(မစုမီအောင်စာပါ။ ကျွန်မ မဖတ်ရသေးတာနဲ့ ဖတ်ဖြစ်အောင်လို့လည်း ဒီမှာတင်လိုက်တာပါ။ အကုန်တင်လိုက်ရင် တော်တော်ရှည်တာမို့ အပိုင်း ခွဲတင်လိုက်ပါတယ်။)
၂၀၁၂ ခုနှစ်
လူတိုင်းမှာ မေ့မရတဲ့လူတွေ ကိုယ်စီကိုယ်င ရှိကြတယ်။ ကျွန်မမှာ မေ့ မရတဲ့လူတစ်ယောက်ရှိခဲ့တယ်။ မေ့မရခြင်းဟာ လှပတဲ့သတိရခြင်း ဖြစ်ခဲ့မယ်ဆိုရင် အဲဒီလူဆီ ကျွန်မ သတိရခြင်းတွေအစဉ်တစိုက် စေလွှတ်မိ မှာ အသေအချာပဲပေါ့။ ဒါပေမဲ့ သူက ဘယ်နည်းနဲ့မှ မသိနိုင်တော့ဘူး။ ပျောက်သောသူ ရှာလျှင်တွေ့၊ သေ သောသူ ကြာလျှင်မေ့ ဆိုတဲ့စကားအရဆိုရင် အဲဒီလူကို ကျွန်မ မေ့ပစ်ခဲ့ဖို့ ကောင်းတာ၊ သူက သေဆုံးခဲ့ ပြီ လေ။ ကမ္ဘာရဲ့အဝေးကြီးတစ်နေရာကို လွင့်သွားခဲ့ရပြီ။ ဒါပေမဲ့ ကျွန်မ သူ့ကို တစ်စက္ကန့်လေးမှ မေ့မရခဲ့ဘူး။ သေသောသူ ကြာလျှင်မေ့ ဆိုတဲ့ စကားကြီးက ရှိနေတော့ “ကြာရင်မေ့”ဆိုတဲ့စကားလို ကျွန်မသူ့ကို အချိန်တွေ ကြာရင် တကယ်ပဲမေ့သွားမှာလား...။ အခု မကြာလှသေးလို့ မမေ့သေးတာပဲလား။ ကြာရင်ဆိုတာ အချိန် ကာလအားဖြင့် ဘယ်လောက်ကာလကို ဆိုလိုတာလဲ။ အခုနှစ် ၂၀၁၂၊ သြဂုတ်လ ဆိုရင်တော့ သူ အဝေးကြီး ကို ထွက်သွားတာ၊ ရှစ်နှစ်တိတိပြည့်ခဲ့ပါပြီ။ လအားဖြင့် ၉၆ လ၊ ရက်အားဖြင့် ၂၉၂၀ ရက်၊ နာရီအားဖြင့် ၇၀၀၈၀ နာရီ ကြာမြင့်ခဲ့ပြီ။ ဒီအချိန်၊ ဒီကာလဟာ လူတစ်ယောက်ကိုမေ့ဖို့ လုံလောက်တဲ့ အချိန်ပဲလား။ မလုံလောက်သေးဘူးလား။
သေချာတာတစ်ခုက ကျွန်မသူ့ကို မေ့မရသေးဘူး။ ဟင့်အင်း မေ့မရသေးတာမဟုတ်ဘူး။ တကယ်ပဲ မေ့မရတာ...ဟုတ်တယ် မေ့မရတာပါ။ မေ့မရတာ...မေ့မရတာ...မေ့မရတာ...မေ့မရတာ...။
သေချာတာတစ်ခုက ကျွန်မသူ့ကို မေ့မရသေးဘူး။ ဟင့်အင်း မေ့မရသေးတာမဟုတ်ဘူး။ တကယ်ပဲ မေ့မရတာ...ဟုတ်တယ် မေ့မရတာပါ။ မေ့မရတာ...မေ့မရတာ...မေ့မရတာ...မေ့မရတာ...။
