အစိမ်းရောင်ပန်းပွင့်အိမ် ဖန်တီးမယ့် “ဂယ်ရီနီဗီးလ်”

မန်ချက်စတာယူနိုက်တက်အသင်းမှာ ၉နှစ်ကြာ (၁၉၉၁ ကနေ ၂၀၁၁ အထိ) ကစားခဲ့သူ၊ အင်္ဂလန်ကစားသမားဟောင်းဖြစ်ခဲ့ပြီး လက်ရှိမှာတော့ အင်္ဂလန်အသင်းရဲ့ လက်ရှိ အသင်း လက်ထောက်နည်းပြအဖြစ်သာတာဝန်ယူထားတဲ့ ဂယ်ရီနီဗီးလ်ဟာ သူရဲ့အိမ်ကို ပတ်ဝန်းကျင်ထိန်းသိမ်းရေးအတွက် ရည်ရွယ်တည်ဆောက်သွားချင်ပါတယ်လို့ဆိုတယ်။ ယူကေရဲ့ ပတ်ဝန်းကျင်ထိန်းသိမ်းရေးစံနှုန်းအမြင့်ဆုံး ဒီဇိုင်းထွင်တည်ဆောက်ဖို့ ကြိုးစားနေပါတယ်။ သူက အိမ်တစ်လုံးထဲ ပစ္စည်းတွေ စနစ်တကျထားသိုနေရာချတာ၊ အသစ်ပြန်ပြီးမွမ်းမံပြင်ဆင်ရတာတွေ အမြဲတမ်းသဘောတွေ့နေတတ်သူပါ။ နီဗီးလ် က အသက် ၂၂ နှစ်မှာ အိမ်တစ်လုံး သူကိုယ်တိုင် စပြီးဆောက်လုပ်ခဲ့ပါတယ်။ နောက် အသက် ၂၆ နှစ်မှာလည်း နောက်အိမ်တစ်လုံးကို ကိုယ်တိုင်ဒီဇိုင်းဆွဲ ဆောက်လုပ်ခဲ့သေးတယ်လို့ ဆိုတယ်။ နီဗီးလ် ဒုတိယအိမ်ဆောက်တော့ အကြီးဆုံးအမှားတစ်ခုလုပ်ဖြစ်ခဲ့တာ သဘောပေါက်ခဲ့တယ်။ ဒါပေမဲ့ သူ့ရဲ့ အိမ်ဆောက်စီမံကိန်းကတော့ ပြန်လှည့်ဖို့မလွယ်လောက်အောင် အခက်ကြုံခဲ့ရပါတယ်။ အဲဒီမှာ နီဗီးလ် စိတ်ဝင်တစားသဘောပေါက်ခဲ့တာက ရွှေ့ပြောင်းပြင်ဆင်လွယ်တဲ့ အယူအဆမျိုးနဲ့ အိမ်တစ်လုံးဆောက်လုပ်ဖို့ပါ။
“အဲဒါ ကျွန်တော်အမှန်တကယ်စိတ်ဝင်စားသွားခဲ့တဲ့အရာပါ။ ကျွန်တော်အမှားတွေလုပ်ခဲ့မိရင် အဲဒီအမှားတွေနဲ့ နေထိုင်ရမယ့် ကျွန်တော့်ဘ၀ကို ပြောင်းလဲနိုင်ဖို့ နားလည်သဘောပေါက်လိုက်ပါတယ်။ ကားကနေ အိမ်ကိုပြောင်းလဲသလို ကျွန်တော့်ကိုယ်ပိုင်ဘ၀မှာလည်း အကူးအပြောင်းကာလကို ရရှိလိုက်ပါပြီ။ ကျွန်တော်ကျွမ်းကျင်သလောက်ကြိုးစားဖို့ဖြစ်လာတာပါ”  လို့ နီဗီးလ်က ပြောပါတယ်။ ပရော်ဖက်ရှင်နယ်ဘ၀မှာ ကျွန်တော်တို့တတ်နိုင်သလောက် အကောင်းဆုံးဖြစ်အောင်လုပ်ကြရတယ်။ ဈေးကွက်ဝင်စီမံကိန်းတိုင်းမှာ ငွေကြေးဘဏ္ဍာရေးဘက်ကိုပဲအောင်မြင်မှုရအောင်လုပ်နိုင်ပြီး တခြားကိစ္စတွေကို သဟဇာတဖြစ်အောင် ထိန်းထားနိုင်ဖို့မလွယ်လှဘူး။ သဟဇာတဖြစ်အောင်ထိန်းထားတယ်ဆိုတဲ့ အယူအဆကို လူတွေကြားတဲပျံ့နှံ့အောင် ပြုလုပ်ဖို့တောင်ခက်ပါတယ်။ ကျွန်တော့်အတွက် အားကစားနဲ့ ကျွန်တော်စိတ်ဝင်စားတဲ့အရာကို ချိတ်ဆက်မိမိထိန်းထားဖို့ဆိုရင် ဖောင်ဒေးရှင်းတစ်ခုတည်ထောင်ပြီး ပရဟိတအလုပ်မျိုး လူအဖွဲ့အစည်းကို အထောက်အကူပြုမယ့်ကိစ္စမျိုးမှာ လူတွေပါဝင်လာအောင် ဆောင်ရွက်ချင်တာပါ လို့ နီဗီးလ်က သူ့အမြင်ကို ပြောခဲ့ဖူးပါတယ်။

Green Energy (ပတ်ဝန်းကျင် ထိခိုက်မှုမရှိပဲ လေစွမ်းအင်သုံးကာ လျှပ်စစ်စွမ်းအား၊ အပူပေးစနစ်ထုတ်လုပ်ရောင်းချတဲ့ ကုမ္ပဏီ) တည်ထောင်သူ၊ Forest Green Rovers Football Club ဥက္ကဌ ဒေးလ်ဗင့်စ်ရဲ့ တွဲဖက်တည်ထောင်သူအဖြစ် သူ ယုံကြည်တဲ့အတိုင်း သဟဇာတမျှတတဲ့ဘ၀မျိုးဖြစ်အောင် ကြိုးစားဆောင်ရွက်သူနေတဲ့သူ နီဗီးလ်ပါပဲ။ လေ တာဘိုင်ကနေ လျှပ်စစ်ဓာတ်ထုတ်ယူပြီး ရာသီတိုင်းမှာ လုံလောက်တဲ့စွမ်းအင်ရရှိမယ့် ဘောလုံးကစားကွင်း၊ အ၀တ်လဲခန်းတွေဆောက်လုပ်ပေးနိုင်ဖို့ အလှူငွေရှာဖွေမယ့်ရံပုံငွေပွဲ အဖြစ် Forest Green အသင်း နဲ့ မန်ချက်စတာယူနိုက်တက်အသင်း ယှဉ်ပြိုင်ကစားကြမယ့် ပွဲတစ်ပွဲလည်း စီစဉ်နေပါတယ်။ UK Green Building Council(UK GBC) က ပြုလုပ်ခဲ့တဲ့ World Green Building ရက်သတ္တပတ်မှာလည်း ဧည့်သည်တော်အဖြစ် ဖိတ်ကြားခံခဲ့ရပါတယ်။

လူအဖွဲ့အစည်းအတွင်းမှာ ပတ်ဝန်းကျင်သဘာဝတရားနဲ့ လူသားတွေရဲ့ ရှင်သန်နေထိုင်မှုစတိုင်လ် အပြန်အလှန်သဟဇာတဖြစ်အောင်ထိန်းညှိနိုင်မယ့် Green Building တွေ တည်ဆောက်ဖို့ အသိပေးနေသလို သူကိုယ်တိုင်လည်း အမြင်ဆန်းတဲ့ဒီဇိုင်းအပြင်အဆင်နဲ့ Green Building အိမ်သစ်ကို ဆောက်လုပ်ဖို့ စတင်တော့မှာပါ။ နီဗီးလ်ရဲ့ အစိမ်းရောင်အဆောက်အဦးဟာ မြေအောက်တစ်စိတ်တစ်ပိုင်းနစ်မြုပ်နေတဲ့ ပွင့်ချပ်လေးတွေ ပြန့်ကားနေသလိုလို ပန်းပွင့်ပုံစံ ချစ်စရာအဆောက်အဦးလေးပါ။ နီဗီးလ်ရဲ့ အစိမ်းရောင်ပန်းပွင့်အဆောက်အဦး က ပြောချင်တာကတော့ “စက်မှုလုပ်ငန်းတွေ ရင်းနှီးမြှုပ်နှံနိုင်ပါတယ်။ အသစ်အဆန်းထီထွင်နိုင်သေးတယ်။ ဒါပေမယ့် ပြဿနာတွေကိုဖြေရှင်းနိုင်ရမယ်။ လူ့အဖွဲ့အစည်းအတွင်း သဟဇာတရှိမှု တိုးတက်ဖွံ့ဖြိုးနိုင်ရမယ်” လို့ ဆိုတယ်။

လွန်ခဲ့တဲ့ရှစ်နှစ်လောက်ကတည်းက လန်ကာရှိုင်းယား၊ ဘော်လ်တွန်အနီးက ရွာငယ်မြေကွက်ကို ၀ယ်ယူထားခဲ့ပြီး ၈၀၀၀ စတုရန်းပေးကျယ်ဝန်းပြီး၊ ပေါင် ၈သန်းတန် ကုန်ကျမယ့် Green Building ကို တည်ဆောက်ဖို့ လွန်ခဲ့တဲ့ ၃ နှစ်က ဒီဇိုင်းထုတ်ပြန်ခဲ့ပါတယ်။ ပေ ၁၀၀ မြင့်တဲ့ လေ တာဘိုင်တစ်ခုပါဝင်တဲ့ အဆောက်အဦးဒီဇိုင်းကို အိမ်နီချင်းတွေက မျက်စိစပါးမွှေးစူးစရာရယ်လို့ သဘောထားကာ ကန့်ကွက်စာ ၁၀၀ ကျော်ပို့ခဲ့ကြတယ်။ လေ တာဘိုင်ဟာ မြင့်မားလွန်းတယ်ဟုလည်း ကန့်ကွက်ခဲ့ကြတယ်။ နီဗီးလ်လည်း ရပ်တန့်ခဲ့ပါတယ်။ ဒီဇိုင်းကတော့ ပန်းပွင့်ပုံ Green Design ပါ။ ပတ်ဝန်းကျင်ထိန်းသိမ်းရေးအတွက် လိုက်နာတဲ့အဆင့်(Code) နံပါတ် အဆင် ၆ ရှိတဲ့ ဒီဇိုင်းဖြစ်ပါတယ်။ ဘော်လ်တွန်ကောင်စီက ဆောက်လုပ်ခွင့်ပြုပေးခဲ့ပြီးသားပါ။ အိမ်နီးချင်းတွေရဲ့ သဘောထားတွေကို လေးလေးစားစားလိုက်နာခဲ့တဲ့အတွက် နီဗီးလ်ကို ချီးကျူးခဲ့ကြတယ်။ အိမ်နီးချင်းတွေက နောက်တော့ ပြောလာပါတယ်။ ယူကေ ကလေးတီဗီဇာတ်လမ်းတွဲ Telebubbies ထဲက တင်ကီ-၀င်ကီ၊ ဒစ်ပ်စီ နဲ့ ပို တို့ နေတဲ့ Laa_Laa Land က အိမ်လေးပုံစံမျိုးလေးနဲ့ တူလာလိမ့်မယ်တဲ့။

နီဗီလ်းကတော့ သူ့ အတွက်၊ ဇနီး အမ်မာ၊ နှစ်နှစ်သမီးလေး မော်လီ နဲ့ တစ်နှစ်သမီးလေး ဆိုဖီတို့အတွက်၊ eco-home တစ်လုံးဆောက်လုပ်ဖို့ ကြိုးစားနေခဲ့သလို ပတ်ဝန်းကျင်သဘာဝတရား၊ ပတ်ဝန်းကျင်က အိမ်နီးချင်းမိတ်ဆွေအားလုံးတို့နဲ့ သဟဇာတမျှအောင် ထိန်းညှိဖို့ ကြိုးစားခဲ့တာပါ။

ပန်းပွင့်ပုံအိမ်လေးရဲ့ ဗဟိုကတော့ မီးဖိုးချောင်ဖြစ်ပြီး ပွင့်ချပ်တစ်ခုစီရဲ့ တစ်စိတ်တစ်ပိုင်း မြေအောက်နစ်မြုပ်နေတဲ့ အခန်းတွေဟာ စားသောက်၊ အနားယူ၊ အပမ်းဖြေ၊ အလုပ်လုပ်၊ ကစားဖို့ ပွင့်ချပ်တွေအဖြစ် ဒီဇိုင်းဆွဲထားပါတယ်လို့ ဆိုတယ်။ ဒီလို ထီထွင်ဆန်းသစ်မှုတွေနဲ့ လန်ကာရှိုင်းယားတောင်ကုန်း ပတ်ဝန်းကျင်ကို ထိခိုက်မှုအသက်သာဆုံးဖြစ်အောင် ရည်ရွယ်ခဲ့ပါတယ်။ ကျောက်ခေတ်သစ်ကျေးရွာ အဆောက်အဦးတစ်ခုအဖြစ် လူအများကထင်မြင်လာမယ့် နီဗီးလ်ရဲ့ ထူးခြားတဲ့ အဆောက်အဦးလေးပါပဲ။      ။

မဉ္ဇူရီ

Living Fashion Magazine,
December, 2012