တူရကီကော်ဖီ နဲ့ နိမိတ်ပုံများအကြောင်း

Turkish ကော်ဖီကိုကြည့်ပြီး ဗေဒင်ဟောတဲ့အလေ့အထဟာ ဥရောပနိုင်ငံတွေမှာ ထင်ရှားလှတဲ့ရိုးရာဓလေ့ထုံးစံလို ဖြစ်နေပါတယ်၊ Turkish coffee ဆိုတာက ကော်ဖီတစ်မျိုးရဲ့အမည် မဟုတ်ပဲ၊ ကော်ဖီပြုလုပ်ပုံနည်းသာဖြစ်ပါတယ်၊

အော်တမန်အင်ပါယာ(တူရကီအင်ပါယာ)တခေတ်ထူထောင်ခဲ့စဉ် အားအကြီးဆုံးအချိန် ၁၆ရာစု၊ ၁၇ ရာစုနှစ်တွေမှာ တူရကီယဉ်ကျေးမှုဟာ ဥရောပအရှေ့တောင်ပိုင်း၊ အရှေ့အလယ်ပိုင်းဒေသ၊ မြောက်အာဖရိက၊ ကော့ကေးဆပ်ပြည်နယ်၊ ဘော်လ်ကန်ဒေသ(အယ်လ်ဘေးနီးယား၊ ခရိုအေးရှား၊ ဂရိ၊ ကိုဆိုဗို၊ မက်ဆီဒိုနီးယား၊ ဆားဘီးယား၊ ဘူလ်ဂေးရီးယား၊ ခရိုအေးရှား၊ ဆလိုဗေးနီးယား)အပါအ၀င် တခြားဥရောပနိုင်ငံတွေမှာပါ လွှမ်းမိုးခဲ့တယ်၊ ကော်ဖီမှုန့်ကို အ၀ကျဉ်းအိုးလေး ဆဗဲ(cezve)နဲ့နှပ်ပြီး သောက်ရတဲ့ Turkish coffee ယဉ်ကျေးမှုဟာလည်း အဲဒီဒေသတွေမှာ လွှမ်းမိုးခဲ့တယ်၊ ကော်ဖီ အစပြုခဲ့တာက အီသီယိုးပီးယားနဲ့ ရီမင်နိုင်ငံက စတင်ခဲ့တယ်လို့ ဆိုတယ်၊ ၁၅ရာစု၊ ၁၆ရာစုမှာ ကိုင်ရိုနဲ့ မက်ကာကို ပြန့်နှံ့ခဲ့တယ်၊ အော်တမန်သမိုင်းမှတ်တမ်းဆရာ အီဗရာဟင်ပန်ချဲဗီ နှစ် ၉၆၂(၁၅၅၄-၅၅)ခုနှစ် အော်တမန်ဒေသတွေမှာ ကော်ဖီနဲ့ ကော်ဖီဆိုင်ဆိုတာမရှိသေးပါဘူး၊ အဲဒီနှစ်ထဲမှာပဲ ဆီးယီးယားမြောက်ပိုင်း အဲလဲပို က ဟာကမ် ဆိုသူနဲ့ ဆီးယီးယားမြို့တော် ဒမတ်စ်ကပ်စ် က ရှမ်းစ် တို့ မြို့တော်ကို ရောက်လာခဲ့ပြီး ကော်ဖီရောင်းတဲ့ ဆိုင်ကြီးတစ်ဆိုင်ဖွင့်ခဲ့ကြတယ် လို့ မှတ်တမ်းပြုထားခဲ့ ပါတယ်၊ ကော်ဖီဟာ တူရကီယဉ်ကျေးမှုမှာ အင်မတန်လွှမ်းမိုးပါတယ်၊ ကော်ဖီကို တူရကီလို Khave လို့ခေါ်ကြတယ်၊ မနက်စာကိုတောင်မှ khavalti (before coffee) လို့ခေါ်ကြတဲ့အထိပါပဲ၊ အော်တမန်အင်ပါယာရဲ့နယ်နမိတ်ကျယ်ပြန့်သလို တူရကီရဲ့ ကော်ဖီယဉ်ကျေးမှုကလဲ နိုင်ငံအနှံ့အပြား ပြန့်နှံ့ခဲတယ်၊ လက်ရှိ တူရကီနိုင်ငံမှာ Starbucks အမေရိကန်ကော်ဖီဆိုင်တွေ၊ Gloria Jean’s သြစတြေးလျကော်ဖီဆိုင်မျိုးတွေကိုမှ လူငယ်တွေက ထိုင်ဖို့ နှစ်သက်လာကြပေမဲ့ Turkish coffee ကိုပဲ စွဲစွဲမက်မက်သောက်နေကြတဲ့သူတွေ Turkish coffee ဗေဒင်ဆိုင်တွေမှာလဲ လူတွေ အများကြီးရှိနေပါသေးတယ်၊ ဒီမှာလဲ မိတ်ဆွေတွေအိမ်သွားလည်တဲ့အခါ Turkish coffee လား၊ နက်စ်ကော်ဖီလားလို့ ဒီ ၂ မျိုးပဲမေးကြလေ့ရှိတယ်၊ ရိုးရာ Turkish Coffee ကို ဧည့်ခံတဲ့အခါ ရေတစ်ဖန်ခွက်၊ ချောကလက်နဲ့ တွဲပြီး ရိုးရာမပျက်ဧည့်ခံကြလေ့ရှိတယ်၊

Preparation of Turkish coffee

ကော်ဖီကို (cezve ) လို့ခေါ်တဲ့အိုးလေးနဲ့ လူဦးရေအတိအကျအတွက် ရေကိုထည့်ပြီး ဆူပွက်အောင် အရင်တည်တယ်၊ ရေနွေးဆူလာပြီဆိုတော့မှ လူလေးယောက်စာဆို ကော်ဖီဇွန်း ၄ ဇွန်းစာထည့်ပြီး အခါးပိုချင်ရင် နဲနဲပိုထည့်ပေးနိုင်ပါတယ်၊ ပြီးရင် ပွက်ပွက်ဆူတဲ့ ရေနွေးနဲ့အတူ ကော်ဖီအမြုပ်တွေ ထလာတဲ့အခါ ဝေမကျအောင် ကော်ဖီအိုးကို ၂ခါ သုံးခါ မီးဖိုမှ အထက်ကိုနည်းနည်း မြှောက်ပေးကြတယ်၊ အဲဒီအခါမှ ကော်ဖီအနံ့ပိုထွက်တယ်လို့ဆိုကြတယ်၊ Turkish coffee နှပ်တာကို အနုပညာတစ်မျိုးလို အလေးထားကြပါတယ်၊ ကော်ဖီအမြှပ်တွေကိုလည်း ခွက်တိုင်းမှာပါအောင် ဇွန်းလေးနဲ့ ခပ်ပြီး ဝေငှထည့်ပေးကြတယ်၊ ပြီးရင်တော့ သကြား၊ နို့ က တစ်ယောက်ချင်းစီအကြိုက်အတိုင်း ထည့်ကြပြီး ကော်ဖီခွက်တိုင်းကို ဇွန်းလေးနဲ့ မွှေပါတယ်၊ အမြှပ်လေးတွေ အလည်မှာစုပြီးလည်နေတာကို အကြိုက်ဆုံးပါပဲ၊ အဲဒီလို လည်နေတဲ့အမြှပ်ဝိုင်းလေးက ကြီးနေတယ်ဆိုရင် လာဘ်လာဘပေါများတယ်လို့ အယူရှိတယ်၊ ကော်ဖီဖျော်တိုင်း သေသေချာချာဂရုစိုက်လေ့ရှိပါတယ်၊

ကော်ဖီဗေဒင်ကို Tasseography(Tasseomancy/tassology) လို့ခေါ်ပြီး ကော်ဖီဗေဒင်အတွက် Turkish coffee ကိုသာ အသုံးပြုပြီးနိမိတ်ဖတ်ပေးကြတယ်၊ ကော်ဖီဗေဒင်ဟောတဲ့အခါ အင်မတန်အသေးစိတ်ဆန်ပြီး အပိုင်းလိုက်ခွဲခြား နိမိတ်ဖတ်ဟောပြောကြတယ်၊ ပြင်သစ်စကားလုံး တာဆီ(ခွက်)၊ ဂရိနောက်ဆက်တွဲ စကားလုံး  ဂရပ်ဖီ“ရေးခြင်း”၊ လော်ဂျီ“လေ့လောခြင်း”၊ “မန်ဆီ” အနာဂါတ်ဟောပြောခြင်းတို့ဖြစ်တယ်။

သမိုင်းအရဆိုရရင်တော့ စကော့တလန်၊ အိုင်ယာလန်နဲ့ အင်္ဂလန်မှာ ဒီအလေ့အထ ထွန်းကားခဲ့တယ်လို့လဲ ဆိုကြတယ်၊ အင်္ဂလိပ်အိုးလုပ်သူတွေက ဗေဒင်ဟောပြောမှုအတွက် အထောက်အကူဖြစ်မယ့် ကော်ဖီခွက်ဒီဇိုင်းတွေ ဖန်တီးပြုလုပ်ခဲ့ကြတယ်၊ ခွက် ဒီဇိုင်းတွေမှာ ၁၂ရာသီခွင်ဒီဇိုင်း၊ ဖဲချပ်များ(၅၂ချပ်၊၃၂ချပ်)ဒီဇိုင်း နဲ့ ကော်ဖီဗေဒင်ဟောရာမှာ အများဆုံးအသုံးပြုကြတဲ့ မြင်တွေရလေ့ရှိတဲ့ နိမိတ်ပုံတွေပါတဲ့ဒီဇိုင်း သုံးမျိုးပြုလုပ်ခဲ့ကြတယ်။

http://www.okokchina.com/Files/uppic/ZODIAC%20MUG359.jpg

www.aspencountry.com

http://www.readersandrootworkers.org/images/thumb/b/bc/Vintage-fortune-telling-tea-cups.jpg/300px-Vintage-fortune-telling-tea-cups.jpg

 ကော်ဖီဗေဒင်ဖတ်တဲ့အခါ အနည်းဆုံး နည်း၂ နည်းသုံးကြလေ့ရှိတယ်၊  ၂ နည်းလုံးမှာ ကော်ဖီပန်းကန်အောက်ခံပြား ကာထားပေးရပါတယ်၊ ရိုမေးနီးယားမှာဆိုရင် အောက်ခံပြားမဖုံးကာခင်မှာ အနည်တွေကို ခွက်ထဲမှာ အရင်မွှေလိုက်ပါသေးတယ်၊ တူရကီနဲ့ အရှေ့အလယ်ပိုင်းဒေသတွေမှာတော့ မမွှေကြပါဘူး၊ ကော်ဖီတွေအနည်ကျဖို့ အချိန်စောင့်ရတယ်၊ အအေးခံရပါတယ်၊ ဖတ်တဲ့အခါ ပထမဆုံးကော်ဖီသောက်သုံးသူက တစ်နေရာထဲကပဲ သောက်ရပါတယ်၊ ကော်ဖီကုန်သွားတဲ့အခါ အောက်ခံပြားလေးနဲ့ဖုံးကာပြီး ရင်ဘတ်နားဆီဆွဲယူကာ နာရီလက်တံအတိုင်း ၂ကြိမ်၊ ၃ကြိမ်ခန့်ဖြည်းဖြည်းချင်းလှည့်ရတယ်၊ ပြီးမှာ ခွက်ကိုမှောက်လျှက် ပြန်ချထားပြီး အအေးခံပါတယ်၊ တစ်ချို့ကတော့ အအေးခံတဲ့အချိန်မှာ အကြွေစေ့ကို ကော်ဖီခွက်ပေါ်မှာတင်ထားရင် မကောင်းတဲ့နိမိတ်ဆိုးတွေ ရှင်းပြီးသားဖြစ်တယ်လို့ ယုံကြည်ကြတယ်၊ ကော်ဖီသောက်တဲ့သူက ခွက်ကိုမဖွင့်ရပါဘူး၊ နိမိတ်ဖတ်မယ့်သူကသာဖွင့်ပြီး ကော်ဖီသောက်သူက မဖွင့်ခင်မှာ open the heart လို့ပြောရတယ်၊

ကော်ဖီအနည်တွေကိုကြည့်ပြီ ဖတ်တဲ့အခါ အင်မတန်အသေးစိတ်ဆန်လှပါတယ်၊ နိမိတ်ဖတ်တဲ့အခါ တ၀က်စီခွဲခြားပြီးဖတ်ကြတယ်၊ အပေါ်တစ်ဝက်က အနာဂါတ်အတွက်ဖြစ်ပြီး အောက်ဖက်တစ်ဝက်မှာ ထင်ကျန်နေတဲ့ပုံရိပ်တွေက အတိတ်အတွက်ဖြစ်ပါတယ်၊ အဲဒီတ၀က်စီမှာမှ ညာဘက်ခြမ်းအပိုင်းတွေက နမိတ်ကောင်းတွေအဖြစ်ဖတ်ရပြီး၊ ဘယ်ဘက်ခြမ်းမှာက မကောင်းတဲ့ကိစ္စရပ်တွေ၊ ရန်သူတွေ၊ ဖျားနာခြင်းနဲ့ ပြဿနာတွေနဲ့ တခြားဆင်တူအဆိုးတွေအတွက် ဖတ်ရတယ်လို့ဆိုတယ်၊ ကော်ဖီနိမိတ်ဖတ်တဲ့အခါ တခြားယုံကြည်မှုတစ်ခုက လာမယ့်ရက်ပေါင်း ၄၀ အတွင်းဖြစ်မယ့်ကိစ္စမျိုးသာ ဟောပြောနိုင်တယ်၊ ရက် ၄၀ လွန်သွားတဲ့အချိန်အတွက် မမှန်နိုင်ဘူးလို့လဲ ယုံကြည်ကြတယ်၊ နိမိတ်ပုံတွေမှာ ခွေးပုံစံ- သစ္စာရှိတဲ့သူငယ်ချင်း၊ ဆွေမျိုး၊ ပန်းသီးပုံစံ - ဗဟုသုတကြွယ်ဝခြင်း၊ အတန်းပညာပြီးဆုံးခြင်း၊ ဒီပလိုမာတစ်ခုခုရခြင်း၊ ပျံနေတဲ့ငှက်လေးများ- သတင်းကောင်းကြားရခြင်း၊ ဖယောင်းတိုင်- အသိဥာဏ်ပညာတိုးတက်ခြင်း၊ ကြောင်ပုံစံ- ကလိန်ဥာဏ်ဆင်မယ့် သူငယ်ချင်း၊ ဆွေမျိုး၊ စွန်(ယစ်ဘီးနဲ့လွှတ်ရတဲ့စွန်)- ဆန္ဒတွေပြည့်စုံခြင်းနဲ့ ကျီးကန်းပုံစံ- သေဆုံးခြင်း သတင်းဆိုးတွေ လို့ ယေဘူယျသတ်မှတ်ပြီး ဖတ်ကြတယ်၊ ကော်ဖီခွက်နဲ့ အောက်ခံပြားကပ်ပြီး ခွာမရရင် ဗေဒင်ဖတ်စရာမလိုလောက်အောင် အကောင်းတွေပြည့်နေတယ်လို့ ယူဆကြတယ်၊ ကော်ဖီနိမိတ်ဖတ်တဲ့အခါ နေ့လည်စာဖြစ်ဖြစ်၊ ညစာဖြစ်ဖြစ် ပြီးတဲ့အချိန်တွေမှာသာ ဖတ်ကြလေ့ရှိပါတယ်၊

တူရကီနဲ့ အခြားဥရောပနိုင်ငံတွေမှာ ကော်ဖီနိမိတ်ဖတ် ကျွမ်းကျင်သူတွေနဲ့ ဖွင့်လှစ်ထားတဲ့ ဆိုင်တွေတိုးတိုးလာနေပါတယ်၊ ကြုံကြိုက်တဲ့အခါ Turkish coffee တစ်ခွက်သောက်ရင်း ကိုယ့်ရဲ့အနာဂါတ်ကို မြည်းစမ်းကြည့်နိုင်ပါတယ်။

(ကျွန်မတော့ မမေးဘူးသေးပါဘူး၊ တစ်နေ့သွားမေးကြမယ်လို့တော့ အသိတွေနဲ့ ပြောထားပါတယ်၊ မေးကြည့်ပြီးတဲ့အခါ မှန်၊ မမှန်ပြောနိုင်ကောင်းပါရဲ့)

(လျှပ်တပြက်ဂျာနယ်) တူရကီကော်ဖီနှင့် နိမိတ်ပုံများအကြောင်း
Business - Vol2 No.98

Source : http://en.wikipedia.org/wiki/Turkish_coffee
             http://www.ineedcoffee.com/01/fortune/