ပျောက်ဆုံးနေသော ဘ၀များ

Missing Lives Photo Exhibition Kalemegdan Fortress, in front of Cvijeta Zuzoric Gallery

International Committee of the Red Cross (ICRC) က စီစဉ်ပြုလုပ်ခဲ့တဲ့ Missing Lives ဓါတ်ပုံပြပွဲကို အခုအခါ ပန်းခြံအဖြစ်ပြသဖွင့်လှစ်ထားတဲ့ ကလဲမက်ဂ်ဒန်ခံတပ်(Kalemegdan) မှာ သြဂုတ်လ ၂၃ ရက်နေ့ကစတင်ပြုလုပ်ခဲ့ပါတယ်၊ သြဂုတ်လ ၃၀ ရက်နေ့ - အပြည်ပြည်ဆိုင်ရာပျောက်ဆုံးသူများနေ့ (International day of Disappeared) အတွက်ပြသခဲ့တယ်၊

Missing Lives ဓါတ်ပုံပြပွဲအစီအစဉ်များ
ဘဲလ်ဂရိတ် -    ၂၃ သြဂုတ် - ၆ စက်တင်ဘာ – Kalemegdan Fortress, in front of Cvijeta Zuzoric Gallery
ဆာရာရေဗို -    ၃၀ သြဂုတ် - ၁၂ စက်တင်ဘာ ၂၀၁၀ – Trg Djece Sarajeva
ပရစ်တီးနား -    ၁၄ - ၂၄ စက်တင်ဘာ ၂၀၁၀ - Mother Theresa square
မိုစတား -    ၂၀ စက်တင်ဘာ - ၄ အောက်တိုဘာ – Spanski Trg
ဘန်ရာလူကာ -    ၁၁ - ၂၅ အောက်တိုဘာ – Bana Milosavljevica
ဇာဂရက်ဘ် -    ၁ - ၁၅ နိုဝင်ဘာ ၂၀၁၀ – Trg Strossmayer
စထရပ်စ်ဘော့ဂ် - ၄ - ၈ အောက်တိုဘာ ၂၀၁၀ – Building of the Council of Europe
ဘရပ်ဆဲလ်စ် -     ၂၅ အောက်တိုဘာ - ၆ နိုဝင်ဘာ – Place du Luxembourg (in front of the European Parliament)
အော့တ၀ါ -     ဇန်န၀ါရီ - ဧပြီ ၂၀၁၁ – Canadian War Museum
ဘန်း -         သြဂုတ် - စက်တင်ဘာ ၂၀၁၁ *
အဲဒီဓါတ်ပုံပြပွဲကပြောပြတဲ့ ပျောက်ဆုံးနေသောဘ၀များအကြောင်းတွေကို ပြန်လည်မျှငေပေးလိုက်ပါတယ်။
ယူဂိုစလာဗ့်စစ်ပွဲအတွင်း ဥရောပသားတွေ ထောင်သောင်းများစွာ ပျောက်ကွယ်ခဲ့ကြရတယ်၊ အဖြစ်အပျက်တိုင်းလိုလိုမှာပဲ.. အဲဒီပျောက်ကွယ်မှုတွေက သတ်ဖြတ်ဖျက်စီးခြင်းတွေကြောင့် ဖြစ်ခဲ့ရတာတွေများနေပါတယ်၊ ဒါပေမဲ့ စကားလုံးမရှိ၊ မျက်မြင်သက်သေဆိုတာမရှိ၊ ကိုယ်ခန္ဓာအကောင်အထည်ကြီးကြီးမားမားမရှိလိုက်ကြဘူး၊ သူတို့ရဲ့ဆုံးပါးပျက်စီးမှုတွေကို လက်သင့်မခံလိုက်ရပါပဲ ဖြစ်ပျက်ခဲ့ကြရတယ်၊ အဲဒီ တိတ်တဆိတ်ညှဉ်းပမ်းနှိပ်စက်မှုတွေဖြစ်ခဲ့ကြတာ ၁၈ နှစ်တောင်မှကြာမြင့်ခဲ့ပြီ၊ အများကြီးပဲ ... အသက်တွေ သေကြေကွယ်ပျောက်ခဲ့ကြတယ်၊ ဒီနေ့အထိ အဲဒီ့အကျိုးဆက်တွေက ဆက်ပြီးရှိနေကြဆဲ၊ ကလေးငယ်တွေက မိဘတွေပြန်အလာကို သချုင်္ိင်းမြေမှာ စောင့်မျှော်နေကြဆဲ၊ မိခင်တွေက သေဆုံးသွားတဲ့ သူတို့ရဲ့သားငယ်တွေရဲ့အိပ်ရာတွေကို ပြုလုပ်ပေးနေကြဆဲ၊ ရှင်သန်နေဆဲလူတွေရဲ့ ဘ၀တွေကလဲ ပျောက်ဆုံးနေခဲ့ကြရပါပြီ။

ပထမဆုံးအကြိမ်အဖြစ် DNA နည်းနဲ့ သွေးနဲ့အရိုးတွေ နှိုင်းယှဉ်ကြပြီး သေခြင်းတရားနဲ့ ခွဲခြားခြင်းခံထားရတဲ့ မိသားစုတွေပြန်လည်ပေါင်းစည်းပေးဖို့ အစီအစဉ်တွေလုပ်ခဲ့ကြပြီ၊ ဒီနေ့အထိ Western Balkans တလျှောက် လူပေါင်း ၁၅၀၀၀ခွဲ ကျော်စာရင်းပြုစုနိုင်ခြင်းမရှိ ကျန်နေပါသေးတယ်၊ အဲဒီလူတွေမှာ နှလုံးကြေကွဲစရာပုံပြင်တွေ ကိုယ်စီရှိကြတယ်၊ အဲဒီပုံပြင်တွေဟာ .. တကယ်တော့ ဇာတ်ကောင်များလှတဲ့ အလွမ်းဇာတ်ကြီးရဲ့ ဇာတ်ဝင်ခန်းခပ်သေးသေးတစ်ခုကိုသာ ကိုယ်စားပြုနိုင်ပါတယ်။

ဒီ Missing Lives ဓါတ်ပုံပြပွဲဟာ ကာယကံရှင်မိသားစုတွေရဲ့ ခံစားချက်တွေကို အားလုံးစာနာ နားလည်စေဖို့နဲ့ သူတို့ချစ်မြတ်နိုးရတဲ့မိသားစုဝင်တွေပျောက်ဆုံးခဲ့ရတာတွေထက် ဘယ်အရာကမှ ပိုပြီး ကြီးမားတဲ့ဆုံးရှုံးမှုမျိုးမဖြစ်နိုင်ဘူးဆိုတာ အားလုံးကို အသိပေးချင်လို့ပါပဲ၊ Western Balkans အစိုးရတွေက ဒီလိုပျောက်ကွယ်နေတဲ့အဖြစ်အပျက်တွေကို ရှာဖွေဖို့၊ မိသားစုတွေက လိုချင်တဲ့အဖြေအတွက် အထောက်အပံ့တွေပေးဖို့ လက်တွဲလုပ်ဆောင်နေကြပါပြီ။

သူတို့က ဒီလို ပြောပြကြတယ် ..

Zdenko Manjos
[Zvonko and Ivanka Manjos]

“အဲဒီနေ့က သာမန်ညနေခင်းတစ်ခုပါပဲ” လို့ အစချီပြီး ဇဒန်ကိုမားညောစ့်က သူ့ရဲ့ ဒန်နူးဘ်(Danube) မြစ်ဘေးမှာရှိနေတဲ့ သူရဲ့အိမ်ခန်းလေးမှာပြောပြခဲ့ပါတယ်၊ “မာမားက အ၀တ်လျှော်နေတယ်၊ တာတာက တီဗီအစီအစဉ်တွေ ဟိုပြောင်းဒီပြောင်း တစ်လိုင်းပြီးတစ်လိုင်းဖမ်းကြည့်နေခဲ့တယ်၊ အဲဒီအချိန်က ဆားဘီးယန်းရုပ်သံလှိုင်းတစ်ခုကြည့်နေတယ်၊ နောက်တစ်ခုက ခရိုအေးရှန်းလိုင်းတစ်လိုင်းပေါ့”
လူတစ်ဦးတံခါးဝမှာပေါ်လာခဲ့တယ်၊ ဇဒန်ကို့ အဖေနဲ့အမေကို ရဲဌာနကိုလာဖို့ မေးစရာတစ်ချို့ရှိတယ်လို့ အဲဒီလူကပြောတယ်၊ သူ့ရဲ့မိဘတွေ ဖိနပ်ပါးလေးတွေပဲစီးပြီး အိမ်ကထွက်ခွာသွားခဲ့ကြပါတယ်၊
“ကျွန်တော်တို့ထင်တာက တာတာအကျဉ်းသားအဖြစ်အဖမ်းခံရတာဖြစ်ကောင်းဖြစ်နိုင်တယ်၊ မာမားကတော့ ဖုန်းဆက်ပြောလာမှာပဲလို့ တွေးထားခဲ့ကြတယ်” လို့ ဇဒန်ကို ကပြောပြတယ်၊ ငယ်ငယ်ကတည်းက အဖေနဲ့အမေကို ခေါ်ခဲ့ကြသလိုပဲ ခေါ်နေကြဆဲပဲ၊ သူတို့ အဆက်အသွယ် ပြတ်တောက်အေးခဲ သွားခဲ့ကြရတယ်၊ သုံးလကြာပြီးတဲ့အခါ  ရေစီးအတိုင်း ကီလိုမီတာ ၁၀၀ကျော်မျောပါသွားပြီး ကုန်းမြေတစ်ခုမှာ အမည်မသိ အလောင်းနှစ်လောင်းအကြောင်း ကြားသိခဲ့ကြတယ်၊ အဲဒီရုပ်အလောင်းတွေဟာ ဇဗွန်ကို နဲ့ အီဗန်ကာမားညောစ့်တို့ရဲ့အလောင်းတွေဆိုတာ သိခဲ့ရဖို့ ၁၅နှစ်အချိန်ယူခဲ့ရတယ်၊ ဘာကြောင့်သူ့မိဘတွေ အသတ်ခံခဲ့ရတာလည်း၊ ပြီးတော့မြစ်ထဲမှာ လွှင့်ပစ်ခဲ့ကြတယ်၊ ဘာကြောင့်လဲ ဇဒန်ကို ဒီနေ့အထိ မသိခဲ့ပါဘူး။
------------------------------------------------------------------

Alisa Salkic
[Esad,Fatima,Adis and Adisa Salkic]

အာလစ်ဆာဆာလ်ကစ်ခ်ျ အသက် ၂နှစ်သမီးအရွယ်မှာ စစ်သားတွေက သူရဲ့အဖေကို ထိုင်ခုံမှာချည်နှောင်ကြတယ်၊ ပြီးတော့ပစ်သတ်လိုက်ကြတယ်၊ ခြေချောင်းတွေကို၊ ဒူးတွေကို၊ လက်မောင်း၊ ပခုံးတွေမှာ ကျည်ဆန်တွေပြေးဝင်ကုန်ကြတယ်၊ နောက်ဆုံးမှာ ဦးခေါင်းကိုဖြတ်လျှက်ကျည်တွေဝင်တယ်၊ အဲဒီ မြင်ကွင်းကို အာလစ်ဆာကြည့်နေခဲ့ရပါတယ်၊ သူ့အဖေကို သတ်ပြီးတဲ့အခါ အိမ်နီးချင်းတစ်ဦးက သူ့အမေကိုပြောပါတယ်၊ “ငါ့တို့ကိုများ မင်းကိုသတ်ဖြတ်ကြမယ့်သူတွေလို ဘယ်တော့မှ မမျှော်လင့်လေနဲ့၊ ငါတို့က မင်းကိုအံ့အားသင့်စေရတာကိုပဲ ပျော်တာ” တဲ့။

ဆာလ်ကစ်ခ်ျ မိသားစုဝင် အယောက် ၃၀ ဟာ  Ahmici -Lašva Valley ethnic cleansing (ဘော့စ်နီးယန်းစစ်ပွဲတွင်းက လူမျိုးတုန်းသတ်ဖြတ်ပွဲ)မှာ ပျောက်ကွယ်သေဆုံးခဲ့ကြရတယ်၊ အာလစ်ဆာတစ်ယောက်ပဲ အသက်ရှင်ကျန်ပါတယ်၊ “လူတွေဘယ်လောက် ဟန်ဆောင်ကြသလဲဆိုတာ မယုံကြည်နိုင်စရာကြီး၊ ဒီနေ့အထိပါပဲ” လို့ သူ့အဖေအသတ်ခံခဲ့ရတဲ့ အခန်းလေးထဲကနေ အပြင်ဘက်ဆီ ငေးကြည့်ရင်း အာလစ်ဆာကပြောတယ်၊ “သူတို့တွေက သူငယ်ချင်းတွေလိုပြုမူကြတယ်၊ အစားအသောက်တွေ၊ အဖျော်ယမကာတွေဝေမျှတယ်၊ ဒီလိုဖြစ်လာနိုင်တယ်ဆိုတာ ကျွန်မ မရိပ်မိခဲ့ပါဘူး”တဲ့။

ချုံနွယ်ပိတ်ပေါင်းတွေထူထပ်နေတဲ့ သူ့အဖေရဲ့ အုတ်ဂူဆီ အာလစ်ဆာ ... ဘယ်တော့မှ သွားမကြည့်ခဲ့ပါဘူး။
------------------------------------------------------------------

Muharem and Suvada Elezovic
[Edin and Emir Elezovic]

ထရာနော်ပိုရဲမှာ လက်မောင်းအမှတ်အသားအ၀တ်စတွေဝတ်ဆင်စေဖို့ခိုင်းစေခဲ့ကြပြီးနောက်ပိုင်း ချောက်ခြားစရာ အဖြစ်အပျက်တွေ စတင်လာခဲ့တယ်၊ ထရာနော်ပိုရဲရွာက ဘော့စ်နီးယားနဲ့ဟာဇီဂိုးဗီးနားမြောက်ပိုင်းမှာ ရှိတယ်၊ နာဇီဂျာမနီတွေ ဂျူးတွေကို သတ်ဖြတ်ခဲ့ကြသလိုပါပဲ၊ မြောက်ပိုင်းဘော့စ်နီးယန်းရွာက မူစလင်ဒေသခံတွေကို ကွဲပြားအောင် လက်မောင်းမှာ အမှတ်အသား ၀တ်ဆင်ဖို့ အမိန့်ပေးခြင်းခံခဲ့ရတယ်၊ ပြီးတော့ ကျောင်းတစ်ကျောင်းမှာ စုရုံးနေစေပြီး ဘေးပတ်ပတ်လည်မှာတော့ သံဆူးကြိုး၊ ၀ါယာကြိုးတွေနဲ့ကာရံထားတယ်၊ စက်သေနတ်တွေနဲ့ စောင့်ကြပ်နေကြတယ်၊ ခြေချုပ်ချထားပြီး ရက်သတ္တ နည်းနည်းကြာလာတဲ့အခါ၊ အမျိုးသား ၂၀၀ ကျော်ကို ဘတ်စ်ကားတွေထဲ ထုပ်ပိုးသယ်ဆောင်ခဲ့ကြပြီး၊ ဗလာစစ်ခ်ျတောင်အနီး လူသူပြတ်လတ်တဲ့နေရာမှာ စက်သေနတ်တွေနဲ့ပစ်တယ်၊ ပြီးတော့ မီတာ၁၀၀မြင့်တဲ့ ချောက်ကမ်းပါးထဲကို တွန်းချလိုက်ကြတယ်၊  အဲဒီထဲမှာ အဲဒင်နဲ့ အဲမီးရ် အဲလဲဇိုဗစ်ခ်ျ ဆိုတဲ့ညီအစ်ကိုတွေ ပါသွားကြတယ်၊ သူတို့ကို ဘယ်တော့မှ ပြန်မတွေ့ရတော့ပါဘူး။

သူတို့ရဲ့မိဘတွေကတော့ သားတွေအတွက်ဆောက်ထားခဲ့ကြတဲ့ သူတို့ရဲ့အိမ်မှာပဲ အသက်ရှင်ကျန်ခဲ့ကြတယ်၊ “ကျွန်တော်တို့နှစ်ယောက်သား အထီးတည်း ရူးသွပ်နေကြတဲ့သူတွေလိုပဲ .. ဒီနေရာမှာလေ”.. သူတို့ရဲ့ အဖေကပြောတယ်၊ သူရဲ့အသံက ဗလာကျင်းအိမ်လေးထဲမှာ ပဲ့တင့်ရိုက်ခတ်လို့ပေါ့။
------------------------------------------------------------------

Anto and Milka Budimirovic
[Ivica Budimirovic]

အီဗီဆာဘူဒီမီရိုဗစ်ဟာ စစ်စခန်းတစ်ခုကနေအိမ်အပြန်လမ်းမှာ ပျောက်ဆုံးသွားခဲ့တယ်၊ သံတုတ်ချောင်းတစ်ခုနဲ့သေလုနီးပါး အရိုက်ခံခဲ့ရပြီး အ၀တ်တွေနဲ့လုံးထွေးထုတ်ပိုးကာ အမှတ်အသားတစ်ခုမှမလုပ်ခဲ့ပဲ သင်္ချိုင်းမှာ မြှပ်ထားခဲ့တယ်၊ ကိုးနှစ်ကြာပြီးတဲ့အခါ အီဗီဆာရဲ့အလောင်းကို DNA နည်းနဲ့တိုက်ဆိုင်ဖော်ထုတ်နိုင်ခဲ့ပါတယ်၊ အီဗီဆာရဲ့ဘတ်စ်ကားလက်မှတ်၊ ကျန်းမာရေးဆေးကုသခွင့်မှတ်တမ်းစာအုပ်ငယ်၊ ခေါင်းဘီး နဲ့ တစ်ဝက်တစ်ပျက်မီးလောင်ကျွမ်းနေတဲ့ ယူဂိုဆလာဘ့် ဘဏ်မှတ်စုစာရွက်ပိုင်းလေးတွေကို သူ့ရဲ့ အိပ်ကပ်ထဲကတွေ့ခဲ့ရတယ်။
“နှစ်တွေအကြာကြီးပဲ သူ .. ဘယ်နေရာရောက်နေလည်းစိတ်ပူခဲ့ရတယ်၊ ဒီအချိန်ဆို သူ .. ဆာလောင်နေမလား၊ ဒီအချိန်ဆို သူ .. ချမ်းနေရှာမလား .. အမြဲပူပင်နေခဲ့မိတယ်၊ တကယ်တမ်းတော့ .. ” လို့ သူ့ ရဲ့ အမေ ကပြောခဲ့တယ်၊ သူ့ရဲ့မိဘတွေက အီဗီဆာ့အတွက် .. သူတို့ကိုယ်ပိုင်လက်တွေနဲ့ အုတ်ဂူတစ်ခုလုပ်ပေးခဲ့ကြတယ်၊ အိမ်နဲ့ ကပ်လျှက်မှာရှိတယ်၊ သူတို့ရဲ့ သားနဲ့ နောက်ထပ်တစ်ကြိမ် ဘယ်တော့မှ မခွဲခွာရဖို့ ဆုတောင်းနေကြတယ်၊ အီဗီဆာ့အဖေက ပြောတယ်၊ “နောက်ဆုံးတော့ သူ ... ဘယ်မှာလဲ သိခဲ့ကြရပြီ၊ ဒါပေမဲ့လည်း ကျွန်တော် ညတွေမှာ အိပ်မပျော်နိုင်တော့ပါဘူး”။
------------------------------------------------------------------

Olja Budimir
[Rade Budimir]

အော်လ်ရာ နဲ့ ရာဒဲ အားလပ်ရက်မှာတွေ့ခဲ့ကြတယ်၊ ရာဒဲက အင်မတန်ချောမောကြည့်ကောင်းတဲ့အကပညာရှင်ပါ၊ ဒါပေမဲ့ သူတို့ အတူကခဲ့ကြတဲ့ ကကြိုးလေးမပြီးသေးခင် ...
အဲဒီနေ့က သူတို့ပထမဆုံး တွေ့ဆုံ၊ အတူတူကနေကြတဲ့အချိန် အဝေးကိုခေါ်သွားခြင်းခံရတယ်၊ “ကျွန်မတို့ရဲ့တစ်ဝက်တစ်ပျက် အကလိုပဲ၊ ကျွန်မတို့ရဲ့ဘ၀ကလည်း ပြည့်စုံခြင်းဆိုတာ ဘယ်တော့မှဖြစ်မလာတော့ဘူး” လို့ အော်လ်ရာ ကပြောပြခဲ့တယ်။
ကိုဆိုဗိုမှာ စစ်ပွဲဖြစ်လာခဲ့ချိန် အော်လ်ရာနဲ့ ရာဒဲတို့က ပရစ်တီးနားကအိမ်မှာနေထိုင်ကြတယ်၊ အနီးအနားမှာ အယ်လ်ဘေးနီးယန်းအိမ်နီးချင်းတွေရှိနေတယ်။ အပစ်အခတ်တွေရပ်စဲမယ့်အချိန် သူတို့စောင့်နေကြရတယ်၊ ဆားဘီးယန်း ရဲတပ်သားတွေ တပ်စွဲထားတဲ့နေရာတွေဆီကနေပြန်ဆုတ်သွားပြီးတဲ့အခါ၊ ရာဒဲက သူ့ရဲ့ဇနီးကို လုံခြုံစိတ်ချရမယ့်နေရာကို ပို့ခဲ့တယ်၊ သူလည်းပုန်းကွယ်နေတာပါပဲ၊ အခက်အခဲတွေ ရက်အနည်းငယ်အတွင်း ပြီးဆုံးသွားမယ်လို့ ရာဒဲ ယုံကြည်နေခဲ့ပါ တယ်။
သူ့ရဲ့ဦးခေါင်းမဲ့နေတဲ့ ကိုယ်ခန္ဓာကို ပရစ်တီးနား ဒရာဂိုဒန်သင်္ချိုင်းမှာ အမည်မသိအလောင်း နံပါတ် JA041/008 အဖြစ် တစ်နှစ်ကျော်ခန့် မြှပ်နှံထားခဲ့ရတယ်၊ အဲဒီနောက်မှာ အလောင်းကို ပြန်လည်တူးဖော်ပြီး စစ်ဆေးကာ ဘဲလ်ဂရိတ်မှာပြန်လည်မြှပ်နှံခဲ့ပါတယ်။
“ကျွန်မ စိတ်ခံစားစားမှုကိုကြည်လင်စေတဲ့နေရာက ကျွန်မရဲ့ရာဒဲရှိတဲ့နေရာပါပဲ” လို့ အော်လ်ရာက ၀န်ခံပြောကြားခဲ့တယ်၊ “အခု ကျွန်မမှာ ရာဒဲရဲ့အုတ်ဂူတစ်ခုပဲ တကယ် စစ်စစ်မှန်မှန်ရှိတော့တယ်”။
------------------------------------------------------------------

Sanije Recaj
[Bekim Recaj, Basri Tupella and Mehmet Tupella]

ဘက်ကင်မ်ရဲချဲရ်ဟာ ကိုဆိုဗိုမှာငြိမ်းချမ်းရေးနေ့အဖြစ်ကြေညာခဲ့တဲ့နေ့က ဦးလေးနှစ်ယောက်နဲ့အတူ အိမ်ကနေ လှည့်ဖြား ခေါ်ဆောင်ခြင်းခံခဲ့ရတယ်၊ မျက်နှာဖုံးတပ်ထားတဲ့လူတစ်ယောက် သူတို့အိမ်ခန်းတံခါးဝမှာ တဒုံးဒုံး ထုရိုက်ကြတယ်၊ ပြီးတော့ စစ်သုံးထရပ်ကားတစ်ခုထဲလိုက်ပါဖို့ အမိန့်ပေးစေခိုင်းပါတယ်၊ သူတို့နဲ့ အိမ်နီးချင်း ၁၂ ဦးသား စစ်သုံးထရပ်ကားနဲ့ ခေါ်ဆောင်ခြင်းခံရပြီး အဝေးပြေးတံတားအနီး မြစ်ထဲကို အတင်းအကျပ်ခုန်ချ ခိုင်းခဲ့ကြတယ်၊ မြစ်ထဲ ခုန်ချနေတဲ့အချိန်မှာ ရဲတွေက သူတို့အားလုံးကို စတင်ပစ်ခတ်ခဲ့တယ်။ဘက်ကင်မ်ရဲ့အလောင်းတွေ့နိုင်မယ့်နေရာကိုပြောပြနိုင်တဲ့သူတစ်ဦး မီထရိုဗီဆာမှာ ဒီနေ့အထိ နေထိုင်လျှက်ရှိတယ်၊ “အဲဒီ ကျွန်မရဲ့အိမ်နီးချင်းဟောင်းဟာ မျက်နှာဖုံးတပ်ထားတဲ့သူပဲ၊ သူကပဲ အားလုံးကို အဝေးကိုခေါ်သွားခဲ့တယ်” လို့ ဘက်ကင်မ်ရဲ့ အမေ ဆာနီယဲရဲချဲရ်က ပြောပြခဲ့ပါတယ်၊ “သူ က ကျွန်မတို့အထက် အလွှာမှာနေတယ်၊ သူ့အဖေနဲ့ ကျွန်မက ဆေးရုံမှာ အလုပ်တူတူလုပ်ခဲ့ကြဖူးတယ်”လို့ ဆိုတယ်။
------------------------------------------------------------------

Sevdije and Naim Ismaili
[Sheremet Ismaili]

၁၉၉၉ခုနှစ် က ... ကိုဆိုဗိုမှာ အယ်လ်ဘေးနီးရန်းလူမျိုးစု ၈ သိန်းခန့်ဟာ မိမိတို့အိမ်ကနေ ထွက်သွားဖို့ အတင်းအကျပ် ဖိအားပေးခံခဲ့ကြရတယ်၊ ကရာလန်မှာ ဆဲဗ်ဒီယဲအီစမာအီလီ ဟာ သူမရဲ့ခင်ပွန်း၊ သူမရဲ့ ၁၃နှစ်အရွယ်သားငယ် နာအီးမ် တို့နဲ့ တကွဲတပြားစီဖြစ်ခဲ့တယ်။
“မာမား .. သူတို့ကို ပြောလိုက်စမ်းပါ၊ ကျွန်တော်သိပ်ငယ်နေသေးတယ်လို့” နာအီးမ်က တောင်းပန်စေတယ်၊ ဒါပေမဲ့ နာအီးပြောနေသံကို ကြားသွားတဲ့ စစ်သားတစ်ယောက်က သေနတ်ဒင်နဲ့လှမ်းရိုက်ခဲ့ပါတယ်၊ ပြီးတော့ သက်ကြီးအမျိုးသား အကျဉ်းသားတွေထဲကို ထိုးသိပ်ထည့်လိုက်တယ်၊ အဲဒီလူငယ်လေး .. အဆုံးစီရင်ဖို့ ရွေးခြယ်ခံလိုက်ရတယ်၊ ကလီနာမှာ ရဲသားတစ်ဦးအဖြစ်တာဝန်ထမ်းခဲ့ဖူးတဲ့ သူ့ရဲ့အဖေက .. နာအီးမ်နေရာကို သူ အစားဝင်ယူပြီး အဆုံးစီရင်ခံလိုက်တယ်။
ကရာလန်လူမျိုးတုန်းသတ်ဖြတ်မှုမှာ လူတစ်ချို့ရဲ့အလောင်းတွေ စစ်ဆေးဖော်ထုတ်နိုင်ခဲ့တယ်၊ အယ်လ်ဘေးနီးယန်းလူမျို ၈၄ ဦးခန့် သတ်ဖြတ်ခံခဲ့ကြရပါတယ်၊ ရှဲရဲမက်ထ်ရဲ့ရုပ်အလောင်းကတော့ ပျောက်ဆုံးနေဆဲပါပဲ။

 မော်နီတာဂျာနယ် (Vol-1/No-20)