ကိုယ်ချစ်ခင်တန်ဖိုးထားရတဲ့ အမိအဘ လူကြီးတွေ အိုမင်းမစွမ်းဖြစ်လာတဲ့အချိန်မှာ အိမ်မှာဘေးရန်ကင်းရှင်းစွာ နေထိုင်နိုင်ဖို့ အထူးပြင်ဆင်ရမယ့်အိမ်ဒီဇိုင်းလေးတွေရှိနေပါတယ်။ Aging in Place "လူကြီးတွေရဲ့နေရာ" လို့ ခေါ်နေကြတဲ့ ယူနီဗာဆယ်ဒီဇိုင်းမျိုးကို လူကြီးတွေနဲ့နီးနီးနားနားနေရသူတွေ စိတ်ဝင်စားမူပိုနေကြတယ်။ အထူးသဖြင့် မိဘတွေရဲ့ အိုမင်းလာတော့မယ့်လူကြီးဘဝအကူးအပြောင်းမှာ သူတို့တွေရဲ့ရှင်သန်နေထိုင်မှုကိုအကူအညီပေးနိုင်၊ ပြုစုစောင့်ရှောက်နိုင်တဲ့ အိမ်မျိုးလေးတွေ စောင့်ကြည့်တည်ဆောက်လာကြပါတယ်။ ဘယ်လောက်များစိတ်ဝင်စားလာကြသလဲဆိုရင် AARP (American Association of Retired Persons)ရဲ့ လေ့လာဆန်းစစ်ချက်တစ်ခုမှာ စီးပွားရေးသမား တစ်ဝက်ကျော်ခန့်ဟာ Aging in Place"လူကြီးတွေရဲ့နေရာ"ကို အရေးကြီးတဲ့ ကာလရှည်စောင့်ရှောက်ပြုစုမှု(LTC)အဖြစ် သတ်မှတ်စိတ်ဝင်စားလာကြတယ်လို့ ဖော်ပြထားပါတယ်။
၇၈ သန်းထက်များပြားတဲ့စီးပွားရေးသမားတွေက Aging in Place ဟာ အခု သိပ်ပြီးလှုပ်လှုပ်ရှားရှားဖြစ်လာတဲ့ လုပ်ငန်းတစ်ခုလို့ ဆိုကြတယ်။ Aging in Place အတွက်ကုန်ပစ္စည်းတွေ၊ အစီအစဉ်တွေ နဲ့ ကျွမ်းကျင်တဲ့ဒီဇိုင်းပညာတွေဟာ အိမ်မှာပဲနေထိုင်လိုတဲ့သူတွေအတွက် အထူးလိုအပ်ချက်တစ်ခုဖြစ်လာနေပါပြီတဲ့။ Google မှာပဲ Aging in Place ဆိုပြီးရှာဖွေကြည့်လိုက်ရင်တောင် အချက်အလက်စာမျက်နှာပေါင်း ၁၀၅ သန်းခန့်တွေ့ရမှာပါ။ တကယ်ပဲ အင်တိုက်အားတိုက်အခွင့်အလမ်းကောင်းတဲ့စီးပွားရေးလုပ်ငန်းတစ်ခုဖြစ်ပါတယ်။ Aging in Place ယူနီဗာဆယ်ဒီဇိုင်းဟာ အိမ်ထောင်စုတွေရဲ့အခေါ်အဝေါ်လိုဖြစ်လာပါပြီ။ အခြေခံအားဖြင့်တော့ ပုဂ္ဂလိကပိုင်၊ အများပြည်သူပိုင်နေရာတွေနှစ်ခုလုံးမှာ အသက်အရွယ်တိုင်းအတွက် သင့်တော်မယ့်နေရာထိုင်ခင်းပြင်ဆင်မွမ်းမံကြတာပါ။ ယူနီဗာဆယ်ဒီဇိုင်းဟာ အသက်အရွယ်ကြီးလာတဲ့မိဘတွေနဲ့ သူတို့ရဲ့ ကလေးသူငယ်၊ မြေးမြစ်လေးတွေကိုထိန်းကျောင်းကြမယ့် အဘိုးအဘွားတွေနဲ့ အယ်လ်ဇိုင်းမားနဲ့ တခြား နာတာရှည်ရောဂါရှိနေကြတဲ့ ကိုယ့်ရဲ့ချစ်ခင်ရတဲ့သူအားလုံးအတွက်အရေးကြီးတဲ့နေရာထိုင်ခင်း အခင်းအကျင်းတစ်ခုပါပဲ။
ဒီလိုဆိုရင် လူကြီးတွေနဲ့ရင်းနှီးကျွမ်းဝင်နိုင်တဲ့ ယူနီဗာဆယ်ဒီဇိုင်းနဲ့အိမ်ဆိုတာ ဘယ်လိုများလဲ။ AARP.org က အကြမ်းဖျဉ်းဖော်ပြချက်လေးတွေမှာတော့ အခုအချက်အလက်လေးတွေ သတိထားလိုက်နာရမယ်လို့ ဆိုထားပါတယ်။
အထစ်မပါတဲ့ အိမ်ဝင်ပေါက် - အိမ်ရှေ့အဝင်၊ အိမ်နောက်နဲ့ အိမ်ဘေးဘက် ဝင်ပေါက်တွေမှာ အထစ်မပါသင့်ပါဘူး။ အဲဒါမှ ဘီးတပ်ကုလားထိုင်အသုံးပြုရသူအပါအဝင် လူတိုင်းအိမ်ထဲကို လွယ်ကူစွာ ဘေးကင်းစွာဝင်ရောက်နိုင်မှာပါ။
ကျယ်ပြန့်တဲ့တံခါးပေါက်များ နဲ့ စင်္ကြန်လမ်းများ - တံခါးပေါက်တစ်ခုဟာ အနည်းဆုံး ၃၆ လက်မ အကျယ်ရှိရမှာပါ။ အိပ်ရာ ဒါမှမဟုတ် ဆိုဖာအသစ်တစ်ခုခုသယ်ဆောင်တဲ့အခါ အဆင်ပြေနိုင်တဲ့အကျယ်ရှိသင့်ပါတယ်။ အိမ်ကိုအမြဲလိုအလည်အပတ်ရောက်လာလေ့ရှိသူ ဘီးတပ်ကုလားထိုင်အသုံးပြုတဲ့မိတ်ဆွေ၊ မိသားစုဆွေမျိုးတစ်ဦးဦးအတွက်လည်းအဆင်ပြေနိုင်ပါလိမ့်မယ်။ စင်္ကြန်လမ်းမကတော့ ၄၂ လက်မအကျယ်ဟာ မိသားစုအတွက်ကောင်းမွန်ပါတယ်။
တစ်ထပ်အိမ်လေးတွေ - အသက် ၀ ကနေ ၁၀၀ အထိ နေထိုင်သူအားလုံးအတွက် လှေကားအတက်အဆင်းမလုပ်ရတဲ့ အခန်းတွေဟာ ပိုပြီးသက်တောင့်သက်သာရှိပြီး ဘေးကင်းစိတ်ချရစေတယ်။
မီးခလုတ်အဖွင့်အပိတ် ထိန်းချုပ်ခလုတ်တွေ လွယ်လွယ်ကူကူလက်လှမ်းနိုင်တဲ့နေရာမှာ - ဘီးတပ်ကုလားထိုင်နဲ့သူအတွက် မီးခလုတ်တွေကို လက်လှမ်းမီနိုင်တဲ့အမြင့် ကြမ်းပြင်အထက် ၄၂-၄၈ လက်မ အမြင့်လောက်မှာထားရှိသင့်ပါတယ်။ အပူချိန်ညှိကိရိယာ thermostat တွေကိုလည်း ကြမ်းပြင်အထက် ၄၈ လက်မထက်မမြင့်သင့်ပါဘူး။ လျှပ်စစ်မီးခလုတ်ခုံတွေကို ကြမ်းပြင်အထက် ၁၈-၂၄လက်မ ဝန်းကျင်လောက်မှာ ထားရှိသင့်တယ်။ အိမ်ကို ပြုပြင်မွမ်းမံတဲ့အခါ ဒီအကွာအဝေးတွေကို စိတ်ထဲမှာမှတ်ထားပေးပါ။
လက်ကိုင်တွေကို အလွယ်တကူသုံးနိုင်အောင် - လှည့်ဖွင့်ရတဲ့ လက်ကိုင်ဘုနဲ့ ဘုံပိုင်ခေါင်းတွေကို အသုံးပြုရလွယ်ကူတဲ့ မောင်းတံပါတဲ့လက်ကိုင်မျိုးကို အစားထိုးအသုံးပြုဖို့ ဆုံးဖြတ်လိုက်ပါ။
လူကြီးတွေရဲ့ နေရာအတွက် သင်တို့ရဲ့ အိမ်ကို ယူနီဗာဆယ်ဒီဇိုင်းလို ပြုပြင်မွမ်းမံဖို့အသင့်ဖြစ်နေပြီလား။ အသင့်ဖြစ်ပြီဆိုရင်တော့ National Association of Home Builders မှတဆင့် လက်မှတ်ရ Aging in Place ကျွမ်းကျင်ပညာရှင်တစ်ဦးနဲ့ဆက်သွယ်ဖို့ပဲလိုတော့တာပေါ့။ ။
Source : 5 Universal Design Needs for Aging in Place By Michelle Seitzer | Rearder's Digest
ဖြိုးဖြိုး
