ဂါဇာမှ နောက်ဆုတ်လှည့်ပြေးသွားခဲ့တဲ့ ဒီမိုကရက်တစ်ငြိမ်းချမ်းရေး

ဒီမိုကရက်တွေဟာ နောက်ဆုံးတော့ အစ္စရေးဆီကနေနောက်ဆုတ်လှည့်ပြေးရပြီတဲ့။ ဒီတစ်ကြိမ်ဟာ သူတို့စွမ်းဆောင်ခဲ့သမျှရဲ့ အပြင်းထန်ဆုံးအချိန်ပါ။ အစ္စရေး-ပါလက်စတိုင်းစေ့စပ်ဆွေးနွေးရေး ယူအက်စ် အထူးသံတမန် မာတင် အင်ဒိုက်ခ် ဟာ နှုတ်ထွက်ရပြီ၊ သူ့ရဲ့ think-tank အဖွဲ့အစည်းဆီ အိပ်တန်းပြန်ဖို့ အဖွဲ့ချုပ် Brookings Institutions အရှေ့အလယ်ပိုင်းစောင့်ကြည့်လေ့လာသူတွေကလည်း သဘောတူလက်ခံလိုက်ကြတယ်။ အာရပ်-အစ္စရေးငြိမ်းချမ်းမှာ တက်တက်ကြွကြွရှိနေခဲ့တဲ့ အမေရိကန်ပါဝင်ပတ်သက်မှုဟာ အဆုံးသတ်သွားရပါပြီ။  ယူနိုက်တက်စတိတ်အတွင်းရေးမှူး ဂျွန်ကယ်ရီရဲ့ အတိအလင်းထုတ်ပြန်တဲ့ကြေညာချက်တွေမှာ "ယူနိုက်တက်စတိတ်ဟာ ပါတီတွေက လေးလေးနက်နက် စေ့စပ်ဆွေးနွေးရေးလမ်းကြောင်းပြန်ရှာတွေ့ပြီဆိုရင် လုပ်ငန်းစဉ်ကို ပြန်စတင်ဖို့ ဆုံးဖြတ်ထားဆဲပါ" လို့ ပါရှိနေပေမဲ့ နောက်ဘာဖြစ်လာမလဲ ဘယ်သူမှ မမှန်းဆနိုင်ကြဘူး။ အဲဒီရည်ညွှန်းချက်မှာ ငြိမ်းချမ်းရေးလုပ်ငန်းစဉ်ကိုပဲ ဦးတည်တာမဟုတ်ဘဲ ယူနိုက်တက်စတိတ်နဲ့ အစ္စရေးကြားက ကာလရှည်အနှောင်အဖွဲ့ဆက်ဆံရေးကိုပါ ပြောချင်တာပါ။ 

အစ္စရေးနဲ့ ပါလက်စတိုင်းဆက်ဆံရေးဟာ တရားဝင်ကွာရှင်းဖို့ကြိုးစားနေတဲ့စုံတွဲလိုပဲ ခါးခါးသီးသီးဖြစ်နေကြတယ်။ ကိစ္စသေးသေးလေးတွေမှာကိုပဲ ငြင်းခုံကြလိမ့်မယ်။ သူတို့ရဲ့ရပ်တည်ချက်ကို မလျှော့တဲ့ဇွဲနဲ့ပဲ ဆုပ်ကိုင်ထားကြတယ်။ ယူအက်စ်-အစ္စရေးနှစ်ဦးနှစ်ဖက်ဆက်ဆံရေးကလည်း အဲဒီလိုအိမ်ထောင်ရေးကာလလိုပဲ သတ်မှတ်ရမလိုဖြစ်နေတာပါပဲ။ နှစ်နိုင်ငံလုံးဟာ ချင့်ချိန်စရာတွေကြောင့်အတူတူရှိနေကြသေးပေမဲ့ ချစ်မေတ္တာကုန်ခမ်းကုန်ကြတဲ့ လက်ထပ်စုံတွဲနဲ့ ပိုပြီး တူလာကြတယ်။ စဉ်းစားချင့်ချိန်စရာတွေဆိုတာက အင်နားရှားအရွေ့သဘောလို လေးကန်ဖင့်နွဲ့နေတာရယ်၊ သားသမီးတွေ (ဥပမာ အမေရိကန်ဂျူးတွေ နဲ့ ဧဝံဂေလိအသင်းတော်ဝင်ခရစ်ယာန်တွေ) ကြောင့်ပါ။

ယူနိုက်တက်စတိတ်နဲ့ အစ္စရေးဆက်ပြီးရှေ့တိုးနေကြတုန်းက အမျိုးသားလုံခြုံရေးအကြံပေး စူစန်ရိုက်ဆ် ပြောတဲ့စကားတွေမှာ "ကျွန်ုပ်တို့ရဲ့မျှဝေထားတဲ့သမိုင်း၊ ကျွန်ုပ်တို့ရဲ့ မျှဝေထားတဲ့ စံတန်ဖိုးတွေနဲ့ ဦးတည်သွားနေတယ်" လို့ပါတယ်။ လုံခြုံရေးနဲ့ အကြမ်းဖက်ဝါဒဆန့်ကျင်ရေးခြေလှမ်းတွေမှာ နီးနီးစပ်စပ်ပူးပေါင်းဆောင်ရွက်နေဆဲပါ။ မေးစရာမေးခွန်းနည်းနည်းရှိလာတာက ငြိမ်းချမ်းရေးလုပ်ငန်းစဉ်နဲ့ပတ်သက်ပြီး အီရန်နဲ့ အာရပ်နွေဦးကိစ္စတွေမှာ နှစ်နိုင်ငံသဘောတူရပ်တည်ချက်တွေ လျော့နည်းသထက်နည်းနည်းလာတာကိုပါ။ အဲဒီနှစ်နိုင်ငံမှာ သိသာထင်ရှားတဲ့နိုင်ငံရေးပြောင်းလဲမှု မရှိခဲ့ရင် ယူအက်စ်-အစ္စရေးအနာဂတ်ဆက်ဆံရေးဟာ ပူးပေါင်းဆောင်ရွက်မှုနည်းပါး၊ သဘောကွဲလွမှုပိုများ၊ တင်းမာမှုတွေခပ်များများဖြစ်နိုင်ဖွယ်ရှိနေပါတယ်။ နှစ်နိုင်ငံဟာ လူလူသူသူအမြင်မှာ သိမ်မွေ့ချိုသာတဲ့ဆက်ဆံရေးပုံစံဖမ်းနေစဉ်မှာပဲ ဘားရက်အိုဘားမား အစိုးရနဲ့ အစ္စရေးဝန်ကြီးချုပ် ဘန်ဂျမင် နက်တန်ယာဟုတို့ဟာ တစ်ဦးနဲ့ တစ်ဦး အကြိုက်မတွေ့တော့တာ သေချာနေပါပြီ။ စေ့စေပ်ဆွေးနွေးရေးနဲ့ဆိုင်ရာကြိုးပမ်းမှုတွေဟာ ၂၀၀၉ ခုနှစ်အစောပိုင်းမှာပဲ ကြမ်းတမ်းတဲ့လမ်းခရီးနဲ့ စတင်ခဲ့တာပါ။ West Bank အခြေချနေထိုင်မှုရပ်တန့်ပေးရေး ယူနက်တိတ်စတိတ်ရဲ့တောင်းဆိုချက်ကို ငြင်းဆန်ခဲ့ပါတယ်။ 

၂၀၁၂ အစ္စရေးရွေးကောက်ပွဲကာလမှာ ဘီဘီ(နက်တန်ယာဟု)ရဲ့ Likud(ပေါင်းစည်းရေး)လက်ယာပါတီ နဲ့ အဓိက အတိုက်အခံ Yisrael Beiteinu(အစ္စရေးကျွန်ုပ်တို့ရဲ့ အိမ်)အမျိုးသားရေးအတိုက်အခံပါတီ အပါအဝင် အာလုံးသဘောကွဲလွဲမှုတွေဖြစ်နေခဲ့တယ်။ အဲဒီလုံခြုံရေးစိန်ခေါ်မှုတွေ အစ္စရေးရင်ဆိုင်နေရချိန်မှာ နက်တန်ယာဟုဟာ အိုဘားမားရဲ့ ဘဲဥပုံသမ္မတရုံးအတွက် "သမိုင်းသင်ခန်းစာ" ပေးဖို့ ရှာဖွေနေခဲ့တာပါ။ ရွေးကောက်ပွဲအပြီးမှာတော့ နက်တန်ယာဟုဟာ Yesh Atid ပါတီ၊ the Jewish Home - ဘာသာရေးနှင့်ဆိုင်သော ဇီယွန်နစ်နိုင်ငံရေးပါတီ နဲ့ Hatnuah လစ်ဘရယ်နိုင်ငံရေးပါတီတို့နဲ့ မဟာမိတ်ဖွဲ့လိုက်တယ်။ ၂၀၁၃ Knesset အစ္စရေးပါလီမန်လွှတ်တော်ရွေးကောက်ပွဲတွေပြီးတဲ့အခါ ၃၃ ကြိမ်မြောက်အစ္စရေးအစိုးရအဖွဲ့ ဖွဲ့စည်းလိုက်ပြီး အစိုးရအဖွဲ့အမြင့်ဆုံးရာထူးကို နက်တန်ယာဟု ရယူခဲ့ပါတယ်။ နက်တန်ယာဟု ဝန်ကြီးချုပ်၊ ဝန်ကြီး၊ အမေရိကန်ဆိုင်ရာ အစ္စရေးသံအမတ်အပါအဝင် ရာထူးအာဏာအမျိုးမျိုးရယူခဲ့စဉ်သက်တမ်းအတွင်းမှာ အမေရိကန်နဲ့ သံတမန်ဆက်ဆံရေး အပျက်ပြားဆုံးပါပဲ။ အမေရိကန်သမ္မတရဲ့ ရီပတ်ပလီကန်ပြိုင်ဘက် မစ်ထ်ရွမ်းနေကိုတော့ လက်ခံတွေ့ဆုံပါတယ်။ (ရွမ်းနေ နဲ့ နက်တန်ယာဟုတို့ဟာ နှစ်ပေါင်း ၃၅ နှစ်ကျော်ခင်မင်ခဲ့ကြတဲ့ သူငယ်ချင်းဟောင်းတွေပါ။  အဲဒီနှစ်တွေတုန်းက နက်တန်ယာဟု ယူအက်စ်မှာနေထိုင်ခဲ့တယ်။ ဘော်စတွန်အကြံပေးကုမ္ပဏီတစ်ခုမှာ စီးပွားရေးအကြံပေးတွေအဖြစ် လုပ်ငန်းခွင်မှာတွေ့ဆုံခင်မင်ခဲ့ကြတာပါ။ ၁၉၇၀ နောက်ပိုင်းမှာတော့ နက်တန်ယာဟု အစ္စရေးကို ပြန်ခဲ့ပါတယ်။) အစ္စရေးကာကွယ်ရေးဝန်ကြီး မိုရှေးယာလွန်က ဂျွန်ကယ်ရီကို ပြောင်ပြောင်တင်းတင်း ချိုးဖဲ့ဝေဖန်လိုက်တဲ့အခါ ငယ်ငယ်က သူငယ်ချင်းတွေဟာလည်း ထိုးနှက်တိုက်ခိုက်ကြတော့တယ်။

Mitt Romney and Netanyarhu 

ပြီးခဲ့တဲ့ ဆောင်းဦးတုန်းက အီရန်နဲ့ ယူအန်လုံခြုံရေးကောင်စီ အမြဲတမ်းအဖွဲ့ဝင်နိုင်ငံတွေဖြစ်တဲ့ P5+1(Permanent 5 or Big 5) - (ယူအက်စ်၊ ဗြိတိန်၊ တရုတ်၊ ပြင်သစ်၊ ရုရှား နဲ့ ဂျာမနီ) တို့ဟာ ဂျနီဗာကြားဖြတ်နျူကလီးယားသဘောတူစာချုပ်မှာ လက်မှတ်ထိုးလိုက်ကြပြီးတဲ့နောက် ဆက်ဆံရေးတွေဟာ တကယ့်ကိုပဲ အောက်ခြေကကျောက်သားကျောက်စိုင်လိုမျိုး မာကြောခက်ထန်ကုန်ကြတယ်။ အဲဒါဟာ အဲဒီသဘောတူညီချက်ကို ဆန့်ကျင်ဖို့ အကြောင်းတစ်ရပ်ပါ။ နောက်ထပ်အားတက်သရောဖျက်လိုဖျက်ဆီးလုပ်လိုတဲ့ အချက်တစ်ချက်ရှိနေပါသေးတယ်။ အစ္စရေးတွေဟာ ဂျနီဗာက ယူအက်စ်ရဲ့ကြိုးပမ်းမှုတွေကို ဝေဖန်အပြစ်ရှာပြီး ဖျက်ဆီးစေလိုတာတင်မဟုတ်သေးဘဲ  သဘောတူညီချက်အရဆိုရင် အီရန်ကို စီးပွားရေးပိတ်ဆို့တာတွေ လျှော့ချပေးသွားမယ့်အချက်လည်းပါဝင်နေတော့ အမေရိကန်-အစ္စရေးပြည်သူ့ရေးရာကော်မတီကတဆင့် အီရန်နျူကလီးယားကင်းစင်ရေးဥပဒေအတည်ပြုချက် ပျက်ပြယ်လျော့ပါးစေနိုင်မယ့်အချက်တွေ ကွန်ဂရက်မှာ ရှာကြံပါတယ်။ အဲဒီလိုငြိုးမာန်ဖွဲ့တာဟာ ပိုဆိုးလာဖို့ပါပဲ။ အထူးသဖြင့် ဒီနှစ်နွေရာသီမှာပြုလုပ်မယ့် အပြီးသတ်သဘောတူညီချက်ကိုဦးတည်တဲ့ ဝါရှင်တန် နဲ့ အီရန်မြို့တော် ထဲရန်တို့ရဲ့ စေ့စပ်ဆွေးနွေးရေး ရှေ့ဆက်ဖို့အခက်တွေ့စေချင်တယ်။ အီရတ်မှာ ISIS(Islamic State of Iraq and Syria) အုပ်စုပေါ်ထွက်လာတဲ့အပေါ် အာရုံစိုက်မယ့် ဝါရှင်တန်နဲ့ ထဲရန်တို့ရဲ့ ပူးပေါင်းဆောင်ရွက်မှုအသစ်တွေကိုလည်း အဟန့်အတားဖြစ်စေချင်ခဲ့တယ်။ 

ပိုကြီးမားတဲ့မဟာဗျူဟာကျကျအကြောင်းအရာလည်းရှိနေပါသေးတယ်။ အဲဒါဟာ အီရန်ရဲ့ နျူကလီးယားပရိုဂရမ် ဖြေရှင်းရေးဟာ ယူအက်စ်အတွက် အရှေ့အလယ်ပိုင်းလုံခြုံရေးစိန်ခေါ်မှုတွေထဲက ဖိအားအကြီးမားဆုံးတစ်ခုဖြစ်နေတာပါ။ အမေရိကဟာ အဲဒီဒေသတွေကနေဆုတ်ခွာရေး ခပ်မြန်မြန်လှုပ်ရှားနိုင်ခြေရှိပါတယ်။ ပြီးတော့ အာရှဆီကို ဦးတည်နိုင်တယ်။ အမျိုးသားလုံခြုံရေးသတင်းထောက် အာမို့စ်ဟာရဲလ် အစ္စရေးသတင်းစာ Haaretz မှာ ရေးသားထားတဲ့အတိုင်းဆိုရင်တော့ အဲဒီလုပ်ငန်းစဉ်က စတောင်စတင်နေပြီတဲ့။ "အစ္စရေးလုံခြံရေးလူစုထဲမှာ လူသိရှင်ကြားဖြစ်ဖြစ်၊ သိုသိုဝှက်ဝှက်ပဲဖြစ်ဖြစ် လူတိုင်းဆီက ကြားနိုင်တာက အမေရိကန်တွေဟာ ဒီဒေသမှာ ဘာတွေဖြစ်နေပြီလည်းဆိုတာ အာရုံစိုက်မှုလျော့နည်းလာတယ်ဆိုတာကိုပါ"လို့ ရေးထားတယ်။ အစ္စရေးအပေါ်ယူအက်စ်ထောက်ခံမှု သေသေချာချာအားနည်းလာတာဟာ ရလာဒ်အဖြစ် မြင်နေရတယ်။ သမ္မတအိုဘားမားဟာ ဆီးရီးယားဓာတုလက်နက် ဆန့်ကျင်ဖျက်သိမ်းရေး-သူ့ရဲ့ red line အတင်းအကျပ်မပြုလုပ်ဖို့ ဆုံးဖြတ်ချက်ချထားလိုက်သေးတယ်။ သူတို့ရဲ့ ကိုယ်ရေးကိုယ်တာအကြောင်းကိစ္စပေါ်မူတည်ပြီး မဟာဗျူဟာချ၊ ဦးစားပေးကိစ္စသတ်မှတ်ကြတာကြောင့် ဆက်ဆံရေးတင်းမာမှုတွေပိုများလာကြတာပါ။ 

ယူအက်စ်သံတမန်တွေယုံကြည်သွားတာက နောက်ဆုံးမှာတော့ အစ္စရေး-ပါလက်စတိုင်းရှိရင်းစွဲ အခြေအနေအတိုင်းကိုပဲ ထိန်းမထားနိုင်တော့ဘူး တဲ့။ အစ္စရေးကို ထောက်ခံမှုဟာ ပိုပြီးတော့ အထီးကျန်ဖြစ်စေတယ်။ တရားမဝင်ဖြစ်စေတယ်။ ဝါရှင်တန်ဟာ အစ္စရေးရဲ့အပြူအမူတွေကို ဒီထက်ပိုပြီး အကာအကွယ်ပေးနိုင်ဖို့ ခက်ခဲတဲ့အနေအထားရောက်နေသလို ဂျူးအခြေချနေထိုင်မှုတွေကို ထိန်းထိန်းသိမ်းသိမ်း ဖြေရှင်းပေးနေတာဟာ ယူနိုက်တက်စတိတ်အတွက် ကိုယ့်အတတ်ကိုယ်ပြန်စူးဖို့ နောက်မကျရုံအချိန် ရောက်နေပါပြီ။ အိုဘားမားကလည်းအရိပ်အမြွက်ပြောခဲ့ပြီးပါပြီ။ ယူနိုက်တက်စတိတ်ဟာ အရင်တုန်းကလို အစ္စရေးအတွက် သံတမန်တရားရေအေး သယ်ပိုးပေးဖို့ ကြာရှည်မဖြစ်နိုင်တော့ပါဘူး တဲ့။ လက်ရှိအစ္စရေးအစိုးရကတော့ အရေးတကြီး သဘောမထားပါဘူး။ အဲဒီခြားနားချက်ဟာ စေ့စပ်ဆွေးနွေးမှုပျက်ပြားစေတဲ့ ယူအက်စ်ရဲ့ တုံ့ပြန်မှုအဖြစ် မြင်သာခဲ့ပါတယ်။ လူများများသတိထားမိခဲ့ကြတာက အစ္စရေးရဲ့လုပ်ရပ်ကို ကယ်ရီက "လူမျိုးရေးခွဲခြားမှု" ဆိုတဲ့ စကားလုံးအသုံးပြုပြီး ရည်ညွှန်းပြောဆိုခဲ့တာကိုပါ။ တရားဝင်ပြောကြားခဲ့တာမဟုတ်တဲ့မှတ်ချက်တွေ ပေါက်ကြားခဲ့ပြီးနောက် ကယ်ရီကတော့ အဲဒီမှတ်ချက်တွေကို ငြင်းဆန်ခဲ့ပါတယ်။ တခြားအံဝင်ဂွင်ကျစကားလုံးပြောခဲ့သေးတာက အစ္စရေးဟာ ဒီမိုကရေစီကိုဆန့်ကျင်တဲ့ခပ်မှောင်မှောင်အနာဂတ်ဆီ ဦတည်နေပါပြီ ဆိုတဲ့ အယူအဆစကားလုံးမျိုးပါ။ ဆောင်းပါးရှင် နာဟူးမ်ဘေရ်နီရာ ထုတ်ဝေတဲ့ အစ္စရေး၊ တဲလ်အဗိ နေ့စဉ်သတင်းစာ Tedioth Ahronoth မှာ နိုင်ငံထိပ်တန်းအရာရှိတွေဖြေကြားတဲ့ (နာမည်အတိအကျဖော်ပြမထား) တုန်လှုပ်အံ့သြစရာအမေးအဖြေမှာ စေ့စပ်ဆွေးနွေးရေး မအောင်မြင်မှုအပေါ်အများအားဖြင့် အစ္စရေးကိုအပြစ်ဖို့ထားပါတယ်။ " အခြေချနေထိုင်မှုတွေကနေ အရင်းခံလာတဲ့ အဖျက်လုပ်ငန်း- အဲဒီခါးသက်တဲ့အမှန်တရားကို အစ္စရေးကလူတွေ မသိကျိုးကျွံပြုမနေသင့်ဘူး"လို့ဖြေထားတယ်။ ဖြေကြားတဲ့အရာရှိတွေထဲမှာ တစ်ဦးကတော့ အင်ဒိုက်ခ်ဖြစ်နိုင်တယ် လို့ ယူဆနေကြတယ်။ မေလအစောပိုင်းက Near East Policy အတွက် Washington Institute မှာပြုလုပ်တဲ့ အင်ဒိုက်ခ်ရဲ့ နောက်ဆက်တွဲမိန့်ခွန်းမှာ အပြစ်တင်စကားဆိုတာကိုတောင် နှစ်ဘက်လုံးမျှမျှတတဖြစ်စေဖို့ ကြိုးစားသွားခဲ့တယ်။ ဒါပေမဲ့ စေ့စပ်ဆွေးနွေးနေတဲ့အတောအတွင်း အခြေချနေထိုင်မှုအသစ်အတွက် ဆောက်လုပ်ရေးတွေဆက်ပြီးလုပ်နေတာကိုတော့ အစ္စရေးရဲ့ အရေးကြီးတဲ့တာဝန်ရှိမှုလို့ ပြောသွားပါတယ်။ Center for American Progress မှ မူဝါဒဆန်းစစ်လေ့လာသူ မက်ထ်ဒါ့စ်ပြောသလို "ဒါဟာ ပါးနပ်တဲ့အရွေ့အပြောင်းဆက်ဆံရေးလက္ခဏာမျိုး။ အစ္စရေးက ယူအက်စ်ရဲ့ ပန်းတိုင်တွေကို လျော့ပါးယိုင်နဲ့စေတဲ့ နည်းလမ်းတွေလုပ်ဆောင်လာတဲ့အခါ ယူအက်စ်အရာရှိတွေဟာ ပိုပြီးဘွင်းဘွင်းရှင်းရှင်းပြောလိုကြတယ်"  လို့ဆိုတယ်။

စကားလုံးတွေထက်ပိုတဲ့လုပ်ဆောင်မှုအဖြစ် ပြီးခဲ့တဲ့ ဂျွန်လမှာ ယူအက်စ်အစိုးရဟာ အငြင်းပွားစရာ ဟားမာ့စ်အဖွဲ့သားတွေပါဝင်နေတဲ့ ပါလက်စတိုင်းစည်းလုံးညီညွတ်ရေးအစိုးရသစ်ကို အသိအမှတ်ပြုလိုက်ပါတယ်။ အဲဒီယူအက်စ်မူဝါဒပြောင်းလဲမှုဟာ အစ္စရေးအတွက် မျှော်လင့်မထားတဲ့အနေအထားပါ။ ပိုပြီးထူးနေတာက ယူနိုက်တက်စတိတ်မှ အစ္စရေးအားပေးထောက်ခံသူတွေတောင် လှုပ်လှုပ်ရှားရှားမဖြစ်ခဲ့ကြပါဘူး။ တချိန်တုန်းက ဒီလိုမူဝါဒမျိုး တွေးထင်မထားကြပေမယ့် အခုတော့ စံသတ်မှတ်ချက်တစ်ခုလို အေးအေးသက်သာ လက်ခံလာကြတယ်။ မြင်နေရတာက ယူအက်စ်-အစ္စရေး ဆက်ဆံရေးဟာ အံ့သြဖွယ်ရာအချိုးအကွေ့တစ်ခုထက် ဖြည်းဖြည်းချင်းငြင်းဆန်လာကြပုံပါ။ အစ္စရေးကတော့ ပါလက်စတိုင်းသံတမန်မူဝါဒ တွန်းအားပေးမှု၊ အီးယူကတားမြစ်ပိတ်ဆို့မှု နိုင်ငံတကာဖိအားတွေကြားမှာ အထီးကျန်သလိုဖြစ်နေပါလိမ့်မယ်။ ဝါရှင်တန်ဟာ အဲဒီဖိအားတွေကို တွန်းဖယ်ပေးဖို့ အားလျော့နေတယ် လို့ ငြိမ်းချမ်းရေးယူအက်စ်လော်ဘီအုပ်စု J Street ရဲ့ ဆက်သွယ်ရေး ဒုတိယဥက္ကဌ အလန်အဲလ်စ်နာ က မှတ်ချက်ချတယ်။ ဒါပေမဲ့ အဲဒီခံယူချက်နဲ့သွားမယ့်ကာလဟာ လများစွာကျော်လွန်လို့ နှစ်တွေအထိ အချိန်ယူပါလိမ့်မယ်။ ယူအက်စ်ရဲ့ နောက်ဆုတ်လှည့်ပြန်မူဝါဒဟာ အချိန်များများယူကောင်းယူနိုင်တယ် လို့ အဲလ်စ်နာ က ပြောပါတယ်။ ၂၀၁၇ မှာ ဘယ်အစိုးရအဖွဲ့က အာဏာရမလဲ၊ ဘယ်လိုမူဝါဒချမှတ်မလဲ ဆိုတဲ့အခြေအနေပေါ်မှာ မူတည်နေမှာပါ လို့ဆိုတယ်။

အစ္စရေးကိုထောက်ခံအားပေးတာဟာ တချိန်တုန်းကတော့ ဒီမိုကရက်ရော၊ ရီပတ်ပလီကန်ပါ သဘောထားချင်းကိုက်ညီကြတဲ့ကိစ္စနည်းနည်းတွေထဲက တစ်ခုပါ။ လက်ရှိနှစ်တွေမှာတော့ ရီပတ်ပလီကန်တွေက အစ္စရေးကို တိုးတိုးတိတ်တိတ်အားပေးဖို့ကြိုးစားတယ်။ ပြီးခဲ့တဲ့ဆောင်းဦးမှာ အီရန်တားမြစ်ပိတ်ဆို့မှု မအောင်မြင်ခဲ့တာက အမှတ်အသားဖြစ်ခဲ့တော့ ကွန်ဂရက်မှာ ငြင်းခုံမှုတွေရှိလာတယ်။ ရီပတ်ပလီကန်တွေဟာ အိုဘားမားရဲ့ အဓိကနိုင်ငံခြားရေးမှုဝါဒတွေထဲက ဒီကိစ္စကို စိန်ခေါ်နိုင်မယ့်အချက်အဖြစ်ရှာလာကြတယ်။ ဒီမိုကရက်တွေကတော့ သူတို့ရဲ့ သမ္မတဘက်မှာရပ်တည်ဖို့ကိုပဲ ရွေးချယ်ပါတယ်။ ဒီမိုကရက်တစ်ဘက် တညီတညာထဲဆက်ယိမ်းနေကြတဲ့ အမေရိကန်ဂျူးတွေဆီက မဲကိုဆွဲဆောင်ယူမယ့် နိုင်ငံရေးအရွေ့အပြောင်းသဘောမျိုးထက် ရီပတ်ပလီကန်တွေ ဂျုးနိုင်ငံတစ်ခုကို နောက်မဆုတ်တမ်း ထောက်ခံတာဟာ အစ္စရေးက အမေရိကန် ဧဝံဂေလိအသင်းတော်ဝင်ခရစ်ယာန်တွေကြောင့်ပါ။ ဒါပေမဲ့ အမေရိကန်ဂျူးတွေကြားထဲမှာတော့ အက်ကြောင်းတွေမြင်လာရပါပြီ။ ပါလက်စတိုင်းနဲ့ပတ်သက်တဲ့  အစ္စရေးမူဝါဒတွေကို ထောက်ခံတာ အင်မတန်နည်းပါးလာပါပြီ။ အမေရိကန်ဂျူး(တစ်ဝက်ထက်ပိုနည်းတဲ့ပမာဏ)လောက်ကပဲ အစ္စရေးဟာ ငြိမ်းချမ်းရေးဖော်ဆောင်ဖို့အမှန်တကယ်ဆန္ဒရှိနေတယ်လို့မြင်ကြတာပါ။ လူငယ်ပိုင်း၊ ဘာသာရေးအယူဝါဒလွှမ်းမိုးမှုမရှိတဲ့ဂျူးတွေဟာ သက်ကြီးပိုင်းဂျူးနဲ့ ဘာသာရေးပြင်းထန်တဲ့ဂျူးတွေစွဲကိုင်ထားတဲ့အယူအဆ(သူတို့ရဲ့ဂျူးဝှစ်ရ်ှဂုဏ်လက္ခဏာကို အဓိကကျတဲ့အချက်)အဖြစ် သတ်မှတ်မှုလျော့ပါးလာကြတယ်။ အဲဒါဟာဂျူးအုပ်စုထဲမှာ မျိုးဆက်ကွာဟမှု ကြီးထွား/ ပျံ့နှံ့မှု အရ ရောင်ပြန်ဟပ်နေတယ်။

အစ္စရေးကိုအားပေးထောက်ခံတဲ့ ကိုယ်စားလှယ်လောင်းတစ်ဦးအတွက် လွန်ခဲ့တဲ့နှစ် ၂၀ ကလို ဒီမိုကရက်တစ်မဲဆန္ဒရှင်တွေဆီက မဲတွေသိမ်းကျုံးရနိုင်ဖို့ မသေချာတော့ပါဘူး။ အစ္စရေးဟာ အမျိုးသားရေး/ ဘာသာရေးအယူဝါဒ ပိုပြီးပြင်းထန်လာမယ်။ တိုက်ခိုက်လိုစိတ် ပိုများလာမယ်။ အဲဒီလို သဘောထားမျိုးနဲ့ရှေ့ဆက်နေမယ်ဆိုရင် လစ်ဘရယ် အမေရိကန်ဂျူးအုပ်စုဟာ အထောက်အပံ့ပေးနေမှာမဟုတ်တော့ဘူး။ ဒီမိုကရက်တွေအတွက် အစ္စရေးကိုနိုင်ငံရေးအရ မဟာမိတ်ပြုနေဖို့ အရေးတကြီးမလိုအပ်တော့ပါဘူး။ အိုဘားမားအစိုးရ နဲ့ ဒီမိုကရက်တစ်အုပ်စုဟာ အာရှဘက်ကို ဦးတည်ဖို့ အမှန်တကယ်ရည်ရွယ်ထားပါတယ်။ အရှေ့အလယ်ပိုင်းက ယူအက်စ်ခြေရာတွေကိုလည်း လျော့နည်းပါးလျားအောင် ကြိုးစားမှာပါ။ အစ္စရေး-ပါလက်စတိုင်းပဋိပက္ခထဲမှာ ကြာရှည်အထစ်ထစ်အငေါ့ငေါ့ ပါဝင်မနေချင်တော့ဘူး။ အစ္စရေးခေါင်းဆောင်တွေကတော့ ရီပတ်ပလီကန်ပါတီနဲ့အတူ တစ်စိတ်တစ်ဝမ်းတည်း ရှိနေလိမ့်မယ်။ အစ္စရေးဟာ ခေါင်းမာမာနဲ့ပဲ ရှေ့ဆက်တိုးနေမယ်ဆိုရင်တော့ ယူအက်စ်-အစ္စရေးဆက်ဆံရေးဟာ မပြောင်းလဲနိုင်ပါဘူး။ ဒီကွဲပြားခြားနားချက်ဖြစ်စဉ်ဟာ အချိန်တော့ယူပါလိမ့်မယ်။ ဒါပေမဲ့ ပိုပြီးသိသာထင်ရှားလာတာက ယူနိုက်တက်စတိတ်နဲ့ အစ္စရေးဟာ ကွဲပြားတဲ့လမ်းကြောင်းနှစ်ခုပေါ်မှာရှိနေကြပြီ။ ကယ်ရီရဲ့ ငြိမ်းချမ်းရေးလုပ်ငန်းစဉ်ရပ်တန့်လိုက်တာမှန်မယ်ဆိုရင် အစ္စရေးနိုင်ငံဟာ လူမျိုးရေးခွဲခြားတဲ့နိုင်ငံတစ်ခုဖြစ်လာမယ်။ ကယ်ရီ မမှန်ဘူးဆိုရင်ရောဆိုတဲ့ မေးခွန်းအတွက် "ယူအက်စ်-အစ္စရေး ဆက်ဆံရေးဘယ်တော့ပြန်စနိုင်မလဲ" ဆိုတဲ့ မေးခွန်းကိုပဲ ပြန်မေးရတော့မှာပါ။ ။

John Kerry and Netanyarhu

ဖြိုးဖြိုး

Source :  The Democrats Are Finally Turning Away from Israel And it's high time they did by MICHAEL A. COHEN | the Foreign Policy
ပဲ့တင်သံဂျာနယ်၊ (ဇူလိုင် ၂၄)

အီရန်နဲ့ နျူကလီးယားအကြောင်းဖတ်ချင်ရင် (အစ္စရေးသဘောထားနည်းနည်းပါးပါးပါဝင်)