ပုံပြင်ထဲက ကျွန်မတို့တွေ (မြွေမင်းသား)

 ပုံပြင် ၅

ပြီးတော့ မြွေမင်းသားပုံပြင်ပေါ့၊ ဒီပုံပြင်လေးကိုလည်း မေမေ ခဏခဏပြောပြရတာပါပဲ၊

ရှေးရှေးတုံးက  ရွာတစ်ရွာမှာ ခ၀ါသည် အဖိုးကြီးအဖွားကြီး နှစ်ယောက်ရှိသတဲ့၊ သူတို့မှာ မကြီး မလတ် မထွေးလေးဆိုပြီး သမီး ၃ ယောက်ရှိသတဲ့၊ သူတို့နှစ်ဦးဟာ နေ့စဉ် နေ့တိုင်း  မြစ်ဆိပ်ကို အ၀တ်လျှော်ထွက်ရသတဲ့၊ တစ်နေ့တော့  သူတို့နှစ်ဦး မြစ်ထဲမှာ အ၀တ်လျှော်နေတုန်း ရေထဲမှာ .. သဖန်းခိုင်ကြီးတစ်ခိုင် မျောလာတာကိုး၊ အဖွားက “အဖိုးရယ် .. ဆင်းဆယ်လိုက်ပါ” ဆိုတော့ အဖိုးက ထုံပေပေနဲ့  ငြိမ်နေသတဲ့၊ ဒါနဲ့ စိတ်မရှည်တဲ့ အဖွားက ဗြတ် .. ဗြတ် .. နဲ့ ဆင်းဆယ်လိုက်တော့  သဖန်းသီးခိုင်ကြီး လက်ထဲ ပါလာတာပေါ့၊ သဖန်းသီးကြီးတွေက ၀င်းအိနေတာပဲ တဲ့၊ အိမ်ရောက်မှ သမီးတွေကို ကျွေးရမယ် ဆိုပြီး   အဖွားက တစ်လုံး ဆွတ်မြည်းလိုက်တယ်၊ “အဖိုးရယ် .. ချိုလှချည်ရဲ့ .. ရော့ .. တစ်လုံး၊ မြည်းကြည့်စမ်း” ဆိုပြီး ပေးသတဲ့၊ အဖိုးလဲ ချို လှ .. ချို လှနဲ့  စားလို့တစ်ခိုင်လည်းကုန်ရော ဗြုန်းဆို ရေထဲက မြွေကြီးတကောင် ဧရာမကြီး ရေကူးလိုက်လာတာမြင်ရောတဲ့၊ ဒါနဲ့ အဖိုးရော အဖွားရော အ၀တ်တွေ ကပြာကရာ စုထုပ်ပြီး အမြန် အိမ်ပြန်ပြေးကြတာပေါ့၊ မြွေကြီးက သူတို့နှစ်ဦးကို မဲ လိုက်နေတယ်ဆိုတာ သူတို့ သိနေတာကိုး၊ မြွေကြီးကလိုက် သူတို့က ပြေး  နဲ့ တော်တော် အဝေးရောက်တော့  သစ်ငုတ်တိုတစ်ခု နဲ့ တွေ့ သတဲ့၊ ဒါနဲ့ အဖိုးက “သစ်ငုတ်တိုကြီးရယ် မြွေကြီးများလိုက်လာရင် ကျုပ်တို့  ဒီလမ်းက သွားတယ်လို့ မပြောလိုက်ပါနဲ့၊ ရော့ နင်စားဖို့  သဖန်းသီးတစ်လုံး” လို့ ပေးလဲ ပေး ပြေးလဲ ပြေးကြတာပေါ့၊ ရှေ့မှာတစ်ခါ တွေ့တဲ့ သူတိုင်းကို သဖန်းသီး တစ်လုံးကျပေးရင်း သူတို့ ဒီလမ်းက မသွားဘူးဆိုတာပြောဖို့ မှာခဲ့တာပေါ့၊ ဒါနဲ့ သူတို့ အိမ်ကိုရောက်တော့ သမီး ၃ ယောက်ကိုခေါ်ပြီး ဝေစားဖို့ ပြောရင်း သဖန်းခိုင်ကြီးကိုပေးသတဲ့၊ မကြီး၊ မလတ်နဲ့  မထွေးလေးတို့လည်း ပျော်ပျော်ပါးပါး စားနေကြတာပေါ့၊ သဖန်းသီးကလည်း သိပ်ချိုတာကိုး၊

မြွေကြီးခမြာလဲ သူ့ အသီးတွေ ခိုးသွားတာထင်ပြီး အပြေးလိုက်တော့ လမ်းမှာ သစ်ငုတ်တိုကြီးနဲ့ တွေ့ တာပေါ့၊ တွေ့တော့ “သစ်ငုတ်တို ခ၀ါသယ် အဖိုးကြီး အဖွားကြီး ဒီလမ်းက သွားသလား” မေးတော့ “မသွားပါဘူး မမြင်ပါဘူး”လို့  ပြောသတဲ့၊ ဒါနဲ့ မြွေကြီးက စိတ်ဆိုးလာပြီး “သယ်..  နင့်လက်ထဲက သဖန်းသီး ငါ့သဖန်းသီး  မဟုတ်လား၊ မှန်မှန်ပြော၊ တစ်ပေါက် နှစ်ပေါက် .. ပေါက်လိုက်လို့  သွေးငေါက်တောက် ထွက်စေမဟဲ့ နော် ....” လို့  ကြိမ်းလိုက်တာနဲ့ တစ်ခါတည်း “ဟုတ်ပါတယ်၊ မှန်ပါတယ် ..ဒီလမ်းက သွားပါတယ် ..”  လို့  ဖြစ်ကုန်ရော၊ နောက်တွေ့တဲ့သူတိုင်း  ဒီအတိုင်းပဲ၊ အမှန်ကို ပြောလိုက်ရတာမို့  အဖိုးကြီးအဖွားကြီးအိမ်ကို ရောက်သွားတော့ အသာလေး ... ဆန်အိုးထဲ ၀င်ခွေနေသတဲ့၊ ညနေစာ ထမင်းချက်ဖို့  အဖွားက ဆန်ခပ်မယ်လုပ်ရော လား လား ... မြွေကြီးက ထွက်လာပြီး အဖွားကို ပတ်ထားသတဲ့၊ ဒီအချိန်မှာ မကြီး မလတ်နဲ့  မထွေး တို့ လဲ ပြေးလာကြတာပေါ့၊ မြွေကြီးက မထွေးလေးကိုလဲ မြင်ရော၊ သဘောတွေကျပြီးပြုံးနေသတဲ့ အဖွားက ရ်ိပ်စားမိသွားတာနဲ့ “မြွေမင်းရယ် ..မြွေမင်းရယ် .. မကြီးကို ကြိုက်ရင် တစ်ပတ်လောက်လျော့ပါ” ဆိုတော့ မြွေကြီးက တစ်ပတ်လျှော့သတဲ့၊ “မလတ်ကိုကြိုက်ရင် တစ်ပတ်လျှော့ပါ” ဆိုတော့လဲ မြွေကြီးက တစ်ပတ်လျှော့သတဲ့၊ “မထွေးလေးကို ကြိုက်ရင် တစ်ပတ်လျှော့ပါအုံး” ဆိုတော့ ဗြုတ်..ဗြုတ်..ဗြုတ်နဲ့  အကုန်လုံးလျှော့ပစ်လိုက်သတဲ့၊ ဒါနဲ့ အဖွားလဲ မထွေးလေးကို မြွေကြီးနဲ့ ပေးစား လိုက်ရော တဲ့။

တစ်ညတော့ မြွေကြီးက အရေခွံကြီးချွတ်ထားခဲ့ပြီး နတ်ပြည်တက်လို့ နတ်သားတွေနဲ့ စည်းဝေးပွဲသဘင်ကျင်းပတာကိုး၊ မထွေးက ဘယ်သိမလဲ၊ “ငါ့ယောက်ျား မျြွေကြီးတော့သေရှာပါပြီ” လို့ ၀မ်းနည်းပက်လက် ငိုကျြွေးရင်း အရေခွံကြီးကို မီးတင်ရှို့လိုက်တာပေါ့၊ ဒီတော့ နတ်ပြည်တက် နတ်ညီလာခံ ကျင်းပနေတဲ့ နတ်သားလေးဟာ ကောင်းကင်ကနေ ဦးစိုက်ဇောက်ထိုး ကျလာသတဲ့၊ မြွေမင်းသားလေးခမြာ မြွေရေခွံကြီးထဲ ပြန်မ၀င်နိုင်တော့ဘဲ မြွေမင်းသားလေးအဖြစ် ကာလရှည်စွာ နေသွားရတော့တယ်၊ ဒါနဲ့ မြွေမင်းသားလေးလဲ သားကြွေးမှု မယားကြွေးမှုရှိသေးတယ်ဆိုပြီး သင်္ဘောကြီးတစ်စင်းတည်ဆောက်ပြီး ကုန်ရောင်းကုန်ဝယ် ထွက်သတဲ့၊ အတန်ကြာတော့  အကြံသမား မကြီးက “မထွေးရယ် မပျင်းဘူးလား။ ငါတို့ ငယ်ငယ်က ကစားခဲ့တဲ့ ပင်လယ်အစပ်က ဒန်းကြီးသွားစီးရအောင်လား” ဆိုပြီးအတင်းကို ခေါ်ပါလေရော၊ မထွေးက မလိုက်လိုပေမဲ့ အားနာပြီးလိုက်သွားတာပေါ့၊ ဒန်းလွှဲကြတော့ မကြီးအလှဲ့၊ တစ်အားကုန် လွှဲပစ်လိုက်တာ ကြီုးပြတ်ပြီး မထွေးလေး ပင်လယ်ထဲ ကျသွားတော့တာပေါ့၊ မကြီးကတော့ အေးအေးပဲ အိမ်ပြန်လာပြီး “မထွေးလေးရေနစ်သေသွားရှာပြီ” လို့ ငိုယိုပြောလိုက်တာပေါ့။

ဒါပေမဲ့ ရေထဲ ပေါလောမျောနေတဲ့ မထွေးလေးကို ငှက်ကြီးဝံဘိုတစ်ကောင်က အစာရှာရင်း အစာမှတ်လို့  မထွေးလေးကို ဆယ်ယူသွားတာကြောင့် လက်ပံပင်ပေါ်က ၀ံဘိုအသိုက်ထဲ ရောက်သွားတော့တယ်၊ မထွေးလေး စားစရာ ငှက်ကြီးက အစာရှာပေးတာပေါ့ကွယ်၊ အသီးအနှံတွေ၊ မကြာပါဘူး၊ မထွေးလေးလဲ ကိုယ်ဝန်အရင့်အမာဖြစ် သားဖွားပါလေရော၊ ကလေးကို အမေက သားချော့တော့  “ငန်းတော်ရေ .. မြွေမင်းရဲ့သား၊ လက်ပံပင် အမေသိပ်တယ် အိပ်ပါတော့လား” လို့ ဆိုတော့ ၀ံဘိုငှက်က မကြိုက်ဘူးကွဲ့၊ “သယ် ... ငါပေါက်သတ်လိုက်ရ” လို့ ဆိုသတဲ့၊ ဒါနဲ့  မထွေးလေးက “ငှက်ကြီးဆို ၀န်ဘိုရဲ့ သား..လက်ပံပင်တင်လို့  အမေ .. သိပ်တယ် အိပ်ပါတော့လား” လို့  ပြောင်းဆိုတော့ တဟားဟားနဲ့  သဘောကျပြီး ရယ်သတဲ့၊ အဲဒါနဲ့  တစ်နေ့တော့ ပင်လယ်ထဲမှာ သင်္ဘောတစ်စင်း ခုတ်မောင်းလာတာကို မထွေးလေးမြင်သတဲ့၊ မထွေးက အကျီစဆုတ်ဖြဲ အလံထူပြီးပြတော့ သင်္ဘောပေါ်က လူတွေက မြင်သတဲ့၊ အကြောင်းသိရအောင်လို့ သင်္ဘောပေါ်ကဆင်းလာကြည့်တော့ မထွေးလေးနဲ့ သူ့သားမှန်းသိသွားတာပေါ့၊ မထွေးလေးလည်း မင်းသားလေးမှန်းသိတော့ ပျော်သွားတာပေါ့၊ ငှက်ကြီးက မထွေးလေးတို့ သားအမိကို တွယ်တာနေတော့ ပြန်မထည့်ချင်ဘူးကွဲ့၊ ဒါပေမဲ့ ငှက်ကြီးကြိုက်တတ်တဲ့ အစာငါးတွေ အသိုက်နဲ့ အပြည့်မျှားပေးခဲ့တော့မှ ကျေနပ်သွားတယ်။ သဘေ်ာကဆင်းလို့ အိမ်ရောက်ကာနီးတော့ မင်းသားလေးက မကြီးအကြံသိရအောင်  မထွေးလေးတို့သားအမိကို ကုန်သေတ္တာကြီးတခုထဲ ထည့်ဖွက်လိုက်သတဲ့၊ သင်္ဘောပေါ်ကလည်း ဆင်းရော  မကြီးက မထွေးလေး အယောင်ဆောင်ကြိုသတဲ့၊ ကုန်သေတ္တာကြီးကိုလဲ “ငါ့ ယောက်ျား နိုင်ငံခြားဝယ်လာတာ၊ ငါ သယ်မယ် ပေးပေး” နဲ့  ခေါင်းပေါ်ရွက်သွားပါလေရော၊  ကလေးက ရှုး ရှုး ပေါက်ချတာကိုလည်း “အမလေးတော်၊ ငါ့ယောက်ျား နိုင်ငံခြားက ၀ယ်လာတဲ့ ရေမွေးပုလင်းကုန်ပါပြီတော်” ဆိုပြီး  လက်နဲ့ ယူပြီးလိမ်းသတဲ့၊ မထွေးတို့ သားအမိ သေတ္တာထဲက ထွက်လာတာမြင်မှ  ရှက်လွန်းလို့  ခြေဆောင့်ထွက်သွားတော့တယ်၊ အဲဒီလိုနဲ့ ..  မြွေမင်းသားလေးနဲ့ မထွေးလေးတို့  ချစ်ချစ်ခင်ခင်နေကြတာမြင်ရတော့လည်း  မကြီးက အလွန်အားကျသတဲ့၊ သူ့ကိုတော့ မြွေမင်းသားလေးနဲ့ မပေးစားရကောင်းလားလို့ နေ့ရှိသရွေ့ နားပူနားဆာ လုပ်သတဲ့၊ ကြာတော့ အဖိုးက စိတ်ပေါက်ပေါက်နဲ့ တောထဲက စပါးကြီးမြွေကြီးတစ်ကောင်ဖမ်းခေါ်လာပြီး  မကြီးနဲ့ ပေးစားလိုက်တယ်၊ ညရောက်တော့ မြွေအစစ်ဆိုတော့ မကြီးကို မျိုသတဲ့၊ ဒီတော့ မကြီးက “အမေရယ် .. အဖေရယ် .. ကျမကို မြွေကြီးမျိုနေတယ်” လို့ တိုင်ပေမဲ့  အဖေ အမေ က “အမေ့သမက် အပြောင်အပျက် ကျီစားတာပါ”   ဆိုပြီး ထမကြည့်ဘူး၊ “မြွေကြီးမျိုတာ ခါးလယ်ရောက်ပါပြီ” ဆိုလဲ ထမကြည့်ကြဘူး၊ “အမေ့သမက် အပျက်ကျီစားတာ” ဆိုပြီး အေး အေး ပဲ နေကြတယ်၊ မြွေကြီးမျိုတာ လည်ပင်းရောက်တော့ မကြီးမအော်နိုင်တော့ဘူးပေါ့၊ အဖေအမေတွေကတော့ သူတို့ နှစ်ဦး ငြိမ်သွားလို့ တည့်တည့်ရှုရှုဖြစ်သွားပြီထင်ကြတာ၊ ဘာပြောကောင်းမလဲ၊ မြွေကြီး  မနက်မိုးလင်းတော့  အပေါက်ကနေ တိုးပြီးထွက်သွားမှ ၀မ်းဗိုက်ကြီးဖေါင်းကားနေတာမို့  မကြီးကို မျိုထားမှန်းသိကြတော့တယ်၊ ဘာလုပ်ရမှန်းမသိဖြစ်နေကြရော၊ ဒီတော့မှ မထွေးလေးက  မြွေမင်းသားလေးကို  “မကြီးကို ကယ်ပါဦး၊ ကယ်ပါဦး” လို့  ငိုယိုတောင်းပန်သတဲ့၊ မြွေမင်းသားလေးလည်း မနေသာတော့ပဲ ဓါးဆွဲပီး မြွေကိုပိုင်းဖြတ်လို့  မကြီးကို ကယ်ထုတ်ပေးနိုင်ခဲ့ပေမဲ့ မြွေသွေးတွေ သူ့ကိုယ်ကို စွန်းထင်းကုန်တယ်၊ ဒီအခါ မီးခိုး မှုံလို အငွေ့တွေ သူကိုယ်က လွင့်ပျံထွက် ပေါ်လာပြီး မီးခိုးမြူမှုံ လဲ ကင်းစင်သွားရော၊ မင်းသားလေးလည်း နေရာမှာမရှိတော့ပဲ  အဲဒီ မြူမှုံတွေကြားးကနေ မြွေကြီးတကောင်ထွက်လာပြီး တောနက်ထဲကို ၀င်ပြေးတာအားလုံးမြင်တွေ့လိုက်ရတော့တယ်၊ မထွေးလည်း မြွေမင်းသားလေး စိတ်လည်မလားဆိုပြီး သားကလေးကို မြှောက် .. မြှောက် .. ပြလို့  နောက်က ထပ်ချပ်မကွာ  အတင်းလိုက်တာပေ့ါ၊ မြွေမင်းသားလေးလဲ  စိတ်ရိုင်းဝင်လာရင် မထွေးတို့ သားအမိကို ပေါက်သတ်မိမှာစိုးလို့  အတင်းကြီးကို တောထဲဝင်ပြေးရပါသတဲ့။

အဲဒီလိုနဲ့ပဲ မေမေ့မြွေမင်းသားပုံပြင်လေးပြီးသွားတယ်၊ မေမေက တကယ်တမ်းမြွေသိပ်ကြောက်တာ၊ မြွေဆို စကားအဖြစ် ပြောတာနဲ့ကိုကြောက်တာ၊ ဘာကြောင့်လည်းမသိ၊ မြွေမင်းသားပုံပြင်ပြောတော့ ဖြောင့်တန်းလို့ အစကအဆုံး စိတ်ရှည်လက်ရှည် ပြောပြခဲ့တယ်၊ မေမေ မြွေကြောက်ပုံများ စာအုပ်လှန်ရင်း မြွေပုံများ တွေ့ပြီဆို အဲဒီစာအုပ်ကို ဗြုန်း ဆို .. လွှင့်ပစ်လိုက်တော့တာ၊ နောက်တစ်ခါ အဲဒီစာအုပ်ကို မကိုင်တော့ဘူး၊ ဖတ်ချင်တာတွေ အဲဒီစာအုပ်ထဲ ရှိနေပစေ၊ လှည့်ကိုမကြည့်တော့ဘူး၊ ငယ်ငယ်က မေမေနဲ့ အဖိုး(မေမေ့အဖေ) တို့ အိမ်မှာ နေနေတုန်း ငန်းမြွေလား လိုက်လို့ ပြေးခဲ့ရတယ်တဲ့၊ အဲဒီမြွေကြီးက ပါးပြင်းထောင်လိုက်တာများ လူကြီးလက်မောင်းအိုးတစ်ခုစာ လောက်တုတ်တယ်ဆိုပဲ၊ အရှည်လဲ အရှည်ကြီးပဲတဲ့၊ အဲဒီတုန်းက မေမေကကြောက်ပြီး အပြင်းဖျားခဲ့တာလှိမ့်နေရောပဲ၊ နောက်တော့ မြွေ ဆို အသံကို မကြားရဲအောင် ကြောက်သွားတာလို့ မေမေက ပြောပြခဲ့တယ်၊ အခုထိလည်း အဲဒီလို ကြောက်နေတုန်းပါပဲ၊ မြွေမင်းသားပုံပြင်တော့ မြွေမျိုတာတောင် သေချာပြောပြရဲခဲ့တဲ့ ပုံပြောကောင်းတဲ့ မေမေပါ၊ နောက်ပြီး မေမေပြောပြခဲ့တဲ့ ပုံပြင်တွေအများကြီးရှိသေးတယ်၊ တစ်ချို့ကို အကုန်မမှတ်မိတော့ပါဘူး၊ ဖားမလေးတို့၊ ကြွက်ကလေးသားအမိတို့၊ နောက် .. ရှိသေးတယ်၊ မေ့ကုန်ပါပြီ။

မေမေ မအားတဲ့နေ့တွေဆို ဖေဖေ့ကို ကျွန်မတို့ မောင်နှစ်မ ပုံပြင်ပြောဖို့ ပူဆာခဲ့ကြတယ်၊ ဖေဖေကတော့ ဘယ်အချိန်ပြောခိုင်း ပြောခိုင်း ပုံပြင်တစ်ပုံတည်းကိုပဲ အမြဲပြောတတ်တယ်၊ ဖေဖေပြေတတ်တဲ့ ပုံပြင်က “ဒုတ်ထောက်မင်းသား” တဲ့၊ ကျွန်မတို့ မောင်နှစ်မကလည်း ဘာပုံပြင်ပဲပြောပြောနားထောင်တာပါပဲ၊ နောက်ဆို မေမေ မအားတဲ့အချိန် ဖေဖေ့ကို ပုံပြင်ပြောပြဖို့ ပူဆာမယ်ဆို “ဖေဖေ .. ဒုတ်ထောက်မင်းသား ပြောပြပါ” ဆိုပြီး တစ်ခါတည်း နာမည်နဲ့ တပ်ပြီး ပြောပြခိုင်းရတယ်။ ဖေဖေ့ ဒုတ်ထောက်မင်းသားပုံပြင်ကလည်း ရယ်ရတယ်၊ စိတ်ဝင်စားစရာပါပဲ၊ ဖေဖေက မေမေ့လောက်တော့ စိတ်မရှည်ဘူး၊ အသံဝါကြီးနဲ့ ခပ်မြန်မြန်ပဲ ပြောပြလိုက်တာပါပဲ။

ဖေဖေ့ရဲ့ “ဒုတ်ထောက်မင်းသား ပုံပြင်”