အသွင်ပြောင်းခေါက်ဆွဲ

အသွင်ပြောင်း ထိုင်း ခေါက်ဆွဲ 

(Khao soi)

ဟင်းချက်နည်းစာအုပ်တွေမှာ ထိုင်းခေါက်ဆွဲ(khao soi) ဟာ မြန်မာအုန်းနို့ခေါက်ဆွဲကို အသွင်ပြောင်းဖန်တီးထားတဲ့အစားအစာလို့ ဖော်ပြရေးသားနေကြပါတယ်။ ထိုင်းမူကွဲခေါက်ဆွဲမှာတော့ ဟင်းခတ်အမွှေးအကြိုင် မြိုင်မြိုင်ဆိုင်ဆိုင်လေးရောမွှေပြင်ဆင်ထားတယ်။

အဲဒီမြန်မာခေါက်ဆွဲနဲ့ အဆက်အစပ်ရှိနေတာ သံသယဖြစ်စရာမလိုလောက်အောင်ပါပဲ။ နောက်တစ်ခုပြစရာရှိသေးတာက ရှမ်းပြည်ကအစားအစားတစ်ခုဖြစ်တဲ့ ရှမ်းခေါက်ဆွဲကို ညွှန်းရဦးမှာပါ။ စေးစေးကပ်ကပ်ဆန်ခေါက်ဆွဲနဲ့ ခရမ်းချဉ်၊ ဆီသတ်ထားတဲ့ဟင်းအနှစ်နဲ့ ရောမွှေစားရတဲ့ရှမ်းခေါက်ဆွဲဟာ ချင်းမိုင်ရဲ့ ခေါက်ဆွဲနဲ့တော့ ဘယ်လိုမှမတူတော့ပါဘူး။ ဒါပေမဲ့ တချို့ရှေးလူတွေကတော့ ထိုင်းတွေချက်ပြုတ်နေကြ ကြက်ဥခေါက်ဆွဲမတိုင်ခင်တုန်းက မူရင်းပုံစံဟင်းလျာမျိုးပဲလို့ ဆိုကြတယ်။ ပြီးတော့ ငရုတ်သီးဖတ်လေးတွေ ဟင်းအနှစ်၊ အုန်းနို့ပေါင်းထည့်လိုက်ကြသတဲ့။


နောက်ထပ် တတိယတစ်မျိုးက မူရင်းဟင်းလျာသမိုင်းတွေထဲမှာရှိသေးတယ်လို့ အချက်အလက်ပေးကြတယ်။ ခပ်ဆင်ဆင်တူတဲ့ တောင်ဘက်ပိုင်းက ခေါက်ဆွဲဟင်းလျာပါ။ အဲဒီဟင်းလျာက ဒီနေ့ မလေးရှားတွေနဲ့ စင်္ကာပူလူမျိုးတွေကိုပြောလိုက်ရင် ချက်ချင်းသိကြမယ့် laksa စွပ်ဟင်းတစ်ခွက်ပါ။ laksa ရဲ့ မူလအစက မလေးကျွန်းဆွယ်ကလို့ဆိုကြတယ်။ အဲဒီမလေးကျွန်းဆွယ်ဘက်မှာရှိနေကြတဲ့ တရုတ်၊ အိန္ဒိယနဲ့ ဒေသခံမလေးမူလဆင်တွေ တောင်ပိုင်းဘုရင်ကို ပုန်ကန်မှုရှုံးနိမ့်ပြီး ချင်းမိုင်ကိုနယ်နှင်ခံကြရတော့  သူတို့နဲ့အတူယူဆောင်ခဲ့ကြတဲ့ laksa ဟင်းမှာ မျိုးကွဲတွေ ဒါဇင်များစွာအရသာအမျိုးမျိုးဖြစ်လာကြတယ်။ ပီနန်နဲ့ အီပို့တို့လို မြောက်ပိုင်း မြို့တော်မှာ သူတို့ရဲ့ အချဉ်အရသာ၊ မန်ကျည်းနှစ်ကိုထည့်ထားတဲ့ laksa ဟင်းမျိုးဖြစ်ပြီး တောင်ပိုင်း ဂျိုဟော၊ မဲလာကာနဲ့ စင်္ကာပူမှာ အုန်းနို့ရောထားတဲ့အရသာရှိနေတယ်။

laksa ဟာ မလေးရှားနေ့လယ်စာတွေမှာ ဧည့်ခံကျွေးမွေးနေကြအစားအစာပါ။ ဟင်းခတ်အမွှေးအကြိုင်ကဲကဲ အုန်းနို့အရသာနဲ့ laksa နဲ့ khao soi ကတော့ တကယ်တော့ အတူတူပါပဲ။ ဒါပေမဲ့ laksa မှာ ဆန်ခေါက်ဆွဲ၊ ပုဇွန်၊ ငါးအသားလွှာ၊ တို့ဟူးတုံးလေးတွေနဲ့ အနီရောင့်ရင့်ရင့်ငရုတ်သီးအနှစ်ခပ်နည်းနည်း ပုံစားကြတယ်။ ထိုင်းအုန့်နို့ခေါက်ဆွဲကလည်း အဲဒီလို စားချင်စဖွယ်ပါပဲ။ ဒါပေမဲ့ မလေးခေါက်ဆွဲကတော့ ပိုပြီး သွားရည်ကျချင်စရာ၊ ချွေးတပြိုက်ပြိုက်ကျသွားမယ့်ဟင်းအရသာမျိုးနဲ့ပါ။ ဒီဟင်းနှစ်မျိုးရဲ့ ဆက်နွယ်မှုက အလှမ်းကွာနေသလိုပဲဆိုပေမဲ့ တစ်ခုနဲ့တစ်ခု ယှဉ်ကြည့်လိုက်မယ်ဆိုရင်တော့ တစ်ခုကိုမြည်းစမ်းတဲ့အခါ နောက်တစ်ခုကို သတိရသွားစေသလိုမျိုးပေါ့။ ဘာကြောင့်လဲဆိုတော့ khao soi ကို တောင်ပိုင်းအောက်ဘက်က စားသောက်ဆိုင်တွေမှာ တစ်ခါတစ်ရံ ထိုင်း laksa လို့လည်းခေါ်နေကြတာကြောင့်ပါ။ ဟင်းလျာတစ်ခုနဲ့ ဆက်နွယ်နေတဲ့ မူရင်းသမိုင်းအချက်အလက်တွေအများကြီးရှိနေပေမဲ့ khao soi ဟာ ဘယ်ကနေအတိအကျပေါ်ပေါက်လာတဲ့ အတိအကျသတ်မှတ်ဖို့တော့ ခက်ခဲပါတယ်။ ဘာပဲဖြစ်ဖြစ်ပါ အဲဒီဟင်းတွေကို စားကြည့်တဲ့အခါတိုင်းမှာတော့ အဲဒီ အုန်းနို့ခေါက်ဆွဲတွေဟာ ကိုယ်တို့ကို နှစ်လိုပျော်ရွှင်ဖွယ်ကောင်းတဲ့အရသာကို ပေးစွမ်းနေမှာပါပဲ။ ။

မယ်ရူပ

(Living Fashion, June, 2016)