သေသပ်ကျန ကြံ့ခိုင်တဲ့ခန္ဓာကိုယ် ဖြစ်ချင်တယ်ဆို

ခန္ဓာကိုယ်အလေးချိန်ပိုကဲလာတာဟာ အိပ်စက်တဲ့အခါ တခေါခေါအသံတွေပြုပြီး ကျယ်ကျယ်လောင်လောင် ဟောက်တတ်သလို၊ အိပ်နေရင်း တခဏလေး အသက်ရှုရပ်တန့်တာမျိုးတွေ ဖြစ်တတ်ပါတယ်တဲ့။ ဝဖြိုးခြင်းဟာ အထွေထွေကျန်းမာရေး နဲ့ ကျန်းမာပျော်ရွှင်စွာနေထိုင်ရှင်သန်ရေးမှာ အဓိကလွှမ်းမိုးနေတတ်တယ်။ အလွန်အမင်းဝဖြိုးသူ ၅၀-၆၀ ရာခိုင်နှုန်းလောက်ဟာ အဲဒီလို အိပ်စက်ရင်းအသက်ရှုရပ်တန့်တာတွေဖြစ်ပွားနေကြတယ်။ တကယ်ဆို သင့်တင်တဲ့ အစားအသောက် နဲ့ လေ့ကျင့်ခန်းလေးတွေ နေ့စဉ်ပြုလုပ်သွားပေးရုံနဲ့ သွက်လက်ကျန်းမာတဲ့ဘဝနေထိုင်မှုရရှိနိုင်မှာပါ။ ကိုယ့်ရဲ့ တစ်နေ့တာအစားအသာက်နဲ့ လှုပ်ရှားမှုလေးတွေကို ဟန်ချက်ညီအောင် မပျက်မကွက် ထိန်းပေးသွားတာကအကောင်းဆုံးပါပဲ။ အစားအသောက် အလွန်အမင်းချိုးခြံဖို့ မလိုသလို၊ လေ့ကျင့်ခန်းတွေလည်းအလွန်အကျွံမပြုလုပ်သင့်ပါဘူး။ ဒါပေမဲ့ အစားအသောက်ထိန်းညှိတာရယ်၊ သင့်တင့်တဲ့လေ့ကျင့်ခန်းလေးတွေတော့ နေ့စဉ် မပျက်မကွက်ပြုလုပ်ဖို့လိုအပ်ပါတယ်။ နာမည်ကျော်တွေဟာ သူတို့ရဲ့ ကျစ်လစ်သေသပ်တဲ့ခန္ဓာကိုယ်ကို ပွဲနေပွဲထိုင်အခမ်းအနားတွေမှာ၊ ကမ်းခြေတွေမှာ လှလှပပ ပြသကြဖို့ အမြဲအသင့်ရှိနေကြတယ်။ သူတို့ရဲ့ အဆီပိုမရှိ သေသပ်လှပတဲ့ခန္ဓာကိုယ်တွေအတွက် အမြဲ ဝံ့ဝံ့ကြွားကြွားရှိနေတတ်ကြမြဲပေါ့။ သူတို့ရဲ့ ဝံ့ကြွားမှုနောက်ကွယ်က အစားအသောက်နဲ့ ကိုယ်လက်လှုပ်ရှားမှု၊ အားကစားလေ့ကျင့်ခန်းအတွက် ဘယ်လိုအားထုတ်မှုတွေရှိနေလဲ သူတို့ပြောတာကတော့

Beyoncé  Knowles

ဘီယွန်စ့်ဟာ ခန္ဓာကိုယ်အလေးချိန် အလျင်အမြန်တက်တတ်တဲ့သူမျိုးပါ။ “လေ့ကျင့်ခန်းမလုပ်ဘဲနေနိုင်တဲ့သူတွေထဲကမိန်းကလေးမျိုး မဟုတ်ပါဘူး။ ကျွန်မစားချင်တာ မစားနိုင်ဘူး။ ကျွန်မက အားကစားရုံမသွားနိုင်ပြန်ဘူး” လို့ ဝန်ခံထားတယ်။ ဒါဆို ဘီယွန့်ရဲ့ လှိူ့ဝှက်ချက်က ဘာတွေလဲ။

အစားအစာ - red meat ၊ ပေါင်မုန့် ၊ အရက် အဲဒါတွေ ရှောင်ပါတယ်။ သူမရဲ့ထုံးစံနေ့စဉ်အစားအစာက တော်တော်လေး လွယ်ကူပါတယ်။ မနက်စာမှာ cereal ပါတဲ့ မနက်စာ၊ နေ့လည်စာအတွက် sandwich နဲ့ ညစာအတွက်တော့ ငါးနဲ့ ဟင်းသီးဟင်းရွက်ပါတဲ့ အစားအစာပါ။

Diet 

မနက်စာ - ကြက်ဥအကာမွှေကြော်(အနှစ်ကိုဖယ်ပြီးကြော်ထားတဲ့ egg white omelet) 

နေ့လည်စာ - ထောပတ်သီး နဲ့ ဆလတ်စိမ်းစိမ်း၊ ပဲ (ဒါမှမဟုတ်) protein shake ၊ ကြက်ဆင်သားအလွှာ

ညစာ - ငါး(white) နဲ့ အသီးအရွက်ပြုတ်

သွားရေစာ - ကယ်လိုရီနည်းတဲ့ လတ်ဆတ်တဲ့အသီးအနှံ (ဒါမှမဟုတ်) ရှာလကာရည်၊ သံပုရာ၊ ငရုတ်ကောင်း၊ ငရုတ်သီးမှုန့်ပါ သခွားသီး၊ ဘယ်ရီသီး၊ ပန်းသီး၊

လေ့ကျင့်ခန်းနည်းပုံစံ - ဘီယွန့်စ်က ၅ မိနစ် Body Blast နည်းတွေလေ့ကျင့်ပါတယ်။

မိနစ် ၁ - (Jumping Plies) ဆောင့်ကြောင့်ထိုင်ထလေ့ကျင့်ခန်း၊ ဘီယွန့်စ်ကတော့ ခုန်ပေါက်ထိုင်ထနည်းလို့ဆိုတယ်။ ကိုယ့်ပုခုံးထက်အနည်းငယ်ပိုကျယ်အောင် ခြေထောက်တွေခွဲရပ်ပြီး ဒူးတွေကွေးညွှတ်ချ၊ ကြွက်သားတွေတင်းတင်းညှစ်ထားပါတယ်။ ကိုယ်ခန္ဓာအောက်ပိုင်း ဒူးညွှတ်ထားတဲ့အချိန် ပေါင်တွေက ကြမ်းပြင်နဲ့ရေပြင်ညီအနေအထားရှိဖို့ ဂရုစိုက်တယ်။ ပြီးတော့ ကိုယ်ကိုအဖြောင့်လေထဲကို ခုန်ပေါက်လိုက်တယ်။ ပထမအနေအထားအတိုင်း ပုံစံရောက်အောင်ပေါ့။ ပြီးတော့ နောက်ထပ် ထပ်လုပ်မယ်။ တစ်မိနစ်အတွင်း ရသလောက်ပါ။

(Reverse Lunges)

မိနစ် ၂ - (Reverse Lunges) ကိုယ်အပေါ်ပိုင်းမတ်မတ်ထားပြီး ဘယ်ခြေထောက်ကို ထောင့်မှန်အတိုင်းကွေးညွှတ်တဲ့အချိန် ညာခြေထောက်က နောက်ဘက်ကို အဖြောင့်အတိုင်းထားပြီး ဒူးကို ရသလောက် ကြမ်းပြင်ဆီနှိမ့်ချပါတယ်။ ကိုယ်နေဟန်ထားမှန်ကန်ဖို့ အရေးကြီးပါတယ်တဲ့။ အဲဒါကလည်း ၁ မိနစ်အတွင်း အကြိမ်ရသလောက်လုပ်ရမှာပါပဲ။

(Push-ups)

မိနစ် ၃ - (Push-ups) အပေါ်ကို မတင်တဲ့နည်းက လွယ်ကူရိုးရှင်းပေမယ့် ကိုယ်ခန္ဓာအစိတ်အပိုင်းအားလုံးအတွက်ထိရောက်ပါတယ်။ လက်နှစ်ဘက်ကို ခပ်ကျယ်ကျယ်ခွဲပြီး ကိုယ် မှောက်ရက်အနေအထားပင့်ယူရတာပါ။ ဒိုက်ထိုးနည်းပါပဲ။ ကိုယ်က ဖြောင့်တန်းနေဖို့အရေးကြီးပါတယ်။

 (Dips) 

မိနစ် ၄ - (Dips) ငုံလျှိုးတဲ့နည်းလို့နာမည်ပေးထားတဲ့လေ့ကျင့်ခန်းကတော့ ခိုင်ခံ့တဲ့ခုံတန်းကို နောက်မှီ လက်နှစ်ဘက်ကို နောက်ပြန်ထောက်၊ လက်တွေကို ပုခုံးထက်ကျယ်အောင် ခပ်ကျဲကျဲခွဲထားပြီး ကိုယ်ကို ကုလားထိုင်မှာ ထောင့်မှန်ထိုင်နေတဲ့ပုံကနေ ခုံတန်းမှာနောက်ပြန်ထောက်ထားတဲ့လက်ကို အားပြုပြီး ကိုယ်ကို အောက်ကို ငုံလျှိးနှိမ့်ချလိုက်တာပါ။

(Side Planks)

 

မိနစ် ၅ - (Side Planks) ပျဉ်ချပ်တစ်ချပ်လို ပုံပါအတိုင်း ဖြောင့်စင်းနေအောင် လက်တစ်ဖက်ကို အားပြုရပ်နေပြီး ဦးခေါင်းက အပေါ်ပိုင်းက လက်ဖဝါးကို ကြည့်နေရပါမယ်။  ခြေချောင်းကို ပုံပါအတိုင်း ရှေ့ဖက်ကိုဆွဲယူလိုက်တယ်။ ပြီးရင်တော့ နောက်တစ်ဖက်ပြောင်းပြီး ကိုယ်ကို အဖြောင့်ပုံစံကနေ ခြေထောက်ကွေးယူလိုက်တာပါပဲ။

Gwyneth Paltrow

ကျစ်လစ်ကျန်းမာတဲ့ဘုရင်မလို့ နာမည်ကြီးတဲ့သူပါ။ ကျန်းမာအောင်ဘယ်လို စားသောက်မလဲ ဆိုတဲ့ စာအုပ်လည်း ထုတ်ဝေထားပါတယ်။ ကျန်းမာဖို့ အစားအသောက်ထိန်းညှိနိုင်ပေမယ့် ဘီကီနီဝတ်စုံလေးနဲ့ နွေရာသီ ကမ်းခြေသွားချင်ခဲ့ရင်တော့ လေ့ကျင့်ခန်းလုပ်ဖို့လုပ်ပါပြီလို့ သူမက အကြံပေးပါတယ်။ အိမ်အနီးအနားက ပန်းခြံလောက် စိတ်ကူးရတဲ့အချိန်ပြေးတာမျိုးမဟုတ်ဘဲ နေ့တိုင်း ၂ နာရီခန့် ပင်ပင်ပမ်းပမ်းလေ့ကျင့်ခန်းယူမှ မင်းသမီးလိုလှပတဲ့ကိုယ်ခန္ဓာမျိုး ကျစ်လစ်သွယ်လျတဲ့ ကိုယ်ဟန်ရနိုင်မယ်လို့ ဆိုတယ်။ ၂ နာရီတောင် ယူရမယ့်အချိန်ဘယ်လိုစီမံရမလဲလို့ ဂွင်းန် ကို မေးရင်တော့ “မနက်ခင်းမှာ ပိုပြီး စောစောထရမှာပေါ့” လို့ဖြေပါလိမ့်မယ်။

သူမက အစားအသောက်ကြိုက်သလိုစားတယ်။ စားရတာကြိုက်ပါတယ် လို့ ဆိုတယ်။ ကံကောင်းတာကတော့ သူမရဲ့ ဝမ်းဗိုက်သားက အမြဲချပ်ချပ်ရပ်ရပ်ပဲ။ အစားများများစားရင်တောင်မှ ပိန်သွယ်တဲ့ကိုယ်ခန္ဓာလေးက ဖောင်းပွမလာပါဘူးတဲ့။ နှလုံးခုန်မြန်အောင်လှုပ်ရှားမှုပေးတဲ့ Cardio လေ့ကျင့်ခန်း အနည်းဆုံး တစ်နေ့ တစ်နာရီ ရက်သတ္တတစ်ပတ်မှာ ၄ ရက် ပြုလုပ်သင့်တယ်လို့ ဂွင်းနက်က ယုံကြည်ထားတယ်။ ဒါတောင်မှ ဘယ်လောက်များများစားသလဲဆိုတာမူတည်ပြီး လေ့ကျင့်ခန်းပိုတိုးပြီး လုပ်သင့်သေးသတဲ့။

နေ့တိုင်းတိကျတဲ့အချိန်၊ ကြာချိန်များများပေးပြီး လေ့ကျင့်ခန်းအားထုတ်ပြီးလုပ်သင့်ပါတယ်။ ကြွက်သားကျစ်ကျစ်လစ်လစ်ရှိနေချင်တဲ့ မိန်းကလေးတွေအတွက် ကိုယ့်အကြိုက်ပေါ်မှာမူတည်ပြီး အလေးပြားတွေနဲ့ ကစားနိုင်ပါတယ်တဲ့။ ဒါပေမဲ့ မိန်းကလေးတွေအတွက် ၃ ပေါင်ထက်ပိုတဲ့အလေးပြားတွေ အသုံးမပြုသင့်ပါဘူးလို့ ဆိုတယ်။ ကယ်လိုရီတွေလျှော့ချဖို့ ချွေးထွက်များတဲ့ လေ့ကျင့်ခန်တွေမှန်မှန်လုပ်ပါတယ်။

အစားအသောက်မှာ မနက်စောစော green tea မှန်မှန်သောက်တယ်။ မနက်စာအတွက် ပရိုတင်းပါတဲ့အစားအစာ၊ ကိုလက်စရော မပါဝင်တဲ့ (တိရိစ္ဆာန်မှထုတ်လုပ်တဲ့နို့မဟုတ်တဲ့) ဗာဒံသီးနို့၊ ဖြည့်စွက်အစားအစာ၊ ဘလူးဘယ်ရီသီးတွေ စားပါတယ်။ ဖျော်ရည်သောက်တယ်။ နေ့လည်စာအတွက် ကာဘိုဟိုက်ဒရိတ်-ကယ်လိုရီအနည်းငယ်ပါတဲ့အစားအစာမျိုးစားလေ့ရှိတယ်။ သူမရဲ့ စိတ်ကြိုက်အစားအစာက သံပုရာသီးညှစ်ထားတဲ့ ကြက်သားကင်ပါ။ ကြက်သားကင်ကို အသီးအရွက်ပြုတ်၊ အသီးအရွက်ဆလတ်နဲ့စားတတ်တယ်။ မနက်၊ နေ့လည်၊ ညစာ သုံးခုအကြား သွားရေစာကိုတော့ ကယ်လိုရီနည်းပြီး စွမ်းအင်လည်းဖြစ်စေဖို့စားသင့်တယ်။ အဲဒီအတွက် သူမအကြိုက်ဆုံးကတော့ ဗာဒံစေ့အစိမ်း၊ စပျစ်သီးခြောက်၊ အုန်းရည်၊ သံပုရာရည် ပြီးတော့ ရေများများသောက်တယ် လို့ ဆိုတယ်။ ညစာကို ကြက်ဆင်သားကိုက်လန်စွပ်ပြုတ်နည်းနည်းစားတယ်။ တတ်နိုင်သလောက် ကြော်လှော်ထားတာတွေရှောင်ပြီး လတ်ဆက်တဲ့အသီးအရွက်ပြုတ်မျိုး များများစားလေ့ရှိပါတယ်တဲ့။

ဂွင်းနက်က fast food တွေ၊ ချောကလက်တွေကို ကြိုက်တတ်တဲ့သူပါ။ သူမ ကိုယ့်ကိုယ်ကိုယ် စိတ်ထိခိုက်အောင်လုပ်လေ့မရှိဘူး။ အကြော်အလှော်၊ ကိတ်မုန့် နဲ့ တခြား တိုလီမိုလီအစားအစာတွေကို မက်မက်မောမောစားတာပါပဲ။ မျှမျှတတဖြစ်အောင်တော့ ဂရုစိုက်လေ့ရှိတယ်။ ကိုယ်သိပ်ကြိုက်တဲ့အစားအစာတွေနဲ့ ဝေးဝေးနေတာဟာ စိတ်ပိုင်းဆိုင်ရာထိခိုက်မှုရနိုင်တယ်။ စိတ်ဓါတ်ကျဆင်းမှု၊ ပူပန်သောကတွေဝင်တတ်တယ် လို့ ဂွင်းနက်က ယုံကြည်ထားပါတယ်။ ရံဖန်ရံခါ အဲဒီလို ကိုယ်သိပ်ကြိုက်တဲ့ အစားအစာမျိုးတွေစားပေးတာကလည်း ကိုယ်ခန္ဓာအတွက် အရေးကြီးပါတယ်တဲ့။

David  Beckham

ဒေးဗစ်ဘက်ခမ်းရဲ့ နေ့စဉ်အစားအစားမှာ ပါဝင်တာတွေက 

ကာဘိုဟိုက်ဒရိတ် - စုပေါင်းကာဘိုဟိုက်ဒရိတ် တိကျတဲ့ပမာဏနဲ့ နေ့စဉ်စားပါတယ်တဲ့။ လိမော်ဂေါ်ဖီ ပဲငါးပိမျိုး၊ ပန်းဂေါ်ဖီ၊ ဟင်းနုနွယ်နဲ့ တခြားဖြည့်စွက်အစားအစာတွေစားပါတယ်။ စုပေါင်းကာဘိုဟိုက်ဒရိတ်ဟာ ဘောလုံးကစားဖို့နဲ့ ဘောလုံးလေ့ကျင့်ခန်းတွေအတွက် လိုအပ်တဲ့ ခွန်အားကိုပေးပါတယ်။ Glycemic index အစားအစာတွေဖြစ်တဲ့ သကြား၊ ပြောင်းဖူးသကြားရည်၊ သကြားလုံး၊ စေးကပ်တဲ့သကြားလုံးချိုချိုတွေ၊ သကြား cereal, အသီးခြောက်တွေ၊ အာလူးကြော် chips၊ ဘီစကစ်ခရက်ကာ၊ ကိတ်၊ ကွတ်ကီး၊ ယို၊ အာလူးကြော်၊ အချိုကဲတဲ့ သနပ်၊ ဆလတ်မျိုးတွေ နဲ့ ပီဇာ တွေကို အထူးရှောင်ကြဉ်ပါတယ်။

ကျန်းမာရေးနဲ့ ညီတဲ့ fat - အအေးခံထားတဲ့ ဒိန်ချဉ်၊ သံလွင်ဆီတို့ဟာ healthy fat အရင်းအမြစ်တွေပါပဲ။ အဲဒါဟာ ဘောလုံးသမားတွေအတွက် အရေးကြီးတဲ့ အစားအစာပါ။ 

ပရိုတိန်း - ဒေးဗစ်ဘက်ခမ်းရဲ့ diet မှာ ပရိုတိန်းပမာဏများများပါဝင်တယ်။ အသား၊ ကြက်ဥ၊ နို့ထွက်အစားအစာ၊ အစေ့အဆံ စသဖြင့်ပါ။ ပရိုတင်းကြွယ်ဝတဲ့ အစားအစာဟာ ကြွက်သားတွေပြန်လည်ပြုပြင်ပေးဖို့ အကူအညီပေးကြတယ်။ 

သတ္ထုဓာတ် နဲ့ ဗီတာမင် - အစိမ်းရောင်ဟင်းသီးဟင်းရွက်၊ လတ်ဆတ်တဲ့အသီးအနှံဟာ သတ္ထုဓာတ် နဲ့ ဗီတာမင်တွေ ပေါကြွယ်ဝပါတယ်။ အဲဒါတွေဖြည့်တင်းတယ်။ ရေများများသောက်ရန်လည်း  အထူးဂရုစိုက်လေ့ရှိတယ်။

ဒေးဗစ်ဘက်ခမ်းရဲ့ လေ့ကျင့်ခန်းမှာတော့ အလေးပြားအသုံးပြုတဲ့လေ့ကျင့်ခန်းတွေ ခပ်များများပါဝင်တယ်။ ကိုယ်ခန္ဓာလေ့ကျင့်ခန်းအတွက် အလေးပြားတွေနဲ့ဆက်ပြီးလေ့ကျင့်နေသေးသလို လှုပ်ရှားမှုမြန်ဆန်စေမယ့်လေ့ကျင့်ခန်းမျိုးလည်းယူတယ်။ ကြွက်သားတွေကျုံ့ဆန့်၊ သန်မာစေတဲ့ အားကစားသမားတွေပြုလုပ်လေ့ရှိကြတဲ့ plyometric ခုန်ပေါက်ပြေးလွှားလေ့ကျင့်ခန်းပြုလုပ်ပါတယ်။ အဲဒီ လေ့ကျင့်ခန်းမျိုးဟာ အားကစားသမားတစ်ဦးအတွက် စွမ်းအားကောင်း၊ မြန်ဆန်သွက်လက်စေတယ်။ ကိုယ်ခန္ဓာက ကယ်လိုရီနဲ့ အဆီတွေကိုလည်းလျှော့ချပေးတယ်။ သွေးလည်ပတ်မှုအားကောင်းစေတဲ့ Cardio လေ့ကျင့်ခန်းမျိုးလည်း မဖြစ်မနေပြုလုပ်ပါတယ်။ ဘောလုံးသမားတစ်ဦးအတွက် မကြာခဏဖြစ်တတ်တဲ့ အဆစ်လွဲမှုတွေမှာ သွေးလည်ပတ်မှုအားကောင်းနေမှ ပျောက်ကင်းဖို့မြန်ဆန်စေတယ်။ တာတိုပြေး၊ တန်းကျော်ခုန်၊ အပြေးလေ့ကျင့်ခန်းတွေဟာ ဘောလုံးသမားတစ်ဦးအတွက်လိုအပ်တဲ့လေ့ကျင့်ခန်းတွေပါပဲ။ အသက် ၃၀ နောက်ပိုင်းကနေစပြီး ပုံမှန်လေ့ကျင့်ခန်း နဲ့ အစားအစာထိန်းညှိစားသောက်တာဟာ အသက်၎ဝအလွန်မှာ ဝဖြိုးလာတတ်တာကို ဟန့်တားစေတယ်လို့ သူကပြောပါတယ်။ တစ်နေ့လုံး သွက်လက်ပေါ့ပါးနေစေဖို့ အကောင်းဆုံးနည်းက အပြေးလေ့ကျင့်ဖို့ပါ တဲ့။

Dwayne Johnson

ကျောက်ဆောင်ကြီးတစ်ခုလို ခိုင်မာသန်စွမ်းလှတဲ့ Fast & Furious ရုပ်ရှင်ဇာတ်ကောင် Dwayne Johnson အတွက် ကိုယ်ခန္ဓာတည်ဆောက်တဲ့လေ့ကျင့်ခန်းတွေကို တစ်ပတ်မှာ ၆ ရက်လေ့ကျင့်ပါတယ်တဲ့။

တနင်္လာ၊ ဗုဒ္ဓဟူး နဲ့ သောကြာမှာ

ရင်ဘတ်၊ နောက်ကျော၊ လက်မောင်းကြွက်သား၊ ခြေသလုံးကြွက်သားအတွက် လေ့ကျင့်တယ်။ Cardio လေ့ကျင့်ခန်း ယူတဲ့အခါ ၅ မိနစ် သွေးပူလေ့ကျင့်ခန်း နဲ့ ၁၂ မိနစ် အပြင်းလေ့ကျင့်ပြီး နောက် ၅ မိနစ်မှာ ခပ်သာသာပြန်လျှော့လေ့ကျင့်တယ်။

အင်္ဂါ ၊ ကြာသပတေး နဲ့ စနေ

ပေါင်အရှေ့ကြွက်သားတွေ၊ တံကောက်ကြော၊ ပုခုံး နဲ့ လက်မောင်းရင်းနောက်ဘက် ကြွက်သားစိုင်တွေအတွက် လေ့ကျင့်တယ်။

ပြီးရင်တော့ Cardio လေ့ကျင့်ခန်းပါ။

ကျောက်ဆောင်ကြီး Dwayne ရဲ့ အစားအစာတွေကတော့

meal 1 - ကြက်ဥအကာမွှေကြော် ၄ လုံး၊ ကရင်မ်နဲ့ ဆန် ဒါမှမဟုတ် ယာဂု နို့ထမင်းမျိုး၊ ဆန်နဲ့လုပ်ထားတဲ့ကိတ်၊ ရေ ၂၄ အောင်စ သောက်တယ်။

meal 2 - အရေခွံမပါ ကြက်ရင်အုတ်အကင် ၆ အောင်စ၊ ပြောင်းကြမ်းတစ်ခွက်၊ ကန်စွန်းဥလို ဥမျိုး ၆ အောင်စ၊ ကညွတ်ပြုတ် ၁ ပန်းကန်၊ ရေ ၂၄ အောင်စ သောက်ပါတယ်။

meal 3 - တူနာငါး ၆ အောင်စ၊ ဆန်လုံးညို ၁ ပန်းကန်၊ သခွားသီး ၊ ရေ ၂၄ အောင်စ

meal 4 - ငါးအသားလွှာ ၆ အောင်စ၊ ဘာလီ ၁ ခွက်၊ အာလူးကင် ၆ အောင်စ၊ ပဲသီးစိမ်းပြုတ် ၁ ပန်းကန်၊ ရေ ၂၄ အောင်စ

meal 5 - ဝက်သား ၆ အောင်စ၊ ဆန်လုံးညို ၁ ပန်းကန်၊ အာလူးချို ၆ အောင်စ၊ ပဲ ၁ ပန်းကန် နဲ့ ရေ ၆ အောင်စ

meal 6 - ကြက်ဥအကာမွှေကြော် ၁၀ လုံး၊ ကရင်မ်နဲ့ ဆန်၊ နို့ထမင်း ၁ ပန်း၊ ရေ ၂၄ အောင်စ

အဲဒီ အစားအစာတွေကတော့ Dwayne ရဲ့ စားသောက်ပုံပါပဲ။

သေသပ်ကျနတဲ့ ကိုယ်ခန္ဓာ၊ ခိုင်မာသန်စွမ်းလှတဲ့ ကိုယ်ခန္ဓာပိုင်ရှင်တွေရဲ့ နေထိုင်စားသောက်မှု လှုပ်ရှားမှုစတိုင်လ်တွေကို လေ့လာကြည့်ရင်းနဲ့ ကိုယ့်စိတ်ကြိုက်ကိုယ်ခန္ဓာပုံစံမျိုး တည်ဆောက်နိုင်မယ်ဆိုရင်တော့ …

Ref : www.fitsugar.com , www.muscleandbrawn.com 

ဖြိုးဖြိုး
(Living Fashion Magazine, August, 2013)