Drop Down MenusCSS Drop Down MenuPure CSS Dropdown Menu

Wednesday, October 20, 2010

ပုံပြင်ထဲက ကျွန်မတို့တွေ (ရွှေယုန်ရွှေကျား)

ပုံပြင် ၂

နောက်ပုံပြင်တစ်ပုဒ်က ရွှေယုန်ရွှေကျားပါ၊
ရှေးရှေးတုံးက  ရွှေယုန်နဲ့ ရွှေကျား ဆိုတဲ့ သူငယ်ချင်း အကောင် ၂ကောင်ရှိကြတယ် တဲ့၊   ရွှေယုန်က ပညာဥာဏ်အမျှော်အမြင်ကြီးပြီး ကောက်ကျစ်တဲ့ စိတ်ရှိတယ်၊ ရွှေကျားကြီးကတော့ သိပ်ရိုး သိပ်အ သတဲ့၊ သူက ဘာမှ မစဉ်းစားဘူး၊  သူများပြောတိုင်း ယုံတတ်တယ်၊ တစ်နေ့တော့ ....ရွှေယုန်နဲ့  ရွှေကျား တို့ နှစ်ကောင်သား လမ်းမှာဆုံကြသတဲ့၊ ဒီတော့ “မိတ်ဆွေ ယုန်ကလေးရေ... အသင် ဘယ်ကိုများသွားမလို့ လဲ” လို့ နှုတ်ဆက်မေးမြန်းသတဲ့၊ ဒီအခါမှာ  အလွန်အကြံကြီးပြီး သူတပါးကို ချလေ့ရှိတဲ့ ရွှေယုန်က   “သက်ကယ်ရိတ်သွားမလို့၊ မိတ်ဆွေ ကျားကြီးရေ ... လိုက်ခဲ့ပါလားဗျ” လို့ သွေးဆောင်ခေါ်ငင်သတဲ့၊ ရွေှ့ကျားလဲ  မနေသာပဲ လိုက်ရတာပေါ့၊  ထမင်းထုပ်ကလေးတွေ ကိုယ်စီနဲ့ပေါ၊ သက်ကယ်ရိတ်ထွက်လာကြရော ဆိုပါတော့၊  ဒါနဲ့  သက်ကယ်တောထဲ ရောက်ရော၊ ရွှေကျားကတော့  နေမပူခင် အလုပ်ပီးအောင်ဆိုပီး ကြိုးကြိုးစားစား လုပ်သတဲ့၊ ထမင်းလဲ မစားသေးဘူး၊ အထုပ်ကလေးဘေးမှာချပီး သက်ကယ်ရိတ်နေတာကွဲ့၊ ရွှေယုန်ကတော့  ဘယ်ဒီလိုဟုတ်မလဲ၊ သူ့ကိုယ်သူ ပညာရှိဆိုပီးတော့  ရွှေကျားအပေါ်  အမြဲ အသာစီးယူတယ်၊ နောက်ပီး ထမင်းထုပ်တွေဖြည်စားတော့တာပဲ၊ ရွှေကျားအထုပ်ကိုပါ ပြောင်သလင်းခါအောင်စားတာ၊ စားပြီး ရွှေကျားထမင်းထုပ်ထဲကို  နောက်ချေးတွေရယ်  သလဲ တွေရယ် ထည့်ထားသတဲ့၊ ထည့်ပြီး  နောက်ကျရင် နောက်ချေးနဲ့ သလဲပဲ စားရမယ်ဗျို့ လို့  အော်ဟစ်ပြောလိုက်သေးတာကွဲ့ ၊ ရွှေကျားတို့ အ ပုံများ .. ရွှေယုန်က သူ့ ကို ကျီစယ်တယ်ထင်နေတာ။


အလုပ်ပြီးလို့ ထမင်းလဲ ဆာပြီဆိုမှ စားမယ် ကြံတော့ ထမင်းထုပ်ကကျောက်ခဲ သလဲတွေ ဖြစ်နေတာတွေ့ ရသတဲ့၊ ဒါလဲ သူက ဘာမှ မပြောဘူး၊ တကယ်လည်း သူက နောက်ကျမှ စားတာဆိုတော့ ထမင်းတွေလည်း တကယ်ကျောက်ခဲ သလဲတွေ ဖြစ်ကုန်တယ် ထင်နေရှာတာကွဲ့၊ ဒါနဲ့ ... နေကလဲ တော်တော်စောင်းလာပြီဆိုတော့ ရွှေယုန်က ပြန်မယ်လုပ်ကရော၊  သူနေမကောင်းလို့ပါတဲ့၊ ခင်ဗျားကျောပေါ်က လိုက်ခဲ့ပါရစေ တဲ့၊ မာယာများပြတယ်၊ “သက်ကယ်တွေရော” လို့ မေးတော့ “ဒါများဗျာ၊ မေးနေရသေးလား ခင်ဗျားကျောပေါ်ပဲ တင်ယူရမှာပေါ့ ကျုပ်က အကောင်ငယ်တာကိုး၊ ခင်ဗျားက သန်မာထွားကျိုင်းလွန်းတဲ့ ကိုယ်ခန္ဓာရှိတဲ့ဥစ္စာကို” လို့  ပြောသတဲ့၊ ဒီတော့ ရွှေကျားလဲ“ဟုတ်သားပဲ”  ဆိုပြီး “သက်ကယ်တွေ ကျုပ်ကျောပေါ်တင်ဗျို့ ”လို့ ဆိုသတဲ့၊ သက်ကယ်တွေအကုန်တင်ပြီးတော့ ရွှေယုန် သက်ကယ်ပေါ်က အိပ်လိုက်လာသတဲ့၊  လမ်းတစ်ဝက်လောက်ရောက်တော့ ရွှေယုန်က  မီးခြစ်ခြစ်သတဲ့၊ ဘာလုပ်တာလဲဗျ လို့  ရွှေကျားကမေးတော့ ရွှေယုံက ကျုပ် ဖျားနေတယ်ဗျ၊ ချမ်းလွန်းလို့ မေးရိုက်တာပါလို့ ဖြေသတဲ့၊  ဒီလိုနဲ့  မီးခြစ်လိုက်၊ မေးရိုက်တာပါပြောလိုက်နဲ့ သက်ကယ်တွေ မီးစွဲ ပါလေရော၊ ရွှေယုန်လဲ  မီးဗျို့  ...မီး....မီး  လို့ အော်ပြီး ရွှေကျားကြီးကျောပေါ်က ခုန်ဆင်းပြေးသတဲ့၊ ရွှေကျားကြီးလည်း သနားပါတယ် တော်ရုံအတာမဟုတ်ဘူး၊ နလဗိန်းတုံး  အ တာဆိုတော့ ကျောကိုလဲ မီးလောင်ခံရသတဲ့၊ အဖုအပိန့်တွေ က ပူစပ်ပူလောင်ဖြစ်တာပေါ့၊ တောင်စဉ်ရေမရ လျှောက်ပြေးရင်း အော်နေရှာတာ၊ သနားပါတယ်ကွယ်၊ ကယ်ကြပါ ဗျို့ .. ကယ်ကြပါဗျို့  နဲ့ တစာစာအော်ပြေးနေတော့ ရွှေယုန်က ရွှေကျားရှေ့က ကြိုရောက်နှင့်နေပြီး၊ သောင်ပြင်မှာ သွားလူးလိုက် လို့  ချောက်ချတာကိုလည်း အဟုတ်မှတ်ပီး သူ့ခမြာ သဲသောင်တွေထဲ လှိမ့်ကာ လှိမ့်ကာ လူးသတဲ့၊ လူးလေ လှိမ့်လေ မီးလောင်ဖုတွေက ပြဲလေ ဖြစ်ပီး ဆိုးသည်ထက် ဆိုးကုန်တာပေါ့။

နောက်ဆုံးတော့ ရွှေယုန်က ရှေ့ က ကြို ကြို ရောက်နှင့်နေအောင်  ဖန်တီးပြီး သူ့ ကိုိယ်..ကို တခြားယုန်တစ်ကောင်သဖွယ် မသိကျိုးကျွံပြုမေး သတဲ့၊ ရွှေကျားကြီးမျက်စိထဲ မှာ  တခြား ရွှေယုန်တကောင်လို့ ပဲ ထင် ထင်နေရှာတာ၊ နောက်ဆုံးတော့ “ခင်ဗျားနှယ်ဗျာ... ဒီလောက်အနာလေးများ  မကြောက်နဲ့၊ အရှေ့ က ချောက်ထဲသာခုန်ချလိုက် ပြီးရောလို့  ပြောသတဲ့၊ ရွှေကျားလဲ အဟုတ်မှတ်ပီး  ချောက်ထဲ တကယ်ခုန်ချလိုက်တာ တစ်ခါတည်း ဘ၀ဇာတ်သိမ်း ငြိမ်းသွားပါလေရောတဲ့။

ကျားပေါက်သီချင်းသံကလည်း နားထဲကို ပြေးပြေးပြီးဝင်လာတတ်ပါသေးရဲ့၊ လိမ်ညာဖြီးတဲ့ ရွှေယုန်လေးအပြောမှာ ယုံတတ်လွန်းတဲ့ မောင်ကျားကြီး ကိုယ်ကျိုးတွေ နည်းသွားရှာတာပေါ့၊ ကျွန်မတော့ ရွှေယုန်လေးလို ရွှေကျားတွေကို လိမ်ညာမဖြီးခဲ့သလို ကွန်မကြောင့် ချောက်ထဲခုန်ချခဲ့ကြတဲ့ ရွှေကျားကြီးတွေလည်း တစ်ယောက်မှ မရှိခဲ့ဘူးလို့ ထင်မိတာပါပဲ။

No comments: