ဂျေလို နားခိုရာ၊ အိမ်ဂေဟာ

အမေရိကန် သရုပ်ဆောင်၊ အဆိုတော် ဂျနီဖာ(လင်း)လိုပက်ဇ် ဟာ လက်တင် အမေရိကန်နွယ်ဖွားတွေထဲမှာ ၀င်ငွေအကောင်းဆုံးရှာဖွေနိုင်တဲ့သူပါ။ ငယ်စဉ်ကတည်းက ဂီတနဲ့ အက အမြဲတမ်းရင်းနှီးကျွမ်းဝင်နေတဲ့ မိသားစုမှာကြီးပြင်းခဲ့ပါတယ်။ ကလေးအရွယ်ကတည်းက အကသင်တန်းကျောင်းတက်ခဲ့တယ်။ ဂျေလိုရဲ့အနုပညာဝါသနာကို In Living Color ဆိုတဲ့ တီဗီအစီအစဉ်လေးမှာ ဂျဲနက်ဂျက်ဆင်အတွက် နောက်ခံအကပညာရှင်လေးအဖြစ် ပါဝင်ရင်း စတင်ခဲ့တာပါ။ အကပညာရှင်၊ အဆို၊ သရုပ်ဆောင် စတဲ့ အနုပညာအလုပ်တွေလုပ်ရင်းနဲ့ နောက်ပိုင်းမှာ ဖက်ရှင်၊ ရေမွှေး စီးပွားရေးလုပ်ငန်းတွေကိုပါ လုပ်ကိုင်လာခဲ့ပါတယ်။ ၂၀၀၄ ခုနှစ်မှာ မာခ့်အန်တိုနီလက်ထပ်ခဲ့ပြီး လက်ရှိအချိန်တွေမှာတော့ အမွှာကလေးမက်စ်နဲ့ အေမီတို့ နှစ်ယောက်နဲ့ပဲ သူမရဲ့ဘ၀ကို ဖြတ်သန်းနေပါတယ်။ ဂျေလိုရဲ့ လန်းဆန်းတဲ့ဘ၀သစ်ကို The Hamptons  ပင်လယ်ကမ်းစပ်နားက သူမရဲ့ ပြည့်စုံလှပတဲ့ အိမ်ကြီးမှာ နေထိုင်ရင်း အချိန်တွေကို ကုန်ဆုံးစေမယ်လို့ဆိုတယ်။ ဒီအိမ်မှာတော့ ပရိဘောဂတွေနေရာချ အလှမဆင်ရသေးပါဘူး။

ဂျေလိုရဲ့ ကယ်လီဖိုးနီးယားပြည်နယ်က အိမ်ကိုတော့ ဒီဇိုင်းနာ မီရှဲလ်ဝါခ့်မန်း က အိမ်ခန်းအလှဆင် ပြင်ဆင်ခြယ်မှုန်းခဲ့ပါတယ်။ ဂျေလိုရဲ့ အိမ်ခန်းလေး အလှဆင်ပြီးတဲ့အခါမှာ Veranda မဂ္ဂဇင်းမှာ ဖော်ပြခဲ့ပါသေးတယ်။ “ဂျနီဖာ နဲ့ ကိုယ်က လှပကြော့ရှင်းတဲ့ ဒီဇိုင်းအပြင်အဆင်လေး လိုချင်တယ်။ ပစ္စည်းတွေ စုပြုံပြည့်သိပ်နေတဲ့  ဒီဇိုင်းမျိုး မဖြစ်ချင်ဘူး။ ရှေးဆန်ဆန်၊ တည်တည်ခံ့ခံ့ ကြီးလည်း မကြိုက်ကြဘူး” လို့ ၀ါခ့်မန်းက ပြောပါတယ်။ ကြော့ကြော့မော့မော့လေးပဲ တင့်တယ်ရင်တော်ပြီ။ လိုသလောက်လေးပဲ လင်းလက်ရုံလောက်ပဲ လို့ ဆိုတယ်။

မီးဖိုခန်းဟာ ဒီဇိုင်းနာ မီရှဲလ်ရဲ့ စိတ်ကြိုက်အခန်းလေးဖြစ်ခဲ့ပါတယ်။ ဂျေလိုလည်း မီးခိုးပြာရောင် ဗီရိုအဆင်သွေးတွေကို ကြိုက်နှစ်ပါတယ်။ ဗိသုကာပညာရှင် ဂျွန်လက်ဖေးရဲ့ ဒီဇိုင်းဖြစ်ပြီး ၂၀၁၀ ခုနှစ်မှာ တည်ဆောက်ခဲ့တယ်။ ၁၄၀၀၀ စတုရန်းပေ ကျယ်ဝန်းပါတယ်။

မီရှဲလ်ဝါခ့်မန်းက ပြောပါတယ်။ အိမ်ခန်းတွေရဲ့ အရောင်အသွေးဟာ အားလုံး မီးခိုးရောင်အဆင်ထဲမှာရှိတယ်။ မီးခိုးရောင်နဲ့ ပဲ တစ်ခြား အပြာ၊ အနက်၊ အဖြူ ပေါင်းစပ် ကစားထားတယ်။ လေးဆယ်ခုနှစ်ထဲက အဖြူ အမဲ ရုပ်ရှင်ကားတစ်ကားလို့ပဲပေါ့ တဲ့။ ဧည့်ခန်းဆောင်ကို မက်မွန်သီးရောင် ဖျော့ဖျော့လေး ခြယ်မှုန်းထားပါတယ်။ ပြင်သစ်ရိုးရာ၊ ရဲတိုက်တွေမှာတွေ့ရတဲ့ စတိုင်လ်မျိုးလို မီရှဲလ်က စိတ်ကူးပြီးဖန်တီးပေးခဲ့ပါတယ်။ 

ဒါပေမဲ့ သူမရဲ့ ကျော်ကြားတဲ့အိမ်ပိုပ်ရှင်ဂျေလို က ဒီဇိုင်း အားလုံးကို ပြောင်းလဲပစ်လိုခဲ့တယ်။ ပြီးလုပြီးခင်အချိန်မှာမှ မီးပလပ်ခေါင်းကို ဆွဲဖြူတ်လိုက်သလို အားလုံး အစက ပြန်ပြီးတော့ အသွင်ပြောင်းချင်ခဲ့ပါတယ်။ ဂျေလို လိုချင်တဲ့ အပြင်အဆင်က ခေတ်ဆန်ရမယ်။ ပြီးပြည့်စုံတဲ့ ဒီဇိုင်းဖြစ်ချင်ခဲ့သတဲ့။ ပြင်သစ်စတိုင်းအပြင်အဆင်မျိုးတွေထဲမှာပဲ သော့ခတ်ပြီး မနေချင်ပါဘူးလို့ ဆိုတယ်။ နောက်ဆုံး ဂျေလိုစိတ်ကြိုက်ပြင်ဆင်ပြီးတဲ့အခါ Veranda မဂ္ဂဇင်းမှာ ဂျေလိုရဲ့ စွဲမက်စရာ စတိုင်ကျကျ ခေတ်မှီတဲ့အိမ်ခန်းအပြင်အဆင်တွေဖော်ပြခဲ့ပါတယ်။

ဂျေလိုရဲ့ ပင်လယ်ကမ်းစပ်က အိမ်ခန်းအလှဆင်ပြင်ဆင်ပြီးသွားတဲ့အခါမှာလည်း Veranda မဂ္ဂဇင်းမှာ ဓါတ်ပုံတွေ ဖော်ပြပေးနိုင်ပါလိမ့်မယ်။ ဂျေလိုရဲ့ ကမ်းခြေကအိမ်မှာ ကျယ်ပြန်တဲ့ ဧည့်ခန်း၊ ထမင်းစားခန်းတွေ ရှိနေပါတယ်။ သစ်သားတွေနဲ့ပဲ ပုံဖော်ထားတဲ့ ပြူတင်းပေါက်တွေကြောင့် အိမ်ခန်းလေးက အင်မတန်ကြည်လင်လန်းဆန်းစေပါတယ်။ စာကြည့်ခန်း၊ အိပ်ခန်း ၇ ခန်းနဲ့ ရေချိုးခန်း ၉ ခန်းပါရှိတယ်။ အိမ်ရဲ့အပြင်ဘက်မှာလည်း ရေကူးကန်ကနေကြည့်နိုင်မယ့် တီဗီ နွေးနွေးထွေးထွေးရှိစေဖို့ မီးလင်းဖိုကိုပါ ထည့်ထားပါသေးတယ်။ အိမ်ရဲ့ ဘေးဘက်က ရေကူးကန်လေး၊ အိမ်ရဲ့ နောက်တစ်ခြားတစ်ဘက်မှာတော့ ကျယ်ပြန့်လှတဲ့ ပင်လယ်ကြီးရှိနေပါတယ်။ ဂျေလိုရဲ့ နားခိုရမယ့် အိမ်ဂေဟာလေးက ဆိတ်ငြိမ်နွေးထွေးပြီး ပြန့်ပြူးနေပါတယ်။ အဲဒီနေရာလေးမှာ ဂျေလိုလည်း အမွှာလေးနှစ်ယောက်နဲ့ ပျော်ရွှင်မြူတူးနိုင်ကောင်းပါရဲ့။       ။