 |
| Special Thanks to my husband for sketch |
ကျွန်မ နဲ့ သူ လက်ချင်းမြဲမြဲတွဲလို့ ဓါတ်ရထားမှတ်တိုင်ဆီ ခပ်သုတ်သုတ်လေး လျှောက်ခဲ့ကြပါတယ်။ နွေရာသီရဲ့ လက်ကျန် အငွေ့အသက်တွေက ပူနွေးတဲ့လေပြေထဲမှာ ပြေးလွှားနေကြတုန်းပဲ။ ကျွန်မတို့ကိုလည်း ထိတွေ့ တိုးဝှေ့သွားတာပေါ့။ နာရီကြည့်လိုက်တော့ ညနေ ၆ နာရီခွဲပြီး ၁၀မိနစ် တောင်ရှိလှပြီ။ ကျွန်မတို့သွားရမယ့် ပန်းချီပြပွဲ ဖွင့်ပွဲအချိန်က ၇နာရီမှာ စမှာ။ ဓါတ်ရထားစောင့်ရမယ့်အချိန်နည်းနည်းထည့်ပေါင်းရင်၊ လမ်းနည်းနည်းလျှောက်ရမယ့်အချိန်လေး ထည့်ပေါင်းရင် အချိန်တိတိကျကျရောက်ပါ့မလားပဲ။ ဟော … ကျွန်မတို့ စီးရမယ့် ဓါတ်ရထားနံပါတ် ၇ ကားဂိတ်ကို ရောက်လာခဲ့ပါပြီ။ ဓါတ်ရထားတံခါးအပွင့် အရောင်စုံလူကြီး၊ လူငယ်တချို့ ပလက်ဖောင်းပေါ် အပြေးအလွှား လျှံကျလာကြတယ်။ သုတ်ကနဲလျှံကျလာတဲ့လူတွေကို ရှောင်ကာတိမ်းကာနဲ့ ကျွန်မတို့ ဓါတ်ရထားပေါ်တက်လိုက်ကြပါတယ်။ မှတ်တိုင်တစ်တိုင်စာပဲစီးရမှာဆိုတော့လည်း နေရာရပေမယ့် ထိုင်မနေကြတော့ဘူး။ ဆာဗာမြစ်ကို ဖြတ်ပြီး တစ်ဘက် ကလဲမက်ဒန်ခံတပ်ဘေးက မှတ်တိုင်မှာရပ်ရင်ဆင်းရမယ်။ လမ်းနည်းနည်းလျှောက်လိုက်ရင် ကလဲမက်ဒန်ခံတပ်ပန်းခြံဘေးနားက ပြခန်းကျဉ်းလေးဆီကို ရောက်မယ်။ အဲဒီမှာပေါ့ ကျွန်မတို့ ၇ နာရီအရောက်သွားရမယ့် ပြပွဲဖွင့်ပွဲလေးလေ။
