သေနတ်ဥပဒေတွေ ဘာကြောင့်အသက်မဝင်နိုင်ဖြစ်နေရလဲ

CNN က စီစဉ်ပြုလုပ်ခဲ့တဲ့ သမ္မတ ဘားရက်အိုးဘားမားရဲ့ သေနတ်အကြောင်း town hall တွေ့ဆုံဆွေးနွေးပွဲ Gun in America မှာ သဘောကွဲလွဲမှုတွေအများကြီးပဲ ရှိခဲ့ကြပေမဲ့ သူနဲ့ ဝေဖန်ရေးသမားတွေအကြားမှာ အချက်တစ်ချက်တော့ သဘောတူညီမှုရရှိခဲ့ကြတယ်။ စာအုပ်တွေထဲမှာ ရှိထားပြီးသား ဥပဒေတွေဟာ သက်ရောက်မှုပိုင်းမှာ မလုံလောက်နိုင်ကြသေးဘူးဆိုတာပါ။ ဘာကြောင့် အဲဒီလိုဖြစ်ရလဲအတူတကွ ဆွေးနွေးကြပါတယ်။ အတားအဆီးတွေ ရင်ဆိုင်ရလည်း ဥပဒေတွေကိုပြန်မရေးဘဲ ရှိပြီးသားဥပဒေတွေကိုပဲစီမံခန့်ခွဲဖို့ စီမံချက်တွေ ရေးသားဆောင်ရွက်ရင် ကြီးမားတဲ့သက်ရောက်မှု ရှိလာနိုင်မယ်။ ဒီရက်သတ္တပတ်အတွင်းမှာပဲ အကျိုးသက်ရောက်မှုများများရှိလာလိမ့်မယ်လို့ အိုဘားမားက ကြေညာခဲ့ပါတယ်။  သမ္မတက အဲဒီဆွေးနွေးပွဲမှာပဲ မချင့်မရဲဖြစ်ရတဲ့အကြောင်းကိုလည်း ဖော်ပြပြောဆိုခဲ့တယ်။ သူ့ရဲ့ပြိုင်ဘက်တွေက ဥပဒေတွေ သက်ရောက်စေဖို့ ပြောဆိုကြတယ်။ အဲဒီပြိုင်ဘက်တွေကပဲ ဥပဒေတွေ လျော့ပါးလှိုက်စားအောင် ကြိုးစားနေကြတယ် လို့ ပြောခဲ့တယ်။ "စိတ်အပျက်ရဆုံးကိစ္စတွေထဲက တစ်ခုက အဲဒီဥပဒေတွေကို ဆန့်ကျင်နေသူတွေဆီကပြောတာကို ကြားရတယ်။ "စာအုပ်တွေထဲရှိထားပြီးသား ဥပဒေတွေကို ဘာကြောင့် အသက်ဝင်ဖို့မလုပ်တာလဲ သမ္မတကြီးခင်ဗျား" တဲ့။ ပြီးတော့ အဲဒီလိုပြောကြတဲ့ ကွန်ဂရက်လွှတ်တော် အမတ်တွေကပဲ ဥပဒေကိုအကျိုးသက်ရောက်ဖို့ အတားအဆီးဖြစ်သွားနိုင်တဲ့ (အရက်၊ ဆေးရွက်ကြီး၊ သေနတ် နဲ့ ပေါက်ကွဲစေတတ်တဲ့ပစ္စည်းအဖွဲ့အစည်း - Bureau of Alcohol, Tobacco, Firearms and Explosives- ATF) အတွက်အသုံးစရိတ် တွေကို ဖြတ်တောက်လိုက်တယ်" လို့ ပြောပါတယ်။

သူ့ရဲ့ စီမံချက်အသစ်တွေထဲက တချို့ဟာ ရှိပြီးသားဥပဒေကို အသုံးပြုဖို့ အရင်းအမြစ်တွေနဲ့ အခက်အခဲတွေရဲ့ ကိစ္စကို သိရှိနိုင်မယ့်ပုံစံထုတ်ထားပါတယ်လို့ အိုဘားမားက ပြောပါတယ်။ ATF အေးဂျင့်တွေ ထပ်တိုးပေးတာနဲ့ နည်းဥပဒေတွေကို ရှင်းလင်းလွယ်ကူအောင်စီစဉ်ပြီး ဥပဒေကို ပိုပြီးအသုံးပြုနိုင်စေမှာပါတဲ့။ တစ်ချိန်တည်းမှာပဲ သေနတ်အခွင့်အရေးထောက်ခံအားပေးတဲ့အဖွဲ့အစည်း National Rifle Association- NRA)ကိုလည်း အိုဘားမား က ဦးတည်ပြောခဲ့သေးတယ်။ NRA အဖွဲ့ဟာ ဆွေးနွေးပွဲကို မတက်ရောက်ခဲ့ဘဲ "ရည်မှန်းချက်ပန်းတိုင်က အသက်ဇီဝတွေကို ကယ်ဆယ်ဖို့ဆိုရင် ပြစ်မှုကျူးလွန်သူတွေကို တရားစွဲရမယ် သမ္မတကြီး" လို့ မကျေနပ်ချက်ကို twitter မှာ tweet ခဲ့ပါတယ်။ သေနတ်ထိန်းချုပ်ရေးကျွမ်းကျင်သူတွေနဲ့ ရဲအရာရှိဟောင်းတချို့က သဲသဲကွဲကွဲမရှိ၊ သွားမပါသလိုဖြစ်နေခဲ့တဲ့ ဥပဒေတွေနဲ့ ပေါင်းစပ်ရမယ့်အရင်းအမြစ်တွေ ကင်းမဲ့နေတာဟာ ဖက်ဒရယ်သေနတ်တရားစွဲဆိုမှုတွေကို အခက်တွေ့စေတယ် လို့ ပြောကြတယ်။  သေနတ်ကိုင်ဆောင်ရေးအားပေးသူတွေဟာ  ဥပဒေပြဌာန်းမှုကို အားလျော့အောင်နဲ့ အေဂျင်စီတွေကို အဟန့်အတားဖြစ်အောင် တမင်တကာပဲလုပ်ဆောင်နေတယ်။ အဲဒီတော့ ဥပဒေတွေဟာ အသုံးမဝင်ဘူးလို့ သူတို့ကပြောပါတယ်။ ရည်ညွှန်းခဲ့တဲ့ သေနတ်ကိုင်ဆောင်ရေးအားပေးသူတွေကိုတော့ အမည်တပ်ဖော်ပြဖို့ CNN က ငြင်းဆန်ခဲ့တယ်။ လွှတ်တော်တရားစီရင်ရေးရာဌာနက ပြောတာက သမ္မတဟာ အရင်းအမြစ်တွေများများရှာဖွေဖို့ တွန်းအားပေးနေပြီး အေဂျင်စီက Smart on Crime မူဝါဒမျိုးသုံးကာ ပြစ်မှုတွေကို သက်သက်ညာညာကိုင်တွယ်နေတယ်တဲ့။ "ဌာနက စုံစမ်းစစ်ပြီး တရားစွဲဆိုရေးအရင်းအမြစ်တွေကို အာရုံစိုက်နေတယ်။ အဲဒါဟာ ကျွန်တော်တို့ လူ့အဖွဲ့အစည်းတွေမှာဖြစ်လာတဲ့ အကြမ်းဖက်ပြစ်မှုတွေပေါ်မှာ အကြီးမားဆုံးထိရောက်မှု ရရှိလိမ့်မယ်" လို့ ပြောရေးဆိုခွင့်ရှိသူ Patrick Rodenbush က ကြေညာချက်မှာ ဖော်ပြထားပါတယ်။ "ဌာနရဲ့ အကြမ်းဖက်မှုလျှော့ချရေးလှုပ်ရှားမှုတွေဟာ ပြစ်မှုတစ်ခုကျုးလွန်ပြီးသူတွေ တစ်ဦးချင်းစီတရားစွဲရုံမျှမကဘဲ တားမြစ်ထားတဲ့တစ်ဦးချင်းစီရဲ့ လက်ထဲသေနတ်မရရှိနိုင်အောင် ကာကွယ်ရေးအတွက်ကိုပါ ကြိုးပမ်းတယ်" လို့ ပါရှိတယ်။

သေနတ်အခွင့်အရေးအုပ်စုတွေဟာ တရားစွဲဆိုရေးကိစ္စတွေရဲ့ အခက်အခဲတွေကို အငြင်းပွားနေကြတယ်။ သူတို့က သေနတ်တရားစွဲဆိုမှုတွေဟာ တကယ်တော့ အိုဘားမား လက်အောက်မှာ ကျဆင်းသွားတယ်၊ နိုင်ငံသားတွေအလိုလိုက် အကြိုက်ဆောင်ပြီး လက်ရှိဥပဒေတွေကို အလွဲသုံးစားလုပ်ဖို့ သူက ကြိုးစားနေတယ်လို့ ဝေဖန်နေကြတာပါ။

ပြစ်မှုတွေထက် သေနတ်ကိုင်ဆောင်တာ ပိုနည်းအောင်
မငြင်းနိုင်ကြတဲ့အချက်က အစိုးရရှေ့နေတွေဟာ သေနတ်ပြစ်မှုတွေကို တရားစွဲဆိုအပြစ်ပေးတာတွေ ပိုနည်းနည်းလာတာပါ။ သူတို့ လုပ်ကိုင်ဆောင်ရွက်နိုင်တာထက် တရားရုံးတင်ပြစ်ဒဏ်ပေးတာနည်းလာကြတယ်။  ဖက်ဒရယ်သေနတ်တရားစွဲဆိုမှုတွေဟာ ၂၀၀၄ ခုနှစ်မှာ အမြင့်မားဆုံးဖြစ်ခဲ့ပြီးနောက် အိုဘားမား အုပ်ချုပ်မှုလက်ထက်မှာ  ၄၀ ရာခိုင်နှုန်း ကျဆင်းသွားခဲ့တယ်လို့ NRA အဖွဲ့ဝင် Jennifer Baker က အဖွဲ့က တွက်ချက်ထားတဲ့ အချက်အလက်တွေကို ညွှန်းဆိုပြခဲ့တယ်။ သေနတ်ဥပဒေပြဌာန်း ချမှတ်ဖို့ အိုဘားမား ရဲ့ ကြိုပမ်းချက်ကို စိန်ခေါ်ဆွေးနွေးပွဲမှာ သေနတ်ပစ်သတ်မှုတစ်ခုအတွင်း သေဆုံးခဲ့ရတဲ့ Navy SEAL အရာရှိ Chris Kyle ရဲ့ဇနီး Taya Kyle ကလည်း NRA ရဲ့ အချက်အလက်တွေကို ရည်ညွှန်းပြီး မေးခွန်းထုတ်လာခဲ့တယ်။ "နောက်ဆုံး ကျွန်မကြားလိုက်တာက သေနတ်ပြစ်မှုတွေကို ဖက်ဒရယ်တရားစွဲဆိုမှုဟာ ၄၀ ရာခိုင်နှုန်းလောက်တဲ့။ ပြစ်မှုကျူးလွန်သူတွေဟာ စာရင်းပုံစံတွေပေါ်မှာရှိနှင့်နေပြီးသား ဒီအတိုင်းပဲရှိနေကြတယ်။ ကျွန်မတို့က တရားမစွဲဆိုကြဘူး။ အဲဒီနေရာမှာ အရေးကြီးကိစ္စကြီးတစ်ခုရှိနေပြီ။ မဟုတ်ဘူးလား သမ္မတကြီး" လို့ Kyle က အိုဘားမားကို မေးခွန်းထုတ်ခဲ့တယ်။ အိုဘားမားက သူမရဲ့မေးခွန်းအတွက် တိတိကျကျအချက် မဖြေခဲ့ပါဘူး။  အကြမ်းဖက်ပြစ်မှုနှုန်းလျော့ပါးအောင်ပြုလုပ်တဲ့ကိစ္စဟာ သေနတ်တွေက လုံခြုံစိတ်ချရအောင်မပြုလုပ်နိုင်ဘူးဆိုတဲ့ အဓိပါယ်မျိုးမဟုတ်ဘူးလို့ပဲ ပြောသွားခဲ့တယ်။ ပြဿနာအားလုံးကို မဖြေရှင်းနိုင်တာဟာလည်း ဘာကိုမှဖြေရှင်းဖို့ မကြိုးစားဖူးဆိုတဲ့အကြောင်းပြချက်တစ်ခုမဟုတ်ဘူးလို့ သူက ထပ်ပြောသွားပါတယ်။

ဒါပေမဲ့ သေနတ်ထိန်းချုပ်ရေးအုပ်စုတွေက ပြောတယ်။ ၂၀၀၄ အမှတ်အသားတောင်မှ အမြင့်မားဆုံးမဟုတ်ခဲ့ပါဘူးတဲ့။ နိုင်ငံရေးမူဝါဒသုတေသနအဖွဲ့အစည်း Third Way ရဲ့ အစိတ်အပိုင်းတစ်ခုဖြစ်တဲ့ Americans for Gun Safety ရဲ့ ၂၀၀၃ လေ့လာချက်တစ်ခုမှာ ၃ နှစ်ကျော်ကြာကာလအတွင်း အကြမ်းဖျဉ်း ၂ ရာခိုင်နှုန်းလောက်သာ တရားစွဲဆိုမှုရှိခဲ့တာ ဖော်ပြထားတယ်။ တရားစွဲဆိုမှု ၈၅ ရာခိုင်နှုန်းဟာ ရာဇဝတ်သားတစ်ဦးက သေနတ်လက်ဝယ်ရှိနေတာနဲ့ တခြားဥပဒေချိုးဖောက်ကျူးလွန်နေစဉ် သေနတ်လက်ဝယ်ရှိနေတာ စတဲ့ ဥပဒေ ၂ ခုအောက်မှာရှိနေကြတယ်။ သေနတ်တရားစွဲဆိုမှုတွေမြင့်တက်နေချိန်တုန်းက သမ္မတ ဂျော့ရ်ှဒဗလျူဘုရ်ှဟာ အဲဒီပြဌာန်းဥပဒေနှစ်ခုနဲ့ အာရုံစိုက်လုပ်ဆောင်ခဲ့တယ်။ သူတို့ ရဲ့လေ့လာချက်မှာ ဖက်ဒရယ်သေနတ်ဥပဒေ ၂၀ ကို လုံးဝအသုံးမပြုသလောက် ချန်လှပ်ထားတယ်လို့ ဆိုတယ်။ အဲဒီလေ့လာချက်က ၂၀၀၃ က ပြုလုပ်ခဲ့ကြပေမယ့် Third Way ရဲ့ စီနီယာမူဝါဒပိုင်းအကြံပေး Sarah Trumble ပြောတာက ဒီနေ့ အဲဒီလေ့လာချက်ကို ပြုလုပ်မယ်ဆိုရင် ကွဲပြားချက်တွေပိုပြီးတွေ့ရဦးမယ်၊ အဲဒါကို သံသယဖြစ်မိပါတယ် တဲ့။ ပြဿနာက အဖုအထစ်တွေ များလှတယ်လို့ သေနတ်ထိန်းချုပ်ရေးအုပ်စုတွေက ပြောပါတယ်။ အိုဘားမားရဲ့ စီမံခန့်ခွဲရေးလှုပ်ရှားမှုတွေဟာ ဥပဒေလိုက်နာရေးမှာ ကွာဟမှုဖြစ်နေတာတွေစေ့ပိတ်သွားဖို့ ဦးတည်တာ၊ လမ်းကြောင်းပြောင်းတာလို့ ပြောပါတယ်။

တစ်ခုက ရိုးရှင်းတဲ့ အရင်းအမြစ်ပြဿနာတစ်ခုပါ။ လိုင်စင်ရလက်နက်ကုန်သည်တွေကို စုံစမ်းစစ်ဆေးတဲ့ ATF နဲ့ အမျိုးသားတိုက်ရိုက်ပြစ်မှုနောက်ကြောင်းစစ်ဆေးတဲ့စနစ် - National Instant Criminal Background Check System တို့မှာ စိတ်ပျက်ဖွယ်ကောင်းလောက်အောင် လူအင်အား အားနည်းနေပြီး ဗျူရိုကရေစီနည်းလမ်းနဲ့ ပြည့်အင်ရှုပ်ထွေးနေတယ် လို့ သေနတ်ထိန်းချုပ်ရေးထောက်ခံသူတွေက ဆိုတယ်။ အဲဒီဥပဒေတွေဟာ တရားရုံးမှာစွဲဆိုလိုက်ဖို့ အဆင့်တွေသိပ်များနေကြတယ်။ အမှုကိစ္စတွေကို တရားရုံတင် ဖက်ဒရယ်အစိုးရရှေ့နေရုံးဆီပို့ဖို့က အဟန့်အတားတစ်ခုဖြစ်နေတယ်။ သူတို့ကလည်း သူတို့နိုင်ခြေမရှိတဲ့ အမှုကိစ္စတွေကို ရုံးတင်ပြီး အချိန်မဖြူန်းလိုကြဘူးလို့လည်း အဲဒီအုပ်စုတွေက ပြောပါတယ်။ "သေနတ်ဥပဒေတွေဟာ အလွန့်အလွန် ပြဌာန်းမှုမရှိအသက်မဝင်ဖြစ်နေကြတာ အမှန်ပဲ။ ဒါပေမဲ့ အကြောင်းက စီမံခန့်ခွဲမှု ဒါမှမဟုတ် ဥပဒေအာဏာသက်ရောက်မှုက မအောင်မမြင်ဖြစ်နေလို့မဟုတ်ဘူးး။ တမင်တကာမတည်နိုင်တဲ့နည်းမျိုးနဲ့ ရေးထားတာကြောင့်ပါ" လို့ Trumble က ပြောပါတယ်။ "သူတို့ဟာ တရားစွဲဖို့ အင်မတန် မတိမကျဖြစ်နေတယ်။ စံနှုန်းတွေဟာ တရားရုံးမှာရင်ဆိုင်တွေ့ကြဖို့ သိပ်မြင့်တယ်။ ပြစ်ဒဏ်တွေဟာ သိပ်နည်းနေပြီး တရားစွဲဆိုဖို့ အထောက်အထားတွေ သိပ်နည်းပါးနေတယ်" လို့ဆိုတယ်။

Gun Control Act က တောင်းဆိုထားတာက "စီးပွားရေးနဲ့ချိတ်ဆက်ထားတဲ့" သေနတ်ရောင်းချတာတွေဟာ ATF ဆီကနေ လိုင်စင်တစ်ခုရဖို့ပါ။ လိုင်စင်ရကုန်သည်တွေဟာ လက်နက်ရောင်းဝယ်မှုလုပ်ကိုင်တဲ့အခါ နောက်ကြောင်းစစ်ဆေးတာတွေ လက်ခံဆောင်ရွက်ဖို့ လိုအပ်ပြီး ဖက်ဒရယ်ဥပဒေတွေကိုလည်း လိုက်နာရပါမယ်။ ဒါပေမဲ့ ဘယ်အဖွဲ့အစည်းမှာ "စီးပွားရေးနဲ့ ချိတ်ဆက်ထားသလဲ" ဆိုတာ မရှင်းလင်းပါဘူး။ ပြီးတော့ အစိုးရရှေ့နေတွေက ပြောပါတယ်၊ ဥပဒေကိုချိုးဖောက်နေကြတဲ့ အွန်လိုင်းနဲ့ သေနတ်ပြပွဲတွေမှာ လက်နက်ပေါင်းစုံရောင်းနေတဲ့ လိုင်စင်မရှိသူတွေ တစ်ဦးချင်းစီကို သက်သေပြတရားစွဲဖို့ဆိုတာ ခက်ခဲနိုင်ပါတယ် တဲ့။

အဲဒါဟာ အိုဘားမားရဲ့ အာရုံစိုက်နေတဲ့ လှုပ်ရှားမှုတွေထဲက တစ်ခုပါ။ ပြဌာန်းဥပဒေဆိုလိုတဲ့အတိုင်း အစိုးရရှေ့နေတွေနဲ့ သေနတ်ရောင်းချသူတွေ ဥပဒေကိုပိုပြီးကောင်းမွန်စွာနားလည်နိုင်ဖို့ ATF က ရှင်းလင်းချက်ထုတ်ထားမှုအပေါ်မှာ အာရုံစိုက်နေပါတယ်။ ၂၀၁၃ ကော်နက်တီကတ်ပြည်နယ် Newtown မှာ ဖြစ်ပွားခဲ့တဲ့ အစုအပြုံလိုက်သတ်ဖြတ်မှုအပြီး ဖွဲ့စည်းခဲ့တဲ့ Everytown for Gun Safety က ပြောပါတယ်။ အစိုးးရရှေ့နေတွေဟာ "စီးပွားရေးနဲ့ချိတ်ဆက်ထားတဲ့" ကိစ္စတွေမှာ တခြားပြစ်မှုတွေထက် အလေးထားမှုနှုန်းတော်တော်လေးလျော့ကျပါတယ် တဲ့။ သူတို့ရဲ့ လေ့လာတွေ့ရှိချက်အရ အဲဒီကိစ္စမျိုး ၅၄ ရာခိုင်နှုန်းလောက်သာ တရားစွဲဆိုခဲ့ပြီး မူးယစ်ဆေးကုန်ကူးတဲ့ပြစ်မှု ၇၇ ရာခိုင်နှုန်းတရားစွဲဆိုတာနဲ့ဆို နှုန်းတွေ သိပ်ကွာခြားလှတယ်လို့ ဆိုပါတယ်။

အစိုးရရှေ့နေတွေအတွက် ခက်ခဲတဲ့တောင်းဆိုမှုတစ်ခု
အိုဘားမားလက်ထက် ငါးနှစ်တာ Western Washington စတိတ်မှာ U.S. ရှေ့နေတစ်ဦးအဖြစ်တာတာဝန်ထမ်းဆောင်ခဲ့သူ Quinn Emanuel ဥပဒေအကျိုးဆောင်ကုမဏီရဲ့ လုပ်ဖော်ကိုင်ဖက်တစ်ဦးဖြစ်တဲ့ Jenny Durkan က အစိုးရရှေ့နေတွေအတွက် ခက်ခဲတဲ့တောင်းဆိုမှုတစ်ခုဖြစ်နေပါတယ်လို့ ပြောလိုက်တယ်။ "အင်မတန်အကန့်အသတ်များများရှိနေပြီး ရံပုံငွေ၊ လူအရင်းအမြစ်နည်းနည်းနဲ့ ပြဿနာတွေတော်တော်လေး ကျယ်ပြန့်နေတာကို ဆောင်ရွက်ရမှာ၊ စီးပွားရေးနဲ့ချိတ်ဆက်ထားတဲ့ အပေါ် ဥပဒေဆိုတာနဲ့ တွေ့ဆုံနိုင်ဖို့ တကယ်ကို ခက်ခဲပါတယ်။ သေနတ်ရောင်းနေတဲ့ လူတစ်ဦးကို သက်သေပြရတာ အလွန်အမင်းကို ခက်ခဲလှတယ်လို့ Durkan ကပြောပါတယ်။ သူမရဲ့အပိုင်းမှာ တရားမဝင်သေနတ်ရောင်းသူတွေကို အောင်မြင်စွာတရားစွဲနိုင်ခဲ့တယ်။ ဒါပေမဲ့ အကြီးဆုံး အမှုကိစ္စတစ်ခုမှာဆိုရင် အခွန်ရှောင်လွဲတဲ့ သက်သေအထောက်အထားနဲ့ လိုက်ယူခဲ့ရတာပါလို့ သူမကပြောပြခဲ့တယ်။ အိုဘားမားအစိုးရရဲ့ ပြုလုပ်ခဲ့တဲ့ဆွေးနွေးပွဲအားဖြင့် ရှင်းလင်းချက်တွေဟာ အကူအညီရပါလိမ့်မယ် ဒါပေမဲ့ အားလုံးတော့ အစွမ်းထက်လှမှာမဟုတ်ဘူး တဲ့။

အိုဘားမားရဲ့လှုပ်ရှားမှုတွေက အရင်းအမြစ်ပြဿနာကိုဖြေရှင်းနိုင်ဖို့လည်းရည်ရွယ်ပါတယ်။ အိုဘားမားအတွက် ကွန်ဂရက်က ကျောထောက်နောက်ခံပြုပေးဖို့ လိုအပ်ပါလိမ့်မယ်။ အိုဘားမားဟာ ATF အေးဂျင့် ၂၀၀ နဲ့ National Instant Criminal Background Check System အတွက် စစ်ဆေးသူတွေ ၂၃၀ ပိုပြီး ခေါ်ယူဖို့ဆောင်ရွက်နေတယ်။ ဒါပေမဲ့ ငွေကြေးအတွက် ဥပဒေပြဌာန်းသူတွေက စီမံခန့်ခွဲဖို့ရှိနေပါတယ်။ အေဂျင်စီကို အားဖြည့်ပေးတာကို ပဓာနကျလိမ့်မယ် လို့ ATF အထူးတာဝန်ခံအေးဂျင့်ဟောင်း Joseph Vince ကို ပြောတယ်။ ဘဏ္ဍာငွေနည်းပါးတာနဲ့ ဥပဒေတွေမတိကျတာဟာ "သေနတ်ထောက်ခံသူတွေက သေနတ်ဥပဒေတွေကို သက်ရောက်မှုမရှိအောင်ပြုလုပ်ထားတဲ့ မဟာဗျူဟာတွေပဲ" "ATF က အပြင်ထွက်ခရီးဆန့်ပြီး သေနတ်ရောင်းဝယ်သူတွေကို လိုက်မကြည့်နိုင်သလို လူတွေက ATF တတ်နိုင်တာထက် ပိုလို့ တွန်းအားပေးဖို့ စတင်နေကြပြီ" လို့ Vince ကပြောပါတယ်။ ATF ရဲ့ စာရင်းအရ ၂၀၁၄ မှာ အေဂျင်စီအတွင်း စုံစမ်းစစ်ဆေးသူ ၇၈၀ ရှိပြီး အထူးအေးဂျင့် ၂၄၉၀ ဦးရှိကြတယ်။ အဲဒီလူအရင်းအမြစ်ပမာဏ လုံလောက်သလားဆိုတာကို မှတ်ချက်ပေးဖို့ ATF က ငြင်းဆန်ခဲ့ပါတယ်။ "ယူအက်စ်က အလယ်အလတ်အဆင့်ရှိတဲ့ ရဲဌာနကို ကြည့်ရင်တောင် တစ်နိုင်ငံလုံးမှာရှိတဲ့ ATF ဝန်ထမ်းတွေထက် များများရှိနေတယ်။ အဲဒီပမာဏဟာ ပြည်နယ် ၅၀ ခုနဲ့ ဒေသတွေအတွက်ပါ လို့ Vince က ပြောခဲ့တယ်။ Vince နောက်ထပ် မကျေမလည်ညည်းညူသေးတာက ATF မှာရှိနေတဲ့ ဖိစီးလွန်းတဲ့ကန့်သတ်ချုပ်ချယ်မှုတွေကိုပါ။ သေနတ်ရောင်းသူတွေကို တစ်နှစ်မှာ တစ်ကြိမ်ပဲ စုံစမ်းစစ်ဆေးနိုင်ခွင့်လည်းပါဝင်တယ်။ တခြားအေဂျင်စီတွေ အဲဒီလိုလုပ်ပိုင်ခွင့်အာဏာမျိုး ရင်မဆိုင်ရပါဘူး။ ဒါပေမဲ့ သေနတ်အခွင့်အရေးအုပ်စုတွေပြောတာက သေနတ်စီမံချက်အသစ်တွေနဲ့ တွန်းအားပေးပြီး ဒီနေ့ ဥပဒေသက်ရောက်မှုမရှိတာကိုအသုံးပြုနိုင်ဖို့ ကြိုပမ်းမှုတိုင်းဟာ လှည့်ကွက်တစ်ခုပဲတဲ့။ "ဒီအစိုးရဟာ အပြင်းအထန် သေနတ်ဆန့်ကျင်တယ်။ သူတို့ဒီရက်သတ္တပတ်အတွင်း ပြုလုပ်ခဲ့တာက လက်ရှိဥပဒေကို ပြန်ပြင်ပြောရုံလေးပဲ။ ဒါပေမဲ့ အကောင်အထည်ဖော်နေပုံမှာ အလွဲသုံးစားလုပ်နေတာစလာပြီ။ အဲဒါဟာ ဥပဒေလိုက်နာတဲ့တစ်ဦးချင်းစီကိုပဲ ခြိမ်းခြောက်ပြီး တရားဝင်ဖြစ်နေတဲ့ဥပဒေကိုအေးစက်စက်ဖြစ်သွားအောင် သူတို့ ကြိုးစားနေတာ" လို့ Baker က ပြောခဲ့တယ်။

Heritage Foundation က စီနီယာတစ်ဦးဖြစ်တဲ့ John Malcolm က သူဟာ အစိုးရရှေ့နေတစ်ဦးဖြစ်ခဲ့သလို လက်ရှိသေနတ်ဥပဒေတွေဟာ အသုံးပြုဖို့ သိပ်ခက်ခဲနေတယ်ဆိုတာ လက်မခံပါဘူးလို့ ဆိုတယ်။ "ဥပဒေတွေဟာ သိပ်ကို လွတ်ထွက်နေတယ်ပုံစံမျိုးနဲ့ ကျွန်တော့်ကို မထိခိုက်ပါဘူး။ အောင်မြင်တဲ့ဥပဒေသက်ရောက်ရေးလှုပ်ရှားမှုတွေဟာ စွမ်းရည်မရှိသလိုလွတ်မနေပါဘူး။ လိုင်စင်မရှိတဲ့သေနတ်ရောင်းသူတွေကို တရားစွဲဆိုခဲ့တယ်။ ကျွန်တော့်ယူဆချက်ဆိုရရင်တော့ ဒီဥပဒေတွေ အသက်ဝင်တရားစွဲဆိုနိုင်စေဖို့ သူတို့ အရင်းအမြစ်တွေ ပိုပြီးမြှပ်နှံကြတယ်ဆိုရင်၊ သူတို့ တတ်နိုင်ကြပါတယ်" လို့ Malcolm ပြောခဲ့ပါတယ်။ ATF ပေါ်မှာ ကန့်သက်ချုပ်ချက်မှုတိုင်းဟာ အခက်အခဲကြီးအဖြစ် အကျိုးအကြောင်းခိုင်လုံနေစေတယ်။ "ATF ဟာ Fast and Furious ရုပ်ရှင်ထဲကလို စစ်ဆင်ရေးတွေအတွက် ကြံ့ကြံ့ခံခဲ့ရတယ်။ အဲဒါဟာ သူတို့မှာ သက်သေပြနိုင်တဲ့ဖြစ်စဉ်တွေဖြစ်လာနိုင်တယ်။ သိပ်ပြီးပြင်းထန်ခက်ခဲခဲ့တယ်။ စစ်ဆင်ရေးတစ်ခုမှာဆိုရင် အေဂျင်စီက ပြစ်မှုကျူးလွန်တဲ့သူတွေကို ဖမ်းဆီးနိုင်ရေးအတွက် ကာတယ်စီးပွားရေးသမားကြီးတွေကို သေနတ်တွေဖြည့်တင်းထောက်ပံ့ပေးဖို့ ကြိုးစားခဲ့တယ်။ ဒါပေမဲ့ လက်နက်တွေအများကြီး လမ်းကြောင်းရှာမရပျောက်ဆုံးသွားတာနဲ့ပဲ အဆုံးသတ်သွားခဲ့ရဖူးတယ်" လို့ Malcolm ကရှင်းပြခဲ့တယ်။

Malcolm သံသယဖြစ်နေသေးတာက သမ္မတရဲ့ အဆိုပြုချက်တွေဟာ ဝေဖန်သူတွေက တောင်းဆိုလာတဲ့ကိစ္စတွေကို တစ်ခုခုပြုလုပ်ပေးနိုင်မလားဆိုတာကိုပါ။ ATF ရဲ့ရှင်းလင်းချက်က စည်းမျဉ်းတွေ၊ ဥပဒေတွေအောက်မှာပဲရှိနေပါသေးတယ်။ တရားစွဲဆိုဖို့ ATF ရဲ့ လမ်းညွှန်ချက်တွေဟာ တရားသူကြီးတွေနဲ့ အစိုးရရှေ့နေတွေပေါ်မှာပဲ မူတည်နေပါလိမ့်မယ်။ အေဂျင်စီရဲ့နည်းလမ်းအတိုင်း အိမ်ဖြူတော်က လိုက်ပါဆောင်ရွက်မှာဟုတ်/ မဟုတ်ကိုလည်း အိုဘားမားထောက်ခံအားပေးသူတွေအတွက်တော့ မရှင်းလင်းသေးပါဘူး။ ဒါပေမဲ့ အရေးကြီးအမှုကိစ္စတွေကို မကြာခဏအရေးယူဆောင်ရွက်ဖို့ အိုဘားမားအစိုးရက အစိုးရရှေ့နေတွေကိုတွန်းအားပေးလိမ့်မယ်လို့တော့ သူတို့က မျှော်လင့်နေကြပါတယ်။ "အဲဒီအမှုကိစ္စတွေကို တရားစွဲဆိုပုံတွေကို ကြည့်ပြီး လာမယ့် လ၊ နှစ်တွေမှာ ဘာတွေဖြစ်လာမလဲဆိုတာကို ကြည့်ပြီး ရလဒ်တွေသိလာရမှာပါ" လို့ သေနတ်အကြမ်းဖက်မှုကာကွယ်ရေးအဖွဲ့ Law Center အမှုဆောင်ဒါရိုက်တာ Robyn Thomas က ပြောတယ်။ "လက်ရှိအခြေအနေအမှန်ကတော့ U.S အကျိုးဆောင်ရှေ့နေတွေက တရားစွဲတဲ့အခါ အခုရှင်းလင်းချက်ကို အသုံးပြုနိုင်ပါတယ်။ တရားစွဲဆိုမှုတွေကို တွန်းအားပေး နေပါပြီ။ အဲဒီအမှုကိစ္စတွေကို ပိုပြီးအနီးကပ်စောင့်ကြည့်နေကြပြီ။ စည်းမျဉ်းတွေမှာ သွားမပါသေးဘူး။ ဒါပေမဲ့ သူတို့ဘယ်လို ဖိအားပေးလာကြမလဲ"
Source: Why even the gun laws that exist don't always get enforced | CNN

ဖြိုးဖြိုး

(ဆက်ရန်)-
သေနတ်ထိန်းချုပ်ရေးနဲ့ အမေရိက
http://www.myworld-phyophyo.com/2016/02/blog-post_11.html
သေနတ်ထိန်းချုပ်ရေးနဲ့ ကနေဒါ
http://www.myworld-phyophyo.com/2016/02/blog-post_15.html
သေနတ်ထိန်းချုပ်ရေးနဲ့ ယူကေ
http://www.myworld-phyophyo.com/2016/02/blog-post_66.html
သေနတ်ထိန်းချုပ်ရေးနဲ့ ဆွစ်ဇာလန်
http://www.myworld-phyophyo.com/2016/06/blog-post_13.html
သေနတ်ထိန်းချုပ်ရေးနဲ့ ဂျပန်
http://www.myworld-phyophyo.com/2016/06/blog-post_11.html