လွတ်နေတဲ့ လူသတ်သမား

လူသတ်သမားတဦးကြောင့် ဖီးနစ်စ် မြို့ လေးဟာ ကျီးလန့်စာစား ဖြစ်နေရပြီ။

 တာဝန်ရှိသူတွေက သူ့ ကို မြေလှန်ရှာနေကြပြီ။ အို..ဘုရားသခင်... အဲဒီလူဟာ  ကျွန်တော့်မိတ်ဆွေ ဆန်မီ များ....လား..။

မွန်းကျပ်ပူလောင်နေတဲ့ ဇူလိုင်လရဲ့ ညနေခင်းတခုမှာ ရွန်းဟော်လ်တန်  ကတော့ သူကျက်စားနေကျ  ဖီးနစ်မြို့ လေးရဲ့  ဆင်ခြေဖုံး ရေကူးကန်တခုမှာ  သက်တောင့်သက်သာနဲ့ ပဲ ရှိနေတယ်။  အသက်က ၄၇နှစ် ၊ သားသုံးယောက်ဘခင် ၊ အလုပ်က  ဆောက်လုပ်ရေး ကြီးကြပ်သူ ။ အားလပ်ရက်ကလေးရရင် သူငယ်ချင်းတွေနဲ့ပျော်ပျော်ပါးပါး ဆိုင်ကယ်စီးထွက်တတ်တယ်။  သူ့ ၀န်းကျင် သူ့ အသိုင်းဝိုင်းမှာ စိတ်ထားဖြောင့်မတ်သူ ရင့်ကျက်သူ ခင်တွယ်တတ် စာနာတတ်သူ  အဖြစ် လူသိများတယ်။ ဖီးနစ်စ်မြို့အလယ်ခေါင်မှာရှိတဲ့  သူ့ အိမ်လေးကို  ၀င့်ဝါမှု မရှိ၊ ပလွှားမှု မရှိ၊ ရိုးရိုးရှင်းရှင်းလေးမွန်းမံထားတယ်။

တညမှာ  ဟော်လ်တန် နဲ့  သူ့ မိတ်ဆွေတွေ  ခါတိုင်းလိုပဲ  ဘားတခုမှာ ဆုံကြတယ်။ တယောက်က  .. “ ဟေ့ .. မင်းတို့  ကြားပြီး ပလား ၊လူတွေ တလှေကြီး ပစ်သတ်ခံရတဲ့   သတင်း ” လို့  အစချီလိုက်တယ်။  “ဟော်လ်တန်” က ပခုံးကို တွန့် လိုက်ရင်း မခိုးမခန့် ပြုံးလိုက်တယ် ။

“အဲတော့ ...ဘာဖြစ်သလဲဗျ ”

“ဘာဖြစ်ရမလဲဗျ  ..၊သေကုန်တာပေါ့ ။ အစုလိုက် အပြုံလိုက်ပဲ ။ ဘယ်ငကြောင်  သောင်းကြမ်းသွားသလဲ မသိဘူး။

လူတဒါဇင်လောက် ဗိုင်းကနဲပဲ ။ ခြောက်ယောက်က ပွဲခြင်းပြီးဗျ။ ရဲတွေကတော့ဗျာ  ..ထုံစံအတိုင်းပေါ့  ..။”

နောက်တယောက်က  ..၊ ဆက်ပြောတယ်။

“ ဘယ်လိုဖြစ်တာလဲဗျ။”

“ပီးခဲ့ တဲ့ စနေနေ့ က နှစ်ယောက်သေတာ .မကြာသေးဘူး ၊ ခု  တယောက်သေပြန်ပလား။”

“ ဒီကောင်က ဦးတည်ချက် မရှိပစ်တာဗျ ။ ပရမ်းပတာပဲ ဗျို့ ၊ လမ်းသွားလမ်းလာတွေ ဆို တထိတ်ထိတ်ပဲ။ ကျည်က သူတို့  ခေါင်းပေါ် ၀ဲပျံပြီးကို   ဆံပင်ကြားကနေ ၀ှီးကနဲ ထွက်သွားတာ”

“ဘယ်မှာတဲ့လဲဗျ”

“ဖီးနစ်စ်ဗဲလီ အနောက်ပိုင်း မှာ အဖြစ်များတယ်”

ဟော်လ်တန် ရင်ခုန်သွားတယ်။ လွန်ခဲ့တဲ့လေးလလောက်က မိတ်ဆွေဟောင်းတယောက်နဲ့  ဘီယာမူးရင်း စကာအလွန်အကျွံ ပြောကြရင်းက ကြားလိုက်ရတဲ့  စကားတခွန်းက ဖြောင့်ချက်ပေးတာများလား။ ဒီကောင် ဆန်မီ ..လူသတ်သမား မဟုတ်ပါစေနဲ့။

မစ္စတာ ဟော်လ်တန်ဟာ Mason Jar Rock Bar ရဲ့  မန်နေဂျာ ဘ၀နဲ့  ခက်ခက်ခဲခဲ ရှင်သန်ခဲ့ ရဖူးတယ်။

ဒီတုံးကများ သူ့ ခမြာ  မိုးစင်စင်လင်းလို့  နေထွက်မှ အိမ်ကို ပြန်ရတယ်။ ဆေးဝါးတွေနဲ့ လဲ ကာလ အတန်ကြာ ရပ်တည်ခဲ့ရတယ်။ ဒက်ဘီ နဲ့  ထူထောင်ခဲ့တဲ့ အိမ်ထောင်ရေးဟာလဲ  ခလေး ၃ ယောက်အရ မှာ  ပြိုကွဲခဲ့ရတယ်။ မိခင်ရဲ့  အဆုံးအမကို နာယူပြီး  သားသမီးတွေကို ရင်အုပ်မကွာ  ထိန်းသိမ်းစောင့်ရှောက်ရင်း  အိမ်စာတွေ ကူညီ ဖြေရှင်းပေးတယ် ၊ ဘာသာရေးပို့ ချမှုတွေ ပြုလုပ်နိုင်ခဲ့တယ်။ လိုအပ်တာမှန်သမျှ ဖြည့်ဆီးပေးနိုင်ခဲ့ပေမဲ့ ဇနီးဖြစ်သူ ကတော့ သူ့ ကို စွန့်ခွာထွက်သွားခဲ့တယ်။   အဲဒီနောက်မှာတော့ ပိုပြီး အလုပ်ကောင်းတဲ့  ဆောက်လုပ်ရေးဘက် သူရောက်လာတယ်။

တနေ့မှာ ဆင်မြူရယ်လ် ဒိုင်ယက်မင်း ဆိုသူ  မိတ်ဆွေသစ်တယောက်နဲ့  အပေါင်းအသင်းဖြစ်လာတယ်။ ဒီလူကတကယ်တော့ ဖွဲပါ။ အရက်ကို တိုက်ရင် တိုက်သလောက် သောက်နိုင်တဲ့ သူ ။ အမြဲ ပျော်ပါးမူးယစ်ပြီး စကားဖွာတတ်သူ ၊ တချို့ က သူ့ကို နာမည်ဟောင်း ဆန်မီ  လို့ သိကြတယ်။ ဆိုင်ကယ်စီးအဖွဲ့ မှာ သူပါဝင်လိုကြောင်း ပန်ကြားခဲ့သလို အားလုံးကလဲ  နွေးနွေးထွေးထွေးပဲ ဆက်ဆံခဲ့ကြတယ်။ ဘာဘဲဖြစ်ဖြစ်  မစ္စတာဟော်လန်ကတော့  သူ့ အပေါ် သံယောဇဉ်တွယ်နှောင်ခဲ့တာပါ။ ဒါပေမဲ့ .အနေကြာတော့   ဆန်မီ့ရုပ်လုံးက တဖြည်းဖြည်း  ကြွတက်လာတယ်။  ဥပဒေနဲ့မကင်းလွတ်တဲ့အပြုအမူတွေ ရှိခဲ့  လို့   ထောင်ဒါဏ်ကျခံ ဖူးကြောင်း ၊ ဖခင်ရဲ့  နောက်အိမ်ထောင်ကို အားကိုး ရှင်သန် နေထိုင်ရကြောင်း ၊ လျှပ်စစ်ကျွမ်းကျင်အဖြစ် ဟန်နီ ၀ဲလ် အလုပ်ရုံမှာ လုပ်နေရာက အလုပ်ပြုတ်ခဲ့ ရကြောင်း သိလာရတယ်။  ဆန်မီ ဟာ အသက်၃၂နှစ်အရွယ်မှာ အိမ်ချေယာမဲ့ ဘွဲ့ နဲ့  အလုပ်လက်မဲ့ ဘွဲ့ ၂ခု ပိုင်ဆိုင်သွားခဲ့ တယ်။

စိတ်ရင်းကောင်းပြီး စာနာတတ်သူ  ဘော်လ်တန် က  သူ့ ကလေးတွေနဲ့ အတူ နေထိုင်ဘို့  အခွင့်ပေးပြီး   သူ့ အိမ်ရိပ် အတွင်းဆွဲ သွင်းခဲ့ တယ် ။ ဆန်းမီနဲ့  တွဲနေတဲ့  ဂယ်ရီ ဂိုင်း  ဆိုသူက “ ဒီကောင်က ဘာမဆို လုပ်ရဲ ကိုင်ရဲတယ်ဗျ။ အိုးနဲ့ အိမ်နဲ့ ထိုက်ထိုက်တန်တန် နေဘူးတာ မဟုတ်ဘူး။ လှည့်ပတ်သွားလာနေတဲ့ကောင်   ဒီပုံစံမျိုးနဲ့ခင်ဗျားမဖြစ်ပါဘူး” လို့ပြောတယ်။ “ဒါပေမဲ့  သနားစရာပါပဲဗျာ။ ကိုင်တတ်တွယ်တတ်ရင် လူကောင်းလေးဖြစ်လာမှာပါ ”တဲ့။ ၂၀၀၅ ဒီဇင်္ဘာလမှာ သူပျောက်သွားခဲ့ ပြီး  လအတော်ကြာ  သတင်းမကြားရဘူး။ ဒီ့နောက် မေလအတွင်း နေ့တနေ့ မှာ  ရုတ်တရက် ဖုန်းလက်ခံ ရရှိခဲ့ တယ်။ ရစ်ဘ် ရှော့ပ် စားသောက်ဆိုင်မှာတွေ့ ကြဖို့  ချိန်းဆိုတာနဲ့။ ဟော် လ်တန်  သွားတွေ့ တဲ့ အခါ ... သူအလုပ်အကိုင်ရနေပြီ ဆိုတဲ့အကြောင်း၊ နေစရာအိပ်ခန်းလဲ ရနေပြီဖြစ်ကြောင်း သူက ကြွားဝါ ပြောဆိုနေတယ်။ ဘာဘဲဖြစ်ဖြစ် ဟော်လ်တန် က သူ့ မိတ်ဆွေလေးအတွက် အားရ ကျေနပ်ခဲ့ပေမဲ့  ..စားကြ သောက်ကြ  ရယ်ကြ မောကြ  ပြောကြ ဆိုကြ ရင်း က လူတယောက်ကို သတ်ချင်လာအောင် တွန်းအားပေးတဲ့အကြောင်းရင်းကို  ခင်ဗျားသိလား   လို့  အမေးခံရတဲံ့အခါမှာတော့ ...

အံ့သြ ထိတ်လန့်ရင်း  “ ငါ..ဘယ်သိမလဲ ကွာ”  ဖြေမိသွားတယ်။

“ကျွန်တော်လဲ  ..ပီးခဲ့တဲ့ ၂လလောက်အထိတော့ မသိတာ အမှန်ပဲဗျ ။ ဆန်မီ က သူ့စကားကို ရှေ့ဆက်တယ်။ ရက်ရက်စက်စက် အပြစ်ကျူးလွန်ခဲ့ တယ် လို့  ပုံပြင်တပုဒ်လို  သွန်ချတယ်။ မစ္စတာ ဟော်လ်တန် ကတော့  ခါတိုင်းလိုပါပဲ ။ ပုံပြောကောင်းတဲ့ ဆ်န်မီ တယောက် ရယ်စရာဟာသတွေ မူးမူးရူးရူး ပြောနေတာလို့ ပဲ ယူဆလိုက်တယ်။ ဒါပေမဲ့ “မင်း ဘာ့ကြောင့် ဒီလို လုပ်မလဲကွာ  ..ပြောစမ်းပါအုံး။” မေးတော့ ဆန်မီ ပြောတာက  “အပျင်းပြေ လက်တဲ့ စမ်းတာပေါ့ဗျ။ အကြောင်းပြချက် ဘာရှိမှာလဲ။ လှုပ်လှုပ်မြင်ရင်ပစ်ထဲ့ လိုက်တာပဲ။ တစ်ခုရှိတာက  ကျွန်တော်သုံးတဲ့ သေနတ်က 410 Shotgun ဗျ။ ဒါ ခြေရာခံဘို့  မလွယ်ဘူး” ဆိုပါလား။

ဒီကောင် ဒီလိုပြောနေတာသူမူးနေ လို့ ပါပဲ။ ဘာမှ အခြေအမြစ်မရှိပါဘူး။ သူ့ စကားတွေက ဟိုရောက်ဒီရောက်။ ယုံကြည်လောက်စရာ မရှိပါဘူး။ မပီဝိုးဝါးနဲ့ ရေရာတာဘာမှ မရှိဘူး။ ဒါပေမဲ့ ဦးဏှောက်ထဲမှာ ဒီကောင်ပြောတဲ့  စကားတွေက သေးဖွဲပေမဲ့  စုပြုံလာရင်တော့  စိတ်ပူပင်ရတာပေါ့။ သွယ်ဝိုက်တဲ့နည်းနဲ့ သူ့အပြစ်တွေကိုဖွင့်ဟ၀န်ခံနေသလား။  တစ်ခါက ဆန်မီပြောဖူးတဲ့ ပုံပြင်တွေထဲက တခုမှာ အိပ်ပျော်နေရင်း အသတ်ခံလိုက်ရတဲ့ လူတယောက်အကြောင်း။ မစ္စတာဟော်လ်တန် ဖျတ်ကနဲ သတိရလိုက်တယ်။  အလို ဘုရားသခင်..၊ ကျွန်တော့်မိတ်ဆွေကလေးဟာ သွေးအေး လူသတ်သမားတယောက်ဖြစ်နေမလား။ မဖြစ်နိုင်ပါဘူး။

 နောက်ရက်သတ္တပတ်ပေါင်း များစွာ ဆန်မီ ပျောက်နေတယ်။ ဇူလိုင် ၁၉ရက်နေ့မှာတော့ ဆန်မီ ဆီက text message တစ်ခု ရခဲ့ တယ်။ ခါတိုင်းလိုပဲ  ရစ်ဘ်ရှော့ပ်မှာ  ဆုံကြအုံးစို့ရဲ့   တဲ့ ။

ဒီတခါ မစ္စတာဟော်လ်တန် နဲ့ တွေ့ဆုံချိန်မှာတော့  ဆန်မီ တစ်ယောက် အရက်ကလဲမူးရင်း ဒေါသအိုးပေါက်ကွဲ နေတယ်။ သူ့ကို ကန်ထုတ်လိုက်တဲ့  အခန်းဖေါ်ကြောင့်ပါ။

တော်တော်လေး ပြဿနာ တက်ခဲ့ကြပုံပါပဲ။  အခန်းဖေါ်က တခြားလူမဟုတ်ပါဘူး။ သူ့အကို ဒေးလ် ဟော်ဇနာ ဆိုသူပါပဲ။ ဖီးနစ်စ်မြို့ရဲ့  အရှေ့ ပိုင်း မီဆာရပ်ကွက်မှာ အိပ်ခန်းတခုပိုင်ဆိုင်တဲ့ သူပါ။ လမ်းပေါ်က ဆန်မီ ကို သူ့အိပ်ခန်းပေါ် ကောက်ယူ ဆယ်တင်ခဲ့သူပါ ။  ဆန်မီကတော့ အတော့်ကို ပြင်းပြင်းထန်ထန် ရှုတ်ချပြောဆိုနေတယ်။ ချက်ခြင်းဆိုသလို သူ့အစ်ကို  ဒေးလ် ရောက်လာပြီး နှစ်ယောက်သား စကားတွေများကြတယ်။ သန်းခေါင်ကျော်တောင် မပြီးပြတ်ကြဘူး။ သူ့ အစ်ကိုကလဲ အမှတ်တော်တော်ကြီးမဲ့ပုံပဲ။ ဆန်မီ ဘားထဲက ထွက်သွားတယ်။ မိနစ်မဆိုင်းပဲ text message  ၀င်လာတယ်။  နမိတ်ကောင်းပုံ မရဘူး။

“ကျွန်တော် သိပ်စိတ်ဆိုးတယ်၊ သည်းမခံနိုင်တော့ဘူး။ တစ်ခုခု လုပ်မိလိမ့်မယ်ထင်တယ်” တဲ့ ။ အိုး .. ဘုရားသခင် ကယ်ပါ။

သီတင်း၂ပတ်လောက်ကြာသွားပြန်တယ် ။ ဆန်မီမြုပ်နေတယ်။ တစ်နေ့ ဟော်လ်တန် ရေကူးကန်မှာ မိတ်ဆွေတွေနဲ့  ဆုံကြတော့  သန်းခေါင်ကျော်  လူသတ်ပွဲတခု  အကြောင်း   စပြောမိတြတယ်။ အင်း ။ ကြားကြရပြန်ပြီ။

သူ အိမ်ပြန်ရောက်တော့ သတင်းစာတစောင်က လူသတ်မှု ကျူးလွန်တဲ့အဓိကနေရာကို ပင်စိုက်ပြတဲ့ မြေပုံနဲ့တကွ ဖေါ်ပြထားတယ်။ အလို ..။ ဒါ.. ဒီနေရာဟာ  ဆန်မီ နောက်ဆုံးနေထိုင်ခဲ့ တဲ့  အိပ်ခန်းတည်ရှိရာ  အ၀န်းအ၀ိုင်းကို ဖေါ်ပြနေခြင်းပါပဲလား။ ဟော်လ်တန် ဂယ်ရီ ဂိုင်း ဆီ ဖုန်းတစ်ချက်ဆက်တယ်။ ဆန်မီအကြောင်း သတင်းထူးရင် အကြောင်းကြားဖို့။ ဟော်လ်တန် အလုပ်ထဲမှာတောင် စိတ်မ၀င်စားနိုင်ဘူး။ ညလဲ စဉ်းစား။ နေ့ လဲ စဉ်းစား။ အတွေးနယ်ချဲ့နေတယ်။ ဆန်မီ ကို သူ မသင်္ကာတာအမှန်။ ထင်လဲ မထင်ချင်ပြန်ဘူး။

ဖီးနစ်စ် က လူတွေ ထိခိုက်ဒါဏ်ရာရနေတာလဲ မလိုလားဘူး။ အသေအပျောက်ဘာညာ မဖြစ်စေ့ချင်တော့ဘူး။

ဒီကောင် ဆန်မီ။ ငါတားရမယ်။ ဘယ်နည်းနဲ့ ပဲဖြစ်ဖြစ် ဒီအမှု မြန်မြန်ပေါ် အောင် ငါလှုပ်ရှားမယ် ..။ဆိုပဲ။  ဒီလိုနဲ့ နေ့များစွာ ကုန်လွန်သွားခဲ့ တယ်။ ကားတစ်စီးနဲ့  စနည်းနာတယ်။ အလုပ်ကိုမသွားနိုင်ဘူး။ ရသရွေ့ သတင်းတွေ ရဲ ကိုပို့ တယ်။ ရဲကလဲ  မသင်္ကာစရာ အထောက်အထားမတွေ့ ရသေးဘူး တဲ့ ။ သူလက်မလျော့ဘူး ။ ကိုယ်တိုင်သတင်းလိုက်တယ်။ ဒါပေမဲ့ မရေ မရာ မသေမချာနဲ့ သူရတဲ့ သတင်းတွေက ရဲ အတွက် အသုံးမကျပဲ တခြား မြုပ်နှံ သဂြိုလ်ပြီးသား  သတင်းမှားထဲ ရောနှောသွားတယ်။

ဒါပေမဲ့ သေနတ်သမားက ငြိမ်မနေပါဘူး။ ပေါ်လာပြန်တယ်။ မြို့လယ်ခေါင်လူစည်ကားရာ မှာပဲ ပြောင်ပြောင်တင်းတင်း  ပစ်သတ်သွားတယ်။ ဓါးစာခံ ၃ဦး စလုံး ကို နောက်ဘက်ကနေ လက်လွတ်စပယ် ပစ်ခတ်လိုက်ပုံရတယ်။ တစ်ဦးက ဦးခေါင်း ၊ ကျန် ၂ယောက်က နောက်ကျော  စသည် ထိမှန်ကုန်တယ်။ သေတော့ မသေသေးဘူး။

ဒါတွေဟာ ဆန်မီ မှာ တာဝန်ရှိနေပြီလို့ ဟော်လ်တန်က အာရုံရနေတာပါ။  ဒါဟာ ငါ့လက်တွေကိုပါ သွေးစွန်းပေစေတာပဲ လို့  သူယူဆတယ်။ ဆန်မီ ဖုန်းကလဲ ခေါ်မရဘူး။ ဒေးလ် ကလဲ မထူးဘူး။ ခြေရာပျောက်နေပြီ။ ဖီးနစ်စ် ဟာ  သူရောက်လာမှ  ဝေဒနာအပြည့်  ဒါဏ်ရာအပြည့် ။

ဒီလိုနဲ့  မစ္စတာဟော်လ်တန်တယောက် နေမထိ ထိုင်မထိ ဖြစ်နေစဉ်မှာပဲ ကြားရပြန်ပြီ။ သားကောင်ချောင်း တဲ့ လူသဲတ်သမားဟာ ရှေ့ကို တိုး တိုး လာနေပါလား။

သူ့မှာတော့ ရတက်မအေးရပြန်ဘူး။ သူ့ ဦးဏှောက်တွေ ဆူဝေနေတယ် ။ ငါ ဘာလုပ်ရမလဲ ။ ဟော..။ သတိရပြီ။ ဆန်မီ နဲ့  တခါက အမှတ်မထင် စကားပြောခဲ့ကြတုံးက “ကျွန်တော်သုံးတဲ့  သေနတ်က 410 shotgun  တဲ့ ။  ဟာ ဟုတ်ပြီ။  သူ  ရဲကို ဖုန်းဆက်လိုက်တယ်။

“ဟဲလို ..ဟဲလို  သေနတ်သမားကိုင်တဲ့ သေနတ်အမျိုးအစားက  410 shotgun ပါ” “သူကိုယ်တိုင် ပြောခဲ့ တာပါ”

“အိုကေ...အိုကေ..  ၊ ကောင်းပြီ  ကျုပ်တို့ လိုအပ်တဲ့ အချိန် ဆက်သွယ်ပါမယ်။အသင့်ရှိနေပေးပါ”  တဲ့ ။

“ဟုတ်ကဲ့ ပါ ခင်ဗျား”

ရဲအရာရှိ ဒယ်ရီ စမစ် ဟာ အမှုသွားအမှုလာကို ကြည့်ပြီး တိုးတက်မှုရှိလာပြီလို့  ကျေနပ်အားရနေတယ်။ ဒါပေမဲ့  မီဒီယာတွေ သိလို့ မဖြစ်သေးဘူး။ မကြာခင်မှာပဲ ဒယ်ရီ စမစ်ဟာ ဟော်လ်တန်  နဲ့  မက္ကဆီကန် စားသောက်ဆိုင်မှာ တွေ့ ဆုံကြတယ်။ ဆန်မီရဲ့ အသွားအလာကို လေ့လာစောင့်ကြည့်ဘို့ ပါ။

မက္ကဆီကန် စားသောက်ဆိုင်ထဲမှာတော့ မီးရောင်ကမှိန်ပျပျပါပဲ ။ မသဲမကွဲ။ မရှင်းမလင်း။  ဟော်လ်တန် နဲ့  စမစ် ဓအတူထိုင်မိကြပြီ။ စုံထောက် ကလပ်ခ်ဝပ်ဇကော့ဖ် လည်း ပါဝင်လာတယ်။ သတင်းမှတ်တမ်းတွေ ဖလှယ်ကြတယ်။ ရေးမှတ်ကြတယ်။ စုံထောက် ကလပ်ခ် က  ခြေလှမ်းကြဲကြီးနဲ့  ကားဆီပြန်ပြီး ကားထဲက  ဓါတ်ပုံတပုံ  ယူလာပြတယ်။

“ ဆန်မီ ဆိုတာ ဒီကောင်လား ”

 “သူပဲ”

“ဒီဘက်ကမင်စာက ...”

“ဒေးလ်  .. ဒေးလ် ဟော်ဇနာ”  ကောင်းပြီ။

လူသတ်သမားတွေ ကျက်စားတတ်တဲ့ ဝေါလ်မတ်ထ်တွေ နား မှာ အရက် ၊ဆေးလိပ် ၊ လက်နက် မှောင်ခို စတာတွေ နှိမ်နင်းရေးအဖွဲ့ တခုလဲ ချထားပေးတယ် ။

ဟော်လ်တန် ဟာ အန္တရယ်များတဲ့ အလုပ်တခုဖြစ်တာမို့ သူ့ခလေးတွေကို သူတို့ အဖွားဆီ  ပို့ ထားလိုက်တယ်။

လူသတ်တရားခံကတော့ သဲလွန်စရထားပေမဲ့   ပျောက်ကွယ်နေဆဲပါပဲ။ သူဘာကိုမှ နှောင့်နှေးမနေဘူး။ သဲသဲမဲမဲ ရှာတယ်။ မိတ်ဆွေတွေဆီ ချဉ်းကပ် အကူအညီတောင်းတယ်။ အရေးပေါ် လျို့ ဝှက်၊ သတင်းတွေ စုတယ်။ ထူးခြားမှုက ရှိမလာသေးပါဘူး။ ဇူလိုင် ၂၃ရက်နေ့မှာတော့  စောစောစီးစီး စမစ် ထံက ဖုန်းဝင်လာတယ်။ သေနတ်သမားဟာ အတင့်ရဲလွန်းပြီ တဲ့။ လမ်းပေါ်စက်ဘီးစီးလာသူတဦးကို ပစ်သတ်ခဲ့ တယ်တဲ့။ ဒုက္ခပါပဲ   ဖီးနစ်စ်လမ်းတွေဟာ  သွေးတွေနဲ့  ညစ်ထေးစွန်းပေကုန်ပြီ။ လူတိုင်း အသက် ဖက်နဲ့ ထုပ်ထားကြရြ့ပီ။ ဇူလိုင် ၂၈ရက်နေ့ မှာတော့ ဟော်လ်တန် “ဆန်မီ” ဖုန်းနံပတ်အသစ်ကိုရလိုက်ပြီ။ သူဖုန်းခေါ်ပေမဲ့  မကိုင်ပါဘူး။ အကြိမ်များစွာ ခေါ်ပေမဲ့ မတုံ့ ပြန်ပါဘူး။

တနင်္ဂနွေ နေ့  ညမှာတော့  လာ့စ်ဗီးဂတ်စ် ကနေ ဆန်မီ က ဖုန်းလက်ခံ တုံ့ ပြန်တယ်။

 “မင်း နိုင်နေလား ရှုံးနေလား”

စိတ်ပျက်အားပျော့သံဖြင့်  . “ရှုံးတယ်။”

“ငါလာခဲ့မယ် ”  ပြောတော့ သူ  ဖုန်းချသွားပြီ။  စမစ် ဆီ ဒီအကြောင်းပြန်ပြောပြတော့ “အေး သတိထား  တနင်္ဂနွေ။ အင်္ဂါဆိုရင် သတိထား။

“ဒီနေ့ တွေက  စူပါနေ့ ကြီး တွေ ကွ”

ပြီးခဲံ့ တဲ့  လူသတ်မှု ဖြစ်စဉ်တွေရဲ့  နေ့ တွေကြည့်ရင် ၁၇ ယောက်က တနင်္ဂနွေ နဲ့  အင်္ဂါနေ့  တွေမှာ ကျူးလွန်ထားတာတွေ့ ရတယ် ။ ပြောရင်းဆိုရင်း

..အလို ဒီကနေ့  ဆန်းဒေးပါလား။

နောက်နေ့ မနက်စောစော “စမစ်” ဖုန်းဆက်တယ်။

“ညက  အသက်၂၂နှစ်အရွယ် မိန်းကလေးချောချောတစ်ယောက်  မီဆာ ရပ်ကွက်မှာ အသတ်ခံလိုက်ရသတဲ့ ။

တကယ့်ကို ကြေကွဲစရာပါပဲ တဲ့ ။

မစ္စတာ ဟော်လ်တန် ပါးစပ် အဟောင်းသားနှင့် ဘာပြန်ပြောရမည်မသိချေ။

ဟော်တန် ဆန်မီ ဆီ message ပို့တယ်။ ဘီယာသောက်ကြရအောင်လို့ ချိန်းဆိုတာပါ။ မအားဘူးလို့ ငြင်းတယ်။ ဟောလ်တန် စိတ်မရှည်ချင်တော့ဘူး။ ဂုတ်ကနေဆွဲခေါ်ပီး လက်သီးနဲ့  ပစ်ထိုးချင်ပီ။ မကြာပါဘူး။ ဆန်မီ သတင်းပို့ တယ်။

“Stardust Bar မှာ ဆုံကြရအောင်...”

စုံထောက်စမစ် ဆီ ဒီအကြောင်း ဖုန်းဆက်တယ်။ ကျားနဲ့  ဆင်  လယ်ပြင်မှာ တွေ့ ဖို့ နီးပြီ။

သူတိုနှစ်ဦးချိန်းဆိုထားရာမှာ ရဲတွေ လျှို့ ဝှက် လှုပ်ရှား နေကြတယ်။ ခြုံပုတ်တွေမှာ အချို့ ပုန်းခို စောင့်ကြည့်နေကြတယ်။ ဟော်လတန်နဲ့ အတူ ဂယ်ရီဂိုင်လ် တယောက်လဲ ပါလာတယ်။  ကံဆိုးသူ ဆန်မီ  က တယောက်တည်းပါ။ သူကတော့  မိတ်ဆွေဟောင်းတွေနဲ့ ပြန်လည်ဆုံဆည်းရတဲ့အတွက် ပြုံးပြုံးရွှင်ရွှင် ရယ်စရာလေးတွေ အပြောမပျက်ခဲ့ပါဘူး။ ဆိုင်ကယ်စီးအဖွဲ့သားတွေကိုလဲ မေးသေးရဲ့။ ဟော်လ်တန့် ခလေးတွေကိုလဲ သွားရောက်တွေ့ ဆုံအုံးမယ်လို့  လည်း အိနြေ္ဒမပျက် ပြောနေတယ်။

Stardust Bar ကတော့ လုံလုံခြုံခြုံနဲ့  အရာရာ ဖုံးဖုံးဖိဖိ သိုသိုဝှက်ဝှက် ရှိနေပုံပါပဲ။ မှုံကုပ်ကုပ်လို့ လဲ ဆိုနိုင်ပါတယ်။ ဒါပေမဲ့  မကြာလိုက်ဘူး။ ဟိုရှေ့ က စားပွဲဝိုင်းတခုမှာ မုတ်ဆိတ်ဗလပြစ်နဲ့  လူတယောက် ဘီယာမသောက် ရေတွေသောက်နေတာ ရဲ လား။ ငါ့ ကို လှည့်လှည့် ကြည့်နေတယ် ၀ါယာကြိုးတွေ နားထဲ ထည့်တယ်။  စသည် ဆန်မီ  တွေး လာတယ်။ ဒါနဲ့  သူ သန့် စင်ခန်းသွားမယ်ဆိဲုပီး ထွက်သွားတယ်။

ဟော်လ်တန် က စမစ်ကို  အရေးတကြီးဖုန်းခေါ်ပြီး အရင်မလိုဖို့ သတိပေးတယ်။ ခဏနဲ့ ဆန်မီ ရောက်လာပေမဲ့  သူက ကောင်တာမှာ ငွေရှင်းပြီး ချက်ခြင်းထွက်ခွာသွားတော့တယ် ။ သိက္ခာရှိရှိ ကလေးပါပဲ။ စမစ် က စိတ်တိုနေပြီ။ ချက်ခြင်းကြီးကို ဖမ်းချင်နေပြီ။ စိတ်မရှည်ချင်တော့ဘူး။  တောက် တခေါက် ခေါက်။ နေနှင့်အုံး။ တနေ့ မင်းတို့လည်ပင်း မင်းတို့ ကြိုးကွင်းစွပ်မှာ။ ဟော်လ်တန် ကတော့  ချော့ချော့ မော့မော့ နဲ့  ကာစီနို လောင်းကစားရုံကို  သူ့ ထရပ်ကားနဲ့ ခေါ်လာတယ်။ အချိန်တော်တော်ကြာအောင် ကစားခဲ့ ကြပေမဲ့ သူတို့  အရှုံးပေါ်နေတယ်။ ပါသမျှငွေတွေ ပြောင်နေပါပြီ။ ဆန်မီ ဟာ ရှုံးရင်း သောက်။ သောက်ရင်းရှုံး နေရာက လုံးဝ မထနိုင်တော့ပါဘူး။ အကွက်ကောင်းစောင့်နေတဲ့  မစ္စတာ ဟော်လ်တန်  အကြိုက် တွေ့ စရာပါပဲ။ ဆန်မီ ကို ဘယ်နေရာ လိုက်ပို့ ရမလဲ မေးတော့  ဒေးလ်ရဲ့  လိပ်စာကို ပြောပါတယ်။ ဖုန်းနံပတ်လဲ ရတယ်။ နိပ်ပြီ။ တချိန်တည်း။ တပြိုင်တည်း ငါးရံ့နှစ်ကောင်ဖမ်းမိပြီ။ ဆန်မီ ကို လာရောက်ခေါ်ယူဖို ဒေးလ် ထံ အကြောင်းကြားရာမှာတော့  အရာရာ ချောမွေ့ သွားခဲ့ တယ်။

မစ္စတာ ဟော်လ်တန်  ပေါ့ ပေါ့ပါးပါး လေး  စမစ် ဆီ သတင်းပို့ တယ်။

“အဆင်သင့်ပါပဲ ။ ရဲမှူးကြီး ။ ကျွန်တော် သူတို့ ကို  တစ်နရာတည်းအတူ ထားခဲ့ နိုင်ပါပြီ”

“ အို ကေ..အိုကေ ၊ ကောင်းပြီ။  ကောင်းပြီ ။ ခွေးမသားတွေ ..မင်းတို့   ဘယ်ပြေးမလဲ ဟေ့”  ။  စမစ် က ကြိမ်းဝါးနေပြီ။ အမှန်တော့  နောက် ၂ရက်လောက်အထိ  မစ္စတာ ဟော်လ်တန် စိုးရိမ်စိတ်တွေနဲ့  ကတုန်ကယင် ဖြစ်နေဆဲပါ။ စမစ်က သူတို့နှစ်ကောင်လုံး ဖမးမိလိုက်ပီ လို့ သတင်းပြန်ပို့ပီးမှ စိတ်အေးသွားတာပါ။ စမစ် ပြောတာက ကျုပ်တို့ ဒေးလ် ရဲ့ အိမ်ကို ၂၄နာရီ စောင့်ကြည့်ခဲ့တယ်။ သူတို့ လှုပ်ရှားမှုကို လုံးဝမျက်ခြေပြတ်မသွားစေခဲ့ဘူး။ ရွန်းဟော်လ်တန်..ခင်ဗျားဟာ ဖီးနစ်ရဲ့  သူရဲကောင်းပါပဲ။ ချီးကျုးပါတယ်ဗျာ..။ ဟော်လ်တန် သက်ပြင်းတစ်ချက် ခိုးချလိုက်တယ်။

 “စိတ်မကောင်းပါဘူး မိတ်ဆွေလေးရယ်။  ထိုက်သင့်တဲ့ပြစ်ဒါဏ်ခံယူပီးရင် မင်းဘ၀ကို အသစ်ပြန်လည် ထူထောင် လာနိုင်မှာပါ ။

 တကယ်တော့ မစ္စတာဟော်လ်တန် ဟာ သူ့ မိတ်ဆွေ လေးကို အကြမ်းဖက်လူသတ်သမားဘ၀က လွတ်မြောက်စေလိုတဲ့ စေတနာပါ။ တရားဥပဒေကို ရင်ဆိုင်ဖြေရှင်းပါ။ ဒါ အကောင်းဆုံးနည်းလမ်းပါ။ ငါ့မြို့သူ မြို့ သားတွေလဲ  ငြိမ်းငြိမ်းချမ်းချမ်း နေနိုင်ကြတော့မှာပါ  လို့  သူကပြောနေတယ်။

အမှန်ပါပဲ။ ဖီးနစ် မြို့ သူမြို့ သားတွေဟာ ဆန်မီ ကို ဖမ်းဆီးပြီးတဲ့ နောက်  ဘာသံမှ မကြားရတော့တာပါ။ ဆန်မီ နဲ့ ဒေးလ်  တို့ ၂ ဦးဟာ  Marcopa  County  Attorney’s ရုံးမှ  ပြစ်ဒါဏ်စီရင်ချက်တွေကို ခုခံ ကာကွယ်ဖို့  အကောင်းဆုံးရှေ့နေတွေ ငှားရမ်းခွင့်ပေးပါတယ်။  နှစ်ယောက်စလုံးကတော့ ဒီအမှု ဟာ မှားယွင်းနေတယ် လို့  ငြင်းဆန်နေဆဲပါပဲ။

ဘာပဲပြောပြော  ဒီကနေ့မှာတော့  ဖီးနစ်စ်မြို့ရဲ့လမ်းတွေဟာ   ပျော်ရွှင်ချမ်းမြေ့စွာ သွားလာလှုပ်ရှားနေပြီဖြစ်တဲ့ မြို့သူ မြို့သားတွေနဲ့ ပြည့်နက် နေပါတော့တယ်။       ။

Sniper on the Loose by  katheryn wallance, Reader's Digest        

Florist