွက်ပေါ်လာမယ့် ဂေါ်ဇီလာကြီးဦးခေါင်းမြင်ကွင်းကို အခုထက်ထိတိုင် မြင်ယောင်ကြည့်မိဆဲပါပဲ၊ ဂေါ်ဇီလာကြီးမှုတ်ထုတ်လိုက်တဲ့ မီးလျှံတွေကြားထဲ ကျွန်မ ပြာဖြစ်သွားပစေဦး အဲဒီလို အဖြစ်အပျက်မျိုးသိပ်တွေ့ချင်ခဲ့ပါတယ်။ နာကျင်တဲ့ဒဏ်ကို ခံစားရမှာတော့ အဟုတ် ကြောက်တတ်ပါတယ်။

မေလ ၂ ရက်နေ့ ညဦး....

ရှစ်နာရီလောက်မှာ ကောင်းကင်ကြီးကို ကြည့်မိတယ်။ တိမ်တွေက အရှေ့မြောက်အရပ်ကနေ အနောက်တောင်ဘက်ဆီ ရွေ့နေကြတယ်။ ခပ်သောသောလေးပဲ၊ အဲဒီလောက်ပဲ၊ ၀ရံတာမှာရပ်ကြည့်ပြီး အိမ်ထဲကို ၀င်လိုက်၊ ၀ရံတာကိုပြန်ထွက်လိုက် ကျွန်မတစ်ချက်လေးမှ အငြိမ်မနေနိုင်ခဲ့ဘူး၊ ပတ်ဝန်းကျင်က အေးအေးဆေးဆေးပဲ အားမရလိုက်တာ၊ ကျွန်မ စိတ်မကောင်းပါဘူး၊ အဲဒီလို တကယ်ကိုတွေးခဲ့ပါတယ်။ အဲဒီနေ့က မီးလာတဲ့ရက်ပေါ့ ... တီဗီသတင်းမှာ ..မုန်တိုင်းရှိနေတယ်ဆိုတဲ့ သတင်းစာတမ်းလေးတွေ စကရင်အောက်ခြေနားမှာ ပြေးနေကြတယ်။ မိုလေးတဖွဲဖွဲရွာလာတယ်။ နောက်တော့ ငြိမ်သွားပါသေးတယ်။ ကျွန်မတို့ ညီအစ်မနှစ်ယောက်လည်း အိမ်နားကမုန့်ဆိုင်ကို မုန့်သွားဝယ်ကြပါတယ်။ အိမ်ပြန်ရောက်တော့ ၀ရံတာကိုထွက်ကြည့်ပြန်တယ်။ သူငယ်ချင်းတစ်ယောက်ကို message ပို့တယ်။ မုန်တိုင်းက ဒါပဲလား၊ ပြီးသွားပြီလား ဆိုပြီးမေးတယ်။ သူငယ်ချင်းတွေလည်း သေချာမသိကြပါဘူး၊ တိုက်သွားပြီလား မတိုက်သေးဘူးလား သူတို့လည်းမပြောနိုင်ကြဘူး၊ ည ၁၀နာရီလောက်ကျော်လာတော့ လေသံပြင်းလာပြီး ကောင်ကင်အရှေ့မြောက်ကရွေ့နေကြတဲ့တိမ်တွေက အလောတကြီးပြေးလွှားနေကြပြီ၊ နာဂစ်လာပြီထင်ရဲ့၊  အဆန်းတကြယ်ကိစ္စရပ်ကြီးတွေ့ရတော့မယ်ဆိုပြီး ရင်ထဲ ဒိတ်ကနဲခုန်ကာ စိတ်လှုပ်ရှားသွားပါသေးတယ်။ ကြောက်လန့်တာမျိုးမဟုတ်တာ ကိုယ့်ဘာသာအသိဆုံးပါပဲ၊ ကျွန်မ မကောင်းတာပါ။

လေသံတွေနည်းနည်းပိုပြင်းလာတာနဲ့ ကျွန်မ ပိုပိုပြီး စိတ်လှုပ်ရှားလာမိတယ်။ လေသံက ပြင်းလာလိုက်တာ၊ တခဏလေးပဲ အခြေအနေက ပြောင်းလာပြီ ပတ်ဝန်းကျင်တစ်ခုလုံး လေသံတွေတဝေါဝေါကြားလာရပြီ၊ တချက်တချက်ကျွန်မတို့ရဲ့ ကန်ထရိုက်တိုက်ခန်းလေးက သိမ့်ကနဲ ခါသွားတယ်။ ခေါင်းမူးလိုက်တာ၊ မီးပျက်သွားခဲ့ပါပြီ၊ ည ၁၂ နာရီနောက်ပိုင်းတော့ လေသံတွေပိုပြင်းလာခဲ့ပြီ၊ ကျွန်မခေါင်းထဲမှာလည်း မူးဝေနေခဲ့ပါပြီ၊ အစ်မက  မီးမပျက်ခင်ရေနွေးတွေအပြည့်ဖြည့်ထားခဲ့သေးတယ်။ ရေနွေးနဲ့ နို့မှုန့်ထုတ်တစ်ထုတ်ဖျော်ပြီးပေးတယ်။ “နွားနို့သောက်လိုက်” တဲ့၊ မေမေကတော့ စိတ်ပူလို့ပဲလား၊ ကြောက်လို့ပဲလား အိပ်ရာထဲမှာ၊ မေမေက အိပ်မောကျနေသေးရဲ့၊ “မူးလိုက်တာနော်” လို့ ပြောမိသေးတယ်။ အဲဒီအချိန်ထိ ကျွန်မ ကြောက်လန့်ရကောင်းမှန်းမသိသေးဘူး၊ အဆန်းတကြယ် .. အဆန်းတကြယ်ဆိုတဲ့ အဖြစ်အပျက်ကြီးကိုပဲ ပျော်မွေ့နေတုန်းပဲ၊ သူငယ်ချင်းက message ပို့လာတယ်။ “ကဲ သီပြီလား” တဲ့ အဲဒါလေးပဲ၊ ကျွန်မက ပြုံးရုံလေးပြုံးလိုက်တယ်။ မကြောက်သေးပါဘူး၊ ဒီ့ထက်ပိုပြီး လေသံတွေနားစွင့်နေခဲ့မိသေးတာပါပဲ၊ တကယ်ပဲ ... ကျွန်မ မကောင်းတာပါ၊

နောက်တော့ လေသံတွေပိုပိုပြီးကြမ်းရမ်းလာခဲ့ပြီ၊ အစ်မက ဖုန်းနံပါတ် “---”ကို ခဏခဏ ဖုန်းဆက်မေးတယ်။ ဖုန်းကတချိန်လုံးမအားပါဘူး၊ တချက်တချက်ဖုန်းဝင်သွားတဲ့အချိန် အစ်မကမေးတယ်။ “မုန်တိုင်းဘယ်မှာလဲ၊ ဘယ်ကိုတိုက်နေပြီလဲ” တဲ့၊

အရေးပေါ်ဖုန်းနံပါတ် “----” က ဖြေကြားပေးတယ်။ “အခု မုန်တိုင်းက ရန်ကုန်မြို့အစပ်မှာ၊ ရန်ကုန်မြို့ကို စပြီးဝင်နေပြီ” တဲ့၊ အိုး ..ကျွန်မ ပထမဆုံးအကြိမ် လန့်ဖျတ်သွားခဲ့ပါတယ်။ အခုမှ ရန်ကုန်မြို့အစပ်မှာ ၀င်ကာစဆိုပါလား ဒါဆိုရင် တည့်တည့်ရောက်လာတဲ့အခါ ... ကျွန်မ ကြက်သိန်းတွေတဖြန်းဖြန်းထပြီး စတင်ကြောက်လန့်လာခဲ့ပါတယ်။ အဲဒီနောက်မှာတော့ နာဂစ်မုန်တိုင်းကြီး ကြမ်းရမ်းပုံတွေက တစ်ညလုံးပဲ၊ အရှိန်ယူပြီး ပြေးဆောင့်လိုက်တဲ့ လေပြင်းတွေကြားထဲမှာ အဆောက်အဦးတွေ အားတင်းကြံ့ကြံ့ခံနေခဲ့ကြရတယ်။ မိုးလင်းရင် သက်သာသွားမှာပဲလို့ အလင်းရောင်ကို မျှော်ခဲ့ကြတဲ့ ကျွန်မတို့ သုံးယောက်၊ အလင်းရောင်လာပြီးတဲ့နောက် ပိုပိုပြီး ဒေါသတကြီး ကြမ်းတမ်းလာတဲ့ နာဂစ်ကို မြင်တွေ့ခဲ့ရတဲ့အခါ ကြောက်လန့်အားငယ်စိတ်တွေက မုန်တိုင်းနဲ့အတူပဲ ပြင်းထန်လာလိုက်တာ၊ ကျွန်မတို့ ဒီမုန်တိုင်းအန္ထရာယ်ကလွတ်မြောက်ပါတော့မလား၊ စိတ်အားငယ်ငယ်ဖြစ်နေခဲ့ကြပြီ၊ ဘုရားစာအကြိမ်ကြိမ်ရွတ်ရင်းဆုတောင်းနေကြရုံပဲ၊ လေပြင်းတိုက်ခတ်သံတွေကြားထဲမှာ ကြောက်လန့်တကြားအော်ဟစ်သံတွေလည်း ကြားရတဲ့အခါ .. ပတ်ဝန်းကျင်တစ်ခုလုံးဟာ နာဂစ်မုန်တိုင်းလေပြင်းတွေကြားထဲမှာ ကြေမွပျက်စီးကုန်ကြပြီလား .. ကျွန်မ အပြင်းအထန် စိုးရိမ်နေမိခဲ့ပါတယ်။ အဆန်းတကြယ်ဖြစ်ရပ်ကြီးကြားထဲ အားလုံးဘေးရန်ကင်းကြစေဖို့ အကြိမ်ကြိမ် ဆုတောင်းနေမိခဲ့တယ်။ သနားစဖွယ် စာငှက်ငယ်လေးတွေပါ မကျန်စေရဘူးပေါ့။

မေလ ၃ ရက် ၁၁ နာရီဝန်းကျင်မှာတော့ နာဂစ်မုန်တိုင်းကြီး ကျွန်မတို့ဝန်းကျင်က ထွက်ခွာသွားခဲ့ပါတယ်။ အဆန်းတကြယ်ဖြစ်ရပ်ဆိုတာမျိုးက တကယ်တော့ အင်မတန်ထိတ်လန့်တုန်လှုပ်စရာကောင်းပါတယ်။ ကျွန်မ ဒီလို ဖြစ်ရပ်မျိုးတွေ ကြုံတွေ့ဖူးချင်ခဲ့တယ်။ ဒီအသက်အရွယ်အထိ သဘာဝဘေးအန္ထရာယ်တစ်ခါမှ မကြုံတွေ့ခဲ့ဖူးတဲ့ ကျွန်မ .. နားမစွင့်သင့်တာကိုနားစွင့်ခဲ့သေးတယ်၊ မတွေ့သင့်တာကို တွေ့ချင်မြင်ချင်ခဲ့မိသေးတယ်၊ ကျွန်မ မကောင်းခဲ့တာပါ။

လေငြိမ်သွားတဲ့အခါ အိမ်နားကိုလျှောက်ကြည့်ကြတယ်။ ပတ်ဝန်းကျင်တစ်ခုလုံးဟာ ရှုပ်ပွနေလိုက်တာ၊ လူ့ဘီးလူကြီးတွေ အားကုန်လှည့်ပတ် ဆော့ကစားသွားကြသလိုပဲ၊ အပင်၊ အိမ်တွေရဲ့ခေါင်မိုးပြားတွေဟာ မြေပေါ်မှာနေရာမလပ် ပြည့်နှက်လို့နေတယ်။ လမ်းတွေပေါ်မှာ မွစာကြဲနေတော့တာပဲ။

တနင်္လာနေ့ ရုံးဖွင့်တဲ့နေ့မှာတော့ ကျွန်မရုံးကိုထွက်ခဲ့တယ်။ ဘတ်စ်ကားအကြီးတွေက မသွားတော့ဘူး၊ ဒိုင်နာကားတစ်စင်းခုံတွေဖြုတ်ထားပါတယ်။ ကျောက်မြောင်းကနေ မြို့ထဲဘက်ကိုထွက်တဲ့  အဲဒီကားနဲ့ပဲ စီးခဲ့လိုက်တယ်၊ ရုံးကအသိတစ်ယောက်လည်းတွေ့တာမို့ ကျွန်မကိုလိုက်ပို့တဲ့ အစ်မကလည်း စိတ်ချသွားပြီး သူ့ရုံးရှိရာနေရာကိုရောက်မယ့်ကားဆီ သွားပါတယ်။ ဆူးလေကနေ အလံပြဘုရားလမ်းရှိရာ သူငယ်ချင်းနဲ့ လမ်းလျှောက်ခဲ့ကြတယ်။ မြို့ထဲ မြင်မြင်သမျှ အပျက်အစီးတွေ တွေ့နေရတာပါပဲ၊ ရုံးရှိတဲ့ လပြည့်ဝန်းပလာဇာအပေါ်ဆုံးထပ်ကို တက်ကြမယ်ဆိုတော့ မီးတွေပြတ်တောက်သွားကြပြီမို့ lift လည်း သုံးလို့မရတော့ဘူး၊ လှေကားကနေတက်ခဲ့ကြတယ်။ လှေကားမှာလည်း မှန်တွေကွဲကျထားတာပြည့်နေတာပဲ၊ ရုံးကလည်း အပေါ်ဆုံးထပ်ဆိုတော့ ခေါင်မိုးက မိုးယိုတာတွေရှိတယ်၊ အမိုးတွေကွာကျတယ်။ မုန်တိုင်းတိုက်ပြီဆို အခန်းတံခါးတွေအလုံပိတ်မထားသင့်ဘူးဆိုလို့ တံခါးတွေဖွင့်ထားတော့ အတွင်းမှာလည်း ဖွာရရာကျဲနေတာပါပဲ၊ အတွင်းခန်းက မှန်တံခါးတွေကွဲကျနေတယ်။ ညစောင့်အိပ်ပေးကြတဲ့ ရုံးက၀န်ထမ်းယောက်ျားလေးတွေက ကွန်ပျူတာတွေအားလုံးကို လေ၊ မိုးလွတ်တဲ့အတွင်းခန်းတွေမှာ ရွှေ့ထားပေးကြတော့ ကွန်ပျူတာတွေတော့ မပျက်စီးကြဘူး၊ ကျွန်မနဲ့ ရုံးကိုလာတဲ့သူငယ်ချင်းအချို့ ကိုယ့်ကွန်ပျူတာတွေကိုပြန်ဆင် အမှိုက်တွေလှည်း ကူလုပ်ပေးကြတယ်။ ပူအိုက်တဲ့အချိန် ရေမရှိကြလို့ ရေလည်းမချိုးနိုင်ပါဘူး၊ သောက်ရေတောင်ရှားရှားပါးပါး သောက်နေရပေမဲ့ ကျွန်မတို့ စိတ်မညစ်ကြဘူး၊ ကိုယ်တတ်နိုင်တဲ့နေရာလေးကနေ စပြီး ရှင်းလင်းကြရတာပါပဲ၊ ဧရာဝတီတိုင်းက မြို့ရွာလေးတွေမှာ လူတွေအများကြီး သေကြေပျက်စီးကြရတာတွေက နေ့တိုင်းသတင်းတွေမှာ ကြားနေရတော့တယ်။ ဒီလိုနဲ့ပဲ ရုံးပုံမှန်အတိုင်း တက်လို့ ရပြီး ၁လလောက်အကြာ အင်တာနက် ပထမဆုံးပြန်ရတဲ့ နေ့က သတင်းငတ်နေတဲ့ ကျွန်မအဖို့ အလောတကြီးသတင်းတွေရှာဖွေဖတ်တော့တယ်။ အိုး ... ပျက်သုဉ်းခဲ့ကြတဲ့ အသက်အိုးအိမ်စည်းစိမ်တွေဆိုတာ အများကြီးပဲ၊ ကျွန်မ တကယ်စိတ်မကောင်းဖြစ်မိတယ်။ ၀မ်းနည်းလိုက်တာ၊ ကျွန်မရဲ့ အဆန်းတကြယ်ဖြစ်ရပ်တွေ့ချင်တဲ့ ရူးနှမ်းနှမ်းစိတ်ကူးကြီးက အခုချိန်မှာ လူသေလက်နက်လိုပဲ၊ မထိရဲမကိုင်ရဲ မတွေးရဲလောက်အောင်ကြောက်လန့်စရာဖြစ်သွားခဲ့ပါပြီ။

ရန်ကုန်မှာ နည်းနည်းပုံမှန်လည်ပတ်လာနိုင်တာနဲ့ မုန်တိုင်းဒဏ်အဆိုးဆုံးခံခဲ့ရတဲ့ ဒေသတွေကို လှူဒါန်းကူညီတဲ့အဖွဲ့တွေ လှုပ်ရှားကြရပြီ၊ ရုံးက (၇ ဒေး ဂျာနယ်)က ဦးဆောင်ပြီး ဧရာဝတီဒေသကရွာတွေကို သွားလှူဖို့ ပစ္စည်းတွေစုဆောင်းကြတော့ ကျွန်မတို့ တခြားဌာနက သူငယ်ချင်းတွေလည်း ကြည့်မနေနိုင်ကြပါဘူး၊ အားလုံး တတ်နိုင်သလောက်ဝိုင်းပြီးလှူဒါန်းကြတယ်။ မန္တလေးက အစ်မက အိမ်မှာ ဆန်ပြတ်မှာစိုးလို့ ဆန်တအိတ်ပို့ပေးတာကိုလည်း ကျွန်မစုဆောင်းသိမ်းဆည်းမထားနိုင်ဘူး၊ မနက်ဖြန်ဆိုတာ မသေချာပါဘူး၊ ကိုယ့်ထက်အများကြီး အခြေအနေဆိုးတဲ့ သူတွေရှိနေကြတယ်လေ၊ ကိုယ့်မှာလည်း ဆန်များများမရှိပေမဲ့ မေမေ့ကို ခွင့်တောင်းတော့ မေမေက ချက်ချင်းပဲ “လှူပါ လှူပါနဲ့” ရက်ရက်ရောရောဆိုရှာတယ်။ တကယ်က အဲဒီအချိန် ဆန်ဝယ်ရခက် ရေ၀ယ်ရခက် ခက်ခဲနေခဲ့တဲ့အချိန်ပါပဲ၊ ဈေးနှုန်းတွေကို တိုးမရောင်းဖို့ ဂျပန်နိုင်ငံမှာလို ဥပဒေနဲ့ ထိန်းမထားနိုင်တာကြောင့် ဘေးအန္ထရာယ်ဆိုးကြီးနောက်မှာ ဈေးတင်ရောင်းကြလို့ ပစ္စည်းတွေဝယ်ရတာ ဈေးတွေကြီးလာလိုက်တာ၊ ရေသန့်တစ်ဗူးလောက်ဝယ်ရဖို့ ဆိုင်လေးတွေမှာလိုက်ရှာဝယ်ရတယ်။ ဈေးနှုန်းကတော့ မတန်တဆပဲပေါ့၊ ပထမတစ်ခေါက်ရုံးက သွားလှူကြတော့ အခြေအနေတွေက ဘယ်လိုမှန်းမသိသေးဘူး၊ မေမေကလည်း လိုက်ဖို့ သဘောတူမှာမဟုတ်ဘူး၊ နောက်တစ်ခေါက်တော့ ကျွန်မ မနေနိုင်တော့ဘူး၊ ကိုယ့်မှာ အပြစ်ရှိသလိုကြီးခံစားရတယ်။ လူတွေအများကြီးဒုက္ခရောက်နေကြတဲ့ အချိန်မှာ ရန်ကုန်မှာ ငြိမ်ငြိမ်လေး အေးအေးသက်သာမနေနိုင်တော့ပါဘူး၊ အဲဒါနဲ့ မေမေ့ကိုတော့ ရေလမ်းမပါဘူးလို့ပဲ ပြောရတယ်။ မေမေက မလွှတ်ချင်လွှတ်ချင်နဲ့၊ ကျွန်မစိတ်အားထက်သန်နေတာကိုကြည့်ပြီး လွှတ်ပါတယ်။ ကျွန်မရဲ့ အချစ်ဆုံးသူငယ်ချင်းလေး ချောချောကလည်း သူကလည်း လိုက်မယ်တဲ့၊ တကယ်ဆို သူရော ကျွန်မပါ ရုံးက အပျော်ခရီးတွေပို့ပေးရင်တောင် မလိုက်ဖြစ်ကြပါဘူး၊ ချောချောကဆို ကားမူးတတ်တာနဲ့ သူပင်ပမ်းမှာသိပေမဲ့ သူလည်း ကျွန်မလိုပဲ ပစ္စည်းလေးတွေ အပင်ပမ်းခံပြီး သွားလှူချင်တာပါပဲ။

အဲဒီညက ရုံးမှာ ပစ္စည်းတွေထုတ်ပိုးပြင်ဆင်ကြတာကိုကူကြတယ်။ သွားလှူမယ့်ရွာမှာ လူဘယ်နှစ်ယောက်၊ ကလေးဘယ်နှစ်ယောက်ဆိုတာ စာရင်းရှိပြီးသားဆိုတော့ လူဦးရေ အရေအတွက်အတိုင်း ပစ္စည်းတွေကို တစ်ပုံစီထုတ်ကြတယ်။ ဆန်အိတ်တွေကို အညီအမျှထုတ်ကြတယ်။ ဆန်တွေလည်းအလှူတော်တော်များရပါတယ်။ အ၀တ်အထည်ဆိုင်တွေကလည်း အ၀တ်အစားအသစ်တွေလှူကြတယ်။ အ၀တ်အထည်ဟောင်းတွေလည်း ရသမျှစုယူသွားကြတာပါပဲ၊ မုန်တိုင်းဒဏ်သင့်ခဲ့တဲ့သူတွေမှာ ဘာဆိုဘာမှ ကျန်ခဲ့ကြတာမှ မဟုတ်တာ၊ သူတို့တွေအတွက် လိုအပ်ချက်တွေကအများကြီးပဲ။ ပစ္စည်းတွေထုတ်ပိုးပြီးတော့ ရုံးက ကျွန်မတို့ကွန်ပျူတာတွေထားတဲ့အခန်းမှာပဲ အခင်းလေးခင်းပြီး ချောချောနဲ့ကျွန်မ မျက်နှာချင်းဆိုင်အိပ်လိုက်၊ ကျောချင်းကပ်အိပ်လိုက်နဲ့၊ တကယ်တော့ အိပ်ကြည့်တာပါ၊ ဘယ်လိုမှ အိပ်မပျော်ပါဘူး၊ ဒီလိုနဲ့ ကျွန်မတို့ ဘတ်စ်ကားနှစ်စင်းနဲ့ ခရီးစခဲ့ကြတယ်။ ဘတ်စ်ကားက မှန်လုံမဟုတ်တဲ့ တံခါးပေါက်တွေ လေးဘက်လေးတန် အကုန်ပွင့်နေတဲ့ကားမို့ ချောချောကတော့ ခေါင်းမူးပြီး အန်မယ့်ရန်က ငြိမ်းပြီ ဆိုပြီး ပျော်နေရှာတယ်။ ဒီလိုနဲ့ပဲ ......... ခရီးစခဲ့ကြတယ်။ ကျွန်မတို့ သွားလှူကြမယ့်ရွာလေးက တမာတကောရွာလေး ပင်လယ်ဝနားမှာ၊ ဒေးဒရဲကနေ သင်္ဘောပြောင်းစီးကြရမှာတဲ့ ............ ။

------------------------------------------------------------------

ဒေးဒရဲကိုရောက်ပြီ၊ ကျွန်မရဲ့ နောက်ပြန်လှည့်နေတဲ့ အတွေးစတွေဖြတ်ပြီး ရှေ့က တမာတကောရွာလေးဆီကို ခရီးဆက်ကြဖို့ ပြင်ရပြီ။

ဒေးဒရဲတံတား မြစ်ဆိပ်နားမှာ ကားတွေရပ်ကြပါတယ်။ လှူဒါန်းမယ့်ကားတစ်စီးလာတာနဲ့ ဘုန်းကြီးတစ်ချို့၊ လူတစ်ချို့စာရင်းစာရွက်လေးတွေကိုင်ပြီး သူတို့ဘယ်ရွာကပါ အလှူပစ္စည်းတွေလိုနေတယ်။ တစ်ရွာလုံး ဘာမှ အထောက်အပံ့မရဘူးလို့ ပြောလာကြတဲ့ ရွာလေးတွေအများကြီးပဲ၊ ကောင်းကင်မှာ ရဟတ်ယာဉ်နှစ်စီးက ဝေ့၀ဲနေခဲ့ပါတယ်။ ကျွန်မတို့ အဖွဲ့ကို ဦးဆောင်တဲ့ ၇ဒေးက မောင်နှစ်မတွေက သူတို့မှာ ရွာတစ်ရွာနဲ့ အဆက်အသွယ်လုပ်ပြီးသားမို့ တစ်ခြားရွာတွေ မလှူနိုင်ဘူးဖြစ်နေတာကို ပြောပြကြတယ်။ စိတ်မကောင်းကြပါဘူး၊ တတ်နိုင်သလောက် အားလုံးကိုလှူချင်ကြတာပေါ့၊ အလှူရှင်မရတော့ ငိုင်တွေသွားတဲ့မျက်နှာလေးတွေမြင်ရတာလည်း စိတ်မကောင်းဘူး၊ သင်္ဘောငှားနေတဲ့အချိန် မြစ်ကမ်းအနီးက လမ်းမပေါ်မှာပဲ ကျွန်မတို့စောင့်နေကြတယ်။ နေပူလိုက်တာ၊ အဲဒီလောက်က ဘာဖြစ်သေးလဲ နေပူတာများ ဂရုမစိုက်နိုင်ပါဘူး၊ နောက်တော့ သင်္ဘောနှစ်စင်းငှားလို့ ရသွားကြတယ်လို့ လာပြောတယ်။ သင်္ဘောတွေပေါ်အလှူပစ္စည်းတွေတင်ဖို့ ကျွန်မတို့ လုပ်ငန်းစကြပါတယ်။ သင်္ဘောကမ်းကပ်ထားတဲ့နေရာနဲ့ ကားရှိတဲ့ လမ်းနေရာအထိကို လူတွေတမ်းစီပြီး နေရာယူကြတယ်။ လက်ဆင့်ကမ်းသယ်ပေးဖို့အတွက် ဆန်အိတ်တွေကလေးတာကြောင့် မိန်းကလေးတွေ မသယ်ပဲနေလို့ရတယ်ဆိုပေမဲ့ သင်္ဘောနဲ့ ကားလမ်းမကဝေးနေတယ်။ ကျွန်မတို့လည်း ယောက်ျားလေး မိန်းကလေး ခွဲခြားမနေချင်ကြဘူး၊ ကျွန်မနဲ့ ချောချောလည်း နေရာဝင်စီလိုက်ကြတာပါပဲ၊ နေပြင်းပြင်းပူနေတဲ့ အချိန်မှာ ဆန်အိတ်တွေလက်ဆင့်ကမ်းသယ်ကြတာ တသက်မမေ့စရာပါပဲ၊ ကိုယ့်အလှည့်ရောက်လာရင် နှောင့်နှေးမနေစေချင်တာကြောင့် ခပ်မြန်မြန်လေး လက်ဆင့်ကမ်းကြတယ်။ ချွေးတပြိုက်ပြိုက်ကျလိုက်၊ ချွေးစက်တွေကမျက်နှာကို ယားကျိကျိဖြစ်စေလိုက်နဲ့၊ ချွေးစက်တွေလည်း မသုတ်အားပါဘူး၊ ပိုပြီးဆိုးတာက ကျွန်မတို့ လူတန်းကြီးရဲ့အရှေ့မှာ အမှိုက်ပုံအကြီးကြီးရှိနေတာပါပဲ၊ အမှိုက်ပုံမှာ စွန့်ပစ်ထားတဲ့ ၀က်မစင်တွေကလည်း အမှိုက်ပုံကအမှိုက်တွေရဲ့အနံ့ကို ပိုပြီးဆိုးဆိုးဝါးဝါးဖြစ်နေစေတယ်။ ကျွန်မတို့အားလုံးကို mask တွေဝေထားကြသေးတယ်။ နှာခေါင်းကို mask နဲ့ ဖုံးကာထားတာတောင် အနံ့ဆိုးတွေ မကာကွယ်နိုင်ပါဘူး၊ ဒါလည်း ဘယ်သူမှ ဂရုမစိုက်နိုင်ကြဘူး၊ အားလုံး ပြုံးပြုံးရွှင်ရွှင်ပါပဲ၊ သင်္ဘောပေါ်ကို အလှူပစ္စည်းတွေမြန်မြန်ရောက်ဖို့ပဲ စိတ်လောနေကြတယ်။ တချို့ယောက်ျားလေးတွေကလည်း

လူတန်းနဲ့ မဟုတ်ပဲ တစ်ယောက်ချင်းစီ ပစ္စည်းတွေခပ်များများထမ်းပြီး သယ်ပေးကြတယ်။ သင်္ဘောတွေပေါ်ကိုပစ္စည်းတွေအားလုံးရောက်တာနဲ့ ကျွန်မတို့အားလုံး ၀မ်းသာအားရအော်ဟစ်လိုက်ကြပါတယ်။ သင်္ဘောဆိုပေမဲ့ တကယ်က လှေအကြီးစားကြီးတွေပါ၊ ပင်လယ်ထဲအထိ ခရီးထွက်နိုင်တဲ့ လှေအကြီးကြီးတွေရဲ့ ပုံစံက ရေလမ်းခရီးမသွားဘူးတဲ့ ကျွန်မအတွက် အထူးအဆန်းဖြစ်နေပါတယ်။ ခရီးဆက်ကြတော့မယ်။ တမာတကောရွာလေးဆီကိုလေ ...

လှေနှစ်စီး သိပ်မဝေးစေပဲ ရွာလေးဆီကို မောင်းနှင်ကြတယ်။ ကျွန်မသွားတဲ့အချိန်က မုန်တိုင်းအပြီး ၁ လ ကျော်ပြီးမှ ဆိုတော့ လူသေအလောင်းတွေ နေရာအနှံ့အပြားမှာ မတွေ့ရတော့ပါဘူး၊ ဒါပေမဲ့ အလောင်းတချို့ရဲ့ ခြေရာလက်ရာပုံစံ အစအနတွေတော့ ဟိုနား ဒီနားတွေ့ရတတ်ပါတယ်။ ကမ်းနားဆီက အပင်တွေရဲ့ ရေထိထားတဲ့အရွက်တွေ သစ်ကိုင်းတွေကို ကြည့်ပြီး ဘယ်လောက်အမြင့်ထိ ရေတွေတက်ခဲ့သလဲ ဆိုတာလည်း သိနိုင်တာပဲ။ လူသုံးလေးရပ်စာမက အမြင့်ဆီမှာ သစ်ကိုင်းတွေဟာ ရေထိတားတဲ့သဏ္ဍန်၊ ညိုဝါ၀ါရောင်တွေရယ်၊ ရေစီးတဲ့ဘက်တဘက်တည်းကို ဦးတည်နေကြတဲ့ သစ်ရွက်ခြောက်ဝါ၀ါတွေရယ်၊ တစ်ခါတစ်ရံသစ်ကိုင်းတွေပေါ်မှာ ချိတ်နေတဲ့ အ၀တ်စတွေရယ်က ပြီးခဲ့တဲံ ၁လကျော် မေ လ ၂ ရက် နေ့က အဖြစ်အပျက်တွေကို ပုံဖော်နေဆဲပါပဲ။

ပင်လယ်ဝမရောက်ခင် မြစ်လက်တက်တစ်ခုထဲမှာဆောက်ထားတဲ့ ၀ါးအိမ်လေးတစ်ခုမှာ ကျွန်မတို့ နေ့လည်စာစားဖို့ အိမ်ပိုင်ရှင်ကိုခွင့်တောင်းကြတယ်။ မွန်းလွဲပိုင်းကျော်နေပြီ၊ အိမ်ပိုင်ရှင်က ၀မ်းသာအားရနဲ့ အားလုံးကို ဖိတ်ခေါ်ပါတယ်။ ကျွန်မတို့ လှုပ်လီလှုပ်လဲ့ ၀ါးအိမ်လေးပေါ်တက်ခဲ့ကြတယ်။ အခင်းတွေက ကျဲတဲ့နေရာကကျဲနဲ့ပါပဲ၊ နေ့လည်စာကို အသင့်ယူလာတဲ့ ဖော့ဗူးအဖြူလေးတွေမှာ တစ်ယောက်စီအတွက်ထည့်ပေးကြတယ်။ တခါသုံးဇွန်းလေးတွေဝေပေးတယ်။ ချဉ်ပေါင်ကျော်နဲ့ ထမင်း၊ ပြီးတော့ မေမေအိမ်က ထည့်ပေးလိုက်တဲ့ လက်ဖက်သုတ်နဲ့ စားကြတဲ့ အဲဒီထမင်းဝိုင်းလေးက အရသာရှိလိုက်တာ၊ အဲဒီနေ့လည်စာလေးကိုလည်း ဘယ်တော့မှ မမေ့တော့ဘူး၊ အောက်ကရေတွေမှာ သိပ်မကြာသေးခင်အချိန်တွေအထိ လူသေအလောင်းတွေ မြောနေခဲ့ကြတယ်တဲ့၊ ၀ါးအိမ်လေးရဲ့ပိုင်ရှင်က ရှင်းပြနေတာကို သူငယ်ချင်းအချို့က စကားလက်ဆင့်ကမ်းပြောပြကြတယ်။ ကျွန်မတို့ ထမင်းစားနေတဲ့အချိန်မှာလည်း ရေတွေရဲ့အနံ့အသက်က ဆိုးဝါးနေဆဲပဲ၊ ပင်ပမ်းပြီး စားမ၀င်ဘူးလို့ ထင်ထားပေမဲ့ ကျွန်မတော့ ထမင်းထပ်တောင်းရတဲ့အထိ စားကောင်းခဲ့တဲ့ နေ့လည်စာလေးပါပဲ၊ နေ့လည်စာပြီးတော့ ကျွန်မတို့ ခရီးဆက်ကြတယ်။

ပင်လယ်ဝကိုရောက်ပြီတဲ့၊ ကျယ်ပြောလိုက်တာ မြစ်ကနေ ပင်လယ်ကြီးဆီကို တိုးဝင်လာတဲ့နေရာကိုရောက်လာခဲ့ကြပြီ၊ ပင်လယ်ဝကိုကျော်ပြီး အနီးက မြစ်လက်တက်တစ်ခုကို လှေတွေ ဆက်ပြီးမောင်းနှင်ကြတယ်။ မြစ်လက်တက် တစ်ခုက မောင်းနေရင်း မောင်းနေရင်းနဲ့ ပိုပိုပြီး ကျဉ်းမြောင်းလာလိုက်တာ၊ ဆက်သွားလို့ မရလောက်တော့တဲ့အထိပဲ၊ ကျွန်မမှာ ဒီလိုနေရာမျိုးတွေမှာ လူတွေရှင်သန်နေထိုင်နိုင်တာတွေ့ပြီး အံ့အားသင့်မိတယ်။ မြစ်ပြင်ကျဉ်းကျဉ်းလေးမှာ မြစ်ထဲဆီ အိမ်သာတွေ ဆောက်ထားကြတာ တွေ့လိုက်ရတယ်။ အဲဒီအိမ်သာနဲ့ မလှမ်းမကမ်းမှာ ရေချိုးနေကြတဲ့ ကလေး၊ အမျိုးသမီးနည်းနည်းစီလည်း တွေ့လိုက်ရသေးတာပါပဲ၊ လူချင်းအတူတူ အဲဒီလိုနေထိုင်ရှင်သန်နေကြတဲ့လူတွေ ကလေးတွေ မြင်ရတာ ကျွန်မ စိတ်မကောင်းလိုက်တာ၊ ကျွန်မတို့မှာ ခဏလေး၊ တစ်ရက်လေး ဖြတ်သန်းသွားလာကြတာကိုတောင်မှ မျက်နှာအဖုံးအကာတွေစွပ်ထားကြသေးတယ်။ သူတို့ မျက်နှာလေးတွေမှာတော့ ပြောင်ရှင်းလို့ ကြိုတင်ကာကွယ်၊ ဖြစ်ပြီးကုသ အဲဒီနည်းစနစ်တွေက ဘာတွေလဲ လို့တောင် သူတို့က ပြန်မေးကြပါဦးမယ်။ မြစ်ကျဉ်းသထက်ကျဉ်းလာတဲ့နေရာမှာတော့ လှေကြီးတွေရပ်လိုက်ကြတော့တယ်။ အိမ်လေးတွေဆီတံတားထိုးထားတဲ့နေရာကနေ ချော်မကျအောင် သတိထားပြီး ကျွန်မတို့လျှောက်ကြတယ်။ အလှူပစ္စည်းတွေကိုတော့ ရွာသားတွေက အပြေးလာပြီး ကူသယ်ပေးကြလို့ ကျွန်မတို့ သယ်ပေးစရာမလိုတော့ပါဘူး၊ ရွာလေးရဲ့ ဘုန်းကြီးကျောင်းမှာ ပစ္စည်းတွေအားလုံးစုပုံကြတယ်။ အသံချဲ့စက်နဲ့ ဘုန်းကြီးက ရွာသားတွေကို ခေါ်ပေးပါတယ်။ ကလေးလေးတွေ အားလုံးကို အရင်ဆုံးခေါ်ပြီး ကလေးပစ္စည်းတွေ ကျောင်းစာအုပ်တွေခဲတံတွေ ကျောပိုးအိတ်လေးတွေဝေပါတယ်။ ပြီးတော့ တစ်ယောက်စီ အိမ်ထောင်စုတစ်စုစီ အ၀တ်အစားတွေ ဆန်အိတ်တွေဝေကြတယ်။ ဘုန်းကြီးကလည်း ကျွန်မတို့ကို မုန့်တွေပြန်ကျွေးပါတယ်။ ဘာမုန့်တွေပြန်ကျွေးလဲတော့ အခု မမှတ်မိတော့ပါဘူး၊ ယင်အမဲကြီးတွေက မုန့်တွေနားမှာ တ၀ီဝီ ဟိုဒီ လှုပ်လှုပ်ရှားရှားနဲ့ မုန့်တွေပေါ်နားတဲ့အခါနား၊ မောင်းထုတ်လိုက်တဲ့အခါ အနီးအနားပြေးတဲ့အခါပြေးနဲ့ ... ကျွန်မတော့ မစားနိုင်ခဲ့ပါဘူး။

ပြီးတော့ ခြစ်ခြစ်တောက်ပူနေတဲ့ နေရောင်အောက်မှာပဲ ဘုန်းကြီးတရားနာကြတယ်။ အလှူအတွက် ရေစက်ချတယ်။

ကျွန်မတို့ လှူခဲ့တဲ့အလှူပစ္စည်းတွေက သူတို့အတွက် ဘယ်နှစ်ရက်အသုံးပြုနိုင်မှာတဲ့လဲ၊

နောက်နေ့တွေ နောက်နေ့တွေရော၊ သူတို့ ဘယ်လို ၀မ်းစာရှာဖွေကြမှာတဲ့လဲ ...

ကျွန်မ စိတ်မကောင်းပါဘူး၊ ကြမ်းတမ်းခက်ခဲလိုက်တဲ့ ဘ၀တွေက ဟောဒီတမာတကောရွာလေးမှာ .. ဟောဒီလို ရွာလေးတွေမှာ သိုသိုဝှက်ဝှက် အများကြီးရှိနေကြမှာပဲလေ၊ ကျွန်မတို့ တတ်နိုင်တဲ့ကူညီမှုက တကယ့်ကို သေးသေးလေးပဲ၊

တကယ်ဆိုရင် ... သူတို့တွေရဲ့ မုန်တိုင်းမတိုက်ခင်ဘ၀အခြေအနေတွေကိုက ခက်ခဲကြမ်းတမ်းမှုတွေသာပြည့်နေတဲ့ မပြည်စုံတဲ့ဘ၀တွေလေ .... မုန်တိုင်းမတိုက်ခတ်ခင်ကတည်းက မြစ်ကျဉ်းလေးတစ်ဘက်တစ်ချက်က ရွာလေးတွေမှာ နေထိုင်ကြ၊ မြစ်ကျဉ်းလေးထဲ အိမ်သာတွေဆောက်လုပ်ကြ ... မြစ်ကျဉ်းလေးထဲမှာပဲ ရေချိုးကြ ...

ကဲ .... ကျွန်မတို့ ဘာတွေကူညီနိုင်ခဲ့ပါသလဲ ....

အပြန်ခရီးလမ်းမှာ ...

ပင်လယ်ဝ ..

မြစ်ပြင်ကျယ်ကြီးတွေ .. ဖြတ်သန်းပြီး မှောင်မဲနေတဲ့ မြစ်ကမ်းတွေပေါ်က အိမ်သေးသေးလေးတွေကို ထားရစ်ခဲ့ပြီး ကျွန်မတို့ ပြန်ခဲ့ကြတာပါပဲ။

မုန်တိုင်းမလာခင် ... မုန်တိုင်းအလွန် ...

ဒီလို နေရာတစ်နေရာဆီမှာ တိတ်တဆိတ်ရှင်သန်နေကြတဲ့ ...

ဒီလိုဘ၀တွေအတွက် ကျွန်မတို့ ဘာတွေပြောင်းလဲပေးနိုင်ကြမှာလဲ ...

ကျွန်မ မကောင်းခဲ့ပါဘူး ...... ကျွန်မတို့ မကောင်းခဲ့ပါဘူး ....................... ။           ။

 ဂျပန်ငလျင်၊ တာချီလိတ်ငလျင်တွေမြင်တွေရပြီး disaster တွေကိုလန့်နေတယ်။ ကြုံခဲ့ဖူးတဲ့ နာဂစ်ဆိုင်ကလုံးမုန်တိုင်းကြီးကိုလည်း ပြန်သတိရမိတယ်။ ပြီးတော့ ရေးမိရော ...

အောင်ပင်လယ်မဂ္ဂဇင်း

အတွဲ ၄၊ အမှတ် ၂၃ မေလ၊ ၂၀၁၁