အဲဒီအခန်းထဲမှာ မိန်းမတစ်ယောက်ရှိတယ်

စုမီအောင်

နိုဝင်ဘာ ၁၃ (လူတကာက ကံမကောင်းတဲ့နံပါတ်လို့ စွဲထင်မှတ်တဲ့နေ့)မှာ အဲဒီအခန်းထဲကို မိန်းမတစ်ယောက် ရောက်လာခဲ့တယ်။ မျှော်လင့်ခြင်းတွေ တနင့်တပိုး သယ်ဆောင်ရင်းနဲ့ပေါ့။ တစ်နေ့မှာတော့ အဲဒီ အခန်းဟာ သူမအတွက် ဘာမျှော်လင့်ခြင်းမှ လင်းပွင့်မလာတော့မှန်း အချောက်ချောက်အချားချား သိလိုက်ရတယ်။ 

အဲဒီမိန်းမ ကြေကွဲသွားတယ်။ 

ကံတရားက အထူးပြုလုပ်ချက်တွေနဲ့ ဒဏ်ခတ်လိုက်သလိုပဲ။

×××××

အဲဒီမိန်းမမှာ အံ့သြဖွယ်လှိုက်လှဲတဲ့ရယ်မောသံတစ်ခုရှိတယ်။ ရင်မောဖွယ်ပူဆွေးတဲ့ ငိုကြွေးသံတစ်ခုလည်း ရှိ တယ်။ အဲဒီမိန်းမဟာ ဆန့်ကျင်ဘက်သဘောတရားတွေအောက်မှာ လူးလှိမ့်ရှင်သန်နေတဲ့ လူမိန်းမတစ်ယောက်ဖြစ်တယ်။ သူမရယ်မောလိုက်ပြီဆို အခြားဘယ်မိန်းမမှ လိုက်မမီနိုင်၊ သူမ ငိုကြွေးလိုက်ပြီဆို အခြား ဘယ်သူမှလာပြီး ချော့မြှူ မရနိုင်။

အဲဒီမိန်းမမှာ အံ့သြဖွယ် လက်တစ်စုံလည်းရှိရဲ့။ အဲဒီလက်တွေက အရာရာကို အနုပညာ အရာမှာ ဟန်ကျပန်ကျ ဖြစ်အောင် ထုဆစ်ဖန်တီးနိုင်တယ်။ ကျောက်သားထုကို ထုဆစ်နိုင်သလို၊ ဖော့ဖယောင်းကို ပုံသွင်းနိုင်တယ်။ သဲမွမွကို ပုံဖော် နိုင်သလို၊ စေးပျစ်ပျစ်ရွှံ့သားကို ကိုင်တွယ်နိုင်တယ်။ ရေလို အရောင်အနံ့အရသာ ထုထည် ဘာမှမရှိတဲ့အရာကိုတောင် အဲဒီမိန်းမရဲ့လက်ချောင်းတွေက ချိုမြစွဲမက်ဖွယ် ထုထည်တစ်ခုအဖြစ် တီထွင်ဖန်တီးမှု ပြုနိုင်တယ်။ နေရာတိုင်းကို အလျင်အဟုန်နဲ့ ပျံ့နှံ့ရွေ့လျားနေတဲ့ လေလိုအရာကိုတောင် ဘယ်ကိုမှ ပျံ့ထွက်မသွားစေဘဲ တစ်နေရာတည်း အုံဖွဲ့ဖြစ်တည်နေအောင် အဲဒီလက်တစ်စုံက ထိန်းချုပ် စုစည်းထားနိုင်စွမ်းရှိတယ်။

သူမလက်က ထုဆစ်လိုက်သမျှ အရာခပ်သိမ်းဟာ အမှန်တရားကို အခြေခံတဲ့အရာတွေသာ ဖြစ်တယ်။ဒါကို လူတချို့က လက်မခံကြဘူး။ အဲဒီမိန်းမမှာ တခြားမိန်းမတွေလို အဖိုးတန်လည်ဆွဲရတနာတွေမရှိဘူး၊ နေ့စဉ်ဖတ်ရှုနေကျ သမ္မာကျမ်းစာထဲက The Truth Shall Make You Free ဆိုတဲ့ကျမ်းပိုဒ်ကို သူမရဲ့လည်မှာ လည်ဆွဲရတနာလို ဆင်မြန်းထားခဲ့တယ်။ ဒါပေမဲ့ သူမ ဧကန်အမှန် လွတ်မြောက်မှု ရှိမရှိကိုတော့ ပိုင်းဆစိတ်မြွှာဖို့ မေ့လျော့ခဲ့သူပါ။ အဲဒီအခန်းထဲ ရောက်တဲ့နေ့က စပြီး ချစ်ခြင်းမေတ္တာဟာ အနီရောင်ကတ္တီပါတစ်စလို အဲဒီမိန်းမအပေါ် နိုင့်ထက်စီးနင်းခြုံလွှမ်းထားခဲ့တယ်။ ရဲရင့်ခြင်းအနီ၊ နွေးထွေးတဲ့ကတ္တီပါ၊ သိမ်မွေ့တဲ့ အမည်နာမလေးနဲ့ ဆိုတော့လည်း အဲဒီမိန်းမက ချစ်ခြင်းမေတ္တာအပေါ် သံသယတစ်စွန်း တစ်စမျှ မ၀င်ခဲ့မိဘူးပေါ့။

တကယ်တော့ ချစ်ခြင်းဟာ ရုပ်ဖျက်ထားတဲ့အုပ်စိုးမှုတစ်ခုဖြစ်တယ်၊ အဲဒီမိန်းမရဲ့ အရာခပ်သိမ်းမှန်သမျှကို လွတ်လပ်စွာ ဖြန့်ကျက် ဆန့်ထွက်မသွားနိုင်အောင် ချည်နှောင် တုပ်ဆိုင်းထားခဲ့တယ်။ ဘုရားသခင်ရဲ့ ကျမ်းစာလာ မိန့်မြွက် စကား “အချင်းမိန်းမတို့ မိမိခင်ပွန်း၏အုပ်စိုးခြင်းကို ၀န်ခံကြကုန်လော့”ဆိုတဲ့အတိုင်းပဲ။ ။ ဘုရားသခင်ကို ယုံကြည်သက်ဝင်တဲ့ အဲဒီမိန်းမဟာ ခင်ပွန်းသည်ရဲ့အုပ်စိုးခြင်းခြင်းမှာ စောဒကမတက်ဘဲ နာခံလိုက်လျှောက်ခဲ့တယ်။ နာမည်ကောင်းလေးနဲ့အတူ ကိုယ်ဟန်ကြော့ကြော့လေးတော့ ပိုင်ဆိုင်ခဲ့တာပေါ့။ ဘယ်နေရာ ဘယ်ဆီသွားသွား၊ ကြော့ကြော့မော့မော့လေး လှမ်းလျှောက် နေတဲ့ အဲဒီမိန်းမရဲ့ကိုယ်နေဟန်ထားတစ်ခုကိုပဲ အခြားမိန်းမတကာတို့က လှိုက်ဖိုအားကျနေလေရဲ့။ အဲဒီမိန်းမ လျှောက်လှမ်းခဲ့တဲ့ လမ်းကလေးက အခြားမိန်းမတွေ မနာလိုစိတ်ထန်ပြင်းရလောက်အောင် ချောမွတ်ဖြောင့်ဖြူးလွန်း လှတယ်။ တကယ်တော့ အဲဒီမိန်းမရဲ့ခြေဖ၀ါးတစ်စုံ အက်ကွဲကြမ်းရှလို့ သွေးချင်းချင်းနီနေခဲ့တာ ဘယ်သူမှ မမြင်မိကြဘူး။

ဒါ ဘယ်လိုကြောင့်ပါလိမ့်လို့ အဲဒီမိန်းမ အမြဲတွေးပါတယ်။ အကောင်းဆုံးကို ကြိုးစားထုဆစ်ခဲ့တဲ့ကြားက ထုထည် တစ်ခုမှ အရာမထင်ဘဲ လက်တစ်စုံထဲကနေ လျှောလျှောထွက်ကျနေတဲ့အဖြစ်။ ကြာလာတော့ သွေးပျက်လာတယ်။ အရာရာကို အကောင်အထည်တစ်ခုပေါ်ထွက်နိုးနိုး မှန်းဆမျှော်ရည်ထုဆစ်နေတဲ့ လက်တွေဆီက တစ်နေ့ထက်တစ်နေ့ နာကျင်တဲ့ဝေဒနာကိုသာ ခံစားလာရတဲ့အခါ အဲဒီအခန်းကို သံသယ၀င်ခဲ့ရပြီ။ အလင်းလက်ဆုံးနေရောင်ခြည်အောက်မှာ လက်အစုံကို ပင့်မြှောက်ဆန်းစစ်ကြည့်လိုက်မိတယ်။

“အို…ဘုရားသခင်… ပင့်ကူမျှင်တမျှ ပါးလျလွန်းတဲ့ကြိုးမျှင်မွမွတွေ… အလိုလေးလေး …ကျွန်မရဲ့လက်ချောင်းတွေမှာ အုံကျင်းဖွဲ့လို့၊ များပြားလွန်းလှချည့်”

ကြည့်နေရင်းမှာပဲ မှော်ဘုရင်တစ်ပါးက ပြုစားလိုက်သလို ကြိုးမျှင်တွေက တစ်စတစ်စ တုပ်ခိုင်ကြီးရင့်လာခဲ့တယ်။

“အို အရှင်.. ကယ်မတော်မူပါ ၊ ကျွန်မလက်တွေ လှုပ်မရတော့ပြီကော”

လူယောက်ျားတစ်ယောက်ရဲ့ကျိန်စာတိုက်သံက အဲဒီအခန်းရဲ့အတွင်းဘက်ဆုံး နေရာတစ်ခုကနေ ထွက်ပေါ် လာခဲ့တယ်။

            “အဲဒါ ဘုရားသခင် မင်းကို ဒဏ်ခတ်လိုက်တာ၊ ဘုရားနဲ့ ရှင်း”

မိုးကြိုးအစင်းစင်း ပစ်ခွင်းလိုက်သလို ခြိမ်းခြောက်သံတစ်စက အဲဒီမိန်းမရဲ့ နားထဲကို ချော်ရည်ပူတွေလို စီးဝင်လာခဲ့ တယ်။  မတုံ့ပြန်စဖူး အဲဒီမိန်းမက အဲဒီခြိမ်းခြောက်သံကို အာခံတုံ့ပြန်လိုက်တယ်။

“မဟုတ်ဘူး ဘုရားသခင်က ကယ်တင်ခြင်းအရှင်သခင်၊ အဲဒါ ရှင်လုပ်တာ။ စိတ်နှလုံး တစ်လုံးတစ်ဝ ဆိုတာ ကျမ်းစာအုပ်ထဲမှာပဲ သေနေတဲ့စကားလုံး၊ ရှင်တို့ လက်တွေ့ကျကျ ဘယ်နှခါ မှီငြမ်းသုံးစွဲဖူးသလဲ၊ အဆုံးသတ်မှာတော့ ကျွန်မက ရှင်တို့အားလုံးရဲ့ အခန်းအပြင်ကလူ”

၁၃ ဂဏန်းဟာ ကံဆိုးမိုးမှောင်ကျခြင်းတွေကို ကိုယ်စားပြုနေသလား။ ၁၃ ဂဏန်းတစ်ခုရဲ့ ဖြားယောင်းမှုကို အောက်မှာ ငုပ်လျှိုးကွယ်ပျောက်နေခဲ့တဲ့ နှလုံးသားတစ်စုံကို အဲဒီမိန်းမက အဲဒီနေ့မှာ တူးဆွဖော်ထုတ်ပစ်လိုက်တယ်။ ၁၃ကြိမ်မြောက်နိုဝင်ဘာရဲ့ ၁၃ရက်မြောက် နေ့တစ်နေ့မှာ။

××××××

အဲဒီအခန်းထဲမှာ လက်တွေသေနေတဲ့ မိန်းမတစ်ယောက် (တစ်နည်းအားဖြင့်) အခန်းတံခါးကို ခြေထောက်တွေနဲ့ ဖွင့်ဖို့ ကြိုးစားနေတဲ့မိန်းမတစ်ယောက်ပေါ့။ လက်တွေရဲ့အကူအညီ တစ်စုံတစ်ရာ မပါလည်းပဲ ခြေထောက်တွေချည်း သက်သက်နဲ့ တံခါးတစ်ချပ်ကို အသေအချာဖွင့်လို့ရတယ်ဆိုတာ အဲဒီမိန်းမက မသေခင် သက်သေပြခဲ့မလို့။ အခုဆိုရင် အဲဒီမိန်းမဟာ လွတ်လပ်နေသေးတဲ့ ခြေထောက်တွေနဲ့ အဲဒီအခန်းရဲ့အပြင်ဘက်ကို ထွက်ခွင့်ရဖို့ ကျားကုပ်ကျားခဲ ကြိုးစားနေရဲ့။

နေစမ်းပါဦး စကားဖြတ်ပြီး ကျွန်မ မေးစမ်းပါရစေ…

နိုဝင်ဘာဟာ နှင်းကျဖို့ တာဝန်ယူထားတဲ့ ခပ်အေးအေး လလား၊ အခန်းအပြင်ဘက်မှာ နှင်းတွေ ကျနေပြီလား။ အဲဒီမိန်းမကရော အခန်းအပြင်ဘက်ဆီက ဘာကို မျှော်လင့်နေမှာလဲ။ လူယောက်ျား တစ်ယောက်ရဲ့ ဟန်ဆောင်ခြင်းကင်းတဲ့ ရယ်မောသံကို  ထာဝရကြားခွင့်ရဖို့လား၊ ပြီးတော့ အဲဒီလူယောက်ျားရဲ့အနားမှာ သူမရဲ့(၁၃နှစ်ကြာ စေ့ပိတ်နေခဲ့ရတဲ့) နှုတ်ခမ်းတစ်စုံကနေ ထာဝရ ချိုလွင်မယ့် ရယ်သံစစ်စစ်ကို အခန်းအပြင်ဘက်က လူယောက်ျားရဲ့ ရယ်သံနဲ့အတူ မြူးထူးစွာ ထုဆစ်ပစ်လိုက်ဖို့လား…..။။။

ကျွန်မ သေလုမျောပါး သိချင်တာက …

အခန်းအပြင်ဘက်ကို အဲဒီမိန်းမ တကယ်ပဲ ရောက်သွားမှာလား၊

တစ်နေ့သောအခါမှာ အင်မတန်ချိုလွင်တဲ့ရယ်မောသံတစ်စုံကို မိုးမြေတုန်ခါအောင် ကျွန်မ ကြားခွင့်ရမှာလား။

အဲဒီမိန်းမဟာ ဘယ်သူလဲ…..။

ကျွန်မလား၊ ရှင်လား၊ The Ledge ရုပ်ရှင်ကားထဲက ရှယ်နာ ဆိုတဲ့မိန်းမလား၊ ကျွန်မသူငယ်ချင်း စန္ဒာသူသူဝင်း လား၊ ဒါမှမဟုတ် တခြား………။