ညွှန်းတဲ့ ရုပ်ရှင်

Transcendence

Action / Drama  / Sci-Fi  

Warner Bros. Pictures, DMG Entertainment (China), Summit Entertainment/Lionsgate (International)

ဒါရိုက်တာ - Wally Pfister

ထုတ်လုပ်သူ - Andrew A. Kosove, Kate Cohen, Marisa Polvino, Annie Marter, David Valdes, Aaron Ryder

ဇာတ်ညွှန်း - Jack Paglen

သရုပ်ဆောင်များ - Johnny Depp, Morgan Freeman, Rebecca Hall, Kate Mara, Cillian Murphy, Cole Hauser, Paul Bettany

ဒေါက်တာ ဝီလ်ကတ်စ်တာ (Johnny Depp) ဆိုတာက အသိဥာဏ်ပညာဖန်တီးပြုလုပ်ဖို့ သုတေသနလုပ်နေတဲ့ ပညာရှင်တစ်ဦးပါ။ နာဖျားနေတဲ့ နောက်ဆုံးအဆင့်ဖြစ်နေတဲ့သူတစ်ဦးလို့လည်းဆိုပြန်တယ်။ ဝီလ်ကတ်စ်တာက သူ့ရဲ့ စိတ် (မှတ်ဥာဏ် )ကို ကွန်ပျူတာထဲ ဆွဲချသိမ်းဆည်းဖို့ကြိုးစားနေတယ်။ သူ့ရဲ့အဆိုးဝါးဆုံးအိပ်မက်တွေရဲ့အလွန်မှာ သိမ်းဆည်းထားတာတွေနဲ့ပေါင်းစပ်ပြီး စွမ်းအားဖြစ်စေဖို့ပါ။ ဒေါက်တာဝီလ် တီထွင်ဖန်တီးထားတဲ့ စက်ထဲမှာ အာရုံခံစားနိုင်မှု နဲ့ စုစည်းသိုမှီးထားတဲ့ မှတ်ဥာဏ်တွေပိုင်ဆိုင်ထားပါတယ်။ ဒေါက်တာဝီလ်လေ့လာနေတဲ့ နည်းပညာတိုးတက်မှုမျိုးကို အစွန်းရောက်ဝါဒီတွေက ဆန့်ကျင်နေကြတယ်။ ဒါပေမဲ့ သူတို့ရဲ့တိုက်ခိုက်မှုဟာ ဒေါက်တာဝီလ်ရဲ့ ရည်မှန်းချက်ပန်းတိုင်ဆီကို တွန်းပို့လိုက်သလိုပါပဲ။ ဇနီးသည် အဲဗလန် (Rebecca Hall)နဲ့ သူ့ရဲ့ အချစ်ဆုံးသူငယ်ချင်း မက်ဇ်ဝါးတားစ် (Paul Bettany)တို့ကလည်း စိတ်တူကိုယ်တူ သုတေသနပညာရှင်တွေပါ။ "နှစ်ပေါင်း ၁၃၀ ၀၀၀ မှာ ငါတို့ရဲ့လုပ်နိုင်စွမ်းဟာ မပြောင်းမလဲတည်တံ့လျက်ရှိတော့မယ်။ ဦးနှောက်အာရုံကြောသိပ္ပံပညာရှင်တွေ၊ သင်္ချာပညာရှင်တွေရယ်၊ အင်ဂျင်နီယာပညာရှင်တွေရဲ့ ပေါင်းစပ်ထားတဲ့ အသိဥာဏ်ပညာတွေဟာ A.I(Artificial Intelligence) နဲ့ယှဉ်လိုက်ရင်တော့သေးနုပ်မှေးမှိန်သွားတော့မှာ" လို့ ဒေါက်တာဝီလ်က ပြောနေတယ်။  ဇနီးသည် အဲဗလန်က "ရှင် ဘယ်ကို သွားနေတာလဲ" လို့မေးတော့ ဒေါက်တာဝီလ်ပြန်ဖြေတာက "နေရာတိုင်းကိုပဲ" တဲ့။ မရပ်မနားလှုပ်ရှားနေတဲ့စက်ကို ပိတ်ပစ်လိုက်တော့မယ်လို့ မက်ဇ် က ဆိုတော့ အဲဗလန် ခပ်သွက်သွက်လေးဖြေရှာတယ်။ "အဲဒါကို … မပိတ်လိုက်နဲ့။ သူပဲ။ ဝီလ်ပဲ"

Noah

Adventure / Drama  

Paramount Pictures

ဒါရိုက်တာ - Darren Aronofsky

ထုတ်လုပ်သူ - Darren Aronofsky, Scott Franklin, Arnon Milchan, Mary Parent 

ဇာတ်ညွှန်း - Darren Aronofsky, Ari Handel

ဝတ္ထု - based on The narrative of Noah's Ark in the Book of Genesis

သရုပ်ဆောင်များ - Russell Crowe, Jennifer Connelly, Ray Winstone, Emma Watson, Logan Lerman, Anthony Hopkins

ခရစ်ယာန် သမ္မာကျမ်းလာ ကမ္ဘာပျက်ကိန်းကြုံပြီး ပြိုလန့်ချောက်ချား ရေလွှမ်းသွားတော့မယ် ကပ်ဆိုးမြင်ကွင်းတွေကို နော်ဧ ကြောက်လန့်တုန်လှုပ်နေတယ်။ ဒါပေမဲ့ ဘုရားသခင်ရဲ့ အလိုရှိမှုအတိုင်း ကြုံလာတော့မယ့်ရေလွှမ်းမိုးမှုကပ်ဆိုးကနေ မိသားစုကို သတ္တဝါတွေကို ကယ်ယူဖို့ လှေကြီးဆောက်လုပ်တယ်။ Evan Almighty ရုပ်ရှင်ကို ပြန်လည်အမှတ်ရမိစရာပါ။ Evan Almighty မှာတော့ ရယ်ရွှင်ဖွယ်ဇာတ်မြူးပုံစံမျိုးနဲ့ ရိုက်ကူးပြသခဲ့တယ်။ ဒီ Noah ကိုတော့ အမေရိကန်ဒါရိုက်တာ၊ ဇာတ်ညွှန်းဆရာ၊ ရုပ်ရှင်ထုတ်လုပ်သူ ဒါရန်အေရွန်နောဖ့်စကီး က အထူးပြုလုပ်ချက်တွေနဲ့ အံ့ဘနန်းထူးခြားဆန်းပြားစွာ ရိုက်ကူးခဲ့တာပါ။ ဝေဖန်သူတချို့ကတော့ "တကယ်ရှိနေတဲ့တိရစ္ဆာန်အစစ်အမှန်တွေနဲ့ နည်းနည်းကွဲပြားနေတယ်။ တစ်ကားလုံး တိရစ္ဆာန်အစစ်လေးတွေမပါဘူး"လို့ ဆိုကြတယ်။ ဒါရိုက်တာဟာ နော်ဧ ရဲ့ ဇာတ်ကောင်ကို ကလေးဘဝအရွယ်ကတည်းကနေ စပြီး ဆွဲဆောင်မှုရှိအောင် ရိုက်ကူးထားတာပါ။ သရုပ်ဆောင် အမ်မာဝပ်ထ်ဆန်ကပြောတဲ့ ရုပ်ရှင်ထဲက အပြင်အဆင် ဝန်းကျင်ရှုခင်းအကြောင်းမှာ "ဆက်တင်တွေက အချိန်ကာလတွေဆီ ဆောင်ယူသွားတယ်။ အနာဂတ်ထဲက နှစ်တစ်ထောင်ကာလထဲမှာလိုလို၊ ပြီးခဲ့တဲ့ နှစ်တစ်ထောင်ကာလထဲပြန်ရောက်သွားသလိုလို ခံစားရတယ်လို့ ဆိုတယ်။ ဒီရုပ်ရှင်ဟာ ရပ်ဆဲလ်ခရိုးနဲ့ ဂျနီဖာကော်နဲလေး တို့ ခင်ပွန်းနဲ့ဇနီးသည်အဖြစ်အတူသရုပ်ဆောင်ထားတဲ့ ဒုတိယမြောက်ရုပ်ရှင်ပါ။  A Beautiful Mind မှာ တစ်ကြိမ်တွေ့ခဲ့ကြပြီးပါပြီ။ ရပ်ဆဲလ်ခရိုးရဲ့ ကြံ့ခိုင်ကြမ်းတမ်းရဲ့သဏ္ဍာန်၊ ထူးခြားတဲ့ရုပ်ရှင်နောက်ခံအခင်းအကျင်း၊ အထူးပြုလုပ်ချက်တွေ ဆန်းဆန်းပြားပြားနဲ့ Noah ဟာလည်း စိတ်ဝင်စားစရာ ရုပ်ရှင်တစ်ကားဖြစ်နေပါတယ်။

Divergent

Action / Adventure / Sci-Fi

Summit Entertainment, Lionsgate

ဒါရိုက်တာ - Neil Burger

ထုတ်လုပ်သူ - Lucy Fisher, Pouya Shabazian, Douglas Wick

ဇာတ်ညွှန်း - Evan Daugherty, Vanessa Taylor

ဝတ္ထု - Based on Divergent by Veronica Roth

သရုပ်ဆောင်များ - Shailene Woodley, Theo James, Zoe Kravitz, Ansel Elgort, Maggie Q, Jai Courtney, Miles Teller, Kate Winslet

ချီကာဂိုမြို့မှာ .. အချိန်က ၂၁၆၄ ခုနှစ်ထဲ … ။ လူတွေဟာ ကွဲပြားတဲ့နိုင်ငံရေးပါတီ ၅ ခု နဲ့ ပိုင်းခြားခွဲခြားပြီး ရှင်သန်နေထိုင်နေကြတယ်။ ဆယ်ကျော်သက်လေးတွေဟာ ကျန်ရှိတဲ့ သူတို့ရဲ့ဘဝကိုဖြတ်သန်းကြတဲ့အခါ သူတို့ရဲ့ မူလအုပ်မှာပဲ နေထိုင်မလား၊ ဒါမှမဟုတ် တခြားအုပ်စုထဲကူးပြောင်းချင်သေးလား ဆုံးဖြတ်ရဖို့ရှိပါတယ်။ ထရစ်ပရီယာ (Shailene Woodley) ဟာ အဲဒီရွေးချယ်မှုကို ပြုလုပ်ပေးတယ်။ ထရစ်နဲ့ သူမရဲ့ နောက်လိုက်အုပ်စုအဖွဲ့ဝင်တွေဟာ အုပ်စုသွင်းလုပ်ငန်းစဉ်တွေအတိုင်း ထူးကဲပြင်းထန်တဲ့ ရုပ်ပိုင်း နဲ့ စိတ်ပိုင်းစမ်းသပ်စစ်ဆေးမှုတွေ ဖြတ်သန်းပြီးမှ သူတို့အားလုံး ပြောင်းလဲကြရမှာပါ။ ဒါပေမဲ့ ထရစ်မှာ လှိူ့ဝှက်ချက်တစ်ခုရှာဖွေ သိရှိသွားတယ်။ အဲဒါ သူမက Divergent ဖြစ်နေသတဲ့။ အဓိပ္ပါယ်ကတော့ အုပ်စု ၅ ခုထဲမှာ ဘယ်မှာမှ  သူမ အဆင်မပြေနိုင်ဘူး။ ဘယ်အုပ်စုဝင်မှဖြစ်မနေပါဘူး။ ဒါကို တစ်ဦးဦးကများ သိရှိသွားခဲ့ရင် ယုံမှားဖွယ်မရှိ သေဆုံးခြင်းကို ထရစ်ရင်ဆိုင်ရမှာပါ။ ထရစ်ရှာဖွေတွေ့ရှိလိုက်တဲ့ မတူကွဲပြားတဲ့လူ့အဖွဲ့အစည်းရဲ့ကြီးထွားလာမှုဟာ ခြိမ်းခြောက်မှုတစ်ခုဖြစ်လာနေပြီ။ ထရစ်သိရှိလိုက်တဲ့လှို့ဝှက်ချက်ဟာ ချစ်မြတ်နိုးတဲ့ လူတွေကို ကယ်ဆယ်နိုင်မလား။ ဒါမှမဟုတ် ထရစ်ကိုပဲ အလုံးစုံပျက်သုဉ်းခြင်းဆီ ဦးတည်စေမလား စိတ်လှုပ်ရှားစရာကြီးပါပဲ။ Divergent ဟာ အမေရိကန်စာရေးဆရာမ Veronica Roth ရဲ့ ဝတ္ထု သုံးအုပ်တွဲ ပထမဆုံးအပိုင်းပါ။ Roth ရဲ့ Divergent ဟာ စာရေးဆရာမ Suzanne Collins ရဲ့ The Hunger Games နဲ့ စာရေးဆရာ James Dashner ရဲ့ The Maze Runner တို့ရဲ့ ဝတ္ထုတွေနဲ့ အမျိုးအစားတူနေတဲ့လူငယ်ဖတ်ဝတ္ထုတွေပါ။  Roth ဟာ ဒီဝတ္ထုဖန်တီးဖို့ သူမ တက္ကသိုလ်တက်နေစဉ်ကတည်းက စိတ်ကူးရခဲ့တယ်လို့ဆိုတယ်။ အနာဂတ်ကမ္ဘာထဲက ချီကာဂိုမြို့ကြီးမှာ Abnegation (တစ်ကိုယ်ကောင်းမဆန်သော)၊ Amity (ငြိမ်းချမ်းသော)၊ Candor (ရိုးသားသော)၊ Dauntless (ရဲရင့်သော) နဲ့ Erudite (အသိပညာပြည့်ဝသော) စတဲ့ အချက်တွေနဲ့ ပြည့်ဝသူတွေကို စမ်းသပ်စစ်ဆေးပြီး အုပ်စုတွေခွဲခြားနေထိုင်ကြတာကနေ စလို့ Divergent ကို ပုံဖော်ရေးသားခဲ့ပါတယ်။

Heaven Is for Real

Drama

Sony Pictures Entertainment

ဒါရိုက်တာ - Randall Wallace

ထုတ်လုပ်သူ - Joe Roth, T. D. Jakes

ဇာတ်ညွှန်း - Chris Parker

ဝတ္ထု - Based on Heaven Is for Real by Todd Burpo and Lynn Vincent

သရုပ်ဆောင်များ - Greg Kinnear, Kelly Reilly, Connor Corum, Jacob Vargas, Nancy Sorel

မြို့ငယ်လေး Nebraska မှ ခရစ်ယာန်သင်းအုပ်ဆရာ တော့ဒ်ဘာပို (Greg Kinnear) ရဲ့ လေးနှစ်အရွယ်သားငယ် ကော်လ်တန် (Connor Corum)ဟာ အရေးပေါ်ခွဲစိတ်ကုသမှုခံယူရစဉ်မှာ ကောင်းကင်ဘုံဆိုတာကို သူတွေ့မြင်ခဲ့တယ် လို့ပြောပြတယ်။ ခွဲစိတ်နေတဲ့ ဆရာဝန်ရယ်၊ လူနာစောင့်အခန်းထဲမှ ဆုတောင်းနေတဲ့ဖခင်ရယ် ကော်လ်တန် စကားတွေပြောဖို့ ကြိုးစားခဲ့ရှာတယ်။ မိသားစုက မယုံမကြည်နိုင်အောင်ဖြစ်နေခဲ့ကြပေမယ့် သိပ်မကြာခင်မှာပဲ အားလုံး ရှင်းရှင်းလင်းလင်းသိသွားကြရတယ်။ ကောင်းကင်ဘုံမှာ ကော်လ်တန်ရဲ့ မဆုံဖြစ်ခဲ့တဲ့(ပျက်ကျဆုံးပါးသွားခဲ့ဖူးတဲ့) အစ်မဖြစ်သူနဲ့တွေ့ခဲ့တယ်။ အဲဒါ ကော်လ်တန်ကို ဘယ်သူမှ မပြောပြခဲ့ကြဖူးဘူး။ ပြီးတော့ ကော်လ်တန် မမွေးခင် အနှစ် ၃၀ ကတည်းက ဆုံးပါးခဲ့တဲ့ အဘိုးရဲ့အဖေနဲ့လည်းတွေ့ခဲ့သတဲ့။ ခရစ်တော်(ဂျီးဆပ်) နဲ့လည်း လူချင်းဆုံတွေ့ခဲ့ကြသေးတယ်။ ဂျီးဆပ်ဟာ သက်တံရောင်မြင်းကိုစီးနေတယ်။ ကော်လ်တန်ကတော့ ဂျီးဆပ်ရဲ့ ပေါင်ပေါ်မှာထိုင်နေတယ်။ နတ်သမီးတွေဟာ တေးသီကျွေးနေကြတယ်။ မူရင်းဝတ္ထုကို ဝေဖန်သူတွေက ကော်လ်တန် ခွဲစိတ်ကုသမှုခံယူစဉ် မေ့မြောသေဆုံးပြီး ကောင်းကင်ဘုံရောက်ရှိခဲ့တယ်ဆိုတဲ့ ဆေးပညာမှတ်တမ်းအထောက်အထားမပြနိုင်ဘူးလို့ဆိုကြတယ်။ ကော်လ်တန်ကတော့ ဆက်ပြီးပြောပြနေရှာတယ်။ ကောင်းကင်ဘုံဆိုတာ တကယ်ပဲတည်ရှိနေတဲ့နေရာပါတဲ့။ ဂျီးဆပ်က ကလေးသူငယ်တွေကို အမှန်တကယ်ချစ်ခင်မြတ်နိုးတယ်။ အသင့်ပြင်ထားကြပါ။ အဲဒီမှာ နောက်ဆုံးတိုက်ပွဲတစ်ခုလာနေပြီတဲ့။ 

ဖြိုးဖြိုး

(Yati Magazine, April, 2014)