လမင်းကြီးဆီ ကျွန်မ မောင့်ကိုခေါ်သွားမှ ဖြစ်တော့မှာ

(လှိုင်းသစ်၊ ဒီဇင်ဘာ၊ ၂၀၁၃)

တစ်ဆိတ်ကလေး ခွင့်ပြုပေးပါ။ ကျွန်မ အက်ဆေးလေးတစ်ပုဒ်ရေးလိုက်ချင်လို့။ ခုတလော ပေါ့ပျက်ပျက်တွေအကြောင်း ရေးချင်လွန်းလို့။ ပေါ့ပျက်ပျက်တွေအများအပြားထဲမှာ ရှင့်ရဲ့အမည်နာမက ထိပ်ဆုံးကဖြစ်နေတာ ပေါ့ပျက်ပျက်များနိုင်သွားသလားပဲ။။ တစ်ခုတော့ရှိရဲ့။ ဒီအက်ဆေးလေးရေးရင်းနဲ့ ခါတော်မီ ရန်ပုံငွေလေးလည်း အနည်းအကျဉ်း ရှာပေးချင်လို့ပါ။ ရမလား။ ခဏလေးပါ ကျွန်မကို စောင့်ပါဦး။ ရှင် မသွားပါနဲ့ဦး။ ပေါ့ပျက်ပျက်တွေ အကြောင်း ပြီးတော့ ရှင့်အကြောင်း ကျေးဇူးပြုပြီး စောင့်နားထောင်သွားပါဦး။ ရှင် မသေပါနဲ့ဦး။ တကယ်လို့များ၊ ပြောကောင်းဆိုကောင်း အခုနေခါများ ရှင် မတော်မတမှုတစ်ခုနဲ့ ပေါ့ပျက်ပျက်သေဆုံးသွားခဲ့ရင် ရှင့် ဈာပနအခမ်းအနားမှာ ရှင့်ရဲ့အထ္ထုပ္ပတ္တိအကျယ်လေးကို ကျွန်မပေါ့ ပျက်ပျက်လေး  ဖတ်ပေးချင်သေးလို့ပါ။ မျက်ရည်လေး အနည်းအကျဉ်းလောက် ပေါ့ပျက်ပျက်ကျပေးရင်းနဲ့ပေါ့။ အဲဒါလေး အရင်နားထောင်သွားပါဦး။

ရှင်သိလား။`ကျွန်မတို့အတွက် လူသားအားလုံးအတွက်၊ မှော်ဝင်ပြပွဲတစ်ပွဲ ကျင်းပခွင့်၊ မှော်ဝင် စွမ်းဆောင်မှုတစ်ခု ချပြခွင့်၊ မှော်ဝင် အက်ဆေးတစ်ပုဒ် ရေးသား ဖတ်ရှုခွင့်…အဲသည်လို မှော်ဝင်နေ့တစ်နေ့တော့ ကျွန်မတို့မှာ အသေအချာကြီးကို လိုနေခဲ့တာပေါ့။ တကယ်တမ်းမှာ လိုနေတာနဲ့ လွဲချော်သွားခဲ့တာ ဘာကြောင့်ပါလိမ့်။ မှော်ဝင်နေ့တစ်နေ့အစား ကျွန်မတို့ရလိုက်တာက ပေါ့ပျက်ပျက် နေ့တစ်နေ့ရယ်ပါ။ ဟုတ်လည်းဟုတ်တာပဲ။ လူတွေက ဘ၀တစ်လျှောက်လုံး ပေါ့ပျက်ပျက်နဲ့။ ရှင်ရော၊ ကျွန်မရော၊ သူရော၊ သူမ ရော၊ သူတို့ရော အားလုံးပါပဲ…။ သိပ်မကောင်းခဲ့တောင်မှ၊ ဒါမှမဟုတ် မကောင်းတာကြီးနဲ့ ထိပ်တိုက်တိုးနေခဲ့တာတောင်မှ မမြင်ချင် ယောင်ဆောင် မျက်စိတွေမှိတ်ထားရင်း ကောင်းများကောင်းဦးမလား…ဒါမှမဟုတ် ဘယ်တော့ကောင်းလာမလဲ…ဆိုတဲ့ မျှော်လင့်ချက် လေးနဲ့ အသက်ဆက်ဖို့ ကြိုးစားနေရတာပဲ မဟုတ်လား။ ဘယ်လောက်ပဲ /ဘာကိုပဲ/ ဘယ်လိုပဲ အစွမ်းကုန်လုပ်ဆောင် ခဲ့စေဦးတော့ အဆုံးသတ်မှာတော့ ကျွန်မတို့ဟာ ပေါ့ပျက်ပျက် ဖြစ်မိပါတယ်လို့ ပေါ့ပျက်ပျက် ၀န်ခံလိုက်ကြရင်းနဲ့ ဒီကမ္ဘာကြီးထဲကနေ ပေါ့ပေါ့ကလေး ထွက်ခွာပေးရမှာပဲ မဟုတ်လား။ ဝေးဝေးက တိမ်မျှင်တစ်စလို…။ တိမ်တစ်စအဖြစ် တစ်နေ့နေ့ ဘုရားသခင်နဲ့ တွေ့ခွင့်ရလိုက်ရင် အရာရာ အဆင်ပြေချောမွတ်သွားလေမလား …ကျွန်မ အဲဒါကို ပေါ့ပျက်ပျက် တွေးနေမိသေးတော့။

ကမ္ဘာသူ ကမ္ဘာသားအားလုံး နံရိုးတစ်ချောင်းတည်းနဲ့ အသက်ရှင်နေကြမယ်ဆိုရင် ဘာတွေ ဖြစ်လာမလဲ…တဲ့၊ အဲဒါ ဘယ်သူ ပြောလိုက်တာပါလိမ့်။ အသံက bass tone ခပ်များများနဲ့ရယ်။ အဲဒါ ရှင် မဟုတ်တာတော့ သေချာတယ်။ ရှင့်အသံက ပေါ့ပျက်ပျက်နဲ့ ရှင့်ရယ်သံက ပေါ့ပျက်ပျက်နဲ့ ရှင်က ပေါ့ပျက်ပျက်လူ။ နံရိုးတွေအကြောင်းလည်း ရှင် နားမလည်တတ်သေးပါဘူး။ ဘယ်တော့မှလည်း နားလည်လာမှာမဟုတ်ဘူး။ အကြိုက်/အနှစ်/အသက် ဘာတစ်ခုမှ မကိုက်ညီတဲ့ လူမိန်းမတစ်ယောက်ကို ရှင့်အပါး အိပ်-စား-ကာမအတူတကွနဲ့ အလုပ်အကျွေးပြုစေချင်ရုံလောက်သာ ပေါ့ပျက်ပျက်လေး ဖမ်းယူခဲ့တဲ့လူ။ ကမ္ဘာဦးကျမ်းထဲက လူယောက်ျားနဲ့ လူမိန်းမ အကြောင်း ရှင်ဘယ်လိုလုပ်သိနိုင်မှာလဲ။ ရှင်က ကျမ်းစာမဖတ်တတ်တဲ့လူ။ ဒါမှမဟုတ် ကျမ်းစာဖတ်ရကောင်းမှန်းမသိတဲ့လူ။ ဒါမှမဟုတ် ဘုရားသခင်ဆိုတာ ဘာမှန်းမသိတဲ့(တစ်ခါတစ်ခါ ဘုရားသခင်နဲ့ ဘုရားသခင်ရဲ့သားတော်တွေကို စော်ကားမော်ကား ဟစ်အော်ကျိန်ဆဲတတ်တဲ့) ပေါ့ပျက်ပျက်လူ။

နေစမ်းပါဦး၊ တစ်ဆိတ်လောက် …ကျွန်မ ပေါ့ပျက်ပျက် တွေးထင်ကြည့်လိုက်စမ်းမယ်။ ရှင်ဟာ ရောင့်ရဲလွယ်သလို ပျောက် ပျက်ဖို့လွယ်တဲ့ ဟာမိုနစ်ကာ တစ်လက်ပဲ။ လေကလေးတစ်ချက် ပေါ့ပျက်ပျက်မှုတ်ထုတ်လိုက်တာနဲ့ တေးသွားတွေ ပေါ့ပျက်ပျက် ထွက်ကျလာတတ်တာလေ။ ရှင် ဟာ ရှင့်အိပ်မက်ကို `သောက်ကောင်းရုံအချိုးအစားလေးနဲ့ ပေါ့ပျက်ပျက်လေး ရောမွှေဖျော်စပ်ထားတဲ့ ကော့တေးလို´ မရှမတ မချိုမမြိန် ပေါ့ပျက်ပျက် သီ-ကုံး-တ-မက် နေတော့မှာလား။ ဘာမဆို / ဘယ်တော့မဆို / ဘယ်လိုမဆို မျှော်မှန်းပိုင်ခွင့် ရှိနေတယ်ဆိုတာ သိသိကြီးနဲ့ပဲလေ။ ကျေးဇူးပြုပြီး ကျွန်မကို ပေါ့ပျက်ပျက်မျက်လုံးတွေနဲ့ ခိုးခိုးကြည့်ပြီး ရယ်သွမ်း မသွေးလိုက်ပါနဲ့။ ကျွန်မ ပြောတာကို တစ်ဆိတ်ကလေး နားစိုက်ထောင်ပေးခဲ့ပါဦး။ ရှင်ဟာ ရှင်ကြံဖန်ထုဆစ်လိုက်တဲ့ ရှင့်အနုပညာ တွေနဲ့ ကမ္ဘာကြီးကို ကယ်တင်နိုင်မယ်လို့ ရှင့်ကိုယ်ရှင် အထင်ရောက်နေတာလောက် ပေါ့ပျက်ပျက်နိုင်တဲ့ ကိစ္စမျိုး ရှင့်မှာ ရှိနိုင်မယ်မထင်ဘူးလို့ ကျွန်မ အခု ထင်ကြေးပေးလိုက်မှာကို နားစွင့်သွားစမ်းပါဦး။

ကျွန်မ သိနေပါတယ်။ ဒီမြေကမ္ဘာမှာ အထွေအထူးကိစ္စတွေ၊ အဆန်းတကြယ် ပြောင်းလဲမှုတွေ ဘယ်တော့မှ ဖူးပွင့်လာမှာ လည်း မဟုတ်တော့ပါဘူး။            နံနက်အိပ်ရာက နိုးထလိုက်တာနဲ့ ပေါ့ပျက်ပျက်တွေနဲ့ အစပျိုးလိုက်တဲ့ ကျွန်မတို့ရဲ့တစ်နေ့တာဟာ ပေါ့ပျက်ပျက်တွေနဲ့ လုံးထွေးသတ်ပုတ်ပြီး တောင်စွယ်နေကွယ်တဲ့အခါ ပေါ့ပျက်ပျက်တွေ ထမ်းပိုးလို့ အိမ်ကို နွမ်းလျလျော့ခွေ ပြန်လာနေကြရတာပဲလေ။ အဲဒီထဲမှာ ရှင်က အဆိုးဝါးဆုံးပဲပေါ့။ ကျွန်မတို့ဟာ မိုးသားကောင်းကင်အောက်မှာ တစ်ယောက်က တစ်ယောက်ကို အဆင်ပြေအောင် ကြည့်ကြက် ပြောနေကြရတယ်။ စိတ်နှလုံးမပါဘဲ ပေါ့ပျက်ပျက်အသံတွေနဲ့။ ဟုတ်တယ်မို့လား၊ မိုးလင်းလိုက်တာနဲ့ ပေါ့ပျက်ပျက်နဲ့ “မင်္ဂလာပါ”“ကောင်းသောနံနက်ခင်းပါ” နဲ့ ပေါ့ပျက်ပျက်နှုတ်ဆက်ဂီတကို ဗုန်းပေါလအောကြီး သီဆိုနေကြရတာပဲ။  တစ်ယောက်အရေးကို တစ်ယောက်က အလေးမထားပါဘဲနဲ့တောင် မြင်လိုက်တာနဲ့ “နေကောင်းလား” ဆိုတဲ့ ပေါ့ပျက်ပျက်ရှေးဟောင်းစကားလုံးနဲ့ ပေါ့ပျက်ပျက်နှုတ်ဆက်နေကြတုန်းပါပဲ။ ဘယ်ခရီးရှေ့ရှုတယ် စိတ်မ၀င်စားပါဘဲနဲ့တောင် “ဘယ်သွားမလို့လဲ” လုပ်နေကြတာပဲ။ တစ်ဖက်သားရဲ့ခရီးက ကိုယ့်ခရီးထက် ကြီးမား ကျယ်ပြန့်လေလေ ကျွန်မတို့ရဲ့လေသံက သိသာ ထင်ရှားလှစွာ ပေါ့ပျက်ပျက်နိုင်သွားတတ်လေလေ။  အဲဒီအထဲမှာ ရှင်က အဆိုးဆုံးပဲပေါ့။

ကျွန်မတို့ဟာ မိုးသားပြင်ကျယ်ထဲ လွင့်ပါးရွေ့လျားနေတဲ့ တိမ်တွေလိုပဲ ပုံသဏန်တွေကလည်း ဘယ်တော့မှ အတိအကျ ရှိမနေကြဘူး။ ခုပဲ သေးမျှင်သွယ်တန်းလိုက်၊ ခုပဲ ထူပျစ်အုံခဲလိုက်၊ ခုပဲ ..။ ဘယ်တော့မှလည်း ဦးတည်ရာ တစ်သမတ်တည်းမရှိကြဘူး။ ခုပဲ တောင်ဘက်အရပ်ဆီ၊ ခုပဲ မြောက်ဘက်အရပ်ဆီ၊ ခုပဲ အနောက်ဘက်အရပ်ဆီ။ ဘယ်တော့မှလည်း အသွေးအရောင် တစ်ဆင် တည်း ရှိမနေကြဘူး။ တချို့ အပြာစွေစွေ၊ တချို့ အဖြူစင်းစင်း၊ တချို့က  ညိုမောင်းလိပ်ခွေ မာန်ငြိုးသိုမွှေနေကြသေးတော့။ တိမ်တွေ က ဘယ်တော့မှလည်း တစ်နေရာတည်းမှာ ကြာရှည်ခိုင်မြဲ မနေတတ်ကြဘူး။ ခုပဲ ဒီနားတွေ့၊ ခုပဲ အစအနပျောက်၊ ခုပဲ မျက်စိရှေ့ပြန် ရောက်။ အဲဒီလို အဲဒီလို….ပေါ့ပျက်ပျက် ဖွဲ့သိုလိုက်၊ ပေါ့ပျက်ပျက် ပျက်ရွေ့လိုက်။

`          ကနဦးဘ၀အစမှာတော့ တစ်ယောက်က တစ်ယောက်ကို အရသာပေါ်နိုးနိုးနဲ့ ကျွန်မတို့ တို့ထိ မြည်းစမ်းမိကြတာပဲပေါ့။ အဆုံး သတ်မတော့လည်း အရာရာ ပေါ့ပျက်ပျက်နဲ့ ကျွန်မတို့ လက်ထဲကနေ  ချွင်ခနဲ ချွမ်ခနဲ လွင့်စဉ် ထွက်ကျသွားတော့တာပဲ။ ကျွန်မ ပေါ့ပျက်ပျက်လေး တွေးကြည့်လိုက်ဦးမယ်။ အိတ်ကပ် အပေါက်ထဲ အကြွေတစ်စေ့ ယူဆောင် ထည့်လိုက်မိသလိုမျိုးနဲ့ တူနေမလားပဲ။ ဟုတ်တယ်..ဟုတ်တယ်..သိပ်တူတာပဲ။ အဲဒီလူ ကျွန်မဘ၀ထဲကနေ လွင့်စဉ် ထွက်ကျသွားပုံက ချွင်ခနဲပဲ။ ဟုတ်တယ် သိပ်ဟုတ်တာပဲ ရှင့်။ သူဟာ အကြွေစေ့တစ်စေ့ပဲ။ ဘာကိုမှ လဲလှယ်ဝယ်ယူ သုံးစွဲလို့ မရတဲ့ တန်ဖိုးကုန်ဆုံးသွားတဲ့ အကြွေတစ်စေ့။ သက်တမ်းမကုန် သေးဘဲ တန်ဖိုးကုန်သွားတဲ့ အကြွေစေ့။ သက်တမ်းမစေ့ခင် တန်ဖိုးကုန်ဆုံးသွားတဲ့ အကြွေစေ့။ ပေါ့ပျက်ပျက်ခြေလှမ်းတွေနဲ့ ကျွန်မ လမ်းလျှောက်နေခိုက် အိတ်ကပ်အပေါက်ထဲကနေ ချွင်ခနဲ ထွက်ကျ လိမ့်ဆင်းသွားတဲ့ အကြွေတစ်စေ့။ ခုဆို ဒီအကြွေတစ်စေ့ဟာ ပေါ့ပျက်ပျက်နဲ့ပဲ လမ်းဘေးမြောင်းထဲ သူ့ဘာသာ လိမ့်ဆင်း ပြုတ်ကျသွားခဲ့ပြီပဲ။ သေချာလိုက်တာရှင်…အဲဒါ သူပဲ။ အဲဒီလူပဲ။ တကယ့်ကို ပေါ့ပျက်ပျက်လွင့်စဉ်ထွက်ကျသွားခဲ့တယ်။

“တန်ဖိုးမဲ့ အကြွေစေ့ပေါင်းများစွာ ငါ့ရဲ့လမ်းမတစ်လျှောက်မှာ…..ထိုအခါ…ငါ့ရဲ့ခြေလှမ်းတွေက ပိုပိုပြီး ပေါ့ပျက်ပျက်နိုင်လာ….”

အဲဒီတေးသွားတစ်စကို ကျွန်မလျှာဖျားလေးနဲ့ ပေါ့ပျက်ပျက်လေး ရွတ်ဆိုလိုက်တယ်။ ချက်ချင်းလက်ငင်းပဲ ..အကြွေစေ့ဖြစ် သွားတဲ့ လူတစ်ယောက်အကြောင်း ကျွန်မ တေးသွားတစ်ပုဒ်ကို လက်တန်းစပ်ဆိုလိုက်တယ်။

အဲဒီလိုနဲ့ပဲ ဘ၀ မှာ အချစ်ဟာ အရေးအပါဆုံးပဲလို့ ယုံမှတ်ထားခဲ့တဲ့ ကျွန်မရဲ့ယုံကြည်မှုဟာ အကြွေစေ့ တစ်လိမ့်စာ လိမ့် ဆင်းသွားတဲ့ အချိန်ခဏလေးအတွင်းမှာ ပေါ့ပျက်ပျက်နဲ့ ကုန်ဆုံးသွားတော့တယ်။ တစ်ယောက်က တစ်ယောက်ကို သိခဲ့ကြတယ် လို့ ထင်မှတ်မိတာတွေလည်း ပေါ့ပျက်ပျက်နဲ့ပဲ ပြိုပျက်သွားရတော့တာပဲ။ အချစ်ဆိုတာ လူကြားကောင်းမယ့် စကားလုံးတွေရယ်၊ လူမြင် ကောင်းမယ့် အဆင်တန်ဆာတွေရယ်၊ ပတ်ရစ်ဖွဲ့နှောင်ထားတဲ့ ပေါ့ပျက်ပျက်ယဉ်ကျေးမှုတစ်ရပ်ပါ။ ဒါကိုပဲ “ဘာ”လို့ မသိခဲ့စဉ် အစပိုင်းကာလတွေမှာတော့ ရေးကြီးခွင့်ကျယ် ချဲ့ထွင်ခမ်းနားမှုတွေနဲ့ လူအထင်ကြီးအောင် လူသိရှင်ကြား ကြေညာမောင်းခတ် စုလျားရစ်ပတ် ခဲ့ကြသေးတာပေါ့။ နောက်တော့လည်း အချိန်တစ်ခုတန်လာတဲ့အခါ ပေါ့ပျက်ပျက်တေးသွားတွေ ရွတ်ဆိုရင်း အရာရာဟာ တန်ဖိုးကုန်သွားတဲ့ စောစောက အကြွေစေ့လို ပေါ့ပျက်ပျက်နဲ့ လွင့်စဉ်ပြန့်ကျဲ ကုန်တော့တာပါပဲ။

ဒါကိုပဲ လူတချို့၊ လူအချို့က အရက်တစ်ခွက် ပင့်မြှောက်သောက်လိုက်သလို ၀မ်းမြောက်ဝမ်းသာ ချီးယားစ်လုပ်ကြပြန်ရော။ ပေါ့ပျက်ပျက်ရယ်သံတွေ ပြတိုက်ခန်းမထဲ ပဲ့တင်ညံလို့…။

“မိတ်ဆွေ..ငါတို့ မင်းတို့ရဲ့ပေါ့ပျက်ပျက်ဘ၀အတွက်….come on လာပါ…အတူတကွ ဟော့ဒီမှာ ရယ်ဒီ  ချီးယားစ်….. ။ အိမ့်အပြင်ဘက်က ပေါ့ပျက်ပျက် နေ့တစ်နေ့အတွက် come on လာပါ…အတူတကွ ဟော့ဒီမှာ ရယ်ဒီ  ချီးယားစ်…..။ နိစ္စဓူဝ ရုန်းကန်မှု ရဲ့ ပေါ့ပျက်ပျက်နာရီတွေအတွက် come on လာပါ…အတူတကွ ဟော့ဒီမှာ ရယ်ဒီ  ချီးယားစ်…..။ ဘုရားသခင်ရေးဆွဲတဲ့ ဇာတ်ညွန်းအလယ်က ပေါ့ပျက်ပျက်မှားယွင်းမှုတွေအတွက် come on လာပါ…အတူတကွ ဟော့ဒီမှာ ရယ်ဒီ  ချီးယားစ်…..။ ချီးယားစ် ချီးယားစ်….ချီးယားစ်…”

ပေါ့ပျက်ပျက်အမှားအယွင်းတွေအတွက် ဘယ်သူ လာကာ ဒဏ်ခတ်ဦးမလဲ။ ဂရုမစိုက်။ စာတန်နတ်ဆိုးလား… ဘုရားသခင်လား…။ ဘာပဲဖြစ်ဖြစ် ကိုင်း…ပေါ့ပျက်ပျက် အမှားအယွင်းတွေအတွက် ရည်ရွယ်မှန်းဆရင်း ပေါ့ပျက်ပျက် ၀မ်းမြောက် လိုက်ကြစို့ရဲ့။

အချိန်မီပြင်ဆင်ခွင့် စိတ်ယန္တရားကို ဆန်းသစ်တီထွင်သူ မပေါ်ပေါက်သရွေ့တော့ ကျွန်မတို့ဟာ အဲဒီလို အဲဒီလို ပေါ့ပျက်ပျက်ဘ၀၊ ပေ့ါပျက်ပျက်နေ့၊ ပေ့ါပျက်ပျက်နာရီ၊ ပေ့ါပျက်ပျက်အမှားအယွင်းတွေကြားမှာ ပေါ့ပျက်ပျက်ရှင်သန်နေကြရဦးမှာ အသေအချာ။ လူတိုင်း သောက်သုံးဖို့မျှော်လင့် စောင့်စားနေတဲ့ ဆေးတစ်ခွက်ကို ဘယ်သူက ပေါ့ပျက်ပျက်နဲ့ ဖော်စပ်ပေးနေရက် တာပါလိမ့်။ အဲဒါ ရှင်လား၊ သူလား၊ ကျွန်မလား၊ သူမ လား၊ သူတို့လား၊ မြန်မာသူ မြန်မာသားတွေလား၊ ကမ္ဘာသူ ကမ္ဘာသား အားလုံးလား။ ကမ္ဘာမြေ ဖျားနာငိုကြွေးနေချိန်မှာ black list ထဲ သွတ်သွင်းထားခဲ့တဲ့ကြားက အဲဒီအမည်နာမတစ်ခုကတော့ ပေါ့ပျက်ပျက်မက်ဆေ့ခ်ျတွေ ကျွန်မဆီ အဆက်မပြတ် ရိုက်နှိပ် ပို့လွှတ်နေတုန်းပဲ။ လေပြင်းမုန်တိုင်းနဲ့အတူ....။

“ေ xာက် x မ…ေ xာက် x မ ….  x x x မ ” တစ်စုံတစ်ယောက်ကို ပြန်ပြောပြဖို့ အခက်တွေ့ရလောက်အောင် ပေါ့ပျက်ပျက်နိုင်လွန်းတဲ့ အပေါစားစကားလုံးတွေ ပို့လွှတ်ခဲ့တဲ့ လူတစ်ယောက်ကတော့ ….သူတီထွင်လိုက်တဲ့အပေါစား စကားလုံး တွေကို သူ့အာဂလောင်ထဲ ပေါ့ပျက်ပျက်ငုံခဲရင်း သူ့ဦးခေါင်းကိုငရဲဘုံဆီ ထိုးစိုက်ချပြီး ပေါ့ပျက်ပျက်ကြီးပဲ ခုန်ဆင်းသွားခဲ့ပြီးပြီ။

ပေါ့ပျက်ပျက်စကားလုံးတွေ အာဂုံဆောင်ထားတဲ့ အောက်တန်းစားလူတစ်ယောက်အတွက်

ပေါ့ပျက်ပျက် ၀မ်းမြောက်လိုက်ကြဦးစို့ရဲ့ . . . .ချီးယားစ်….

xxxxxxx

ကျွန်မ စိုက်ပျိုးခဲ့တဲ့ သစ်ပင်ကလေးတစ်ပင်ဟာ ကျွန်မကို မျှော်စောင့်ရင်း ကျွန်မဥယျာဉ်ခြံမြေထဲမှာပဲ ပေါ့ပျက်ပျက်ညှိုးနွမ်း သွားရတော့မှာလား။ ရင်းနှီးချစ်ခင်မှုပေါ့ပျက်ခဲ့တဲ့ အိမ်တံခါးဝဟာ ကျွန်မရဲ့အိမ်အပြန်ကို ပေါ့ပျက်ပျက်ကြိုဆိုနေဆဲပဲဆိုတာ ကျွန်မ ပေါ့ပျက်ပျက်လက်ခံပေးလိုက်ဖို့ ကမ္ဘာမြေဆီကတစ်ဆင့်/ တိမ်တွေဆီကတစ်ဆင့် ကျွန်မ ပေါ့ပျက်ပျက် သင်ယူတတ်ခဲ့ပြီ။ အိမ်တစ်လုံး ထဲမှာ အတူတကွနေထိုင်ကြရင်း တစ်ယောက်အသံကို တစ်ယောက် ချိုမြိန်နွေးထွေးဖို့ ပေါ့ပျက်ခဲ့မိလိုက်ကြပြီ။ တစ်ယောက် က အထဲ၊ တစ်ယောက်က အပြင်။ တစ်ယောက်က အ၀င်၊ တစ်ယောက်က အထွက်၊ တစ်ယောက်ကအငြိမ်၊ တစ်ယောက်က အလှုပ်၊ တစ်ယောက် က အကြည်၊ တစ်ယောက်ကအနောက်။ တစ်ယောက်က အအေး၊ တစ်ယောက်က အပူ။ တစ်ယောက်က အဖြူ၊ တစ်ယောက်က အနက်၊ အရာရာ ပေါ့ပျက်ပျက်နိုင်လို့ ပေါ့ပျက်ပျက်တွေက ကျွန်မတို့အတွင်းသားထဲမှာ ပေါ့ပျက်ပျက်ကြီးကို အားကောင်းနေနှင့်ခဲ့ကြပြီ။ ပေါ့ပျက်ပျက် တေးသွားတွေကတော့ မနက်၊ နေ့၊ ည ဖွဲ့ဆိုကျူးရင့်လို့ ပေါ့ပျက်ပျက်လူလားမြောက်နေခဲ့ပြီ။ ပေါ့ပျက်ပျက်တေးအယ်လ် ဘမ်တွေထဲကနေ ပေါ့ပျက်ပျက်ထွက်ပေါ်လာမယ့် သီချင်းတွေကို ပေါ့ပျက်ပျက် ဆိုညည်းကခုန်လိုက်ကြစို့။ နောက်ထပ်တစ်ခါ ချီးယားစ်…။ နောက်တစ်ခေါက် နောက်တစ်ခါ ချီးယားစ်။

ပေါ့ပျက်ပျက် မြေကမ္ဘာပေါ်က ပေါ့ပျက်ပျက်တိုင်းပြည်တစ်ပြည်မှာ ကျွန်မတို့ရဲ့ဆန္ဒတွေကို ထုတ်ဖော်ပြသရတာကလည်း  အရသာမရှိ ပေါ့ပျက်ပျက်ကြီးကို ဖြစ်နေရပါပြီ။ အဲဒါကို ရှင်တို့ ရိပ်စားမိပါရဲ့လား။ ကျွန်မတို့ နေထိုင်ကြီးပြင်းပုံက တစ်နေ့တခြား ပေါ့ပျက် ပျက်နိုင်လာခဲ့လေပြီလား ကျွန်မ ထိတ်လန့်နေမိပါပြီ…။ ပေါ့ပျက်ပျက် အင်တာနက်ကွန်နက်ရှင်အောက်မှာ တစ်ယောက်က တစ်ယောက် ကို ပေါ့ပျက်ပျက်ချိတ်ဆက်-မိတ်ဖွဲ့-ပေါင်းထည့်ရင်း ကျွန်မတို့ရဲ့ အချိန်နာရီတွေ တိုက်စားပွန်းပဲ့ ပေါ့ပျက်နေခဲ့တာလည်း ကာလ တာရှည်ရှိခဲ့ပြီ။ နေ့ရှိသရွေ့ ပေါ့ပျက်ပျက်တေးဂီတတွေ နားကြပ်နဲ့နားထောင်ရင်း ပေါ့ပျက်ပျက်ဝက်ဘ်ဆိုက်တွေထဲ ခေါင်းတိုး ၀င်တတ်ခဲ့ပြီ။ ပေါ့ပျက်ပျက် ဖေ့စ်ဘွတ်ခ်နံရံတွေ ကုပ်ကပ်တက်ရင်း ပေါ့ပျက်ပျက် လိုက်ခ်တတ်ခဲ့ကြပြီ။ ပေါ့ပျက်ပျက်စတေးတပ်စ်၊ ပေါ့ပျက်ပျက်ပို့စ်၊ ပေါ့ပျက်ပျက်ရုပ်ပုံ၊ ပေါ့ပျက်ပျက်အရေးအသား၊ ပေါ့ပျက်ပျက်သတင်းများ၊ ပေါ့ပျက်ပျက်ကော်မန့်၊ ပေါ့ပျက်ပျက် ဆဲရေးတိုင်းထွာမှု၊ ပေါ့ပျက်ပျက်ဝတ်စားဆင်ယင်မှု၊ ပေါ့ပျက်ပျက် ပေါ့ထရိတ်၊ ပေါ့ပျက်ပျက်နျူ့ ၊….ပေါ့ပျက်ပျက်…. ပေါ့ပျက်ပျက်… ပေါ့ပျက်ပျက်။

မြန်မာပြည်က အဆိုသမား ဘိုဘိုဟန်ကြီးရဲ့ သီချင်းတစ်ပုဒ်ကို ကျွန်မ ဒီလို ပေါ့ပျက်ပျက် ဖျက်ဆိုလိုက်ချင်ပါပြီ။ “ခေတ်အမီဆုံး.. ပေါ့ပျက်ပျက်”  “ခေတ်အမီဆုံး ပေါ့ပျက်ပျက်” “ပေါ့ပျက်ပျက်” “ပေါ့ပျက်ပျက်” “ခေတ်အမီဆုံး ပေါ့ပျက်ပျက်”။ ပြားချပ် ချပ် နေရာမှာ ပေါ့ပျက်ပျက် လို့ အစားထိုးပြီး ရှင်တို့ လိုက်ဆိုကြည့်လိုက်ပါ။ သိပ် သေချာတာပေါ့။ အခုခေတ် ကျွန်မတို့ခေတ်မှာ ရေပန်းအစားဆုံးနဲ့ ခေတ်အမီဆုံးက ပေါ့ပျက်ပျက် ဆိုတဲ့ စကားလုံးဖြစ်နေပါပြီ။ စကားမစပ်..ကြားဖြတ်ပြောပါရစေဦး။ ရှင်ဟာ ကျွန်မအိတ်ကပ်ထဲကနေ ချွင်ခနဲလွင့်စဉ်ထွက်ကျသွားတဲ့ သက်တမ်းမစေ့ခင် တန်ဖိုးကုန်သွားတဲ့အကြွေစေ့တစ်စေ့ ဆိုတာ မမေ့လိုက်ပါ နဲ့ဦးနော်။ ပြီးတော့ ဘယ်လောက်ပဲ ဒေါသထွက်ထွက် ဒီစကားအတွက် ဘယ်သူ့ကိုမှလည်း ရှင် ပေါ့ပျက်ပျက် လက်ညှိုးသွား မထိုးလိုက်ပါနဲ့ဦး။ ဒီအမှုကိစ္စအလုံးစုံရဲ့ တရားခံက ရှင်ကိုယ်တိုင်ပါပဲ။ ရှင်လည်းပဲ ပေါ့ပျက်ပျက်နေ့စွဲတွေထဲမှာ အပေါစားဂျင်း ဘောင်းဘီဝတ်လို့၊ ရှင့်ရဲ့ပေါ့ပျက်ပျက်ရယ်မောသံ၊ ပေါ့ပျက်ပျက်ဟန်ပန်တစ်ခွဲသားကြီးတွေနဲ့ပဲ စခန်းသွားနေဦးမှာပေါ့။ ရှင့်ဘ၀တစ်လျှောက် အရေးကြုံရင် ကြုံသလို အပေါစားကျိန်ဆိုမှုတွေလည်း ပေါ့ပျက်ပျက် ကျူးလွန်နေဦးမှာပဲဆိုတာလည်း ကျွန်မ သိနေသေးတာပေါ့။ “ဘုရားစူးရပါစေ့” “သား သေစေ့” “မိန်းမ နဲ့ ကွဲစေ့”။ အဲဒီလို အပေါစား ကျိန်ဆိုမှုတွေကို လျှာဖျားကနေ ပေါ့ပျက် ပျက်ကျိန်ဆိုရင်း အပေါစားဘီယာတွေ တစ်လုံးပြီးတစ်လုံးသောက်၊ အပေါစားမိန်းမတွေကို ပေါ့ပျက်ပျက်အကြည့် ပေါ့ပျက်ပျက် စကားတွေနဲ့ စ နောက်၊ ပေါ့ပျက်ပျက် သောက်စားခြင်းအမှုကိစ္စပြီးဆုံးတဲ့အခါ ပေါ့ပျက်ပျက် ခြေလှမ်းတွေနဲ့ ညနက်နက်မှာအိမ်ကိုပြန်၊ အိပ်ရာမ၀င်ခင် ၀တ်တရားမပျက် လိင်မှုကိစ္စတစ်ခု ပေါ့ပျက်ပျက်ပြု၊ ပေါ့ပျက်ပျက်အိပ်မက်တွေ မက်ရင်းအိပ်၊ မိုးလင်းတော့လည်း ရှင့်ကိုယ်ရှင် ငြိမ်းချမ်းရေးချိုးဖြူငှက်တစ်ကောင်လို peace morning လို့ လူတကာကို ပေါ့ပျက်ပျက်နှုတ်ဆက်၊ ပေါ့ပျက်ပျက်ရယ်သံနဲ့ အိမ်ကထွက်။ နေ့အသစ်မှာ ပေါ့ပျက်ပျက်အသစ်တွေနဲ့ ထပ်မံပေါ့ပျက်။ ပေါ့ပျက်ပျက်ပိုင်ဆိုင်ခဲ့တဲ့ဖုန်းတစ်လုံး၊ အိုင်ပက်တစ်ပြားနဲ့ လူတကာကို ပေါ့ပျက်ပျက် ကစားရင်း …..ပေါ့ပျက်ပျက်မြို့လယ်ကောင်မှာ လိမ်လည်လှည့်ဖျားဖို့ အထပ်ထပ်အခါခါ ပေါ့ပျက်စွာ ကပ်ငြိခို တွယ် နေခဲ့ပြန်ပါပေါ့။

xxxxx

အဲဒါကြောင့် အဲဒါတွေကြောင့် ပေါ့ပျက်ပျက်စဉ်းစားမနေနဲ့တော့ ချစ်သူရေ။ ကျွန်မတို့နေထိုင်ရာ မြေကမ္ဘာမှာ ပေါ့ပျက်ပျက် တွေက နေရာတကာ အတင်းကာရော လိုက်လံပေါ့ပျက်နေကြလို့ … အခုပဲ လိုက်ခဲ့ပါတော့….။ ကျွန်မ မောင့်ကို လမင်းကြီးဆီ ခေါ်သွားမှကို ဖြစ်တော့မှာနော်။

စုမီအောင်

သိသလို မသိသလို ... ခရစ်စမတ် ရိုးရာအစဉ်အလာလေးတွေ

ကြုံတွေ့ရတဲ့ ဘ၀အတွေ့အကြုံတွေက လူတိုင်းအတွက် မရိုးနိုင်အောင် အမြဲလှုပ်ရှားပြောင်းလဲနေသလိုပါပဲ။
အချိန်တွေပြောင်း၊ ရက်၊ လ၊ နှစ်တွေလည်း မပျက်မကွက် ပြောင်းကြတယ်။
ဒီလိုနဲ့ နှစ်တစ်နှစ်လည်း ပြောင်းလဲဦးတော့မယ်။

နှစ်တနှစ်ရဲ့ နောက်ဆုံး ဒီဇင်ဘာလမှာ ခရစ်စမတ်ပွဲတော်ကို ဘာသာရေးအထွတ်အမြတ်ပွဲတော်အဖြစ် ကိုယ်နေထိုင်ရာ တိုင်းပြည်ရိုးရာအစဉ်အလာအရ လေးလေးနက်နက် ကျင်းပကြသလို၊ ကိုယ့်ပတ်ဝန်းကျင်လေးမှာရှိတဲ့ သူငယ်ချင်းတွေနဲ့လည်း ပျော်စရာရွှင်စရာပွဲတော်လေးအဖြစ်လူမျိုးစုံ ပါဝင်ဆင်နွဲတတ်ကြပါတယ်။
ပျော်ရွှင်ကြတယ်။
ခရစ်စမတ်သစ်ပင်လေးတွေအလှဆင်ကြတယ်။
ခရစ်စမတ်လက်ဆောင်လေးတွေအပြန်အလှန်ပေးကြတယ်။

ဂျီးဆပ်မွေးဖွားခြင်း .. ရှင်သန်ထမြောက်ခြင်း .. သူတော်စင်စိန့်နီကိုလာစ့်
ခြေအိတ်ရောင်စုံလေးတွေ ...
နှုတ်သီးနီနဲ့သမင်ဒရယ်လေးရဲ့ စွတ်ဖားထဲက လက်ဆောင်တွေနဲ့စန်တာကလောစ့် ...
ခရစ်စမတ် အိုင်ဗီပန်း ... 
သူတို့တွေရဲ့ခရစ်စမတ်ဒဏ္ဍာရီ ၁၃ချက် စပ်စုကြည့်ရအောင်နော် ...

၁. ခရစ်စမတ်သစ်ပင် အလှဆင်တာ

အလယ်ခေတ်(ခရစ်နှစ်၅၀၀ ကနေ ၁၄၀၀အထိ)မှာ အာဒံနဲ့ ဧ၀တို့ရဲ့ ဒဏ္ဍာရီထဲကပန်းသီး သစ်ပင်တို့ကို ရည်ညွှန်းပြီး ခရစ်စမတ်သစ်ပင်လေးကို စတင်ပုံဖော်လာကြတယ်၊ အာဒံရဲ့ ပန်းဥယျာဉ်ထဲက သစ်ပင်တွေအတိုင်းပဲ ဒဏ္ဍာရီကို အမှတ်တရအသက်သွင်းကြတဲ့အခါ ပန်းသီးလေးတွေ ကွတ်ကီးမုန့်လေးတွေနဲ့ အလှဆင်ခဲ့ကြတယ်။

၂.  ရူးဒေါ့သမင်ဒရယ်လေးကလည်း ခရစ်စမတ်နဲ့အတူ

ဒရယ်တွေကို နှင်စီးစွတ်ဖားလှည်းတွေဆွဲရန်၊ ဒရယ်နို့အသုံးပြုရန် မွေးမြူလေ့ရှိတယ်၊ အလာစ့်ကာပြည်နယ်၊ ဝေလမြို့လေးတွေမှာ စာဖြန့်ဝေဖို့အတွက် ဒရယ်စွတ်ဖားလှည်းလေးတွေကိုသုံးကြတယ်၊ ပုံပြင်ထဲက ရူးဒေါ့လို့ခေါ်တဲ့ဒရယ်လေးကတော့ တလက်လက်တောက်ပနေတဲ့နှုတ်သီးနီလေးရှိတယ်၊ စန်တာကလော့စ်ကို အကူအညီပေးသူ ကိုးကောင်မြောက်ဒရယ်လေးပါ၊ ရော့ဘတ်လူးဝစ်မေက ၁၉၃၉ခုနှစ်မှာ ရူးဒေါ့နှုတ်သီးနီဒရယ်ဇာတ်ကောင်လေးကိုဖန်တီးရေးသားခဲ့တယ်၊ ဘဲရုပ်ဆိုးပုံပြင်လေးကိုလည်း တစ်စိတ်တစ်ပိုင်းအခြေခံတယ်လို့လည်း ဆိုတယ်။

၃. ခရစ်စမတ်မှာ ဖယောင်းတိုင်လေးတွေကလည်း အရေးပါတာပဲ

ဟော်လန်နိုင်ငံတောင်ပိုင်းပြည်နယ်၊ ခေါက်ဒါ(Gouda)မြို့တော်မှာ ခရစ်စမတ်ပွဲတော်အခမ်းအနား ကျင်းပတဲ့အခါ ရောင်စုံဖယောင်းတိုင်တွေချည်းပဲ အများကြီးထွန်းညှိကြတယ်၊ ခေါက်ဒါမြို့တော်ဟာ ဒတ်ခ်ျ့ ဖယောင်းတိုင်ထုတ်လုပ်ငန်းရဲ့ အချက်အခြာဒေသဖြစ်တယ်၊ ခရစ်စမတ်ပွဲတော်တွေမှာဆိုရင် ခေါက်ဒါမြိ့တော်ရင်ပြင်မှာ မြို့တော်ဝန်က ယေရှုခရစ်တော်ဖွားမြင်ခြင်းအကြောင်းကို ရွတ်ဖတ်နေတဲ့ အချိန်မှာ လျှပ်စစ်မီးတွေအားလုံးပိတ်ထားကြပြီး ဖယောင်းတိုင်းမီးအလင်းတွေနဲ့ပဲ ပွဲတော်ကိုကျင်းပလေ့ ရှိခဲ့ကြရာက ခရစ်စမတ်မှာ ဖယောင်းတိုင်လေးတွေက ဒီနေ့ထိ အရေးပါလာခဲ့တယ်။

၎. ဥရောပတိုင်းပြည်တွေမှာတော့ ကလေးတွေအတွက်လက်ဆောင်ယူလာပေးသူက စိန့်နီကိုလာစ့်ပါ

ဒီဇင်ဘာ ၆ရက်နေ့မှာ နီကိုလာစ့်ဟာ သူရဲ့တပည့်ကျော် လူရှုပ်လူနောက်ဘလက်ခ်ပီတာနဲ့အတူ ကလေးတွေအတွက် လက်ဆောင်တွေတပွေ့တပိုက်ကြီး သယ်ဆောင်ပြီးပေါ်ထွက်လာလေ့ရှိတယ်၊ လိမ္မာတဲ့ ကလေးငယ်တွေကို သကြားလုံးတွေနဲ့ လက်ဆောင်တွေပေးတယ်၊ ဆိုးတဲ့ကလေးငယ်တွေကိုတော့ ဘလက်ခ်ပီတာက တွယ်ကပ်ခြောက်လှန့်လိမ့်မယ်လို့ ဆိုကြတယ်။

၅. အိုင်ဗီပင်က ရာစုနှစ်အတော်များများကတည်းက ခရစ်စမတ်အလှဆင်တဲ့ အပင်အဖြစ် ထင်ရှားကျော်ကြားလှတယ်

ခရစ်တော်မပေါ်မီခေတ်ဦးပိုင်းကာလတွေထဲက အိမ်တွေမှာ အိုင်ဗီပင်တွေနဲ့အလှဆင်ကြတယ်၊ ထာဝရစွမ်းအားနဲ့ဆက်စပ်မှုအဖြစ်ယုံကြည်ကြတယ်၊ အိုင်ဗီပင်ဟာ အေးမြတဲ့ ဆောင်းရာသီကာလတွေ အတိုင်း ဘ၀တွေတလျှောက်လုံး အေးချမ်းမှုအတွက် ကိုယ်စားပြုတယ်လို့ ဆိုတယ်။

၆. မစ်ဆဲလ်တိုး(Mistletoe) လို့ခေါ်တဲ့ ပင်ကပ်ပန်းပင်နဲ့ ခရစ်စမတ်အလေ့အထ

ခရစ်တော်မပေါ်ခင်ကာလနေဘုရား၊ လဘုရား၊ မီးဘုရား၊နတ်ဘုရားတွေအများကြီး ကိုးကွယ်ကြတဲ့အချိန် ဘုန်းကြီးတွေဟာ သူတို့ရဲ့မှော်စွမ်းအားတိုးပွားအောင်ကုစားဖို့ မစ်ဆဲလ်တိုးပန်းပင်ကိုအသုံးပြုခဲ့ကြတယ်၊ ခရစ်စမတ်ကာလမှာ မစ်ဆဲလ်တိုးပင်အောက် နမ်းကြတဲ့ ရိုးရာဓလေ့ထုံးစံရှိခဲ့ကြတယ်၊ ၁၉ရာစုခေတ်အင်္ဂလန်မှာ အနိမ့်ဆုံးအဆင့် လူတန်းစားတွေအကြားထင်ရှားတဲ့ ဓလေ့ဖြစ်ခဲ့ပါတယ်၊ နောက်ပိုင်း လူလတ်တန်းစားတွေကလည်း အဲဒီဓလေ့ကိုလက်ခံလာကြတယ်၊ အခုအခါ တခြားတိုင်းပြည်တွေမှာပါ ပြန်နှံ့ခေတ်စားတဲ့ ခရစ်စမတ်ရိုးရာဓလေ့တစ်ခုဖြစ်နေပါပြီ။

၇. စက္ကူလှလှထုတ်ပိုးကြတဲ့ လက်ဆောင်တွေ

အေဒီ၁၀၅ခုနှစ်ဝန်းကျင် တရုတ်နိုင်ငံကနေ စက္ကူစတင်ထီတွင်ခဲ့တဲ့အချိန်ကတည်းက ခရစ်စမတ်လက်ဆောင်တွေကို ထုတ်ပိုးခဲ့ကြတယ်၊ ၁၉၁၇ခရစ်စမတ်နောက်ပိုင်းမှာ အမေရိကတိုက် နီဘရာစကားပြည်နယ် ဟောလ်ဘရားသား စတိုးဆိုင်ကနေပြီး လက်ဆောင်ထုတ်ပိုးနိုင်တဲ့ တစ်သျှူးစလေးတွေစတင်ရောင်းချခဲ့တယ်။ အလှဆင် ပြင်သစ်စာအိတ်စက္ကူသားလေးတွေလည်း အစားထိုးရောင်းချခဲ့သေးတယ်။

၈. အခုဆိုရင်ခရစ်စမတ်လက်ဆောင်ထုတ်ပိုးမှုဟာ တော်တော်ခေတ်စားနေပြီ

၁၉ရာစုမှာ ထုတ်ပိုးမထားတဲ့ လက်ဆောင်လေးတွေကို ခရစ်စမတ်သစ်ပင်အောင်မှာထားကြတယ်၊ သစ်ကိုင်းလေးတွေမှာ ချိတ်ဆွဲကြတယ်၊ ဘယ်လိုလက်ဆောင်လေးတွေဖြစ်မလည်း သိချင်စိတ်နဲ့ လိုက်ရှာကြတဲ့ စိတ်လှုပ်ရှားမှုခံစားစေချင်ကြတဲ့အတွက် တစ်ခါတစ်ရံ လက်ဆောင်လေးတွေကို ဖွက်ထားတတ်ကြတယ်။

၉. ဘာဘူရ်ှကား(ရုရှားအခေါ် အဖွား)

လက်ဆောင်သယ်ဆောင်ပေးဝေသူအဖွားအိုဟာ ယေရှုခရစ်တော်လေးဖွားမြင်မှာကို နမိတ်ပေးခဲ့တဲ့ ပုရောဖက်သုံးဦးနဲ့အတူ ခရစ်တော်ရှိရာကို မသွားပဲ တစ်ကိုယ်တည်း ကလေးငယ်ဂျီးဆပ်လေးကို လိုက်ရှာခဲ့တယ်၊ နောက်တော့မှ ပုရောဖက်တွေနဲ့အတူသွားသင့်တာကို သဘောပေါက်နားလည်ခဲ့တယ်တဲ့။ အဲဒီအချိန်ထဲက ဘာဘူရ်ှကားအဖွားအိုဟာ ကလေးတွေကို ရှာဖွေနေဆဲပဲလို့ဆိုတယ်၊ ဇန်န၀ါရီလ၅ ရက်နေ့မှာ အိပ်မောကျနေတဲ့ ကလေးငယ်တွေဆီကို သွားလည်လေ့ရှိပြီး ကလေးတွေအတွက် လက်ဆောင်ချန်ထားရစ်တယ်၊ ဘာဘူရ်ှကားအဖွားအိုအရုပ်လေးကို ရုရှားနိုင်ငံရဲ့အမှတ်တရ လက်ဆောင်အဖြစ် ရောင်းချလေ့ရှိတယ်၊ အရုပ်လေးရဲ့ဦးခေါင်းပိုင်းလေးကို ဖွင့်လိုက်ရင်အထဲမှာ နောက်ထပ်ဘာဘူရ်ှကားလေးတစ်ရုပ်ရှိနေပြီး အရုပ်လေးတွေဦးခေါင်းအဖုံးလေးကို ဖွင့်လိုက်တိုင်း အထဲမှာအရုပ်လေးတွေ အဆင့်ဆင့်ရှိနေကြတယ်။

၁၀. အီတလီနိုင်ငံကဒေသတွေမှာ ခရစ်စမတ်နဲ့ ငါးဟင်းလျာခုနှစ်မျိုးက ရိုးရာဓလေ့တဲ့

ခရစ်စမတ်ငါးဟင်းလျာ ခုနှစ်မျိုးဟာ ဘာသာရေးအခမ်းအနား ၇မျိုးကိုအထိမ်းအမှတ်ပြုတယ်လို့ဆိုတယ်၊ ငါးကို ဂျုံ၊ မုန့်ညက်၊ ဆလတ်၊ အသီးအနှံ၊ ပေါင်မုန့်၊ အီတလီဝိုင်တို့နဲ့ တွဲဖက်စားသုံးကြတယ်၊ မုန့်အချိုပွဲတွေမှာ ဆလတ်၊ ဂျုံသစ်သီးကိတ်၊ အမွှေးအကြိုင်မွှန်းထားတဲ့ကွတ်ကီးတွေ၊ နူးဂတ်(အစေ့အဆံမြှုပ်ထားတဲ့သကြားလုံး)၊ အခွံမာသီးလေးတွေပါဝင်ပါတယ်။

၁၁. စုန်းမကြီးရဲ့ ကိတ်မုန့်အိမ်လေး(Gingerbread house)

နူးညံ့လှတဲ့အိမ်ပုံကိတ်မုန့်လေးတွေကို စုန်းမအိမ်လို့ ဂျာမန်တွေကခေါ်ကြတယ်၊ ဂျာမန်စာရေးဆရာ ဂရင်းမ်ရဲ့ကျော်ကြားလှတဲ့ “ဟန်ဆဲလ်နဲ့ ဂရဲ့တဲလ်” ပုံပြင်ထဲက ကိတ်မုန့်အိမ်လေးတွေကို ခရစ်စမတ်မှာပြုလုပ်လေ့ရှိတယ်။

၁၂. ပူတင်းထဲက ကံကောင်းခြင်းတွေ

ပူတင်းမဖုတ်ခင်အရောအနှောထဲမှာ လက်စွပ်၊ ကြယ်သီး၊ အပ်ချုပ်လက်စွပ်နဲ့ ရွှေပြားပိုက်ဆံအကြွေစေ့လေးတွေမြှပ်ထားပြီး ပူတင်းဖုတ်ကြတယ်၊ ကံကောင်းသူ/ ကံမကောင်းသူ တစ်ဦးဦးက အဲဒီပစ္စည်းလေးတွေတစ်ခုခုကို ရခဲ့ရင် ပစ္စည်းလေးတွေရဲ့ ညွှန်းဆိုတဲ့ အဓိပ္ပါယ်အတိုင်း လက်ထပ်ခြင်း၊ အပျိုကြီး၊ လူပျိုကြီး၊ ချမ်းသာကြွယ်ဝခြင်းတွေ အဲဒီနှစ်အတောအတွင်း ဖြစ်လာလိမ့်မယ်လို့ဆိုတယ်။

၁၃. ရူးရဲသစ်လုံးပုံမုန့်အချိုပွဲ (Yule Log)ဟာ တိုင်းပြည်အတော်များများ ပေါ်ပြူလာဖြစ်တဲ့ မုန့်အချိုပွဲဖြစ်နေပါပြီ

အစပြုခဲ့တာက ခရစ်စမတ်မှာမီးပုံပွဲလုပ်ရင်း သစ်လုံးကိုမီးလောင်ကျွမ်းစေကြတယ်၊ သစ်လုံးကရလာတဲ့ ပြာမှုန့်တွေဟာ ထူးခြားဆန်းပြားတဲ့စွမ်းအားတွေရှိတယ်လို့ ယုံကြည်ကြတယ်၊ ဒီရိုးရာဓလေ့ကို ဂျာမနီနိုင်ငံမှာ ၁၁၈၄ ခုနှစ်က စတင်လုပ်ဆောင်ခဲ့ကြတယ်လို့ ဆိုတယ်။

သူငယ်ချင်းတို့ရော ...
ခရစ်စမတ်ကာလမှာ ဘာတွေလုပ်ကြလဲ?
ပျော် ?
မပျော် ?
ပုံမှန် ? 
------------------
phyophyo said :
ဘာမှမလုပ်  လက်ဆောင်လေးလဲကြရုံသာ၊
မပျော် :(

source : http://www.rd.com/your-america-inspiring-people-and-stories/13-things-you-didnt-know-about-christmas-traditions/article187296.html

Living Fashion Magazine, December, 2012

မိန်းကလေးတစ်ယောက်စောင့်နေသည်

(Chillies, 15'Dec)

အစ်မ ရူပါ ဆီကဖုန်းလာသည်။  ဒီညနေ ရုံးဆင်းရင် သူ့အခန်းကို သွားပေးပါဦးတဲ့။ လရောင် မသွားချင်ပါဘူး။ သမိုင်းလမ်းဆုံ၊ ဗဟိုလမ်းက မုဒိတာအိမ်ရာမှာ အစ်မရူပါဝယ်ထားသည့်အခန်းရှိသည်။ အစ်မရူပါက ပဲခူးဘဏ်မှာ အလုပ်လုပ်နေသည်။ စနေ၊ တနင်္ဂနွေ အလုပ်ပိတ်ရက်တချို့မှာ လာလေ့ရှိသည်။ ဒီတစ်ပတ် စနေနေ့ မအားဘူးတဲ့။ သူမလာနိုင်တော့လို့ မီတာခ စာရွက်များ ရောက်နေမလား အခန်းကို သွားစစ်ပေးပါဦးတဲ့။ ဒါနဲ့ပဲ မေလရောင်လင်း သမိုင်းလမ်းဆုံမှာဆင်းကာ ဗဟိုလမ်းထဲ လမ်းလျှောက်ဝင်လာခဲ့သည်။ မုဒိတာအိမ်ရာ မြေညီထပ်တိုင်းမှာ ဆိုင်ခန်းတွေဖွင့်လှစ်ထားလို့ စည်ကားလွန်းနေသည်။  ဓာတ်လှေကားထဲဝင်၊ နံပါတ် 2 (သုံးလွှာ)နှိပ်။ အခန်းထဲရောက် တော့ ကြာဆံတစ်ထုတ် ကြက်ဥထည့်ပြုတ်ကာ စားလိုက်သည်၊ ပဲနို့အေးတစ်ဘူး ဖောက်သောက်သည်။ ပြီးတော့ Facebook ထိုင်သုံးဖြစ် သည်။

ထူးထူးထွေထွေ နှစ်သစ်ကူးပွဲတော်တွေ

နှစ်သစ် တစ်နှစ်ကိုရောက်လာတော့မယ်။

နှစ်သစ်ကူးပွဲတော်တွေအကြောင်း ၂၀၁၃ ကရေးထားတာပြန်တင်ထားလိုက်ပါတယ်။ ဖတ်ချင်တဲ့သူအလွယ်တကူရှာတွေ့အောင်ပါ။
ကျန်နေသေးတဲ့နိုင်ငံတွေရဲ့ နှစ်သစ်ကူးရိုးရာဓလေ့တွေရေးနိုင်ဖို့ ကြိုးစားပါဦးမယ်။

Merry Christmas !

မိတ်ဆွေ သူငယ်ချင်းတွေကို ချစ်ခင်လေးစားစွာဖြင့်

နှစ်သစ်ကူးပွဲတော်တွေဟာ ကမ္ဘာတဝှမ်းမှာ လူမှုရေး၊ ယဉ်ကျေးမှု နဲ့ ဘာသာတရားအစဉ်အလာ လေးစားလိုက်နာမှုတွေနဲ့ ကျင်းပကြတဲ့ ပွဲတွေပါ။ နှစ်သစ်ရဲ့အစမှာပြုလုပ်ကြပါတယ်။ ရှေးအကျဆုံး၊ သက်တမ်းအရင့်ဆုံးပျော်ပွဲရွှင်ပွဲတွေဖြစ်ပြီး တစ်ကမ္ဘာလုံးက စောင့်ကြည့်ကြတယ်။ ကိုယ်တိုင် ပါဝင်ဆင်နွှဲကြပါတယ်။ အစောဆုံး နှစ်သစ်ကူးပွဲတော်ကို မက်ဆိုပိုတေးမီးယား(အာရှအနောက်တောင်ပိုင်းရှေးကျတဲ့ဒေသ၊ ဒီနေ့ခေတ်မှာတော့ အီရတ်နိုင်ငံပေါ့) အဲဒီမှာ 2000 BCE ခန့်က စတင်ကျင်းပခဲ့ကြတယ်လို့ဆိုတယ်။ အဲဒီနေရာမှာ “ဘေဘီလုံတွေရဲ့ နှစ်သစ်” Akitu ပွဲတော်ကို နွေဦးအလွန်(မတ်လလယ်) လဆန်းပိုင်းတွေကျင်းပကြတယ်။ တီးဂရစ်မြစ်အထက်ပိုင်းဒေသ အဆီးရီးယားမှာတော့ ဆောင်းဦးကာလ (စက်တင်ဘာလလယ်)လောက်မှာ ကျင်းပကြပြန်တယ်။ အီဂျစ်တွေ၊ ဖိုးနီးရှန်း နဲ့ ပါရှန်းတွေက စက်တင်ဘာ ၂၁ ရက်(ဆောင်းဦး)၊ ခေတ်ဦး ဂရိတွေကတော့ ဆောင်းကာလ ဒီဇင်ဘာ ၂၁ ရက်နေ့မှာ နှစ်သစ်ကူးပွဲတော်တွေကို အစောဆုံးကျင်းပဆင်နွှဲခဲ့ကြတာပါ။ အလယ်ခေတ် ခေတ်ဦးပိုင်းမှာတော့ ဥရောပတစ်လျှောက် ခရစ်ယာန်ဘာသာဝင်တွေဟာ မတ်လ ၂၅မှာ နှစ်သစ်ကူးအဖြစ်  စားသောက်ပွဲကြီးကိုကြေညာကျင်းပခဲ့ကြတယ်။ ရိုမန်ကက်သစ်ဘုရားကျောင်းက ၁၅၈၂ မှာ အသုံးပြခဲု့ကြတဲ့ ဂရီဂိုရီရန် ပြက္ခဒိန်အရ နှစ်သစ်ကူးနေ့ကို ဇန်နဝါရီ ၁ ရက် နေ့မှာ သတ်မှတ်ကျင်းပလိုက်ကြတယ်။ နောက်ပိုင်း တဖြည်းဖြည်းချင်း ဥရောပတိုင်းပြည်အများစုလည်း အဲဒီ ဇန်နဝါရီ ၁ ရက်နေ့ ကိုပဲ နှစ်သစ်ကူးနေ့အဖြစ် လိုက်နာကျင်းပလာခဲ့ကြပါတယ်။ စကော့တလန်က ၁၆၆၀၊ ဂျာမနီနဲ့ ဒိန်းမတ်က ၁၇၀၀၊ အင်္ဂလန်က ၁၇၅၂ နဲ့ ရုရှားက ၁၉၁၈ ခုနှစ်တွေမှာ နှစ်သစ်ကူးနေ့ ကို ဇန်နဝါရီ ၁ ရက် နေ့မှာ ပွဲလမ်းသဘင်အခမ်းအနားတွေနဲ့ ဆင်နွှဲလာကြတာပါ။

ဟုတ်တယ် .. အဲဒါ တကယ်

(Mirror Magazine, December, 2013)

ဟော ... 

“ ------”   “ ****** ”

မျက်နှာချင်းဆိုင်အခန်းက တံခါးပိတ်သံ၊  စကားပြောသံတွေကြားရသည်။ ရုံးသွားခါနီး အလုပ်ရှုပ်နေသည့်ကြားကပင် ကေသီ့အကျင့်အတိုင်း စပ်စုလိုစိတ်လေးက ပေါ်လာပြန်ပြီ။ နှုတ်ခမ်းနီ အနီရဲရဲကို နှုတ်ခမ်းအတွင်းသားတွေထဲ တို့ထိဆိုးနေရင်းက နားစွင့်ထားလိုက်၏။ ကေသီ သိသားပဲ။ မျက်နှာချင်းဆိုင်က အင်ဂျင်နီယာဇနီးမောင်နှံနှစ်ယောက်အခန်းကလေ။ သူတို့က နှစ်ယောက်တည်းနေကြသည်။ အန်ကယ်ဖရက်ဒီနှင့် အန်တီမာဂရက်တို့က အငြိမ်းစားယူပြီးကြပြီ။ သူတို့ အိမ်ကို လာလည်နေကြ ဧည့်သည်တွေတောင် ကေသီမျက်မှန်းတန်းမိနေပြီပဲ။ ပြောပြီးသားလေ။ ကေသီက စပ်စုပါတယ်လို့။ အခု အသံတွေ မှန်းဆကြည့်ရတာတော့ အီဗန်ကာပဲ ဖြစ်မှာ။ အီဗန်ကာက သူ့ရဲ့ အသံတုန်တုန်ကို တစ်ချက်တစ်ချက် ဆောင့်ပြီး အသံမြှင့်ပြောတတ်လေသည်။ အီဗန်ကာ နှင့် စကားပြောတိုင်း အမြဲတမ်း နူးနူးညံ့ညံ့စကားပြောလေ့ရှိသည့် အန်ကယ် ဖရက်ဒီ  ၏ လေသံက ကျယ်ကျယ်လောင်လောင်ထွက်လာလေ့ရှိသည်။ အမြဲစိတ်မရှည်ဖြစ်တတ်၏။ ကျွတ် .. ကနဲ စုတ်သပ်ညီးတွားသံတွေ အကြိမ်များများ ပြုလုပ်သည်။ အဲဒါကြောင့်ပဲ ကေသီ အီဗန်ကာ့ကို ပိုပြီး သတိထားမိခဲ့တာ။ အန်တီမာဂရက်ကတော့ ရယ်သံစွက်စွက်နှင့် ပြောလေ့ရှိသည်။ ရယ်ချလိုက်ချင်တဲ့စိတ်ကို ချုပ်တည်းထားရသလိုမျိုးပဲ။ ကေသီ အခန်းထဲက ဒရောသောပါးပြေးထွက်လိုက်သည်။ အလှပြင်စရာလေးတွေ လက်နှင့်ဆွဲယူလာခဲ့ပြီး အ၀င်တံခါးဘေးက ကိုယ်လုံးပေါ်မှန်ရှေ့မှာပဲ ဆက်ပြီး အလှပြင်နေလိုက်၏။ အ၀င်တံခါးမကို  ဖွင့်ထားလိုက်သည်။ အဲဒီလိုဆိုရင် ခပ်ဟဟပွင့်နေသည့် တံခါးကြားကနေ မျက်နှာချင်းဆိုင်အခန်းကို မြင်နေရပြီပေါ့။ စကားသံတွေလည်း သဲသဲကွဲကွဲ ကြားရပြီ။ “တကယ်၊ တကယ် .. လိုက်ကြည့်စမ်းပါ။ ဒီနေ့လည်း သူတို့တွေ ဖွသွားကြပြန်ပြီ။” “ဆေးတွေ၊ အရောင်တွေ ဖျက်မရတော့ဘူး။ ရေချိုးခန်းက ကြမ်းပြင်ပေါ်မှာ၊ မနေ့က မရှိဘူး” ... “ငါ မရှိတုန်းလာကြတယ်။ ခဏခဏပဲ”။

ခရစ်စမတ်ကိုရပ်ထားချင်တယ်

(၂၀၀၉၊ ဒီဇင်ဘာ ၂၁ရက်ထုတ်၊ အချစ်ဂျာနယ်)

“ရှမာရိ အဆင်သင့်ဖြစ်ပြီလား”

အိုး လန့်လိုက်တာ။ အတွေးလွန်နေတုန်း ပြဇာတ်အဖွဲ့ခေါင်းဆောင် ဆရာမ နော်လယ်ထူးက အနားကပ်မေးလိုက်လို့ ရှမာရိလန့်သွားတယ်။ `ဟုတ်ကဲ့ဆရာမ´လို့ပြောလိုက်ရပေမဲ့ ရှမာရိစိတ်တွေ အဆင်သင့်တော့မဖြစ်သေးပါဘူး။ရှမာရိကို ညီမင်းညိုစိတ်ဆိုးသွားတာ ဒီနေ့ပါဆို တစ်ပတ်တောင်ရှိပြီ ဖုန်းလည်း မဆက်ဘူး။ ရှမာရိထင်နေတာက သူဘယ်လောက်ပဲစိတ်ဆိုးဆိုး ရှမာရီတို့ ခရစ်စမတ်အတွက် ပြဇာတ်တိုက်ရင် လာကြည့်ဦးမယ် ပြောဖူးတော့ ဒီနေ့ ပြဇာတ်စကျင့်တဲ့နေ့ သူရောက်လာမယ်လို့ပဲ ထင်မိတာ။ ရှမာရိအားရှိအောင် ပြဇာတ်ကျင့်မယ့် ဘုရားကျောင်းလေးဆီနေ့တိုင်းပဲ လာကြည့်အားပေးမယ်ပြောထားပြီး သူခုထိရောက်မလာသေးဘူး။ တကယ်ပဲ စိတ်ဆိုးနေရင်တောင် အခုဒီပြဇာတ်လေးကို အကြောင်းပြုပြီး သူရောက်လာခဲ့ဖို့ကောင်းတာ။ ခုတော့…

♪♫ မင်းရဲ့ သံလိုက်အိမ်မြှောင်လေးက ငါ ♫♪

♥♪♫  ငါရဲ့ သံလိုက်အိမ်မြှောင်လေးက မင်းပေါ့ ♥♪♫ 

♪♫  မင်းရဲ့လမ်းပျောက်တဲ့အခါ 

မျက်လုံးတွေ မှိတ်မပစ်နဲ့ကွာ

မကြောက်ပါနဲ့

ကြယ်လေးတွေရဲ့ ခေါ်ဆောင်ရာလိုက်ပါ ♫ ♪

♪♫ You wanna give up 'cause it's dark

We're really not that far apart

So let your heart, sweet heart

Be your compass when you're lost

And you should follow it wherever it may go

When it's all said and done

You can walk instead of run

'Cause no matter what you'll never be alone (never be alone) ♫ ♪

လုပ်စရာရှိတာတွေ အကုန်ဝေးဝေးပစ်ချ
သီချင်းတွေလျှောက်ငေး
အဲဒါဟာ ပျော်စရာ ပေါ့ပေါ့ပါးပါး အချိန်လေးတွေ ...
အေးအေးဆေးဆေး ဖြည်းဖြည်းပေါ့ နော့
ပုံ
ငပျင်းငကပ်

သီချင်းလေးက လိုက်ဆိုကြည့်ရင် ချစ်စရာလေးမို့ စာသားလေးပါ ပစ်ထည့်ထားလိုက်ရော

"Compass"

Alright
Yeah it's been a bumpy road
Roller coasters
High and low
Fill the tank and drive the car
Pedal fast, pedal hard
You won't have to go that far

You wanna give up 'cause it's dark
We're really not that far apart
So let your heart, sweet heart
Be your compass when you're lost
And you should follow it wherever it may go
When it's all said and done
You can walk instead of run
'Cause no matter what you'll never be alone (never be alone) oh oh oh
Never be alone oh oh oh

Forgot directions on your way
Don't close your eyes don't be afraid
We might be crazy late at night I can't wait til you arrive
Follow stars you'll be alright

You wanna give up 'cause it's dark
We're really not that far apart
So let your heart, sweet heart
Be your compass when you're lost
And you should follow it wherever it may go
When it's all said and done
You can walk instead of run
'Cause no matter what you'll never be alone (never be alone) oh oh oh
Never be alone oh oh oh
You wanna give up 'cause it's dark
We're really not that far apart
So let your heart, sweet heart
Be your compass when you're lost
And you should follow it wherever it may go
When it's all said and done
You can walk instead of run
'Cause no matter what you'll never be alone (never be alone) oh oh oh
Never be alone oh oh oh

When it's all said and done
You can walk instead of run

'Cause no matter what you'll never be alone

ခရစ်စမတ်ပုံပြင်

“ခရစ်စမတ်ကာလမှာ နေရာတိုင်းက အမျိုးသား အမျိုးသမီးတွေဟာ သူတို့ရဲ့ ဘုရားကျောင်းတွေမှာ စုဝေးရောက်ရှိလာကြတယ်။ သူတို့ရင်းနှီးကျွမ်းဝင်တဲ့ ကမ္ဘာကြီး ထူးခြားအံ့သြဖွယ်ရာတွေနဲ့ အသစ်တဖန်အသက်ဝင်လာပုံကို ချီးမွမ်းကြဖို့ပါပဲ။ ကျွန်တော်အနှစ်သက်ဆုံး၊ အမြဲ သတိတရရှိနေခဲ့တဲ့ ဒီ ခရစ်စမတ်ပုံပြင်လေးက ထူးခြားလှချည်ရဲ့လို့တော့ တိတိကျကျ မဆိုနိုင်ပါဘူး”

ငယ်ရွယ်လှတဲ့သင်းအုပ်ဆရာလေးရဲ့ ကြုံတွေခဲ့ရတဲ့ အဖြစ်အပျက်ပါ။ သူ့ရဲ့ဘုရားကျောင်းဟာ အလွန်အိုမင်းဟောင်းနွမ်းနေခဲ့ပါပြီ။ ဟိုးအရင်နှစ်တွေတုန်းက ဘုရားကျောင်းလေးဟာ စည်ကားသိုက်မြိုက်ခဲ့သေးတာပေါ့။ ကျော်ကြားတဲ့ အမျိုးသားကြီးတွေက တရားဟောစင်မြင့်ပေါ်ကနေ ဟောပြောတယ်။ ဆုတောင်းတယ်။ မုန့်၊ စပျစ်ဝိုင်ဆက်ကပ်တဲ့ပွဲတော်အခမ်းအနားမစခင်အချိန်မှာပါ။ ဆင်းရဲ၊ ချမ်းသာအားလုံး အတူတူပဲ အဲဒီနေရာမှာ ဝတ်ပြုဆုတောင်းကြတယ်။ ဘုရားကျောင်းလေးကို လှပစွာတည်ဆောက်ထားခဲ့ကြတယ်။ အခုတော့ မြို့ငယ်လေးမှာ ဘုရားကျောင်းလေး ရပ်တည်နိုင်ခဲ့တဲ့ ကောင်းမွန်တဲ့နေ့တွေ ကျော်လွန်သွားခဲ့ပြီ။ သင်းအုပ်ဆရာနဲ့ သူ့ရဲ့ ငယ်ငယ်ရွယ်ရွယ်ဇနီးသည်ဟာ သူတို့ရဲ့ တကျွိကျွိ တကျွတ်ကျွတ်မြည်နေတဲ့ ဘုရားကျောင်းလေးအတွက် ယုံကြည်နေဆဲပါပဲ။ ဆေးရောင်တွေခြယ်မယ်။ တူလို အိမ်ဆောက်ပစ္စည်းမျိုး သူတို့မှာ ရှိတယ်။ သူတို့ ယုံကြည်မှုပြင်းထန်မယ်။ ဒါဆိုရင် ဘုရားကျောင်းလေး အသက်ပြန်ဝင်လာဦးမှာပါတဲ့။ သူတို့ အတူတကွ အလုပ်လုပ်ကြတော့တယ်။

စန်တာကြီးရဲ့ ကလေးတွေ

ညသန်းခေါင်ယံကြီးမှ တယ်လီဖုန်းသံက မြည်လာတယ်။

ဆယ့်ရှစ်နှစ်အရွယ် ညီမကလေးက အင်္ဂလန်ကနေ ခေါ်လိုက်တာပါ။ သူမအသံက မချင့်မရဲ မကျေမနပ်။ စိတ်ထိခိုက်နေဟန်ပါပဲ။

ဒီနှစ် နှင်းတွေကျပုံသိပ်ထူးဆန်းသတဲ့။ မကြုံဖူးလောက်အောင် ထူထပ်သိပ်သည်းနေလို့ လေကြောင်းခရီးတွေ ရပ်ဆိုင်းသွားတယ်။ လေယာဉ်ခရီးစဉ်တွေ ဖျက်သိမ်းထားတယ်ဆိုဘဲ။ ဘယ်နေ့  ခရီးစဉ်ပြန်လည် စတင်မယ်ဆိုတာ မခန့်မှန်းနိုင်ဘူး တဲ့။

မိုးရောနှင်းရော  ဟာရီကိန်းမုန်တိုင်းစတာတွေ….။

ဟင် ..ဒါဆို အိမ်ပြန်ချင်တဲ့ ဂရေ့စ်  ဒုက္ခပဲ။ ဖယ်မလီ ခရစ်စမတ်နဲ့တော့ လွဲပါပြီ။ အိမ်လည်လာနေကျ စန်တာကြီးနဲ့ ဓါတ်ပုံတွဲရိုက်ဖို့ လွဲရပြီ။

နှစ်စဉ်  ၀တ္တရားမပျက် စန်တာကြီးနဲ့ ကျွန်မတို့မောင်နှမတတွေ (ညီမလေး ဂရေ့စ် မောင်လေး ဟယ်ရီ ကျွန်မလီဆာအပါအ၀င်ခလေးတွေ) အကောင်းဆုံး အ၀တ်သစ်အစားသစ်တွေနဲ့ (အထူးသဖြင့် သန့်ရှင်းစင်ကြယ်တဲ့ ဘုရားဖူးဝတ်စုံမျိုး) ၀တ်ဆင်ပြီးတော့ လမ်းလျှောက်ကြ။ ကြည်နူးစရာပါ။ ဒီဇင်္ဘာလဆိုရင် စန်တာမပါဘဲ ဓါတ်ပုံရိုက်လို့ မဖြစ်နိုင်ဘူး။ ရိုးရာ ဖယ်မလီ ပွဲတော်လေးကို အပျက်မခံကြဘူး။

ခရစ်စမတ်မတိုင်ခင်ကျွန်မတို့ ညီမကလေးကိုပြန်ရမှ ဖြစ်မယ်ဆိုပြီး ဒယ်ဒီက စစ်ဆင်ရေးစလုပ်တော့တာဘဲ။ 

မေမေကလဲ ဖုန်းကို ကိုယ်နဲ့ မကွာကပ်ထားပြီးဆက်တိုက် ခေါ်နေတော့တာပဲလေ။

ရှိရှိသမျှ လေကြောင်းလိုင်းတွေ အကုန်လှမ်း ဆက်သွယ်နေတော့တာ။ သင့်တော်ရာ အကြံပေးပုဂ္ဂိုလ်တွေနဲ့လည်း မပြတ်ဆက်သွယ်တယ်။

ဒယ်ဒီက အဆိုးဆုံးပေါ့။ ၁၂လကြာခွဲနေရတဲ့ သူ့သမီးငယ်လေးနဲ့အတူ စုံစုံညီညီ ဆန်တာကြီးနဲ့ ရော ခရစ်စမတ် ဓါတ်ပုံ ရိုက်ထားချင်မှာပဲ။ ကံကောင်းချင်တော့ ဗျာများရတဲ့ ရက်တွေ ကျော်လွန်သွားခဲ့ပြီ ဆိုရမယ်။ ခရစ်စမတ်အကြိုနေ့မှာ ဂရေ့စ် သြစတြေးလျကို ရောက်လာတယ်။ ကျွန်မတို့ တတွေက နယူးဆောက်သ်ဝေးလယ်တောအိမ်ကနေ ကြိုနေရုံပဲ။

ဂရေ့စ်ရဲ့ လေယဉ်လဲ ဆင်းလာရော အို မိသားစု ယောက်ယက်ကို ခတ်လို့ ။ ၀ိုင်းဝန်းထွေးပွေ့ကြ။ ဖက်ရမ်းနမ်းရှုံ့ကြ။ လူစုံတက်စုံ ပေါင်းဆုံတဲ့ပွဲလေး။း နွေးထွေးစိုပြေ တင့်တယ်လှပါဘိ်။ 

ဆစ်ဒနီလေယာဉ်ကွင်းကနေ လိမ္မော်ရောင် ဆန်တာကလောစ်အခင်းအကျင်းဆီရောက်ဖို့ ကိုတော့ ၂၆၅ကီလိုမီတာ အရောက်သွားရသေးတာပါ။ စိတ်လှုပ်ရှားရင်ခုန်ရပါတယ်တဲ့။

သတ်မှတ်ထားတဲ့အချိန်ကလေးမှာ မိသားစု ပေါင်းဆုံရခြင်းဟာ ရတနာတပါးကောက်ရသလိုပါပဲ။ ၀မ်းသာစရာကြီး။ အလွန်မြူးထူးပျော်ရွှင်စရာပါ။ ရွှန်းလဲ့ တောက်ပတဲ့ အမှတ်တရ ဓါတ်ပုံကလေးတွေ  ပြက်ပြက်ထင်ထင် ရရှိလိုက်ပါတယ်။

မာမီ ဒယ်ဒီတို့ ဘေးက ၀န်းရံလို့ အောင်မြင်တဲ့ ပွဲကလေး ၊ အံ့သြလောက်တဲ့ သမိုင်းဝင် သူတော်စဉ်မွေးနေ့ ကလေး၊ ထူးကဲမြင့်မြတ်တဲ့ တန်ဖိုးဖြတ်မရတဲ့နေ့ကလေး ရယ်လို့ ချီးမြင့် ကြေငြာလိုက်ပါပြီ။

ကျွန်မတို့ရဲ့ အသွင်သဏ္ဍာန်တွေ ဘ၀အထွေထွေ ဘယ်လိုဘဲ ကွဲပြားခြားနားနေပါစေ  ကျွန်မတို့မော်ကွန်းကမ္ဗည်းတင်ရမယ့် စန်တာရဲ့ အယ်လ်ဘမ်မှာတော့ ညီညီညွတ်ညွတ်ရှိခဲ့ကြပါပြီ။ တော့တီးတော့တ ခယိုခယိုင်လေးတွေ ၀၀ကစ်ကစ်ဖေါင်းဖေါင်းအိအိလေးတွေ ပါးစုံ့ပါးမို့လေးတွေ နဲ့ ခလေးတွေလည်း စုံညီကြတယ်။

တခါတုံးက ဂရေ့စ်တယောက် ဆန်တာကြီးဝုန်းဒိုင်းကြဲ ဒေါဖေါင်းခဲ့တဲ့ နှစ်နဲ့ ကြုံဖူးခဲ့သတဲ့။ ဒါ့ကြောင့် နောင်အခါ ဘယ်သူမှ မပျက်ကွက်ပဲ စုံညီ စုဝေးခဲ့ကြတာပါ တဲ့။

Florist 

Source : Santa's Babies : Reader's Digest, December, 2012

♥♪♫ 2013 Review ♫♪♥

Post by Rupa Aung.

စုမီအောင် ဝတ္ထုတိုဖတ်ကြားမှု (ရသစာဖတ်ဝိုင်း အမှတ်စဉ် - ၇)

credit to : Road To Literary World (facebook)

ဆရာမ စုမီအောင် ဝတ္ထုတိုဖတ်ကြားမှု (ရသစာဖတ်ဝိုင်း အမှတ်စဉ် - ၇)
=======================================

ရသစာဖတ်ဝိုင်းလေး တင်ဆက်ပေးတာ ရှေ့တစ်ပတ်က အဆက်ပြတ်သွားပါတယ်။ သိကြတဲ့အတိုင်းပဲ အင်တာနက်လိုင်းက ဘယ်လိုမှကို မကောင်းတာကြောင့်ပါ။ အခုလည်း လိုင်းမကောင်းတဲ့ကြားကပဲ ဆရာမ စုမီအောင်ရဲ့ တမူထူးခြားတဲ့ ဝတ္ထုတိုဖတ်ကြားမှုကို ကြိုးစားပမ်းစား တင်ပေးလိုက်ပါတယ်။
recitator - su mie aung
program producer - thu ra tha wah
director - ye min htut
presenter - htet love
proudly presented by SBTV Entertainment
 

မပြီးဆုံးသေးတဲ့ ခရစ်စမတ်သီချင်းတစ်ပုဒ်

John Lennon (9 October 1940 – 8 December 1980)

So this is Christmas

And what have you done

Another year over

And a new one just begun

Ans so this is Christmas

I hope you have fun

The near and the dear one

The old and the young

A very merry Christmas

And a happy New Year

Let's hope it's a good one

Without any fear

And so this is Christmas

For weak and for strong

For rich and the poor ones

The road is so long.

And so happy Christmas

For black and for white

For yellow and red ones

Let's stop all the fight

A very merry Christmas

And a happy New Year

Let's hope it's a good one

Without any fear

And so this is Christmas

And what have we done

Another year over

And a new one just begun

Ans so this is Christmas

I hope you have fun

The near and the dear one

The old and the young

A very merry Christmas

And a happy New Year

Let's hope it's a good one

Without any fear

War is over over

If you want it

War is over

Now...

"Happy Xmas (War Is Over)" is a song written by John Lennon and Yoko Ono, released in 1971 as a single by John & Yoko/Plastic Ono Band with the Harlem Community Choir. It was the seventh single release by Lennon outside of his work with The Beatles. The song reached No. 4 in the UK, where its release was delayed until 1972, and has periodically reemerged on the UK Singles Chart, most notably after Lennon's death in 1980, at which point it peaked at No. 2. Originally a protest song about the Vietnam War, "Happy Xmas (War Is Over)" has since become a Christmas standard, frequently covered by other artists and appearing on compilation albums of seasonal music, and named in polls as a holiday favourite.

ဂျွန်လင်နွန်ကို လုပ်ကြံခြင်း (မပြီးဆုံးသေးတဲ့ သီချင်းတစ်ပုဒ်)
http://www.myworld-phyophyo.com/2012/06/blog-post_6671.html

ဟိုသတင်း ဒီသတင်း

၁. တူရကီမှ ဥရောပ နဲ့ အာရှဆက်သွယ် ဥမင်ရထားလိုင်းသစ်

တူရကီဟာ ဥရောပ နဲ့ အာရှ ကို ဆက်သွယ်သွားလာနိုင်မယ့် မြေအောက်ဥမင်ရထားလိုင်းသစ်ကို ဖွင့်လှစ်ခဲ့ပါတယ်။ ဥရောပ နဲ့ အာရှ ဆက်သွယ်သွားလာဖို့ စိတ်ကူးက ဘုရင်အော်တမန်ဆူလ်တန် ပထမဆုံးစတင်မိတ်ဆက်တာပါ။ နှစ်ပေါင်း ၁၅၀ ခန့်ကြာခဲ့ပါပြီ။ ဥမင်လိုဏ်ခေါင်းဟာ ၁၃.၆ ကီလိုမီတာရှည်လျားပြီး Bosporus ရေလက်ကြားအောက်မှာ ၁.၄ကီလိုမီတာပြေးလမ်းရှိပါတယ်။ Bosporus ရေလက်ကြားဟာ ပင်လယ်နက် နဲ့ မာမာရာ ပင်လယ်ကို ဆက်သွယ်ထားတယ်။ ၅၅ မီတာကျော်ပိုပြီးနက်နက်တူး တည်ဆောက်ထားတာကြောင့် ဒီလိုအမျိုးအစား ရေအောက်ဥမင်ရထားလိုင်းတွေထဲ တကမ္ဘာလုံးမှာအနက်ဆုံးလို့ဆိုတယ်။ အစိုးရဌာနဝန်ကြီးချုပ် ရီဆက်ပ်တေယစ်အာဒိုဂန်က ဒီရထားလိုင်းဟာ တစ်ရက်ကို ခရီးသည် ၁.၅သန်းခန့် သယ်ဆောင်နိုင်မယ်လို့ မျှော်လင့်ထားကြောင်းပြောပါတယ်။ အီစတန်ဘူလ်ရဲ့ ခပ်ချာချာ ယဉ်ကြောပိတ်ဆိုမှုကိုလည်း လွယ်ကူအဆင်ပြေစေမှာပါ။ မြို့ရဲ့ နှစ်ဘက်ကနေ လတ်တလောဆက်သွယ်ထားတဲ့ တံတားနှစ်စင်းကိုပဲ ဖြတ်သန်းသွားလာကြရတာပါ။ အီစတန်ဘူလ်ဟာ ကမ္ဘာ့အကြီးဆုံးမြို့တော်တွေထဲက တစ်ခုဖြစ်ပြီး လူဦးရေ ၁၆ သန်း ရှိပါတယ်။ တာကစ်ရ်ှသမ္မတနိုင်ငံတည်ထောင်တာ နှစ် ၉၀မြောက် နှစ်ပတ်လည်နေ့ဖြစ်တဲ့ အောက်တိုဘာ ၂၉ ရက် ဥမင်ရထားလိုင်းသစ်ဖွင့်ပွဲပြုလုပ်ခြဲ့ပီး အာဒိုဂန် တက်ရောက်ခဲ့တယ်။ တခြား ရုံးအရာရှိတွေမှာ ဂျပန်ဝန်ကြီးချုပ်ရှင်ဇိုအာဘေးပါတက်ရောက်ခဲ့ပါတယ်။ ဂျပန်နိုင်ငံက တည်ဆောက်ရေးလုပ်ငန်းတွေမှာ ဘဏ္ဍာရေးဆိုင်ရာငွေးကြေးထောက်ပံ့မှုအများအပြားပါဝင်ထားခဲ့တာပါ။ ဒီစီမံကိန်းကို ၂၀၀၅ မှ စတင်ခဲ့ပြီး၊ လေးနှစ်ကြာတဲ့အချိန်ပြီးစီးသွားခဲ့တယ်။ ဖွင့်လှစ်ဖို့ အနည်းငယ်နှောင့်နှေးခဲ့ရတာက ရှေးဟောင်းသုတေသနဆိုင်ရာအရေးကြီးတဲ့ တွေ့ရှိချက်ရှိလာလို့ပါ။ မြို့တော်ရဲ့အောက်မှာ တူးဖော်ရင်းနဲ့ ၄ ရာစုက အလယ်ခေတ် ရောမအင်ပါယာ (Byzantineအင်ပါယာ)ခေတ်က သင်္ဘောဆိပ်ကမ်းသမိုင်းဝင်အထောက်အထားတွေတွေ့ခဲ့ရတယ်လို့ဆိုတယ်။ ဥမင်လိုဏ်ခေါင်းဟာ မြေငလျင်လှုပ်ရှားလွယ်တဲ့ဒေသမှာဖြစ်နေတာကြောင့် ထိခိုက်ပျက်စီးလွယ်နေမလား စိုးရိမ်ပူပန်မှုတွေရှိခဲ့ကြတယ်။ ၉.၀ ပမာဏရှိ ငလျင်ကြီးလှုပ်ရှားခဲ့ရင်တောင် ကြံ့ကြံ့ခံရပ်တည်နိုင်မယ်လို့ သယ်ယူပို့ဆောင်ရေးဝန်ကြီး ရီလ်ဒီရင်မ်က ရှင်းလင်းပြောပြပါတယ်။ ဒီစီမံကိန်းဟာ အာဒိုဂန်အစိုးရ အဆိုပြုခဲ့တဲ့ အခြေံခံအဆောက်အဦတည်ဆောက်ရေးစီမံကိန်းတွေထဲက တစ်ခုပါ။

Source : www.aljazeera.com

၂. ကမ္ဘာ့ကြောက်စရာအကောင်းဆုံးလေဆိပ် code စာလုံးပေါင်းများ

 

တံမြက်စည်းရိုးတံကိုင်လို့ စီးရတာမဟုတ်ဘဲနဲ့ တချို့လေဆိပ်တွေဟာ လူတွေကို ချောက်ချားစရာဖြစ်အောင် လုပ်နေကြပါတယ်တဲ့။ ကမ္ဘာ့ထိပ်တန်းကြောက်လန့်စရာအကောင်းဆုံးထင်နေရတဲ့ လေဆိပ်တွေကို လန်ဒန်စီးတီးလေဆိပ်က စစ်တမ်းကောက်ယူ/ ထုတ်ပြန်လိုက်ပါတယ်။ လန်ဒန်ရဲ့ လေဆိပ်တွေမှာ ဟီသရိုးလေဆိပ်ဆိုရင် LHR, ဂက်ထ်ဝစ်ခ် - LGW နဲ့ လန်ဒန်စီတီး - LCY တို့ဆိုရင် ဘာကြောက်လန့်စရာအိပ်မက်ဆိုးမှ မရနိုင်သလိုပဲ။ တချို့လေဆိပ် code စာလုံးပေါင်းတွေက ဘယ်လိုကြောက်စရာကောင်းနေလည်း ကြည့်ရရင်

1) DIE – Arrachart, Madagascar

2) BOO – Bodø, Norway

3) AXE – Xanxerê, Brazil

4) HEL – Helsinki Vantaa, Finland

5) KIL – Kilwa, Congo

6) SIN – Singapore Changi International, Singapore

7) DED – Dehradun, India

8) GUT – Gütersloh, Germany

9) AGH – Ängelholm-Helsingborg, Sweden

10) BAT – Chafei Amsei, Brazil 

Die, Boo, Axe, Hel, Kil, Sin ဆိုတဲ့စကားလုံးတွေပါ။ လန်ဒန်စီတီးလေဆိပ် စီမံခန့်ခွဲရေးဌာနအကြီးအကဲ ဒီကလန်ကော်လီယာ က “အဲဒါ အံ့အားသင့်စရာပါ။ လေဆိပ်တွေတော်တော်များများ ဒီလိုစာလုံးပေါင်းတွေရှိနေကြတယ်။ ဒီ top ten ကြောက်စရာလေဆိပ်တွေလိုပဲ Roland Garros on Réunion Island ဆိုရင် RUN နဲ့ သြစတြေးလျ Cralton Hill လေဆိပ် က CRY တို့ဟာလည်းထိတ်လန့်စရာလိုဖြစ်နေမှာပါ” လို့ ပြောပါတယ်။

Source : www.travelandtourworld.com

၃. မာလီနိုင်ငံအတွက် အရေးပေါ်ရံပုံငွေပေးအပ်ဖို့ ယူနက်စကိုအတည်ပြု

တိမ်မြုပ်နေတဲ့အမွေအနှစ်ကာကွယ်ပေးရေးအတွက် Bureau of the Intergovernmental Committee က ယူနက်စကိုရဲ့ ပါရီမြို့ ရုံးချုပ်မှာအစည်းအဝေးပြုလုပ်ခဲ့ပြီး အရေးပေါ်အကူအညီကမ်းလှမ်းချက်အဖြစ် ဒေါ်လာ ၃၀၇,၃၀၇ ပေးအပ်ဖို့အတည်ပြုခဲ့ပါတယ်။ အာဖရိကအနောက်ပိုင်း ကုန်းတွင်းဒေသ မာလီနိုင်ငံရဲ့ ယဉ်ကျေးမှုအမွေအနှစ်တွေပြင်ဆင်ကာကွယ်နိုင်ဖို့ပါ။ အဲဒီစီမံကိန်းကို မာလီနိုင်ငံရဲ့ ဒေသတိုင်းက တိမ်မြုပ်နေတဲ့အမွေအနှစ်(အသိပညာ၊ သဘာဝပတ်ဝန်းကျင်နဲ့ပတ်သက်တဲ့လက်တွေ့လေ့လာအသုံးချမှု၊ ရိုးရာဓလေ့၊ ပွဲတော်များနဲ့ ရိုးရာလက်မှုအတတ်ပညာ) စသည်တို့ပါဝင်တယ်။ စီမံကိန်းဟာ ၂ နှစ်စီမံကိန်းပါ။ ပထမပိုင်းမှာ Gao, Kidal နဲ့ Timbuktu မြောက်ပိုင်းဒေသသုံးခုမှာ စစ်တမ်းကောက်ယူ ကာကွယ်မှုတွေပြုလုပ်ပါလိမ့်မယ်။ အဲဒီဒေသတွေမှာ လက်ရှိလက်နက်ကိုင်ပဋိပက္ခ၊ တိုက်ခိုက်သိမ်းပိုက်မှုတွေတိုက်ရိုက် ခံစားရတဲ့ဒေသတွေဖြစ်နေပါတယ်။ ဒုတိယအဆင့်မှာ ကျန်တဲ့ဒေသတွေဖြစ်တဲ့ တောင်ပိုင်းဒေသတွေ(Kayes, Koulikoro, Segou နဲ့ Sikasso)တို့ပါဝင်တယ်။ စီမံကိန်းမှာ ရွေးချယ်ထားတဲ့ လူ ၁၉၀ ကို အမွေအနှစ်စီမံအုပ်ချုပ်ရေးနည်းလမ်းတွေ၊ စာရင်းပြုစုပုံ စတဲ့ လေ့ကျင့်သင်တန်းပေးတဲ့ workshop တွေတက်ရောက်နိုင်မယ့်အစီအစဉ်တွေပါဝင်တယ်။ နောက်ဆုံးမှာ အများပြည်သူနားလည်သဘောပေါက်မှုအတွက် ကြိုးစားကြမယ့်အစီအစဉ်မှာ မှတ်တမ်းရုပ်ရှင်ကားတစ်ကားရိုက်ကူးဖို့ပါရှိတယ်။ Tamashek, Maure နဲ့ Sonrhai ဘာသာစကားတွေနဲ့ ရိုက်ကူးမှာပါ။ ဒေသတွင်းအတွက် ရေဒီယိုအစီအစဉ်တွေလည်းလွှင့်ထုတ်ဖို့ရှိနေပါတယ်။ အဖွဲ့အစည်းက ဒီစီမံကိန်းပြီးစီးအောင်မြင်ဖို့အတွက် ယူနက်စကို နဲ့ United Nations Multidimensional Integrated Stabilisation Mission အဖွဲ့တွေနဲ့ နီးနီးစပ်စပ်လက်တွဲလုပ်ကိုင်ဖို့ မာလီနိုင်ငံကိုတိုက်တွန်းထားပါတယ်။ Lao Cai ပြည်နယ်က လူနည်းစုတိုင်းရင်းသား Black Ha Nhi ပတ်ဝန်းကျင်ဒေသ၊ Vet Nam ဒေသခံတိုင်းရင်းသားအသိပညာပေးရေး၊ ကာကွယ်စောင့်ရှောက်ရေးအတွက် ဒေါ်လာ ၂၅၀၀၀ အတည်ပြုထားပါတယ်။

Source : UNESCO

၎. စတိဗ်ဂျောဘ်စ်ရဲ့ ကလေးဘဝကနေထိုင်ခဲ့တဲ့အိမ်ဟာ သမိုင်းဝင်အိမ်တစ်အိမ်အဖြစ်သို့

ဒီအိမ်ပုံစံလေးကြည့်ရင် သိပ်ပြီးထူးထူးခြားခြားမရှိလှသလိုပါပဲ။ ကြွားကြွားဝါဝါမရှိတဲ့ ၁၉၅၀ ခုနှစ်တွေက စိုက်ပျိုးမွေးမြူရေးခြံစတိုင်လ် အိမ်ပုံစံမျိုးလေးဟာ Bay Area အနီးအနား ဆင်ခြေဖုံးရပ်ကွက်လေးမှာ ရှိနေပါတယ်။ အခုဆိုရင် သမိုင်းဝင်တည်နေရာအဖြစ် ကာကွယ်ထားလိုက်ပါပြီ။ ကယ်လီဖိုးနီးယားပြည်နယ် Los Altos ၊ Crist Drive အမှတ် ၂၀၆၆ မှာ တည်ရှိပါတယ်။ တစ်ထပ်အိမ်လေးဖြစ်ပြီး Apple ကုမ္ပဏီတည်ထောင်ခဲ့သူ စတိဗ်ဂျောဘ်(စ်) ၁၉၇၀ နှစ်လယ်ပိုင်းလောက်မှာနေထိုင်ခဲ့တဲ့ မိသားစုအိမ်လေးပါ။ Los Altos သမိုင်းဆိုင်ရာကော်မရှင်က “သမိုင်းဆိုင်ရာအရင်းအမြစ်” လို့ တညီတညွတ်တည်းသတ်မှတ်လိုက်ကြတာပါ။ အဲဒီအဆောက်အဦအတွက် လာမယ့်ပြင်ဆင်ဆောင်ရွက်မှုမှန်သမျှ မြို့တော်က စိစစ်ခွင့်ပြုမှုတောင်းခံရမှာပါ။ “ဒီအဆောက်အဦးဟာ သက်တမ်း ဒါမှမဟုတ် တည်ဆောက်ထားပုံဗိသုကာပညာပေါ်မှာ အခြေခံပြီး သမိုင်းဆိုင်ရာအဆောက်အဦအဖြစ် သတ်မှတ်ခဲ့တာမဟုတ်ဘဲ၊ သမိုင်းမှာအရေးပါတဲ့သူတစ်ဦးချင်းရဲ့အဖြစ်အပျက်နဲ့ ပတ်သက်ပြီး သတ်မှတ်တာပါ” လို့ မြို့တော်ဆက်ဆံရေးဝန်ထမ်း ဇက်ခါရီဒါးလ်က ကော်မရှင်ရဲ့မှတ်တမ်းမှာရေးသားထားပါတယ်။ ဂျော့ဘ်(စ်)ဟာ သူ့ရဲ့မွေးစားမိဘတွေနဲ့ 7 grade ကျောင်းသား၊ အထက်တန်းအထိနေထိုင်ခဲ့ပါတယ်။ ၁၉၇၆ ခုနှစ်မှာ ကပ်လျက်ရှိတဲ့ကားဂိုထောင်လေးထဲ ဂျော့ဘ်(စ်)နဲ့ စတိဗ်ဝေါ့ဇ်နီယာ့ခ်တို့ ပထမဆုံး Apple 1 ကွန်ပျူတာတွေတပ်ဆင်ခဲ့ကြတယ်။ Mountain View က Paul Terrell ရဲ့ Byte Shop မှာ ကွန်ပျူတာတစ်စုံကို ဒေါ်လာ ၅၀၀ စီနဲ့ ရောင်းချခဲ့ကြတယ်။ ကိုးနှစ်ကြာပြီးတဲ့နောက် ၁၉၇၇ မှာ Apple Computer ကုမ္ပဏီဟာ တရားဝင်တည်ထောင်ခဲ့ပါတယ်။ ကနဦး Apple ကွန်ပျူတာတွေကို လေလံပွဲတစ်ခုမှာ ဒေါ်လာ ၂၃၁၀၀၀ နဲ့ ရောင်းချနိုင်ခဲ့ပါသေးတယ်။ ဂျော့ဘ်(စ်)ရဲ့ သမိုင်းဝင်အိမ်ဟာ အိပ်ခန်း သုံးခန်း၊ ရေချိုးခန်း နှစ်ခန်းပါရှိပြီး ၁၉၅၂ မှာ တည်ဆောက်ခဲ့တာပါ။ တန်ကြေးက ဒေါ်လာ ၁.၆သန်းရှိတယ်လို့ အိမ်ခြံမြေရောင်းဝယ်ရေး website မှာဖော်ပြထားပါတယ်။ လက်ရှိပိုင်ဆိုင်သူက ဂျော့ဘ်(စ်) ရဲ့ မွေးစားနှမ ပက်ထရစ်ရှာဂျော့ဘ်(စ်) ပိုင်ဆိုင်ပါတယ်။

Source : CNN Travel

ဖြိုးဖြိုး
(Living Fashion Magazine, December, 2013)

ဟိုသတင်း ဒီသတင်း

၁. နတ်သမီးတိုင်းပြည် “ပန်ဒိုရာ” ဆီ

ဒါရိုက်တာဂျိမ်းစ်ကင်မရွန်ရိုက်ကူးခဲ့တဲ့ Avatar ရုပ်ရှင် ၂၀၀၉ က စတင်ပြသခဲ့တော့ ပရိတ်သတ်တွေရဲ့ အားပါးတရအမွှမ်းတင်ချီးမွမ်းမှုတွေ မရပ်တန့်နိုင်ကြတော့ဘူး။ ပြာလဲ့လဲ့အသားအရည်ပိုင်ရှင် နာဗီရဲ့ လှပတဲ့အိမ်၊ အံ့ဘနန်းဆန်းပြားလှပလွန်းလှတဲ့ ပန်ဒိုရာတိုင်းပြည်ဆီကို 3D အထူးပြူလုပ်ချက်တွေ၊ မြင်ကွင်းကျယ်ပိတ်ကားတွေနဲ့ ဆောင်ယူသွားနိုင်ခဲ့လို့ပါ။ အခုတော့ Avatar မြေဆီခြေချနိုင်တော့မယ်။ ပန်ဒိုရာနတ်သမီးတိုင်းပြည်မှာ တကယ့်ဘဝစစ်တစ်ခု တည်ဆောက်ဖြတ်သန်းနိုင်မယ့်အခွင့်အရေးကို ဒစ်စနေးက ဧည့်သည်တွေအတွက်ဖန်တီးပေးတော့မယ်လို့ ကြေညာခဲ့ပါတယ်။ ဝေါ့ထ်ဒစ်စနေးအပမ်းဖြေခန်းမ တိရစ္ဆာန်ကမ္ဘာ(Animal Kingdom) မှာ ပန်ဒိုရာတိုင်းပြည်အတိုင်း ပြင်ဆင်တည်ဆောက်မှာပါ။ ၂၀၁၇ မှာ စတင်ဖွင့်လှစ်မယ်လို့ဆိုပါတယ်။ ဝေါ့ထ်ဒစ်စနေးပန်းခြံနဲ့ အပမ်းဖြေခန်းမရဲ့ ဥက္ကဌ တွမ်စတက်ဂ်စ်က တိုကျိုဒစ်စနေးအပမ်းဖြေခန်းမမှာ ပြုလုပ်ခဲ့တဲ့ D23 Expo အခမ်းအနားမှာ ပထမဆုံးအဖြစ် ပုံတွေထုတ်ပြန်ကြေညာလိုက်တယ်။ “သည်းထိတ်ရင်ဖိုစွန့်စားခန်းတွေကြီးမားကျယ်ပြန့်စွာပြင်ဆင်မှာပါ။ ဒီကမ္ဘာကြီးထဲက Avatar ပရိတ်သတ်တွေ မျောပါလွင့်ပါးနေတဲ့တောင်တွေနဲ့ အလင်းတွေဖြာကျ၊ အသံစိုးစိုးစီစီနဲ့ အသက်ရှင်နေနိုင်တဲ့ ဇီဝသက်ရှိသစ်ပင်တွေကြားထဲ လှည့်လည်သွားလာနိုင်ကြမယ်လို့ စတက်ဂ်စ်က ပြောပါတယ်။ ဧည့်သည်တွေဟာ မားမားစွင့်စွင့်မြင့်မတ်တဲ့နေရာကနေ မကောင်းဆိုးဝါးငှက်ကိုစီးလို့ လေဟုန်ခွင်းတဲ့အရသာလည်းမြည်းစမ်းနိုင်မယ်။ ဒစ်စနေးရဲ့တိရစ္ဆာန်ကမ္ဘာပန်းခြံဟာ အကြီးမားဆုံး အကျယ်ပြန့်ဆုံး၊ တိုးချဲ့ဆောက်လုပ်ထားတဲ့ ထူးခြားလှပလွန်းတဲ့နေရာတစ်ခုပါ။ Avatar အတွက်သင့်တော်မယ့်အိမ် တခြားမှာမရှိနိုင်ပါဘူးတဲ့။ ၁၉၉၈ ခုနှစ်မှာ ဝေါထ့်ဒစ်စနေးအပမ်းဖြေစခန်းကို ဖလော်ရီဒါမှာ ဖွင့်လှစ်ခဲ့ပါတယ်။ Avatar ဟာ ကမ္ဘာ့အမြတ်အများဆုံးရုပ်ရှင်တွေထဲကတစ်ခုအဖြစ်ဝင်ငွေကောင်းခဲ့တယ်။ ကမ္ဘာတဝှမ်း ဒေါ်လာ ၂.၇ ဘီလီယံကျော် ရရှိခဲ့ပြီးပါပြီ။ Avatar ဇာတ်လမ်းနောက်ဆက်တွဲ အပိုင်း ၃ ပိုင်းကို ၂၀၁၄ မှာ စတင်ရိုက်ကူးပါလိမ့်မယ်။ ၂၀၁၆၊ ၂၀၁၇ နဲ့ ၂၀၁၈ ခုနှစ်တွေမှာပြသမှာပါ။ Avatar ပထမပိုင်းပြသခဲ့တုန်းက များပြားလှတဲ့ပရိတ်သတ်တွေ စိတ်ဓာတ်ကျဆင်းခြင်းဖြစ်ခဲ့ကြပါသတဲ့။ ဘာကြောင့်လဲဆိုတော့ ပန်ဒိုရာတိုင်းပြည်ရဲ့ အလှအပကိုတမ်းတပြီး သာယာကြည်နှုးစွာခံစားမိနေကြတဲ့စိတ်အာရုံ မဖျောက်ဖျက်နိုင်တာကြောင့်ပါလို့ ဆိုကြတယ်။

၂. လန်ဒန်မြို့အပြင်ထွက်ပြီးပြသတော့မယ့် Turner Prize ပြပွဲ

ကမ္ဘာ့ဂုဏ်သတင်းအကြီးဆုံးအနုပညာပြပွဲတွေထဲက တစ်ခုဖြစ်တဲ့ Turner Prize ပြပွဲ ဆုပေးပွဲကို မြောက်ပိုင်းအိုင်ယာလန်မှာ ပြုလုပ်ပြသပါတော့မယ်။ လန်ဒန်မြို့ရဲ့အထင်ကရ တိတ်ဗြိတိန်ပြတိုက်မှာ နှစ်စဉ် ပြုလုပ်နေကျပြပွဲဖြစ်ပြီး ပါဝင်ကြတဲ့ artist တွေရဲ့လက်ရာဟာ ဆန်းသစ်ပြောင်းလဲတဲ့အမြင်အတွေးနဲ့ ဖန်တီးထားတဲ့လက်ရာတွေဖြစ်ကြတယ်။ video art, installition art နဲ့ သမားရိုးကျပုံစံတွေထဲကခွဲထွက် ဖန်တီးထားတဲ့ပန်းပုလက်ရာမျိုးတွေကို အထူးသဖြင့်ရွေးချယ်ဆုပေးလေ့ရှိပါတယ်။ မြောက်ပိုင်းအိုင်ယာလန် ဒုတိယအကြီးဆုံးမြို့တော် ဒါရီ၊ Ebrington က စစ်တန်းလျားဟောင်းတွေမှာ ကျင်းပမှာပါ။ အခုဆိုရင် Turner Prize ပြပွဲပြုလုပ်ခဲ့တာ ၂၉နှစ်ရှိပါပြီ။ ဒီတစ်ကြိမ်ဟာ အင်္ဂလန်အပြင်ဘက်မှာ ပထမဆုံးကျင်းပတာဖြစ်ပါတယ်။ စကာတင် atitst ၄ ဦးရဲ့ဆုအတွက် အပြိုင်အဆိုင်ယှဉ်ပြိုင်ကြရမယ်။ ဆုရရှိသူဟာ ပေါင် ၂၅၀၀၀ ရရှိပါလိမ့်မယ်။ အဲဒီရလာဒ်က်ို လာမယ့် ဒီဇင်ဘာ ၂ ရက်နေ့မှာ ကြေညာမှာပါ။ စကာတင်စာရင်းဝင်ခဲ့တဲ့ artist တွေကတော့ တစ်ဦးစီ ပေါင် ၅၀၀၀ ရရှိကြပါလိမ့်မယ်။ လက်ရှိ စကာတင်ဝင်သူတွေကတော့ Lynette Yiadom-Boakye ၊ ပြင်သစ်အင်စတော်လေးရှင်းအနုပညာရှင် Laure Prouvost ၊ ဗြိတိန်က David Shrigley နဲ့ the British-German performance artist Tino Sehgal တို့ဖြစ်ကြတယ်။ Turner Prize ဟာ ၁၉၈၄ ခုနှစ်ကနေစတင်ပြုလုပ်ခဲ့ပြီး အသက် ၅၀ အောက် ခေတ်ပြိုင်အနုပညာရှင်တစ်ဦးကို ဆုရွေးချယ်ပေးအပ်ပါတယ်။ ဗြိတိန်မှာ အလုပ်လုပ်နေသူ၊ ဒါမှမဟုတ် ဗြိတိန်မှာမွေးဖွားသူဖြစ်ပြီး လွန်ခဲ့တဲ့ ၁၂ လ အတွင်း အကောင်းဆုံးပြပွဲဖန်တီးပြသနိုင်ခဲ့တဲ့ artist လည်းဖြစ်ရမှာပါ။ ဆုရရှိသူတွေမှာ Damien Hirst ၊ Antony Gormley တို့ပါဝင်ကြပြီး ပြီးခဲ့တဲ့နှစ်က video artist “Elizabeth Price” ဆုရရှိခဲ့ပါတယ်။ ဒါရီပြပွဲအတွင်း ဧည့်သည် တစ်သောင်းကျော်လာရောက်လည်ပတ်ဖို့ဆွဲဆောင်နိုင်မယ်လို့ ခန့်မှန်းထားကြတယ်။

၃. လမ်းမပေါ်က Graffiti Artist “Taki 183” နဲ့ “Banksy”

ယူကေက ကျော်ကြားတဲ့ Graffiti artist Banksy ထက် နှစ်ပေါင်း ၄၀ကျော်ခန့်စောပြီးပေါ်ထွက်ခဲ့သူ၊ နယူးယောက်သားတွေကြား Graffiti လက်ရာတွေနဲ့ မိတ်ဆက်ပေးခဲ့တဲ့ Taki 183 ရဲ့ဘဝဇာတ်ကြောင်းကို နယူးယောက်တိုင်းမ်သတင်းစာမှာ ဖော်ပြခဲ့ပါတယ်။ ငယ်ရွယ်ပြီး ထူးထူးခြားခြား ဆန်းဆန်းပြားပြားစိတ်ကူးစိတ်သန်းတွေနဲ့ street artist Taki ဟာ နယူးယောက်မြို့တော်ရဲ့ အာရုံစိုက်ခြင်းခံခဲ့ရတယ်။ “တာကီဟာ မန်ဟက်တန်ဆယ်ကျော်သက်လေးဖြစ်ပြီး သူဘယ်နေရာကိုပဲသွားသွား သူ့ရဲ့ အမည်နဲ့ လမ်းနံပါတ် ကို ရေးလေ့ရှိတယ်” လို့ ၁၉၇၁ ခုနှစ် ဇူလိုင်ကလည်းဖော်ပြခဲ့ဖူးပါတယ်။ “သူပြောတာက သူ လုပ်ရမယ့်အရာတစ်စုံတစ်ရာကိုသာ ပြုလုပ်ခဲ့တာပါ”တဲ့။ ၁၈၃ လမ်းမှာနေတဲ့ ဆယ်ကျော်သက်လေးဟာ သူ့ရဲ့နာမည် ဒီမီထရီးယပ်စ်ကို သေးသေးမွှားမွှားလောက်ပဲဖော်ပြအသုံးပြုပြီး Taki စာလုံးကိုပဲ နာမည်အဖြစ်အမြဲ အသုံးပြုလေ့ရှိတယ်။ တာကီဟာ ပထမဦးဆုံးမော်ဒန် Graffiti artist တစ်ဦးအသေအချာတော့မဟုတ်ပါဘူး။ အဲဒီအချိန်က ဖီလာဒဲလ်ဖီးယား အခြေစိုက် Combread ဟာ အတော်အတန်လူသိများနေခဲ့ပါပြီ။ ဒါပေမဲ့ Taki 183 ကို သိကျွမ်းသူများပြားခဲ့တာက သူရဲ့မှုတ်ဆေး marker နဲ့ ကင်းပြတ်တဲ့နေရာဆိုတာမရှိသလောက်မို့ပါ။ Take 183 ဟာ အိမ်တွေ၊ မြေအောက်ကားရထားတွေ၊ နံရံတွေနဲ့ ဓာတ်မီးတိုင်တွေမှာ အမြဲခိုင်တဲ့ဆေးသားကိုအသုံးပြုခဲ့တယ်။ Times ရဲ့ သတင်းထဲမှာ “သူဟာ BARBARA 62, EEL 159, YANK 135 နဲ့ LEO 136 တို့လို တုပသူတွေ ရာပေါင်းများစွာကိုလည်း ပေါ်ထွက်နိုင်စေခဲ့သူပါ” လို့ရေးပါတယ်။ ၁၉၆၀ ခုနှစ်နောက်ပိုင်းနဲ့ ၁၉၇၀ အစောပိုင်းတွေမှာ Taki ရဲ့ ခပ်သော့သော့ခြစ်ရေးထားတဲ့စာလုံး၊ ပုံတွေဟာ နယူးယောက်စီးတီး နေရာအနှံ့အပြားမှာတွေ့ခဲ့ရတယ်။ အဝါရောင်တက္ကစီအငှားကားတွေလိုနေရာတကာမှာတွေ့နိုင်တယ်။ နာမည်အရင်းကို ဘယ်တော့မှဖော်ပြခဲ့ခြင်းမရှိတဲ့ Taki ဟာ သူ့ရဲ့ Graffiti Art ရေးဆွဲခြင်းကို နှစ်အနည်းငယ်ကြာတဲ့အခါ စွန့်လွှတ်လိုက်ပါတယ်။ ဒါပေမဲ့ Taki ရဲ့ ဒဏ္ဍာရီကတော့ ရှိမြဲရှိနေဆဲပါ။ သူ့ရဲ့ graffiti လက်ရာကို ကမ္ဘာတစ်ဝှမ်းက မော်ဒန်Graffiti ပြပွဲတွေမှာမြင်တွေ့နေရတယ်။ “The History of American Graffiti” စာအုပ်မှာလည်း Taki အကြောင်း ဖော်ပြထားပါသေးတယ်။

၎.  ၂၀၁၄ ရောခ့်အန်ရိုးအကျော်အမော်တွေ ဘယ်သူစာရင်းဝင်မလဲ 

ယူနိုက်တက်စတိတ်၊ အိုဟိုင်းယိုပြည်နယ်၊ Cleveland က Rock and Roll Hall of Fame ပြတိုက်မှာ ၂၀၁၄ ခုနှစ်အတွက်စာရင်းသွင်းဖို့ ရွေးချယ်နိုင်ကြပါပြီ။ Teen Spirit သီချင်းဖန်တီးခဲ့တဲ့ Nirvana နဲ့ Good Times သီချင်းပိုင်ရှင် Kiss တို့ ဟာလည်း Rock and Roll Hall of Fame ရဲ့ အကျော်အမော်တွေဖြစ်လာနိုင်ပါသတဲ့။ Grunge ဂီတကိုအဦးဆုံးဖန်တီးခဲ့ကြတဲ့ Nirvana ၊ ဒစ်စကို စွမ်းအားရှင်ကြီးတွေ ဖြစ်တဲ့ Chic နဲ့ ထူးခြားတဲ့အဝတ်အစား၊ မျက်နှာအဖုံးအကာဆင်မြန်းရမှာ ဝါသနာကြီးလွန်းလှတဲ့ ပေါပ့်မက်တယ်လ်အဖွဲ့ Kiss ဟာ စကာတင် ၁၆ ဦးထဲမှာ ထိပ်ဆုံးနေရာတွေမှာ နေရာရနေကြပါတယ်။ နောက်ထပ်ရွေးချယ်စရာတွေဆိုရင် ၇၀ ခုနှစ်တွေနဲ့ ၈၀ ခုနှစ်တွေမှာ လူကြိုက်များခဲ့ကြတဲ့ အမေရိကန် duo ဂီတသမား Hall and Oates ၊ ရေဒီယိုဟီးရိုးတွေဖြစ်ခဲ့ကြတဲ့ အမေရိကန်ရော့ခ်အဖွဲ့The Replacements ၊ နယူးအော်လိန်းသား funk ဂီတအဖွဲ့ The Meters ၊ အသံချိုချိုလေးပိုင်ဆိုင်ထားတဲ့ ဂီတအမျိုးအစားတော်တော်များများသီဆိုဖန်တီးခဲ့တဲ့ Linda Ronstadt နဲ့ gangsta ရက်ပါခေတ်ဦးက N.W.A အဖွဲ့သားတွေလည်းရှိသေးတယ်။ စာရင်းထဲမှာထပ်ပြီးဖြည့်ရမယ့်အဖွဲ့တွေလည်းရှိနေပါသေးတယ်။ The Paul Butterfield Blues Band ၊ Deep Purple ၊ Peter Garbriel ၊ LL Cool J ၊ Cat Stevens ၊ Link Wray ၊ Yes နဲ့ The Zombies အဖွဲ့တွေပါ။ အဲဒီ Rock and Roll Hall of Fame ပြတိုက်မှာ စာရင်းသွင်းပြသထားနိုင်မယ့် ဂီတသမားတွေဟာ recording artist နဲ့ ဂီတအဖွဲ့တွေဖြစ်နိုင်ပြီး ပထမဆုံးဂီတအယ်လ်ဘမ်ထွက်ရှိပြီး ၂၅နှစ်မြောက်နှစ်ပတ်လည်ကျော်လာတဲ့အထိ Rock and Roll ဂီတပရိတ်သတ်တွေရဲ့အာရုံကို အချိန်တိုင်းလွှမ်းမိုးဖမ်းစားထားနိုင်တဲ့ဂီတသမားတွေဖြစ်နေရမှာပါ။ တစ်နှစ်၊ နှစ်နှစ်စာ တိုတောင်းတဲ့ကာလအောင်မြင်မှုမျိုး၊ ဂီတဖန်တီးမှုနည်းနည်းပါးပါးပဲရှိနေမယ့် ဂီတသမားမျိုးတွေဟာ Rock and Roll Hall of Fame ပြတိုက်မှာ စာရင်းသွင်းပြသထားခွင့်ရှိမှာမဟုတ်ပါဘူး။ မဲစနစ်နဲ့ ရွေးချယ်တာဖြစ်ပြီး ရရှိလာခဲ့တဲ့ မဲတွေကို ရောခ့်ကျွမ်းကျင်သူ ၅၀၀ ဆီပို့ပြီး ရွေးချယ်စေကြတာပါ။ မဲပေးချင်တဲ့ ရောခ့်ဂီတပရိတ်သတ်တွေဟာ ဒီဇင်ဘာ ၁၀ရက်နေ့အထိ နောက်ဆုံးထားပြီး Rock Hall,  Rolling Stone နဲ့ USA Today ဆီ ပေးပို့နိုင်ကြတယ်။ အသေးစိတ်သိရှိလိုသူတွေကတော့ www.rockhall.com/vote , www.rollingstone.com and www.usatoday.com တို့မှာ သွားရောက်လေ့လာနိုင်ပါတယ်။ Rock and Roll Hall of Fame ကျော်ကြားသူတွေထဲက တချို့ကိုဖော်ပြရရင် ၁၉၈၆ မှာ Ray Charles နဲ့ Elvis Presley ၊ ၁၉၈၈ မှာ The Beatles, The Beach Boys, The Drifters, Bob Dylan နဲ့ The Supremes ၊ ၁၉၉၄ မှာ Elton John, John Lennon, Bob Marley, Rod Stewart ၊ ၂၀၁၂ မှာ Gun N’ Roses နဲ့ Red Hot Chili Peppers တဲ့ တခြားဂီတသမားတွေနဲ့ ၂၀၁၃ မှာ Donna Summer နဲ့ တခြားဂီတသမား ၆ ဦးခန့်  ရောခ့်အန်ရိုးအကျော်အမော်တွေဖြစ်ခဲ့ကြတယ်။

၅. မြူငွေ့ဆိုင်းကာနေတဲ့ ကန်ရေပြင်ရောင်ပြန်အလှအပ နဲ့ အမျိုးသားဓာတ်ပုံဆု

မြူခိုးငွေ့တွေဝေ့ကာဆိုင်းနေတဲ့ Cumbrian ရေကန်အလှကို ရိုက်ကူးထားတဲ့ ဓာတ်ပုံတစ်ပုံဟာ အမျိုးသားဓာတ်ပုံဆုမှာ ထိပ်ဆုံးကဆုတစ်ဆု Take a View Landscape Photographer of the Year အဖြစ်ရရှိသွားခဲ့ပါတယ်။ အင်္ဂလန်အနောက်မြောက်ပိုင်း Cumbria ဒေသ Crummock Water ရေကန်ရဲ့ သဘာဝရှုခင်းအလှကို Derbishire ကဓာတ်ပုံဆရာ တိုနီဘန်းနက်ထ် က ရိုက်ကူးခဲ့တာပါ။ မစ္စတာ ဘန်းနက်ထ်က ဓာတ်ပုံဖမ်းယူရိုက်ကူးတဲ့အတွေ့အကြုံကို “ဘယ်တော့မှ နောက်တစ်ကြိမ်ပြန်မရနိုင်တဲ့အချိန်တစ်ခဏလေးပါ။ ဒါပေမဲ့ အမြဲတမ်း အမှတ်ရနေမှာပါ” လို့ ပြောသွားပါတယ်။ အဲဒီဆုရ သဘာဝရှုခင်းဓာတ်ပုံနဲ့ တခြားအမျိုးအစား ၁၅ မျိုးမှာ ဆုရသူတွေရဲ့ ဓာတ်ပုံတွေကိုလည်း လန်ဒန်အမျိုးသားကဇတ်ရုံမှာ ဒီဇင်ဘာ ၇ ရက်နေ့စတင်ပြသမှာပါ။ Young Photographer of the Year ဆုရ ခရစ်စတိုဖာပေ့ခ်ျရဲ့ ရိုက်ချက်က Surrey ဒေသ ဆောင်းဦးသစ်ရွက်တွေရဲ့ သဘာဝအလှဖြစ်ပြီး Your Viiew အမျိုးအစားမှာဆုရတဲ့ ဒေးဗစ်လီယွန်က မုန်တိုင်းထန်နေတဲ့အချိန် Newhaven ဆိပ်ကမ်းမှာ ကမ်းကခွာလာတဲ့ ကူးတို့လှေကို ရိုက်ကူးထားပါတယ်။ မစ္စတာဘန်းနက်ထ်က သူတွေ့ကြုံရတဲ့အခက်အခဲအကြောင်းကို စက္ကန့်တိုင်းမှာ မြင်ကွင်းဟာပြောင်းလဲသွားလွန်းလို့ ပုံတစ်ရာလောက်အမှတ်တရဖန်တီးဖြစ်ခဲ့တယ် လို့ ဆိုတယ်။ ဆိတ်ငြိမ်တဲ့ညတစ်ညရဲ မြူတွေဟာ လူးလိမ့်ခွေခေါက်လို့ ဝရုန်းသုန်းကားဖွာလန်ကြဲကုန်တယ်။ နေရဲ့ အပူကြောင့် အငွေ့ပြန်ပြီးအရပ်မျက်နှာတိုင်းကို ထာဝရလွင့်စင်ပျံ့နှံ့သွားသလိုမျိုးပါ လို့ သူကပြောပါတယ်။ တစ်မိနစ်အတွင်းမှာ ဘယ်တော့မှပြန်ဖြစ်မလာတော့ဘဲ အားလုံးပြီးဆုံးသွားတယ် တဲ့။ Take a View ဓာတ်ပုံဆုကို စတင်တည်ထောင်သူ ချာလီဝိတ်ထ်က “မစ္စတာဘန်းနက်ထ်ရဲ့ ဓာတ်ပုံဟာ ယူကေဓာတ်ပုံဆရာတွေရဲ့ ပါရမီစွမ်းရည်၊ ဒေသတွင်းသဘာဝအလှအပတွေကို အမိအရရိုက်ကူးနိုင်တဲ့သူတို့ရဲ့အရည်အချင်းတွေကို ကိုယ်စားပြုတယ်လို့ ပြောခဲ့တယ်။ တစ်ကိုယ်တည်းမြင်တွေ့လိုက်ရတဲ့မြင်ကွင်းတစ်ခုဟာ လူတွေအများကြီးကို စကားလုံးများစွာနဲ့ပြောပြသွားနိုင်ခဲ့ပါတယ်။

၆. ဘာကြောင့် “၁၂ နှစ်တာ ကျေးကျွန်ဘဝမှာ” ရုပ်ရှင်ကြည့်သင့်တာလဲ တဲ့

ကျေးကျွန်ပြုခြင်းဟာ အမေရိကသမိုင်းမှာ စက်ဆုပ်ရွံရွာဖွယ်အကောင်းဆုံးအခန်းကဏ္ဍပါပဲ။ အဲဒီအဖြစ်အပျက်တွေကို လူတိုင်းသိခဲ့ကြပါတယ်။ ဒါပေမဲ့ လူနည်းနည်းလောက်ကပဲ ဘယ်လောက်အထိကျေးကျွန်ပြုခဲ့ကြသလဲဆိုတာ သိကြတယ်။ လူနည်းနည်းလေးကပဲ အဲဒီအကြောင်းကို စိတ်ဝင်တစားရှိခဲ့ကြပါတယ်။ ၁၈၆၃ ဇန်နဝါရီ ၁ ရက်နေ့က သမ္မတလင်ကွန်းအတည်ပြုပေးခဲ့တဲ့ ကျေးကျွန်တွေကိုလွတ်မြောက်ပေးခဲ့တဲ့ကြေညာချက် (Emancipation Proclamation) ထုတ်ပြန်ခဲ့တာ နှစ် ၁၅၀ ရှိခဲ့ပြီးနောက်၊ ဒီ ကျွန်စနစ်အကြောင်းအရာမျိုးဟာ လူကြိုက်များတဲ့ပုံမှန်ဖျော်ဖြေရေးအကြောင်းအရာတွေထဲမှာ မထင်မရှားပုံစံမျိုးနဲ့ပဲရှိနေဆဲပါ။ ဒါရိုက်တာ စတီဗ်မက်ကွီးန် ကတော့ သိသာထင်ရှားလာအောင် ပုံဖော်လိုက်ပါပြီ။ 12 Years a Slave ဟာ ၁၈၄၁ ခုနှစ်မှာ အလုပ်အတွက်သွေးဆောင်ခံရပြီး ပြန်းပေးဆွဲခံလိုက်ရတဲ့ အာဖရိကန်-အမေရိကန်လူငယ်လေးရဲ့ တကယ့်ဖြစ်ရပ်မှန်ဘဝဇာတ်ကြောင်းကို ရုပ်ရှင်ရိုက်ကူးထားတယ်။ အဲဒီလူငယ်လေး ဆော်လမွန်နော်သပ် ကို အလုပ်ရှင်တွေက မူးယစ်စေတဲ့ဆေးဝါးတိုက်ကျွေးပြီး ဝါရှင်တန်ဒီစီကို ကျွန်အဖြစ်ရောင်းချလိုက်တာပါ။ ဝါရှင်တန်ဒီစီကနေ နယူအော်လိန်း၊ လူဝီစီယားနားမှာ အပင်စိုက်ပျိုးရေးလုပ်ငန်းပိုင်ရှင်တစ်ဦးရဲ့ ကျွန်အဖြစ်အလုပ်လုပ်ခဲ့ရတယ်။ ၁၂ နှစ်ကြာစာချုပ်ပြီးဆုံးသွားတဲ့၁၈၅၃ ခုနှစ်မှာ လွတ်မြောက်လာခဲ့တယ်။ လွတ်မြောက်လာတော့ ဝါရှင်တန်ဒီစီက ကျေးကျွန်ကုန်သည်ပွဲစားတွေကို တရားစွဲဖို့ကြိုးစားခဲ့ပြီး သူ ရှုံးနိမ့်ခဲ့တာတွေ အပေးအယူညှိနှိုင်းမှုမရှိ၊ အဆုံးစွန်ကြမ်းကြုတ်ရက်စက်ခဲ့တာတွေ ရုပ်ရှင်မှာပြထားတယ်။ ၁၂ နှစ်စာ ဘေးချိတ်ထားခဲ့တဲ့ လူမျိုးရေးခွဲခြားမှု၊ အကြင်နာတရားကင်းမဲ့မှု နဲ့ ရိုင်းပျမှုတွေကို အထင်းသားမြင်အောင်ရိုက်ကူးထားတာကြောင့် ကိုယ့်ရဲ့ တိုင်းပြည်အကြောင်းပိုပြီးနားလည်နိုင်ဖို့ အမေရိကန်တွေကိုယ်တိုင် ကြည့်ဖို့လိုအပ်တဲ့ရုပ်ရှင်ဖြစ်တယ်လို့ လူးဝစ်ဘေးလ် က လောစ့်အင်ဂျယ်လိစ်တိုင်းမ်သတင်းစာ “ယဉ်ကျေးမှုနဲ့ ရုပ်ရှင်”ကဏ္ဍမှာရေးသားခဲ့ပါတယ်။ 12 Years a Slave ရုပ်ရှင် ထုတ်လုပ်သူတွေ ၇ ဦးထဲမှာ ဘရက်ပစ်လည်းအပါအဝင်ဖြစ်ပြီး ဆော်လမွန်နော်သပ်အဖြစ် ချီဝီတဲလ်အဲဂျီယိုဖော က သရုပ်ဆောင်ထားပါတယ်။ ။

ဖြိုးဖြိုး

(Yati Magazine, December, 2013)