အင်္ဂုလိမာလ နှင့် စိတ်နှလုံးကို ဖြူစင်စွာထားခြင်း

(၁) ပရိတ္တံ  ယံ  ဘဏန္တဿ၊

နိသိန်န ဋ္ဌာနဓော ၀နံ ။

ဥဒ ကန်ပိ ၀ိနာသေတ၊ိ

သန်ဗမေ၀ ပရိဿယံ ။

(၂)သောတ္ထိနာ ဂဗ္ဘ၀ုဋ္ဌာနံ ၊

ယဉ္စ သာဓေတိ တင်္ခဏေ။

ထေရဿ အင်္ဂုလိမာလဿ ။

လောကနာထေန ဘာသိတံ။

ကပ်ပ ဋ္ဌာယိံ မဟာတေဇံ ၊

ပရတ္တံ  တံဘဏာမဟေ ။

(၃)ယတော ဟံ ဘဂိနိ အရိယာသ ၊

ဇာတိယာ ဇာတော ၊

နာဘိဇာနာမိ သဉ္စစ္စ ပါဏံ ၊ (သင်စစ်စပါဏံ )

ဇီဝိတာ ဝေါရောပေတာ ၊

တေန သစ္စေန သောတ္ထိ တေ ဟောတု ၊(တေန သစ်စေန သော့ထိတေ ဟောတု)

သောတ္ထိ ဂဗ္ဘဿ ။        ။

အင်္ဂုလိမာလသုတ္တံ နိဋ္ဌိတံ။

အင်္ဂုလိမာလကို လူတွေက လူဆိုးကြီးလို့ ခေါ်ကြတယ်။ တကယ်တော့ သူဟာ ရိုးဖြောင့်တဲ့  မင်းညီမင်းသားတပါးပါပဲ။ ဒါပေမဲ့ ကောင်းသည် ဆိုးသည် မိမိဥာဏ်နဲ့ ချင့်ချိန် ဝေဖန်ခြင်းမရှိပဲ ဆရာ့စကားကို ဦးထိပ်ထား လိုက်နာခဲ့တဲ့အတွက် အမှားကြီးမှား ခဲ့ရတာမို့သနားစရာ အလွန်ကောင်းပါတယ်။ သူဟာ လူမှုရေး သိတတ်သူ၊ ကူညီချင်စိတ်ရှိသူအနေနဲ့  ဒီသာပါမောက္ခဆရာကြီးရဲ့ ကျောင်းတော် မဟာမှာ ကျောင်းသားတို့ အလယ်  နာမည်ရခဲ့သူလည်းဖြစ်ပါတယ်။ ဆရာကြီးနဲ့ဆရာကတော်တို့ရဲ့ ဝေယျာဝစ္စ ကို မငြီးမငြူ လုပ်ကိုင်ပေးလေ့ရှိတာမို့   ဆရာကတော်ရဲ့  အရေးပေးမှု ကို အများဆုံးခံယူရတဲ့သူဖြစ်လာတယ်။

ဒါ့ကြောင့် မလိုမူန်းထားသူ မျက်နှာမရသူ ကျောင်းသားအချို့ရဲ့ရံဖန်ရံခါ  ဂုံးတိုက်မှုတွေက ဒိသာပါမောက္ခဆရာကြီးရဲ့ ဦးနှောက်ကိုေ၀၀ါးစေခဲ့တယ်။ ပြောဖန်များတော့ တပည့်တွေ စကားအောင်မြင်သွားပါတယ်။ ဒီသာပါမေက္ခကြီးက  လက်ညိုးပေါင်း တထောင်ရမှ ပြန်လာခဲ့လို့ အမိန့်ချမှတ်ပြီး ကျောင်းတော်က ထွက်ခွာစေတယ်။   အမှန်တော့   ဆရာကြီးက သူ့ကို ဥပါယ်တမည်နဲ့  သေစေညွှန်းလိုက်တာပါ။

ဒါပေမဲ့ သူ မသေပါဘူး။ လူတွေ့ တိုင်း  တွေ့ ရာ သချို င်း  ဒါးမဆိုင်း အပြေးလိုက်လို့  လက်ညိုးတွေ ခုတ်ယူပါတယ်။ ရတဲ့ လက်ညိုးတွေကို ဟိုနားချ ဒီနားချ၊ ကျီး ချီ  ငှက်ချီ  ပျောက်ကုန်တဲ့အတွက် နောင်ခါ နွယ်ကြိုးနဲ့သီပြီး ပန်းကုန်းသဖွယ် လည်မှာ ဆွဲ ထားပါတယ်။ တထောင်ပြည့်ဖို့ တချောင်းအလိုမှာ  မိခင်နဲ့ တွေ့ပါတယ်။ မိခင်က သူ့အကြောင်းကြားလို့ တားမြစ်ဆုံးမဖို့ သူ့ ကို ရှာနေတာပါ။ ဒါပေမဲ့ မိခင်မှန်းမသိပါဘူး။ တထောင်ပြည့်ရင် ကျောင်းတော်ကို ပြန်ရတော့မယ် ဆိုတဲ့ အသိစိတ်က လွှမ်းမိုးထားတော့  မိခင်နောက် အပြေးလိုက်ပါတယ်။ ဓါးနဲ့လိုက်တာဆိုတော့ မိခင်လဲ မနေသာ ပြေးရပါတယ်။ မိခင်ကအပြေး သားက အလိုက် …။

ဘုရားရှင် ကိုယ်တော်မြတ်က ဖလသမ္မာပတ် ၀င်စားရာမှ အထ   ဒီကနေ့ ဘယ်သူ့ကို ချွေချွတ်ရမလဲ လို့ လောကကို အကြည့် သားအမိ နှယောက်ဖြစ်စဉ်ကို အာရုံမှာ မြင်လာတယ်။ ဒီတော့  ပါရမီရှင် အင်္ဂုလိမာလ အမှားကြီးမှားတော့မလို့ လက်မတင်ကလေး လိုတော့တာကလား လို့ ..ဘုရားရှင်က သူတို့နှစ်ယောက်အကြား ၀င်ရပ် ပီးကွယ်ထားလိုက်တယ်။ ဒီတော့ သူက ဘုရားကို ဘုရားမှန်းမသိသေးပါဘူး။ ရဟန်း ဒီအနားမှာ ပုဏ္ဏေးမကြီး တယောက်များ မမြင်ဖူးလား လို့ မေးတယ်။ ဘုရားရှင် က  အသင်  အင်္ဂုလိ မာလ   သင် ဘာကိုရှာနေသလဲ။ သင်ဘာကို  မြင်ချင်သလဲ။ သင့်ကိုယ်သင် အယင် ရှာပါ။သင့်ကိုယ် သင် မြင်အောင်  အယင်ကြည့်ပါတဲ့ မဟာ ကရုဏာရှင် ဘုရား ကိုယ်တော်မြတ် က ဆက်တိုက် ဟောကြားဆုံးမပါတယ်။ ပါရမီ ရင်ုကျက်ပီးဖြစ်တဲ့ အဂုင်္လိ မာလာဟာ တထိုင်တည်း အကျွတ်တရားရပီး ရဟန္တာ ဖြစ်သွားပါသတဲ့။

ဒါပေမဲ့ ဆွမ်းခံ ထွက်ကြွရာမှာ  လက်ညိုးကို ခုတ်ယူခဲ့ တဲ့ ပြစ်မှုကြောင့် ဘယ်သူကမှ ဆွမ်းမလောင်းကြပါဘူး။ မကြည်ညို ကြပါဘူး။ ခဲတွေနဲ့ ပစ်ပေါက်ကြတယ်။ ဒုတ်တွေနဲ့ ပစ်ပေါက် နှင်ထုတ်ကြတယ်။ ဒါ့ကြောင့် ဘုရားရှင် ကိုယ်တော်မြတ်က ပရိတ်တော် ဂါထာတပိုဒ် ချီးမြှင့်လိုက်ပါတယ်။ ဆွမ်းချက်ရသူ မိန်းမသားများထံမှ  မေတ္တာကို ပြန်လည်ရယူနိုင်ဖို့ သားဖွားဖို့ အခက်တွေ့နေသူ မိခင်လောင်းများ လွယ်ကူချောမွေ့ စွာ သားဖွားနီုင်ရန်အတွက်  ရွတ်ဖတ်သရစ္ဆါယ် ပေးပါ လို့  မှာကြားပါတယ်။ မိခင်လောင်း အနီး တင်းတိမ် စောင် အကွယ်မှာ ဒီပရိတ်တရားတော်ကို မိခင်နှင့်သား ချမ်းသာစေလိုရင်း စိတ်ရင်းစေတနာ  အပြည့်နဲ့ ရွတ်ဖတ်ပေးရာမှာ  ဒီပရိတ်တော်မြတ်ရဲ့အာနိသင် ကြောင့် မိခင်လောင်းများဟာ အလွယ်တကူ သားဖွားနိုင်ကြပါတယ်။ အဲဒီအချိန်ကျမှ  အင်္ဂုလိမာလဟာ ဆွမ်းစားရပါတယ်။

ဘုရားရှင် သက်တော်ထင်ရှား ရှိစဉ်က ရဟန်းတော်များဟာ  ကိုယ်တိုင်ဆွမ်းခံလို့ရတဲ့ဆွမ်းကိုသာ စားရပါတယ်။ ဆွမ်းစား ရာမှာလဲ ဆွမ်းအလှူရှင်ရဲ့ ကျေးဇူးတရားကို အောက်မေ့ ဆင်ချင်ပြီးမှစားရပါတယ်။   ဒီဆွမ်းဟာ သာသနာ့အကျိုး သည်ပိုးထမ်းဆောင်နိုင်ရန် အဟာရ အဖြစ်ပေးလှုခြင်းဖြစ်လို့ အကျိုးရှိရှိ အသုံးချရမှာဖြစ်တယ်လို့ ဘုရားရှင်က ပညတ်ထားပါတယ်။ စားပြီး အိပ်မနေရပါဘူး။ ဆွမ်းကို တနပ်သာစားခွင့်ပြုပီး နေ့လွှဲ ညစာ စားခွင့်မရှိတာဟာ  ထိနမိတ္တ ဆိုတဲ့ အိပ်ငိုက်ခြင်း ဖြစ်နိုင်တဲ့ အတွက် တားမြစ်ထားတာဖြစ်ပါတယ်။ ကိုယ်ခန္ဒာ လန်းဆန်းသစ်လွင်နေမှလဲ ဖြောင့်မတ်တည်ကြည်စွာ တရားအကျင့်ကို ကျင့်ကြံ အားထုတ်နိုင်မှာဖြစ်ပါတယ်။ မြတ်ဘုရားဟာ  ခန္ဒာ ဗေဒ ပညာရပ်ကို နားလည်တတ်ကျွမ်းတဲ့ ပညာရှင်တဦးလဲ  ဖြစ်တယ်။

ကိုယ်ဝန်ဆောင်စဉ်ကာလမှာ  မိမိစိတ်ကို ဖြူစင်အောင်ထားရမယ်လို့  ဘုရားရှင်က အဟောရှိပါတယ်။

(ဗုဒ္မ ဟာ လူမှုရေးကို သင်ကြားပေးသူဖြစ်ပါတယ်။ မင်္ဂလာတရားတော်မှာ အကျယ် ဖတ်ရှုနိုင်ပါတယ်။)

Accumulate wholesome deeds ,

Do not a jot of evil,

Keep purifying the mind ;

This is the teaching of the Buddha.

မကောင်းမှုမှန်သမျှ  ကို မပြုလုပ်ခြင်း။

ကောင်းမှုမှန်သမျှကို ပွားစည်းခြင်း။

ယင်းအချက်များသည်

ဗုဒ္မ၏ ဒေသနာတော်ဖြစ်သည်။

May I and may the world

Be without suffering ,

This is the art of living,

This is ture Dhamma.

ကျွန်ုပ်နှင့်  ကမ္ဘာလောကကြီးသည်

ဒုက္ခကင်းဝေးသူများ  ဖြစ်ကြပါစေ၊

ယင်းအချက်သည်  ဗုဒ္မ၏

ဘ၀နေနည်း အတတ်ပညာ ပေတည်း။     
(ပါရ၈ူ၏     The jewel of the  Dhamma မှ ကောက်နှုတ်ချက် )

မိခင်လောင်းဟာ ကောင်းမှုကုသိုလ်တွေကို အဖန်ဖန် ပွားစည်းခြင်း။ ကောင်းမှုမှန်သမျှ တတ်စွမ်းသရွေ့ပြုလုပ်ခြင်းဖြင့် သန္မေသားကိုပါ မိမိ၏ ဖြူစင်မှုများ ကူးစက်နိုင်ပါတယ်။ သားကောင်း သမီးကောင်းများ ထွန်းကား နိုင်ပါတယ်။  မီးဖွားရာမှာလဲ  ဘုရား တရား သံဃာမှတပါး အခြား ကိုးကွယ်ရာ မရှိ ဆိုတာ  စွဲ မြဲ စိတ်ထားရပါမယ်။        ။

Florist