စာဖတ်ခြင်းနှင့်အတူ

စာဖတ်ခြင်းရဲ့ အကျိုးကျေးဇူးတွေမှာ ချက်ချာပါးနပ်တယ်၊ ပိန်သွယ်တယ်၊ ကျန်းမာတယ်၊ အမြဲပျော်ရွှင်နေတော့တယ် ဆိုတဲ့ ကျန်းမာရေးအလှအပနဲ့ ဆိုင်တဲ့အချက်လေးတွေပါ ရှိနေတယ်ဆိုတော့ ပိုပြီးစိတ်ဝင်စားစရာပါပဲ။ စာဖတ်ခြင်းကို ချစ်မြတ်နိုးတာဟာ သင့်ရဲ့ ဦးနှောက်လေးကို အယ်လ်ဇိုင်းမားရောဂါမတိုက်ခိုက်နိုင်အောင် ကာကွယ်ထားနိုင်တယ်တဲ့။ ပူပင်ကြောင့်ကြစိတ်တွေကို လွင့်ပါးစေတယ်။ အကောင်းမြင်စိတ်ထားနိုင်အောင် တွန်းအားပေးတယ်။ မိတ်ဆွေသူငယ်ချင်းရင်းနှီးခင်မင်မှုတွေကို ခိုင်မာစေသေးတယ်။ စာတစ်အုပ်ကို ဖွင့် ပြီးတော့ ဖတ်လိုက်တဲ့ တခဏ သင့်ရဲ့ ဦးနှောက်နဲ့ ကိုယ်ခန္ဓာမှာ ရရှိသွားနိုင်တဲ့ အကျိုးကျေးဇူးလေးတွေ ကြည့်ရအောင်နော်။

စာဖတ်ခြင်းဟာ မှတ်ဥာဏ်အတွက် ကြွက်သားတွေပေးစွမ်းတယ်

စာဖတ်ခြင်းဟာ ရေဒီယိုနားထောင်တာ၊ တီဗီကြည့်တာထက် သင့်ရဲ့ဦးနှောက်အတွက် ကွဲပြားတဲ့ကာယလေ့ကျင့်ခန်းမျိုးပေးတယ်။ ဖတ်နေတဲ့ စာမျက်နှာတစ်ရွက်စာထဲ စိတ်ဝင်စားမှု ဘယ်လောက်ပဲ နက်ရှိုင်း/ လျော့ပါးနေပါစေ ဥပမာ ကော်ဖီဖျော်စက်မှာပါတဲ့ အညွှန်းစာသားတွေလေးတွေ ရိုးရိုးပဲ ဖတ်နေပါစေဦး "ဦးနှောက်ရဲ့ အစိတ်အပိုင်းတွေအားလုံးဟာ စာဖတ်ခြင်းနဲ့ဆက်စပ်ပြီး အမြင်၊ ဘာသာစကား နဲ့ ဆက်စပ်နေတဲ့လေ့လာသင်ကြားမှုအလုပ်တွေအားလုံးမှာ ပါဝင်လုပ်ဆောင်နေကြတယ်။ အဲဒါ အင်မတန် စိတ်ဝင်စားဖို့ကောင်းတဲ့စိန်ခေါ်မှုပါ" လို့ Haskins Laboratories သုတေသန ဒါရိုက်တာ ဒေါက်တာ Ken Pugh က Oprah မဂ္ဂဇင်းမှာဖြေကြားခဲ့ပါတယ်။ စာဖတ်ခြင်းအလေ့အကျင့်ဟာ သင့်ရဲ့ဦးနှောက်ရဲ့ အတွေးနဲ့ အာရုံစုစည်းနိုင်မှုကို လှုံ့ဆော်ပေးပါတယ် တဲ့

စာဖတ်ခြင်းဟာ ကာယလေ့ကျင့်ခန်းလိုပဲ စွမ်းအားပေးနိုင်တယ်

လေဒီဂါဂါရဲ့ single အသစ် ဒါမှမဟုတ် Real Housewives ဇာတ်လမ်းတွဲတွေလိုပဲ စာအုပ်တွေဟာလည်း ကာယလေ့ကျင့်ခန်းလုပ်နေတဲ့အချိန်မှာ  အကောင်းဆုံးအပေါင်းအသင်းပါပဲ။ စိတ်ဝင်စားဖွယ်ကောင်းလှတဲ့ စာအုပ်ထဲက အခန်းတစ်ခန်းဟာ အပြေးလေ့ကျင့်စက်ပေါ်မှာ အချိန်ကြာကြာလေ့ကျင့်ဖို့ ဖမ်းစားထားနိုင်တယ်လို့ Weight Watchers မဂ္ဂဇင်းကဖော်ပြပါတယ်။ Auburn University မှ ဇီဝကမ္မလေ့ကျင့်ခန်း ပရော်ဖက်ဆာ ဒေါက်တာ Michele Olson က မဂ္ဂဇင်းမှာပြောထားတယ်။ လည်ပင်း/ ပခုံးနာကျင်မှုတွေကို ရှောင်ကြဉ်ဖို့ကတော့ စက်မှာပါတဲ့ စာအုပ်ချိတ်တဲ့ stand လေးကို အသုံးပြုသင့်တယ်။ အဲဒီ book ledge လေးမှာ စာအုပ်ကိုချိတ်ထားပြီး လေ့ကျင့်ခန်းယူရင်း စာအုပ်ဖတ်နိုင်တယ်။ လေ့ကျင့်ခန်းယူချိန်မှာ ပခုံးတွေကိုဝိုင်းပတ်ပြီး မလှုပ်ရှားဘဲ အလိုက်သင့်အပြေးလေ့ကျင့်ရင်း စာအုပ်ဖတ်နိုင်တယ် လို့ ဆိုတာပါ။

စာဖတ်ခြင်းဟာ ဦးနှောက်ကို နုပျိုစေတယ်

စာအုပ်ကောင်းတစ်အုပ်ကို တူးဆွဖတ်ရှုခြင်းဟာ သင့်ရဲ့ စိတ်ကို နုပျိုစေနိုင်တာ အသေအချာပါ လို့ Rush University Medical စင်တာမှပြုလုပ်ခဲ့တဲ့ လတ်တလောလေ့လာချက်တစ်ရပ်မှာ ဖော်ပြထားပါတယ်။ လူကြီးတွေဟာ အကျပိုင်းအရွယ်မှာ စာဖတ်ခြင်းလို ဖန်တီးတီထွင်နိုင်စွမ်းနဲ့ အသိဥာဏ်ဆိုင်ရာလှုပ်ရှားမှုတွေပြုလုပ်နေသေးရင် အဲဒီလိုအလေ့အကျင့်မရှိကြတဲ့လူကြီးတွေထက် သက်ကြီးပိုင်းပြဿနာမျိုး(သိမြင်နိုင်စွမ်းငြင်းဆန်မှုနှုန်း) ၃၂ရာခိုင်နှုန်းနှေးကွေးစေတယ်။ သိမြင်နိုင်စွမ်းဆက်လက်မြင့်မားနေနိုင်တဲ့သဘောပါ။ "သက်ကြီးပိုင်းမှာပေးကြတဲ့ အာရုံကြောဆိုင်ရာဆေးတွေထက် ဥာဏ်ထက်စေတဲ့အလေ့အကျင့်တွေဟာ ပိုပြီးအကျိုးကျေးဇူးများပါတယ်။ ဦးနှောက်ရဲ့လုပ်ငန်းတွေ သင့်တော်သလိုဆက်လက်ဆောင်ရွက်နေစေတယ်" လို့ Rush University Medical စင်တာမှ အာရုံကြောစိတ်ပညာဌာန ပရော်ဖက်ဆာ ဒေါက်တာ Robert S. Wilson က ပြောပါတယ်။ တခြားလတ်တလောလေ့လာမှုတစ်ခုမှာလည်း ပုံမှန် စာဖတ်တဲ့သူ၊၊ ဦးနှောက်/ စိတ်ပိုင်းဆိုင်ရာကစားနည်းလေးတွေကစားတဲ့ လူကြီးတွေဟာ အယ်လ်ဇိုင်းမားရောဂါသက်ရောက်မှု နည်းပါးစေတာ တွေ့ရှိထားတယ်လို့ ABC News မှာဖော်ပြခဲ့တယ်။

စာဖတ်ခြင်းဟာ စိတ်ဖိစီးမှုတွေကို ဝေးဝေးပြေးစေတယ်

ကောင်းတဲ့စာဖတ်ခြင်းဟာ Cortisol ဟော်မုန်းလို မကျန်းမာတဲ့စိတ်ဖိစီးစေတဲ့ဟော်မုန်းအဆင့်တွေကို လျှော့ချပေးတယ် လို့ Weight Watchers ရဲ့ မှတ်တမ်းမှာဖော်ပြထားပါတယ်။ British Study တစ်ခုမှာ စိတ်ဖိစီးမှုရှိနေတဲ့ သူတွေကို မိနစ်အနည်းငယ် အုပ်စုခွဲပြီး စာဖတ်ခိုင်းတယ်။ သီချင်းနားထောင်စေတယ်။ ဗီဒီယိုဂိမ်းကစားစေတယ်။ တခြားအုပ်စုနှစ်စုထက် စာဖတ်တဲ့သူတွေပါဝင်တဲ့အုပ်စုဟာ စိတ်ဖိစီးမှု ၆၇ ရာခိုင်နှုန်း လျော့ကျသွားစေခဲ့ပါတယ် တဲ့။

စာဖတ်ခြင်းဟာ ဝေါဟာရလည်း ကြွယ်ဝစေသေးတယ်

ကိုယ်လေ့လာသိရှိထားတဲ့ ဝေါဟာရတွေအားလုံးရဲ့ ၅ ရာခိုင်နှုန်းကနေ ၁၅ ရာခိုင်နှုန်းခန့်ဟာ စာဖတ်ခြင်းက သိရှိလာခဲ့တာပါ လို့ Scholastic မှတ်တမ်းတစ်ခုမှာ သုတေသနပညာရှင်တွေက ဖော်ပြထားတယ်။ အဲဒါက ကလေးတွေအတွက် အရေးကြီးပါတယ်။ သူတို့ဖတ်ရှုတဲ့ စာအုပ်တွေကနေ ဝေါဟာရတွေ တိုက်ရိုက်ရရှိလာခဲ့တာကြောင့်ပါ။

စာဖတ်ခြင်းဟာ စာနာနားလည်နိုင်စွမ်းတိုးတက်စေတယ်

ဘဝကို တွေးမြင်တဲ့ရှုထောင့်ပြောင်းလဲစေတယ်လို့ York University သုတေသနပညာရှင်တွေကပြောပါတယ်။ တခြားသူတွေရဲ့ ခံစားချက်တွေကို မျှဝေခံစားနိုင်စွမ်းမြင့်လာပြီး စိတ်ခွန်အားသန်မာလာစေတယ်။ Charlotte Brontë ရဲ့ Jane Eyre စာအုပ်နဲ့ ကမ္ဘာကြီးကို ဖတ်ရှုကြည့်လိုက်တာနဲ့ ဥပမာဆိုရရင် ယောင်းမရှိနေတဲ့ မိန်းကလေးတွေဆိုရင် အဲဒီယောင်းမလေးအပေါ် အမြင်ပြောင်းလဲသွားနိုင်တယ်။ သင့်ရဲ့ ယောင်းမအမြင်နဲ့ ဆက်စပ်ပြီး သူ့အပေါ် စာနာ နားလည်နိုင်ဖို့ ပိုပြီး လွယ်ကူသွားစေတာပေါ့။

စာဖတ်ခြင်းဟာ ဘဝရဲ့ ပန်းတိုင်တွေရဲ့ တွန်းအားပါ

အတားအဆီးတွေကို ဖြတ်ကျော်နိုင်ခဲ့သူတစ်ဦးအကြောင်း စာဖတ်ရတဲ့အခါ သင့်ရဲ့ ပန်းတိုင်ဆီအရောက်သွားနိုင်ဖို့ တက်ကြွသွားတတ်တယ် လို့ Ohio State University သုတေသနပညာရှင်တွေက ဆိုတယ်။ 

စာဖတ်ခြင်းဟာ ပိုပြီး အချိတ်အဆက်မိစေတယ်

စာဖတ်ခြင်းဟာ ကောင်းမွန်တာမှန်ပေမဲ့ စာအုပ်ကောင်းဖတ်ခြင်းကသာ ပိုလို့ကောင်းမွန်စေတယ်။ စာအုပ်ထဲကဇာတ်ကောင်တွေလို အပြင်မှာ ပုံတူပွားဖြစ်တဲ့အခါ တကယ့်ပြင်ပဘဝဆက်ဆံရေးမျိုးတွေ့ကြုံလာမယ်။ သင့်ရဲ့အာရုံခံစားမှု တိုးမြှင့်လာနိုင်မယ် လို့  University of Buffalo မှ စိတ်ကျန်းမာရေးပညာရှင်တွေက ဆိုတယ်။ ဥပမာ နယူးယောက်တိုင်းမ်စ်ရဲ့ အရောင်းရဆုံးစာရင်းဝင် ကိုယ်ရေးအတ္ထုပတ္တိစာအုပ်(အမေရိကန်စာရေးဆရာ John Grogan ရဲ့ Marley & Me : Life and Love with the World's Worst Dog) ကို ဖတ်ခဲ့ရင် ပန်းခြံတွေသွားတဲ့အခါ ခွေးပိုင်ရှင်တွေကို နားလည်သိကျွမ်းနိုင်ပြီး သူတို့နဲ့ အဖွဲ့ကျနိုင်တယ်။ သူတို့ရဲ့ အတွေ့အကြုံတွေကို ပြင်ပမှာ ကိုယ်တိုင် ပါဝင်စူးစမ်းချင်စိတ်ဖြစ်လာမှာပါပဲ။

စာဖတ်ခြင်းဟာ သင့်ရဲ့နေ့တွေကို တောက်ပလင်းလက်အောင်ဖန်တီးဦးမယ်

ဇာတ်သိမ်းခန်းကောင်းတဲ့ စာတစ်ပုဒ်ဆိုရင် သင့်ရဲ့ စိတ်ဝိညာဉ်ဟာ ကြည်နူးတက်ကြွနိုင်တယ်။ ဒါပေမဲ့ ကိုယ်ရွေးချယ်ဖတ်ရှုတဲ့ဝတ္ထုတွေဟာ အပြုသဘောဆောင်တဲ့အတွေးအမြင်ရင့်သန်ဖို့ ကြိုးပမ်းတဲ့စာမျိုး၊ သိမ်မွေ့တဲ့နည်းလမ်းတွေဖော်ပြထားတဲ့စာမျိုးကသာ သင့်ရဲ့နေ့တွေလင်းလက်စေမှာပါ။ ဝတ္ထုထဲက နွေးထွေးတဲ့အမှတ်ရစရာလေးတွေ ဥပမာ ကမ်းခြေတစ်ခုက ကစားပွဲလေးအကြောင်းရေးဖွဲ့ထားတဲ့အဖြစ်အပျက်လေးကို ပြန်ပြီး အမှတ်ရရင်း ကိုယ်တိုင် ကမ်းခြေသဲလွလွတွေပေါ်မှာ ဆော့ကစားနေသလို ပျော်ရွှင်သွားနိုင်တယ်။ စာအုပ်ကောင်း/ ဝတ္ထုကောင်းမဟုတ်ခဲ့ရင်တော့ သင့်ရဲ့နေ့တွေက အုံ့ဆိုင်းမှုန်မှိုင်းကုန်မှာပါပဲ။ စာအုပ်ကောင်းတွေ ရွေးချယ်တတ်ဖို့ကတော့ အရေးအကြီးဆုံးပါ။ အချိန်ဟာ အင်မတန်ကို နှမြောစရာကောင်းလွန်းလှတယ်။ စာအုပ်ကောင်းဖတ်ရှုပြီးတော့သာ အဖိုးတန်တဲ့အချိန်တွေအသုံးပြုလိုက်တာပဲ အထိုက်တန်ဆုံးပါ။

အရေးအကြီးဆုံးတစ်ခုလို့လည်း ပြောနိုင်ဦးမယ့် စာဖတ်ခြင်းဟာ သင်ပိုင်ဆိုင်တဲ့ငွေကို ချွေတာပေးတယ်

ဝတ္ထုစာအုပ်ပျမ်းမျှတန်ဖိုးဟာ e-book ဆိုရင် ၈ ဒေါ်လာ - paperback ဆိုရင် ၁၃ ဒေါ်လာကြားကုန်ကျနိုင်တယ်။ ဖတ်ရှုဖို့ ၆ နာရီခန့်အချိန်ယူရမယ်။ အဲဒီ ၆ နာရီစာအချိန်အတွက် ရုပ်ရှင်တချုို့၊ အပမ်းဖြေပန်းခြံတွေမှာ၊ ပြီးတော့ စားသောက်ဆိုင်တွေမှာ သွားစားကြည့်ကြမယ်ဆိုပါစို့။ အဲဒီလို နှိုင်းယှဉ်ကြည့်လိုက်ရင် စာဖတ်ခြင်းဟာ သင့်ရဲ့ ဒေါ်လာတွေကို အနည်းဆုံးပဲ ကုန်ကျစေတာသိသာစေတယ်။ 

ပြီးတော့ စာကြည့်တိုက်လေးတွေမှာ စာအုပ်တွေသွားရှာဖို့လည်း မမေ့လိုက်နဲ့နော်။ ။

Source : Benefits of Reading: Getting Smart, Thin, Healthy, Happy By Lauren Gelman | Reader's Digest

ဖြိုးဖြိုး